Ka Nupepa Kuokoa, Volume XXX, Number 22, 30 May 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa'ME

Ko Hawaii Paeaina i Huiia

 

No ka Makahiki, - - - $2 00

No Eono Mahina, - - - 1 00

Kuike ka Hale.

 

HOOPUKAIA I KA

HAWAIIAN GAZETTE CO.

H.M. WHITNEY, Luna Nui,

J.U. KAWAINUI, Luna Hooponopono

 

POAONO, - - - - MEI 30, 1891

 

AHA HUI EUNELIO HAWAII.

IUNE, 1891.

 

PAPA HOIKE HANA.

 

            SABTAI, Mei 31-Hora 11 a.m., halawai, Hui Haiolelo Oihana makahiki kuwaho, Rev. S. Kapu, Kawalahao. 7:30 p.m., Haiolelo makahiki Oihana kuloko, Rev. J. K. Hibio, Kaumakapili.

            POAKAHI, Iune 1-Hora 10 a.m., Ahahui Kula Sabati Paeaina, Kaumakapili, a me ka hora 1:30 a me 7:30 p.m.

            POALUA, Iune 2-Hora 10 a.m., Ahahui Euanelio, Kaumakapili. 7 p.m., Ahahui Kula Sabati o ka Paeaina. 7:30 p.m., Ahahui Imi pono Opio, Kaumakapili.

            POAKOLU, Iune 3-Hora 9 a.m., Ahahui Euanelio, Kaumakapili. 3 p.m., Hoonoho ana i ka pohaku Kihi o ka luakini hou o Kaukeano. 7:30 p.m., Halawai haipule ma na luakini a pau.

            POAHA, Iune 4-Hora 9 a.m., Ahahui Euanelio; Hoike makahiki o ke Kakauleta a me ka Puuku o ka Papa Hawaii, Kaumakapili. 2 p.m., Hoike o ke Kula Kaikamahine o Kawaiahao ma Kawaiahao. 4:30 p.m., Inu Ti ma ka luakini o Kaukeano. 7:30 p.m., Papa Hawaii, Kaumakapili.

            POALIMA, Iune 5-Hora 9 a.m., Hoike o ke Kula Kahunapule, Kawaiahao, 1:30 p.m., Ahahui Euanelio, Kaumakapili, 7 p.m., Papa Hawaii, 7:30 p.m., Ahahui Lipine Bolu, Kaumakapili.

            POAONO, Iune 6-Hora 9 a.m., Hoike Hui o na Kula Sabati o Oahu, Kaumakapili.

            SABATI, Iune 7-Hora 4 p.m., Ahaaina a ka Haku, Kaumakapili, 7 p.m., Haiolelo a na Haumana o ke Kula Kahunapule, Kawaiahao.

 

Ahahui Kula Sabati o ka Mokupuni o Oahu

            Halawai ka Ahahui Kula Sabati o ka mokupuni o Oahu ma ka luakini o Waiawa, Ewa, 1 Aperila 2, 1891, hora 1 o ka auina la.

            Wehe ia na hana ma ka himeni 181 o ka Hoku Ao Nani a me ka pule a Rev. J. Kekahuna.

HOOMAOPOPOIA NA LALA.

            Kula Sabati o Kawaiahao, aole Kahu, aole elele, Kula Sabati o Kaumakapili, aole kahu, L D Keliipio elele, Kula Sabati o Kalihi a me Moanalua, aole kahu, J S Keawe elele, Kula Sabati o Ewa, aole kahu Keone elele, Kula Sabati o Waianae, A K Kaleikau elele, Kula Sabati o Waialua, S H Kalamakee kahu, Mahu elele, Kula Sabati o Hauula, aole kahu, Kailiwai elele, Kula Sabati o Waikane, aole kahu, aole elele, Kula Sabati o Kaneohe, aole kahu, Manuela elele.

            Na Kahu Kula Sabati Nui, S Kapu o na Koolau a me E S Timoteo o na Kona.

            Koho ka hale la E S Timoteo i Lunahoomalu a la A K Kaleikau i Kakauolelo.

            Na Komite Imi Kumuhana, S Kapu, S H Kalamakee a me L D Keliipio.

            Kohoia na lala o ke Kula Kahunapule a me na hoa i akoakoa mai i mau hoakuka no ka hale.

            Hoike hapa a na komite imi kumuhana, oia keia: 1-Hapaha hora haipule. 2-Hoike a na kahu kula Sabati nui. 3-Hoike a na kahu kula Sabati apana. 4-Hoike a na elele. 5-Buke Kula Baibala. 6-Na hana hoolaha Baibala. 7-Elele i ka Ahahui nui. 8-Inoa o na kahu kula Sabati nui o keia Ahahui i ka Ahahui Nui.

            Malamaia ka hapaha hora haipule. Kahea la ke kumuhana 2, oia ka hoike a na kahu kula Sabati nui, kumuhana ekolu, oia ka na kahu kula Sabati apana, kumuhana oha ka na elele.

            Ua noi mai na komite imikumuhana e hoopanee ka noonoo ana i ke kumuhana elima a pau ka hoike hap i koe a na komite imikumahana. Aoia.

            Kumuhana 9-Hoike o na kula Sabati o ka mokupuni o Oahu iloko o I@. 10-I haawina like no ka la hoike hui iloko o Iune. 11-Komite hoeueu o na kula Sabati. 12-Na mea hoeueu i na keiki e hele i ke kula Sabati. 13-Hoike a ke komite hooko. 14-Hoike a ka Puuku. 15-Kahi a me ka wa e halawai ai keia aha. 

            Ua hoopanee ka halawai a noho hou i ka hora 1 o ka auina la, Aperila 3.

            LA HANA 2, APERILA 3, 1891

            Halawai ka hale, hapaha hora haipule. Heluhelu ia ka moolelo o ka halawai i hala, aponoia.

            Kahea ia ke koena o ka hoike a na elele, pau ia, kahea ia ke kumuhana elima, (oia hoi na Buke Kula Sabati), ua noonoo nui ka hale no keia kumuhana, a ua hooholo ka hale na na luna nui o keia hale e waiho i keia kumuhana i mua o ka Ahahui Nui. Kumuhana eono (Na hana hoolaha Baibala). Waiho mai o Rev. C M Hyde, i kekahi hana e pili ana i keia kumuhana, oia hoi i mau Pauku hoopaanaau iloko o ka Baibala i 200, na kela a me keia haumana e hoopaanaau ai, hooholoia. Eia na Pauku, ma Pukaana Mokuna 20, Pauku 26, ma Halelu mok. 19, pauk. 14, ma Halelu mok. 23. puk. 6, ma Halelu mok. 90, puk. 17, ma Isaia mok. 53, pauk. 12, ma Mataio mok. 5, pauk. 48, ma Mataio mok. 6, pauk. 34, ma Mataio mok. 7, pauk. 29, ma Korineto mok. 13, pauk. 13. Huina o na pauku a pau he 199, a me hookahi pauku hou iho a ka mea e hoopaanaau ana i koho ai piha 200. Na ke Kahu Ekalesia a i ole Kahu Kula Sabati paha e hooiaio aku i mua o ke kakau leta o ka Papa Hawaii i ka inoa o ka haumana ana i lohe ai, a me ka nui o na pauku Baibala i hoopaanaau ai, alaila e loaa ka Baibala nona ke kumukuai he $1.00, mahope o keia, na Rev. Kekahuna i noi mai e lilo na Kahu Kula Sabati Nui i mau Komite hooponopono. Hooholoia.

            Hapai ia ke kumuhana ehiku, (elele i ka Ahahui Nui), ua koho ka hale i mau elele, ia Kailiwai, I.D Keliipio, Manuela a me A K Kaleikau, o lakou na elele e hele ai i mua oia aha. Kumuhana 8, (Inoa o na kahu kula Sabati nui a keia aha i ka Ahahui Nui). Ua hooholo ka hale o na kahu kula Sabati mua no. Kumuhana 9, (Hoike hui o na kula Sabati o ka mokupuni iloko o Iune), hooholoia e hoike hui ana. Kumuhana 10, (Haawina like no ka la hoike). Ua waihoia na na kahu kula Sabati no e hoolaha mai i na haawina a me ka manawa e hoike hui ai. Kumuhana 11 kapae la no ka makaukau ole. Kum. 12 (Na mea hoeueu i na keiki), waiho ia no ma ka lima o na kahu k.s.n. no ia hana. Kum. 13, Hoike a ka Pauku, aole hoike. Kum. 14, Ka manawa e halawai hou ai o keia ahahui. Ua hooholo ka hale e halawai hou ana ma Waialua ma ka Poaha mua o Okatoba, 1891.

            Hoopanee ka hale a halawai hou ma Waialua Poaha mua o Okatoba, 1891.

A.K. KALEIKAU.

Kakauolelo o ka Ahahui K.S.

 

HOIKE HUI.

 

I na Kula Sabati o na Honuaula a a me Kahakuloa,

            Aloha oukou:-

            Ua nui ko'u makemake e halawai pu me oukou, mamua ae o ka pau ana o kaia hapaha kula Sabati, aka aole e hiki, no ka mea, he nui na keakea i loaa ia'u i keia mau la, aole no e pau ana na keakea ia'u a hiki i ka pau ana i keia hapaha. Nolaila e alakai aku i ko kakou mau kula sabati e like me ko kakou mea maa mau a hiki i ka wa hoike hui. A i ko kakou mau kula Sabati ma Waihee, a e ike ana oukou i ko kakou manawa hoike ma na nupepa, e koi ana ia kakou e hui ae ma ia la Hoike.

            E hoike hui ana na kula Sabati o Maui waena, mokupuni o Maui, mai Kahakuloa a hiki i Auwahi, ma Honuaula, ma ka halepule hoole Pope ma Waihee, Maui, ke hiki aku i ke Sabati la 28 o Iune, A.D. 1891, ma hora 10 a.m. 

            Nolaila e oluolu na kula Sabati a pau e hooikaika e hui ae ma kahi i oleloia a me ka manawa, a pela pu hoi me na kumukula Sabati, e hoikaika lakou i ke ao ana i ka lakou mau haumana ma na haawina maloko o ha buke liilii o keia makahiki. Oia hoi e lawe oukou i na kumuhana a pau loa, na mahele o na haawina, na pauku gula, na manao nui, na manao pili, mai ke Sabati mua mai o Aperila a hiki i ke sabati ekolu o Iune o ka hapaha elua o keia makahiki, a na na kahu kula Sabati a pau e alakai no i ka lakou mau kula Sabati, ke hiki mai i ka la e hoike ai.

            A o na haawina hoike a na pokii, e hoopaanaau i ka moolelo o Aberahama, mai kona hanau ana a me kona ano kana hana a hiki i kona make ana.

            O keia wale no na haawina e hoike ia ana iloko o keia hapaha, a e hookomo ana i na himeni Hokuao Nani, iwaeaa o na mahele haawina, e like me ka nui o na himeni e makemake ai, ua makemake la hoi keia mau haawina e hana a p@anaau loa, mai kela kihi o Kahakuloa, a hiki i Auwahi.

            Nolaila, e oluolu i na makua, na keiki, na kumukala Sabati, na lala a me na lunakahiko o na ekalesia, e hui, a e akoakoa ae ma ka la hoike i oleloia.

            A e wehe ana ko Waihee mau puuwai hamama e like me ko lakou rula maa mau, a hookipa aku ia oukou no ka hoomaha a hoopiha i na houpo lewalewa o ka hele ana mai a na wahi loihi. Nolaila ke koi ikaika nei au i na Kula Sabati e akoakoa mai ma kahi a ka lehulehu i makemake ai, a ua makemake pu ia no hoi na poe e ae e akoakoa mai no keia hana maikai, a e hoohauoli aku imua o ke Alii na alii, a me ka Haku o na haku.

            A mai poina i ka paa pu ana mai me ona mau wahi kenikeni no ke koena aie o kakou i ka waihona o na kula Sabati, e like me ka olelo hooholo a keia Ahahui ma Wailuku i hala. A penei na mahele ana:

Kula Sabati o na Honuaula - $5.00

" " o Waikapu - 3.00

" " " Wailuku - 5.00

" " " Waihee - 5.00

" " " Kahakuloa - 2.00

            Huina - - - $20.00.

            A e pono e loaa keia mau mahele mamua o ka hele ana mai ma ka la hoike, i pau ai ko kakou ale ilaila. A mai poina i na kokua mau o ka la hoike.

            Nolaila mai poina i ko kakou mau hoike hui nui ma Molokai, kahi i haawi ia ai o na mahalo kiekie ia kakou me na keonimana W.R. Kakela W.A. Kini a me A.L. Kakina. e olelo ana o na kula Sabati o Maui waena, na kula Sabati o Maui waena, na kula Sabati oi loa, i ka wa hoi e noho ana ko kakou kahukula Sabati Hon. J.W. Kalua. Ke koi ikaika pu aku nei a'u i na kula Sabati a pau o Maui waena, e akoakoa nui mai kakou no ka hooholo mua ana aku i ka hana oia la hoike imua.

            Owau no me ke aloha ia oukou ko'u mau pokii iloko o ka Haku.

            J. HAOLE.

 

Ka Huakai Makaikai

A KAUKA TALAMAGE I KA AINA HOANO.

(HOOMAUIA.)

            Auwe, ae,-ke maalo io nei au la ma kou alanui e Saulo (mai poina e na makamaka heluhelu, o Paulo no keia i hanauia ai ma Tareso a o Taresisa hoi) i aa ai oe e holo i Damaseco me na lako kaua, me ka inaina wela me ka manaopaa e luku i ka poe Kristiano a pau ma Damaseco, aka ua like ole nae kou noonoo ana me ka Mea nana i hana ia oe.

            He alanui loihi maoli no keia ma ka hele ana, aole nae he mau awawa nunui a kuhoho maanei, aka he panoa wale la no ia o ka aina ma o a maanei ke nana ae, he kakaikahi hoi kahi mea uliuli e oluolu ai ka maka ke nana ae, aole no hoi he wahi kauhale iki i loaa ia makou e ku ana ma keia kula loa o Suria, a koe wale no na hale lole o ka lahui Isamaela, e kaahele ana a e hahai holoholona ana no hoi kahi poe, a e auwana wale ana no hoi kahi poe o lakou, e powa ana a e hao wale ana kahi poe, a he kula pono ole no keia no ka manao ana e hele mehameha, i pono no paha makou e hele nei no ka lehulehu maoli no. O ko makou nui mai Iopa mai, he 5 makou kauka, o Kauka Bilisa, Kauka Poeta, Kauka Iesupa, Kauka Medera a me a'u no hoi; a he 3 Kenelala, a he 4 poe lawelawe, hui a pau he 12 makou. Ke hui makou a pau me ka poe e kai-a-huakai nei me na kamelo, ua hiki aku ko makou nui i ke 27, he mau kane wale no a pau loa.   

            O na mile a pau i hele ia e makou mai Palesetine a Suria nei maluna o na lio i kahi wa a ma na kapuaiwawae i kahi wa. ua hiki aku no ia i ka haneri me kanalima mau mile, a he eha la i hala ia makou a he mea maopopo lea, wahi a ka poe e hele pu nei me makou, e komo ana ka makou iloko o ke kulanakauhale o Damaseco i ke ahiahi o ka la apopo.

            I ko'u lohe pono ana ae i keia lono hauoli, aia ka ua hoi mai la kuu manaolana, kuu uiha a me ka maluhiluhi no ke kau loihi loa iluna o ka lio, ua auhee ae la, aka eia ka mea haohao a'u e nana aku nei, aohe wahi lihi ike iki la aku o ke kulanakauhale o Damaseco.

            A hiki wale i ka po ana iho, ua kipa ae la makou ma kekahi wahi e hoomaha ai no la po a ao hele, no ka mea ua po.

            Ma ia po ana iho, he keu a ka ikaika launa ole mai o ka makani i haukawewe iho maluna o makou, a aole no nae he mea e pihoihoi ai no na noonoo, ua hoomanawanui iho la no makou pela a hiki wale no i ke ao ana ae.      

            I ka hora 6 o ia kakahiaka, makaukau ae la makou no ka hele ana aku, aole no hoi i emo, aia hou no ka makou la a akoakoa wale ke kai-a-huakai pu nei no ma ke alanui e hoea aku ai i Damaseco.

            O ka wela ka mea nui loa ma keia kula loa a makou e naue nei, ke hao iho la ma na kua o makou, aole i kana mai ua mea he wela, a i ahona i ke oaniani wahi makani mai ke kukulu hema ae.

            Ma ka hora 6 o ke ahiahi no o ka la a makau e hele nei, aia hoi kau ana ke kulanakauhale o Damaseco mamua pono o makou, a nana aku la au me ka pahaohao, aole nae i ike pono loa ia aku, aka uliuli o ka pa ka'u e ike powehiwehi aku nei me ka ohe nana.

            Na iwakalua paha mile ka mamao mai a makou a i ke kulanakauhale, ua halawai mai la makoiu me na kaa mai Damaseco mai a lawe aku la ia makou i ke kulanakauhale ia po, aole i emo kaalo ana makou ma na pa nani, na kihapai pua kamahao, na alanui akea o keia kulanakauhale kupanaha nui wale o ka aina o Suria, i paa hoi i na moolelo kupanaha he nui wale, ua oeloia o Damaseco, "Ke Kulanakaohale kahiko loa malalo o ka La."

            Aka e hoomanawanui au a ao ae, alaila e ike auanei au me kuu mau maka ponoi i kou nani e Damaseco, i lawa pono ka'u papa hoike.

            Ma kekahi hale nui a maemae i hookipa ia ae ai makou me ka pumehana o ke aloha a me na kamakamailio oluolu ana mawaena o na kamaaina a me makou pu hoi na malihini kaahele.

            I ke ao io ana ae, owau no ka miki mua o makou e hele iwaho, o ko'u aho no o ka puni i na mea hou kaulana, a he nani maoli io no ia e okuku mai nei imua o ko'u mau maka.

            Kono ia mai la au no ko makou paina kakahiaka, no ko makou hele koke aku i ka makaikai i ka hosa 9 ae o ia kakahiaka no.

 

NA LETA.

 

            (Aole o makou makemake e lawe i ke koiko o na hala no na manao i hoopukaia malalo keia poo e ko makou mau mea kakau.)

 

He Ohana Nui ma Honuaula.

            Honuaula, Mei 19-J.U. Kawainui, Aloha oe-Eia iho he ohana nui ma Honuaula, Maui, a penei ka hoakaka ana: E. Saffray, he haole Beritania, ua mare ia Waiki w., o Olowalu, Maui, a e noho nei ma Ulupalakua, Honuaula, Maui, a na laua mai na keikikane a nae na kaimahine malalo iho:

            1 Fanny, he 3 keiki a me 2 moopuna; 2 Edmond, he 8 keiki; 3 Henry, he 1 keiki; 4 Carry, he 9 keiki; 5 William, he 2 keiki; 6 John, 1 keiki; 7 Thomas, he 5 keiki; 8 Mary, aohe keiki, 9 Emma, 5 keiki; 10 Julia, he 3 keiki; 11 Anna, he 5 keiki; 12 Charley, he 4 keiki; 13 Helen, aohe keiki; 14 Nellie, aohe keiki. Huina hoululu he 14 mau keiki, 46 mau moopuna a me 2 mau moopuna kualua. Ke ola nei o Waiki a me kana mau moopuna he 48 ke huiia me kana mau moopuna kualua elua.

            (O ke keu paha keia o na ohana nui ma Hawaii nei, a he hooulu lahui maopopo. Ke ola nei anei na keiki a Waiki a pau? Owai ae ia ohana nui o Hawaii nei? Huea mai iloko o ke Kilehana Pookela. L.H.)

 

Ka Opiuma ma Honuaula.

            Makena, Mei 19-J.U. Kawainui, Aloha oe:-Maanei i ke kakahiaka o ka la 16 o Mei nei, ua hopu ia he elua mau pake malama opiuma o Abosana a me Aona me 30 tini opiuma ka nui, e kekahi makai nona ka inoa Charles Saffray. O ia wale no ka mea nana i hooko kana palapala hopu. Nui kona nana pono i kekahi eke barani ai a ka lio ahiki i ka puka ana o ka la. Ma ia wa, ua hoomaka ua mau pake nei e kii e hapai e lawe, a ia wa no o Charles Saffray i hopu ai i ua mau pake nei, me kona hai aku ia laua, ua paa olua ia'u, he mana ko'u e hopu ia olua me keia palapala hopu ma ka inoa o Liliuokalani, ko kakou Moi. A ma ia wa no, ua waiho mai laua i na ala paa o Kaueleau, aole nae i ae la aku e keia keiki. Ma ia wa, ua kue mai o Kekukahiko i ka makai a lilo aku la ke eke opiuma. E ole e hiki mai ka Hope Luna Makai o Honuaula nei noho malie ai a loaa mai na tini opiuma he 30. A ma ka noho ana o ka Aha Apana e hoolohe i keia hewa, eia ka mea hilu loa, ua waiho ia kekahi pake a hookahi wale no i hoopiiia, kapae ia aku la nae o Aona ka lua o ka pake i hopu ia ai e hapai ana i ke eke barani me na tini opiuma iloko. Kapae ka alala a na luna aupuni o Honuaula nei. Ma ka ninau ana a ka Aha ia Abosana, ua ae oia i kona hewa, nolaila ua hoopaiia he $100 me $4.00 koina. Nolaila ke mahalo nei ko Makena nei i keia makai houi opiopio no kona eleu!

            Me ke aloha

            J.P. AKANA.

            (Ua lohe mai makou mawaho ae mahope iho o ka hoopaiia ana o ka pake maluna ae a me ka uku ana i ka hoopai he $100 a me ke koina he $4.00, ua weheia ae la kekahi tini, eia nae ka mea apiki, he malakeke ko loko. L.H.).

 

Ka Mai Luku ma ke Panalaau o Molokai.

            Kalawao, Mei 21-Aloha oe-Ma ka la Sabati, Mei 10, loaa iho la makou a pau i ka mai ahulau La Garipa, me ka hiki ole ke nana aku kekahi i kekahi, oia hoi na hale eha e pili ana me ko makou. Ma ka hoomaopopo aku, aohe hale o Kalawao nei i nele i ka loaa i keia mai. Eia no makoua pau ke nawaliwali nei, make aku kahi poe a ola mai kahi poe. Pau na kokua i ka mai, a pilikia na hana kumau i ke kanaka ole. O na kaiko kekahi poe i pau pu no i ka mai a me na kokua nana e hoohikihiki mai i na ukana o ka moku, na poe o ka halekuai a me ka poe lole pipi. He poe mai lepera no Kalaupapa mai na kanaka nana i lole na pipi, a pela aku ana no paha na kanaka hana moku. No ka loaa ana o Wiliama Tele, Luna nui o ke Panalaau i keia mai, ua hoonoho ia o John Gaiser i hope luna nui. I ka la Sabati nei, Mei 17, aohe haipule ma ka luakini o Siloama, Kalawao nei no ka mea aohe kanaka hele mai. He ekolu mau make ma ke Sabati nei, o Kalani, Manuia a me Kale Liilii (w). O na hui hoolewa, aohe e hiki mai no ka pau loa o na lala i ka loaa i ka mai.

            Ma Kalaupapa, nui ka poe make pela ka lohe ia mai, ke hele la a pau na pahu kupapau i paa i ke kapili e ia. Ua hala aku o Alika Smith kamana moku i ka make, a pela o Kealohapauole a me Maemae wahine a Kupakee Hoapili.

            J.K.

 

Ka Waiwai o ka Hilinai

 

Saseparila Ayer

AYER, Laau Saseparila kai kaulana i hilinai huiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia

LAAU SASAPARILA, no loko ae ia o ke aa Sasaparila Honedura maoli;; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali a nei kou? Ua awili pu anei me na ano mai ikaika? A ua hui pu anei me na wai awaawa hoopehu. Na keia

LAAU e hoomaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i awili puia, aka o keia wale no. No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae. O ke

KOKO ino hakuhaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer. He maalahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasaparila,

I HOOMAKAUKAUIA E

Kauka J.C. Ayer & Co., Lowell Mass.

HOLLISTER & CO.

Na Agena ma ka Paeaina Hawaii.

2@@1-3m

 

Hoolaha Kumau.

 

PAPA! PAPA!

AIA MA KAHI O

Lewers & Cooke

(LUI MA),

Ma ke kahua hema o Alanui Papu me Moi.

 

E LOAA NO NA

PAPA NOUAKI

O kela a me keia ano,

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa.

NA PILI HALE O NA ANO A PAU

A me na

WAI HOOHINUHINU NANI

O na ano a pau loa.

 

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo ana mawaena o Laua a me ka Mea Kuai.

Hele Mai e Wae no Oukou iho.

2831-3m

 

Hoolaha Kumau.

 

ANO NO I LOAA MAI @

MRS. B.C. GOO@

NA LAKO PAPALE HOU LOA @ Papale, na Hulu Papale a me @ i ike ole ia ma Honolulu.

-A ME-

Na Palemai Wawae Kane, Wahine @ Kamalii, na pokaa Lop@ Silika a pe@

He mau waiwai hou @ a e kuai ia aku ana me ka @

Alanui Papu, mauka @ Wa@ o Wnner & Co.

2331-3m

 

BENSON, SMITH &

Na Mea Laikini ia e K@ a me kuai lii@

Na Laau Lapa@

O NA ANO A PAU.

HELU 113 me 115, Ala@

O LAUA NA AGENA @

Laau Lapaau Kuluwai @

 

Boreicke & Schrec@

A ME NA

Wai Lukini Onaona Waiau@

Waiala Maile

A ME KE

Onaona Lei Aloha

O na lako no ka Lauoho a me @ na mea hoonani o na Home, @ makamaka ke kipa mai ma kela @

2240-tf.

 

NA LOLE ELEELE! NA LOLE ELEELE!

NA LOLE KANIKAU

HALEKUAI LOLE NUI OHOHI@

N.S. SACHS,

-MA KA-

HALEKUAI 104 ALANUI PAPU

NA ALAPIA ELEELE! NA ELEELE HULU HIPA @

KUAI HOOPOHO! KUAI HOOPOHO!

            He ahua nui ko makou o na lole eleele i kupono no ke kanik@ @ ka makou e kuai aku ana ma ko makou mau kumukuai mau, @ makou hoopii i na kumukuai ma na wa o keia ano, e like me @ kuai e ae, aka, he oia mau no ka haahaa o ka makou mau kumukuai.

NA ALAPIA LAULA NUI - 50 - KEN. O KA IWILEI

Na Arapia eleele laula nunui 44 iniha, no ke 60 keneta o ka @

Na Arapia maikai loa laula nunui no ke 75 keneta wale no o ka @

Na Eleele Kanikau Maoli! Na Eleele Kanikau Maoli!

28 INIHA LAULA, HOEMIIA 60 KENETA O KA IWILEI

Na Eleele Alapaca Maoli! Na Eleele Alapaca Maoli!

Na Eleele Alapaca maoli nunui, hoemiia 35 keneta o ka iwilei.

Na lole huluhulu maoli, hoemiia no ka 25 a me 35 keneta o ka ia@

Na Lole Eleele Silika Maoli! Na Lole Eleele Silika Maoli!

            He ahua nui i waeia o na lole Silika maoli, ma na kumukuai @ pono loa. Na lole eleele Silika holookoa no ke 75 a me 90 keneta @ iwilei. Na lole Silika eleele lau o na ano a pau, no ke $1.25 a me @ a me $1.76 o ka iwilei.

            NA UHIMAKA ELEELE SILIKA A ME NA KIHEI ELEELE @ na lede. Na kakini eleele maikai loa o na wahine i hiki ke hoola@ paa ka waihooluu o na ano a pau, no ke 50 keneta o ka paa.

NA MIKINI LIMA ELEELE O NA LEDE.

Na Mikini lima Silika eleele o na Lede no ke kumukuai haahaa @

Na Lipine eleele Silika, a me na Lipine eleele Silika kahei o na @

Na Papale! Na Papale!

-NO KE -

KUMUKUAI EMI LOA.

            Na Papale eleele o na lede i kinohinohiia me na lipine, no ka @ pakahi. Na papale eleele i kinohinohi ia me na kanikau, no ka @ wale no. Na papale eleele o na lede i kinohinohiia me ka lipine @ na hulu eleele maikai, no ka $4.00 a pii aku.

            Ina oe i makemake i na Arabia maikai loa, a mau eleele kanikau @ ae, a i ole, papale eleele, e kipa ae ma ka Halekuai nui o

N.S. SACHS, Ona Waiwai.

HELU 104 ALANUI PAPU, : : : HONOLULU

2881-tf