Ka Nupepa Kuokoa, Volume XXX, Number 2, 10 January 1891 — MA KE KAUOHA. [ARTICLE+ILLUSTRATION]

MA KE KAUOHA.

HE KANAWAI E Hoololi ai i na Pauku 2, 3, 4, 6, 8 a me 9 a e Hoopau ai i ka Pauku 12 o ke Kanawai i Kapaia "He Kanawai e Hoo loli ai i ke Kanawai e pili a\a i na Luna Alanui a me ka Hoolilo ana o na Auhau Alanui a e Hoonoho l mau Papa Alanui Apana, a e Hoakaka i ka Lakou mau Hana," i Aponoia ma ka La 25 o Novemaba, 1887, a e Pakui mai i Pauku hou e Kapaia Pauku 14. E Hooholoia e ka Moi a m$ ka Ahaolelo o ke Aupuni Ha-waii: Pauku 1. Ma keia ke hoololiia nei ka Pauku 2 oke Kanawai i oleloia, a penei e heluheluia ai : "Pauku 2. E kohoia ena poe i kupono ike koho balota o kela a me keia apana auhau ma ke koho balota nui no na Lunamakaainana a me na Alii e hiki mai ana e malamaia ana ma ka makahiki 1892, a ma kela a me keia koho balota nui ana mahope aku, i ekolu mau mea kupono e noho ana ma kela a me keia apana auhau o ke Aupuni a o lakou no ke hana ma ke ano o lakou no ka Papa Alanui oka Apan'a i kohoia ai lakou. E kohoia ua mali mea la a e noho ma ka oihana no elua makahiki mai ka la aku oke kohoia ana. O ka balota no ia koho ana e like no me ke ano i hoakakaia ma ke kanawai no ke koho ana i na Lunamaleaainana a hanaia ke koho ana a e kukalaia e like me ia e hanaia nei i keia wa, a e hoakakaia ana ma keia hope aku e ke kanawai koho balota o ke Aupuni. Eia no nae, aole e koiia ka moho e kohoia ana e imi aku a waiho aku me ke Kuhina Kalaiaina kekahi palapala noi e kohoia oia no ka oihana i oleloia. Na kela a me keia moho e hoike aku i ke Kuhina Kalaiaina iloko o aole emi malalo o iwakalua la mamua iho o ke koho ana i kona manao e lilo i moho e kohoia i mea e hiki ai e hoomakaukauia na balota a hoounaia i na Luna Nana Koho Balota o kela ame keia Apana. I na manawa e komo ai na apana auhau i oi ae mamua o hookahi maloko o kekahi apana koho ua hiki no e malamaia ke koho ana ma ia wahi koho paha maloko o ia apana koho e like me ke kuhikuhi ana oke Kuhina Kalaiaina. E hoomakaukauia he pahu balota okoa e hookomoia ai na balota i kohoia no na lala o na Papa Alanui. u lna e make, a i ole ia, haalele kekahi lala o kekahi Papa Alanui, e hoopihaia ia hakahaka e ke Kuhina Kalaiaina. 0 ka hoonoho ana ma ia wahi i hakahaka no ka manawa wale no ia i koe oka manawa e noho ai o ia mea i make a haalele paha. E koho na lala oia mau Papa Alanui i kekahi o lakou i lunahoomalu no ko lakou Papa. E hana na lala o ia mau Papa Alanui me ka uku ole." Pauku 2. Ma keia ke hoololiia nei ka Pauku 3o ke Kanawai i oleloia, a penei e heluheluia ai : "Pauku 3. Malalo oka Papa Alanui ka hooponopono ana o na hana a pau ma na alanui a pau. na alahaka a me na alahele o ka lehulehu maloko o ko lakou mau apana, a ia lakou ka hooponopono ana o ka hoolilo ana G na dala auhau alanui a pau a me na dala i hookaawaleia e ka Ahaolelo, ma ka hana a me ka hoomaemae ana i ua mau alanui a alahaka nei. ma na huina i like ka nui me na mea i hooholoia e ua mau Papa Alanui nei, a i ole ia. i hooholoia e ka hapanui o na lala o ia Papa. l4 Na ke Kuhina Kalaiaina ma ka waihoia ana aku o ka inoa e ua mau Papa Alanui nei, a i ole ia, e ka hapanui o na lala o ia mau Papa Aianui e hookohu i kekahi mea kupono ma kela a me keia apana auhau o ke Aupuni i Luna Alanui no ia apana auhau. Ua hiki no e h6opauia k* Luna Alanui i olelaa i na manawa a pau e ke Kuhina Kalaiaina ma ke noi i kakauia e ka Papa Aianui a o ka hapanui paha o na lala o ia Papa AlanuL Aole e manaoia kekahi mea maloko nei he mea e hiki ole ai i ka mea hookahi e paa i ka oihana Luna Alanui no ka apana auhau 1 oi aku mamua o hookahi i hookohu mua ia ai oia." Pauku 3. Ma keia ua hoololiia ka Pauku 4o ke Kanawai i oleioia, a penei e heluheluia ai : •Pauku 4. Mamua ae oka hoomaka ana oka Luna Alanui e hana i na hana i pili i kona oihana e waiho aku oia ma ke Keena Kalaiaina i palapala hoopaa me na kope kupono i ke Kuhina Kalaiaina no na dala hoopaa i oi ole ae maluna o ka huina i kohoiao na auhau alanui o ia apana. £ hoakaka ua palapala hoopaa la no ka hana a hoo-

lilo pololeiia a me ka hoike oiaio ana no na dala alanui i haawiia aku iaia. a i ole ia, ma kana kauoha, a i ole ia, i hooliloia e ia ma na hana alanui o ka apana. " Pauku 4. Ma keia ke hoololiia nei ka Pauku 6 o ke Kanawai i oleloia, a penei e heluheluia ai : "Pauku 6. E malamaia ka moolelo piha e ka Luna Alanui no na hana a pau i hanaia ma kekahi halawai ana 0 ka Papa Alanui a me ka hana i hanaia ma ka Apana. E malamaia no hoi e ia ka moolelo o na dala a pau i loaa mai. me ka hoike i kahi i loaa mai ai, a me na da)a a pau 1 ukuia aku. me ka hoike i kahi i hooliloia ai; a ina paha ua hooliloia no ka uku hana a no na lako hana paha a me na inoa o na poe i ukuia aku ai. E no ia mau moolelo a hoike no ka nanaia e kela a nie keia mea hookaa auhau e noho ana ma ka apana ma na halawai a pau o ka Papa." Pauku 5. Ma keia ke hoololiia nei ka Pauku 8 o ke Kanawai i oleloia, a penei e heluheluia ai : "Pauku 8. E hoihoiia no na dala auhau alanui a pau i ka Waihona o ke Aupuni, a o ka huina dala i hoihoiia pela mai kela a me keia apana, he waihona kuikawa ia iloko o ka Waihona no kela e uku wale ia aku no ma ke kikoo ana ma o ke Keena Kalaiaina la mamuli o ke kauoha a na Luna Alanui, a oia mau kikoo e kakauinoa pu ia e na Lunahoomalu o na Papa Alanui. Aole loa e ae ke Kuhina Waiwai e hooliloia aku ia mau dala kuikawa, a o kekahi hapa paha no kekahi hana e ae mawaho ae o ka hookaa ana i na kikoo dala i kikooia mai e ke Kuhina Kalaiaina, mamuli o na kauoha e like me ia i hoakaka mua ia ae nei maloko o keia." Pauku 6. Ma keia ua hoololiia ka Pauku 9 o ke Kanawai i oleloia, a penei e heluheluia ai : "Pauku 9. Na ka Luna Alanui i ka pau ana o kela a me keia hapaha c hoouna akn i ke Knhina Kalaiaina i hoike piha no na hana i hanaia ma kona apana iloko o ia hapaha, a me ka hoike piha no hoi e pili ana i na dala i loaa mai a me na hoolilo ana a pau i huipuia me na palāpala hookaa no na hoolilo ana a pau." Pauku 7. Ma keia ua hoopau loa ia ka Pauku 12 o ke Kanawai i oleloia : Pauku 8. Ma keia ke pakuiia aku nei he Pauku hou i ke Kanawai i oleloia, e kapaia Pauku 14. "Pauku 14. O kekahi mau alanui hou, i hoi he haawina okoa e ka Ahaolelo no ka hana ana ma~ waho ae o na Auhau Alanui, e hanaia no e ke Kuhina Kalaiaina me ka ui ole aku 1 na Papa Alanui Apana." Pauku 9. E mana keia Kanawai a e lilo hoi i kanawai mai a mahope aku o ka la o kona aponoia ana, eia no nae hoi, o kela a me keia hana, mea, a mea e ae paha i kupono, a i kauohaia a i kupono e hanaia no ka hooko pono ana i ke kanawai i kapaia <4 He Kanawai e hoololi ai i ke Kanawai e pili ana i na Lu/ia Alanui a me ka hoolilo ana o na Auhau Alanui, a e hoonoho i mau Papa Alanui Apana a e hoakaka i ka lakou mau hana," i aponoia ma ka la 25 o Novemaba, 1887, mawaena o ka la o ka aponoia ana o keia Kanawai a me ka la 1 o lanuari, 1892, e hanaia no a hookoia ma ke ano me he mea la, aole i hoololiia a hooponoponoia ua Kanawai la i oleloia. Aponoia i keia la 14 o Novemaba, M. H. 1890. KALAKAUA REX. Nā ka Moi: C. N. Spencer, Kuhina KaUi«in«. HE KANAWAI E Haawi asa 1 Pono Kaokoa 1 ka Hui Hana Ea Aa Hawaii. £ Hoohoīoia e ka Mōi a nu ka AhaoUh 0 ke Aupuni Hawaii. Pauku 1. E haawiia a ma keia ke haawiia nei he pono kaokoa ia Emmei C. Winston a me kona mau waihona malalo o ka "Hui Hana Ea Aa Hawaii" e hoolako i ke Kulanakauhale o Honolulu a me na taona me na kulanakauhale o ke Aupuni o Hawaii mawaho ae o Honolulu a me ka poe e noho ana ma na kulanakauhale, na taona a mau kulanakauhale i oleloia me ka ea aa i mea e hoohanaia ai e na kulanakauhale, na taona a me na kulanakauhale na kanaka a me ka poe e noho ana no na hana a pau loa e hiki ai e lawelaweia ai ia mau mea iloko a no ka manawa i haiia mahope iho nei maloko o keia Kanawai. % NA HALE HANA EA AA, Pauku 2. E loaa i ua hui nei» oleloia ke kuleana e kukulu ma kahi a ma na wahi paha ma ke kuleana, rm

taona a me na kulanakauhale i oleloia a ke Kuhina Kalaiaina e apuno ai i na hale hana ea aa no ka hana ana i ka ea aa a me ke kuleana e malania a hoohana aku oiai ka manawa e paa ana keia pono kaokoa. NA PAIPU ME NA PAIPb NCKUI. PaL'KU 3. E loaa no ika hui i oleloia ka mana e hoomoe i ka lakou mau paipu nui me na paipu lawe a me na paipu hoolako aku maloko o na alanui a pau. alaloa, alaliilii a me na wahi a pau o ka lehulehu ma Honolulu, a me na taona a me na kulanakauhale liilii o ke Aupuni Hawaii mawaho ae o Honolulu e like me ka mea a ka hui i oleloia i manao ai he kupono a maikai paha. Ina nae, aole lakou hana wale me ke kumu kupono ole i kekahi mea e keakeaia ai ka lawelaweia ana o ia mau alanui alaloa. alaliilii a wahi paha o ka lehulehu ma ka hoomoe ana ia mau mea, a ua hoomoeia na paipu nunui, na paipu lawe a me na paipu hoolako aku i oleloia a lawa ka hohonu ilalo e keakea ole ia ai ka lawelawe mau ia ana o ia mau alanui, a e hana hou lakou i ua mau alanui, alaloa, alaliilii a me na wahj o ka lehulehu mahope iho o ka hoomoe ana i na paipu nunui, paipu lawe a me na paipu hoolako a paa pono me ka maikai a like me ka manawa mamua, a eia nae, ina e hooponopono hou ole ua hui la i na alanui, na alahele, na alaololi a me na kahua o ka lehulehu ma ke ano kupono e like me ia mamua ae o ka hoomoeia ana a me ka hoomakaukauia ana, alaila, o ua hui la a o kekahi luna paha o ua hui la, ke hoahewaia imua o kekahi Lunakanawai }loomalu a Apana paha e hoopaiia i kekahi huina elala i oi ole ae mamua o elima haneri a i emi ole iho malalo o hookahi haneri no kela a me keia hewa. Eia nae, aole e lilo kekahi mea maloko o keia Kanawai i mea e manaoia ai ua kue a kulike ole me kekahi o na Kanawai o keia Aupuni, na rula me na hooponopono ana o ka Oihana Kinaiahi a me ka mana o ke Kuhina Kaīaiaina maluna o na alanui a me na alahaka o ke Aupuni. NA POU K.UK.UI ME NA KUKUi. Pauku 4. E loaa iua hui nei i oleloia ke kuleana e kukulu ina pou kukui me na kukui no ka hoomalamalama ana i na alanui, alaloa, alaliilii a me na wahi o ka lehulehu o ke kulanakauhale i oleloia, na taona a me na kulanakauhale ma na wahi i aponoia e ke Kuhina Kalaiaina i oleloia. / NA PAIPU HOOHUI. Pauku 5. E loaa iua hui nei i oleloia ke kuleana oiai e mau ana keia pono kaokoa e hoomoe i na paipu hoohui ma kekahi a i ole ia, ma na alanui, alaloa, alaliilii a mau wahi paha o ka lehulehu a pau i mea e hoolakoia ai na hale noho, halekuai na hale oihana a me kekahi, a i ole ia, na hale a pau o ka lehulehu, a i ole ia, no kekahi poe ponoi a me na ipukukui alanui, no ka hoomalamalama ana i na alanui a me na alaloa o ke kulanakauhale i oleloia me na taona a me na kulanakauhale e like me ka mea i kuj>ono, a e hana hou, hoomaemae a hookaawale ae paha ia mau mea, a ma na manawa a pau e hana hou a paa pono na alanui, alaloa, alaliilii me na wahi o ka lehulehu e like me ka manawa mamua, a e hana a kulike me ka hoololiia ana o ka iliwai i hanaia e ke Kuhina Kalaiaina o ko Hawaii Paeaina iloko o ka manawa e paa ana keia pono kaokoa. HANA HOU ANA I NA PAIPU ME NA PAIPU NUI. % Pauku 6. E loaa iua hui nei i oleloia iloko oka manawa e paa ana keia pono kaokoa a e eli a hookaawale, hana hou a hoomaemae paha i na paipu nui, na paipu lawe aku me na paipu hoolako na pou ipukukui me na kukui e like me ko lakou ike ana he mea kupono. NA K1 HOOPONOPONO EA AA. Pauku 7. E loaa iua hui nei i oleloia iloko ona hora me na manawa kupono a pau e komo iloko o na hale a pau e lawelawe ana i ka ea aa o ua hui nei no ka hana ana a hooponopono ana i na ki hooponopono ea aa a me na paipu maloko o laila a e helu a hoomaopopo i ka nui o ka ea aa i pau a no na hana a pau i pili i ka lawelaweia ana o ka ea aa maloko o ia hale noho a hale e ae paha. KUMUKUAI O KA EA AA. Pauku 8. E loaa ika hui i oleloia ka mana e auhau aku, lawe mai a ohi mai ka poe a pau e lawe ana i ka ea aa no ka ea aa i hoolakoia aku e lakou i ka poe lawe i ke kumukuai a lakou e hooholo ai i kela a me keia manawa aole nae e oi aku mamuao elima dala no ke tausani kapuai kupika a ina ua nele i ka aelike e hoole ana e hoemi ia ke kumukuai o ka ea aa a pau i lawelaweia no na hana o ke Aupuni hookahi hapakolu o ke kumukuai i auhauia i na mea lawe ea aa e ae. NA PAIPU HOOLAKO. Pauku 9. E loaa ika hui i oleloia ka mana e auhau aku i ka poe lawe a poe paha e manao ana e lawe i ka ea aa no ka hoohui ana me ko lakou mau paipu a mau paipu nui a no ka loihi o na paipu hoolako i kupono no ka lawe ana aku i ka ea aa mai na paipu n6i a paipu lawe paha a hiki i ka hale, a i ole ia. pou ipukukui i kekahi uku kupono a kaulike i hooholoia e ka hui i oleloia. NA POE LAWE EA AA I UKU OLE. Pauku 10. E loaa ika hui i oleloia e like me ko lakou manao he pono mahope iho o ka hoikeike ana aku no na hora he iwakalua-kumamaha, e hooki i ka hoo|ako ana i ka ea aa mai kekahi mea lawe ea aa i hoole a i hookaa ole paha » na bila kupono no na ea aa o ka hui i oleloia iloko o ka manawa i hoakakaia e ua hui nei no ka hookaa ana o ia mau bila, aka aole e lilo ia okiia ana o ka ea aa mai ia mea lawe aku i kumu e hiki ole ai i ua hui nei e hoopii aku a loaa mai ia bila a mau bila paha i ia imua o kekahi aha hookolokolo i loaa ka mana ma ia mea.

KA MANA E HOOHUI. Pauku 11. Ua hiki ia \Vmston ioleloia e lawe i keia pono kaokoa a kukulu a malama i na hale hana ea aa ma ona ponoi iho a i ole ia, ua hiki iaia me kekahi poe eae e kukulu a malama ia mea. a i ole ia, ua hiki iaia me kekahi poe e ae, a i ole ia, kona mau waihona e likt me -ko lakou manao he mea pono e hoohui i hui i hoohuiia malalo o na kanawai o ko Hawaii Paeaina a hoolilo aku i ua hui nei i hoohuiia i ka pono kaokoa e haawiia nei ma keia. Pauku 12. Ma keia pono kaokoa e loaa ika hui i oleloia ka mana e hana a malama aku i na hale hana ea aa ma ke kulanakauhale. na taona ame na kulanakauhale no ka manawa he iwakalua-kumamalima makahiki mai a mahope aku'o ka hooholoia ana o keia Kanawai. ina nae lakou e hoomaka iloko o umi-kumamawalu mahina mai a mahope aku o ka hooholoia ana o keia Kanawai e hana a paa a hoomaka i ka hana iloko o elua makahiki ma ia hope iho, a ina e hooko ole ia na mea i hoakakaia ma keia Pauku e lilo no ia i mea e pau wale ai o keia pono kaokoa, aka, aole e kauia kekahi hoopai e ae, lilo wale ana a hoopaa ana paha maluna o ua hui nei i oleloia no ia hiki ole ana e hana. KE ANO O KA EA AA. Pauku 13. O ke ano okaea e hoolakoia eka hui i oleloia no ka hoomalamalama ana i ke kulanakauhale o Honolulu i oleloia oia no ke ano o ke ana mau i emi ole malalo o umikumamalima kukui ihoiho ka ikaika. Pauku 14. E mana keia Kanawai mai a mahope aku o kona la e aponoia ai. Aponoia i keia la 14 o Novemaba, M. H. 1890. KALAKAUA REX. Na ka Moi: C. N. Spencer, Kuhina Kahiaina. HE KANAWAI E HOOLOLI AI I NA PAUKU 3 A ME 8 O KA MOKUNA XLV. O NA KANAWAI O 1888, E PILI ANA I KA OIHANA KINAIAHI O HONOLULU, A me ka Pakui mai i Pauku hou i ua Kanawai la, e Kapaia O KA Pauku 8 A. E Hooholoia e ka Moi a me ka Ahaolelo o ke Aupuni Hawaii : Pauku 1. E hoololiia ama keia ke hoololiia nei ka Pauku 3 o ka Mokuna XLV. o na Kanawai o 1888, a penei e heluheluia ai : "Na ke Kuhima Kalaiaina me kaapono o ka Aha Kuhina e hookohu i ka Ilainuku Kinaiahi. "0 ka Ilamuka Kinaiahi, i kanaka ia i makaukau ma ke ano Enekinia. Kahakii a me Hanalima, amamuli wale no o ke kumu kupono, a i ole, ma o ka Aha Kuhinaoiae hoopauia ai." Pauku 2. E hoololiia ama keia ke hoololiia nei ka Pauku 8 o ka Mokuna XLV. o na Kanawai o 1888, a penei e heluheluia ai : "E hooko no ka Ilamuku o ka Oihana Kinaiahi i ka hana oia hoi : "(a) —I hookahi manawa iloko o kela ame keia ekolu mahina, a me na manawa e ae ana i manao ai he pono, e makaikai aku a nana i na hale noho a pau, halekuai, na papai hale, wahi oihana a wahi noho paha, a me na hale e ae e kukuluia ana a e hana hou ia ana paha. a me na wahi e ae a pau maloko mai o ke Kulanakauhale o Honolulu, a e nana hoi i na kapuahi, na wahi ho-a ahi, na pukauwahi, na ohe uwahi, na ipuhao-mahu a me naenekini, na mekini hoomama i ka wela, ka ea a-a a uwila paha, a o kekahi mea paha e ulu mai ai ka poino malunao kekahi waiwai, a i kekahi waiwai a wahi paha e pili mai ana, mamuli o ka pauahi a pcflno paha, no ka hoomaopopo i ka maikai a me ka paa kupono mai na poino pauahi a no ka poino paha mamuli o ka pauahi a mea e ae paha, a he hocfpilikia paha i ke ola, a ua kukuluia a hanaia paha ua mau mea la e like me ke kanawai no ke kaupale ana i ke ola a me ka waiwai mai ke ahi, na mea pa-hu a me na mea poino, ame na hale pale pauahi. A ina e loaa ika Ilamuku Kinaiahi kekahi o ia mau mea ua inoino a hemahema a ku i ka hoopilikia a kue paha i ke kanawai, e kauoha aku oia i ka mea nona ia wahi, a o ka mea paha e noho ana ma ua wahi la, ma ka palapala kakau a ma ke kauoha paha i paiia, e hana hou ae, e hoonee aku a hoomoe hou ae paha i ua mau hemahema nei, a ina aole e hanaia ua mau mea la, alaila, ua pili ka hewa mikamina i ua mea kue la. "W —E nana pono me ka hoomaopepo i na kii a me na hoakaka a me ke kahua o na hale a pau, a o na apana hale paha e manaoia ana e kukulu, e hoonee a e kapiliia paha maloko mai o ke Kulanakauhale o Honolulu, a me kahi i manaoia e kukulu i na wahi ho-a ahi, na kapuahi, na pukauwahi, na ha ahi, na ipuhao mahu a me na enekini no ka hoomama ana i ka mahu, ka ea a-a a uwila paha, a o kekahi mea e ae paha i ku i ka hoopoino i ka waiwai mamuli o ka pauahi a poino e ae paha, a ke aponoia e ia ua mau mea la e like me ke kanawai, a aole hoi i ku i ka Poino ° ke ola a me ka waiwai, alaila, e haawi oia i palapala hooia no ia mea. a e ukuia ka auhau he elima dala no ua palapala hooia la i ka Ilamuku Kinaiahi ma ke ano he loaa AupunL a e hoihoiia aku iloko o ka Waihona Waiwai ma o ke Keena Kalaiaina la. (e) E hoomaopopo ina ona kanawai e hooponopono ana i ka manawa a me ka hoahu ana i ka aila mahu, petroleum, naptha, benzole, na wai turpentine a gasoline paha, a me ka pauda ki pu a me na mea pahu e ae, fna ua hooko pono ia e like me na hoakaka o ua kanawai la, a *na oa hooko pono ole ia, alaila, e hoomaopopo oia i ka hooko pono ia o ke kanawai.

"(/)—E malama oia ika moolelo hoomanao o kana mau nana a hoomaopopo ana a pau, a e hoopaa i na kii a me na hoakaka a pau i waihoia aku imua ona. a me na inoa o na poe i pili. kahi i manaoia, a ina paha ua aponoia a apono ole ia paha. E malama ika papa inoa ona poe e noho ana maloko o na hale a me na wahi ana i hoomaopopo ai ua kueia ke kanawai. a e hoike aku i ke Kuhina Kalaiaina i na kueia a pau o ke Kanawai ana e malama ai ika hookoia. E lawelawe ina hana eaea ke kanawai e kau aku ai maluna ona. —E kakau oia i ekolu mau kope oiaio a pololei ika pau ana o kela a me keia eono mahina i ka hoike o na pauahi a pau iulu ae maloko o ke Kulanakauhale o Honolulu. a i ka inoa o ka mea a mau mea paha i poino a poho paha, kahi a me ke ano o ka waiwai i poino a poho paha. ka huina i ka poino a me ka uku hoopaa poho nialuna o ua waiwai la, ina ua ikeia i hookahi kope e waihoia aku me ke Kuhina Kalaiaina, hookahi kope me ka Luna Kinaiahi Nui a hookahi me ka Ilamuku Kinaiahi e malamaia i hoike, a i ka pau ana o na makahiki elua e hookomoia ua mau hoike la iloko o ka hoike a ka Luna Nui o ka Oihana Kinaiahi o Honolulu.'* Pauku 3. E pakuiia i Pauku hou no ka Mokuna XLV. 0 na Kanawai o 1888, a e kapaia o ka Pauku BA, a penei e heluheluia ai: "Pauku BA. No na mea i makemakeia ma keia Kanawai, a no ka hooko ana hoi i na hana i kauia maluna ona e ke Kanawai, e loaa no i ka Ilamuku Kinaiahi ke kuleana a me ka mana e komo (mahope o ka hoike ana i kona manao ke makemakeia e ka mea nona ia wahi, a i ka mea paha e noho ana) a e nana pono me ka hoomaopopo 1 na hale a pau a me na wahi a pau a me na waiwai i kauohaia ma ke kanawai nana e nana a hoomaopopo. O kela a me keia mea e keakēa ana mamuli o kona manao iho a me ke kumu ole paha i ka Ilamuku Kinaiahi ma ka nana a hoomaopopo ana e like me ka mea i kauohaia nona ma ke kanawai no na hale, ka waiwai a kahua paha a me na ano hale e ae, a ma kona hooko ana paha i kana hana i kauia maluna ona ma ke kanawai, e pili ka hewa mikamina i ua mea la." Pauku 4. O na kanawai a pau i kue i keia ma keia ke hoopauianei. Pauku 5. E mana keia Kanawai mai a mahope aku o kona la e aponoia ai. Aponoia i keia la 14 o Novemaba, M. H. 1890. KALAKAUA REX. Na ka Moi: C. N. Spe.vcf.r, Kuhina Kalaiaina.