Ka Nupepa Kuokoa, Volume XXVIII, Number 46, 16 November 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA

NO KA MAKAHIKI $2.00, NO EONO MAHINA 1.00

KUIKE KA RULA

Paono, Novemaba 16, 1889

HAAWINA KULA SABATI

Hapaha Eha, Haawina a Dekemaba 8, 1889

Solomona me ke Aluwahine o Seba. i Na Lu 10:1 13.

Alohe ae la ke aluwahine o Seba i ke kaulana o Solomona, no ka inoa o Iehova.  hele mai la oia e h@@ iaia i na mea puhihihi.

 

2. Hele maila hou oia i Ierusalema me ka huakai nui loa. a me na kamelo i hauhali ana i na mea ala, a me na i haku makamae. a hiki mai ia 10 Solomona la, kamalipo mai la oia me ia i ia mea a pau iloko o kona naau.

 

3. Heakaka aku la o Solomona i na mea a pau ana i ninau mai ai, aohe mea kunana i ke alu, ana i hai ole aku ai iaia.

 

4. A ike ae ia ke aluwahine o Seba i ke akamai a pau o Solomona, a me ka hale ana i kukulu ai,

 

5. A me ka a@ o kona papaaina, a me ka noho ana o kana mau kauwa, a me ke ku ana mai o kona poe lawelawe, me ko lakou kahiko ana, a me kona poe lawe kiaha, a me kona alapii i pii ai oia i ka hale o Iehova. aole ae la he hanu iloko ona

 

6. A olelo ae la oia i ke alii, He olelo oiaio ka’u i lohe ai ma ko’u aina no kau mau hana a me kou akamai:

 

7. Aka, aole au i manaoiao ia mau olelo, a hiki mai nei au, a ike ko’u mau maka, aia hoi, aole no ka hapalua i haiia mai ia’u, ua kela aku kou akamai a me kou pomaikai mamua o ke kaulana a o i lohe ai.

 

8. Pomaikai kou poe kanaka, pomaikai kau poe kauwa, ka poe e ku mau ana ma kou alo, e hoolohe ana i kou akamai.

 

9. @ hoomaikai ia aku o Iehova kou Akua, ka mea i olioli mai ia oe e hoonoho iho ia oe ma ka nohoalii o ka Beraela.  no ko Iehova aloha mau ana i ka Iseraela, nolaila i hoolilo ai oia ia oe i alu e hooponopono, a e hana ma ka maikai.

 

10. Haawi ae la hoi ia wahine i ke alu i nookahi haneri me ka iwakalua talena rula, a me na mea ala he nui loa, a me na pohaku makamae, aole hiki hou mai ka nui loa o na mea ala me neia a ke aliiwahine o Seba i haawi mai ai ia Solomona ke alu,

 

11. A o na moku hoi o Hirama i lawe mai i ke gula mai Opera mai, ua lawe pu mai i na laau alemuga he nui loa, mai Opera mai, a me na pohaku makamae.

 

12. Hana iho la ke alii i na laau alemuga i mau kia no ka hale o Iehova, a no ka hale o ke alii, a me na hea, a me na pesaleteria no ka poe mele, aole hiki mai na laau alemuga e like me neia, aole hoi i ikeia a hiki i keia la.

 

13. A haawi aku la o Solomona ke alu i ke aliiwahine o Seba i kona makemake a pau, i kela mea i keia mea ana i noi mai ai. o kana ia i haawi aku ai iaia e like me ka lima o Solomona ke alu, alaila huli ia a hoi aku i kona aina iho,, oia me kana mau kauwa.

 

PAUKU GULA

I aku la, Heaha ko oukou manao no ka Mosia.  He mamo ia nawai?  I mai la lakou, Na Davida.  Mat. 12:42.

Manao Nul

Ka imi ana ia Iesu me kona aupuni.

NA HELUHELU LA.

Poakahi 1 Nalu 10:1-13, Poalua 1 Nalu 10:14-29, Poakolu Mat. 12:22-42, Poaha 2 Oihilii 8:1-18, Poalima 2 Oihilii 9:1-12, Poaono 2 Oihilii 9:13-29, Sabati Mat. 2:1-11.

 

Heaha ka Solomona hana nui?  Ehia makahiki ina ke kukulu ana i ka luakini?  Owai ka i hele aku e ike ia Solomon? 10.1 Oiai e noho hanohano ana o Solomona me ka waiwai nui, he ka olelo paipai iaia?  929 He kumu anei ko keia paipai ana?  Mat. 19 24:1  @im 69.10 Kana. 8 11 14.

 

I ka mea i imi ia.

 

Heaha ka i hai ia mai no ka naauao o Solomona?  10 23.  Ua kaulana anei?  10:24 Pehea ka iohe ana nona?  9 26-28 Nohea kona ike a me kona waiwai?  Aole anei e hiki iaia ke hoolaha nui aku no ke Akua oiaio?  Owai ka i oi mamua o Solomoma?

 

11.  Ka mea e imi ana. 1,2

 

Ua mamao aku anei ka aina o keia aliiwahine?  No keaha kona hele ana i Ierusalema?

 

Ina e hele ma kahi loihi e lohe no i na mea hoonaauao, aole anei e hoomanawanui e hele ma kahi e lohe ai i ka olelo maikai o ke ola?  Ua ao anei o Iesu no ia mea?  Mat. 12:42.  Pehea ka Solomona?  Sol 3:13 15; 47: 8 11.

 

111.  Ka loaa ana. 3-9.

 

Ma keaha i hoike aku ai o Solomona i kona naauao?  3 Ma keaha aku ka ike ana i kona naauao?  4.5:1 Na’lii 4 32 34.  Heaha kona hale alii?  1 Na ‘lii 7@ 14.  Ua ike ia anei ma ka luakini?  A ma kona nohoalii?  10:18-20.  Ua holomua anei ke kalepa?  p 11, 12, 1 Na’lii 9:26 28; 10:22.  Heaha no kona kaa kaua?  10:26-29.  Nui a nei ka poe e ukali mau ana iaia?  Heaha ka manao o ke aliiwahine i ka ike ana i keia mau mea a pau. p. 7.

 

Heaha ka Paulo olelo no Karisto?  1 Kor. 1:24-30.  Heaha ka luakini nani ana e kukulu nei?  Ep. 2:20 22.  Heaha ke kulanakauhale lua ole?  Hoike 21:10 27.  Heaha kehahi o kana mau hana?  Mat. 11:4-6.  Heaha ka waiwai e loaa ana iloko o Iesu?  Ep. 2:7; 3:8. 16-19.  Heaha ka Paulo olelo no keia?  Rom. 11:33; 1 Kor. 2:9.  Ke ole e ike kekahi i keia mau pomaikai nui o Karisto, ua hiki anei e hoike aku ia hai? 

 

IV. Na makana alii.  10-13.

 

Heaha ka ke aliiwahine i haawi ai ia Solomona?  2:10. Heaha ka makana a Solomona iaia?  Heaha ka Iesu i makemake ai?  Kom. @12:1; Oih. 20:35, 1 Kor. 16:2.  Heaha kana i haawi mai ia kakou?  Ep. 3:20; iloa. 3.1; 5:11; @lim. 6:17.

 

I.        Ua ao ia e imi nui i Iesu.  Makahi mamao no e hele ai i loaa.

II.     Ua oi aku ko Iesu ike a me kona mau pono i ko Solomona.  Na kakakou e imi aku.

III. O ka nui aole no i hoike ia.

IV. Ma ka huli ikaika ana i ka na auao oiaio, e makaukau auanei e apo aku.

V.     Pomaikai ka mea e noho pu ana me ka haipule naauao.

VI. Na Iesu e hoike mai i na mea paakiki.

VII.           Ua ae oluolu oia i na makana a kakou, ina ua haawi ia me ka naau.

VIII.        Ua oi loa aku na makana i loaa mai.  Aole mea e ae i hiki ke kala i na hewa, a e haawi mai ana i ka hauoli.  Nona mai ka ikaika a me na pono uhane apau.

 

NA EKALESIA.

Malalo o keia poo, e hoopuka mau aku ai makou i ka moolelo e pili ana i na Ekalesia a puni ka Pae Aina.  E kakau ina na mea ano nui, a e hoopuka ia aku no.

 

HOIKE KULA SABATI O HAWAII KOMOHANA.

I NA KULA SARATI A PAU O HAWAII

KOMOHANA:

Aloha oukou:

E malama ia ana ka hoike kaapuni o na Kula Sabati e like me na mea maa mau, a owau pu no me oukou ma na wahi a me na manawa malalo iho nei:

 

Nov. 24, 1889, hora 9:30 a.m. Kaohe a Milolii, hui ma Milolii.

Dec. 15, “      “          “          Makalawena a Kaupulehu, ma Makal.

Dec. 29 “         “          “          Honounou a Pukaana, hui ma Pukaana.

Jan. 5, 1890.    “          “          Kailua a Helani, hui ma Helani.

Jan. 12, “         “          “          Kohanaiki, hui mai me Kalaoa.

Jan. 26 “          “          “          Kona-waena a Napoopoo, ma Kepulu.

Feb. 2  “          “          9 “       Kiholo, Kapalaoa a Napuu, ma Kiholo.

Feb. 16            “          “          Waiohinu, a Puoaluu, ma Waiohina.

 

Ma keia, ke noi ia aku nei na Kula Sabati i komo ma keia papa kuhikuhi e hui mai me ka puuwai lokahi, a e hapai like i ka hana me ke aloha o kekahi i kekahi.

 

E malama ia no ka hoike hapaha o na Kula Sabati i kona manawa, a ina ua manao ia Kula Sabati e hoopanee i ka hoike hapaha a hui pu me ka hoike i hoolaha ia, alaila, ua pono no.

 

Nolaila, ke paipai aku nei au i na Kula Sabati i hoike ia maluna, e liuliu ia oukou iho no ka hana, a kau mai ka lei nani mae ole.

 

Imua’e, Imua’e, Aia no kou lei iluna, Imua’e.  Davida Alawa.

Kahu Kula Sabati Nui o Hawaii Ko mohana. 

Holualoa, N. Kona, Nov. 7, 1889.

 

 KA HOIKE NUI O NA KUI A SABATI O MAUI A ME MOLOKAI.  MA JAN 1, 1890. MA KA LUAKINI O WAINEE. MA LAHAINA.

Ma ke kauoha a ka Ahahui Kula Sabati Nui o na hono a Piilani, i akoakoa ai ma Wainee, Lahaina, ma Nov. 1, 1889, ua hooholoia:  E hoike hoi ana na Kula Sabati a pau o Maui a me Molokai., maloko o ka luakini o Wainee, ma Lahuna.  ke hiki aku ma ka la 10 Ianuari, A.D. 1890., nolaila, penei:

1. Apana o Molokai 2@ hora hana.
2. “          “ Maui kom. 1 “          “.
3. “          “Maui-waen. 1 “          “.
4. “          “ Makawao 1   “          “
5. “          “ Hana  !         “          “.

E liuliu e lawelawe, e hoomakaukau e hoomakaukau e na Kula Sabati a pau, e lokahi ka manao me ke aloha pu no, e hapai like no ke kea o Kristo.  L. W. P. Kanealii.  Kakauolelo.

Lahaina, Maui, Nov. 8, 1889.

 

HOOLE WAIONA.

(Na ka Ahahui W. C. T. U.)

Ma Kaleleonalani, oia hoi o “Ema Hale” ma Honolulu.

 

He halawai i kela me keia Poalima hora 7:30 o ke ahiahi.

 

He halawai Hoole Waiona, o ka Ahahui o ka Lipine Bolu o Honolulu.

 

Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule.  Pela no me na malihini mai na mokupuni e mai, e komo, a hui me makou ma keia hana kuonoono.  “No ke Akua a me ka Home, a me ka Aina Hanau”!

 

HOOLAHA KUMAU.

I ka Poaha auwina la, ma ka hora 2, e hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona, i kapa ia “Ka Bana o ka Manaolana,” iweana o na keiki o ke kulanakauhale o Honolulu nei.  Ke kono ia aku nei na keiki o ka aina makua, a me na keiki o na aina e, e hele mai.  E malama ia ana he wahi paina meaono me ka inu ti a me ka baukilima, ma ka Poaha hope o ka mahina.

 

IA WAI I LOAA AI O THEO MA KONA WAHI?

“O kona uku, he kanaka dala o ka mahina, a ina he opio maikai, e loaa ana iaia ka hookiekie ana me ke kanalua ole.”  Ke kamailio ohumu na luna ma na hale alahao, no ka mea, o keia wahi, ua nele; no ka mea, o ke keiki i hana maanei me ka hooikaika pono no hookahi makahiki, ua loaa iaia he wahi uku mahuahua no na dala he kanawalu o ka mahina.  “Nolaila, ke hilinai nei makou ia oe e koho i panihakahaka nona.”  He leta keia mai kekahi luna alanui hao mai; a ua pane mai kekahi loio:  “Aia ke keiki o kuu makamaka, o Urbon Starr, ua kamaili mai ka makuakane ia’u i hana.”  “Maikai, e lawe oe i ke keiki i ke keena oihana.”

 

I ko laua wa e kamailio pu ana, ua hoolohe pono o Theo Young, he keiki me ka naau kaumaha, he keiki lawelawe ma ia keena oihana, he hooikaika a hoomanawanui oia ma kana hana, aka ua piha kona naau me ka iini e loaa ona hana hou aku, a o ke keiki mua hoi ia a kona makuhine kanemake, a ua nui kona imi e kokua i kona makua nolaila, i kona lohe ana no na dala he 20 o ka mahina, ua hu ae la kona aloha i kona mama, a i ka wa a ka luna alahao i hoi ai, huli ae la ka loio ia Theo a pane aku la:  “E Theo, e hooponopono oe i kela mau pepa.  oiai, e kau leta ana au ia Mr. Star.”  Hana pono o Theo e like me ke kauoha, eia nae, aia ka makemake nui e hu ana ma kona puuwai, a hoopuka koke aku la oia i kana noi me ka leo haalulu:  “E ka haku, pehea kou manao?  eh hiki no paha ke loaa ia oe ke kau wahi hale uku haahaa ma na hale alahao?  no ka mea, aole au i nele i ka hooikaika pono ana ma ka hana i loaa ia’u, a mahope, e pii malie no au a loaa i wahi e like me Urbon Starr?”

 

“Pane mai la ka haku “ pehea la e hiki ai ia makou e hookuu aku i ka makou kauwa aloha, aka nae, aole au i hoole i keia, kou hana nui ana me ka haahaa o ka uku, a ma e ae ana o Urbon e komo ma kona hana, e hele pu kakou, a na’u no e noi i wahi hana nau.”  Ka hoomaikai nui ia ana o Theo e kona haku,  Ua hala he mau hora, aia o Urbon Starr a me Theo e noho ana ma ke keena, a o ka luna alahao, aia ou me ka loio e kamailio pu ana, i mai la ka luna alanui, “ke hoomaikai nei au ia oe no kou lawe ana mai ia Urbon maanei, he lana kuu manao nona, aka nae, e kamailio iki aku au ia oe no kekahi mea e pili ana i ka holopono ana o kana hana.  Ua like paha oia me ka opio au i hookuu ai no loko mai o keia hana, ua mau loa paha oia malaila?”  “Aole paha pela, ua manao au, aole paha i hoole loa oia.  Ma na la hope new year, ua kukulu ia na omole waina ma kona pakaukau a ua iou po @ me na h@@@  “E ka i mai ia u aka aole e hio@ i ko makou hoe e hoolimalima i ke kanaka o ia ao.  O ke kupaa ma ka hoole waiona. ma ke mea a makou i ninau mua au”.  “Pela, aka, aole ia he kanaka ona ana a ike oe iaia.  alaila, ua makemake paha oe iaia.”  “Aole, he makehewa kuu nani ana iaia.  no keia kumu.  O ke kanaka a makou i koho au i hoole waiona mai kona wa bebe mai.”  “Aina pela, ua hiki,”  “Aole e nele ana o Urbon no na wahi e loaa ai o ka hana.  Aloha. A koe keia “aia me a’i he wahi keiki maikai, a ua olelo aku au iaia e noi mai ia oe i hana nana, me keia mua aku, He keiki lawelawe ma kuu keena oihana, he keiki hoi i hiki ke hilinai ia. he hoopololei. he ikaika ma ka hana. he akamai ma ke kakau a me na mea helu.”

 

“Pehea ia ma ka hoole waiona?” 

 

“Ka Ua pololei loa oia malaila.  Ua hoohiki oia i kona wa liilii.  “aole oia e inu i ke kiaha mua.”  He makau oia i ke kulu wai hookahi.  Ua hoao kekahi mau keiki e ho inu iaia ma ke ano kolohe, eia nae aole i hiki.” 

 

“E hoouna mai iaia.”  wahi a ka loio; “ua makemake makou e kamailio pu me ia.”  Hoi mai o Theo i ke keena o ka loio me ka hulali o ka olioli ma kona maka, me ka hoike hauoli:

 

“Ua i mai lakou he kupono no au no ia wahi.  I aku au ia lakou, he kuhihewa paha keia, alaila, ua akaaka mai la lakou.  E ka haku, ua pono anei keia mau mea?  Aole anei i makemake o Urbon i wahi?”

 

“Ua maikai ia e Theo:  a eia ka”u, e oluolu mai oe e hoomanao ma keia mua aku ma e lilo oe i Peresidena no ka Hui Alahao mai poina oe ia’u, no ka mea, owau kou kokua:  na’u i hooholo pono kau mau hana i puka ae oe ma keia mua aku.”

 

Ua hana ia keia mau mea i kekahi mau makahiki aku nei, a he oiaio keia moolelo.  Ua loaa ia Theo he “1,500 o ka makahiki, me ke aloha a me ka hilinai ia e na mea a pau i kamaaina me ia; a o Urbon ua lilo oia i kanaka ona mau:  a ua hookaumaha oia i ka naau o kona mau makua.

 

Olelo o Theo i ka loio, “aole au i poina ia oe, he aie nui ko’u ia oe.”

 

“Aole pela, “ whai a ka loio, “ua aie oe i kela makamaka maikai ou; a eia kona inoa, o “Hoole Waiona.”

 

HE HOOMANAO NO REV. H. BINAMU.

E KE KUOKOA; ALOHA OE.

He mau makahiki i hala hope ae nei akahi no a hoolauna hou aku au ia oe ma keia leta, me ka mano piha i ka hauoli me ke aloha a’u e puana aku nei ia oe e ka makua, no ko oukou hapai ana mai nei i na hoomanao ana no?  ka la hanau o Rev. Hiram Binamu ma ke ano he keneturia no ka piha ana o hookahi haneri makahiki, nolaila, ma ko’u ano he hoahanau no ka ekalesia o Kipahulu, Maui-hikina nei, i hookomo ia e Rev. J. I. Gelina, ke kahu o ka Ekalesia o Makawao ma Keanae Koolau Maui nei, nolaila, ua ulu mai na hoomanao ana ia Rev. H. Binamu, Rev. Kakina, Rev. Wini ka poe hoi nana i lawe mai i ka lamaku o ke ola o na uhane o ka lahui o Hawaii nei ka olelo a ko kakou Haku Iesu Kristo ko kakou kalahala e ole ai na uhane, ua hoomukakaukau au i ke kakau ana i kekahi mau mea e pili ana ia Rev. H. Binamu, aka, ua kali au a puka mai ka haiolelo a kuu keiki ma ka hanau ana a ko maua mau makua, a maku no’u ma ka oihana Moi Lani hookahi maluna o keia honua, ka oihana laahia, maloko o ka nupepa Kuokoa, oia no o Rev. J. K. Iosepa ke keiki kupa a papa o ka makani Kaili Aloha o Kipahulu nei, he moopuna ponoi na Pine kekahi kahuna a Kamehameha I, ka mea nana i olelo aku i ke Alii Kamehmeha, e hoala i ka hale o ke Akua, oia ka heiau o Puukohola mauka o Kawaihae ma Hawaii, e huli ke alo i Tahiti a na Tahiti no e komo i Hawaii nei, ua ko ia olelo, a o kana moopuna ka mea nana i wehe aku la ka haiolelo Keneturia o ka Makua Rev. H. Binamu, ma kona la hanau Okatoba 30, 1889, ma Kawaiahao, a imua o ko kakou Moi Kalakaua a me ka Hooilina Moi o ke Kalaunu a me ke lehulehu.

 

I kuu nana ana i ka haiolelo a Rev. J. K. Iosepa mai ka mua a ka hope, ua nui no na mea ia komo ma ia haiolelo ana, a ua koe kekahi mau mea e pili ana i ka mea nona ka la hanau.  Ma keia pule ae, e hoike aku no au ma ka’u moolelo mai a Ioane Ii mai i make, a e hoopuka aku no au maloko o ke Kuokoa a me ke kanikau a Kaeleowaipio i haku ai no ka make ana o ka haku Iesu Kristo maluna o ka laau kea ma ka puu o Kalawai, he mea hauoli no ka mano o ka poe haipule oiano o keia mau pae aina nei ke ike ia mau manao, a he mau olelo waiwai nui a ka hanauna hou e noho nei iluna o aka pono a Binamu ma i lawe mai ai, ka mea i oi aku mamua o na kaao a makou e hoopuka nei maloko o na nupepa, ka me kaa ole o na alii a me ka lahui o Hawaii nei.  Moses Manu.

 

MA KE KAHUA MAI LEPERA

E ka Nupepa Kuokoa, Aloha oe.

 

Ma ke kakahiaka o k la 7 o Sept ko’u hiki ana mai ma ke kahua mai lepera. o ka h@@@ komo aku ai he hale hoahu ukana, e ku kekoke ana ma ka uwapo, a me kekahi lumi i hookaa wale ia e like me ka mea maa mau, no ke kahea inoa ana, a me ka ninau ana i ka nui o na makahiki.  A ma keia wahi no hoi e haawi ia mai ai na apana piu’a i kau ia na helu like ole. me ka olelo pa mai, e malama loa i keia, o kau paiai keia a me kau io hipi, o ka noho ana o keia aina, a ua ike io hoi au pela ka e loaa mai ai kahi ai a me kahi i a.

 

I ko’u puka ana aku i waho a nana ae la ma o a maanei, he nui na kanaka he poe mai wale no, a aohe no hoi he mai o kekahi poe.

 

O ka’u mea e hoomanao mau ai e like me ka ololo ia, e noho malie aole e hele ma o a maanei i ke anu, o pokole auanei na la, a pela io no, aole he oluolu kupono a ano maikai ke ea, i kekahi wa nui ka wela a anu no hoi i kekahi wa.

 

Nolaila, hu mai la ke aloha i ka aina hanau, a hoomanao ae la au i kela wahi mele ma ka aoao 69 o ka H.A.N.

 

Eia au ma kahi e - He wahi inoino nei - Pololi no a make wai – Aohe me aloha mai.  Cho.  Hoi mai hoi mai, Hoi mai no ano, Hoi mai hoi mai, Hoi mai no ano.

 

Ua holomua ka hana a ke Akua ma Kalaupapa nei iwaena o na mai, e like no me na hana mawaho, pela no keia, he hiaai nui hoi na kanaka ma ka hele ana i ka pule he nui na keiki a me na kaikamahine.

 

Ma ka la 23 o Okatoba i hiki mai ai ke Kahu Kula Sabati Nui o ka mokupuni o Molokai no ka hoike ana i keia mau kula.  Me ia pu mai ke kahu o ka ekalesia o Kaluaaha.  Ma keia la no hoi i hana ia ai ka palapal noi a keia mau ekalesia i ka Ahuhui Lunakahiko o na mokupuni o Maui e hoolilo ia S. Waiwaiole i kahu.

 

Ma ke Sabati Nov. 3, i koho pono ia ai na luna nui no keia Kula Sabati. penei:  P. Kalawaiaopuna, Kahu Kuia Sabati; J. Kuala, Hope; M. Kalepa Makaena, Kakauolelo; Solomona Kamahalo, Puuku.

 

Ka Ahahui Opiopio.

Maikai no na hana o keia ahahi, he wahine ka Peresidena a me kona hope.  O ka nui o na lala o keia ahahui ma ko’u ninau ana i ke kakauolelo, he 60 a oi, a eia na luna nui:  Mrs. Kaaua, Peresidena:  Mrs. Haka, hope; J.H. Imihia, Kakauolelo; Solomona Kamahalo, Puuku.

 

Ka Ahahui Upine Bolu.

Ke ku nei keia ahahui, he Peresidena me kona hope, Kakauolelo a me ka Puuku.  Aole no he nui loa o ka poe e hele nei i na halawai.  He malama mau lakou i na halawai i kela a me keia ahiahi Poalima.  A he mau komite no koho ia e like me na rula o ke kumukanawai.

 

Eia keia me a’u e hoike aku, he malama mau ia na halawai hookeai e like me ka olelo hooholo a ka Ahahui Nui o ka Pae Aina.  Kou oiaio, M. Kalepa Makaeua.

 

HAINA NANE.

O ka haina o kau nane e Jno. K. Kalaluhi i hoopuka ia maloko o ka nupepa “Kuokoa”, oia iho keia:  “Waikea Boy.”  Henry L. Kawewehi.  Nov. 11, 1889.

 

Eia ka haina o kau nane e Jno. K. Kalaluhi o Makaweli, Kauai, “Waikea Boy,” a o kou inoa ia.  O wau no me ka oiaio, D. W. Luha.  Kapalama, Nov. 11, 1889.

 

O ka haina o kau nane e Jno. K. Kalaluhi o ka Ja 9 o Nov. iho nei, me ka lana o ko’u manao e hooia mai ana oe, a oia keia:  “Waikea Boy.”  Me ka mahalo, D. H. Keawepoo.  Honolulu.  Nov. 12, 1889.

 

O ka haina o ka nane e Jno. K. Kahina, oia keia:  “Iiwimakapolena.”  Henry L. Kawewehi.  Nov. 11, 1889.

 

O kau nane e J. K. Kahiwa, eia mai ka haina, “Iiwimakapolena.”  E. M. David.  Aekai o Kuili, Nov. 11, 1889.

 

O kau nane e J. K. Kahiwa, eia mai ka haina, “Iiwimakapolena.”  Me ka mahalo, John S. Simeona (opio.)  Kunawai, Nov. 11, 1889.

 

O ka haina o kau nane e J. K. Kahiwa o ka la o iho nei, he manao ko’u e hooia mai ana oe, a oia iho keia, “Iiwimakapolena.”  Me ka mahalo.  D. H. Keawepoo.  Honolulu, Nov. 11, 1889.

 

O kau nane e J. K. Kahiwa o Waialua, Molokai, eia mai ka haina, “Iiwimakapolena.”  D. L. Luha.  Kapalama, Nov. 11, 1889.

 

(O keia mau haina a pau i hoike ia ae la maluna, ua kulike ia me ka haina i waiho ia mai ia makou.  O na haina no ka nane a J. S. K. Kalikolehuaimokaulele, aole i kulike ioe ka haina i waiho ia mai ia makou, nolaila, imi hou ia aku.)

 

KAKELA A ME KUKE

Halekuai nui o ka waiwai

E lia na pahiolo, koi hole,

ha na e, hoi ami a me liilii kila,

wili puaa rula, a puaau, kai o ea a io

ia ‘ai kaa kaa.  Pao hoopaa pula

 

pohaku hoana, kepa lei ilio, kao

la hao ilo, pahi, upa, palu umiumi,

kalapu, kope hula, pulupulu, oe pa @

lakala lina hao, ami, keeki, a me

 

KAULA OPU

Palau o na ano a pau,

Oo, ho, kopala, pe, kipi.

kua, hao kope, au ho a pe

a aku, kua bipi, lei bipi

kaula hao bipi, uwea

pa.  uwea keleawe, hao pilupiula,

kaa palala, ipuhao, ipu ia

 

PAPALAI MAKAU MEKE AHO

Ili wai, papa holoi, kopa ala, kaola,

kuaina, hu’akai, ehi wawae,

hulu pena, a pela aku.

Pena wali, kini nui a me liilii o na

ano’a pau, me ka pepa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe,

 

PENA HOOMALOO

a me aniani hale

Aila mahu, aila mikini, aila hamo

aila kaa, inika kamaa,

PAUDA. KUKAEPELE KIANA

 

HALE HANA LOLE NU

KE “PAIONIA O HONOLULU,”

HELU 17 ALANUI EMA, HONOLULU.

O ka mea nona ka ino malalo iho, ua makaukau oia e hoolawa ai@@ lehulehu me na aahu i maiau ia.  E loaa no ke kunikuhi no na ana ninau ae malaila.

 

PAPALE KEOKEO, PALEILI, AAHU MOEPO, &

E hana ia no na kauoha e like me ka makemake.  A o na kau @@ na mokupuni mai e hooko ia me ka eleu.  A. M. Mellis, 2202 @@@ Bele Telepone Helu 410.

 

B. F. EHLERS & CO., PAINAPA.

POE KUAI I NA ANO LOLE A PAU.

HELU 99 ALANUI PAPU- HONOLULU

Ua loaa mai nei, ma keia mokuahi Austaralia he mau @ wai ano hou loa, oia hoi:  No Kakinia, Kinamu, a me Kalakoa o kela a me keia ano.  Nolaila, e kuai makepono ana makou no na kumukuai haahaa loa.

 

Pahu Hale Leta 351.  Bele Telepone @@

KA AGENA OIHANA HAWAII.

NO. 68 ALANUI PAPU KIHI O ALANUI KALEPA, HONOLULU H@ HE AGENA OIHANA, A ME AGENA OHI DALA NO NA BILA A I @

 

KEENA OIHANA.

Na Waiwai paa – kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike @ na uku hoolimalima o na ano a pau.

Na Moraki e ae ia ma na ano waiwai apau.

Na pepa kuleana aina, e kakau a hooponopono ia me na Pepa a pau @ ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakanaka ola, Hale, a me na waiwai o na ano a pau i na Ahahui Pa@ hakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no ua Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

O na hana a pau a na makamaka e haawi mai ana no ka hooko aku i ke kauoha, e hoo@ no me ka eleu a me ka mikiala.

Agena Oihana Hawaii 2170 1yr. Mar.

 

PAUDA, UIKI IPUKUKUiO NA ANO HE NUI A LEHULEHU

LOLE MAKE PONO

@

Ahinahina, Kalakoa, Keokeo, Leponalo Hulumanu Uwe-wahine, Kui Humuhumu a me Ka Lopi.

NA ME PIULA

MIKINI HUMUHUMU

MIKINI A WHEELER A ME WILSON

MIKINI A WIILOX ME GIBBS

NA MIKINI A

REMINGTON

He nui loa na me hao me na o k@ ae o na ano a pau, aole hiki ke @ 12 aku, hewa i ka wai na maka kela.

Ke kuike e loaa me la ma @

KAKELA & KUKE

Laau Lapaau Kaulana Lo.

A Dr. Jayne,

Laau Hoomaemae KO@, Laau Hoopau Naio, @. Kunu, Penikila @@@

Paakai, Laau, Hoopaa Hi.

Me na Laau Hamo a P@e @

KAKELA & KUKE