Ka Nupepa Kuokoa, Volume XXVIII, Number 49, 7 December 1889 — KUAI LAIKINI AWA [ARTICLE]

KUAI LAIKINI AWA

Ma ke alo iho o Aliiolani Hale ine hinei, ua kuai ia ae na laikini awa ma ke kudala no ka makahiki 1890, a ua koho ia e na poe malalo iho : Honolulu : Helu I—J I Dowsett $590 Helu 2 —W H Cummings 590 Helu 3 —C Manaole 550 Koolaupoko : W P Wood $400 Koolauloa : W H Curnmings 110 Waialua : Kaiaikawaha 250 Ewa me Waianae : C B Maile 395 Huina n $2889 UA KOHOIA. O kekahi kanaka (iilib:Ui ma kainoa 0 Aberahama Linekona, a i noho loihi rna Hawaii nei no kekahi mau makahi ki i hala ae nei malalo d ke ao ana a Rev. H„ liin.imu, ua loaa mai nei ka lono, ua kohoia oia i Kiaaina no ka mokupuni o Kusaie, a nolaila, ma ka Hoku Ao i holo aku i ka Poalug nei, ua huli hoi aku oia no ke kahua hou o kana hana, e hoomalu i kona lahui ponoi ma kela mokupuni.

Oiai kona mau la loihi ma Hawaii nei, ua loaa iaia na hoonaauao kupono ia ana o ka olelo Bcritania, a he mea kanalua ole ke kupono o kona lilo ana i alakai no kona lahui mamua o kekahi kanaka e ae e noho la ma Kusaie.