Ka Nupepa Kuokoa, Volume XXIX, Number 21, 24 May 1890 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha loio

Nellie M Lowrey

Notari no ka lehulehu

A he

I una Hooiaia Palapala a me na Palapule Hoohiki

Keena Hana me W. R. Kak@ Lo@ ma ka aoao makai o ka H@ L@ Honolulu.

 

Cecil Brown

Loio a he kokua ma ke kanawai

He Agona Hoolalo Palapala no ka Mo hupuni o Oahu

Keena Hana ma alanui Kalepa

 

E. G. Hitchcock

(Aikue Hikikoki)

Loio a kokua ma na mea a pau e pili ana ma ke kanawai

E ohi ia no na Bila Aie, me ka awiwi

Hilo, Hawaii

 

A. Rosa.

(Akoni.)

Loio a he kokua ma ke kanawai

Luna Hooiaio Palapala

Keena hana ma alanui Kaahumana

 

George P. Kamauoha.

He loio a he kokua ma ke Kanawai.

a he mea

ana aina

E loaa no ma Kohala Akau, Hawaii 2001 @y

 

W.R. Kakela

Loio a he kokua ma ke kanawai

He luna hoo@ Palapala

 

Enoch Johnson

(Enoka.)

He loio a kokou ma ke kanawai,

Im@ o na Ahahookolokolo a pau o keia aupuni.

Luna Hooiaio Palapala Kope no ka apana o Kona mokupuni o Oahu.

Keena hana, helu 15 alanui Kaahu manu ma ke keena mua iho nei o W. C. Achi

 

William C. Achi

Loio a he kokua ma ke kanawai imua o na aha a pau o keia aupuni

He Notari no ka lehulehu a Boroka no na waiwai paa

Keena Oihana, Helu 36, Alanui Kalepa, Honolulu, Oahu

 

Wilder & Co. (Waila Ma.)

Mea h@ papa a me na @ako @ ukulu hai o na @ a pau a me na me na pono a pau he h@l@.

Kihi Alanu Mo@wahine me Papu

 

James M. Monsarrat.

(Maunakea.)

Loio a he kokua ma ke kanawai

@o Luna Hoolele Palapala

E ha@a ia no @ Palapala Kuai, palapala hoolimalima, a me na palapala pili kanawai e @ ma ka olelo Hawaii. Dala no ka hoale ma ka moraki ma na waiwai paa.

Keena Hana: Hale pohaku hou ma ka aoao ma Waikiki o ka Halewai, alanui Kalepa.

 

J. T. Waterhouse,

(Walakahauri.)

Halekuai o na lole nani panio

Lakohao.

Na lako Hana Mahiko

A pela aku he nui wale

Alanui Moiwahine, Honolulu

 

Nanea Kamahao

Keikialii

Romeala

Ui Kila Mageneti

Ui Kila Mageneti

O Parameri

Ka nani e haule ai ka Honua

Ka Mahina Meli o Salaredina

Ka La akahi o Mulisedera

Na Kuiu koko kamahao ekolu

Na Ui Hookelakela o ke Ao holookoa

Na Nani Puuwai Uahoa o ka honua nei

A o ke

 Kila Mageneti o ke aloha - "O Parameri no ia."

            Ma keia hiohiona a Romeala e ike la, kahea hou ae la oia me ka leo moakaka me keia mau huaolelo,- "E hamama e na ipuka o ka halealii o Diana i ike aku ai o Romeala i kona mau luhiehu, no ka mea, ilaila kana huakai e hoaumoe ai o keia la, a o na momona o kana papaaina he aila poni ia e oluolu ai na maka o na manu nunu o Haredina, a he kiaha meli hoi a me ka waiu e kahe aliali ana me he hau la no Heremona."

            Ia Romeala i hookl iho ai i kana mau olelo, poha koke mai la he leo kalakala mailoko mai o au halealii nei me keia mau huaolelo, - "Aole! Aole! Mai ae aku e na ipuka o Diana e hamama nona, no ka mea, o ka hoowalewale kena, ke Dubelo o ka honua! A e na ipuka luli ole o Diana e kupaa no oukou iho no ka hanohano o ko oukou nohoalii."

            O ka mea nona keia leo a ke keikialii Romeala i lohe aku ia, oia no ke kaikamahine alii Aresima, ka mua loa hoi o na kaikamahine a ka moi Diana, a i ka wa ana i hooki iho ai i kana mau olelo, ua panai koke aku la o Romeala i kana mau olelo ku i ka waipahe e lilo ai ke kupaa o ka puuwai o ua kaikamahine la i mea ole, penei:

            "E na ipuka o Diana, he oiaio, he oiaio he kanawai paakiki kou i kau ia'i a he olelo hooholo hoi o ka naue ole; aka, e Diana - ua lohea ka leo o ke kuhukuku no ka pau o ka hooilo, ke kani oli hoi o na manu no ka hiki mai o ka wa hoiliili; a oia ka Romeala e hai aku nei ia oe ua hala ka hooilo, a o ke kau hoiliili oia kana e makemake nei e ike i na palena o Diana."

            "Hele pela! Hele pela! Mai punihei e na ipuka o Diana no kekahi hoowalewale," wahi a ka leo i wawalo mai ai mailoko mai o ka halealii.

            O keia mau olelo, ua panai ia aku e Romeala me ka olu nanahe, a no ka panina o kana mau olelo, kuu aku la oia i kona loea me na mapuna olelo meli, a i hooki ana iho, pa e nahenahe mai la ka leo o ka waiapo me he la ua pehia a eha kanahele i k uka, e ole hoi e eha ua lomia aku la e ka aila hoopalupalu ili a Romeala a "Pepe Niulii i ka wai."

            "Owai mawaho, a heaha ka huakai o ka hiki ana mai?" wahi a au leo la.

            " He malihini ko waho nei, a he huakai hoolana mai ke kumu o ka hiki ana mai la, oiai au lohe ia ae nei hoi o Diana keia kahi o na luawai aniani ekolu i piha me na waimapuna o ka hauoli a nona hoi na ea oluolu e hoohihi ai ka opua o Awalua," wahi a Romeala.

            "Kahal@. Aole paha keia o ua Diana la au i olelo mai nei e ka malihini, oiai aohe mau luawai aniani o keia Diana?" wahi a ua leo la.

            "Auwe e kuu makamaka hookaunu olelo," wahi a Romeala, "e wehe ae i na ipuka o Diana, a na'u auanei e alakai aku ia oe i kahi i ku ai o ua mau luawai aniani la, a he mea oiaio e ke kamaaina e kilohi oe i kona mau palena a hiki i ka lawa pono ana  kou makemake, oia aia poko o kona mau wai aha@ na mea makamae he nui wale, a o ka pahuhopu hoi ia o ke alahele pohihihi a ka manu nunu lawe lau oliwa o Parameri e lawe aku ai i ka hoailona o ke kuikahi hui o ka lewa luna me ka lewa lalo. A e hoomanao hou iho oe e ke kamaaina, i keia la o oe pu kekahi me ka malihini  (Romeala) iloko o ka aina alohilohi o ka maha mai na maluhiluhi mai o ko ka honua nei mau kanawai. a i mea @ou e manaoio mai ai i ka'u no kahi e loaa ai ia oe ke alahele e hiki aku ai i ua mau punawai la nona ka wai e pipii ana, me ke aliali a komo iloko o ke aupuni pahaohao, nolaila, ke nonoi aku nei au i kou oluolu ano e hoolohe mai."

            Maanei e ka mea heluhelu i hookuu pau aku ai ua keikialii Romeala nei i kona ike hoowalewale, a iloko o na minute pokole wale no aia na ipuka a pau o ka halealii o Diana ua hamama, a o na kaikamahine alii ekolu a ka moi Diana ke ku ae la lakou mawaho o ka lanai me na hehehelena hoomahie no ka loea o ko honua, a i hoomaha ana iho o au loea la i kana mau olelo, oia no ka manawa o ua poe kaikamahine la i kono mai ai ia Romeala a me kona mau hoahele e komo hale e ke aloha a e paina wahi ai kamahele, alaila, hele ke huakai.

            E like me ka poloai a na kaikamahine alii pela no kamahele aumoana i komo aku ai, a o ia ka Romeala i mino aka iho ai ia ia iho, me ka puana ana'e i keia mau huaolelo - "Na'u oukou e kakele aku i keia la."

            Ia lakou i komo aka ai au hookipa loa ia aku la lakou ma ke keena @kealii, kahi hoi a @o ka moi Diana aloalii e nonoho ana, a ia lakou i ike mai ai i ke keikialii Romeala me kona mau hoahele, ua ku ae la lakou iluna no ka hoohanohano ana mai i ke alii malihini, a i kona noho ana iho ilalo ua noho pu iho la me ke anaina. Hoko o ia mau minute a Romeala e lualai ana iloko o na luhiehu nani o ka halealii o Diana, ua lilo oia he mea nana e hoonaueue na puuwai o na ui o ke aoao waliwali, a i mea oiahalo a akena hoi na na opio o ka aoao wikani, aka, o ka oi loa aku no nae oia no na kaikamahine alii puuwai konahao o na minute i hale ae, a no ka hiki ole ia kakou ke uumi iho i na koi uilani ana a ko lakou mau manao, ua noi koke mai la lakou i ke keikialii Romeala e hele e makaikai i na palena o ko lakou halealii. Ua hooko aku no hoi ua keikialii la e like me ke noi, a ma ka olelo pokole ana au ikeia e au keikialii Parameri nei na wahi a pau o ka halealii a me kona mau nani, a no ka hopena @o ko lakou makaikai ana, au noi mai la ua poe kaikamahine la ia Romeala e hoikeike aku ia lakou i kahi i ku ai o na luawai aniani ekolu o Diana, a oia ka ua Romeala la i pane aku ai, - "E komo pakahi aku oukou iloko o ko oukou mau rumi iho a ilalla auanei oukou e ike ai i na luawai aniani o Diana." E like me na olelo a Romeala pela au poe kaikamahina la i hooko aku ai, a iloko o na sekona pokole wale no, iho iho la na pale aniani o ua mau keena la a @alo aku la ua poe ipo nei no ka makaikai i ana  na luawai aniani o Diana. He mau minute li'u wale i hale ae, hoea like mai la ua poe ipo makaikai wai aniani nei o Diana ua hele a maluhiluhi i ka noua e ke kio wao, a me ia mau ano maluhiluhi no i hoohiki loa aku ai lakou i ke keena ike alii, a me ka huaolelo hookahi, puana like aku la na kaikamahine alii, - "Ua ike makou i ka luawai aniani o Diana a me ke alahele pohihihi o ka hoailona kuikahi o ka lewa a me ka honua; no laila e na 'lii, o keia opio, ka mea nona ke kaulana a kakou i lohe wale ai, he oiaio i keia la o ka makou ipo ia a hiki i ko makou hopena oiai nana i hoohaule i ko makou kupaa a hoolilo hoi i ko makou maluhia i mea ole."

            No keia mau olelo a na kaikamahine alii, ua uluaoa ae la ke an @ina me ka olelo ana iho ia lakou iho, -- Kahaha! loea maoli io no ka hoi ke keikialii o Parameri ke haule la na pohaku kihi ekolu o Midiana ua haule i ka hewa me ke keikialii o Parameri, a o ke kupaa o ko lakoua manao au palahe liilii i na helehelena o ua keikialii la.

            Emoole aia ke aupuni o Midiana iloko o ke pahaohao nui no @eia haule ana o ka poe a lakou i aken@ ai aohe oi nana e hoohina ia lakou a aohe hoi he hoowalewale nana e pelo, eia ka e pahee ana lakou i ka aila a ke keikialii o Parameri. Aka, e ka mea heluhelu, e hookuu aku ko kaua kamailio anano ka lahui o Midiana iloko o na haleku olelo ana no na kaikamahine alii, a e hoohuli ae ko kaua kamailio ana no ka loea o ka honua.

            Oiai o Romeala me kona mau hoahele e nuu ana na kii noho i na luhiehu nani o Diana, aia mau na kaikamahine alii ke hoomahie la luna @ o Milu i na helehelena kilakila o ka kaua loea me na huaolelo palupalu e luai ia mai ana e ko lakou mau lehelehe, a iwaena o ia mau hoohali olelo ana au ka ua mai la au poe kaikamahine nei i ka iakou ipo lauae o na luawai aniani o Diana me keia mau wahi lalani mele hooheno,-

            "Ma ko makou poli no oe,

            E hiolani iho ai,

            Nau makou a na makou hoi oe,

            Hookahi ke kaunu ana i Waialoha."

            A oia ka Romeala i panai aku ai i ka i ana aku, - "E na ai hoomahie o Diana, mai hookaumaha a hoanoe ia ko oukou mau noonoo ke lohe aku oukou i ko'u wahi manao, a oia keia: O ka oukou mau noi i ka ua mai nei ia'u he mea hiki ole ia ia'u ke ae akum no ka mea, aole au i poni ia mai no ka mea hookahi wale iho no, aka, ua poni ia mai au e lilo no ke ao holookoa a o ke ao holookoa hoi na'u."

            "Aka, e hoomanao iho," wahi hou a ke keikialii Romeala i pane aku ai mahope iho o ka hala ana ae o kekahi mau minute o ko lakou noho mu@ule ana, "o oukou a pau ekolu ua lilo pu ia oukou ka hanohano ma ka olelo ana ae, aia pu ma ko oukou mau puuwai ka haaheo o ka papahi like ana i ka ihiihi o ka leialii o Parameri; nolaila, e kala mai ko oukou hanohano ia Romala ma ka lilo ana i ipo na oukou no ka wa mau loa, a eia au ke hele ni no ka'u huakai hookelakela me na loea o ka honua."

            O keia mau olelo a Romeala ua like ia me he kui la e houhou ana i ka puuwai o na kaikamahina lii o Midiana, a oia ka lakou l pa-leo hou mai ai me ka manao he mea la hoi e hoopau ae ai o ua Romeala ni i kona mau manao uhi, aka aole nae pela, a no ka hope loa o ka lakou mau olelo ua haawi mai la lakou he wahi ohenana uuku nona ka loa o elua ihiha a he hookahi i@iha ka laula. A wahi a ua poe kaikamahine la i pane hou mai ai, - "He nan@ hoi ia ke paakiki la no oe i ka hele, a eia wale iho no ka makou wahi makana ia oe, a he anoai paha o lana ae kou manao e ike ia makou, alaila, na ke kamahao o keia wahi ohenana e hoohu@ ia kakou i kahi hookahi."

            "Auwe! heaha ka waiwai nui o keia wahi ohe, oiai he aniani wale iho no oia?" wahi a Romeala.

            Pane mai la na kaikamahine alii, "O ka waiwai o keia wahi ohenana he hiki iaia ke ume mai i ke ao holookoa a imua o kou alo i ke sekona hookahi una he mea nau i makemake ai e ike ina aia ma o lilo aku o na aouli o ka lani a i ole ilalo paha o na papaku o ka hohonu. Aka, e ka nohea a me ka nani o na nani, mai ka la i loaa mai ai o keia wahi ohenana ia makou a hiki i keia la aole makou i hoohana iki iaia."

            "Alaila, ua like no oukou me a'u ma ia ano hookahi," wahi a Romeala, "oiai, e like me ko oukou hoohana ole ana i kona waiwai pela no paha auanei au. no ka mea ua like ole ka waiwai o ka oukou malama ana me ka'u, he

            "Malama ipupoki wale iho no,

            He kapekepeke wale ke poi,"

aka nae hoi, i mea e mau ai kuhihewa i ka la o Mana, he hoao no ka laau lapaau. Nolaila, e hai mai oukou pehea la ka ana ana e hiki ai ke hookoia ka makemake?"

            "Ua like no kakou a like ma ia mea," wahi a na kaikamahine alii, "aka, wahi a ka mea nana i haawi mai ia makou, e kahea iho i ka inoa o kahi ohenana me keia mau huaolelo, - "E ka ohenana maka loa o Lu@iona, e hoike mai oe i ke kii hooleleaka o kahi a me ka mea a'u i makemake ai e ike," a he oiaio e hookoia no kou makemake."

            "Alaila, mai ia wai mai i loaa mai ai keia ohenana ia oukou?" wahi a ke keikialii Romeala i ninau aku ai.

            "Mai ke kilokilo Zodiaka mai," wahi a na kaikamahine alii

            I ka wa a na kaikamahine alii i hoopuka mai ai i kela huaolelo Zodiaka, ume hou mai la o Romeala i kona loea a no na sekona pokole wale no, akaaka ae la oia a pane aku la.

            Gaberiela Lenoa

o ka

Puali Kahiko Imeperiela

o Farani.

Koa Opio iloko o na Ulia o ka Laki.

Kukala Kaua a Perusia

no kekahi Wahine.

He moolelo no ke au weliweli

nui o Europa

Ka holo maua@ ana.

 

            Ua haawi aku la o Geberiela i keka h@ nana loihi ana i na maka o ka Luna L@ta no ka hoole ana mai i kana noi, a oia hou kana i pane mai ai,-

            "Ua hai mua aku nei au i ko'u manao ia oe, e haawi no au i elua ou lio, aole nae o na lio o kela kaa kaahele e ku mai la ma-o. O ka mea nona kela kaa, e hoomanao oe, he keikialii oia no ka papaalii o kekahi lahu mana o Europa nei, a nolaila, ua hiki ole au ke hooko i keia mau noi mahaoi mai a oe mai e keia Kauna Suwaka."

            "Ua makemake au i na paa lio o kela kaa kaahele no'u, oiai he huakai awiwi loa ka'u malalo o na kauoha a ko'u aupuni. O kela keikialii, ua hiamoe loa oia, a aole no hoi kana he huakai awiwi, nolaila, ua makemake au i kona mau paa lio no ko'u kaa, a o kou mau lio hoi, e hoomaha iki no ka manawa a hookomo aku no ke kaa o ke keikialii."

            I keia wa i lawe ia mai ai na paa lio elua no ke kaa o ke keikialii, oia ka Gaberiela i haawi koke aku ai i kana kauoha me ka hookohukehu nui i ke kanaka e lawe mai ana i na lio me na olelo,-

            "E hookomo oe i kena mau paalio no ko'u kaa kaahele, a o ko'u paa lio e hookomo oe no kela kaa." Ia oe e ka Luna Leta, e lawe ia ka'u mau kauoha i keia manwa a hooko ia; a i ole pela, e hoike no au i kau hana kanawai ole i na mana kaua o ko'u aina mamua aku o keia alahele."

            Na keia mau olelo a Gaberiela i hookunahihi aku i ka manao o ka Luna Leta, a ua hiki hou ole iaia ke pane aku i na huaolelo o ala mai auanei he haunaele ma ke kahua o kana hana. Ua lawe pololei aku la ke kanaka kahu lio i na paa lio hou no ke kaa o Gaberiela, a o kona mau lio i nawaliwali, hookomo ia aku la no ke kaa o ke keikialii.

            E noonoo ana o Gaberiela iaia iho i kela manawa, pehea la i loaa ai keia ulia o kona halawai pu ana me ke keikialii o Posetama ma keia alahele, oiai, he mau la kakaikahi wale no ke kaawale o kona halawai ana me ia a hoouka i kela hakaka pahikaua ma ke alanui e kokoke la i ke kulanakauha'e o Munika, ma na okana aina iloko o Sakona. Ina e ala mai ana kona hiamoe a ike ia Gaberiela, e hoike ana oia i kona ano maoli, he kanaka Farani oia malalo o ka inoa hoopunipuni.

            Ua makaukau na mea pau no ka holo aku a ua kakau inoa mai la hoi ka Luna Leta i na palapala Pasapota o Gaberiela ma a me kona mau hoahele, oia ka wa i ala mai ai ka hiamoe o ke keikialii o Posetama a ku mai la oia mawaho o kona kaa a nana pono ia Gaberiela a me ka Luna Leta i ko laua wa e kamailio ana.

            Me ka hooloihi hou ole aku i ke kamailio ana, huli ae la o Gaberiela a hoi no kona kaa, a poha mai la ka leo o ke keikialii i keia mau olelo,-

            "Ha-lo." Ma o na lani la! Pehea oe e kela kanaka kiu Farani i hiki ai ma keia wahi?"

 

He Kaao

Hapaikala

Hapaikamahina

Ka hua ohia nani

i loaa ma ka

Piko Mauna o Farani

Ka ui nana i kakele ke

aupuni o ka lihilihi

o na manu.

 

Kokia ia e hulupaina kona Pokii.

Unuhi ia e Moss Ma'u

 

            Iloko o ia wa a me ia manawa, ua hiki ole ia laua ke hoomaopopo i ko laua pili ohana, a na kona lio i hoomaemae i ke kulana iho o ke koa opio, a ike mai la o Hulupaina i kona kaikuaana aloha.

            Aia he ohaoha nui o ka hauoli mawaena iho o laua, a i ka pau ana o na hana a na kulu waimaka e hanini ana ma na papalina, ua pane aku ke kaikuaana i kona pokii-

            Pehea oukou i lilo ai a hoonoho ma keia wahi?

            Oia ka wa i pane aku ai o Hulpaina me ka hai ana i ka moolelo piha o ko lakou lawe pio ia ana, a me kona hoao ana i kona ikaika a pau e lanakila a ua hiki ole.

            He nui kuu aloha no kou kaawale ana mai, a aole o'u manaoio e hui hou ana kaua he alo a he alo.

            Pehea la na makua o kaua?

            Oia mau no laua i ka noho oluolu ana. I keia wa e huli hoi ai kakou no ka home.

            Ua ae mai la kona kaikaina a huli hai like aku la lakou a halawai me ka Uiokalewa.

            Aole lakou nei i awiwi ma ka hoi koke ana ia manawa, no ka mea, e haawi ana ua kaikamahinealii la iloko o ia ahiahi i kekahi anaina ikealii a me ka hulahula, a i panai ia aku hoi e ka lealea o ka poe hoolele @aluna o ke aumoe.

            Ua haawi aku la ke koa opio i kona ae ma ka hanohano o kana pahikaua, a pane aku la i keia mau olelo o ka waimeli,

            "Auhea sale ana oe e au hoa lu-lu hi nie o'u - ke kaka kaikamahe a a lii o ka lewa luna nei, ke haawi aku nei au i ke aloha pumehana o kau hookipa hiwahiwa launa ole mai ia makou mai lalo lilo ae o kuu puuwai, a'u hoi e hoopa mua aku nei ia oe ke hai e ma malole ia iho ka manene i ka lealea o ka hoorere baluna."

            I keia manawa i haawi ia aku ai ke kauoha i na kauwa o ke aloalii no ka hoomakaukau ana i ke anaina hulahula no keia po, a au hookomo ia hoi ke kukui uwila a nona ka malamalama e ahuwale ana o na ipuka a pau o ka lua po o Diabolo.

            I ka hiki ana mai i ka manawa e hoomaka ai o ka hulahula, ua kani koke mai la ka hana puhi ohe Hawaii me ke mele lahui, a hoomaka koke ka hulahula ana o ke anaina holookoa, me ko lakou mau kapuai wawae e kapalili ana na manamana iloko o ke kakini i ka ua mea o ke poniniu a ka launa ole mai.

            Ua hoomau ia keia hulahula ana a hiki i ka hora 12 o ka po, ia wa i kukala mai ai ka Puuku o ke aloalii, e hoomaka aku na hoa o ke analoa i ka lealea o ka hoorere baruna eh?

 

Ka Waiwai o ka Hilina

Saseparila Ayer

 

A ayer Laau Saseparila, kai kaulana a @ili@ @ ao ka hoomaemae koko, ma @ wa@ a pau @ @ @ aneane 40 mak@ hiki i hale ae nei a ua lawelawe nui ia @ iwaena o na oihana la@aau. O keia

Laau Sasaparila no loko ae ia o ke aa Sasaparila Hon@ maoli i @a loaa ka mana hoomaemae ma o ka hui pu ia ana me kekahi mau aa laau e ae, a me kekahi mau @ no loko o ka @ a me ka @a@.

He koko inoino a nawaliwali ane koa? U a wili pu anei me aa ano mai ikaika? A u hui pu anei me na wai awaawa hoopehu Na keia.

@aau e hoomaemae ia mau mea ino a pau a maikai. O na kauka lapaau a pau o Ame ika ike ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i awil pu ia, aka o keia wale no. No ka

Hoomaemae ana i ke koko, a me ka hookahua pono ana i na mea a pau ma kekahi mau ano ma ii i keia o ka Ayer Sasaparila wale no ka laau nana e hoomaemae hakalia ole mamua ae o kekahi ano laau e @ O ke

Koko ino hakuhaku a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma ka ai ana keia Laau Sasaparila aayer. He maa lahi a he

Miakai loa hoi keia Laau aole no ka ho maemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na @. He lehulehu wale na hooia ana mai na wahi a pau o ke ao nei i hoohana m@ i keia laau mamua o kahi mau laau e ae

Ahilinaiia no ka ikaika kupono o ke ola kino, ma ka maemae ana o ke koko hoomake pu ia na ma'i, a pela aku. He nui na laau hoomaemae koko i oolaha waha hee wale ia malalo o na inoa @lehu, aka, o na hilinai a me na hoia wale no a ke ao holo okoa, maluna o ka

Ayer Laau Sasaparila

I hoomakaukau ia

Kauka J. C. A@ & Co. Lowall. Mass.

Hollister & Co

Na A ena ma ka Paeaina Hawaii

100 . . . . Alanui Papu, Honolulu

2086

 

Benson Smith & Co.

Na mea Laikini ia e @ai Kuhaa

a me Kuai Liilii aku.

Na Laau Lapaau

O na ano a pau.

Helu 113 me 115. Alanui papu

O laua na a@ena no na

Laau Lapaau kuluwai liilii!

Boreicke & Schrecke

:a me na:

Wai Lukini onaona waianuhea!

 

Waiala Maile

a me ke

Onoona Lei aloha!

@ O no lako no ka Lauoho a me ka @i, a me na mea hoonani o ka Home, e loaa no @ in a makemake ke kipa mai ma keia hale.