Ka Nupepa Kuokoa, Volume XXX, Number 24, 13 June 1891 — Page 4
| This text was transcribed by: | Tayler Higgins |
| This work is dedicated to: | Ka Papa 'Ōlelo Hawai'i o ka Makahiki 2013; The Higgins 'Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki. _ _ _ $2 00
No Eono Mahina. _ _ _ 1 00
Kuiko ka Rala
Ona olelo Hoolaha a pane hoounala mau ana no ka hoolaha maloko o keai Nopepa e hoona po mai me ka aohao a in a aole, aohe bookomola. O ka ako he $120 no hookahi puka ana o ka Olelo Hoolaha hookahi iaiha ke akua a he 50 keoala no na puka ana pakahi mahope ako.
HOOPUKALA KA
HAWAIIAN GAZETTE CO.
H.M WHITNeY, Luna Nui,
J.U KAWAINUI, Luna Hooponopono.
POAONO, . . . IUNE 13, 1891
KULA SABATI
IUNE 21. 11.-12. Ka lawe pio ana i ka Iuda. 2 Naili
25: 1-12
A i ka iwa o ka makahiki o kona alii ana, i ka umi o ka malama, i ka la umi o ka malama, hele mai la o Nebukaneza ke alii o Babulena, a me kona poe kaua a pau, i Ierusalema, a kue ia wahi; a hana iho la i pa apuni ona.
2 hoopilikia ia ke kulanakauhale a hiki i ka makahiki umikumamakahio Zedekia ke alii.
3 I ka la 9 o ka ha o ka malama, ua i kaika ka wi ma ke kulanakauhale, aole ai na na kanaka o ka aina.
4 A ua hoopioia ke kulanakauhale a holo aku la na kanaka a pau i ka ipo, ma ke ala o ka ipuka ma waena o na papohaku elua, ma ke kihapai o ke alii;(a o ko Kaledea e noho ana a puni ke kulanakauhale; )a hele aku la [ke alii] i ke ala o ka pupu.
5 A hahai akula la ka poe kaua o ko Kaledea mahope o ke alii, a loaa ia lakou ia ma na pau o Ieriko; a ua puehu liilii kona poe kaua inai on a aku la.
6 Lalau aku la lakou i ke alii, a lawe aku iaia i ke alii o Babulona, ma Ribela, a hoohewa lakou laia.
7 A pepehi aku la lakou in na keika a Zedekia Imua o kona maka, a poalo ae la i na maka o Zedekia, a hoopaa aku la lakou haia i na kupee elua, a lawe aku la lakou iaia i Babulona.
8 A i ka lima o ka malama, i ka hiku o ka la o ka malama, ola ka umikumamaiwa o na makahiki ke alii, o Nebukanezi, ke alii o Babulona, hele mai la i Ierusalema Nebuzaradana, ka launa a ka poe kou, ke kauwa a ke alii o Babulona.
9 A puhi aku la i ka hale o Iehova, a me ka hale o ke alii, a me na hale a pau o Ierusalema, a puhi aku la hoi i ke ahi i kela hale keia hale o ka poe koikoi a pau.
10 A o ka puali a pau o Kaledewa me ka luna koa, hoohiolo lakou i na papohaku o Ierusalema a puni.
11 A o ke koena o na kanaka i waihola ma ke kulanakauhale, ame ka poe i haule mamuli o ke alii o Babulona, a me ke koena o ka lehulehu, o lakou ka Nebuzaradana. ka luna koa, i lawe pio ai.
12 A o ka poe liihune o ka aina o lakou ka ka launa koa i waiho i poe malama i na pa waina, a i poe mahiai.
* * * * *
PAUKU OULA.
Hosea 6:1. Ina kakou e hoi hou aku ia Iehova.
OLELO HOAKAKA.
O Zadekia ka moi hope loa o Iuda, oia no ka muli no Iosia. Ua hookohu o Nebukaneza iaia i moi. Ua noho alii oia he mau makahiki11 M . K. 599--588. Ua kakauia kona moolelo. 2 Nal. 23, 24.
O ka wa o Ierusalema i pau ai i ko ahi, o ia no 26 mau makahiki ma hope o ko Iosia halawai ana me ka buke o ke kanawai ma ka haawina Baibala mamua iho nei.
O ka lawe pio mua ana i ko Iuda, ola no M. K. 606. Ia wa ua lawela aku o Daniela ma. Oia ka makamua o na makahiki 70, Ier. 29 : 10.
O ka lua o ka lawe pio ana, oia no M . K. 597. Ia wa ua lawe aku o Nebukaneza i mau kanaka 10,000 a me na waiwai lehulehu. O Ezekiela kekahi pio.
O ke kola o ka lawe pio ana, ola ao ka hana i olelo ia ma kela haawina, M. K. 588,. O ka heluna o na makaainana ma Ierusalema ia wa 20,000. Ua like pu ka moolelo Ier. 54 : 4 - 16 me keia haawina Baibala. Ua hoopuni o Nebukanezaia Ierusalema no ka makahiki hookahi me ka hapa, a nui loa na poina. Ua pau ka noho pio M. K. 536. Ia wa ua ae mai o Kuro i ke kahi poe Iudaio e hoi hou noai malalo o Zerubabela. Ua hoi hou no kekahi M. K. 458 malalo o Ezera. Ua hoi hou no hoi kekahi M. K. 445 malalo o Nehemia.
Umi -Oia no ka malama o Tebela, e like me Ianuari a me Feberuari. Pa. - Hale kiekie e nana aku ai ilalo.-Ua kaa lakou ma na huila. Ha.- Oia no ka malama o Tamuza, e like me Ianuari. Hoopioia .- Wawahi na hale o ke kulanakauhale. Ipuka . -Ma ke kukulu hema oiai ua komo ka poe enemi ma ka akau, Ezek. 9 : 2. Elua . -O Moria kekahi, o Ziona kekahi, ma ke awaawa " O ka poe hana waiubukapaa. " Kihapai . -Malapua, ma ke kihi hikina komohana, kokoke loa i ka waipuna o Siloama. Papu.- Oia no ke Araba, ke awaawa o Ioredane, ka papu o Ieriko. Puehu.- Auhee wale. Ribela.- He mau mile 75 ma ka akau mai Damaseko. Malaila ua noho ke alii oiai ua hoopuni kona mau puali koa elua ia Turo a me Ierusalema. Hooheua . - Hoopaiia o Zedekia me hokipi la. Ezek. 17 : 13-19. 2 Oib. 36 : 10-13. Aole i malama o Zedekia i kana olelo hookiki e hoolohe mau ia Nebukaneza. Poalo.- Nolaila aoile kue, Ier. 32 : 4 ; Ezek. 12 : 13. Pepehi . - A pau kona ohana alii. Maka.- Aole hiki ia Zedekia ke alii hou. Ilihune.- Ua waihowale ia lakou o lilo ka aina i waonahele. O Ieremia kekahi i waihowale ia ma Iudea.
HE MAU NIELE
I.- Ierusalema pio, p.p., 1-4.
Owai ka moi ana hoppuni ia Ierusalema ? Pehea ka loihi o kona hoopuni ana ? Heaha na poino i hooili ia ae ? Ier. 52 : 6 ; Ezek. 5 : 10-12. No keaha la keia mau kahi hewa ano nui loa ? Ier. 17 :20-23 Pehea ka hopena o ka hoopuni ia ana ? Pehea ko Zedekia manao e auhee aku ai ? Heaha ka olelo wanana a Ieremia ? Ier. 19 : 3-13. Ua makemake anei o Iehova e hoehaeha aku i ka poe Iuadaio ? Ezek. 18 : 10-32 ; 2 Pet. 3 : 9. No keaha la ko kakou mau poino ? Owai na elele mai ke Akua mai no kakou ? Heaha ka kakou mea e hana'i i mea e oia'i ?
II. -Ka Moi pio, p.p., 5-7.
Mahea ka hopu ana ia Zedekia ? Ia wai i lawe ia aku ai oia ? Pehea kana mau keiki ? Pehea o Zedekia ? Heaha na olelo wanana i hookoia ? Ier. 21 : 7, 9 ; 38 : 23. Owai na moi Iudaio e ae i noho pio ai ia wa ? Owai ka poe i alualu ai ia Zedekia ? Ehia mau makahiki ko Zedekia noho pio ana ? Ier. 52 : 11. Heaha ke kaulana o Zedekia ? Ier. 38 : 5. 2 Nal. 24 : 69. Owai kona inoa maoli ? 2 Nal. 24 :17. Pehea ke kulana o Nebukaneza ? Owai ke alii kue mau ia Iehova ? Pehea kona lanakila ana maluna o na kanaka ? Pehea e lanakila ai ka poe haipule ?
III. - Ke kulanakauhale i luku ia, p.p., 8-12.
Pehea na papohaku o Ierusalema ? Ua koe anei kekahi apana ? Pehea ka luakini ? Ua palekana anei na palapala hemolele ? Pehea na hale noho ? No keaha la i wawahi ia ai lakou ? Pehea na kamaaina ? Owai ka poe i koe ? No keaha i waiho wale ia lakou ? He poino maoli anei ka noho ilihune ana ? Heaha na waiwai i laweia aku ? 2 Nal. 25:13-17. Heaha kekahi olelo hoona ? Is. 40 : 12 ; 43 :1-8. ua pau anei ko ka poe Iudaio hoomanakii ? Pehea ko Iesu manao i ko Ierusalema paakiki ? Mat. 23 : 37.
MANAO PILI
1. Ua hooweliweli anei o Iehova i na kanaka ?
2. F. hookuu loa ana anei o Iehova i ka poe hewa ?
3. Pehea ko kakou poino in a hookuli kakou ?
4. Ua hoonoho anei ke Akua ia mau mea e keakea ai i ka poe hana hewa ?
5. Heaha ka mea ano nui a ka poe hewa i keakea aku ai ?
Na mea Hou o Puna Paiaala
-----------
I ka Nupepa KUOKOA me PAEAINA i Huiia,
Aloha oe:-
Eia iho na mea hou o Puna Paiaala, ma ka la 4 o Mei nei, ua hoau mai la ke Kauka e kaahele i ka apana o Puna, e nana i ka poe i loohia e ka mai a hiki ma Kalapana, loaa iho la ka mai o Kapaahu e waiho ana i ka mai he opu ohau, no na mahina ekoulu ka loihi o kona loohia ana i keia mai, a i manao ia ai e ka ohana, o kona mau la hope no ia ma kela ola ana, aka ua haalawai e iho la ola me na ulia pomaikai, ola hoi, ka hiki ana aku o ke kauka i ka wa kupono. Ua kaha ia kona opu e kauka, a ua hemo mai hoi ka wai mai loko mai o ka opu a piha kekahi kini, nona ke kaumaha i kaupona ia, he 22 galani wai. Nani ka pomaikai o Puna nei i ka loaa ana o ka hoola.
Ma ka la 7 o Mei nei, he paa mare ka .I M. Kauila i hoohuiei. O keia ka hoau mua ana o kona Laikini ae mare ma ka aoao o ke aupuni.
P. H. KEAWEHANA.
Kapaahu, Puna, Mei 20, 1891.
------------
HE MOOLELO WALOHIA
NO KE
Keiki Iapana Imi Pono
-----------------------
------------------------
HEB. XI:8.
" HELE AKU LA IA ME KA IKE OLE KONA WAHI I HELE AI. "
Ua oleloa ia no Aberahama ua hele aku oia mai kona aina oiwi ma ka hea ana a ke Akua, me ka maopopo ole iaia o kahi ana e hele aku ai. Aole nae oia i hele pouli aku, aka ua hookolo aku ola ma ka meheu o ka ke Akua alakai ana iaia. E loaa mau no auanei ka palekana i ka mea hoolohe, oiai ua oi aku no ka hele pu ana me ke Akua iloko o ka pouli mamua a'e o ka hele kunono hookahi ana iloko o ka malamama.
Ia Aberahama e hele ana me kona kuoo iloko o ke awawa o Mesootamia a kukulu iho la i kona halepea iluna o ka ilihonua malalo iho o ke aouli, ua oi loa'ku kona palekana loa mamua ae o kona noho ana aku mahope o na paia pa pohoku kiekie o Ure o na Kaladea. ua oi loa'ku kona palekana loa iwaena o na poe Kanaana, palekana loa'ku malalo o na poe lima kakauha oolea o Aigupita, palekana loa'ku ma ke ala kaua o Kedolaomea mamua'ae o kona noho ana ana'ku iloko o na hale nani o kona aina kulaiwi. I oi loa aku kona palekana, no ka mea, aia oia ma ke ala o ka hana e ko-ke hele ana hoi ma kahi a ke Akua i kahea ai iaia. Ua maopopo ia oukou ka moolelo o kela kupaa ana on a mamuli o ka hooko ana i ka hana a me ka hopena o ia mea. E ae mai ia'u e kaao aku i kekahi moolelo e ae i ano like ke kaona me ko ia, o ia hoi ka moolelo o kekahi keiki Iapana i lohe i ka leo hea o ke Akua, e olelo ana. " E hele aku oe mai kou aina aku, a mai kou poe hoahanau aku, a mai ka hale o kou makuakane aku, a hiki i ka aina A'u e kuhikuhi aku ai ia oe. "
He elima aenei mau makahiki i hala, ua halawai au me ia ma Kapalakiko ma kona ala huli hoi no kona aina oiwi no ka hoopau pono loa ana aku i kana hana a hoi aku hoi ma kahi o kona lanakila hiwahiwa mau loa. ua loaa palanaiki mai ia'u kekahi mau mea e pili ana i kona moolelo, a ua oi loa'ku hoi mahope mai nei. Aohe moolelo pahaohao e aku e like la me ko keia keiki aeahaukae opio mai ka Aina La Napoo, e hoike moakakamai ana hoi iwaena o na anaina o keia ola ana, i ke kahoaka molaelea loa o ka Lima alakai o na mea a pau.
I ka makahiki 1843, he ewalu mau makahiki mamua'e o ko'u hiki ana mai i keaia Pae Aina, he umi hoi mau makahiki mamua'e o ko Komodoa Perry kuu ana'e i ka have o America Huipuia iloko o ke awa o Iedo, ua hanauia keia keiki, ke keikikane makahiapo hoi a kekahi kumukula ma Tokio. No ka papa oia o na poe me na pahikaua elua, i kapaia na Samurai, na kau wa a laia aku hoi o na Daimio. O lakou na kanaka naauao o ke aupuni, na poe holomua, a o ke kumu maoli mai hoi o ka mana.
Nolaila ua ulu ae oia iloko o na naauao a pau o ka aina, oia hoi, ma na olelo Iapana a me Pake, a i ke ano o ka lawelawe ana i ka pahikaua, a i ke ano hoi o ka hoomana ana i na akua. He mau akua kii wale no lahou, "na akua i kolikoli ia," wahi ana i kapa aku ai ia lakou; a i ka umikumalima o kona mau makahiki ua olelo ae oia, aole oia e hoomana hou aku ia lakou. Aia na mau akua kii la iluna o paepae iloko o ka hale o kona luaui, a e kulou nui ana hoi ka hapanui o ka ohana imua o lakou, a e lawe aku ana hoi i mau mea ai na lakou. Aka, ua olelo aku oia, " Aohe o oukou ike aku aohe o lakou ai mai i ka oukou mau mea e haawi aku ai ia lakou, a aohe no hoi o oukou ike aku he mau mea wale no lakou i kolikoli ia ?" Nolaila, ua kaupale mai oia iaia iho mai ka hana ana aku i kahi mea no ua mau akua kii la. He keiki wale no o umikumalima makahiki, i ulu ae hoi iloko o na hoomana akua kii o Iapana kahiko, eia nae, ua ahuwale iaia ka hupo o ka hoomana ana aku i ko lakou mau akua i kolikoli ia, a ua komo nae iloko on a ke kuoo e kue aku i keia mau hana hoomana kii kahiko ma ka paio ana aku i na hana kumu walea a imua hoi o ke kanawai oolea loa. Ehia la poe opiopio iwaena o oukou i hiki ke aa e hana e like me kana i paio ai no ka pono; e ka kohana hoi imua o ka lahui holookoa? Ua lilo keia i mea e hoonaauao ia ai no Leremia ke kaula keiki o Iseraela. He hana hiwahiwa loa keia na kekahi keiki opiopio. A e olelo koke no auanei oukou "E lohe hou ia aku ana no mai ia keiki mai." Ae, ua lohe hou ia no mai iaia mai, aka, aole nae ia wa koke iho. He manawa ko na mea a pau; he manawa, he i'o ana a he hoomanawanui ana. Pela no na loina i loaa i ko kakou keiki pegana. Aole aneri oukou i hoomaopopo, ke makemake ke Akua i kekahi kanaka no kekahi mau hana nui, ua waiho aku Oia ia lakou malalo o na hoao ana? Pela no Oia ia Mose. No kanaha makahiki i hoopale ia ai oia mai kona mau aina ponoi aku a loaa ai ke kupono iaia no ka hoopakele ana i ka Iseraela mai ka noho kuapaa ana. Pela no Oia ia Iosepa. Hoolilo ia i kauwa kuapaa a kiola ia iloko o ka halepaahao i mea nona e kupono ai e lilo i alakai a i kuhina nui no Aigupita. Pela no oia ia Lutera. Hoonele ia a ilihune loa, hoolilo iaia e himeni hele ma na alanui i mea e loaa mai ai kona ola, he hoomakaukau ana hoi ia iaia i loaa ai ke kupaa iaia e paio aku me Roma. Pela no Oia ia Kapiolani ko Hawaii new Aliiwahine nana i hehihehi mua i na kapu o ke akuawahine Pele. A pela wale aku no a lehulehu wale o ia ano poe a puni ke ao nei. Nolaila, e na hoaloha opio, mai kaniuhu wale iloko o na hookaumaha ana ma keia ao malalo o na alakai ana a ke Akua, no ka mea, he mea maikai ia no ke kanaka e auamo mua oia i kana mamaka iloko o na la opio; a e manaoio hoi ua makemake ke Akua ia oe no kekahi hana nui a pela iho la kana mau hoao ana no kou kuio.
Pela Oia i onou ai i keia keiki opio o ka Aina La-napoo malalo o na hoao a hoomaamaa kuhohonu a pahaohao; he mau makahiki loihi o ke kali ana a me ka luaiele ia ana i o ia nei e huli ana hoi no ke alaulla olinolino o ka malamalama.
I ka umikumaono o na makahiki ua kono ia oia mai kana mau haawaina aku e noho hana aku malalo o kona haku alii, me ke kue ole hoi i kona manao, in a ka lawelawe hana kakauolelo ana iloko o ke keena o ke Daimio, oiai nae hoi, aia kona iini nui ma na haawina loea e pili ana i ko Kina poe. Aka, ua huli aku no oia mamuli o keia leo kauoha a kona alii, he leo hoi i hiki ole iaia ke hoole aku. E hoomanao oukou iloko no keia o na la o Iapana kahiko; na la hoi ia o na haku kiekie a me na kauwa kuapaa a he kanawai hoi ka leo alii. Nolaila, ua hele aku oia me ke kunukunu ole, aka aole nae ilaila kona puuwai. Ua nui kona pololi no ka naauao.
Aole i pau
-------------------------
Ka Ohana Nui o E. Saffery Laua me
Waiki (w).
-----------
Honuaula, June 1-J. U. Kawainui-Aloha oe.-E oluolu oe e hookomo iho i na inoa o na hunona a E. Safferey laua o Waiki i hoike ia ma ka nupepa KUKOA me PAEAINA i Huiia, oia keia:
1 Fanny, noho ia kaiaikamalie (k) hanau 3 keiki a me 2 moopuna.
2 Edmond, noho ia Emelia Wal (w) hanau 8 keiki.
3 Henry, noho ia Kaua (w) hanau 1 keiki.
4 Carry, oho ia Frank ROse (k) hanau 9 keiki.
5 William, noho ia Jennie (w) hanau 2 keiki.
6 John, noho ia Keanalu (w) hanau 1 keiki.
7 Thomas, noho ia Mere Luna (w) hanau 5 keiki.
8 Mary, noho ia Paia Bowle (k) aole keiki.
9 Emma, noho ia W. F. Pogue (k) hanau 5 keiki.
10 Julia, noho ia Antone (k) hanau 3 keiki.
11 Anna, noho ia Joseph Kealoha (loio) hanau 6 keiki.
12 Charley, noho ia Kaluna (w) hanau 4 keiki.
13 Helen, aole i mare kane.
14 Nellie, noho ia Lui (k) aole keiki.
Ma keia wahi, ke hoike aku nei au eia ke ola nei he 47 moopuna a me 2 moopuna kualua a Waiki; in a e hui aku me 14 keiki ponoi a me 13 hunona, alaila piha ke 76 ka heluna.
J. P. AKANA
Hoolaha
--------------------------------------------------------------------------------------------------------
--------------------------------------------------------------------------------------------------------
ALLEN & ROBINSON
NA MEA KUAI PAPA O NA ANO A PAU
E loaa no ma ka UWAPO O PAKAKA, Honolulu, ma ke kumukuai makepono loa, no ka pomaikai o ka lehulehu e makemake ana e kukule hale. E kipa mai a e ike kumaka.
KO BIHOPA MA,
BANAKO MALAMA DALA
E LAWE NO MAKOU I NA DALA HOOMOE ma ka hoale ana ma ko makou BANAKO Malama Dala malalo o keia mau kumu:
Ina e hoomoe mai ke kanaka hookahi i na dala Elima Haneri, e uku no makou i ka ukupanee ma ka Elima Hapahaneri o ka makahiki, mai ka wa aku o ka lawe ia ana mai o ke dala, ke waiho ia paha ke dala a ha a na malama ekolu i ka wa e hooponopono ia ai na helu. Aole uku panee e heluia maluna o na dala hakina no na ia elua paha o ka mahina.
Aole uku panee e uke ia i na dala e lawe la ana maloko o ekolu mahina mai ka wa aku o ka hoomoe ia ana mae
He 30 la manua ae o ka unuhi ana aku o ke o kekahi kanaka i kana mau dala, e hoike e mai i ka BANAKO, a e lawe pu ia mai ka buke dala 1 i ka wa e kikoo ai.
Aole dala e uku io aia, wale no ma ke kikoo a ka mea uana i hoomoe mai i ke dala me ka lawe pu mai i ka buke hoahu dala e lawe ia ana maloko o ekolu mahina mai ka wa aku o ka hoomoe ia ana mai
he 30 la mamua ae o ka unuhi ana aku o ke kahi kanaka i kana mau dala, e hoike e mai i ka BANAKO a e lawe pu ia mai ka buke dala i ka wa e kokoo ai.
Aole dala e e uku io aia, wale no ma ke kikoo a ka mea uana i hoomoe mai i ke dala me ka lawe pu mai i ka buke hoahu dala.
I ka ia mua o Sepatemba o kela a me keia makahiki e hooponopono ia ai na helu o na mea a pau, a o na uku panee i uku ole ia maluna o na puu dala a pau e waiho ana me ka kokoo ole ia, e helu ia ma ka aoao ka mea hoomoe dala mai i hala na malama ekolu, a me ia wa aku e hui ia me ke kumupaa mua,
O na puu dala hoomoe mai laluna o elima haneri dala, e awe ia no mamuli o ka aelike pu ana.
E hamama ana ka Banako ma na la a pau o ka hebeaoma, koe na la Sabati a me na la kulala.
BIHOPA MA
Honolulu, Ian.
Hale Hana Kopa o Honolulu.
Ua paa aenei ka Hale Hana Supa Mahu Hou o ka poe no lakou na inoa malalo iho a ua makaukau lakou e hoolawa aku i ka poe piepiele i ua
Kopa Maikai Loa Maoli,
I hookomo ia iloko o na Pahu 100 paona, mai ke 42 a 56 auka Kopa pakahi.
Ke hoois nei makou i ka oi o la MAIKAI o ka makou KOPA mamua o na Kopa o waho mai.
------------------------------------
Ua kuni ia mawaho o ko makou mau Pahu me ka hoailona "HONOLULU SOPA CO.," a e
Kuai ia e na Halekaui Liilii a Pau.
HUI HANA KOPA O HONOLULU
M. W. McChesney & Sons,
Na Egena
2340 1-yr.
Ka Waiwai o ka Hilinai
Saseparila Ayer
AYER , Laau Saseparila kai kaulana i hilinai nuiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia LAAU SASAPARILA , no loko ae ia o ke aua Sasaparila Honedura maoli; ua loaa ka mana hoomaemae ma o ka hui puia ana me kekahi mau aa laau ae, a me kekahi mau mua no loko o ka honua a me hao.
HE koko inoino a nawaliwali a nei kou? Ua awili pu anei me na ano mai ikaika? A ua hui pu anei me na wai awaawa hoopehu. Na keia
LAAU e homaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i aili puia, aka o keia wale no. No ka
HOOMAEMAE ana i ke koko a me ka hookahua pono ana i na mea a pau makekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae. O ke
KOKO ino hakuhaku nawaliwali hoi kona holopono ana ma ke kino, e hoomaemae ia ana a e hooikaika pu ia no holama o ka ai ana i keia Laau Sasaparila a Ayer. He maalahi a he MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahui i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka
Ayer Laau Sasapaila
I HOOMAKAUKAUIA E
Kauka J. C. Ayer & Co., Lowell Mass.
HOLLISTER & CO.
Agena ma ka Paeaina Hawaii.
PAPA! PAPA!
AIA MA KAHI O
Lewers & Cooke
(LUI NA),
Ma ke kahua hema o Alanui Papu me Moi.
E LOAA NO NA
PAPA NOUAKI
O kela a me keia ano,
Na Pani Puka, na Puka Aniani,
na Olepelepe, na Pou, na O'a,
na Papa Hele, na Papu Ku,
me na Papa Moe he nui loa.
NA PILI HALE O NA ANO A PAU
A me na
WAI HOOHINUHINU NANI
O na ano a pau loa.
________________
Na Balaki o na Ano he Nui Wale
Ke hai ia aku nei oukou e na makamaka a pau, ua makaukau keia mau makamaka e oukou e hoolawa aku ma na mea a pau e pili ana ma ka laua oihana no ka
Uku Haahaa Loa,
E like me ka meae holo ana mawaena
o Laua a me ka Mea Kuai.
Hele Mai e Wae no Oukou iho
ANO NO I LOAA MAI AI IA
MRS. B. C. GOOD,
NA LAKO PAPALE HOU LOA, NUPA Papale, na Hulu Papaa a me i ike ole ia ma Honolulu
-------------- A ME-------------
Na Palemai wawae Kano, Wai a me na Kamaili na pokaa Lopi Slikaa @@@ @@@.
He mau waiwai hou la @@@ a pau a e kuai ia aku aoa me ka mak@@@@
Alalui Papu, maukaih@@@ @@@ @@@Wau o Wenner & co.
2331-3ms
BENSON, SMITH & CO.
---------------
Na Mea Laikini ia e Kuai Kuima
a me kuai liilii aku.
-------------------
Na Laau Lapaau
O NA ANO A PAU
-------------------
HELU 118 me 115, Alanui Papu.
---------------------
O LAUA NA AGENA NO NO NA
Laau Lapaau Kuluwai Liilii!
Boreicke & Schrecke
A ME NA
Wai Lukini Onaona Waianuhea!
Waiala Malie
A ME KE
Onaona Lei Aloha!
----------------------
O na lako no ka Lauoho a me ka lii, a me na mea hoonani o na Home, e loaa no he uka makamaka ke kipa mai ma keia hale.
NA LOLE ELEELE! NA LOLE ELEELE!
NA LOLE KANIKAU!
HALEKUAI LOLE NUI OHOHIAI
------------O------------
N. S. SACHS,
---------MA KA-------
HALEKUAI 104 ALANUI PAPU.
NA ALAPIA ELEELE ! NA ELEELE HULU HIPA !
KUAI HOOPOHO! KUAI HOOPOHO!
He ahua nui makou o na lole eleele i kupono no ke kanikau, oia ka makou e kuai aku ana ma ko makou mau kumukuai mau. Aole o makou hoopii i na kumukuai ma na wa o keia ano, e like me na halekuai e aw, aka, he oia mau no ka haahaa o ka makou mau kumikumi.
NA ALAPIA LAULA NUI - 50 - KEN. O KA IWILEI.
Na Arapia eleele laula nunui 44 iniha, no ke 60 keneta o ka wiwlei.
Na arapia maikai loa laula nunio no ke 75 keneta wale no o ka iwilei.
Na Eleele Kanikau Maoli ! Na Eleele Kanikau Maoli !
28 INIHA LAULA, HOEMIAA 60 KENETA O KA IWILEI
Na Eleele Alapaca Maoli ! Na Eleele Alapaca Maoli !
Na Eleele Alapaca maoli nunui, hoemiia 85 keneta o ka iwilei.
Na lole huluhulu maoli, hoemiia no ka 25 a me 35 keneta o ka iwilei.
Na Lole Eleele Silika Maoli ! Na Lole Eleele Silika Maoli !
He ahua nui i waeia o na lole Silika maoli, ma na kumuai makepono loa. Na lole eleele Silikia holookoa no ke 75 a me 90 keneta o ka iwilei. Na lole Silika eleele lau o na ano a pau, no ke $1.25 a me $1.50 a me $1.76 o ka iwilei.
NA UHIMAKA ELEELE SILIKA A ME NA KIHEI ELEELE O na lede. Na kakioi eleele maikai loa o na wahine i hiki ke hooiaia he paa ka waihooluu o na ano a pau, no ke 50 keneta o ka paa.
NA MIKINI LIMA ELEELE O NA LEDE
Na Mikini lima Silika eleele o na Lede no ke kumukuai haahaa loa.
Na lipine eleele Silika, a me na Lipine eleele Silika kahei o na Lede.
Na Papale! Na Papale
-------- NO KE ----------
KUMUKUAI EMI LOA.
Na Papale eleele o na lede i kinohinohiia me na lipine, no ka $2.50 pakahi. Na papale eleele i kinohinohi ia me na kanikai, no ka $2.250 wale no. Na papale eleele o na lede i kinohinohiia me ka lipine a me na hulu eleele maikai, no ka $4.00 a pii aku.
Ina oe i makemake i na Arabia maikai loa, a mau eleele kanikau e ar, a i ole, papale eleele, e kipa ae ma ka Halekuai nui o
N. S. SACHS, Ona Waiwai.
HELU 104 ALANUI PAPU, : : : HONOLULU