Ka Nupepa Kuokoa, Volume XXIX, Number 50, 13 December 1890 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA

 

HE KANAWAI

E HOOPONOPONO AI I KA LAWE ANA MAI O NA HOLOHOLNA OLA ILOKO O KEIA AUPUNI MA KE ANO KUAI

E Hooholoia e ka Moi a me ka Ahaolelo o ke Aupuni Hawaii:

            PAUKU 1.  O na mea a pau e lawelawe ana i ka hana kuai i na holoholona e lawe mai ana i na holoholona ola iloko o keia Aupuni i mea kuai aku ma ke kauoha, a i ole ia, ma ka lawe ana mai ma ke ano hoopukapuka, e like me na lio, hoki, kekake, bipi, hipa a me na puaa mamua ae o ke kau ana aku ma ke ano kuai i kekahi o ia mau holoholona a kuaiia paha ua kauohaia lakou e noi aku a e loaa mua ia lakou ka laikini e kuai mai ke Kuhina Kalaiaina mai.

            PAUKU 2.  E uku ka mea a mau mea kuai i na holoholona ola a pau i lawe ia mai iloko o keia Aupuni i mea kuai aku i ke Kuhina Kalaiaina i uku no ka laikini o elua haneri me kanalima dala.  Aole e pili keia uku laikini i kekahi mea e noho paa ana maanei i lawe mai no kana hana ponoi, a i ole ia, i mea hoolaha aku.  Aka, o na holoholona a pau i laweia mai ma ia ano e pili no ia lakou na kanawai hoomalu holoholona o keia Aupuni.

            PAUKU 3.  E mana ua laikini la no hookahi makahiki mai ka la aku i hoopukaia ai, a aole e hiki e haawiia aku ia hai.

            PAUKU 4.  O na Kanawai a me na hapa kanawai a pau e kue ana i keia Kanawai e hoopauia, a ma keia ke hoopau loa ia nei.

            PAUKU 5.  E mana keia Kanawai iloko o eono mahina mahope iho o kona la e aponoia ai.

            Aponoia i keia la 12 o Novemaba, M. H. 1890.

KALAKAUA REX

Na ka Moi:

C. N. SPENCER,

Kuhina Kalaiaina.

 

HE KANAWAI

E HOOLOLI AI I NA PAUKU 1 A ME 3 O KA MOKUNA LXX O NA KANAWAI O KE KAU O 1888, OIA HOI HE KANAWAI I KAPAIA “HE KANAWAI E HOOHAIKI AI I KA LAWE ANA MAI A ME KE KUAI ANA O KA OPIUMA ILOKO O KEIA AUPUNI, A ME NA MEA I HANAIA NO LOKO MAI O KA OPIUMA.”

E Hooholoia e ka Moi a me ka Ahaolelo o ke Aupuni Hawaii:

            PAUKU 1.  E hoololiia a ma keia ke hoololiia nei ka Pauku 1 o ka Mokuna LXX o na Kanawai o 1888, a penei e heluheluia ai.

            “Pauku 1.  Ua kapu loa ka lawe ana mai o ka opiuma a mea paha i hanaia no loko mai o ka opiuma maloko o keia Aupuni, koe wale no na mea i hoakakaia ma ka Pauku 2 o keia Kanawai; a o ka mea nana e hoopae mai, kuai aku, haawi a hoolako aku paha i ka opiuma a mea paha i hanaia no loko mai o ka opiuma i kekahi kanaka maloko o keia Aupuni, koe wale no na mea i oleloia ma ka Pauku 2 i oleloia maluna, e hoopaiia oia aole e emi malolo o hookahi haneri, a aole e oi @ku i na dala he elima haneri, a i ole ia, e hoopaahaoia ma ka hana oolea, aole e oi aku mamua o na makahiki elua a o ia mau hoopai paha a elua e like me ka manao o ka Aha Hookolokolo, a o ka hapalua o ka hoopai dala i oleloia, e haawiia i ka mea i waiho mai i kahoike i hoahewaia ai ka mea hana hewa.”

            PAUKU 2.  E hoololiia a ma keia ke hoololiia nei ka Pauku 3 o ka Mokuna LXX o na Kanawai o 1888, a penei e heluheluia ai:

            “Pauku 3.  O ka mea iaia kekahi opiuma a mea paha i hanaia no loko mai o ka opiuma, i loaa ole iaia mai ka Papa Ola mai, a mai kekahi kahuna lapaau a kauka oki paha i loaa iaia ka laikini, e like me ka mea i oleloia ma ka Pauku 2 o keia Kanawai, e lilo ua opiuma nei i ke Aupuni Hawaii, a e hopuia ua opiuma nei a haawiia aku i ka Papa Ola, a e hoopaiia ua kanaka nei nana ka opiuma aole e emi malalo o na dala he kanalima aole hoi e oi aku i na dala he elua haneri me kanalima, a i ole ia, e hoopaahaoia ma ka hana oolea aole e oi aku mamua o hookahi makahiki, a o ia mau hoopai paha a elua e like me ka manao o ka Aha Hookolokolo, a o ka hapalua o ka hoopai dala i oleloia e haawiia i ka mea i waiho mai i ka hoike i hoahewaia ai ka mea i hana hewa.”

            PAUKU 3.  O na Kanawai a me na hapa kanawai a pau e kue ana i na mea i hoakakaia ma keia Kanawai, ma keia ke hoopau loa ia nei.

            Aponoia i keia la 12 o Novemaba, M. H. 1890.

KALAKAUA REX.

Na ka Moi:

C. N. SPENCER,

Kuhina Kalaiaina.

 

HE KANAWAI

E AE ANA E HOOKOMOIA MAI NA LIMAHANA OIHANA MAHIAI PAKE, A E HOOLOLI AI I KA MOKUNA XXVIII O NA KANAWAI O 1887, I KAPAIA “HE KANAWAI E HOOPONOPONO AI I KA HELE ANA MAI O NA EEMOKU PAKE.”

E hooholoia e ka Moi a me ka Ahaolelo o ke Aupuni Hawaii:

            PAUKU 1.  E hoololiia a me keia ke hoololiia nei ka mahele 2 o ka Pauku 5 o ke Kanawai i kapaia “He Kanawai e hooponopono ai i ka hele ana mai o na Eemoku Pake,” i aponoia ma ka la 20 o Dekemaba, 1887, oia ka Mokuna XXVIII, o na Kanawai o 1887, a penei e heluheluia ai:

            “2.  E hoopuka aku ke Kuhina o ko na Aina E, i kela a me keia manawa, i na palapala ae noho kuikawa, mamuli o ke apono ana i kakauia o ka Papa Hoopae Eemoku, no ka poe he Pake ma ka hanau ana e komo a e noho maloko nei o keia Aupuni mamuli o na kumu i kauia mahope ae nei.  E hoopukaia aku no ia mau palapala ae i na mea, a i ole ia, i na hui i hoohuiia e lawelawe ana i na hana mahiai maloko o keia Aupuni no na limahana Pake e like la me kana a o lakou paha e hoike ai, ma o ka hoohiki ana e lawa kupono ai no ka hoomau ana aku i ka lawelawe ana ma ua mau oihana lehulehu la.  E hoopuka pakolu ia kela a me keia o ua mau palapala ae kuikawa la, hookahi e paaia e ka Pake e waiho mai i ua palapala ae kuikawa la, o kekahi mau palapala ae aku elua a lawelaweia e like la me ka mea i hoakakaia ma ka Pauku 3 o keia Kanawai.  E kakauinoaia ua mau palapala ae la e kekahi Kakauolelo o ke Keena o ko na Aina E, a e kaulikeia ka helu a e malamaia ua helu la ma kekahi buke o ke Keena o ko na Aina E.  E hookomoia maloko o kela a me keia o ua mau palapala ae la na kumu i hoakakaia mahope iho nei:

            “Ekahi:  O ka mea nana i lawe mai i ua palapala nei e komo iloko o keia Aupuni, e noho oia iloko o keia Aupuni no kekahi manawa aole e oi aku mamua o elima makahiki.

            “Elua:  Aole e lawelawe ka mea iaia ia palapala ma kekahi hana e ae mawaho o ka limahana mahiai, eia nae, o na huaolelo limahana mahiai ua pili no ia i na hana ma na Hale Wiliko, Hale Wili Laiki a me na Hale Wili Kope a me na hana a pau e pili ana.

            “Ekolu:  Ina e loaa aku ua me la me ka hana ole i kekahi manawa iloko o ia manawa i oleloia, a i ole ia, e hana ana i kekahi hana e ae mawaho ae o ka hana lima, hana mahiai, a i ole ia, ua loaa oia iloko o keia Aupuni mahope iho o ka pau ana o ia manawa, ua hiki no e hopu ia oia a hoopaaia a loaa he manawa kupono e hoihoi ai iaia i Kina.

            “Eha:  I hookahi hapaha o ke dala e loaa ana i ua mea la ma ke ano he uku hana no ka hana i hanaia e paa ia e ka haku hana i kela a me keia mahina, a hoihoiia mai e ia i ka Papa Hoopae Eemoku, e hoihoiia e lakou i ka Waihona o ka Lehulehu ma ke ano he puu dala kuikawa malalo o ke kauoha a ka Peresidena o ka Papa Hoopae Eemoku, a e hoihoiia aku e ua Papa la i oleloia i ua mea la i kona manawa e haalele ai i keia Aupuni.  Eia nae, e pau ia paa ana a hoahu ana i ka manawa e hiki aku ai ka huina ma ka inoa o kekahi limahana hookahi i ke kanahikukumamalima dala.  He mana ko ka Papa i oleloia e hookaa i ka uku moku e hoi ai ia mea mai loko ae o ia mau dala i hoahu ia pela.  Ina o ia mea e komo ana iloko o kekahi hana e ae mawaho ae o ka hana oihana mahiai, a i ole ia, e haalele i kona haku hana, e lilo ua dala nei i hoahuia pela i ke Aupuni Hawaii.

            “Elima:  Aole e loaa i ua mea la iaia ka palapala, ka mana e lawe i na pono o ke kupa Hawaii e pili ana i ka loihi o ka manawa e noho ai a e pili ana i ke ano o ka hana, oiai oia ma ke Aupuni Hawaii, aka, e hoohaikiia i ka manawa a me ka hana i oleloia maloko o ia palapala ae.”

            PAUKU 2.  Mamua o ka haawi ana i na palapala ae noho kuikawa e like me ia i hoakakaia mamua ae nei, e kauoha aku ke Kuhina o ko na Aina E i ka mea a mau mea paha e noi ana e haawiia aku ia mau palapala e kakauinoa a haawi aku iaia i palapala bona no ka pono a pomaikai o ke Aupuni Hawaii no na dala hoopai he kanahiku-kumamalima no kela a me keia kanaka e hoopae ia mai ana malalo o ia mau palapala ae noho kuikawa i oleloia.  He hiki no i ke Kuhina i oleloia ma kona manao ana ke koi aku i hookahi a oi ae paha mau hope no ka Bona i oleloia.  E hoakakaia ma ka bona i oleloia e hoolako ka mea noi i ke kanaka i haiia kona inoa maloko o ia palapala ae noho kuikawa me ka hana oihana mahiai e like me ka loihi o ka manawa e noho ai oia iloko o keia Aupuni; i ka pau ana o ka manawa hana i hoakakaia iloko o ka palapala ae noho kuikawa e haawi mai i ke kanaka i hoakakaia maloko o laila (koe nae ke make oia) i ka Papa Hoopae Eemoku, a i ole ia, i kona Agena; e hoouna a e uku mai oia i ka Papa Hoopae Eemoku i kela a me keia mahina he hookahi hapaha o na dala e loaa mai ana no ka uku no ka hana ana a me na hana i hanaia, a hiki aku na dala i hoounaia mai pela i ka huina o kanahiku-kumamalima dala; ina e haalele ana e hoike koke mai oia i ka Luna Nana Eemoku i ka haalele ana o ka mea a mau mea paha e haalele ana pela, a aole oia e lawelawe malu aole hoi e kokua i ka mea i hoakakaia iloko o ua palapala ae noho kuikawa la mai ke komo ana, a i ole ia, lawelawe ana i kekahi hanalima, oihana a hana e ae paha, koe nae ka limahana mahiai e like me ia i hoakakaia ma keia Kanawai.  Ina a hookoia ka Bona a hookaaia ka uku hoopaa e ka mea i hoopaaia ma ia palapala bona, alaila, o ka huina dala i hoahuia ma ka inoa o ka limahana nona ka inoa maloko o ia palapala bona, e hookaa ia aku i ka mea i hoopaaia.

            PAUKU 3.  E hoopukaia no na palapala ae noho kuikawa i paihakahakaia, a ua hiki e hookomoia ka inoa o ka mea nana e paa ana i ka manawa e hoikeia ae ai i ka Luna o ka Oihana Dute e hookomo mai iloko o keia Aupuni, a i ole ia, i kekahi manawa mamua ae o ia wa, a e kakauia he hoomanao ana no ia haawi ana mai maluna o ia mau palapala ae e waihoia maloko o ke Keena o ka Papa Hoopae Eemoku a me ka Luna Dute Nui.

            PAUKU 4.  O ka laweia ana mai o kekahi palapala ae e kekahi mea e komo iloko o keia Aupuni e manaoia no oia no kona ae ana i na mea a pau i oleloia maloko, a he mea e pale aku ai iaia a i kekahi mea nona i ka hoole ana i ka mana o ia palapala ma na ano a pau imua o kekahi Aha Hookolokolo.

            PAUKU 5.  O kekahi limahana e mahuku ana, a haalele, a hoole paha aole e hana i ka hana a kona haku hana, mawaho ae o na mea i hoakakaia ma ka mahele 3 o ka Pauku 1, e pili no iaia na hoopai i hoakakaia ma ke kanawai no ka haalele a hoole paha i ka hana.

            PAUKU 6.  Ina i kekahi manawa ua haalele kekahi limahana i hele mai malalo o keia Kanawai i kona haku hana na ia haku hana e hoike koke ae no ia mea i ka Luna Nana Eemoku no ia haalele ana ma ka hoouna ana i leta i kopeia iaia.  A na ka Luna Nana Eemoku e kauoha e hoouna ia aku he hoolaha no ua haalele ana la i ka Makai Nui, a i ole ia, Hope Makai Nui o kela a me keia apana o keia Aupuni, a na ia Makai Nua a Hope Makai Nui e kau, a i ole ia, kauoha e kau ia kekahi hoolaha ua haalele ua Pake la me ka hai i kona inoa me kona ano i kona haku hana, me ka nui o na dala uku makana (ina he makana kekahi) e haawiia ana ke hoihoiia oia ma kahi paa.  Ma ke Kulanakauhale o Honolulu, e kauia aole e emi malalo o iwakalua o ia mau hoolaha ma na wahi e ike pono ia ai.

            PAUKU 7.  O na lilo a pau i ukuia aku a i loaa mamuli o ka haalele ana a me ka hopuia ana o kekahi limahana e ukuia no ia e ua limahana la mai loko ae o kona uku, a e loaa no ka mana i ka haku hana e unuhi ae ia mau lilo, ina ua hookaa e ia, mai loko ae o kona uku hana.

            PAUKU 8.  O kekahi haku hana e hoike ole ana i ka Luna Nana Eemoku i ka mahuka ana o kekahi o kona mau limahana, e pili iaia ka hewa mikamina, a ina e hoahewaia oia no ia mea e hoopaiia aole e emi malalo o iwakalua-kumamalima aole hoi e oi aku mamua o hookahi haneri dala.

            PAUKU 9.  O kela a me keia mea e hoolako a e haawi ana i ka hana, a i ole ia, i ka ai a wahi paha e noho ai, a i ole ia ua huna i kekahi limahana mahuka iloko o hookahi pule mahope iho o ka hoolahaia ana e like me ia i hoakakaia ma ka Pauku 6 o keia Kanawai, e pili iaia ka hewa mikamina, a ina e hoahewaia no ia mea e hoopaiia aole e emi malalo o iwakalua-kumamalima aole hoi e oi aku mamua o hookahi haneri dala no kela a me keia hana hewa ana.

            PAUKU 10.  E koi aku ke Kuhina o ko na Aina E i hookahi dala no kela a me keia palapala ae noho kuikawa i hoopukaia e ia malalo o no hoakaka ana o keia Kanawai, o ke dala i loaa mai e hoihoiia iloko o ka Waihona no na hana a me ka pomaikai o ke Aupuni Hawaii.

            PAUKU 11.  I ka pau ana o ka manawa o ia palapala ae noho kuikawa i oleloia, ua hiki no i ke Kuhina i olelo ia, ina e hoikeia aku iaia ke kumu kupono e ka mea nona ka inoa maloko o ia palapala ae, e hooloihi aku i ka manawa o ua palapala noho kuikawa nei no kekahi manawa hou aku i oi ole mamua o elima makahiki.

            PAUKU 12.  I ka manawa e hiki mai ai o ia mau limahana, e hoomakaukauia kekahi buke papa inoa me na hoakaka ana no lakou me ke ano a ka Papa Hoopae Eemoku e mano ai he kupono i mea e ike maopopoia ai lakou.  A ma keia ua haawiia ka mana i ka Papa Hoopae Eemoku i oleloia e hana i kekahi a me na rula a pau e pili ana a e pili ana hoi i ka ike maopopoia a e hoololi a hana hou ae e like me ka lakou i manao ai he kupono no ka hooko pono ana aku i na olelo a me na manao o keia Kanawai.  O kekahi o ia mau rula i hanaia, hoololiia a hana hou ia paha e like no kona mana a paa me ko ke kanawai mahope iho o ka hoolaha kuponoia ana o ia mea ma ka hoolaha a pai ana maloko o kekahi nupepa ma Honolulu.

            PAUKU 13.  O kekahi mea i aeia e komo mai iloko o ke Aupuni Hawaii malalo o na hoakaka o keia Kanawai i loaa iloko o keia Aupuni mahope ka pau ana o ka manawa i aaei ma kona palapala ae, a i ole ia, ua hoolilo aku i kona palpala ae i kekahi me e ae mamua ae o ka pau ana o ia palapala, a i ole, ua hana i kekahi hana a mea e ae paha i kue i na mea i hoakakaia ma keia Kanawai, a i ole ia, i na kumu o kona palapala ae noho kuikawa, a i ole ia, e hahaki ana i kekahi o na rula i hoopukaia e ka Papa Hoopae Eemoku e like me na hoakaka ana o keia Kanawai, ua pili iaia ka hewa mikamina, a ina e hoahewaia oia no ia mea imua o kekahi Lnnakanawai Hoomalu a Apana  paha e hoopaiia aole e oi ae mamua o elua haneri dala, a i ole ia, e hoopaahaoia ma ka hana oolea aole e oi aku mamua o elua mahina a mahope o ka hookoia ana o ia hoopai, e paa ia oia malalo o kona mau lilo ponoi a loaa he manawa kupono e hoihoi ai iaia i Kina, a ma ia manawa e hoihoiia aku oia ilaila.

            PAUKU 14.  E mana keia a e lilo i kanawai mai a mahope aku o kona la e aponoia ai.  Eia no nae hoi, ina i kekahi manawa mahope aku o ka aponoia ana o keia Kanawai, ua hana ke Aupuni Hawaii i Kuikahi Limahana me ke Aupuni o Kina, alaila, ua hiki i ka Aha Kuhina ke manao he pono mahope iho o ka hoolaha pono ia ana ma ka hoolaha ana iloko o elua mau nupepa i paiia a hoolahaia ma Honolulu, e kaohi a e kapae i ka hooko ana me na hana o keia Kanawai.

            Aponoia i keia la 14 o Novemaba, M. H. 189.

KALAKAUA REX.

Na ka Moi:

C. N. SPENCER,

Kuhina Kalaiaina.

 

NUPEPA KUOKOA

NO KA MAKAHIKI             $2.00

NO KONO MAHINA                       $1.00

KUIKE KA RULA

 

Peaono, Dekemaba 13, 1890

 

KA HOOMANA MOREMONA

KA HAULEHIA O KA MARE LEHULEHU

            Mamua aku nei, ua hoolaha aku makou no ka loaa ana mai o ka lono no ka hoopuka ana o ke poo o ka hoomana moremona ma Loko Paakai he olelo kuahaua e hoopau a e papa ana i ka mare lehulehu, a e kauoha ana hoi i ka poe a pau o ia hoomana e hoolohe a hooko i na kauoha a ke kanawai o Amerika Huipuia e papa a e hookapu ana ia mea ino lapuwale.

            O ka hoomana keia i punihei nui loa ia e na hilinai k@hihewa ana a kekahi poe o ka lahui Hawaii no na pomaikai lehulehu a me na waiwai nui e loaa mai ana ia lakou ma @a Mauna Pohaku, mamuli o na alakai ana a kekahi poe i hele mai ma ke ano he mau kumu a he mau alakai no ua hoomana nei.  O ka hopena o keia mau hilinai kuhihewa wale, ua kuai a hoolilo iho la kekahi poe Hawaii i na home, i na wahi apana aina a me na pono a pau, a haalele iho la i ka aina oiwi mahope nei, pau kane, ka wahine a me na keiki no ka hele ana e ohi a e noho maluna o na waiwai a me ke kuoonoono kamahao o ka aina o ka hoomana mare lehulehu.  Aia nae iloko o keia punihei wale ana o na manao kuhihewa, he mea huoli no nae ka hoomaopopo ana, aole no i lehulehu loa ko lakou heluna, a no ia poe kakaikahi ko makou minamina no ka loaa ana mai o na @o@aio i ka nui o na pilikia a me ka @ne o k@ lakou noho ana, he kumu @o kupono loa @ no ka poe e noho aku nei mahope e nei.

            O ka mare lehulehu, oia no kekahi o na kahua a mahele ano nui a koik@ o ka hoomana moremona.   Aia iloko o ka makahiki 1885, ua hoala hou ia na kue no ka mare lehulehu e ka poe kue a makemake ole ia hana ma Amerika, a mamuli o ia kumu, ua malamaia he halawai nui a n@ luna a me na lalo o ka hoomana moremona ma ka la 2 o Okatoba, 1885, a ma ia halawai ua hooholo lokahi iho la lakou, o ka mare lehulehu, oia no kekahi o na kahua a mahele ano nui o ka lakou hoomana, me ka nana ole i na olelo hooholo a na aha hookolokolo me na kanawai i kau ia e kue ana ia mea.  O keia mahele, ua ulu mai no ia mamuli o na hooiala a me na hookahua ana a Iosepa Kamika, ka mea hoi nana i hookumu ka hoomana moremona.

            He mau makahiki lehulehu ka hoao ia ana e kinai i keia mea, a ma ka makahiki 1882, ua hooholoia he kanawai i kapaia, ke kanawai papa noho huikau a Edmunds, aka aole nae i hiki ke hooko ia a hiki i ka 1885,  a iloko o ia makahiki he 37 poe i hoopaina no ka noho huikau kue kanwai.  I ka 1886, ua pii ae ka heluna o ka poe i hoopaiia a i ka 127; a i ka 1887 mai ua pii hou ae la a i ka 236.   Iloko no o ia makahiki ua hoo@aku@ka ikaika o ke kanawai, a ua ikeia ke oolea o ka hooko ia ana, aka, ua wiwo ole no ka poe hahaki kanawai malalo o ka uhi koloka e olelo ana he mahele ka mare hookoia ana o ke kanawai, he han kue a keakea i ua hoomana nei.  Aka, ua lehulehu ka poe i hoounaia i ka halepaahao a o kekahi poe hoi, ua pee mamuli o keia hewa.  Ia makahiki hookahi no, make iho la ka Peresidena o ka lakou hoomana, a ua kohoia i Peresidena hou.  He makahiki a oi iki i hala ae nei, ua kukala ae na poo o ua hoomana nei i ka pau o ka hilinai ia o ke kumu ka mare lehulehu a me ka pau o kona hooko ia.  Aole nae keia he hoole ka@koa loa ana, a@le hoi he kapae loa; nolaila, ua kumana ka lehulehu mawaho ae o ka hoomana moremona me ke kamailio i ka oiaio o keia mea.

            Aka, aia ma ka la 24 o Sepatemaba i hala iho nei, ua hoopuka ae la o Wilford Woodruff, ka Peresidena hoi o ka hoomana moremona, he olelo kukala a kuahaua e ao a e kauoha ana i ka poe a pau o ua hoomana nei e hoopau i ka noho a i ka mare lehulehu ana, a penei na olelo o ka mahele hope loa o kana kuahaua:

            “Oiai ua kauia na kanawai e ka Ahaolelo nui e papa ana i ka mare lehulehu, a ua hooholoia ua mau kanawai la le Aha K@e@ana nui ua ku i ke kumukanawai, nolaila ke kuka@ nei au ma keia i ko’u manao a hooholo ana, e hoolohe a hooko i ua mau kanawai nei, a e hooikaika e like me ka mana i loaa ia’u maluna o na lala o ka hoomana a’u e noho poo nei, e hooko pu lakou ma ia hana @ke; + + + a ano ke kukala akea nei au ma keia o ka’u oleloao i ka poe o ka Hoomana o na La Hope e noho kaupale aku mai ka hooku ana i kekahi ano mare i papa ia e na kanawai o ka aina.

WILFORD WOODRUFF,

Peresidena o ka Hoomana o Iesu Karisto o na La Hope.

            Ma ka la 6 o Okatoba iho nei, ua malamaia ma Loko Paakai, ka halawai nui a na Aposetolo, na Bihopa, na Lunakahiko a me kekahi mau luna e ae he hookahi tausani ka nui, ua heluhelu ia ka olelo kauhaua a ka Peresidena Woodruff, a ua hooholo a apono lokahi ia mamuli o kekahi olelo hooholo e apono a e hoopaa ana e mana maluna o ua hoomana nei.

            O keia ka loli ana o ke ano o ka