Ka Nupepa Kuokoa, Volume XXVIII, Number 50, 14 December 1889 — Page 2
| This text was transcribed by: | Barbara Way |
| This work is dedicated to: | Hannah Spalding Gleason |
KE KILOHANA POOKELA NO KA LAHUI HAWAII.
MA KE KAUOHA.
Hoolaha Keena Kalaiaina
Ua Hoa kohu ia aku i keia la, o Mr. Wm. C A@h@o Honolulu, i Notari no ka Lehuldho o ka Apana Hookolokolo Kaapuni Ekahi o keia Aupuni.
L.A. Thurston,
Kuhina Kalaiaina.
Keena Kalaiaina
Novemaba 30, 1889 2262 3t
Ua hookohu ia aku i keai la o Mr. John C. Searle, i Agena Hooiaio Palapala Aelike no ka apana o Kau, mokupuni o Hawaii.
L.A. Thurston,
Kuhina Kalaiaina
Keena Kalaiaina, Nov. 29, 1889.
2261 3t
Ua hookohu ia i keia la o Mr. J. M. Camara, Jr o Honolulu, i Notari no ka Lehulehu, no ka Apana Hookolokolo, Ekahi o keia Aupuni.
L.A. Thurston,
Kuhina Kalaiaina
Keena Kalaiaina,
Nov 29, 1889 2261 3t
Ua hookohu ia aku i keia la, o Mr. Paul Isenberg, Jr. i hoa no ka Papa Nuna Holoholona no ka mokupuni o Oahu, ma kahi o E. R. Miles i waiho mai.
Eia na hoa o ka papa e ku nei i keia manawa:
A.R. Kowatt, V. S.
Lunanui Papa Nana.
Mr. J@o H. Brown.
Mr. Paul Isenberg, Jr.
I.A. THURSTON,
Kuhina Kalaiaina.
Keena Kalaiaina
Nov 22, 1889 2260 3t
NUPEP'A KUOKO'A
NO KA MAKAHIKI $9 00
NO EONO MAHINA 1.00
KUIKE KA RULA.
Ponono, Dekemaba 14, 1889
KE ALANUI PALI O NUUANU.
No na makahiki lehulehu wale i hala ae, ua lohe mau ia ka leo kahea o ka nuku o Nuuanu i ka ne hone mai, e i mai ana, eia no au me ko'u apulu o kela mau la i o wale, ke nee nei ke au holomua a ke hoaahu ia mai nei ka aina me na kipona hou o ka nani, aka, eia no au i kani o ka mamaka ia ua hele a awelu haunaku kahi aahu. A iloko no hoi o ia mau makahiki lehulehu, ua noho na Kau Ahaolelo, a ua nakeke kanikani aku la na tausani dala iloko o ka waihena o ka lehulehu, e i ana ana@ @no ka hana hou ana i ke alanui Pah o Nuuanu @ Pela i lohe mau ia'i ia leo i kela me keia Kau Ahaolelo aka, aole loa nae mea i hana ia, a ua heo aku la na @@@sani dala a mio aku la a nalo, a mau no ka waiho loihi ana a ka n@ku o Nuuanu e like me kona ano mau mai kahiko mai. A ua lohe mau ia no hoi ka leo o na makaainana o ke kulanakauhale nei a me ko na pah hulilua, e uwe mai ana i ke aupupah hulilua, e uwe mai ana i ke aupuni e hana ia ke alanui o Nuuanu, oiai, ua ike lakou i ka pilikia, aka, ua kulina pepeiao o na luna aupuni, a ua nana wale no lakou i ko lakou mau pono pilikino.
Aka, ua pueho a ua ala ka hiamoe o ua nuku la o Nuuanu, ua lohe ia na leo kaukau a ua ko na iini a kona moeuhane no na kau lehulehu o ka hiolani ana. Ua loaa he manawa e hooko ia ai na leo noi a na makaainana, a e hana pono ia'i hoi na dala a ka lehulehu. Malalo o na hookele ana a ko kakou Kahina Kalaiaina, mawaena o na ano hana nui lehulehu ana e hoolala nei no ka hooholomua ana i ke kulana o ka aina a me ka hoopomaikai ana i na makaainana, ua hoomaka ia @oko a kela mahina i hala, ka paeli ana a me ka eh ana i ke alanui hou o ka Pali o Nuuanu, a ke ike oe e ka mea heluhelu, e piha ana kou noonoo i ke kahaha a e mahalo ana hoi kou lunaikehala, no ka mea, aia ilaila na hoike no ka mea hiki ke hana ia e ke kanaka i ake e hana, aole hoi e like me na kuhina mua, ka hoonuinui kamailio wale iho no aohe hana.
Ua hoomaka ia keia alanui makai mai o ka nuku, o Kahaukomo paha ka inoa o ia wahi a holo aku la a eli ia'ku la ma ka aoao o ka nuku a poai ae la mawaho mai o kela mau kaola hao o ke alanui kahiko, a pela ka moe hele pio ana a kau maluna o kahi luawai kilo, a pela ka pii nee malie ana a kau maluna o na kiekiena a huli ke alo @ kamahele nana ia Kailua ma. a pela ka nawe hou ana me ke kikee a hoea ilalo me ka papu a nihinihi ole. Ua hoomaka ia malalo mai ma kahi e kokoke ana i ke alanui e hele ana i Kailua, a ke pii mai la ko lalo mana a ke iho aku nei hoi ko luna nei mana a hiki i kahi e hookui ai. Ke paa ke'a alanui, alaila, i ke kaona nei e kau ai maluna o ke kaa, aia ka pahu hopu ma kela aoao, ua pau ka hele ni@i ana, ua pau ke kupoupoo, a ua pau ke kau o ka weh i na aa helelei, he nani palanehe wale no keia me ka maikai.
Ua hele kino aku makou e ike i keia alanui hou, aka, no ka nui o ka ua a me ka makani, aole i pau pono i ka makaikai ia, aka, ua lawa no nae e ku ai ka mahalo a me ke kahaha. He mea ku i ka mahalo nui i ke Kuhina Kalaiaina, no kona hoala ana i keia haha nui i hoohemahema ia a i nana kee ia e na kuhina lehulehu i noho ma ia kulana, mai kona mau la kamalii mai, a i kon kanakamakua ana'e nei, ua hoea mai la kona manawa e lalau ai i ka hana, a hoike ae i kona poe hoamakaainana o ka pupuu hookahi, aohe mea hiki ole ke hana ia e ka manaopaa i ka hana a me ka noonoo kalaiaina loea a eleu. E lilo auanei keia alanui i kia hoomanao no ko kakou Kuhina Kalaiaina mikiala L. Kakina!
PAU KUHIHEWA
O ke kahua nui a ka poe e enemi pilikino nei i ke ano o ka lawelawe ia ana o ke Aupuni, oia no ka hana ole ia o na hemahema o ka aina, ka hoolawa ole ia o ka makemake o ka lehulehu a me ka hoopau ole ia o ko lakou mau pilikia. Ua noke mau keia poe i ka hookanikani i ka lakou mau pila, he leo hanehane wale no nae, aohe kahua a aohe kaona o ke mele. A i kumu e hooiaio ia ai ka hakuepa a me ka hoopunipuni imihala kohu ole o keia poe, ua hele aku makou e imi i na mea oiaio no na mea i hana ia a e hana ia nei malalo o na hookele ana a ko kakou Kuhina Kalaiaina, a ua loaa mai penei:
Na Hana Hou-Mokupuni o Kauai O kela uwapo ma Waimea, ua kamoe ia aku la, a aia i ke kai kahi i au ai; a ua kukulu ia he palekai, no ke pale ana aku i na poino e uhi ae ana maluna o ka waiwai o na makaainana. Ua wehe ia he alanui hou mai Hanapepe a hoea i kela huli ma Elele, nona ka lilo he $1,200. Ua kauoha ia a eia ae a hoea mai iloko o ka mahina o Feberuari, he uwapo kila nui no ke kukulu ana ma ka mahele palena mawaena o Lihue a me Koloa. E kukulu ia'ku ana he uwapo kila maluna o ka muli wai o Wailua, mawaena o Hanamaulu a me Keaha, o keia ka uwapo a ke kaikaina o Kikaha i hana ai, a i kuai ai hoi i ka aelike malalo o kekahi ano apekee, me ka hana kapulu ia. E kukulu ia aku ana h uwapo ma ka aoao komohana o Hanalei. O na alanui, ua hana ia a maikai, a ua wehe ia he mau alanui hou. Eia ae ma ke ala e hiki mai ai ianei na paipu no ka hoomoe ana i ka wai, a e loaa ana ia Kauai he oihana wai e like la me ko Honolulu nei.
O keia na mea i hana ia a e hana ia aku ana ma ka mokupuni o Kauai, a ke ninau nei makou-ua hoohemahema ia anei ka lehulehu? Ua nana ole ia anei ko lakou mau pono? Palaualelo na olelo wahahee a hakukole a ka poe kohokoho wale, a ke hoike ia aku ka mea oiaio, o ka hoka ka hopena. Aka e nee aku imua, aole i Kauai wale no ke Kuhina Kalaiaina, aka, eia iho -
Na Hana Hou ma ka Mokupuni o Oahu - E haaheo ana oe e ke keiki o ka Uakukalahale i ka malamalama o ke kapitala o kou aupuni ma na po i ke kukui uwila, ka mea i moeuhane mua ole ia, aole oia wale, aka, ke kokolo nei na uwea o ia uwila a hoea i na hale hana a me na home, o keia mau mea, ua hooliloia ma kahi o $40,000. Pehea hoi na luawai nui hou iho nei, i kukulu ia'i i wahi e pilikia ole ai ka lehulehu ke hoea mai na kau maloo o ka Makalii, a i lawa ai hoi ka Oihana Kinaiahi me ka wai i ka wa ulia pauahi. Aia kela luawai nui mauka aku o Hanaiakamalama, a e kokoke la i ka hale kukui uwila, he 22,000,000 kalani wai; aia kela luawai makai iho o Luakaha, he 7,000,000 kalani wai, a me ka luawai hou loa iho nei he 8,000,000 kalani wai. A o keia mau hana nui a pau, no ka pomaikai o ka lehulehu, ua hiki aku ma kahi o $20,000 ka lilo. Eia ae o hoea mai na paipu no ka hoomoe ana i ka wai mai uka mai o ke awawa o Makiki a hiki i ka luawai. A o kekahi hana nui i hooholo ia e ke Kuhina, aia a moe na paipu, alaila e kuai hou ia mai ana na apana aina i na makaainana, oia hoi na aina a ke aupuni i kuai iho nei. Eia ae a hoea mai na paipu no ka hoomahuahua aha i ka wai ma ka huli o Kapalema ma. Pehea hoi ke alanui poaipuni o Puowaina he palanehe wale no ia no ke kaa a kilohi ana i ka uluwehi o ke kaona. Aia ke alanui e moe la mai Kamoiliili a hoea i Kapiolani Paka, he nehe wale no ia na ka huila o ke kaa: a o ke alanui hoi o Pauoa ia alanui i koi loihi ia akahi no a loaa; a aia kela nani, o ke alanui aekai mai Kakaako aku a hiki i Waikiki, kokoke e paa. O na alanui lehulehu mai Kulaokahua a hoea i kahi kihi o ke kulanakauhale, ua ho@hwai ia; ua hoakea ia ke alahe'e Ha eahi mai alanui Rikeke a alanui Puowaina: pela ke alanui Alakea, mai alanui Beritania a Helekau@la; ua wehe ia he alanui hou mai hanui Nuuanu a Liliha, makai mai o ka uwapo a Maemae; ua wehe ia he alanui hou mai alanui Nuuanu a alanui Maunakea Hoakea ia o alanui Kalepa, a pela me alanui Papu. No ka mkahiki holookoa, ua eli mau ia iho nei ke awa, a ua palahalaha o Ainahou, kahi hoi e kukulu ia aku ai o ka hale makeke hou. Ua ana ia iho nei ka nuku o ke awa, a ua loaa na koho no ka eli ana a kanakolu kapuai hou iho ka hohonu. Hoonui ia ae nei ka halepaahao o Kawa; hana hou ia a hoonui ia ka Halemai Pupule; ku he kahua maluhia no na Lepera ma Kalihikai; weheia na alanui hou malaila, ma Kalaepohaku a ma Manoa. Ku he halepaahao me hookolokolo ma Hauula, Koolauloa; hana ia he mau uwapo hou; ku ae nei he hale uwinihepa nani no ka Hui Kaawai Helu 5 a na Pake; a wehe ia ke alanui hou o ka Pali o Nuuanu, a he nui wale aku na hana hou a me ka hookahua ia ana o na home mauka o Nuuanu, ma Maui, Hawaii, a pela aku.
A auhea ka hoohemahema? Auhea ka malama ole ia a ka pono me ka pomaika a ka aina? Aole anei keia o ka hana i ike ole ia i ke au o na hookele aupuni mamua aku nei? Pehea la i hiki ai i kekahi poe e kamailio makapo malalo o ka uhi o ka manao li@: He lapuwale ia mau ano hana ke hoike ia aku na mea oiaio. Aka, aole i pau, eia aku na mokupuni e ae, a keia pule ae hoomau aku.
Ma kekahi hoike a ka Agena o ka Papa Ola Mr. C. B. Renolo, ua hai ae oia i ka make ana o kekahi ohana pilikia me ka loaa ole o na lapaau kupono no ka mai puupuu ulalii, koe na hana hoopunipuni mau ma ka aoao Hawaii a loaa he poino no ka ohana holookoa ma ke ano kuhihewa.
He minamina makou i ka hoomau o kahi poe i na ano hana o ke au pouli, ina aole i loaa ia kakou na lapaau manawalea ana mai ma ko ke aupuni aoao. Eia ka hale lapaau o ka Papa Ola ke kahea nei i na poe pilikia o na ano a pau e kipa aku, a e wa-hi ia mai ko lakou mau palapu i na manawa a pau. Ma keia e ike ia iho ai, aole i hoohemahema ia ke ola o ka lehulehu no ka lapaau ana, aka, o ke kanaka ka i hewa o ke kii ole ana i ka laau o ke ola no kona palekana.
Ma ka apana o Kapalama kai a ma Kaakopua, ua loaa kekahi mau ohana holokoa i keia mai ulalii, a ua make aku na keiki a me ka makuahine, a pakele mai ka makuakane iloko o @a welenia a me ke kaumaha, a o ka mea ehaeha loa i ko makou lohe ana, oia no na lilo e wa-hi ae ai i na kino me ka pahukupapau. Ma ka lokomaikai o kekahi poe i hoolawa ia ai ka mea e noho kaumaha ana me ia lako a hoomoe aku la i kona ohana iloko o ka opu o ka honua.
Ma keia wahi i ulu mai ai he ninau ia makou, auhea ka hoi na ahahui manawalea o kakou, no lakou na ahaaina i haawi ia, na fea, na ahamele, a pela wale aku, e nanamaka nei hoi i ke kaumaha luuluu a ilihune o ke koko o kou koko? Ua kaawale loa aku anei ka manawalea oiaio ana o ke aloha e like me keia hemahema i na ahahui mana walea a na Hawaii e ku nei i keia manawa? Ua manao makou, o ka hoala ia ana o na ahahui no ka haawi i na kokua i na poe iloko o ka popilikia o ka nele, he makia kaulana ia e hooi ia aku ai na leo mahalo o ka lehulehu holookea no ka manawalea.
LETA MAI NU IOKA MAI.
Ua loaa mai he leta ia makou mai a Kinimakalehua mai, e makaikai la i ke kulanakauhale nani o Nu Ioka, ua hai mai oia i kona kipa ana ma kekahi o na hale hana meaono nui o ia wahi, oia kahi o Henry Maillard, a ikemaka i ka hoomakaukau a me ka hana ia ana o ka mea inu kokoleka (chocolate), a he haawina hoi ia e ao ia ana o kekahi poe ma na hoomakaukau ana o keia hana hoowaiwai o ke ao nei ma ke ano lawelawe akea.
O na hoomanao ana no ka wehi olu mauna o Ahulimanu, aole ia i poina ia Kinimakalehua, ia wahi ana i noho ai a kamaaina. E loaa hou mai ana ia ka kou he leta mai iaia mai, ma kekahi mau wahi ana e kipa makaikai aku ai ke loaa ka manawa kupono.
Ma ka home o J. K. Naone i ke ahiahi Poaha nei ma Pauoa, ua hoohui ia ma ka berita o ka mare e Rev. H. H. Paleka, o Mr. Jas. Pohina o ka Bana, me Miss Debora Puhi, he haumana no ke kula hanai o Maunaolu. Ua kipa ae na hoaloha a hoonuu i na ono i hoomakaukau ia, a o makou kekahi i hoomanao pu ia mai me ke ala waianuhea o ka meaono mare. Ke noi nei makou i na Lani, e hoomau ia olua iloko o ka lokahi a hoohui mai i na hua o ka pomaikai.
Hoolaha Aha Kiekie.
Aha Hookolokolo Kiekie o ko Hawaii Pae Aina, ma ka hooponopono waiwai.
Ma ka hana o ka waiwai o Nacny Wirt, o Honolulu, Oahu, i make me ke kau@ha, ma ke keena, imua o Lunakanawai Makale.
Ma ke heluhelu a me ka waiho ia ana mai o ka papahoike a William O. Smith. ka Luna Hooko Kauoha o Nancy Wirt o Honolulu i make, e nui ana e ae ia ka huina o 2704.35. a o na mea i hou mai ma kona lima be $3376, e nana a ipono ia kela mau mea, a e hoihoi i ka waiwai i na poe i kuleana, a e hoo@@@ loa iaia a me kona mau hope ma ka noho ana ma ia ano.
Ua kauoha ia, o aa
POAHA, IANUARI 23, 1890,
ma ka hora 10 a.m. imua o ua Lunaka@ wai la ma ke keena, ma ka @umi hookolokolo o ia Aha ma Honolulu, oia kahi a me ka manawa no ka hoolohe ana i @ noi la me ka papa hoike, a malaila e hele mai na poe a pau i pili e hoike i ke kumu e ae ole ia ai ua noi la a me na poe kuleana ia waiwai.
Hana ia ma Honolulu. Dek. 12, 1889.
Na ka Aha:
ALFRED W. CARTER
Hope Kakauolelo Elua.
2263.3t
Aha Hookolokolo Kiekie o ko Hawaii Paeaina, ma ka hooponopono waiwati.
Ma ka hana o ka waiwai o John Gleason o Waiahole, Oahu, i make kauoha ole, imua o Lunakanawai Kiekie Judd.
Ma La heluhelu a me ka waiho ia ana u'ai o ka palapala noi a S. Cullen, kekahi hoaloha kokoke o Patrick Gleason, ke keiki hiapo a John Gleason i make, e noi ana ua make kauoha ole o John Gleason o Waiahole, Oahu, ma Waiahole, ma ka la 6 o Dekemaba, 1889, a ua waiho iho i hona hooilina hookahi he keiki hiapo o Patrick Gleason, e noi ana e hoopuka ia ka Palapala Lunahooponopono (no ka manawa a hiki i la wa e hookohu ia ai.)
Ua Lauoha ia, o La
POAHA, IANUARI 9, 1890,
oia ka la i koho ia no ka hoolohe ana i ua noi la imua o ka Lunakanawai ma ka @umi hooko lokolo o Leia Aha, ma Honolulu, ma ia manawa a ma ia wahi e hele mai ai na poe a pau i pili, e hoike mai i ke kumu e ae ole ia ai ua noi la. E hoopuka pu ia keia hoolaha no 3 pule, maloko a na nupepa Kuokoa me Hawaiian Gazette i paiia ma Honalulu.
Kakauia ma Honolulu, Dekemaba 9, 1889.
Na ka Aha:
ALFRED W. CARTER,
Hope Kakauolelo Elua.
2263-3t
AHA HOOKOLOKOLO KIEKIE O KO Hawaii Pae Aina. Ma ka hooponopono Waiwai. Ma ka hana o ka waiwai o PETERO W. WAHA, o Hookena, Hawaii, i make kauoha ole.
Ma la heluhelu a me ka waiho ia ana mai o ka papa hoike a Kaumu Waha w, o Hookena, Hawaii, e hai ana, ua make kauoha ole o Petero W. Waha o Hoakena, ma Hookena, i ka la 15 o Okatoba, 1889, a e noi ana e hoopuka ia ka Palapala Lunahooponopono iaia.
Ua kauoha ia, o ka
Poakahi, Dec. 23, 1889,
ma ka hora 10 a.m. imua o ka Lunakanawai ma ke Keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la, a o na poe a pau i pili, e hele mai a hoike i ke kumu, ina he kumu oiaio ko lakou e ae ole ia'i ua noi la.
Hanaia ma Honolulu, i keia la 2 o Dekemaba, 1889.
Na ka Aha: J. H. REIST,
Hope Kakauolelo.
2262 3t
(Poo Aupuni.)
Iloko o ka Ahahookolokolo Kiekie o ke Aupuni Hawaii: Kalakaua, ma ka Lokomaikai o ke Akua, o ko Hawaii Paeaina,, Moi: I ka Ilamuku o ke Aupuni, a i ole, i kona Hope, me ka mahalo:
Ke kauoha ia aku nei oe e kii aku a James Keau, ka mea i hoopiia, ina e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia e hele mai imua o ka Ahahookolokolo Kiekie ma ke kau o Okatoba e ua Aha la, e malama ia ana ma ke keena hookolokolo o ka hele hookolokolo ma Honolulu, mokupuni o Oahu, ma ka.
POAKAHI, OKATOBA 7, 1889,
e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Miriam Keau, ka mea hoopii, e like me ka mea i hoakaka ia paloko o kana palapala hoopii i pakui pu ia.
A e hoihoi mai oe i ka palapala kii me ka hoike piha o kau mau hana no ia mea.
Ikea e ka Mea Hanohano A. F. JUDD, Lunakanawai Nui o ko (@) Makou Aha Hookolokolo Kiekie, ma Honolulu, i keia la 20 o lune, M.H. 1889.
HENRY SMITH, Kakauolelo.
Ke hooia nei au, o ka mea maluna ae, he kope oiaio no ia o ka Palapala Kii ma keia hihia, a ua kauoha ua Aha la i keia ia, e hoolaha ia ia mea, a e hoopanee ia ka hihia a ke kau ae o lanuari e hiki mai ana.
Kakau ia ma Honolulu, Okatoba 7 M.H. 1889.
ALFRED W. CARTER
Hope Kakauolelo Elua.
2259 6t
AHA Hookolokolo Kiekie o ko Hawaii Pae Aina. Ma ka hooponopono waiwai. Ma ka hana o ka waiwai o Keliiahonui-Olelo kauoha e kohoia i la e hoopau ai i ka Palapala Kauoha.
O ka Palapala hoopii a Junius Kaae e noi ana o ka Palapala Kanoha i hana ia au o Keliiahonui i make, i hana ia ma ka la 16 o Feberuari A.D. 1855. e hoopau ia, a o ka mea noi, Junius Kaae, e lilo oia i lunahooponopono no ua waiwai la, ma ka la 22 o Novemaba, 1889, i waihoia mai imua o ua aha la.
Ua kauohaia, o ka
Poakahi, Feberuari 3, 1889, ma ka hora 10 a.m. o ka la i oleloia, ma ka rumi hookolokolo o keia Aha, ma Aliiolani Hale, Honolulu, Oahu, oia kahi a me ka manawa i koho ia no ka hoolohe ana i ua Palapala hoopii la, i olelo ia, a o na poe a pau i kuleana i ka waiwai o Keliiahonui i oleloia, e hoike mai ina he kumu io ko lakoa e koe ana no ka hoopuka ana i ka Palapala / Lnahooponopono Waiwai.
Hanaia ma Honolulu, Novemaba 22, A.D. 1889.
Na ka Aha:
ALFRED W CARTER
Hope Kakauolelo Elua.
2261-6t
Hoolaha Hou.
HUI LAKOHAO PAKIPIKA
KAUPALENAIA
Kihi Alanui Papu me Kalepa.
Ke kono ia aku nei ka lehulehu holookoa, na Lede maka palupalu a me na Keonimana o ke kulanakauhale ahi a hala loa aku i ko na mokupuni, e aui mai i na
WAIWAI MAKAMAE HOU!
--I KUPONO NO NA--
Makana La Kulaia a me Mare!
Na Lako Aniani o na ano a pau.
Na kiaha, na pa, na omole wai, a pela aku.
Na Kii Nunui Kauhale no na Home.
He mau kii i pai ia me ka noeau iloko o na waihooluu like ole, nona ke kumukuai haahaa loa, he $2.50
Na Ipukukui Kauhale Nani
O na ano a pau, mai ke nui a ka liilii.
Na Laau Kii, e hana ia ma ke kauoha.
Mamuli o ka wae akahele ia ana o keia mau waiwai, ua hiki loa ia mokou ke kaena ae, o ka
Helu Ekahi keia o na Waiwai Makamae i ike ia ma Hawaii nei.
2262 1y
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hanaia mawaena o Almira M Kahananui a me B H Kahananui, kana kane mare, o Makawao, Maui, o ka aoao mua, a me A J Cartwirght, o Honolulu, Oahu, o ka aoao elua, ma ka la 11 o Mei 1888, i kakau kope ia ma ka buke 107, aoao 480, a manuli o ka uhai ia ana o na kumu aelike o kela moraki, oia hoi ka hookaa ole ia o ka ukupanee, nolaila, ke hoolaha ia aku nei, e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas F Morgan, ma Honolulu, ma ka la.
23 o Dekemaba, 1889, hora 12 o ia la.
Aia ma kahi o W. @. Kakela na olelo hoakaka no keia mea.
Iianaia i keia la 25 o Novemaba, 1889.
A. J. CARTWRITHT.
Mea Moraki mai.
Penei na aina i moraki ia:
1 - O kela mau apana aina a pau ekolu e waiho la ma Makawao, Maui, I hoolilo ia i na mea i moraki ia ma ka palapala a E R Miles a me C B Miles i kope ia ma ka buke 81 aoao 324.
2 - A pela no hoi me kela hookahi hapalua o ka ukupanee i mahele ole ia iloko a me kela mau wahi ma Hamakualoa, Maui, oia o Keaalil-iki, nona ka ili o 88 eka, a me Keaalela nona ka ili o 98 eka, a i hoolilo ia aku hoi ua mau wahi la a pau ia Almira M Kahananui M@ ka Palapala Sila Nui (G) helu -
2261 - 4t
Hoolaha a ka Mea Paa
Moraki.
Ke noolahaia aku nei ma keia, i kulike ai ka mana kuai i hoikeia maloko o kekahi palapala moraki aina i hanaia ma ka la 10 o Novemaba, 1886, i hanaia e Napahoa a me Wailele kana kane o Honolulu, Oahu, ia Daniel Kuai, o Honolulu, Oahu, i oleloia, a i kopeia @ a ke Keena Kakau Kope, ma Honolulu, ma ka buke 101 ma na aoao 297 a me 298, a no ka uhai ia ana o na olelo aelike i hoikeia maloko o ua palapala moraki la, oia hoi ka uku ole ia ana o ke kumupaa a me ka ukupanee i ka wa e uku ia ai. Ke manao nei ka mea nona ka inoa malalo iho, e pani i ua moraki la, e kuai kudala akea ia aku ana mahope iho o ka pau ana o ka manawa i hoike ia ma ke kanawai, no ka uhai ia ana o na aelike e like me ia i hoike mua ia ae nei.
O ka waiwai i hoike ia ma ua palapala moraki la, penei no ia:
O kela apana aina a pau loa e waiho la ma Kailua, Oahu, oia ka apana aina i hoike ia ma ka Palapala Sila Nui Helu ---a Kuleana Helu ---- ma ka inoa o Kahaipuua, he 2 1@0-1000 Eka ka ili.
E hoomaka ma ke kihi hikina e hele ana ak. 54 kom i 570 kh. ma ka palena no Hapaimama, maliala aku hem. 43 1/2 kom. i 520 kh. ma ko Konohiki, malaila aku he 49 hik. i 380 kh. ma kahawai, malaila aku, ak. 43 hik. i 147 kh. ma kahawai malaila aku ak. 46 1/2 kom. 248 kh. ma ka palena Koele, malaila aku ak. 31 hik. 090 kh. malaila aku hem. 54 hik. i 280 kh. ma ka palena Koele. malaila a ku hem. 87 hik. i 280 kh. ma kahawai, malaila aku ak. 26 hik. i 090 kh. ma kahawai a hiki i ka hoomaka ana he 2 Eka 1 80-100 kh. huinaha.
DANIEL KUAI.
Mea Paa Moraki.
CHAS. CREIGHTON,
Loio no ka Mea Moraki.
Honolulu, Novemaba 25, 1889
2261 4t
Spelterine.
HE LAAU LAPAAU.
O keia kekahi o na laau lapaau maikai loa no na eha e pili ana i na ano holoholona a pau a me ke kanaka, a i apono ia hoi e kekahi mau ahahui ma Amerika a me na wahi e ae.
Ua makaukau makou e waiho aku i na hooiaio i na poe mahiko a me na poe malama lio maloko o keia aupuni me na hoomaikai.
HAWAIIAN BUSINESS AGENCY
Kihi o na alanui Papu a me Kalepa.
2257 3m
Hoolaha Hooko Moraki.
Mamuli o kekahi mana kuai i hoikeiama loko o kekahi palapala moraki i hanaia mawaena o John Kini me Mini Kini kana wahine mare, o Waikapu, Maui, o ka aoao mua F C Lowrey o Honolulu, Oahu, o ka aoao elua, ma ka la 10 o Feberuari, 188@, i kakau kope ia ma ka buke 92 aoao 455 a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku alaila, e hoolahaia aku ai na aina i h ikeia ma ia moraki no ke kudala ana, ma ke Keena Kudala o Jas F Morgan ma Honolulu, ma
Dekemaba 23, 1889
hora 12 o ia la.
Aia ma kahi o W. R. Kakela na olelo hoa kaka no keia mea.
Hanaia i keia la 25 o Novemaba, 1889.
F. C. LOWREY
Mea Moraki Mai.
Penei na aina e kudala ia ana:
O kela apana aina a pau loa e waiho la ma Punia, Waikapu, Maui, i hoike piha ia ma ka Palapala Sila Nui 3135 L.C.A. 3520 ia Keawe, nona ka ili 0 2 32-100 eka a i hooliloia aku ua mau waiwai la i oleloia i ka mea moraki ma ka palapala kauoha o Kuloloia, kaikamahine a o ka hooilina hookahi wale no o ka mea nona ka kuleana i oleloia, a i hookomo pono ia ua palapala kauoha la ma ke Kau Hookolokolo o ka Aha Kaapuni Apana Elua.
2261-4t
Hoolaha Hooko Moraki.
Mamuli o kekahi mana kuai i hoikeia malo ko o kekahi palapala moraki i hana ia mawaena o Huleka w., a me Hookano kana kane mare o Pelekunu, Molokai, o ka aoao mua, a me S W Wilcox o Lihue, Kauai, o ka aoao elua ma ka la 22 o Okatoba, 1884, i kakau kope ia ma ka buke 92, aoao 221, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee, no laila, ke hoolaha ia aku nei e ka mea nona ka aoao elua o ua moraki nei, e hooko ana @ ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina ia hoike ia ma ia moraki no ke kudala, ma ke keena kudala o Jas F Morgan ma Honolulu, ma ka la
23 o Dekemaba, 1889,
hora 12 o i ala.
Aia ma kahi o W. R. Kakela na olelo hoakaka no keia mea.
Hanaia i keia la 23 o Novemaba, 1889 -
S W Wilcox,
Mea Moraki Mai.
Penei n aina e kudala ia ana:
O kela mau wahi a pau loa malalo iho nei. penei:
1 - O kela mau wahi a pau i mahele ole ia o Huleka i oleloia ma Kainalu, Molokai, a i hoolilo ia aku ia Hu'eke ma kekahi palapala a Frank Thomas i kope ia ma ka buke 44 aoao 205 nona ka ili o 30 66-100 eka.
2- O kela mau wahi a pau i hoike ia maloko o ka Palapala Si'a Nui 6263 L.C.A. 6628, ia Niu, nona ka ili o 1 eka, 2 ruda, me 32 per., ma Kaiamiki, Pelekuna, Molokai.
2 --O kela mau wahi a pau i hoike ia maloko o ka Palapala Sila Nui 3531 L.C.A. 149@ ia Kaimu nona ka ili o 1 eka, 1034 anana ma Kumueli, Molokai, a oia no hoi kahi i hoolilo ia aku ia Hookano ma kekahi palapala a Kaainahuna i kopeia ma ka buke 81 aoao 225.
2261-4t
Hale Hoolimalima
He Hale Maikai
No ka noho ana a me ke akea, 1 @ nui me 2 @ liihi, he lanai a me ka rumi auau, rumi ai a helekuke e pili ana.
Aia ma ke alanui Kekaulike, ma kela aoao mai o alanui Hotele.
$10 no ka Mahina.
E ninau i ka hui
HAWAIIAN BUSINESS AGENCY
Kihi alanui Papu me Kalepa.
2257 3m
Kakela a me Kuke
HALEKUAI NUI O NA WAIWAI
E @@@ na pa@ioio, koi hoi2, @ a @@@, koi nui a me liilil, kila, wi@ p@aa, @@@, apuapu, kui o @@ a @@ ia a@, @a a kaa, @a@ hoopaa pu@a
pohaku @@ana, kepa, lei ilio, kauia hao ilio, pahi, upa, pahi umiumi, kalapu, kope @, palapala, o@pa ka lakala, lina hao, ami keehi, a me
----KAULA OPU ----
Palau o na ano a pau, Oo, ho, kopala, pe, kipi. kua, hao kope. au ho a pe a aku, kua bipi, lei bipi, kaula hao bipi, uwea pa, uwea keleawe, hao pili piula, kaa palala, ipuha o, ipu u
PA-PALAI MAKAU @@K@ AHO
Ili wai, papa holoi, kopa ala, kaula kuaina, hu'akai, ehi wawae, hulu pena, a pela aku.
Pena wali, kini nui a me liilii o na ano a pau, me ka pepa kuhi. kuhi, pena keokeo, aila pena, aila hoomaloo, vaniki kaa, a me vaniki moe,
PENA HOOMALOO
-a me anaiai hale -
AHA MAHO, AILA MIKINI, AILA HAMO AHA KAA, INIKA KAMAA.
PAUDA. KUKAEPELE KIANA
PAUDA. UIKI IPUKUKUI O NA
ANO HE NUI A LEHULEHU
Lole Makepono
_H aa aa-
AHINAHINA KALAKOA KEO
KEO. LEPONALO HULUMANU, UWE-WAHINE, KUI HUMUHU
MU A ME KA LOPI
NA MEA PIULA
Mikini Humuhumu
Makini A WHEELER a me WILSON
MIKINI A WIILOX ME GIBBS
NA MIKINI A
- REMINGTON -
He nui loa na mea hao me na ukana ae o na ano a pau, aole hiki ke hai paia aku, hewa i ka wai na maka ke ike
Ke @ @ @ @ ia @ @ @.
Kakela & Kuke
Laau Lapaau Kaulana Loi
A DR. JAYNE, LAAU HOOMAEMAE KOKO LAAU HOOPAU NAIO. LAAO KUNU, PENIKILA HUAALE PAAKAI, LAAU HOOPAA HI.
No na Laau Hamo a Pala'ku.
KAKELA & KUKE