Ka Nupepa Kuokoa, Volume XXIX, Number 32, 9 August 1890 — KU KOHANA KA LEO [ARTICLE]

KU KOHANA KA LEO

Ua hoao wale ka Leo e hookahuli i ka oinio o ka makou mau olelo e pili ana i ka Ahaelele hana kumukanawai a ua nele nae ka hiki. Oke alanui oke kanawai, oia wa!e no ke alao ka pono ame ka pololei. He mea pohihihi a he mea e pomaikai ole ai na ano hana e ae a pau. He lalau wale no na kuhikuhi ana a ka Leo la Kaleponi a me ke aupuni o Karani. He apana wale no o Kaleponi no ke aupuni o Araerika, aole ia he aupuni ku kaawale ia Aoienka Huipuia. A o Farani hoi, a me kona moolelo o na au i hala, aole ia he kumu hoohalike kupono no Hawaii. Ke nana aku oe ika moolelo o Farani, iloko oia o na muliwai koko kahi i au ai, a oia anei kahi a ka Leo e ake nei e alakai ia kakou ? Hookahi wale no alanui maalahi e hiki pono ai ke hoololi i ke kumukanawai, a oia no ke alanui i kuhikuhi ia iloko o ke Ku niukanawai.