Ka Nupepa Kuokoa, Volume XXIX, Number 31, 2 August 1890 — KA UKU HANA. [ARTICLE]

KA UKU HANA.

He nui wale na olelo iloko o keia mau la no na uku hoolimalima o na poe paahana. A he nui na hoohalahala i loheia tna ka aoao o ka poe hana, iwaena no o na poe hana aupum a me na paahana eae no hoi. He mea h'ki ole ke hooholo ia ka uku hana ma ke kanawai. Aohe like kela a me keia ano hana, pela i like ole ai ka uku hana. Aohe like ke akamai a me ka makaukau o kela a me keia o ka poe lawelawe i na hana, a pela no hoi e like ole ai ka uku. Aohe like ka waiwai o kela a me keia ano hana, a oia ro hoi kekahi kumu e like ole ai ka uku hana. Ua oi aku paha ka pomaikai o na poe lawelawe hana ma Hawaii nei mamua o ko kekahi mau aina c a kakou i lohe ai t a i ike maka ai no hoi paha kekahi poe o kakou. Oka Peresidena o kekahiahahui manawaleanui ma Amerißa Huipuia, laia e makaikai ana iloko o ke kulanakauhale o Chicago, a e imi ana i na mea hou pili i na limahana o ia wahi; aia hoi, loaa aku la iaia he poe wahine e humuhumu ana i na palule no ka ekolu hapaha oke kakini. Aua loaa pu aku no hoi iaia na keiki opioopio e hani ana he umikumamalua hora o ka la no ka hookahi dala o ka pu le Ma Kuropa hoi ua oi aku na pihkia o na poe hana mamua o ko Amerika. He oiaio, he aina maikai o Hawaii no ka poe e imi ana i ke ola mamuli o ka huna o na lima.