Ka Nupepa Kuokoa, Volume XXX, Number 18, 2 May 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

MK

Ko Hawaii Paeaina i Huiia

No ka Makahiki          $200

No Eono Mahina         100

Kuike ka Rula

 

HOOPUKAIA E KA

HAWAIIAN GAZETTE CO.

H. M. WHITNEY, Luna Nui,

J. U. KAWAINUI, Luna Hooponopono.

 

Poaono, MEI 2, 1891

 

KULA SABATI

 

HAAWINA II. Mei 17.

 

O ka hewa, oia no ka mole o ka luuluu.  Hosea 10:1-15.

 

OLELO HOAKAKA

 

            O ka buke o Hosea, oia no kona mau olelo wanana i hoonui ia. Aole paha i keia buke kona mau wanana a pau loa.  Ua lawelawe oia i kona oihana kaula no na makahiki he 62, M. K. 790--726. Ua like ke ano o kona inoa me ko Iosua a me Iesu, oia no Hoola. Ua pili kona mau wanana i ka Iseraela, aole nae me ka pili ole ana ia Iuda no hoi.  He wa pilikia kona wa ola, 2 Nal. 15:8-31; 17:1-6. Ua hoomakaia ko Hosea oihana kaula i ka wa o Ieroboama 11, a mau no i ka wa o Uzia, Iotama Ahaba, Hezekia.  a kamailio nui oia i ka pili pua ana o ka Iseraela ia Iehova e like me ka wahine mare ma ka berita o ka materemonio.  Aole i kupaa ka Iseraela ma ko lakou olelo aelike me Iehova. Aka nae, ua pili paa o Hosea i kana wahine kolohe, e like me ka Iehova hoomanawanui ana i ka Iseraela.  O ka moi hope loa o ka Iseraela, oiai, ua ae aku oia i ko ka moi Ausuria i ka Iseraela, a pau ke aupuni o na ohana lahui Iudaio he umi i ka makahiki elima o ko Hezekia nohoalii ana ma Iuda.

 

PAUKU GULA.

Is. 59:2.

            O KA Isaraela, he kumu waina, i ulu palahalaha, e hua ana i ka hua nona iho;  E like me ka nui o kona hua, pela no ia i hoomahuahua ai i na kuahu;  E like me ka maikai o kona aina, pela no ia i hoonani ai i na kii;

2  Ua kanalua ko lakou naau; Ano e hoopaiia lakou; E hoohiolo no ia i ko lakou kuahu, E hoopau no ia i ko lakou mau kii.

3  Ano hoi, e olelo aunanei lakou, Aohe o kakou alii, No ka mea, aole o kakou i makau aku ia Iehova;

4  Ua olelo lakou i na olelo hoohiki wahahee i ka hana ana i ka berita; A ua ulu mai ka hoahewa e like me ka laau make ma na auwaha o ke kula.

5  E makau auanei o Samaria no na keikibipi o Betavena:  No ka mea, e uwe auanei kona poe kanaka no ia mea;  A e haalulu na kahuna no kona nani,  No ka mea, ua nalowale ia.

6  A e laweia'ku hoi ia i Asuria i makana no ke alii no ka enemi: A e kau mai ka hilahila ia Eperaima,  A e hilahila hoi ka Iseraela no kona manao iho.

7  A o Samaria, ua okiia'ku kona alii, e like me ka hua ma luna o ka wai.

8  A e hoopau ia na heiau o Avena, ka hewa o ka Iseraela:  E kupu mai auanei ka laau kuku a me ka p@kala maluna o ko lakou mau kuahu;  A e olelo aku lakou i na mauna, E uhi mai ia makou;

9  E ka Iseraela, ua hana hewa oe mai na la o Gibea mai;  Ilaila lakou i ku ai:  A o ke kaua ana ma Gibea i na keiki hewa, aole anei ia e hiki aku io lakou la?

10  Eia ko'u manao, e hahau aku ia lakou;  A e akoakoa mai na kanaka e ku e ia lakou,  I kuu hoopaa ana ia lakou, no ko lakou mau hewa elua.

11  A o Eperaima, ua like ia me ka bipi wahine opiopio i laka, a makemake hoi e hehi i ka palaoa:  Aka, e hele no au maluna o kona a-i maikai:  E hoole au ia Eperaima; A e hana o Iuda me ka oopalau,  A na Iakoba e kuikui i puupuu lepo nona.

12  E lulu oukou no oukou iho, ma ka pono,  E ohi oukou ma ka lokomakai;  E maele i ko oukou mahinaai;  No ka mea, he manawa keia e imi ia Iehova,  A hiki mai ia, a ao aku i ka pono ia oukou.

13  Ua mahi oukou ma ka pono ole, a ua ohi oukou i ka hewa;  A e ai oukou i ka hua o ka wahahee:  No ka mea, ua hilinai oe ma kou aoao iho,  A i ka lehulehu o kou poe ikaika.

14  Nolaila, e kupu mai auanei ka haunaele kou mau wahi paa a pau loa,  E like me Salemana i hoohiolo ai ia Betarebela i ka la o ke kaua;  I ulupaia'i ka makuahine me kana mau keiki.

15  Pela oia e hana mai ai ia oukou, ma Betera, no ko oukou hewa nui;  I kakahiaka e oki loa ia'ku ke alii o ka Iseraela.

 

HE MAU MELE.

I.  Na hewa i oleloia.

            He aha na pomaikai i loaa ai i ka Iseraela mai a Iehova mai?  Pehea ko lakou hoihoi ana i kana mau hana maikai?  Heaha ko lakou ano muhee?  Heaha ko lakou olelo kolohe?  Heaha ka manao ma pauku 3?  Heaha na hewa i hoike ia ma Iseraela?  Heaha ka hewa ano nui? 2Nal. 17:8-12.  Heaha na hua ino o keia hewa?  Hosea 4:1,2  1:6-9.  Pehea ma keia aina o Hawaii nei, mai ka poe imi pono paha, mai ka poe puni lealea paha?  Pehea ke ano like o ka lahui, e haalele ana i ka pono a me ke kalo alapuka paha hapalo paha, palili paha?  Is. 5:2 Pehea ka hapanui o ka poe puni waiwai, hana lealea.

 

II. Ka hoopai i wananania, pauku 3 -11.

            No ke aha la ka maka'u ana i na bipikeiki o Betavena?  Owai o Betavena? (He inoa hoohenehene keia no Betela, me ke ano, ka hale o ka lapuwale;  aole, ka hale o ke Akua.  Malaila na kii akua a Ieroboama i kukulu ai.)   No ke aha la ka uwe ana o na kahuna hoomanakii, he mau kahu no keia mau bipikeiki?  Heaha ka hoopaii wanana ia no keia hoomana ana i na kii akua?  Hiki anei ia kakou ke malama i ke Akua me ka malama pu ana i na lealea?  Mat. 6:24.  Iokoba 4:4.  1 Ioane 2:15.  Pehea ka hopena o ka poe hookamani?  Na Sol. 12:3 Rem 3:13. Mose 10:4, 5, 13. 

 

III. Ka mihi i kauohaia, pp. 13-15.

            Heaha ke kauoha ma ka p. 12?  Pehea ko lakou i lulu hua ana, a me ko lakou ohi ana?  Heaha ka hopena o ka hewa, hoomauia? Pehea ka Solomona haiolelo ana ia Bitarebela?  2 Nal. 17:2;  18:34.  Pehea ka hua o ko lakou hoomana kii ma Betela?  Pehea ka hiki ia lakou ke ohi i ka lokomaikai huikala mai ke Akua mai? Heaha ke kanawai paa o ko kakou mau hana?  Gal. 6:7,8.  Heaha ka olelo hoopomaikai ma ka hopena o ka Mose olelo ao mai ke Akua mai e alakai ai i na mea hewa i ka mohai kalahala?  Mat. 25:41.  Ep. 5:5,5.  Hoik. 21:27.  Pehea kona ano heahea? Mat. 11:28,30.   Ioane 7:37. Hoik. 22:17.

 

NA MANAO PILI.

1.  No keaha ko na kanaka hana ino ana a kue i ko ke Akua lokomaikai?

2.  Heaha na manao kumu ole e pili ana i ka hopena o ka hewa?

3.  Heaha kekahi mau hua ino o ka hewa?

4.  Ina paha ua ee aku ka mea hewa maluna o ka palena o Ke Akua lokomaikai, heaha ka hana i koe a ke Akua e hana mai ai?

5.  Heaha na hua maikai o ka mihi maoli?

 

Ke Hoohanohano nei "Ka Lae" i ka Lahui Hawaii.

            Ke hoohenehene mai nei o Ailuene Buki ma ka aoao namu o ka nupepa Ka Leo Aperila 29 nei, i ka lahui a pau i holo aku i Kalaupapa e ike i na mea aloha e noho ana iloko o ka ehaeha, penei: 

            "He nui wale o na puili aku a puili mai a me na honihoni ana mawaena o na mai lepera a me ko lakou mau hoaloha, a i ko lakou wa i hoomaopopo ai na ke Kuhina Nui Samuel Parker keia huakai i ae ia lakou, nolaila ua makemake lakou a pau e puili a honi iaia.  Ua pomaikai nae no ke komo e ana o ke kuhina nui i ke kuka pale ili wai."

 

NA LETA.

(Aole o makou makemake e lawe i ke koikoi o na hala no na manao i hoopukaiia malalo o keia poo e ko makou mau mea kakau.)

Aohe Oiaio

E KO HAWAII PAEAINA,

            Aloha Oe:  E oluolu oe e hoike aku i ke akua i keia pane malalo iho:

            Ma ke nupepa o "Ka Leo" o Aperila 23, ua ike ia kekahi manao nona ke poo "manaonao" i hakuepa e H. H. Paleka kue ia Kahiamoe.  Ke pane aku nei au i ke akea, aole oiaio oia hoolaha ana; eia mai ka oiaio.

            Ua kii io aku no au ia H. H. Paleka i palapala e kanu ai i ke kino make o Nakookoo iloko o ka ilina o Kawaiahao, a ua ae ia mai me ka maikai a me ka loaa ole he mau huaolelo paio mawaena o maua.  Ua hele aku maua ma ka hale o ka Papa Ola, a ua loaa mai ka palapala ae ia'u no ke kanu ana ia Nakookoo e like me ka mea maa, a ua pane pu mai o H. H. Paleka ia'u owau kahi e hele aku i ka hoolewa. Pane aku au, he hooluhi wale aku no ia ia oe, a o ka pau no ia o ka maua mau kamailio ana;  aloha aku a aloha mai, o ko'u hoi no ia e kanu ia Nakookoo.

            Eia nae i ko'u ike ana i ka hoolaha ma "Ka Leo," haohao au a ninau nawai la keia wahahee.  Nolaila au e pane nei he wahahee a aole oiaio o na olelo ma "Ka Leo."  Kupanaha na hana a ka enemi.

           

Z. Kahiamoe.

He Pane i "Ka Leo o ka Lahui."

            Ma ka Poalima o ka pule i hala, Aperila 17, ua hoopukaia ae la kekahi kukulu manao maloko o "Ka Leo" nona ke poo "Ka Hoomana Mamona."

            Ma loko o ua kukulumanao la, ua hoike ae ua mea kakau wahahee la "Ka Leo," me ka oiaio ole, imua o ka lehulehu, no na mea  a pau i hanaia e na kauwa a ke Akua ma Waikiki-kai.

            Ina paha i hele mua ia e ia e nana i na hana i hanaia a ikemaka e like me a'u, alaila ua oi aku ka pono o ia, mamua o kona hoino wahahee ana i na hana a ke Akua imua o ke akea.

            O na hana i hana ia, oia keia.  He mau pauku Baibala paanaau, a he mau himeni maloko o ka Hoku Ao Nani, he mau paipai manao a me na wehewehe ana i ka olelo a ke Akua, a he mau leo pule hoi kai hoomaikai ia ae i ke Akua, a hiki ka hookuu ia ana o na hana me ka maikai a me ka holopono.

            Eia hoi kekahi, i ka hele ana ma na kauhale e hoike i ka olelo a ke Akua, ua halawai me na makamae i loohia i na nawaliwali ma ke kino, i hele hoi e imi i ke ola i ke akamai o kanaka a nele, a e aneane aku ana no kauwahi o ka pilikia, nolaila ua ao aku no ia lakou e like me ka mea i kuhikuhiia mai, aia ke ola maloko o ka Baibala, a o ka mea naau mihi a hoahewa iaia iho imua o ke Akua me ka manaoio Iaia e loaa ke ola e ola ai oia, a kauoha pu aku hoi ia lakou e hoao ia Iehova, e like me Kana i kauoha mai ai, a na ko lakou manaoio no e hooia ia lakou, a ua ikeia ma keia, he nui ka poe a ke Akua i aloha mai ai, a ua hoohiki iho lakou me ko lakou uhane, ko lakou ikaika a me na mea no a pau, e lilo o Iehova i Akua, no lakou a o lakou hoi i poe kauwa Nana; a i hiki hoi ke kanaka ke hoomana Iaia me ka naauao, (e nana Roma 12:1) oia hoi i ka hoeha ia ana a ke kanaka, e nonoi pololei oia i ke Akua, aole hoi e holo i na aumakua a me na kahuna wahahee o Hawaii nei.

            Nolaila ke ike mai nei ka lehulehu mai o a o, he kue loa keia, a o na mea a pau i hoolahaia ma ka nupepa "Ka Leo", he wahahee loa ia a me ka oiaio ole.  Ua makaukau mau ka oiaio ole.  Ua makaukau mau ka oiaio e kue i ka oiaio ole.

            Ikemaka:  THOMAS BARTOW.

            Aperila 24, 1891.

 

Ka Huakai Makaikai

A KAUKA TALAMAGE I KA AINA HOANO.

(Hoomauia)

            Maanei no hoi au i noho hakanu ai me ka pahaohao nui a me ke kulou pu ana o ko'u poe ilalo, a e au ana hoi ka noonoo - ke ike nei au i kou mau nani a pau e Kanaana me he moeuhane la, a ke hehi nei hoi i kou lepo hoano i ko'u mau la a-oo me ka walohia, a ua ai a ua inu i kou mau momona me he hihio la, ka muliwai o Ioredane nanahe, a o Ierusalema pomaikai, aole au i poina nou e Kanaana.

            Nani ka nui o kuu hauoli nou a mau aku. Ina no paha i keia hora e nalowale aku mai kuu pakeke ae he mau taosani dala, aole ia he mea na kuu uhane e kaumaha ai, mamua o kuu ike ole ana i kou mau kahakai olino, na puu omao, na wahi kaulana no a pau o ka "Aina e kahe ana ka waiu a me ka meli, a moe aku au i ka lua me ka nele.

            Ea ae la ko'u poo a huli pono ae la i ke kuahiwi nani o Heremona.  Ke pua mai la na nanaina nani o ua Heremona nani la, ke hulali mai la kona hau kaulana malalo o ka noe e halii mai la, a he kohu lihilihi o ke gula ke nana aku, a oiai hoi, o ka malama ia o ka hau e uhi nui ai ma na kuahiwi kiekie a pau o ka Aina Hoano, ke kahiko pu mai la o Lebanona i ka hau, aole no nae i oi ae ke kilakila i ko Heremona.

            A hiki mai i ka malama o Aperila, e hapa loa mai no ka hau a koe uuku ma ka piko wale no, a he kohu wahi ao opua ke nana aku.

            Hoomanao wale ae la no au, pela io ka paha i puka mai ai ka Halelu a Davida:  E like me ka hau o Heremona, a e like hoi me ka hau maluna o na mauna o Ziona, no ka mea malaila o Iehova i kauoha ai i ka hoomaikaiia a me ke ola mau loa no ka wa pau ole.

            Ua oleloia o Heremona, oia "ka Mauna Pahaohao." A hiki io no i keia la a'u e ku nei me ko'u mau maka e leha aku nei, aia no na ao alohilohi ke halii mai la me ke anoano, me he mau eheu Serubima la, na lihilihi anuenue ke olino ae la a he ano eehia maoli io no ka naau o ka poe kaahele ke ike i keia kuahiwi e like me a'u nei i keia la.

            Auwe -- Kuu manaolana, maanei no au huli aku no Suria, a pehea la auanei o Heremona Kamahao, e hele no au a hehi ma kou kumu nani me kuu hauoli nui, i ike aku au i na kedera nani o na mauna o Lebanona, ka laau kaulana loa i hanaia ai no ka luakini a Solomona i kukulu ai ma ka puu o Moria. 

            Ko makou la hepe keia ia Palestine, huli ae la au i hope, a me ka naau walohia, haawi ae la au i ko'u hoomaikai hope loa ana:

            Aloha kou mau mauna laahia a me kou mau awawa anoano, na loko kamahao, na oliva walohia, na na wilou kanikau ou e Getesemane, malalo o kou malumalu i uwe ai o Iesu Kristo, no ka hewa o ke ao, mamua hoi o Kona kumakaia ia ana, a me Ierusalema Pomaikai, kahale laa a Iehova ke Akua i hoike pinepine ai i Kona nani, maluna o ke poi o ka Pahu Berita i kapaia o "Ka Noho Aloha", mawaena hoi o na Kerubima.

            Aole paha wau e ike hou ana i kou mau nani kupaianaha; aka, ua nui ia a ua lawa hoi no ka eha ana o kuu naau nou.  Ua mele ae la au i kekahi mau lalani mele:

 

Ku a naue i ke Kanaana Hou,

Naue ae, naue ae,

Hiki koke no i kahakai ma o,

A e maha me Iesu.

 

Naue ae, naue ae,

Ua paipai mai Iesu.

Ina pii ke kai, aole e makau,

Iesu pu no me kakou.

           

            Ke makaukau nei au e hoike aku i ko ke ao nei, --Mai noho a olelo, he mau moolelo kaao wale no ko ka Baibala, aole;  eia wau o Kauka Talamage, ua ike kumaka i ka nani o ka Aina Hoano, ua ai a ua inu i ka momona o Kanaana --- o ka Baibala nae ko makou alakai ma na wahi a pau o Kanaana.  Aloha oe. 

 

            Hoea io mai la ka la o makou e nee aku ai no ka loko o Meroma, a aia a pau ka makou makaikai ana ia wahi, alaila e hoea loa aku makou no na mauna o Lebanona a me Heremona.

            H 6 mile mai kahi a makou e ku nei a i ka loko o Meroma.  Hiki io aku la makou no ka loko o Meroma ma ka akau o ka loko o Galilaia.

            He nani okoa no hoi keia wahi, a makou e ike nei, a he huihui nae ke ea a he ano kawa-u no hoi, o ka hora ekolu ia o ka auwina la a makou i hiki mai la ianei.  He keu io mai la no hoi ko'u anuanu, no ke kokoke loa no paha kekahi i na kumu o na mauna.

            Ma ko makou huakai hele ma ke alanui, he keu aku o ka pilikia a he inea maoli no;  he pakikakika, imua a ihope na noho lio o makou, o ka hele ia a kau ana na noho o makou i ka a-i o na lio, a hookahi o makou lio i poino a moe ana i ke alanui.

            Ke maalo nei ma ko makou aoao na wahi pohopoho o ka aina, na kiowai opilopilo, he ua no hoi kai haluku iho maluna o makou, aole i kanamai ua mea he anu, no ke ano kokoke loa aku no paha hoi kekahi i ke kuahiwi o Lebanona.

            Nana ae la ko'u mau maka i na pohaku nunui he kohu kuahiwi kekahi, a he liilii loa no hoi kekahi me he one la o ke kai.  Ua heleia e makou he 6 a he 7 hora maluna o na lio, a i kekahi manawa ua hele wawae aku la no hoi.

 

            E hana kuikahi panailike ana anei o Hawaii me Canada ma keia mua aku? Oia na lohe e laulaha nei, a nolaila makou e hoomaoe ae nei i ka ninau.

 

Hoolaha Kumau

 

J. HOPP & CO.,

Na Poe Hana ma na Lako Hale o na ano a pau!

Hana Moe, Na Uluna Pulu, Etc.

Noho no ka Hoolimalima ana, na Lako Hale me kumukuai emi.

Honolulu. 676p-tf.

 

WAILA MA, 

NA POE KUAI PAPA O NA ANO A PAU.

E LOAA ME A MAKEPONO MA KA

Pa Kuai PaPa o WAILA MA,

Alanui Moiwahine, Honolulu. 676-1ry.

 

Ka Waiwai o ka Hilinai

Saseparila Ayer

AYER, Laau Saseparila kai kaulana i hilinai nuiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia LAAU SASAPARILA, no loko ae la o ke aa Sasaparila Honedura maoli; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao. He koko inoino a nawaliwali a nei kou? Ua awili pu anei me na ano mai ikaika?  A ua hui pu anei me na wai awaawa hoopehu.  Na keia LAAU e hoomaemae ia mau mea ino a pau a maikai.  O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he me maikai e ae no ka hoomaemae koko ana mai na mai i awili puia, aka o keia wale no. No ka HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae. O ke KOKO ino hakuhaku a nawaliwali hoi kona holopono ana ma ke kino, e hoomaemae ia ana ae hooikaika pu ia no hoi ma o ka ai ana i keia Laau Sasaparila a Ayer.  He maalahi a he MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae A HILLINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasapariala,

I HOOMAKAUKAUIA E

Kauka J. C. Ayer & Co., Lewell Mass.

 

HOLLISTER & CO.

Na Agena ma ka Paeaina Hawaii.

 

Hoolaha Kumau.

 

PAPA!  PAPA!

AIA MA KAHI O

Lewers & Cooke

(LUI MA),

Ma ke kahua hema o Alanui Papu

me Moi.

 

E LOAA NO NA

PAPA NOUAKI

O kela a me keia ano,

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa.

NA PILI HALE O NA ANO A PAU

A me na

WAI HOOHINUHINU NANI

O na ano a pau loa.

 

Na Balaki o na Ano he Nui Wale

Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku na na mea a pau e pili ana ma ka laua oihana no ka Uku Haahaa Loa, E like me ka mea e holo ana mawaena o Laua a me ka Mea Kuai.

Hele Mai e Wae no Oukou iho.

 

Hoolaha Kumau.

 

ANO NO I LOAA MAI A @ [right edge of column unreadable]

MRS. B. C. GOO@

NA LAKO PAPALE@

Papale, na Hulu Papa

I ike ole ia ma Honolulu

A ME

Na Palemai Wawae @

Kamalii, na pokaa Lopi@

He mau wawai@

a e kuai ia aku ana me ka@

Alanui Papu, @

Wati o Wenner @ Co.

2381@

 

BENSON, SMITH & @

Na mea Laikini ia @

a me kuai liilii@

Na Laau Lapaau

O NA ANO A PAU.

HELU 113 me 115, @

O LAUA NA AGENA NO@

Laau Lapaau Kuluwai @

 

Borelecke @ Schrec@

A ME NA

Wai Lukini Onaona Wai@

Waiala Maile

A ME KE

Onaona Lei Aloha

O na lako no ka @

na mea hoonani o na@

makamaka ke kipa mai ma keia@

2240-tf

 

NA LOLE ELEELE!  NA LOLE ELEELE!

NA LOLE KANIKAU

HALEKUAI LOLE NUI OHO@

O N.S. SACHS,

MA KA

HALEKUAI 104 ALANUI PAPU

NA ALAPIA ELEELE! NA ELEELE HULU HIPA!

KUAI HOOPOHO! KUAI HOOPOHO!

            He ahua nui ko makou o na lole eleele i kupono no ke @

ka makou e kuai ana ma ko makou mau kumukuai@

makou hoopii i na kumukuai ma na wa o keia ano, e like me@

kuai e ae, aka, he ola mau no ka haahaa o ka makou mau @

NA ALAPIA LAULA NUI - 50 - KEN. O KA IWI@

Na Arapia eleele laula nunui 44 iniha, no ke 60 keneta o ka @

Na Arapia maikai loa laula nunui no ke 75 keneta wale no @

Na Eleele Kanikau Maoli! Na Eleele Kanikau Maoli!

28 INIHA LAUA, HOEMIIA 60 KENETA O KA @

Na Eleele Alapaca Maoli! Na Eleele Alapaca Maoli !

Na Eleele Alapaca maolli nunui, hoemiia 35 keneta o ka @

Na lole huluhulu maoli, hoemiia no ka 25 a me 35 keneta@

Na Lole Eleele Silika Maoli! Na Lole Eleele Silika Maoli!

            He ahua nui i waeia o na lole Silika maoli, ma na kumukuai@

pono loa. Na lole eleele Silika holookoa no ke 75 a me @

iwilei. Na lole Silika eleele lau o na ano a pau, no e $1.25 @

a me $1.76 o ka iwilei.

NA UHIMAKA ELEELE A ME NA KIHEI ELEELE@

na lede.  Na kakini eleele maikai loa o na wahine i hiki ke@

paa ka waihooluu o na ano a pau, no ke 50 keneta o ka paa.

NA MIKINI LIMA ELEELE O NA LEDE

Na Mikini lima Silika eleele o na Leded no ke kumukuai@

Na Lipine eleele Silika, a me na Lipine eleele Silika kahei@

Na Papale!  Na Papale!

NO KE KUMUKUAI EMI LOA     

Na Papale eleele o na lede i kinohinohiia me na lipine, no ka@

pakahi. Na papale eleele i kinohinohi ia me na kanikau, no ka@

wale no. Na papale eleele o na lede i kinohinohiia me ka lipine@

na hulu eleele maikai, no ka $4.00 a pii aku.

Ina oe i makemake i na Arabia maikai loa, a mau eleele kanikau@

ae, a i ole, papale eleele, e kipa ae ma ka Halekuai nui o

N.S. SACHS, Ona Waiwa@

HELU 104, ALANUI PAPU, HONOLULU

2331-tf