Ka Nupepa Kuokoa, Volume XXX, Number 2, 10 January 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

POAONO, IANUARI 10, 1891.

HAAWINA

Kula Sabati. HAAWINA III, IANUARI 18.

Ko ke Akua malama ana ia Elia. 1 Na 'Lii 17:1-16

 

            O Ahaba ka Moi ehiku maluna o ke aupuni o ka Iseraela No na makahiki he kanalimakumamalima ua emi hope, a ua nui ae na hewa a me na poino.  Ua mareia oia me Iezebela, ke kaikamahine a Etabaala, ka moi o Sidona, a hooholo oia i ka aoao hoomoana o na kahuna o Baala.  1Na'l 16:32.  2Na'l 10:21.  I keia wa pouli o kona aupuni ua hoouna mai o Iehova i kona kaula Elia e ao aku i ka moi a me ka lahui hana hewa, a kukala i na poino e pili mau ai i ka hoomanakii.  Ua hoomanaia o Baala ma ke ano he hoailona no ka hoomahuahua ana o na mea honua.  Ua haiolelo o Elia imua o Ahaba ma ka makahiki umi o kona alii ana.  He poe manaoio 7,000 wale no i koe ma kona aupuni.

 

            OLELO aku la hoi o Elia ka Tise ba no Gileada, ia Ahaba, ma ke ola ana o Iehova ke Akua o ka Iseraela, imua ona e ku nei au, aole auanei he ua, aole hoi he hau i keia mau makahiki, ma ka'u olelo wale no.

            2 Hiki mai la ka olelo a Iehova iaia i ka i ana mai,

            3 E hele oe mai keia wahi aku a huli hikina ae, a e pee aku ma ke kahawai Kerita mamua o Ioredane.

            4 Eia hoi keia, e inu oe i ko ke kahawai; a ua kauoha ae nei au i na manu koraka e hanai ia oe ilaila.

            5 Hele aku la hoi oia a hana e like me ka olelo a Iehova; no ka mea, ua hele ia a noho ma ke kahawai Kerita mamua o Ioredane.

            6 A lawe mai na manu koraka i ka berena a me ka io iaia i kakahiaka, a i ka berena a me ka 10 i ke ahiahi; a inu ae la hoi oia i ko ke kahawai.

            7 Eia kekahi, i ka hala ana ae o na la, maloo iho la ke kahawai, no ka mea aohe ua ma ka aina.

            8 A hiki mai ka olelo a Iehova iaia i ka i ana mai,

            9 E ku ae, a hele oe 1 Sarepeta no Sidona, a e noho malaila; eia hoi ua kauoha ae nei au i kahi wahine kanemake malaila e hanai ia oe.

            10 Ku ae la hoi, a hele ia i Sarepeta; a hiki i ka puka o ke kulanakauhale, aia hoi, malaila ka wahine kanemake e ohi ana i na lala laau; a kahea aku oia ka wahine, i aku la, ke noi aku noi au ia oe e lawe mai i wahi wai uuku maloko o ka ipu, e inu au.

            11 A i kona hele ana e lawe mai, kahea aku la oia iaia, i aku la, ke noi aku nei au ia oe e lawe mai i kau wahi berena uuku maloko o kou lima.

            12 I mai la ka wahine, ma ke ola ana o Iehova o kou Akua, aole o'u popo palaoa, hookahi wale no piha o ka lima o ka palaoa wali ole, maloko o ka barela, a he wahi aila uuku iloko o ka omole; eia hoi,e ohi ana au i na lala laau elua e hele au iloko, a e hoomoa'e ia na maua me kuu keiki, e ai maua, a make.

            13 I aku la o Elia iaia, mai makau oe, aka, e hele a e hana oe e like me kau olelo: aka, e hana mua oe i wahi popo palaoa uuku na'u, a e lawe mai i o'u nei, a mamuli e hana oe na olua me kau keiki.

            14 No ka mea, ke i mai nei o Iehova ke Akua o ka Iseraela, aole e emi iho ka barela palaoa wali ole, aole hoi e pau ae ka omole aila a hiki i ka la e haawi mai ai o Iehova i ka ua ma ka ili o ka honua.

            15 Hele ae la hoi oia a hana e like me ka olelo a Elia; a ai iho la ko kona hale i na la he nui.

            16 Aole i emi iho ka barela palaoa wali ole, aole hoi i pau ae ka omole aila, e like me ka olelo a Iehova ana i olelo mai ai ma ka lima o Elia.

 

PAUKU GULA.

            Halelu 34:10.  O ka poe imi ia Iehova, aole e nele i ka mea maikai.

 

I.

            Owai ka moi ino loa o ka Iseraela?  Owai o Elia?  Pehea kana oihana?  Aia mahea kona wahi i noho ai?  Pehea kana ano hana?  Pehea kana haiolelo imua o Ahaba?  No ke aha la keia poino i hooiliia maluna o ka Isaraela?  Kau 11-16;17.  28:15,23,24.  Heaha ke ano o ka Ahaba moiwahine?  Pehea ka loihi o ka manawa i wi ai ka aina?  Pehea i hiki ai ia Ahaba ke hoopokole i keia popilikia?  1Na'l 8:35-39.  No na makahiki ehia keia wa poino?  Luka 4:25.  Pehea ka manao a ke Akua ma ka hoopili ana i keia poino?  Heb 12: 1-9.  Heaha ka manao koho pono e pili ana i ko Elia lawelawe pu ana i keia poino maluna o ke aupuni o Ahaba?

II.

            Aia mahea kahi a Elia i pee ai?  Mai a wai mai keia pee ana?  1Na'li 18:10.  Pehea ka hanai ana ia Elia?  Ehia manawa a na manu koraka i lawe mai ai i na mea ai?  Heaha ka mea a kakou i pule aku ai ma ke noi ana o ka pule a ka Haku?  Heaha ke kumu o ko Elia haalele ana ia Keriba?  Heaha kekahi mau pomaikai uhane i loaa ai iaia i keia wa kaawale?  Pehea ke ano kupono o na wa omaimai no ka poe hewa, no ka poe haipule?

III.

            Ihea ko Elia mahuka hou ana?  Aia mahea ua kauhale la?  Owai ka mea malama iaia?  He wahine hoomana kii anei oia?  Heaha kana hana i ka wa a Elia i halawai ae me ia?  Heaha kana olelo koikoi mua iaia?  No ke aha la keia noi?  Heaha ka lua o kana olelo?  Pehea ka olelo pane a ua wahine la?  Pehea i maopopo ai iaia ka Elia oihana?  Pehea ka Elia olelo hoopomaikai?  Pehea ko Elia hoike ana i kona manaoio?  Pehea i maopopo ai ke kupono o keia hana mana?  Heha ka Iesu olelo hoopomaikai i ka poe e malama pono ana i kona mau kaula?  Mat 10:41,42.  Owai ke kaula ma ke kauoha hou, ano like me Elia?  Mat 17:10-13.  Heaha kekahi mau olelo ao mai a Iesu mai e pili ana i ko Elia hele ana aku i Sarepeta?  Luka 4:25,26.  Heaha kekahi mau olelo hoopomaikai a ke Akua i hooko ai i keia wahine kane make?  Mat 6:33, 10:41,42.

 

NA MANAO PILI.

            1-Ke haawi mai nei ke Akua i ka ua, ke aua nei hoi, mamuli a kona naauao lokomaikai.  2-Ua lawelawe nona na mea o ka honua a pau loa, na manu kekahi, ma ka hooholo ana i kona mau manao paa.  3-Ua malama pono oia i kona poe lawelawe.  4-Ma ke kokua ana ia hai e loaa ana ia kakou ke kokua.  5-O ka hana kupono loa e noho lako ai, oia no ka puunaue ana i ua waiwai no ka pono.

 

HAAWINA IV, IANUARI 25.

O ELIA A ME NA KAULA O BAALA.

1 Na Lii 18:25-39.

            A pau na makahiki ekolu me ka hapa.  Ua hoouna hou aku o Iehova ia Elia 10 Ahaba la.  ua nui ka poino o ka lahui kanaka holookoa o Elia ia Ahaba no ka hooili ana i keia popilikia maluna o ka lahui.  Ua hoakoakoa ia lakou ma ka mauna o Kalemela.  Ua hoao o Elia i na kahuna o Baala i ka mana oi aku o Iehova paha, o Baala paha.  Eia ma keia mau pauku ka moolelo o ko Iehova lanakila.  Ia wa no ua alii e o Ababa i na makahiki 13:0 Jehosapata, 9 O ka hana mana i oleloia, oia no ke noi ana i ahi mai ka lani mai maluna o ke kuahu.  Ua kapaia ko Baala mau kahuna he mau kaula, me he mea la ua hiki ia lakou ke wanana mahope o na mohai, e like me na kahuna Hawaii mahope o ka inu ana i na apuawa.  O ke ana hua i olelo ia oia no ka leo ano like me ekolu mau galani.  O na barela, oia no na ipu lepo no ka wai.  O ka wai mai kekahi punawai mai i huai ai kokoke i kahi i akoakoa ai.  O ka wa i kaumaha ai i ka mohai ahiahi, oia no ka hora 3 o ka auwina la.

 

            OLELO mai la hoi o Elia i na kaula o Baala, e koho oukou i kekahi bipi no oukou iho, a e hoomakaukau mua ae ia, no ka mea he lehulehu oukou; ae kahea aku i ka inoa o ko oukou mau aku, a aole hoi e hahao ae i ke ahi.

            26 Lawe ae la lakou i ka bipi i haawiia ia lakou, a hoomakaukau ae la hoi ia, a kahea aku la i ka inoa o Baala, mai kakahiaka a awakea i ka i ana aku E baala, e hoolohe mai ia makou, aka, aohe leo; aole hoi mea i hoolohe mai.  Lelele ae la lakou ma ke kuahu i hana ia ae.

            27 Eia kekahi, a awakea ae la, hoomaewaewa ae la o Elia ia lakou, i ae la e kahea me ka leo nui no ka mea, he akua ia; e kukakuka ana paha ia, e hahai ana paha ia, e hele loihi ana paha, a e hiamoe ana paha ia, e pono hoi ke haola ia ae.

            28 Kahea aku la lakou me ka leo nui, a kokoe iho la lakou ia lakou iho mamuli o ko lakou ano, me na pahi a me na ihe, a hu mai ke koko maluna iho o lakou.

            29 Eia hoi kekahi, i ka aui ana ae o ka ia, a pule ae lakou a hiki i ka wa e kaumaha ai i ka mohai ahiahi, aohe leo, aole hoi mea hoolohe, aole hoi mea manao mai.

            30 Alaila, i mau la o Elia i ka poe kanaka a pau, e hookokoke mai io'u nei; hookokoke ae la ka poe kanaka a pau i ona la.  Kukulu hou ae la oia i ke kuahu o Iehova i hiolo ilalo.

            31 Lawe ae la hoi o Elia i na pohaku he umikumamalua, mamuli o ka helu ana o na ohana a na keiki a Iakoba, a ka mea i hiki mai ka olelo a Iehova iaia, e i ana, e kapaia auanei kou inoa o Iseraela.

            32 A kukulu ae la oia ia mau pohaku i kuahu no ka inoa o Iehova, a hana iho la hoi i auwaha a puni ke kuahu o kona nui e hiki ai ke komo na ana hua elua.

            33 Hooponpono ae la hoi oia i ka wahie, a okioki ae la i ka bipi i mau apana, a kau ae la maluna o ka wahie; i mai la hoi oia, e hoopiha i na barela eha me ka wai, a e ninini iho maluna iho o ka mohaikuni, a maluna iho hoi o ka wahie.

            34 Olelo mai la hoi oia, i elua o ka oukou hana ana.  Elua ae la no hoi ka lakou hana ana.  I mai la hoi oia, i ekolu hoi o ka oukou hana ana.  Ekolu ae la no hoi ka lakou hana ana.

            35 Kahe ae la hoi ka wai a puni ke kuahu; a hoopiha iho la no hoi oia i ka auwaha i ka wai.

            36 Eia hoi kekahi, i ka wa i kaumaha ai i ka mohai ahiahi, hookokoke ae la o Elia ke kaula, i aku la hoi, e Iehova ke Akua o Aberahama, a me Isaaka, a me Iseraela, i keia la e hoikeia ai o oe no ke Akua iloko o ka Iseraela, a owau nei kau kauwa, a no kau olelo i hana aku ai au i keia mau mea a pau.

            37 E hoolohe mai ia'u, e Iehova, e hoolohe mai ia'u, i ike keia lahuikanaka o oe no Iehova ke Akua; a ua hoohuli hou mai hoi oe i ko lakou naau.

            38 Alaila, haule mai la ke ahi o Iehova, a hoopau iho la i ka mohaikuni, a me ka wahie, a me na pohaku, a me ka lepo, a miki ae la hoi i ka wai iloko o ka auwaha.

            39 A ike ka poe kanaka a pau, moe iho la lakou ilalo ke alo, i aku la hoi lakou, o Iehova, oia ke Akua, o Iehova oia ke Akua.

 

PAUKA GULA.

            1Na'lii 18:21.  Pehea la ka loihi o ko oukou kapekepeke ana iwaena o na manao elua.

I.

            Heaha ka Elia olelo ao i ko Baala mau kahuna?  No ke aha la kona ae ana aku i ko lakou hoomakaukau mua ana?  Pehea ka lakou ano hana?  Pehea ka loihi o ka lakou pule ana?  Pehea ka pane i loaa ai?  pehea ko lakou koikoi ikaika ana aku?  Pehea ko lakou lanakila?  Heaha na kumu no ke ano kupono o ke ahi me he hoailona la o ke Akua oiaio?  Ehia mau kahuna no Baala?  heaha ka mea a Baala i hoailona aku ai?  Heaha na kumu no ka hoomana ana ia Baala?

II.

            Heaha ka Elia olelo ao i ka lahui?  Heaha kana hana i kauoha aku ai?  No ke aha la ke kauoha ana i mau pohaku umikumamalua no ka hoohana hou ana i ke kuahu?  Pehea kana hana a puni ke kuahu?  Pehea kona hoomakaukau ana i ka mohai?  No ke aha kona kauoha ana ekolu manawa e ninini iho i wai maluna o ka bipi, ka wahie a me ke kuahu?  heaha namea e hoike mai ana i ka lanakila ana o ka Elia pule?  Heaha kekahi pane ma ke ahi i oleloia ma ke Kauoha Hou?  Oih 2:1-3.  Heaha ka oiaio ano nui i hoike ia ma ka Elia pule lanakila?  Iak 5:17-18.  No ke aha la ko Elia kukulu ole ana i wahi kuahu hou?  No ke aha la ka pono ole ana o na hana mana e hooiaio ai i ka olelo a ke Akua?  Heaha na hana mana a ke Akua i keia mau la?

III.

            I ka hora hea ke kokoke ana mai o Elia i ke kuahu?  Ia wai kana pule ana aku?  Heaha kana pule?  Pehea ka pane i loaa ai?  Heaha na mea i hoopauia e ke ahi mai ka lani mai?  Heaha ka olelo a ka lehulehu?  Heaha na mea a lakou i hana aku ai i na kahuna o Baala?  Pehea i maopopo ai mai a Iehova mai ke ahi ma ke ano he pane i ko Elia pule?  Heaha na kumu kupono o ka hoomana ana ia Iehova?  No ke aha la e pono ai ia kakou e koho i keia ano hoomana no kakou iho?  No ke aha ke kuihe o na manao ma ke koho ana ia Iesu ko kakou hoola?  Heaha na mea e maopopo ai ke ino o keia kuihe ana?  Pehea ka Iesu olelo ao e pili ana i ko kakou koho ana?  Mat 6:24.  Luka 16:13.  Ua pono anei ke noonoo i na kumu hooiaio o ke Iesu hoola?

           

NA MANAO PILI.

            1-Ua konoia kakou a pau loa e koho i ko kakou mea e hoomana aku ai.  2-E hoka ana kakou ma ka hoomana ana i na Akua lapuwale.  3-O ka Uhane Hemolele oia no ke Akua pane i na pule, e hoomaemae ana me ka wai a me ke ahi.  5-E pono ke huli i na pane no ko kakou mau pule.  6-E hoopaiia ka poe i pili mau ai i ka hewa.

 

Hoole Waiona. [Na ka Ahakui W.C.T.U.]

            Ma Kaleleonalani, oia hoi o "Ema Hale, ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ka Ahahui o ka Lipine Bolu o Honolulu.

            Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule.  pela no me na malihini mai na mokupuni e mai, e komo, a hui me makou ma keia hana kuonoono.  "No Ke akua a me ka HOME, a me ka AINA HANAU! !"

 

HOOLAHA KUMAU.

            I ka Poakolu auwina la, ma ka hora a e hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona, i kapa ia "KA BANA O KA MANAOLANA," iwaena o na keiki o ke kulanakauhale o Honolulu nei.  Ke kono ia aku nei na keiki o ka aina makua, a me na keiki o na aina e, e hele mai.  E malama ia ana he wahi paina meaono me ka inu ti a me ka haukilima, ma ka Poakolu hope o ka mahina.

 

NA NAHESA.

            Ma kekahi halawai haipule, ua ku iluna he kanaka kristiano oiaio, olelo oia, i kuu wa opio, ua lilo au he pio malalo o na wai ikaika, aka, ma ka hooikaika ana o ka poe lipine bolu ua haalele au.

            Mahope, ua huli au i ka pono ua lilo au i kauwa na ke Akua, a no ka nui o kuu iini e malama i kana kauoha hope, "E hana hoi oukou me ka hoomanao mai ia'u," nolaila, ua hele au i ka ahaaina o ka Haku.

            I ka wa hookahi o kuu hoomaka ana e inu i ka waina, no ka mea, iloko o laila ka alekohola, ua hiki hou mai ka ono no ka waiona, nolaila, aole au i lawe iki i ka waina ma ka papa a ka Haku, a hiki i keia la.

            He makau au i ka hoowalewale o haule hou au iloko o ka ona a me na poino o kuu wa opio.

            1-Na Naheka.  Oia no ka waiona.  He iwakaluakumalima ka nui o na Nahesa e holo ana ma na alanui, oia hoi ka free whisky- he wiseke i loaa wale mai no.

            2-E hoopaa ia mau nahesa he iwakaluakumamalima iloko o ka pahu, a ma ka mana o ka aha hookolokolo, e wili i iwakaluakumalima mau puka ma ia pahu, oia no ka laikini haahaa.

            3-E pani a paa i na puka he umi o ia pahu, i hiki i na nahesa i puka aku a pau ma na puka i koe he umikumamalima, oia no ka laikini kiekie.

            4-E kipaku aku i na nahesa a pau ma ke kulanakauhale ma o aku, oia no ka hoopaa ana i na waiona ma kahi hookahi e like me ka makemake.

            5-E pepehi i na nahesa, oia no ka hookapu loa ana i na waiona.

 

AOLE BIA NO'U

            E pena ana ke kanaka pena hale ma waho o kekahi hale nui, kiekie, maikai a he keena kuai rama malalo o ia hale, ua makemake ke kanaka pena e hoopau koke i kana hana malaila, a e hele hou aku no ka hana hou i kali ia nona, nolaila, ua manao oia e malama i manawa ma ke kii ole ana i kona mea paina awakea.

            Nolaila, kahea oia i ka pokii e maa lo ana, a noi aku la oia e holo i kauhale a lawe mai i kana hinai mea ai, a ua ae mai ka pokii; nolaila, kakau ka mea pena hale i leta na kana wahine, a hoo hiki iho la ka mea pena hale, e uku aku i ka pokii ke hooko pololei oia i kona makemake.

            Ae koke ka pokii a lawe aku la oia i ka leta me ka mama, a hoi koke mai la me ka piha o ka hinai me na mea ono a momona.

            Ua manao paha oukou ka poe i heluhelu i keia, he kenikeni paha ka uku o ka pokii i loaa ai?  Aole!  Komo koke ka mea pena hale iloko o ke keena kuai rama a lawe mai la oia he aniani bia hu'ahu'a a haawi i ke keiki, me ka olelo, "e ka pokii, e inu ae i keia ua pomaikai au ia oe."

            Ua ae anei ka pokii?  Ua inu anei?  Aole, aole loa; ua mumule oia, aka, ua pane koke ke kanaka pena me ke koi aku i ka pokii e inu koke.  Pane koke ka pokii, "mai kuu wa i hanau mai ai a hiki i keia la, aole au i hoao iki i ka bia, a eia ka'u ia oe, aole au e lawe a hoao iki i kena mea."

            Akaaka ka mea pena hale i ka pokii, ma ia mea, aole oia he keonimana, no ka mea, he aie kona iaia.

            Pane hou mai la ka pokii, hiki no ia oe e akaaka e like me kou makemake, aka, owau, ua hoohiki au aole loa e haha a hoao i kekahi ano waiona, a ia wa, me kona makau nui ua holo kiki aku la oia ma kahi e.

 

BRAVO! NO KE KEIKI.

            Ke hoomanao nei au i kekahi moolelo hou, he keiki oluolu a he ae mau i ke kokua ia hai.

            I kekahi la, e paani ana oia ma ke alanui, a kahea kekahi lede iaia, "E Kale : E oluolu oe e kii i hookahi paina bia no'u, a e uku no hoi au ia oe he kenikeni."

            Pane o Kale, "aole, aole e hiki ia'u, no ka mea, he lala au no ka bana o ka manaolana, a ina he mea e ae, e ae aku au i kau noi, aka, o ka bia, aole loa he hiki ia'u ke hele e kuai ia mea."

            Aole anei he wiwo ole keia mau pokii a elua?

 

MOKUAINA O MINESOTA.

            Ua hooholo ia e ka aha kiekie o keia mokuaina i mea kupono no na wahine e mahalo ai, a eia ka mea i hooholoia:

            O na kii a pau i pai ia, ka waiwia no ia o ka mea o noho ia mau kii.  Hookahi makahiki ka loihi o ka hookolokolo ana i loaa ia no loko mai o na hoopii kue ana i ka poe hana a kuai baka, a me ka poe i kuai i na kii o na whaine nani ma ka nana aku, a ua lawe ia mau kii i mau maka kalepa.

            O Mrs. Cleveland ka wahine a ka Peresidena o Amerika hui, ua lawe ka poe kalepa baka i kona kii, a ua kau nui ma kahi e ike pono ia ai i mea e hoowalewale ai i kanaka e kuai i ka baka, a mahope ua hoopauia ma ke kauoha ikaika a kana kane.

            Eia kekahi mea i oi ma ke kolohe, o ka poe i hana a kaui aku i na kikalika, lawe lakou i na kii o na wahine, lede, a hoopaa lakou i ke poo me kekahi kino ma na ano olohelohe he nui.

            He pono i na aha hookolokolo e hoopau loa i keia ano hana diabolo.  Ke hooikaika la na aha hookolokolo o Enelani i ka hoopau ana o keia ano hana a Satana.

            Ke inu nei o Parisa, kulanakauhale o Farani i ka waina.  Aia malaila he 60,000 na hale kuai waina i na la a me na po a pau i kuai mau ia.

 

HE WAHI MEA KUMUKUAI KIEKIE.

            E holoholo ana he kanaka ma Regent's Park, Ladana, halawai pu oia me kekahi kanaka, a o kona home hookahi wale no oia ka Home Ilihune.  Ua puka oia iwaho i loaa ka ea oluolu.

            "E ka makamaka," wahi a ke keonimana, "he mea kaumaha keia, kou hookipa ia ana ma ka hale haahaa.  Ehia ou mau makahiki?"

            "He 80 o'u mau makahiki," wahi a ke kanaka.

            "Ua loaa anei ia oe he oihana mamua o kou komo ana iloko o ka ilihune?"

            "Ae; mamua he kamana au."

            "Ia wa, ua lawe anei oe i na waiona?"

            "Aole; he bia wale no ka'u i inu ai; aole, aole au e ae e lawe i ka mea ikaika mamua o ka bia."

            "Pela ea?  A heaha kou lilo no ka inu bia ana ma ka la hookahi?"

            "Ka! he hapa-umi no paha."

            "No na makahiki ehia?"

            "No 60 makahiki."

            Ia manawa lawe ke keonimana i kona buke hoomanao a kahakaha me kona peni, oiai e kamailio ana me ke kanaka ilihune.

            "E hoike aku au ia oe i ka nui o na lilo ou no ka bia, ina oe e nana mai i keia mau huahelu; o ka moni, he hapa umi o ka la, no na makahiki he 60, ina ua waihoia aku ia me ka ukupanee, ua loaa koke ia oe he $800 i ka makahiki."

 

            "E hai aku au ia oukou no na lilo o ke galani wisike hookahi,"  wahi a ka lunakanawai mahope o kona hookolokolo ana i ka hihia ona.  "Ua loaa mai no loko mai o ke galani wisike hookahi he elua pepehi kanaka a me elua wahine kanemake no ua wiseke la, a he ewalu mau keiki makua ole.

 

            "No kuu pomaikai iho, a no ka pomaikai o hai, a no ka noni o Iehova, ke hoole loa nei au i na waiona a pau."  He moto kupono keia no kakou a pau.

 

Benson Smith & co.

Na Mea Laikini ia e kuai Kukaa a me Kuai Liilii aku.

Na Laau Lapaau O NA ANO A PAU.

HELU 113 me 115, ALANUI PAPU

O LAUA NA AGENA NO NA Laau Lapaau kuluwai Liilii!

Boreicke & Schrecke IA ME NA:

WAi Lukini OnAonA Waianuhea!

WAIALA MAILE A ME KE Onoona Lei Aloha!

            O na lako no ka Lauoho a me ka Ili, a me na mea hoonani o ka Home, e loaa no na makamaka ke kipa mai ma keia hale.

 

E, LILILEHUA, Loio ma ke Kanawai.

            Notari hooiaio palapala no ka lehulehu, kakau palapala kuai, hoolimalima, moraki, me na ano palapala pili kanawai a pau.

            Keena Oihana?  Kawehionamanu, Kaluaaha, Molokai.  228-6ms

 

PAPA!  PAPA! AIA MA KAHI O LEWERS & COOKE (o Lui Ma).

Ma ke kahua hema o alanui Papu me Moi E loaa ai na PAPA NOUAKI o kela a me keia ano.

Pani Puka, Na Puka Aniani, Na Olepelepe Na Pou, Na O-a, Na Papa Hele, Na Papu Ku, A me na Papa Moe nui loa.

Na Pili o na Hale o na Ano a Pau A ME NA WAI HOOHINUHINU NANI O NA ANO A PAU LOA.

NA BALAKI ANO NUI WALE.

A hai i ak@ Makamaka a pau, ua makaukau keia Makamaka o oukou e haalawa aku ma na mea a pau e pili ana ma ka laua oihana.

NO KA UKU HAAHAA LOA.

E like me kamea e holo ana mawaena LAUA A ME KA MEA KUAI.  HELE MAI E WAE NO OUKOU IHO.

Ka Waiwai o ka Hilinai Saseparila Ayer

A Y E R, Laau Saseparila, kai kaulana hilinai nuiia no ka hoomaemae koko, ma na wahi a pau o ka honua, he aneane 40 ma ka hiki i hala ae nei, a ua lawelawe nui ia hoiwaena o na oihana lapaau.  O keia LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali ane kou?  U a wili pu anei me na ano mai ikaiki?  A u hui pu anei me na wai awaawa hoopehu Na keia LAAU e hoomaemae ia mau mea ino a pau a maikai.  O na kauka lapaau a pau o Ame ika ike ke ano o ka YER SASAPARILA ua olelo lakou, aole he mea maikai e ae no ka hoomaemae koko ana mai na mai i awi pu ia, aka o keia wale no.  NO ka HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke KOKO ino hakuhaku, a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana keia LAAU SASAPARILA A AYER.  He maa lahi a he MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomoomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana ma i keia laau mamua o kahi mau laau e ae.

AHILINAIIA no ka ikaika kupono o ke ola kino, ma ka maemae o ka koko, hoomake pu ia na ma'i, a pela aku.  He nui na laau hoomaemae koko i oolaha wahahee wale ia malalo o na inoa lehulehu, aka, o na hilinai a me na hooia wale no a ke ao holo okoa, maluna o ka  Ayer Laau Sasaparila I HOOMAKAUKAUIA

Kauka J.C. Aver & Co. Lowell, Mass.

HOLLISTER & CO.

Na Agena ma ke Peaaina Hawaii.

Kakela a me Kuke

Ka Halekuai Nui O NA Waiwai Like Ole

E iau na pahiolo, koi hole, hamale, koi nui a me liilii, kila, wili puaa, rula, apuapu, kui o na ano a pau, kai kaa, hao hoopaa puka pohaku hoana, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu, pepa kalakala, lina hao, ami, keehi, a me KAULA OPU

PALAU

O na ano he nui wale.

Oo, ho, kopala, pe kipikua, hao kope, au ho a pela aku, kua bipi, lei bipi, kaula hao bipi, uwea pa, uwea keleawe, hao pilpiula, kaa palala, ipuhao, ipu ti pa-palai, Makau me Aho Lawaia.

Ili wai, papa holoi, kopa ala, kaula kuaina, hu'akai, ehi wawae, hulu pena, hopaoloi, a pela aku.  Pena wali, kini nui a me liilii o na ano a pau, me ka pepa kuhikuhi, pena keokeo, aila pena aila hoomaloo, vaniki kaa, a me vaniki moe, PENA HOOMALOO a me aniani hale

AILA MAHU, AILA MIKINI, AILA HAMO ILI AILA KAA, INIKA KAMAA, PAUDA, KUKAEPELE KIANA PAUDA, UIKI IPUKUKUI O NA ANO HE NUI A LEHULEHU

Na Pakeke Poi O KE Ano Hou Loa

NA MEA PIULA Mikini Humuhumu

MIKINI A WILOX ME GIBBS NA MIKINI A REMINGTON.

He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike.

Laau Lapaau Kaulana Lou.

A DR. JAYNE, LAAU HOOMAEMAE KOKO LAAU HOOPAU NAIO, LAAU KUNU, PENIKILA HUAALE PAAKAI, LAAU HOOPAA HI, Me na Laau Hamo a Pela 'ku.

            Ano, e kipa mai oukou e na maka maka a ike no oukou iho.

KAKELA & KUKE