Ka Nupepa Kuokoa, Volume XXIX, Number 1, 4 January 1890 — Page 2
| This text was transcribed by: | Andrea |
| This work is dedicated to: | No nā hanauna hou |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke kauoha
KUKALA
NO KE
KOHO BALOTA
I kulike ai me ke Kanawai Koho Balota o ke Aupuni, ke hoolaha ia aku nei ma keia, e malama ia ana ke kau
Koho Balota no na Alu a e na Lunamakaainana a puni ke Aupuni, mawaena o na hora 8 kakahiaka a 5 ahiahi,
o ka POAKOLU, FEBERUARI 5, 1890
O na Mahele Koho, na Apana, kahi e koho ai, a me na Luna Nana o ke Koho Balota, oia keia malalo nei:
MOKUPUNI O HAWAII
Mahele Ekahi-Hilo Hema
O Puna a me kela wahi a pau o Hilo Hema a ke awawa o Pukihai.
Apana Ekahi. O kela wahi o Puna mai Kau mai a hiki i Kehena.
Wahi koho, halekula o Kehena.
Luna Nana: J M Kauila, S H Haaheo, J Kahoomana.
Apana Elua, O kela wahi o Puna mai Kehena a hiki i ka palena o Hilo, a koe o Keaau me Olaa.
Wahi koho, hale hookolokolo o Pohoiki.
Luna Nana: J E Eldarts, W H Shipman, J N Kamoku.
Apana Ekolu. O na aina o Keaau a me Olaa ma Puna, a me kela wahi o Hilo mai ka palena mai o Puna a hiki i ke awawa
o Pukihai.
Wahi koho, hale hookolokolo o Hilo.
Luna Nana; F S Lyman, C C Kennedy, A B Loebenstein.
Mahele Elua-Hilo Waena.
Oia no kela wahi o Hilo mai ke awawa o Pukihai a ke awawa o Hakalau.
Apana Ekahi. Mai ke awawa o Pukihai a ke awawa o Honolii.
Wahi koho, halekula o Haaheo
Luna Nana:------
Apana Elua. Mai ke awawa o Honolii a Kawainui.
Wahi koho, halekula o Papaikou
Luna Nana: Geo Weight, D. Kamai.
Apana Ekolu. Mai Kawainui a hiki i Hakalau.
Wahi koho, halekula o Honomu.
Luna Nana: Jas A Low, B H Scholtzy, J Palau.
Mahele Ekolu--Hilo Akau
Oia no kela wahi o Hilo me Hamakua, mai ke awawa o Hakalau a ke awawa O Kalapahapuu ma Hanakua,
me ke komo pu ana o Kukaiau.
Apana Ekahi. Mai ke awawa Hakalau a ke awawa o Laupahoehoe me kela aoao mai o Hamakua.
Wahi koho, hale hookolokolo o Laupahoehoe.
Luna Nana: E W Barnard, D K Makuakane, J Lightfoot.
Apana Elua. Mai ke awawa Laupahoehoe a ke awawa Kalapahapuu.
Wahi koho, halekula o Kukaiau.
Luna Nana: Geo F Renton, R Horner, S Bolabola.
Mahele Eha--Hamakua.
Oia no kela mau wahi i koe iho o Hamakua me Kohala Hema.
Apana Ekahi. Mai ke awawa Kalapahapuu a ke awawa Kuaikahia.
Wahi koho, hale hookolokolo o Honokaa.
Luna Nana: R A Lyman, Nakipi.
Apana Elua. Mai ke awawa Kuaikahia a ka palena o Kohala.
Wahi koho, halekula o Kukuihaele.
Luna Nana: C Williams, W Horner, W A Mio
Apana Ekolu. Ka mahele o Kohala Hema.
Wahi koho, hale hookolokolo o Waimea.
Luna Nana: Paul Jarrett, Z Paakiki, W Fredenburg.
Mahele Elima--Kohala
Oia no kela wahi o Kohala Akau.
Wahi Koho, hale hookolokolo o Kohala.
Luna Nana: E C Bond, John Hink, J W Keolewa.
Mahele Eono--Kona
Oia no o Kona Akau me Kona Hema.
Apana Ekahi. Mai ka palena o Kohala Hema a hiki i na aina o Kealakehe.
Wahi Koho, halekula o Kalaoa.
Luna Nana: J W H Isaac Kihe, J W Kaihemakawalu, S W Kaumuloa.
Apana Elua. Mai Kealakehe a hiki i Kapalaaleaa.
Wahi koho, halepule o Holualoa.
Luna Nana: Jacob Coerper, Manuel Gouveia, E Kahulaniu.
Apana Ekolu. Mai Kapalaalaea, Kona Akau, a Keei, Kona Hema.
Wahi koho, halekula o Popopiia, Konawaena.
Luna Nana: H N Mack, M D, W W Johason, Chas Kaiaiki.
Apana Eha. Mai Keei a Honokaa.
Wahi koho, hale hookolokolo o Hookena.
Luna Nana: G Waiau, S M Kekoa, T K Robert Amalu.
Apana Elima. Mai Honokaa a ka palena o Kau
Wahi koho, halepule ma Papa.
Luna Nana: J W Kuaimoku, Joseph Holi, John R Smith, Jr.
Mahele Ehiku--Kau
Oia ka apana o Kau.
Apana Ekahi. Mai ka palena mai o Puna a hiki i ka aina o Ninole.
Wahi koho, halekula o Pahala.
Luna Nana: R Ziegler, Geo T Tomoteo, S Beke
Apana Elua. Ke koena o ka apana holookoa o Kau.
Wahi koho, hale hookolokolo o Waiohinu.
Luna Nana: J H S Martin, L R Macomber, Jno C Searle.
MOKUPUNI O MAUI, MOLOKAI, LANAI A ME KAHOOLAWE.
Mahele Ekahi--Molokai
Oia no ka Mokupuni o Molokai.
Apana Ekahi. O kela wahi o Molokai mai Kalawao a Kalaupana
Luna Nana: T E Evans, J Kahaulelio, J Kopena.
Apana Elua. O ke koena o ka Mokupuni o Molokai.
Wahi koho, hale hookolokolo o Pukoo.
Luna Nana: R W Meyer, D Kailua, W A Kukamana.
Mahele Elua--Lahaina.
Oia no o Lahaina, Kaanapali a me ka mokupuni o Lanai.
Apana Ekahi. Lahaina.
Wahi koho, hale hookolokolo o Lahaina.
Luna Nana: H Dickinson, D Kahaulelio, Wm Y Horner, Jr.
Apana Elua. Kaanapali.
Wahi koho, halepule o Honokohau.
Luna Nana: D H Kaialiilii, K Wahinehookae, G Kaahi.
Apana Ekolu. Mokupuni o Lanai.
Wahi koho, halekula o Kaohai.
Luna Nana: S Kahoohalahala, Michael Macfarlane, M Kealakaa.
Mahele Ekolu- -Wailuku Akau
O kela mau wahi a pau i Wailuku e waiho ana ma ka aoao akau mau ke awawa mai o Iao (ma ka aoao hema o ke
kahawai) a hiki i na puu one, alaila holo ma ke kualapa o na puu one a hiki i ka nuku o ka muliwai o Wailuku.
Wahi koho, ha;e holo hau.
Luna Nana: Albert Barnes, A N Kepoikai, R W Gill.
Mahele Eha--Wailuku Hema.
O keia mau wahi a pau o Wailuku e waiho la ma ka hema o ka Mahele Akau o Wailuku me ke komo pu ana mai o
Kahoolawe, a koe o Honuaula.
Apana Ekahi. O kela mau wahi i oleloia e waiho la mawaena o na puu one a me ke kuahiwi a me ka mokupuni o
Kahoolawe.
Wahi koho, hale hookolokolo o Wailuku.
Luna Nana: H G Treadway, E Bal, Geo Richardson.
Apana Elua. O ke koena iho o kela mau waho i Wailuku hema i oleloia.
Wahi koho, hale dute, ma Kahului,
Luna Nana: W F Mossman, G P Wilder, Geo Ross.
Mahele Elina--Makawao.
Oia no kela mau wahi a pau o Makawao e waiho la ma ka hema a me ke komohana o ke awawa o Halehaku a me Kula.
Apana Ekahi. O kela mau wahi a pau o ka Mahele i oleloia, o ia hoi o Kula a me kela mau wahi o Hamakuapoko e waiho la ma ka hema a me ke komohana o ke awawa o Maliko a me ka aoao mauka o ka laina e moe ana mawaenakonu o ke alanui a holo ma ka laina like mai Kaluanui a hiki i ka halepaahao o Makawao.
Wahi koho, hale hookolokolo o Makawao.
Luna Nana: E H Bailey, F W Hardy, Charles Copp.
Apana Elua. O ke koena o ka Mahele o Makawao.
Wahi koho, halekula o Hamakuapoko.
Luna Nana: C H Dickey, Peter Noa, J F Noble.
Mahele Eono--Hana.
Oia ke koena iho o na wahi koho o ka mokupuni i Maui, mai Honuaula a hiki i ke awawa o Halehaku.
Apana Ekahi. Mau Honuaula a hiki Kahikinui
Wahi koho, hale hookolokolo o Honuaula.
Luna Nana: M Kealoha, Charles A Buchanan, John Brown.
Apana Elua. Mai Kahikinui a hiki i Kipahulu.
Wahi koho, halekula o Kipahulu.
Luna Nana: Moke Manu, C Lake, P H Kauimakaole, Jr.
Apana Ekolu. Mai Kipahulu a hiki i Keanae.
Wahi koho, hale hookolokolo o Hana.
Luna Nana: F Wittrock, John E Lyons, Benj Kahoopai.
Apana Eha. Mai Keanae a hiki i Halehaku.
Wahi Koho, Keena o ka mahiko o Huelo
Luna Nana: John A Palmer, D Namaka, Charles Betts.
MOKUPUNI O OAHU.
Mahele Ekahi--Honolulu
O kela wahi o Honolulu e waiho la maka Hikina Hema o ka laina e holo pololei ana mai ka piko mai o ke kuahiwi
o Konahuanui, a ma ka lapa mauna mai e hookaawale ana i na awawa o Manoa me Makiki, mai Nuuanu a me ke awawa o Pauoa
a hiki i ka pahuhae kipu o Puowaina, holo aku a hiki i ka hookui o na alanui Kinau a me Alapai, mai laila aku a ke Alanui Moi,
mai laila aku a ke alanui Hema, a mai laila aku a howa i ke kai.
Apana Ekahi. O kela mau wahi a pau o ka Mahele i oleloia e waiho la ma ka hikina o alanui Punahou ma kekahi laina e holo ana mauka a me makai.
Wahi koho, pa mea kanu o ke Aupuni, ma ka hookui o na alanui Moi me Waikiki.
Luna Nana: E G Schuman, J Lucas, J M Camara.
Apana Elua. O kela mau wahi a pau o ka mahele i oleloia e waiho la ma ke komohana mai kekahi laina e holo pololei
la i ke alanui o Punahou.
Wahi koho, ma ka halekula o Alanui Beretania.
Luna Nana: Albert Lucas, G K Wilder, J A Magoon.
Mahele Elua--Honolulu.
O kela mau wahi a pau o Honolulu ma ka akau o ka Mahele Ekahi a ma loko o ka laina mai ka pahuhae kipu mai o
Puowaina a hiki i ka hookui o na alanui Kula me Ema, mai ke alanui Papu mai ke alanui Papu aku a hiki i ke alanui Beritania,
holo pololei a hiki i ka uwapo a Kamika, a mai laila aku holo pololei ma ke kahawai o Nuuanu a hiki i ke alanui Kula, a mai laila
aku a ke alanui Liliha, a mai laila aku a ke alanui Kauka, a mai laila aku a hiki i ka lapa mauna ma ka aoao akau komohana o ke awawa o Nuuanu, a mai laila aku a hiki i ka piko mauna i kapaia o Lanihuli.
Apana Ekahi. O kela mau wahi a pau o ka mahele i olelo ia e waiho la ma ka aoao mauka o alanui Kala a me Kauka a me ka aoao hikina o ke alanui Nuuanu.
Wahi koho, ma ka halekuai ma ke kihi o na alanui Nuuanu me Pauoa.
Luna Nana: A W Carter, H Noe Holt, M Keliiaa.
Apana Elua. O kela mau wahi a pau o ka mahele i oleloia e waiho la ma ka aoao makai o na alanui Kauka a me Kula a ma ke komohana o na alanui Nuuanu me Papu.
Wahi koho, ma ka hale elua ma ka aoao ma Ewa makai o ka uwapo o ke alanui Kula.
Luna Nana: Jona Shaw, T H Hobron, J P Iwa.
Mahele Ekolu--Honolulu.
O kela mau wahi o Honolulu e pili la me na mahele ekahi a me elua. o na alanui Alapai a me Hema ma ka aoao ma Waikiki. o ke alanui Kula mauka, o ke alanui Papu ma ka aoao ma Ewa mai ke alanui Kula a hiki i ke alanui Beritania, mai laila aku a hiki i ke kai.
Wahi koho, ma ka Halekula Alii
Luna Nana: F W Wundenburg, Jno M Viva, J Mahiai Kaneakua.
Apana Elua. O kela mau wahi a pau o ka mahele i oleloia e waiho la makai o ke alanui Beritania.
Wahi koho, Kapuaiwa Hale.
Luna Nana: Henry Smith, Barney Ordenstein, J A M Osorio.
Mahele Eha--Honolulu.
O kela mau wahi a pau o Honolulu, e waiho komohana nei ma ka Mahele Elua me Ekolu, nona keia mau palena: E hoomaka ana mai ke kai mai a pii ma Rikeke, mai laila aku a alanui Liliha, holo i kai i alanui Moi, mai laila aku ahiki i ka uwapo o ka muliwai Nuuanu, a he kai mai makai.
Apana Ekahi. O kela wahi a pau e waiho la ma ke komohana o alanui Nuuanu.
Wahi koho, Hale Kaawai Pake.
Luna Nana: F B McStocker, Saml Mahelona, C W Macfarlane.
Apana Elua. O kela mau wahi a pau e waiho la ma ka aoao hikina o alanui Nuuanu.
Wahi koho, Hale Kaawai Helu 2.
Luna Nana: C T Rodgers, H W Auld, Porter.
Mahele Elima--Honolulu
O kela mau wahi o Honolulu e waiho la ma ka aoao Akau me Komohana o na Mahele
Elua me Eha.
Apana Ekahi. O kela mau wahi o ka Mahele e waiho Hikina nei ma ke alanui o ka awawa o Kalihi, a makau o alanui Moi.
Wahi koho,----
Luna Nana: Fred Turril, Marcus Colburn, J A Diaz.
Apana Elua. O kela mau wahi o ka Mahele e waiho nei ma ke Komohana o ke alanui o ke awawa o Kalihi, a ma ka aoao makai o alanui Moi.
Wahi koho, halekula Hoopololei.
Luna Nana, W L Wilcox, T A Lloyd, A Fernandez.
Mahele Eono--Koolau.
Oia ka apana o Koolaupoko.
Wahi koho, hale hookolokolo o Kaneohe.
Luna Nana: M Rose, A Kaulia, James Olds
Mahele Ehiku--Waialua.
Oia na apana o Koolauloa me Waialua.
Apana Ekahi. Waialua.
Wahi koho, hale hookolokolo o Waialua.
Luna Nana: Jas Donnelly, John Kaluhi, Jas Aylett.
Mahele Ewalu--Ewa.
Oia o Ewa me Waianae.
Apana Ekahi. Ewa.
Wahi koho, hale hookolokolo o Ewa.
Luna Nana: Alex J Campbell, Victor Kapule, L K Halualani.
Apana Elua. Waianae.
Wahi koho, hale hookolokolo o Waianae.
Luna Nana: John F Scott, J Kekahuna, Samuel Andrew.
MOKUPUNI O KAUAI ME NIIHAU
Mahele Ekahi--Waimea
Mai ka lae Puanaaiea me Kalaheo a i ka mokupuni o Niihau.
Apana Ekahi. Mai Kalaheo a hiki i Hanapepe.
Wahi koho, halekula o Eleele.
Luna Nana: Alex Mcbride, H C Norton, J Kaluna.
Apana Elua. O na wahi o kela Mahele i hoike mua ia, mai Hanapepe a kekahi laina e holo pololei ana i ke kuahiwi mai ke kai mai, a he 200 iwilei ma ke komohana o ka Mahiko o Waimea me kona mau apana.
Wahi koho, hale hookolokolo o Waimea.
Luna Nana: David Kua, E Kopke, C Borchgrerink.
Apana Ekolu O kela mau wahi o ka mahele i hoike ia, mai ka apana ekahi mai a i ka lae o Puanaaiea.
Wahi koho, halekula o Kekaha.
Luna Nana: T H Gibson, J Kamalenui, C B Hoffguard.
Apana Eha Mokupuni o Niihau.
Wahi koho, halekula.
Luna Nana: Geo S Gay, J B Kaomea, M W Keale.
Mahele Elua--Lihue.
E hoomaka ana mai Kaleheo a hiki i Hanamaulu.
Apana Ekahi. O Lihue.
Wahi koho, hale hookolokolo o Lihue.
Luna Nana, S W Wilcox, R W T Pervis, J Kala.
Apana Elua. O Koloa mai ka palena o Lihua, a komo na aina o Lawai.
Wahi koho, hale hookolokolo o Koloa.
Luna Nana: J K Burkett, J K Fralev, A K Mika.
Mahele Ekolu--Hanalei
O kela wahi mai Waialua mai a ka lae o Puanaaiea.
Apana Ekahi. O kela wahi mawaena o Waimea me ka muliwai o Kalihiwai.
Wahi koho, hale hookolokolo o Waiolii.
Luna Nana: C Krelling, J Kaaina, J C Long
Apana Elua. O kela wahi e hoomaka ana mai ka muliwai o Kalihiwai a hiki i ka aina o Papaa.
Wahi koho, halekula o Kilauea.
Luna Nana, H H Garsua, W B Srarkey, J B Alexander.
Apana Ekolu. O kela wahi mai Papaa mai a hiki i Wailua.
Wahi koho, hale hookolokolo o Kapaa.
Luna Nana R C Spalading, S Kai.
LORRIN A. TRUSTON.
Kuhina Kalaiaina.
Keena Kalaiaina,
Ianuari, 1890.
______________________________________________________________________________________________________
KE KONO ia aku nei ka nana ana mai o na poe a pau e noho Oihana nei no ke Aupuni, i ka Pauku 102 o ke Kanawai Koho Balota o 1888, a penei ka heluhelu ana:
PAUKU 102. O kela a me keia kanaka e paa ana i kekahi oihana hilinai ia, a oihana loaa paha malalo i ke Aupuni, e hana kini ana, a i ole, ma o kekahi mea okoa la, in a no ma ka uku a uku ole paha, ma ke ano he luna hooikaika, komite hooikaka paha, kupakako a kakauolelo paha, a i ole, ma kekahi ano hana e ae paha, a kokua ana paha i ke kono ia ana o kekahi mea, koe wale no ma kona ano koho balota, a hookomo ana paha i kona balota ponoi, e hoopai ia oia ma ka uku hoopai aole e oi aku mamua o hookahi haneri dala, a i ole, ma ka hoopaahao ma ka hana oolea, no kekahi manawa e oi ole ana mamua o eono malama,a i ole, ma ka hoopai dala a me ka hoopaahao pu no, aia i ka manao o ka Aha Hookolokolo he pono. A mawaho ae o ia mau hoopai i olelo ia ae la e hookahakaha koke ia ka noho oihana o ua kanaka la no na makahiki ekolu, o kekahi oihana malalo o ke aupuni, a me ke kuleana e koho balota ai, a e noho ai paha iloko o ka Ahaolelo. Aole nae e manao ia na haawina o keia Pauku ua pili i ka Aha Kuhina, ma ke ano e papa ana ia lakou aole e hoike ma ke akea a me ke ano malu paha, ma ka olelo waha a olelo hoakaka paha i kakau ia, i ke kahua hooponopono Aupuni a lakou i manao ai, a me ko lakou hooikaika ana paha e kokua mahope o ia mau manao.
L. A. THURSTON.
Kuhina Kalaiaina.
Keena Kalaiaina,
Dekemapa 26, 1889
2205 2t
______________________________________________________________________________________________________
NUPEPA KUOKOʻA
____________________________________________________________________________________________________________________________________________________________________________________________________________
NO KA MAKAHIKI--------------------------------------- $2.00
NO EONO MAHINA----------------------------------------1.00
KUIKE KA RULA
____________________________________________________________________________________________________________________________________________________________________________________________________________
KE KUOKOA NO 1890
____________
I keia la a makou e puka aku nei, o ia ka hoomaka ana o ko makou Buke hou iloko o na makahiki he iwakaluakumamaiwa o ke kaahele ana o ke KUOKOA ma keia mau haiaulu ma kana misiona o ka hoomalamalama i na home Hawaii, a oiai, he makahiki ano nui keia ma ko kakou moolelo o ka noho pili lahui ana, ke kalahea mua aku nei makou i ko makou mau poe heluhelu,--e hoomau aku ana no makou i ka lawelawe ana i ka hana me ka huai pau aku i na nuhou a pau e halawai mai ana ma ko makou alahele.
O ka ikaika hoohana o ka nupepa, aia kona holomua ma ko oukou aoao mai e na poe heluhelu i ka hookaa pololei ana mai i kona ola e puni ai o ka makahiki holookoa. Aka, iloko o ko makou hoomau ana i ka hana a me ka hoouna aku i na nupepa, he ku ke pai-la-bana-ka-haawe o na poe e noho aie nei i ka nupepa me na hana apakee a me na kali ana a mahope
No na põe i hoolele pau mai i ka lakou, aohe a makou mau olelo paipai ana no lakou, koe wale iho no ko makou haawi ana aku i na hoomaikai he nui wale no ka hooko pololei ana i ke ola o ka nupepa, a no lakou makou e pahola aku nei i ke aloha Hape Nuia o ka makahiki hou o 1890.
---------------------------------------
HALAWAI O KA APANA KOHO BALOTA HELU 3.
___________
Ma ka Poakahi, Dekemapa 30, ua malama ia ka halawai a ka poe kupono e koho balota o ka Apana Koho Helu Ekolu o ke kulanakauhale nei maloko o ka halepaikau Honolulu Raleta, a ua piha ka hale i na ano lahui like ole he lehulehu, a me ka poe kuonoono a maka hanohano o ka aina nei.
I ka hola 7:30 ua kahea ia ka halawai a koho ia o J. F Morgan i Luna-hoonalu no ka manawa.
Ma ke noi a Mr. E. G Schuman, ua hoolilo ia ka halawai i hui o ka poe kupono e koho balota o ka apana mahele ekolu, a ua koho ia i Komite nana e hooponopono i ka hoohui ana, o ia hoi o W F Allen, Julius Asch, J W Macdonald, J D Eckardt a me J Nalua.
Mahope o ka homaka ana no 15 minuke ua hoike mai la ke Komite he kumukanawai a me na inoa o na luna____
o J F Morgan, Peresidena, E G Schuman, Puuku me kakauolelo.
Heluhelu ia ke Kumukanawai ma ka olelo Beretania, olelo Hawaii a me ka olelo Pukiki. Mamua o ke noi ua apono ia ka hoike a ke Komite. Kohoia i Komite nana e nana ke kakau inoa ana o na hoa, a ua kakau inoa ihola he 32 lala.
A i ka pau ana o na kakau inoa ana a na lala, ua hoomaka na haiolelo, a o Hon. W.O. Kamika ka mua, a penei ke ano o kana mau olelo.
"I kupa wale mai nei no au ianei i keia po, aole hoi i hele makaukau mai e haiolelo. No ka apana helu e au. a kamailio pokole loa aku ana au imua o oukou. Ke makemake nei au i nā wahi a pau, e hapai i kou leo ma ka aoao kokua i ke kulana aupuni hoomaemae a me ka maikai, me ka nana ole. i ke ano o ke kanaka, ka hoomana a me ke kulana" (Mahalo nui ia.)
Ua kahea ia o W C Waila, a ua kamailio mai kela e paipai nui ana i ka lehulehu o ka aoao hoomaemae e kakoo lokahi a e kupaa i lanakila ai. Ua hoike ae kela, in a ua koho ia he paa balota maikai, alaila, e hana ana ka pono o na mea a pau.
Kahea ia o Rev W B Oleson, a ua kamailio mai oia ma kona ano mau, me ka nui o ka io o kona manao. Ua hoike ae oia, o kekahi o na hana nui e pono e nana ia, oia no ka hoopaa pono ana i ka inoa o ka poe kupono e koho balota, a me ka hoomaopopo ana i ka poe i loaa ka mana koho a me kona kula mana mea pili i ke aupuni. Ma kona manao, ua oi aku ka ikaika o ka poai hoomaemae i keia la mamua o kekahi manawa e ae i hala i loko o 12 mahina; ke lumai ia nei a nalo na kue pilikino, a ke hoomaopopo lea nei keia a me keia i kahi o ka hana a me na pono o ka aina, a ke rana aku nei he alo a he alo, a ua ike maoli i ka pono o ke kulana aupuni, maemae a maikai, a ua holo ko lakou manao e malama ia ia ano kulana aupuni, aole wale mawaena o na haole, aka, mawaena pu o na kanaka maoli. Ua paʻipaʻi nui ia kana mau olelo.
I ka pau ana o kana mau olelo, ua ku mai la o Wm. B Orderstein, a hoike mai la i kona manao e kupaa ma ka aoao hoomaemae. Aole ia i noho alii, aole hoi i noho oihana aupuni, a aole no on a iini no ia mau kulana, aka aia kona iini ma ka aoao aupuni maikai no na mea a pau, a ua apono nui kona lunaikehala i ke kahua kumuhana a ke aupuni i hoolaha ia ai e na Kuhina.
I ka pau ana o kana, ua ku mai la o Mr L.A.Kakina, mamuli o na leo kahea lehulehu, a pane mai la penei:
"E Mr. Lunahoomalu a me na Keonimana: E like me ka Mr. Waila i olelo ae nei, he halawai keia no ka hoolala a hookahua ana, aole hoi no ka haiolelo wale iho no. Aka, ua hoomaopopo ia nae kou noonoo e kekahi mea, a ua manao au he mea kupono e kamailio ma keia po; a oia ke kuka ana no kela Kuikahi i manao ia mawaena o keia Aupuni a me Amerika Hui puia, ke kumuhana hoi i kamailio a i kalekale mau ia iloko o na nupepa Oiaio a me Ka Leo o ka Lahui e noho hooponopono ia nei e Mr. John E. Bush Ua kamaaina o John E. Bush ia oukou a pau, ua noho oihana aupuni oia no kekahi mau manawa lehulehu. A me he la ua makemake oia e noho oihana hou, a oiai oia e hapana ana i kahi e loaa ai ka mea nana e lekei ae iaia iluna o kekahi punana pili kalai aupuni. Ua kukala ae oia me ka leo kalahea, eia ka ke hoao nei ke Aupuni e kuai a e hoolilo aku i ke kuokoa o keia aina ia Amerika Huipuia. He mea nui a pu poli iau ke kuokoa no keia aina Ke kamailio ae au no kou "home," aole loa i leha aku koʻu mau maka ma kela aoao o ka moana kai akea. No keia aina au, he kupa a he ewe ponoi, a eia ianei koʻu mau wahi pono. No ka eha hanauna ka noho ana o koʻu ohana mai na kupuna mai, a ke ake nei au me ka manaolana e noho hou aku no eha hanauna iloko o ka aina lanakila a kuokoa. (Paʻipaʻi nui ia.)
I ka wa i puka ae ai kela mea a hoolaha akea ia maloko o na nupepa, ua hoomaka ae la o Mr. Bush e kalahea no ka loaa ana iaia he nanehuna, a ua loaa pono ka na Kuhina e hoao ana e hoolilo i ka aina, a e lilo ana oia ka hoola a o ka puukalahala o ka aina. Mamuli o kana mau olelo hokae a ha puku, ua malama ia he halawai makainana maloko o ka Hale Keaka Pake i piha mai luna a lalo i na kanaka aloha aina. Ma ia halawai ia po, ua hai akula oia imua o ka lehulehu a ua manaoio mai la lakou, aia ke hana ia nei he kumuhana panai aina, a e hoao ana ka Aha Kuhina e moraki lilo i ke kuokoa o ke aupuni. Ua haʻaheo au no kela halawai.
He hoike ia no ka lili o keia lahui mana mwa a pau e pili ana i ko lakou nohona lanakila, ko lakou kuokoa a me ko lakou kuleana hooponopono aupuni kuokoa.
Aole loa he makemake o ka lahui Hawaii e hoolilo ia a e uhai ia ko lakou aina a me ke kuokoa o ko lakou aupuni, a o ka mea oi loa aku, aole loa lakou e ae ia ano hana. Aole loa no hoi na Kuhina ma ka inoa la o ka aina e ae aku ia mea. (Paipai ia.)
Ua koho ua halawai la he komite o 13 lala e ninaninau i ka oiaio e pili ana i ua kumuhana nei. A o ua komite la ma koʻu hoomaopopo iho, he poe kue wale no a pau i ka Aha Kuhina ma na mea pili kalai aupuni. Ua halawai pu lakou me ka Aha Kuhina, a ua hoike ia mai ia lakou ua noa na hoike a pau a lakou i makemake ai e ike a e lohe e pili ana i ua kumuhana nei Ua hoike ia aku ia lakou na mea a pau a lakou i makemake ai, a ua olelo pu ia aku lakou e ninau i ka lakou mau ninau i makemake ai a e pane ia no; ua ninau lakou a hiki i ka nele ana i na ninau hou aku, a i ko lakou wa i hoi ai ua olelo mai aole a lakou mau ninau hou aku e ninau mai ai, a ua olelo ae kekahi poe alakai o ua komite la, ua lawa ko lakou makemake a ua pau ke kuhihewa i na hoakaka i hoike ia aku ia lakou.
Ua upu ia a ua manao ia e waiho ae ana lakou i ka lakou hoike imua o ka halawai i kahopena o ka lakou hana a me ko lakou hui ana me ka Aha Kuhina, aka, me he la mamuli o ka pau pono ana o ko lakou kuhihewa a me ka maikai o ka manao, aole na lakou i hoike aku ia mau mea mai ia la mai a hoea i keia la, a ua ae e hoopau wale ia na noonoo ana no ia mea.
I keia manawaa, ua hoi hou ae nei o Mr. Bush ma ke kahua paio me kekahi mai olelo no kekahi mau mea hou i hoea ae. Mai kinoho mai o kana kalakalai ana, ua hekau mau oia i ke kapa ana aku i ka Lunakanawai Kiekie oia ka makua o kela kumuhana kipi a powa a kona moeuhane olalau i haku epa ai. O ke ano io maoli a me ke kumu o kona enemi i ka Lunakanawai Kiekie, aole i maopopo iaʻu, koe wale no paha in a no ke kue o ko ka Lunakanawai Kiekie lunaikehala no ka loli ana o ke Sabati i ka Poaono, (Akaaka ia) Me he la ke hoao nei oia e kau like me ko ka Lunakanawai Kiekie manao ma ia kapa wale ana aku iaia he kipi. (Paipai nui ia.)
E hiki nae iaʻu ke olelo ae ano; aole loa i lawelawe a hana ka Lunakanawai Kiekie, a aole loa no hoi i ike i na mea i manao ia no ua kumuhana nei a oi aku i ko kekahi kanaka e ae. Ua manao ka Aha Kuhina o kekahi kumu hana ano nui i pili i ka aina holookoa e like la me keia, aole ia he hana e hooholo ia e kekahi Aha Kuhina wale iho no a mau kanaka kakaikahi paha.
He ninau pili laulaha i pili i ka lehulehu holookoa, a aole i manao ka Aha Kuhina e hana i kekahi mea ma ke kua, koe wale no ka hoomakaukau ana i kekahi mea no ka waiho ana aku imua o ka Ahaolelo i ko lakou apono a apono ole paha i kekahi mau kumuhana ma ke kahu i hoike ia ma ka makou mau kumuhana. I keia manawa, aohe mea e hoike aku ai ia lakou, a me he la aole ana no he hana e hoike aku ai o ia ano. Oka mea wale no e hana ia nei a e manao ia nei e hana, oia no ka hooponopono ana no ka noonoo iaʻku.
Aloha loe kekahi mea huna a hana malu, aohe mea a makou i hoike akea ole, aohe no hoi kekahi mea a makou i manao ole ai e wehewehe imua o ka lehulehu, a aole mea e waiho i ke akea ia aku ana me ka oiaio imua o na waha olelo o ka lahui. (Paipai ia.)
Eia hoi kekahi mea ni au e manao nei he mea pono e noonoo ia oiaio e komo aku ana kakou i kea kau koho, a oia ke kumuhana o ka aoaokua. Ua ike iho nei au maloko o kekahi nupepa Repubalika, e olelo ana ua olelo ae ka mana aupuni kuloko o Kikako i ka papa inoa o ka poai o ka aoao Demokarata, a ua kapaia o ka Papa Inoa o ka Poe Hookaa ole i ka Auhau. (AkaAka ia
He poai ue ko keia aina e kalahea mau ana i ka hoopilikia ia o ka lahui, a e hana hou ia na kanawai a e haawi hou ia i mau pono. E lawe ae i papa inoa o keia poe e kukala nei i mau manao kohu ole, a e
noni ia nei ma ke ano he aloha a he makee i ka lehulehu a me ka lahui, a e hoʻomaopopo ia ana e loaa ana he papa inoa mahuahua o ka poe i hoole mamua iki aku nei aole loa he mau pono a kuleana o ka lahui. I ko kakou manawa i noi ai e ai pakiko, e hoemi mai i na lilo a i kanawai koho balota maikai a kaulike, i papa ia ai na Luna Aupuni aole e komo i loko o ka Ahaolelo, ua hoohenehene mai la lakou noho inana ana no ke aupuni me ka paa ia o kela kanawai koho balota ino i kauoha ia i ka wa a kela a me keia e koho ai, e hoike mai ia i ko na palapala hookaa auhau. Ua maopopo ia lakou he kumu keakea ia i ka poe Hawaii ilihune mai ke koho ana e like me ko lakou makemake. E kuku ana na moho ma ka aoao o na pahu balota me na lime i piha i na palapala hookaa auhau me ka moraki maluna o ka mana koho o kela me keia mea.
I ka manawa i Hoao ia ai e hoololi i ka kanawai koho i ka 1886, me ka makemake ia e papa i ka noho ana o na moho ma ke ano luna nana koho balota, ua lilo ia i mea kue ia e ua poe nei. I ko lakou wa e noho mana ana maluna o ke aupuni, ua koi anei
lakou e koho ia na Luna Aupuni e koho a hoi na Alii Ahaolelo? O ka mea ano maoli, oia no kko lakou hoao ole a makemake ole loa e hoomaemae oiana lakou ka mana, a ano ua huli aea ke au a ua pau lakou, ke koi mai nei e hoololi ia na mea a pau.
Me he la ma kaʻu hoomaopopo no, he mea iki wale no ia kakou ke hooholo aia ke hana nei ka aoao kue maluna o ke kahua o kakou e hopohopo ole ai, he poai mokuahana a kaululu lakou e hoao ana e hoi hou ae ma ke kulana a lakou i noho ai i loko o elua makahiki i hala, i hoonele ia hoi mai ia lakou mai mamuli o ka lakou mai hana apakee, ina lakou i ke aupuni ia manawa me ke ano maikai, a me ka malama pono o kekahi poe okoa, in a la aole loa e ulu mai kela mau hana ano nui o elua makahiki aku nei i hala a in a noke hookele nei no lakou i ke Aupuni e like me ko lakou makemake a me ka lealea. Ma koʻu manao ua hoonele lakou
ia lakou iho i na hilinai ia a lakou e noi mai nei e hoihoi hou ia aku, a he mea e pomaikai ai ka aina in a lakou e hookuu ia aku e hoomau no kahi manawa hou aku ma ke kula na "poai kue aloha" (Paʻipaʻi nui ʻia.)
______________________________________________________________________________________________________
HOOLAHA HOU
HOOLAHA HOOKO MORAKI ME KE KUAI
______________
Ma ke kauoha a Hyman Bros, ka Luna Malama Waiwai o kekahi moraki i hanaia mawaena o Acheong, Van W y. Alun Kum Sing me Ahi, e lawelawe oihana nei malalo o ka maa hoohui o Tong Hong Wai Company, ma Kahaluu, Koolaupoko Oahu, ia Conchee a me Ahung i kakau ia ika la 20 Nowemapa, 1886, a i kakau kope ia ma ke Keena Kakau Kope ma Honolulu, ma ka buke 103, aoao 81, me 83, a na ua Conchee la a me Ahung, i hoolilo ia aku ia Hyman Brothers, o Honolulu, i hana ia ma ka la 26 o Nowemaba, 1886, a i ke kope ma ke Keena Kakau Kope ma ka buke 103 aoao 82 me 83, a ma ke kauoha a na Luna Malama Waiwai la, e kuai kudala ia aku ana ma koʻu keena kukala ma Honolulu, i ka
POAONO, IANUARI 25, 1890
hora 12 awakea, i keia mau waiwai ma lalo iho:
O kela Mahi Raiki o Tong Hong Wai Company, ma Kahaluu, a me na mea ulu, na hale hana, na holoholona, na mea hana a me kekahi palapala hoolimalima a T A Loyd ia Achee i hana ia ma ka la ao o Ianuari, 1882, o ka aina o ka Apana i o ka Palapala Sila Nui Helu 6741 ma Koolaupoko, i oleloia, a he elima makahiki o kela apana aina i ike ia ma Luukoi, i hana ia ma ka palapala hoolimalima aMrs. Catherine J Steward ia Ah Yan &Co., i kakau ia ma ka la 1 o Iulai, 1880, a i kope ia ma ka buke 65 aoao 267 me 268.
No na mea i koe, e loaa no ia W O Smith Esq., ma Alanui Papu, Honolulu, a ia ma Hyman Bros.
Kuike ke kuai. O na lilo palapala na ka mea kuai mai.
LEWIS J. LEVEY,
Luna Kudala
266 3t
______________________________________________________________________________________________________
Hoolaha Hooko Moraki me ke Kudala.
_________________
Ma ke kauoha a Rutus A. Lyman Luna Malama Waiwai o ka molaki i hana ia ma waena o W. K. Kaainoni o Honokaa, Hamakua, Hawaii, a me Clarissa C. Armstrong i hana ia Ianuari 7, 1886, a kope ia ma ke Keena Kakau ma Honolulu, ma ka Buke 99, aoao 56 me 57, a i haawi aku e C. Armstrong i oleloia ia R. A. Lyman o Paauhau, Hamakua, Hawaii, ma kekahi palapala i hanaia i Iune 23, 1886, a kope ia ma ka Buke 99, aoao 57.
I kulike ai me ka mana kuai o keia moraki. e
KUAI KUDALA AKEA
ia aku ana ma koʻu keena kudala ma Honolulu i ka
POAONO, IANUARI 25, 1890,
i ka hora 12 awakea, i keia mau waiwai malalo iho
O kela wahi a pau e waiho la ma Kona Hawaii, oia ke Ahupuaa o Pahoehoe, a oia no ka aina i hoike ia ka Apana 3, ma ka Palapala Sila Nui Helu 1668, L.C.A 85208, ua lahilahi.
2. O kela akahi hapaha o ka hapa i mahele ole ia o ka aina e waiho la ma Opea, Hilo, mokupuni o Hawaii, nona ka ili o 89 i 4 eka, a oia no kahi i ike ia ma ka Palapala Sila Nui(Grant) helu 3059 ia Hope me Pahukoa, oia no akahi hapaha la i hoolilo ia aku e Paakiki i ka mea moraki, ke kane a he hooilia no Hoee w, ma kekahi palapala i hana i ka la 24 o Ianuari, 1882, a hoopaa ia ma ke keena kope ma Honolulu, ma ka buke 78, ma ka aoao 329.
Kuike ke kuai. Na lilo palapala, na ka mea kuai mai.
No ka mea i koe, e ninau ia W. Smith, a i ole, i ka mea nona ka malalo nei.
JAS F. MORGAN,
Luna Kudala.
Honolulu, Ianuali 3, 1890.
2266-3t