Ka Nupepa Kuokoa, Volume XXIX, Number 51, 20 December 1890 — Page 1
| This text was transcribed by: | Rose Mae Reeves |
| This work is dedicated to: | Nohealani, Mitchel, Kainoa, Reeves, Kaheaokalani, my grandchildren |
Ka Nupepa Kuokoa
KE KILOHANA POOKELA NO KA LAHUI HAWAII.
NELLIE M. LOWREY.
Notari no ka Lehulenu.
-----:A HE:-----
Luna Hooiaio Palapala a me no Palepaio Hoohiki
Keena Hana me W.R. Kakela Loio ma ka aoao makai o ka Hale Leta, Honolulu 2241-@y.
CECIL BROWN.
LOIO A HE KOKUA MA KE KANAWAI?
@ Agena Hooiaio Palepala no ka Me
Hupuni o Oahu
KEENA HANA: Ma alanui Kalepa.
tf.
E. G. HITCHCOCK
AIKUE HIKIKOKI).
LOIO A KOKUA MA NA MEA A PAU E
PILI ANA MA KE KANAWAI.
E ohi ia no na Bila Aie, me ka awiwi
HILO, HAWAII.
2114.1yr.
- ROSA.
(AKONI.)
Loio a he Kokua ma ke Kanawai.
Luna Hooiaio Palapala.
Keena hana, ma alanui Kaahumanu
GEORGE P. KAMAUOHA.
He Loio a he Kokua ma ke Kanawai.
He Notari no ka Lehulehu,
Luna Ho@ri Palapala Ae Mare,
No Kohala Akau, Hawaii.
--A HE MEA—
ANA AINA.
E loaa no ma Kohala Akau, Hawaii.
2314-Iy
W R. KAKELA.
LOIO A HE KOKUA MA KE KANAWAI
He Luna Hooiaio Palapala.
ENOUCH JOHNSON,
(Enoka.)
He Loio a Kokua ma ke Kanawai,
Imua o na Ahahookolokolo a pau o keia Aupuni.
Luna Hooiaio Palapala Kope no ka
Apana o Kona, mokupuni o Oahu.
Keena hana, helu 15 alanui Kaahu manu, ma ke keena mua iho nei o W C Achui.
2263 Iy
WILLIAM C. ACHI.
Loio a he Kokua ma ke kanawai mua o na Aha a pau o keia Aupuni.
He Notari no ka Lehulehu a Boroka no na waiwai paa.
Keena Oihana, Helu 36, Alanui Kalepa, Honolulu, Oahu.
2262 tf
WILDER & CO. (WAILA MA.)
Mea huai pepe a me na lake huaulu hai
a na ano a p@w, a me na me na pono a pau
ha haie.
Kihi Alanu Moiwahio me Papu
JAMES M. MONSARRAT.
(MAUNAKEA.)
LOIO A HE KOKUA MA KE KANAWAI
He Luna Heei@ie Palapala.
E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.
KEENA HANA: Hale Pohaku hou ma ka aoao ma Waikiki o ka Halewai, Alanui Kalepa.
J. T. WATERHOUSE,
(WALAKAHAUKI.)
Halekuai o na Lole Nani Panio
Lakohao.
Na Lako Hana Mahiko,
A PELA AKU HE NUI WALT.
Alanui Moiwahine,--Honolulu
2262 Iy
NANEA KAMAHAO
O KE
KEIKIALII
ROMEALA;
KA
Ui Kila Mageneti
O Parameri.
Ka Nani E haule ai ka Honua;
Ka Mahina Meli o Salaredina:
Ka La alohi o Mulisedera:
Na Kulu Koko Kamahao Ekolu.
Na Ui Hookelakela o ke
Ao Holookoa.
Na Nani Puuwai Uahoa o ka Honua nei
A O KE
Kila Magenti o ke aloha—“O Parameri no ia.”
Owai mawaho, a heaha ka hua, wahi a ka ninau.
He malihini mawaho, a o bedina ka hua, wahi a ka pane. Ua panai ia mai keia pane a ke keikialii Romeala e ka leo kakana o kahi koa kiai i ka pane ana mai:
Hele pela, aole keia he halealii no ka poe malihini, e ku a hele pela, a ina aole oe e hooko ana, alaila, na ka maka o ka’u pahikaua e kipaku aku i kou poomai ia oe aku.
O keia pane kalakalaibi a kahi koa, oia ka ua loea la i hoonawele aku ai me na olelo kuhinia o ka pahee, a iloko o na minute pokole wale no, aia na ipuka e waiho hamama mai ana, a o kahi koa hoi, ua kono mai la oia i ke keikialii e komo aku iloko.
E maloko hale ke aloha
Hale kipa a ka malihini.
Ua komo aku ua keikialii la me ka haaheo nui, me ke keakea hou ole ia mai e kahi koa kiai e holoholo ana ma ka puka o ka halealii, haawi aku la oia i ka palapala hoolauna a moi Maredina a oia ka ua wahi koa kiai la i lalau mai ai a lawe aku la imua o ka moiwahine Pua Pekina me ke kauoha pu ana ma ii ke keikialii Romeala, e kali iki iho oia no ka pane.
Aole i hala ae he elima minute, hoea hou mai la ua wahi koa kiai la a pane mai la i ke keikialii me keia mau olelo hai mua:
Aole ka moiwahine Pua Pekina i makemake e ike i kou hanohano, aka, ua loaa nae iaia ka hanohano ma ka hookipa ana aku ia oe ma na palena nei o kona halealii. Ano, e ke alii, wahi hoo a ua wahi koa la, e hahai mai mahope o’u a na’u e hookipa aku ia oe no kou wahi e nobo ai.
Alaila, huli ae la ua wahi koa la a kamoe aku la i kona mau kapuai no kekahi wahi hale e ku mamao mai ana main a palena aku o ka halealii o ka moiwahine, me ke keikialii Romeala e ukali ana mahope o ka meheu o ua wahi koa la.
Ia lakou i hoea aku ai ma ua wahi hale la, huli mai la ua wahi koa nei a pa@e mai la ia Romeala, ma keia hale oe e noho iho ai a hiki i ka pau ana o na la elua, alaila, huli hoi aku oe no kou aupuni, e like me ke kauoha a ko makou moiwahine.
O keia mau olelo a kahi koa, oia ka ua Romeala ne ii minoaka iho ai a puana ae la i keia mau olelo:
Akamai oe akamai au
Haele ia na ike o kaua i ke akea.
Wahi a ua Romeala nei, iole paha oe la i moeuhane mua awau keia o ke kila makeneti e nohaha Liilii ai ko kupaa, a hiolo iho oe ilalo me he lepo puna la i popopo, aka, e ike pono ana nae oe i ka pahuna aiana a ke keiki o Parameri e ku iho ai ko piko hananee i ka wai o Lumahai.
I ka haalele ana iho o ke koa kiai ia Romeala, hele holoholo ae la ua loea la me na helehelena hauoli o ka haaheo, a i ka manawa o ka la i kupono ae a ii ka lelo puana ae la ua keikialii nei:
A-ha akahi no a helu na manea o ke keikialii o Parameri, ke hoike mai nei ka Manawa o ka la o ko’u Manawa keia e hiu aku ai a hiolani ma kou poli no ka hai ana aku imua a kela moi puuwai haaheo, aole i lawa ke ku@a o kana wahine ke hoonahoa mai @ Romeala nei ke hoa e kinikohu ai ka olelo ana—
Haehae ka ahu lani i ka makani
Kuehu i ka lepo ula o Kalaeloa.
Me keia nau olelo a ua keikialii la unuhi ae la oia i kana ohenana makalua, a kahoahoa ae la i keia mau oleio: Nani hoi ia ua Manawa ino mai la oe ia’u me ko manao kuhihewa aole o Romeala e hiki aku ana imua o kou alo, aka, e ike ana nae oe ia Makaukiu ka iki aulana o Aukaki.
Alaila, kaikai ae la ia i kana ohenana iluna a luai ae la i keia mau olelo: E Ludiona ke kamahao, e hele no ka halealii o ka Pua Pekina, a imua o ke alo o ua moiwahine la hoike aku awau keia o Romeala kou haku.
I ka pau ana o na olelo a ua loea la, nou aku la oia i kana ohenana ma ka puka aniani e kupono ana i ka halealii o ua moiwahine la.
He huila me ka anapu ana o ka malamalama kamahao iloko o ke keena aina kahi a ka moiwahine Pua Pekina e noho ana.
O keia Manawa a ke aniani kamahao o Ludiona i haukawewe aku la iloko o ke keena aina, oia ka wa a ka moiwahine Pua Pekina ii nu ae a ii kona kiaha waina, a na kela malamalama kamahao i hooki koke iho i kona inu ana me ka pau pono ole, a leha ino ae la kona mau maka no ka paia kahi a ka malamalama kamahao i poha mai ai, aia hoi iloko o ka haikea a mea ke pihoihoi o kona mau helehelena, puana ae la ia i keia mau olelo:
Auwe, he ui kaili puuwai maoli no ka o Romeala ina paha o oe ka’u ipo, auwe, hiolo na lani a me ka honua.
Ano, e ka mea heluhelu, o keia mau olelo a ka moiwahine Pua Pekina, he mau olelo ia na kaua e hoomanao iho ai ua hohihi hoolaau ka makemake o ua ui la o ka puuwai kupaa, oiai, ua ike aku la oia i ke kii hooleleaka o ka mea ana i hoohoka ai, a na ka inoa o ua Romeala nei a kaua i hoike aku i ua moiwahine la, aole io ua kii aka la he mea okoa, aka, o ka maoli pua iliahi no ia o Parameri ka mea i kanaenae ia e ia poe kini.
Maemae Lihau poi ka Lehua
Kupu Kelakela i kea lo o Malama.
I kela wa a ua moiwahine la i ike pono aku a ii na kii onohi a ke aloha, ua hoano e koke ia kona noonoo, a o na kuhinia ono o kana papaaina, ua hiki ole iaia ke haupa iho, oiai na hiona
Kaili puuwai o ke keikialii Romeala aia imua o kona alokahi i kau ai.
No ka hapaha hora ka loihi, nalowale aku la ke aniani kamahao o Ludiona me ke kii hooleleaka o Romeala, a ia wa i ku ae ai ua moiwahine la iluna a haalele iho la in a mea ai o kana papaaina me ka puana hope ana ae i keia mau olelo, aole au e hoopa ana i ko aukou mau kuhinia ina aole ka ui a’u i aloha ai me a’u i keia hora.
Me keia mau olelo a ua moiwahine la huli hoi aku la oia no kona keena moe, a maluna o kona wahi, moe, haule aku la oia hoonana i ka ikiiki wela o kona puuwai.
No kekahi mau minute, hoouna aku ia oia i kana wahine kauwa no ka hele ana e kii i ka loea hookelakela o kea o e hiki aku ma kona halealii me ka hoohakalia ole.
O keia kauoha a ua moiwahine la, ua hookoia aku la ia e kana haia wahine, a iloko o na minute pokole, aia ke kila makeneti imua o ke alo o ua moiwahine la o ke kupaa.
Ua hoolauna mua ae ua mau ui la ia laua iho, ma na muki honi ana a ko laua mau lehelehe, ka mea hoi a ua moiwahine la i puana ae ai, aole ia e ahewa ia mai no ka honi hookah ana, oiai ka Solomona he mau tausani.
Ano, e ka mea heluhelu, ma keia wahi e ike iho ai kaua i ka noheha mua loa ana o ke kupaa o ka puuwai o ua moiwahine la, a na ka panina o na hana e ike ia ai ka paa naue ole o kona puuwai, oia no ka haule ana iho o ka paku o ka hale opera a nalo aku la ua mau ui la mai ka makepeni aku a ka mea kakau, no ia mea, ua hiki ole i ka make peni a ka mea kakau ke ike aku i na mea e hana ia ana, a no ka hopena o na la elua, aia hoi, maalo ae la ma ka puka pa alii o ka moiwahine Pua Pekina he ui hoomahie o ka aoao oolea a maluna o kona mau hiona e hoalii ana na nan@na o ka hauoli.
(Aole i Pa@)
Romiano;
Naita Hapakeko
Ma Italia.
MOKUNA IX
ROMIANO KA OLALI O NA PALI EIWANAUKUE
NA AUPUNIO
EUROPA.
O ke auhee ana o romiano a me ka luku ia ana o kona mau koa, na ia mea i hoohakalia loa aku in a hoolala kaua ana a ua hapakeko la, aka, o na haakokohi ana a na kuakoko o ka inaina a me ka lili iloko o ua Romiano nei, aole loa ia i mawehe ae me he koko la imua o ka wai:
Aka, e kuu makamaka heluhelu, iloko o kela poino nu ii hookui aku me ua hapakeko la aole loa aia i haule hope ma ka hoouna ana aku i kona mau koa kakaikahi i koe no loko o na palena o ke kulanakauhale alii o Italia, no ka huli ana i mau koa hou nona, a iloko o na mahina pokole wale no, aia ua Romiano nei e haahea hou ana no ka Manawa elua he olali hapakeko no na pali eiwa.
Ua hoomahuahua ia ae na koa o ua Romiano nei a oi ae i ko ka wa i hala, a ma ka olelo pokole ana ae a kaua e ka mea heluhelu,
Wela ke kai o Hoohila
i ka helu a na manea o ua hapakeko la o na pali eiwa.
O keia loaa hou ana ae o ke kulana Ikaika ia Romiano, oia ka mea nana i hoopiha hou aku in a manao haakei o ke kuko a me ka pakaha iloko o ua hapakeko la, a oia kana i kahoahoa ae a ii keia mau olelo:
A, ua hiki mai ka la a’u e hoonaueue aku ai ia Europa nei iloko o kona mau kamaa, a haalulu lakou me ka weliweli no Romiano ka haku alii o na pali eiwa.
Ae, wahi hou a ua hapakeko la, e komo aku ana au iloko o Italia a wawahi aku i kona mau mana kaua me ka Ikaika o na medala kila, a e hookah hoi i ke koko o keia lahui haakei no ka hanohano o ke koko o ko’u poe koa i hookaheia.
O keia mau olelo a ua keko la e kuu makamake heluhelu, e hookoia ana ia ke hiki mai ka la a ua olali la o na pali eiwa e komo aku ai no Italia, nolaila, i ko kaua makaikai ana aku i u Manawa la, e hoomau aku ko kaua kamailio ana no ua Romiano nei a me kana mau hana.
Oiai ka hoopuipui ia ana ae o na koa o Romiano, ua haawi mau aku oia in a ike a pau e pili ana i keia mea he lawelawe ana in a medala kila imua o kona mau koa, a i ka Manawa a ua hapakeko la i ike ai aohe olena ana i koe, nolaila i ke kakahiaka o kekahi la haawi ae la ia i ke kauoha maloko o ka o-le no ka akoakoa ana mai o kona mau koa me na kahiko piha o ka oihana.
Ua hooko ia ae kela leo kauoha e na koa me ka hakalia ole, a imua o lakou i haawi aku ai ua hapakeko la in a olelo hoolana o ke koa a me ka wiwo ole, a no ka panina o na olelo a ua romiano nei, hai aku la oia i ke kumu o ko lakou kahea ia ana aku a oia ka ua poe koa la i huro ae ai no ka hanohano o ua la lua ole la o ka haaheo i loaa ia la kou ma ka maki ana aku e komo iloko o na palena o ke kulanakauhale o Italia holookea.
Alaila, e kuu makamaka helehele, mahope iho o na olelo hoolana a ka hapakeko imua o kona mau koa, lawe koke ae la ia i ke kulana alakai ma ka hoomaamaa ana i kona mau koa, a he mea hewa ole ke olelo ae ua haaheo lakou i ka ike a ko lakou alii i haawi aku ai, a o ua Romiano la hoi, he olali maopopo ia e haaheo ai na pali eiwa.
O ka auina la o ua la la, lawe ae la ua opio nei o na pali eiwa i ke kulana alakai o kona mau koa a maki aku la no ke kulanakauhale alii malalo o ke kauoha e hookahuli i ka nohoalii o Italia, a e kaili a e pakaha hoi i ka mana o ke aupuni malalo o kona malu.
Ua hoea aku keia huakai a Romiano a me kona mau koa mawaho o na palena o ka ululaau i ka Manawa noenoe o ua ahiahi la, a malaila lakou i hoomaha iho ai no kekahi mau minute.
Mahope iho o ka hoomaha ana, hoomau hou aku la ua Romiano la i ka maki ana imua malalo o ka malamalama o na hoku o ka lani, a ma ka hora umi o ua po la aia na palena o ke kulanakauhalealii ua paa i ke paniku ia e na koa o Romiano.
O kela Manawa a na koa o Romiano i hoopuni ae a ii ke kulanakauhale alii, he wa ia no ka nanea a me ka palaka o ka lahui Italia, a na ka leo o ka o-le a ka hapakeko i hoala ae ia lakou mailo ko ae o ka nanea a i ke pihoihoi me ka ninau ana i ke kumu o kela leo o-le kamahao o ke aumoe aka, e ka mea heluhelu, o ia mau ninau ana, ua hoike ia aku la ia e ka leo hooho o ke kaua mai na lehelehe aku o na koa puuwai hopo ole o Romiano.
Ua hoopioloke koke ia ke kulanakauhalealii holookoa i ka wa i holo ae ai o ka lono a puni eia hou o Romiano iloko o Italia, a o ka haalulu a me ke pihoihoi, aia ia ke kau la maluna o ke kulanakauhale holookoa.
Ua hoea ae ka naita Apala maluna o ke kahua, no ka hoopakele ana ae i ke kulanakauhale alii a me ke kipaku ana aku i ka enemi mailoko aku o na pale na o ke kulanakauhale alii, aka, ua baule hope ua Apala ma keia kahua kaua oiai, ua luku a hao ia kekahi hapa o ke kulanakauhale mamua o kona hiki ana aku, a aia o Romiano ke ku mai la me kona mau koa mawaho aku o na palena o ke kulanakauhale me ka makaukau e paio mai me ua koa alakai la o Italia.
O ka mahuka e ana aku o Romiano me kona mau koa mailoko aku o ke kulanakauhale alii, oia ka Apala i pane ae ai, ua Pakele kela pakaha ia’u aole i lilo i luahi na ka’u pahikaua, aka, e huli aku ana no au iaia a hiki i kona loaa pono ana aku ia’u.
Alaila, me ke kauoha no ka maki awiwi ana aku o na koa, holo aku la lakou imua me ka puahi nui, no ke alu alu ana i ka meheu o Romiano malalo o ka malamalama o na hoku o ka lani, aka, ua hamare koke ia mai la lakou e ka leo kauoha a Romiano i kona mau @oa, no ka hoomakaukau ana i ko lakou kulana, alaila me ka leo nui, kahea mai la ua hapakeko la me na olelo enaena o ke koa.
A-ha, o oe mai la ka ia e ka alihikaua Italia malalo o ke koko Wale, e hele mai a na romiano e ao aku ia oe i kea no o ka wawahi ana i ko lae paa.
O keia mau olelo a ka hapakeko, ua hoowela ia ke kuakoko o ke keiki Wale a oia kana i pane mai ai.
A-ha, o oe ka ia e ke kanaka huluhulu o ka mauna oItalia nei, ke kipi, ka pakaha, ka puuwai eleele o ke koko awiliwili, a e na koa, imua, no ka luku ana i keia poe ilio holo nahele.
Me kela mau olelo a ka naita apala, koele ae la na medala kila a na aoao elua me ka Ikaika, a o ke aiwaiwa loa aku no paha o na hana oia no na koa o Romiano, oiai e hookina ana na olelo a ua hapakeko la me ka leo o ka hooko kauoha.
E luku in a koa Italia, e haehae ae i kela kanaka Wale hookano, ae kanu ia lakou ma keia wahi.
O keia mau olelo a ka hapakeko i kona mau koa, oia pu ka Apala e uhao la iloko o ka houpo o na koa Italia, a me na olelo hoolana he nui wale.
Aka, e kuu makamaka heluhelu, mahope o ka paio hahana ana o na aoao elua me ka Ikaika o na mea kaua, ua hoi, ua auhee aku la kekahi aoao o ka puali o ka naita Apala, a na ia auhee ana i hoolilo aku i ka Ikaika o ka puali i mea ole, a oia ka Apala i ike iho ai, he mea hiki ole iaia ke hoomau aku i ka paio ana me ka enemi me kela kulana kupilikii o kona puali.
Alaila, o ke emi hope an@ aku no loko o ke kulanakauhale alii oia wale no ke alahele kupono aoao a me kona puali e ku ai maluna o ke kahua pale in a enemi.
(Aole i pau.)
Gaberiela Lenoa
----O KA ----
Puali Kahiko Imeperiela o
Farani.
Koa Opio Hoko o na Ulia o ka Laki.
Kukala Kaua a Perusia no
Kekahi Wahine.
He Moolelo no ke Au-Weliweli
Nui o Europa
Ke Kahua Kaua o Auseturika.
KE KULANA HOOLULU ILOKO O KA
PUALI KURESIA.
Oiai o Gaberiela i haalele iho a ii kona kahua kiai maloko o ke kulana-kauhale, ua kamoe aku la kana huakai no ke kulana kiai o ka puali mua malalo o Konela Lenoa, a iloko o na minute pokole o ka hapalua hora, ua hiki aku la keia i ke kahua o na halelole e ku ana, a puka mai la o Konela Lenoa mailoko mai o kona halelole me ke ohohia nui o na lima elua i kona inoa kapakapa Mekia Gaberiela lenoa, a oia kana i pane mai a ii keia mau olelo,--
“E haawi mai e Mekia Lenoa ia Konela Lenoa i kou mau lima elua o ke aloha. Ua lohe au i kou huli hoi ana mai nei mai Berelima mai, a pela au i makemake nui loa ai e halawai mua me oe mamua ae o na mea a pau. Ua lohe au i kau mau alakai wiwo ole ma na kaua o Ulama oiai oe mai Berelina mai, a ua piha hauoli au me ka haaheo mui maluna o kou kappa aliikoa e Gaberiela Lenoa. O ke kumu a’u hoouna aku ne ii keia kauoha ia oe, oia no ke noi aku e hoi mai oe iloko o ko’u puali nei, a e lilo oe i ukali elua malalo o ka’u mau kauoha i ka la e hooili ia aku ai o ke kaua i ka la apopo. No ka mea, o na kanaka wiwo ole a pau e like me o eke ano, o o eke kanaka kupono nana e wehe ke kukala kaua i ka la e hoouka ia ai, a na’u e hoike aku i ka Emepera no ia loli ana o kou kulana hou iloko o ka puali.”
Ua haawi aku o Gaberiela i ka hoolohe me ka hiaai nui no keia mau olelo ohohia a Konela Lenoa iaia, a i ka pau ana o kana mau kamailio ana mai, ua pane aku la o Gaberiela i keia mau olelo mua o ka hoolohe kauoha,---
“He makemake nui au maluna ae o na mea a pau no ka hooko aku i keia noi au e Konela Lenoa, aka, ua loaa mai ia’u he kauoha paa loa i ke kakahiaka anehinei mai ka Emepera mai, a aohe mana hookah maluna iho o ka ilihonua e hiki ke wehe i ka mana o ia kauoha, --koe wale no ke Akua Ola iloko o kona Aupuni Lani.”
Na keia mau olelo a Gaberiela i hookaakaa aku in a maka o Konela Lenoa no kekahi kauoha ano e loa i haawiia mai e ka Emepera, ina he oiaio ia mau kauoha no ka hooko aku. Ua nana pono mai la o Konela Lenoa ia Gaberiela Lenoa no kekahi mau minute a pane hou mai la.---
“Heaha kea no o ia kauoha i loaa mai ia oe e ka Mekia?”
“E noho au me ko’u puali Kuresia malalo a keia kauoha, --a e make au iloko o hookah hebedoma mai ka la mai inehinei.”
Ua hoopuiwa nui ia o Konela Lenoa i ka lohe hou ana i keia mau olelo, ua haawi mai ka Emepera i kekahi kauoha paa loa iaia e noho me ka Puali Kuresia a make iloko o ka pau ana o hookah hebedoma. I ka emi pono ana iho o kona mau manoa ano e a me ke kahaha, ua pane hou mai la o Konela Lenoa i keia mau huaolelo,--
“He kauoha ano pupule loa kena i haawi ia e kekahi kanaka aooaoo akahele e like me ke kulana o ka Emepera; aka, e hui mai ia’u e Mekia Lenoa—heaha na kumu nu ii loaa mai ai o kela kauoha ia oe mai ka Emepera mai, oiai, he la no kela a me keia ilio e make ai nona iho, me ke kaupalena ole ia o kona manawa e make ai iloko o hookah hebedoma e like me kou e ka Mekia?”
“Ua mare ia au i ka wahine,--a oia ke kumu o’u e make ai iloko o hookah hebedoma,” wahi a Gaberiela i pane hou aku ai.
“A-ha! Ua mare ia oe i ka wahine!! Owai kau wahine i mare ai? A aole anei ia he ninau laula i pili i ke ola kino o na mea a pau?”
“Aohe a’u mau kumu kue no ka hiki ole ke pane aku i ka haina o kau ninau e ke Konela. O ka’u wahine i mare ai,--oia no ka lede hoohanohano o ke aloalii o ka Emeperesa Iosepine—ka lede Madimosele Ineza de Rila.”
I ka lohe ana o Konela Lenoa i keia mau olelo ua mare aku oia i ka lede hoohanohano o ka Emeperesa Iosepine, ua nana pono mai la oia ia Gaberiela no ka hapalua minute me ka manao o ke kanalua, a pane hou mai la,--
“Pehea? Owai kau wahine i mare ai?”
“O ka’u wahine i mare ai, oia hoi ka lede hoohanohano o ke aloalii o ka Emeperesa Iosepine—ka lede Madimosele Ineza de Rila,” wahi hou a Gaberiela.
Na keia mau olelo i haawi aku ia Konela Lenoa e hokiokio oia i ke mele lahui o Farani no ka hapalua minute, a pane hou mai la me ka leo o ke pihoihoi,--
“Kahuhu? O kela kaikamahine opio anei a ka Emepera i makemake ai e mare i ke keikialii Posetama o Perusia no kekahi pomaikai pili lahui, a i holomalu mai hoi mai ke kulanakauhale mai o Berelina i kela ahiahi mua aku nei?”
“He kanalua ole ko’u, ola no ua kaikamahine opio la a’u i mare ai.”
“Alaila, o kou mare ana i ua kaikamahine opio la, o oe hookah ke kanaka laki a’u i ike ai iloko o ke kaua a me ka hoalohaloha in a wahine. Ua maopopo anei ia o eke kulana o ua lede la ma kona koko?’
“Ua maopopo ia’u kona kulana iloko o ka ohana o Napoliona, he lede hoohanohano oia no ka Emeperesa Iosepine ma ka inoa—ka lede Madimosele de Rila. No kona kulana ma ke koko, aole i maopopo ia’u kona ohana i hanau mai ai.”
“Ae, na’u oe e hai aku e ka Mekia,” wahi hou a Konela Lenoa i hoike mai a ii ke kulana kiekie o ua lede la ma ke koko. “Aole wale i kela a me keia kanaka ka maopopo i ke kulana kiekie o ka lakou wahine e mare ai. O ua lede Madimosele la, oia no ka hoahanau mua o ka emeperesa wahine o Auseturia nei, a kaikamahine ponoi hoi o ka Moi o Napela. Ua makemake nui ka Emepera Napoliona e mare aku oia i ke keikialii Posetama o Perusia no kekahi pomaikai o ke kuikahi pili lahui mawaena o na aupuni elua, a eia nae, ua ulupa ia iho la e oe i ka minute au i mare a ii ua lede la ma ka lilo ana i wahine nau. Aole e hiki i ka Emepera ke unaki i ka laahia o ka berita mare, oiai, he waiho ana iho ia i kekahi kiko eleele maluna o ka inoa o ua lede la, a o ka mea hiki wale no ke hana ia, oia kou make, a e noho oia i wahine kanemake mahope aku. A! E kuu hoaloha! Nau no i sila iho ka make maluna o kou hopena. Ina he aloha oe in a hooponopono aupuni ana a Telerana (oia hoi ke poo o ka Aha Kuhina o Farani), ina ole e loaa ia oe na haawina o ka hoopai kiekie mai ka Emepera mai.”
“Aole o’u aloha ia Telerana a me kana mau hooponopono aupuni ana,” wahi a Gaberiela i pane aku ai. “A aole no au i hooholo i ko’u manao e like me ke kauoha a ka Emepera e make au iloko o keia hebedoma ina he mea hiki i ka maka o ka’u pahikaua ke hoopakele ae i ko’u poo. Ua makemake nui au e noho iloko o ko’u puali a hiki i kou wa e lilo a ii Ilamuku ao ke kahua kaua, a e kau aku hoi au ma kou wahi ma ke kulana o ke Konela, a iloko o ia Manawa au e hooholo a ii ko’u manao—ua makaukau au no ka make ana e like me ka makemake o ka Emepera.”
Nolaila, e hoomanawanui iki iho e na makamaka heluhelu a oili hou aku o Gaberiela i keia helu a eke loaa ole na koia ma kona alahele.
(Aole i pau.)