Ka Nupepa Kuokoa, Volume XXX, Number 30, 25 July 1891 — Page 4
| This text was transcribed by: | Donna Shiroma |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
me
Ko Hawaii Paeaina i Huiia
No ka Makahiki $2.00
No K@ Mahina 1.00
Kuike ka @ela.
O na Olelo Hooiaha a pau e hooanaia mai ana no ka Hoolaha Maloko o keia Nupepa, e hooena pu mai me ka auhau, a ina aole, aohe hookomo ia. O ka uka he $1.50 ao hookahi peka ana o ka Olelo Hoolaha hookahi @ ke akea, a he .50 @ no na paka ana pakahi mahope aku.
HOOPUKALA E KA
HAWAIIAN GAZETTE CO.
H. M. WHITNEY, Luna Nui,
J. U. KAWAINUI, Luna Hooponopono
POAONO IULAI 25, 1891.
KULA SABATI.
Augate 9, III--5. O Iesu ma ka Luawai o Iakoha. Ioane 4:5-26.
5 A hiki aku la i kekahi kulanakauhale o Samaria, o Sukara ka inoa, e kekoke ana i ka aina a Iakoha i haawi aku ai no kana keiki no Iosepa.
6 Ilaila ka punawai o Iakoha. No ka maluhiluhi o Iesu i ka hele ana, noho iho la la ma ua punawai la: o ke ono paha ia o ka hora.
7 Hele ae la kekahi wahine no Samaria e huki wai: i mai la o Iesu ia ia. Ho mai no'u e inu.
8 No ka mea, ua hala ae la na haumana ana i ke kulanakauhale e kuai i ai.
9 Alaila ninau aku la ka wahine no Samaria iaia, No ke aha la oe, he Iudaio, e noi mai nei ia'u, i ka wahine no Samaria, i mea inu? No ka mea, aole e launa pu na Iudaio me ko Somaria.
10 Olelo mai la o Iesu ia ia, i mai la. Ina ua ike oe i ka makana o ke Akua, a i ka mea hoi e olelo ana ia oe. Ho mai no'u e inu: Ina ua noi mai oe ia ia, a ua haawi aku la i ka wai ola nou.
11 Olelo aku la ka wahine ia ia, E ka Haku, aole o'u pakeke, a ua hohonu ka punawai; nohea la e loaa ai ia oe ua wai ola la?
12 Ua oi aku anei oe mamua o lakoba ko makou kupuna, nana i haawi keia punawai no makou, a nana hoi i inu ka wai, a me kana poe keiki, a me kana poe holoholona?
13 Olelo mai la o Iesu, i mai la ia ia, O na mea a pau e inu ana i keia wai, e makewai hou aku no ia.
14 Aka, o ka mea e inu i ka wai a'u e haawi aku ai ia ia, aole loa ia e makewai hou aku; aka, o ka wai a'u e haawi aku ai ia la, e lilo ia i wai puna iloko ona e pipii ana i ke ola mau loa.
15 Olelo aku la ka wahine ia ia, E ka Haku, ho mai no'u ua wai la, i ole e makewai hou aku au, i olo hoi e hele hou mai au ia nei e huki.
16 Olelo mai la o Iesu ia ia, O hele e kahea aku i kau kane, a e hele hou mai ia nei.
17 Olelo aku la ka wahine, i aku la, aohe a'u kane. I mai ia o Iesu ia ia, He pono kau i i mai nei, Aole au kane;
18 No ka mea, elima ae nei au mau kane, a o kau mea i keia manawa, aole ia o kau kane; he oiaio kau i i mai nei.
19 Olelo aku la ua wahine la ia ia, E ka Haku, ke ike nei au he kaula oe.
20 Maluna o keia mauna ko makou poe makua i hoomana'i; aka, ke olelo mai nei oukou, aia ma Ieru alema kahi pono e heomana aku ai.
21 Olelo mai la o Iesu ia ia, E ka wahine, e manoalo mai i ka'u, e hiki mai aunaei ka manawa, aole ma keia mauna, aole hoi ma Ierusalema o hoomana aku ai oukou i ka Makua.
22 Ke hoomana nei oukou i ka mea a oukou i ike ole ai; ke hoomana nei makou i ka mea a makou i ike ai: no a mea, no Iudaio mai ke ola.
23 Aka, e hele mai ana ka manawa, a e mai hoi la, o ka poe hoomana oiaio, e hoomana laukou i ka Makua me ka uhane a me ka oiaio: no ka mea, ola ka poe a ka Makua i makemake ai e hoomana aku ia ia.
24 He Uhane ke Akua; a o ka poe hoomana ia ia, he pono no lakou e hoomana aku ia ia me ka uhane a me ka oiaio.
25 Olelo aku ia ka wahine ia ia, Ua ike no au e hele mai ana ka Mesia, ka mea i olelela o Karisto; aia a hiki mai ia, nana no o hoakaka mai na mea a pau ia makou.
26 Olelo mai la o Iesu ia ia, Owau no ia, ka mea o kamailio pu ana me oe.
PAUKU GULA.
O ka mea makemake, e lawe wale ia i ka wai o ke ola. Hoikeana 22:17.
OLELO HOAKAKA.
I ka wa koke mahope aku o ko Iesu kamailio ana me Nikodemo ma Ieruselema, us hoolilo aku o Iesu i ka manawa ma Iudea. Ua ao aku oia i ka poe lehulehu, oiai ua impetizo kana poe haumana i ka poe huli a pili iaia ma ke ano o ka Mesia. Ua lili na haumana a Ioane. Ua manao ka poe Parisale e hoonui ae i keia lili o ka Ioane mau haumana, i mea e mokuahana ai. Nolaila ua haalele o Iesu ia Iudea, a hele aku i Galilaia. Ma kona kaahele ana ua liuliu oia ma Samaria. Ma keia haawina Baibala ua hoike ia kana hana ia mau la. He mau mahina ewalu keia mahope aku o ka haawina mamua iho nei.
Samaria , oia no ka mokuaina mawaena o Iudea a me Galilaia. He 20 mile mai ka akau a hiki i ka hema, he 45 mile mai ka hikina aku a hiki i ke komohana. Sakara , he kauhale liilii ia malalo o mauna Gerizima. He 2 mile mai ke kauhale o Sekema i oleloia. Kin. 33:19 me 48:22. Punawai , he luawai o 103 kapuai ka hohonu, 9 kapuai ke anawaena i eliia me ka pohaku paa. Ua haule na okana iloko. a he 75 kapuai wale no ka hohonu i keia wa. Ono , mamuli o ka helu ana o ka poe Koma, oia hoi i ka napoo ana o ka la, ma ka auina la. Wahine , ua maa mau lakou e huki a halihali i wai. Launa , ma ke ano manawaleo. Ua kuai mai, kuai aku ka poe Iudaio. He poe huikan ko Samaria, he mau malihini hoomanakii ka hapanui i haokomoia mai Media mai, 2 Nal. 17:6, 23, 24. Ua hoole lakou i ka buke moolelo o ke Kauoha Kahiko, aka nae ua pili lakou i na buke kanawai o Mose. Ua hoole lakou i na hana hoomana ma Ierusalema. Ua kukuluia ko lakou luakini ma mauna Gerizima. Wai ola , ola no ka Uhane Hemolele, Ioane 7:37. Aole makewai , aole hiki i ko keia ao ke hoolako i na lini o ka uhane kanaka a maona, aka nae ma Iesu Karisto la e maona ana na lini no ka pomaikai, aloha, kalahala, alakai, hoalauna. Ike ole , aole mamuli o ka oiaia a me ka pono. Ua kuhihewa maoli ko Samaria. Ua polole i ka manaolo o na Iudaio. No lakaou na Palapala Hemolele holookoa o ke Kauoha Kahiko, o hoomoaka ana i ko ke Akua ano lokomaikai ma ka hoolako ana i ke kalahala hookahi no ka poe hewa. Uhane , aole kino no ke Akua e like ka manao kuhihewa o ka poe Moremona. Aole paa oia i kahi hookahi. Mesia , ka mea i ponila, kekahi inoa no ka Hoola i oleloia mawaena o ke Kauoha Kahiko. Ua paulele ka poe Samana e like me na Iudaio i keia wana. I - Ko Iesu makewai, pp. 5-9.
Owai ke kulanakauhale kahi i hele ai o Iesu? Aia mahea kona wai i hoomaha ai? Owai ka mea kai hele mai i ka luawai? Pehea ko Iesu noi ana laia? Mahea ka Iesu mau haumana? Heaha ka olelo pane a ka wahine? Heaha ka moolelo o keia luawai? No keaha la ko Iesu kali ana malaila? I ka hora anei kona halawai ana me kekahi wahine? Pehea kona kulana? No keaha la ko Iesu noi ana laia i wai? Owai ka poe Samana? No keaha la ko lakou launa ole ana me na Iudaio? Ua pono anei i na lahui kanaka ke noho huhu kekahi i kekahi? Ua ano like anei o Iesu me an kanaka? Heb. 4:15. Ua mahalo anei na Iudaio i ka hoonaauao ana i na wahine?
II - O Iesu a me ka wai o ke ola, pp. 10-15.
Pehea ka Iesu pane ana i ka ninau a ka wahine? Heaha ka Iesu olelo hou? Heaha ka olelo pane a ka wahine? Pehea ke ano like o ka pono a me ka waipuna? Pehea ka oi aku o ka pono mamua e ka wai? Pehea e loaa ai ia kakou ka wai o e ola? Heaha ka olelo o ka pauku gula i ka poe imi pono? Pehea ka manao e ka wahine e piliana i ke kupunaalii, ia Iacoba? No ke aha la ka olelo ana i ka pono me he wai la? Hiki anei i ko kela ao ke hoolako i na lini o na kanaka? Hiki anei ia Iesu? Ua hoole anei o Iesu i ko kakou mau lini, ua alakai paha i na mea oi aku ka maikai? 1 Kor. 10:31. Ioane 10:28. Rom. 6:23. He uku hana anei ka hoola, he hawaina manawalea paha? Hiki anei i ke kanaka ke hoala i ka mea hewa? Ua pili anei ka heola i na hana mawaho paha, i e ano o na manao paha?
III - O Iesu ka Haku e no ka wahine Samaria? pp. 16-26.
Heaha ka Iesu kauoha i ka wahine? Heaha kona pane? Peheia ka Iesu olelo heu? Heaha kona ninau hou e pili ana i wahi mea pohihihi? No ke aha la kana ninau ana i keia ninau, no kona lini kupono e ike ai, no kona manao e pale aku ai i mau olelo pilikino e hoahewa ai? Pehea ko Iesu manao e pili ana i wahi kupono e hoomana ai i ke Akua oiaio? Heaha na na ano okoa o na Iudaio me ko Samaria? Pehea ke ano Akua? Penea ko ke Akua imi ana i poe hoomana? Pehea ko kakou hoomana pono ana i ke Akua, me na kii paha, me na hana hoomanamana hoomeamea, mamoli o ka pono a me ka oiaio paha? Pehea ka olelo pane i ko Iesu olelo ao e pili ana i ke Akea oiaio a me ka hoomana kupono? Heaha ko Iesu olelo hoike e pili ana iaia iho? No ke ana la keia hoike ana i ua wahine la? Ua makemake nui anei kakou ia ka pono mamua o ka loaa ana ia kakou? Hoik. 3:17. Ua huli anei oe i ka wai o ke ola? Ua loaa anei ia oe ma kou puuwai ka wai o ke ola? Heaha ka hoomana ma ka oiaio? Ua kokua anei ka inoa Makua ma ko kakou hoomana ana i ke Akua?
MANAO PILI.
1 Owai ka punawai o ke ola uhane?
2 Owai ka poe e loaa ana ia lakou ka wai e oia ai?
3 Pehea ko ke Akua manao e pili ana ia oe?
4 Pehea ko kakou malama ana i ka hana a ka Haku?
5 Ua hoolako anei o Iesu i kau mau mea i lini ai?
Ka Huakai Makaikai
A KAUKA TALAMAGE I KA AINA HOANO.
[Hoomauia.]
Noho like ae la makou maloko o ka malu o ko makou maloko o ka malu o ko makou halelole me na hoonanea iki ana iho, a pela wale no makou i nanea malie ai a hiki i ke kani ana o ka hora 5 p.m., makaukau ae la no ko makou paina ahiahi me na ia momona ono loa mai ma wai mai o Euperats, a i ka pau ana o ka makou paina ana, ua mele ae la makou no ka hoonanea ana i kekahi mele haipule:
Ma ko Babela muliwai
Kakou i noho iho ai
Ua kaulia ae i na Wilou
No eha o kakou. etc.
Pau a la ka makou mele ana i keia mele, aia hoi ko makou leo ke @ la ma na paia anoano o ua Babela nei. -- Piha maoli makou i ka hauoli, ua haawiia he mau olelo hoolana iwaena o makou, a he keu ka pumehana o ke aloha iwaena o ko makou noho ana.
Hookuu ia makou mai keia hoonanea ana o ka hora 7 ia o ke ahiahi, oiai ua ano maluhiluhi maoli no i ka auwana i keia huakai makaikai nui wale, mai kela pea a keia pea o ka aina a au wale aku no paha i ke kai no ka aina hanau, ka home hoi i haalele aku ai iloko a ka manawa loihi i hala aenei hoi.
Haule aku la makou hooluolu, a he keu aku ka nanea i ka ua mea o ka pumenana o ke ea a me ka pa malie hoi o kahi makani i hui ia me na kuluhau o ka po, a hookahi ia waiho ana a i puoho hoi i ka malamalama o kahi la ae. Ala ae la makou paina i ko makou aina kakahiaka me ka eleu, oiai o ka wa ma-u o ka la, pau ka paina ana, ua hoomakaukau ae la makou no ka makou huakai hele no ka naue ana aku ma ka makou huakai hele makaikai.
Haalele aku la makou i ko makou wahi kahua hoolulu i ka hora 6:30 o kakahiaka, he maikai kahi a makou e hele aku nei, he nahele no, aole nae he "nahele loloa o Paieie'" "he lehua nenee wale no i Hopoe."
Ke koke aku la makou e hiki i ke kahua o ka hale hoomakaikai o Belehazara, a ke kiau la me ke ake nui e hoea aku i kahi o "ka makuahine o na wahine hookamakama a me na mea hoopailua o ka honua," - Ka mea huna a Babulona nui,
Nolaila ke au la makou me ka pihoihoi o ka ike aku ia kahua kamahao nui wale. Ke hoomau nei no ko makou pili i ka muliwai o Euperate, ma kona aoao hikina, a i ka hala ana ae o na la ekolu ia makou, ua hoea aku la makou ma kekahi o na pohai o na laau e ulu ana i kanu pohai ia, a maloko oia pohai laau i hooluolu iho ai makou, a o ka hora 2 hoi ia o ka auwina la o ka ha o ka la. Aole i kanamai o ka weia o ka la, a i ahona i ka malu o ka laau e ku pohai ana ia makou. Wehewehe ae la i na wahi opeope mai na holoholona ae o makou a hookuu aku la ia lakou e hamu weuweu, a noho iho la hoi makou paina i ke makou paina awakea.
Ma keia wahi a makou e hooluolu nei, na kokoke aku la i ke kulanakauhale o Babulena, a he ano kiekie iki ae no hoi keia wahi. Nani a lipolipo maeli na laau e ulu nei ma keia wahi. Aole he mau mea ano nui i hana ia maanei, aka koe wale iho no keia maanei i hoomoana ai no koa o Roma malalo o Kuro, a i ka po ua komo aku lakou iloko o Babulena malalo o na hana akamai a K@, a loaa aku ai io Belehazara ua ona me ka hapa pulima o Iehova e kau ana maluna ae o ka ipukukui ma ka paia o kona halealii.
Aole keia he mea uuku i ko'u lohe ana, he mea nui no ia - ae, maanei io ka ia mau kaeaea i hoomoana ai me ka hakilo pono i ke alahele a lakou e hiki aku ai e komo iloko e Babulona nui, a ua loaa io no.
"E hoea aku no kakou i Babulona iloko o na hora eha ke haalele kakou ianei i ka hora 3 o keia ahiahi, a e komo no kakou ilaila i ka hora 7 o keia po," wahi a kekahi o ko'u mau hoahele, he Generala oia mamua.
No keia leo hoolana, ua hoeu ae la makou no ka nee ana aku imua. Mamua o ke kani ana o ka hora 3, aia makou ke nee la ma ke alahele me ka naue malie loa iloko o ka lipolipo o na laau ma ke kae o ka muliwai o Hidegela a o Euperate hoi. Aohe no he hihia loa o ko makou alahele, aka aole loa makou e pono e haalele i ka hoopilipili ana i ka muliwai, o lalau auanei makou a hu hewa.
O kahi mea pilikia wale no, oia na lala liilii o ka muliwai e kahe mai ana mai ka akau hikina mai a luai ae la i ko lakou mau wai iloki o na wai o Euperate, he hohonu a he ano kuhono maoli no kekahi o keia mau lala, a ano pilikia maoli no makou i ka lele ana ilalo a hele wawae aku ma kekahi mau wahi; a he papau a ano haiki no hoi kekahi ma kela mau mana wai, aka aole no au i helu i keia mau mea ma ke ano o ka luhi a me ka ina e like me kela alahele a makou i hoomanawanui ai mai Galilala a na mauna anoano o Lebanona ma ka akau o Palesetine, a o keia hoi, aole; a pela no makou i nee malie ai.
Ke maalo nei ma ko makou mau aoao na laau o na hua ai i maa la'u ma ke ike ana a he malihini loa kekahi o ia mau laau ia makou, aka maluna ae o na mea a pau, ka hauoli wale no ia e hele iho nei a papale maluna o makou.
He hapalua hora i hala ae o ka hora 6 o ia ahiahi, hiki aku la makou ma kekahi wahi palahalaha a akea no noi, a ua manao iho la makou he kupono loa ia wahi no makou e hoomaha ai a ao ae alaila, komo aku i Babulona.
Ma ke komohana o kahi a makou e hoolulu ana, ike aku la au he kahawai nui e kahe ana no ka wai i ke komohana, a no ka poeleele e ana iho hoi, ua ano ike pono ole ia aku la.
Pau ae la na wahi opeope o makou i ka wehewehe ia, a hoala poeleele ae la na wahi hale lole o makou, o keia o keia aia ka pono o ka paa ae, no ka mea, ke poeleele loa iho la.
Anoninoni pono ae la ko'u wahi manao me he la ua ike e no paha ko'u lunaikehala, ua kokoke makou i Babulona. Aka e pono no au e kali a ui aku au i o'u mau hoahele.
NA LETA.
[Aole o makou makemake e lawe i ke koikoi o na hala no na manao i hoopuka ia malalo o keia poo e ko makou mau mea kakau.]
He mau ninau Kanawai.
He mea pono i ka poe loea ke haawi manawalea mai imua o ka lahui i ko lakou mau ipu makani o ike kanawai no na ninau malale iho nei oia keia:
1 - Ua punuku aku anei ke kanawai koho balota i ke kanaka mai lepera aole hoho baleta.
2 - Na ka pauku hea o ke kumukanawai i kaili ae me ka lima kakahua i keia mana i loaa i na kanaka e kamau ana no kona hanu.
3 - He hiki no anei hoi ia lakou ke koho a na ka pauku hea a haawi mai ia lakou ia mana ma ke kumukanawai a me na kanawai i hiki lakou e koho balota.
ENOKA.
Mai Kalaupapa Mai.
Mr Lunahooponopono o ke Nupepa Kuokoa a me Paeaina i Huiia, Aloha oe: --
E oluolu oe e hookomo iho ma kahi kaawale o kou mau kolamu i keia mau olelo malalo iho nei, i ike mai ai na makamaka mai Hawaii a Niihau.
No ke kulana o ka noho ana o na ma'i a me na mea e pili ana i ko lakou ola, malalo hoi o na hooponopono ana a Wm. H. Tell ko lakou makua i hoonohoia mai ai e ka Papa Ola.
1 - He kanaka oluolu, akahai a haahaa o Wm. H. Tell, a ua kupono kona lilo ana i makua no na ma'i lepera.
2 - Ua loaa na kuka oluolu ana o na ma'i me ia, i ko lakou wa e hiki aku ai imua o kona alo no ko lakou mau pilikia.
3 - He kanaka noonoo akahele oia, aole he puapuahulu ma kana mau hooponopono ana i ka pono o na ma'i.
4 - He kanaka oia ia piha i ke aloha i kana mau keiki i hahai i na rula o ka Papa Ola, aole oia i wikiwiki ma ka hoopai ana ia lakou.
5 - He nui kona makala i ka hoomalu ana i na mai; 1 Ua kauoha oia i na makai (kona mau lima kokua) e hele mau i na ahiahi a pau e nana a e hoomalu i ka poe walaau o ka po, ka poe puhi okole hao, a me ka poe hoohaunaele iwaena o na ma'i; 2 Ua ikeia ka maluhia o ke panalaau nei i keia wa, malalo o kana hookele ana.
6 - Ua nana pono ia na mea e pili ana i ka pono o na mai; 1 Ua kaoha oia i na makai e nana pono i ka piha a me ka piha ole o na paona pipi a na ma'i; 2 Ke ai mau nei na ma'i i ka ai maikai i keia pule me keia pule, mai ka wa o kona noho ana mai i makua no lakou a hiki i keia la. He mau mea keia i ike ole ia i ka wa mamua, aole hoi he hoohalahala ana o na mai no ko lakou mau pono.
7 - Mai kona wa i noho mai ai i makua no na ma'i a hiki keia la, aole wa maluhia e aku, aole mai mua mai, e like me keia wa, aole he haunaele a mau hana ino, he maluhia wale no ke ike ia nei i keia wa.
8 - Ua ae ia na mai a pau e makemake ana e hoihoi i ka lakou haawaina ai ma ka hale kuai o ka Papa Ola, ua hiki loa keia wa, aole pela i ka wa mamua, o na haole wale no ke ae ia.
Nolaila e na makamaka, he mau kumu kupono keia a oukou e hoomaopopo mai ai, ua pono, a ua pololei na hooponopono ana a Wm. H. Tell, a ua kopono loa kona lilo ana i makua no mai lepera.
JOHN F. ALLEN.
KUU KA LUHI.
Ma ka hora 8 o ke kakahiaka Poalua iho nei, ua kaili palanehe ia aku la ka hanu makamae o ko makou hoa'loha a hoa inea like hoi o ka oihana pa'i palapala, James Kamanaoulu ma kona home, ma Kalia. Ua noho hana oia ma keia keena no kekahi manawa loihi i hala aenei a mamuli o kona loaa mau i ke onawaliwali, ua waiho mai oia i ka hana, a me ia hoomailo mau ia no ona i ka onawaliwali oiai an hooikaika e imi ia ana no kena maha a ua pahua ia mau mea, a ua kuu aku la kona luhi i kaki mau o na mea a pau. Ua haalee iho ia he mau hoahanau a me na hoa'loha e palauma aku ana nona me a luuluu!
Ua ku aku ia ke awa o Kawaihae i ka la 13 o Iulai, ka moku pea halihali Pake "Pactolus," mahope o kona ike ia ana i ka la 11 aku, iloko o kanaono kumamakahi mau la holo mai Honokaona mai, me 460 mau lima hana Pake kane, 60 mau wahine a me 80 paha kamalii. I ka la 15 aku nei, ua hoolimalima ia ka mokuahi Lehua e kii i ua moku la i Kawaaihae a e kolo mai i Mahukona. Ua kii io aku ka Lehua, a ua kolo mai i ua moku la a hiki i Mahukona ia la hookahi no. Ua hoolako ia a ae e lawa ai no keia poe no ka lawa o 55 mau la e holo mai ai ma ka moana, aka ua oi aku nae na la holo mamua ola wa, a nolaila ua hoohapa ia na haawina ai ma na la hope ma ka moana. Ua holo pu mai no he Kauka maluna o ka moku, aole nae he mai o luna o ka moku.
J. HOPP & CO.,
Na Poe Hana ma na Lako Hale o na ano a pau!
Hana Moe, Na Uluna Pulu, Etc.
Noho no ka Hoolimalima ana, na Loko Hale ke kumukuai emi.
Honolulu. 2331-tf.
Hale Hana Kopa o Honolulu.
Ua paa aenei ka Hale Hana Sopa Mahu Hou o ka poe no lakou na inoa malalo iho @ ua makaukau lakou e hoolawa aku i ka poe piepiele i na
Kopa Maikai Loa Maoli.
I hookomo ia ilokao o na Pahu 100 paona, mai ke 42 a 56 auka Kopa pakahi.
Ke hooia mei makou i ka oi o la MAKAI o ka makou KOPA mamua o na Kopa a waho mai.
Ua kuni ia mawaho o ko makou mau Pahu me ka @ "HONOLULU SOAP CO.," a e
Kuai ia e na Halekaui Liilii a Pau.
HUI HANA KOPA O HONOLULU
M. W. McChesney & Sons.
Na Elgena.
2640 @ r.
@oolaha @
PAPA! PAPA!
AIA MA KAHI O
Lewers & Cooke
(LUI MA)
Ma ke kahua hema o Alanui Papu me Moi.
E LOAA NO NA
PAPA NOUAKI
O kela a me keia ano,
Na Pani Puka, na Puka Aniani,
na Oepelepe, na Pou, na O'a,
na Papa Hele, na Papu Ku,
me na Papa Moe he nui loa.
NA PILI HALE O NA ANO PAU
A me na
WAI HOOHINUHINU NANI
O na ano a pau ioa.
Na Balaki o na Ano he Nui Wale
Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka
Uku Haahaa Loa,
E like me ka mea e holo ana wawena o Laua a me ka Mea Kuai.
Hele Mai e Wae no Oukou iho.
2331-@m.
Ka Waiwai o ka Hilinai
Saseparila Ayer
AYER, Laau Saseparila kai kaulana i hilinai nuila no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia
LAAU SASPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao.
HE koko inoino a nawaliwali a nei kou? Ua awili pu anei me na ane mai ikaika? A ua hui pu anei me na wai awaawa hoopehu. Na keia
LAAU e hoomaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i awili puia aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae. O ke
KOKO ino hakuhaku a nawaliwali hoi koa holopono ana ma ke kino, e hoomaemae ia ana a e hooikaika pu ia no hoi ma o ka ai ana i kela Laau Sasaparila a Ayer. He maalahi a he
MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka
Ayer Laau Sasaparila,
HOOMAKAUKAULA
Kauka J. C. Ayer & Co., Lowell Mass.
HOLLISTER & CO.
Na Agena ma ka Paeaina Hawaii.
2081-@.
Hoolaha @umanu.
KAKELA ME KUKE
KA - HALEKUAI - NUI
WAIWAI LIKE OLE.
NA LAKO KAMANA!
E laa na Pahiolo, Koi Hole, Hamale,
Koi nui a me liilii, Kila, W@
Rula, Apapa, Koi o na ano a pau.
Kaia-kaa, Hao Ho- paa P@
Pohaku Hoana, Kepa, Lei Iho, Kau@
Ilio, Pahi, Upa, Pahi-umiumi, Kalape.
Kope-hulu, Pulupulu, Pepa K@
kala, Lina Hao, Ami, Kee@
Kaula Opu.
PALAU!
O na ano he nui wale,
Oo, Ho Kopala, Pe, Kipikua, Hao Kope, @
Ho, a peia aku, Kua Bipi, Lei Bipi,
Kauiahao Bipi, Uwea Pa,
Uwea Keleawe, HAO PILI PIULA
Kaa Palala, Ipu Hao, Ipu Ti, PA PALAI
Makau me Aho Lawaia
Iliwai, Papa Holoi, Kopa Ala,
Kaula Kuaina, Hu'akai, Ehi Wawae,
Hulu Pena, Kopaholoi, a peia aku,
Pena Wali, Kini nui a me liilii o na
ane a pua, me ka Pepa Kuhikuhu
Pena Keokeo, Aila Pena, Aila
Hoomaloo, Vaniki Kaa a me
Vaniki Moe,
Pena Hoomaloo
A ME ANIANI HALE.
Aila Mahu, Aila Mikini, Aila Hamo Ili.
Aila Kaa, Inika Kamea; Pauda,
Kuakaepele, Kiano Pauda, Uiki
Ipukukui o na ano he nui a lei.uleha.
NA PAKEKE POI
ANO HOU LOA!
Na Mea Piula!
MIKINI HUMUHUMU.
MIKINI A WILCOX ME GIBBS,
Na Mikini a Remington.
He nui loa na mea hao me n@ ukapa e se o na ano a pau, aole hiki ke hai pu@ aku, hewa i ka wai na maka ke ike.
LAAU LAPAAU KAULANA LOA'A
DR. JAYNE
Laau Homaemae Koko,
Laau Hoopau Naio,
Laau Kunu, Penikila,
Huaele, Paakai,
Laau Hoopa@H@ me
Na - Laau - Hamo,
A PELA AKU, A PELA AKU
KAKELA & KUKE.
@-@