Ka Nupepa Kuokoa, Volume XXX, Number 27, 4 July 1891 — He Aelike Maikai. [ARTICLE]

He Aelike Maikai.

Ma kekahi halawai hoole waiona, ua nui ka poe i hoike no lakoa iho ma ke ano o ka ona, mahope ua ko mai he kanaka Irelani o ke ano no* eau me ka mino aka, he paa kamaa hou loa kona a he maikai hoi, a maanei i hoike mai ai oia i kona meolelo, penei: «He hooknhi pule mahope iho o kuu kaa ana I kuu inoa maluna o ka palapala hoohiki hoole waiona, ua halawai pu iho ia au me kekahi 0 ko'u mau hoa o na wa i hala, ua olelo mai la oia ia'u "maikai maoli kou mau kamaa buti. n Pela lo ea, wahi au, a ma ia hoailona hookahi no, na ka mea nona ka hale inu kuai rama i haawi mai ia'u." "Pela ea! lokomaikai maoli no ka hoi," wahi a ka hoaloha. "He oiaio no," wahi au, aka he wahi aeiike ka'u me ia i hana ai, nana no e maiama i kana mau wai. ona, na'u no e malama i kuu mau dala. '♦Noloko mai o kuu mau dala i ioaa mai ai keia paa kamaa butl maikai ia'u, a e hoopaa ana hoi au ma ia aoao hoopomaikai," wahi au 1 kuu hoa'loha. W. C. T. U. Honoiulu.

Ua puka mai ke Kula aku o Kamehameha ikala 23 o lune, 1891 uei ka papa ekahi o ke Kuln, no lakou keia mau inoa molalo iho. No Oahu nei, Robt K. Pahau, John K. Waiainau a me Willmm K. Rathburn. No Kauai, Williain O. Crowell a me Charles Blake. No Maui, Samuel Keliinoi a me Charies E. King. No Hawaii, Si»muel Kau. hane, Thos. Neil Haae a me Enoeh W. Bro\vn. Ua haawi pakahi ia i keia poe haumana maluna, na palapala hoomaikai. He eha mau keiki o keia papa hookahi maluna ae, no lakou na inoa F. W. Beckley, Solmon llanohano, Mose Kauwe a me Wm. Chas. Manaole, ua hoololohe lakou e noho hou 1 ke kula no hookahi makahiki i koe. No keia kumu, ua hoopanee ia ka haawi ana i ko lakou mau palapala hoomaikai a pau ia manawa,