Ka Nupepa Kuokoa, Volume XXX, Number 36, 5 September 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

 

Ka Nupepa Kuokoa

M F

Ko Hawaii Paeaina i Huiia

            No Ka Makahiki                                                                     $2.00

            No Eono Mahina                                                                     1.00

 

auhau no ka hoolaha ana.

[ this section is completely unintelligible – no discernible letters or words at all ]

 

hoopukala e ka

HAWAIIAN GAZETTE CO.

H. M WHITNEY, Luna Nui,

J. C. KAWAINUI, Luna Hooponopono

Poaona,                       Sepatemaba 5, 1891.

 

KULA SABATI.

Sepatemaba 20,   III – 12/   O Iesu

ke Kah@hipa maikai.  Ioane

@

OIAO, he oiaio ka’u e olelo aku nei ia oukou, o ka mea komo ole ma ka puka iloko o ka pahipa, aka e pii ae ma kahi e, he aihue ia a me ka powa.

            2   Aka, o ka mea komo ma ka puka, oia ke kaho o na hipa.

            3   Ke wehe ae la ke kiaipuka nona a ua hoolohe na hipa i leona @; a kahea aku ia i kana poe hipa ma ka inoa, a alakai aku ia lakou mawaho.

            4   Aia kuu aku ia i kana poe hipa ponoi mawaho, hele no @a mamua o lakou, a kahai mai na hipa iaia; no ka mea, ua hoomaopopo lakou i kona leo.

            5   Aole lakou e hahai aku i ke kanaka e, aka, e holo lakou mai ona aku; no ka mea, aole lakou i hoomaopopo i ka leo o na kanaka e.

            6   Olelo mai la o Iesu i keia olelonane ia lakou; aole nae lakou i ike i ke ano o na mea ana i olelo mai ai ia lakou.

            7   No ia mea, olelo hou mai la o Iesu ia lakou, oiaio, he oiaio ka’u e olelo aku nei ia oukou, Owau no ka puka no na hipa.

            8   O ka poe a pau i hele mai mamua o’u, he poe aihue lakou a me ka powa; aka, aole i hoolohe ua hipa ia lakou.

            9   Owau no ka puka:  ina e komo kekahi ma o’u nei, e ole ia, e komo mai ia iloko, a e puka aku iwaho, a e loaa iaia ka ai.

            10  O ka aihue, hele mai ia e aihue wale no, a e pepehi, a e luku aku; i hele mai hoi au i loaa ai ia lakou ke ola a nui loa.

            11  Owau no ke Kahuhipa maikai; o ke kahuhipa maikai, oia ke haawi i kona ola iho no na hipa.

            12  Aka, o ke kanaka i hoolimalimaia, aole hoi ke kahu, aole hoi nana ponoi na hipa, ike aku no oia i ka iliohae e hele mai ana, alaila haalele aku oia i na hipa, a holo aku la:  a hopu mai la ka iliohae ia lakou, a hoopuehu aku la i na hipa.

            13  Holo no hei ke hoolimalima no kona hoolimalima ia ana, aole oia i manao i na hipa.

            14  Owau no ke Kahuhipa maikai, ua ike no au i ka’u na ikeia hoi au e ka’u.

            15  E like me ka Makua e ike mai ia’u, pela hoi au e ike ai i ka Makua:  ke haawi nei au i kuu ola no na hipa.

            16  A he poe hipa e ae no ka’u, aole no keia pa:  he pono hoi no’u e alakai mai ia lakou, a e hoolohe auanei lakou i ko’u leo’ a e lilo i hookahi ohana hipa, hookahi hoi Kahuhipa.

pauku gula.

            O Iehava ko’u Kahuhipa, aole o’u mea e nele ai.  Halelu 23:1.

olelo hoakaka.

            Ua kipaku ka poe Parisaio i ka mea makapo mai ko lakou anaian haipule aku.  Ua hoike oia i kona pili ana ia Iesu kona mea kokua.  No keia ano hana ua like keia poe me na kahuhipa ino, e kipaku ana i kekahi hapa o ka lakou mau hipa.  Nolaila, ua kamailio aku o Iesu o pili ana i ko ano hana kupono a ke kahuhipa maikai.  Aole oia he kahu palaualel@; aka nae ua makaukau oia e malama pono i kana mau hipa a pau loa.  Ua kuoo oia a hiki i ka wa make no ka hoopakele ana i kahi hipa pilikia.

            Pahipa, e like me na pa no na hipi ma keia paeaina, he pa pohaku, he huinaha paha, he poai paha, hookahi puka komo.  Oia no ka Ekalesia o Iesua, ka poe mana@io a pau loa, aole kekahi ekalesia, kekahi anaina haipule.  O Iesu ka pukakomo.  O na hipa, na keiki a ke Akua; a o na powa, na mea alakai hoopunipuni.  Kahuhipa, nona ke kuleana i komo mau ai, no ka malama ana i kana mau hipa.  Leo, mamuli o ke ano hana maa mau i keia wa, ke kahea aku nei ke kahu hipa i kana mau hipa ponoi mamuli o kekahi mau inoa okoa.  Ina paha he mau kahuhipa elua, ekolu ma ka pahipa hookahi, e kaawale ana na hipa, a e hahai ana i ko lakou kahu maoli.  Kanaka e, me ka leo ano e, ina paha ua akainai loa oia ma ka onou ana.  Ka ai, no na mea kupono no ke ola uhane.  Hoik. 7:17.  Ola, oia no ka pomaikoi ano nui.  Ua lawe aku ka powa i ke ola,ua kiai na kahuhipa i ke ola, ua haawi mai o Iesu i ke ola pono.  Kahuhipa maikai, ma ke kiai ana, ma ka hanai ana.  Ioane 14:6.  Ep. 2:18.  O Iesu wale no ka mea mana a me @a lokomaikai.  Isaia 40:11.  Haawi, palima keia olelo ma keia mokuna, Mat. 20:28.  Tek. 13:7.  Hoolimalima, e imi ana i ka uku hana wale no.  Iliohae, e kue ana i ka pomaikai o ka ke Akua mau keiki.  Hipa e ae, aole o ka poe Iudaio wale no ka poe a Iesu i hoopomaikai ai, aka o na lahui e kekahi, Is. 49:6, 56:8.  Ohana hipa, aole pahipa.  O na ano hoomana okoa o ka poe Karistiano, Bihopa, Metoditika, Bapetite, oia no na pahipa oke@a.  Hookahi kahuhipa wale no.  Ep. 2:14, 18–22.  E pono ke hoohui i ka hapa hope o ka p. 14 me ka hapa mua o ka p. 15.

he mau niele.

I.                    I.          Ke kahuhipa maoli, pp. 1–5.  Pehea ke ano o ka pahipa ma na aina hikina?  Pehea ke ano o ka pahipa ma na aina hikina ?  Pehea ke ano okoa o ka powa a me ka kahu ma ke komo ana iloko o ka pa ?  Peha ka hiki ana i na hipa ke hoomaopopo ae ?  Pehea ke akamai o ke kahu ma ka ike ana i kana mau hipa ponoi ?  Owai ke kahuhipa ?  Owai ka powa ?  Owai na hipa ?  Heaha ka hui i kapala ka hipa ?  Ua hoa anei na kahuhipa i ka lakou mau kumuhipa, ua aiakai anei na kahuhipa ?  Heaha na mea e imi ana i pono ai na hipa ?  Owai ka poe aole makemake na hipa e hahai aku ?

II.  Na aihue a me na powa, pp. 6––10.  Owai ka Iesua i kapa ai “ke kahuhipa maikai ?”  Owai ka Iesu i kapa ai “ka pukakomo ?”  Ua ike ia anei kekahi mea e ae nona keia mau inoa me ka pololei ?  Owai ka inoa hookahi nona ka mana e hoola’i ?  Oihana 4:12.  Pehea ka Iesu olelo ao e pili ana i ka poe alakai no ka lahui Iudaio ia wa ?  Owai keia poe aihue ?  Pehea ko lakou manao e hooko ai ?  Pehea ka Iesu olelo hoopomaikai e hooko ai ?  Aole anei e hiki i kekahi mea ke komo i ka pomaikai ke ole kona hahai ana ia Iesu ?  Heaha na mea a keia poe aihue e kaili aku ai ?  Heaha ke ola a Iesu i haawi ai a nui loa ?

III.  O Iesu a me kana poe hipa, pp. 11–16.  Owai ke kahuhipa maikai ?  Pehea kana hana no ka pono o kana mau hipa ?  Heaha ka hana a ka mea makau i hoolimalima ia ?  Tek. 11:15–17.  Owai ka mea paahana i hoolimalima ?  No keaha la kona auhee ana ?  Pehea ka olelo a Iesu e pili ana iaia iho a me kana poe hipa ?  Pehea ke ano like o kona ike ana ia lakou a me ko ka makua ike ana ia Iesu?  Ezek. 84:12, 13.  Pehea ka olelo e pili ana i na hipa mawaho o ka pahipa ?  Owai ka mea a Iesu e pale aku ai ?  Ihea kona alakai ana i kana hipa ?  Heah ka ai no ka poe manao@o ?  Pehea ko Iesu haawi ana aku i kona ola no ka pono o kana poe hipa ?  Is. 53:10.  Pehea kona hele ana aku imua o kana poe hipa ?  Owai ka mea i kapaia ka iliohae ?  Pehea ko Iesu ike ana i kana poe hipa ?  Owai ke kumuhipa hookahi ?  Heaha no ano o na hipa ma kela mau pauku ?  Ua kupono anei ka pahipa ?  Ua nele anei ka poe manaoio i ke kahuhipa ole ?  Heaha na hoailona o ka poe aihue a me ko ke kahuhipa maoli ?

manao pili.

1.  Pehea ko kakou pili ana oia Iesu ma kana oihana kahuhipa ?

2.  Pehea ko kakou ola ana ina ua loaa no ko Iesu ola ana ?

3.  Hiki anei ia kakou ke loaa ka pomaikai uhane ma ka ike akamai ?

4.  Heaha ke ola o na kanaka kaawale mai a Iesu aku ?

5.  Hookahi anei ka ekalesia oiail ?

 

            Ina he oiaio na lono, alaila e hoopau ia ana ko ka mokuahi Zealandia holoholo ana maweana o Kapalakiko a me Honolulu nei, no ke kumu aohe hike i kona mau loaa ke hoolawa i na lilo o kono holoholo ana ma kela ala moana.  Nolaila me he mea la, o kana huakai o keia hebedoma, o@a kana huakai hope no Honolulu nei.

Ka Huakai Makaiai

a kauka talamage i ka aina hoano.

[Hooma@a.]

            Ma keia hapa aku o ka makou huakai aole makou i ae hou e hoomaha hou ma kekahi wahi, ua paa ko makou manao e hooluolu makou ma ka huina o na muliwai nui elua o Ligarisa a me Euperate.

            Ma ka nana pono ana iho i ka palapala aina a ma ka hoomaopopo ana iho i ko makou latitu i keia wa, aia no ka makou na mamao loa makou mai ka huina mai o na muliwai he 75 mile a mai ka huina o na muliwai a ke kaikuono o Peresia he 120 mau mile ia, no keia mea, ua hiki ole paha ia makou ke hoomaopopo pono e hiki io ana ia makou ke hele ma ia ano, oiai aole pono makou e hooi loa aku i ka luhi o na holoholona o makou, “a i make no hoi o Alenuihaha i ka oioina ale.”

            He elua la i hala ia makou i ka hele ia a he hookahi po, a i ke ahiahi o kekahi la hou aku, ke naue hele la no makou me ka malie loa, a ua nanea makou i ka oluolu maikai o ia po, a ke oili ae la ke aliiwahine o ka lani maluna ae o ka wekiu o na laau, a na ia mea i hookomo mai i ka manaolana iloko o makou e hoomau aku i ka hele ana i ka po a me ke ao.

            He hapaha i hala ae o ka hora 9 o ia po, kau ana makou maluna pono o kekahi ahua maikai a malae lae ke nana aku.

            Na akau la makou ma ka iliwai o na wai o Euperate e hulali ana i na kukuna malamalama o ka mahina, oiai oia e kuupau ana i kona popohe maikai maluna o ua muliwai nei, a e waiho nani mai ana hoi ka aina o Caledea imua o makou a hala loa aku mai ka ike aku a ka maka ma ka hema loa.

            Me ka hikilele, aia hoi halawai mai la me makou ka ike ana aku i ka malamalama o na kkukui ma ka hikina o makou e pukuikui ana i kahi hookahi a aole paha i oi aku mamua o na mile elua ka mamao mai o makou aku.

            Nolaila manao iho la makou he pono ia makou e hoohuli i ko makou alahele no kahi o kela mau kukui e aa mai la.

            Haalele aku la makou i ko makou idahele no ka hema a nee ae ia i ka hikina, a he maikai wale aku no ka aina ma keia wahi, a ke nee @a makou me ka oluolu wale no.  He ekolu hapaha hora i hala ae o ko makou naue ana, ua kokoe loa aku la makou i o lakou la, a ke ike aku la makou i ka holoholo ae o na kane a me na wahine a me na keiki, aole nae o lakou la ike mai ia makou.

            Hoomaha iki iho la makou maanei me ka nana pono ana aku malia paha he poe powa kela a i ole he poe kamaaina no paha keia no keia wahi, a eia nae kahi hilu, aohe ike ia aku o ko lakou mau kauhale.

            I keia wa no nae a makou e kali malie aku nei, ua lohe aku la makou i ka lakou mau kamakamailio ana ma ka olelo o ka lahui Farani.

            Maopopo mai la ia makou aole keia he poe powa, aka he poe kaahele no.

            Nolaila e hoao makou e hui pu me lakou, a hele io aku la makou imua, a i ke kokoke loa ana aku, kahea aku ia au me ka leo oluolu:––Aloha keia mau makamaka kaahele.

            Hooho like mai la lakou me ka leo oluolu ma ka olelo Farani; aloha oukou, e hele mai maanei kakou e hoomaha ai a ao ae keia po, a he huakai aha ka oukou wahi a ua poe la.

            He huakai malihini kaahele mai Palesetine mai makou i kela Dekemaba iho nei.

            Hooho hou mai la lakou:  Ua pono hoomaha kakou maanei a ao alaila hele.

            No keia mau kukai olelo ana, ua loaa io ia makou ka manaolana, he mea pono ke hoomaha pu me keia mau hoakanaka.

            Akoakoa mai la lakou me makou na kane a me na wahine ma kahi a makou i lele iho ai ilalo, a haawi na lulu lima pu ana.

            Manao iho la makou e wehewehe i na wahi opeope o makou, aka ua pane e mai la lakou me ka leo oluolu o ka lokomaikai:––

            Aole pono e wehewehe na wahi ukana o oukou maanei, e hoihoi aku a i hookahi o kakou wahi e luana ai i keia po ma kela awawa aku nei malalo, no kekahi haawina pomaikai wale no i loaa @a makou i ke@a po, o@a hoi he mau dia opiopio i ki ia mai ne i ka pu a make elua a pii mai nei makou me ka manao hauoli me ka manaolana ana, @a lawa keia a koe ia makou no ka ai ana, a eia ka e hui pu ana me oukou.

            Ua pono io, hele like io aku la makou me ka lehulehu o lakou, ala io k@ waiho mai la na io dia momona.

K@ an@ Kino Kanaka o k@ Kakou Haku Iesu Karisto.

 

            I ke au e noho alii ana o Kaisura Fiberia ma Iudea, a e alii Kiaaina ana o Lenatula ma Iudea ia manawa, o ka A. D. 3@ ia a aui iki, ua hoouna leta aku oia i ka aha Senate ma Italia ma ke kulanakauhale o Roma, e wehewehe moukaka ana i na hiohiona o ka Liona o ka Iuda, penei @a leta la:––

Ierusalema, Iudea,

Aina Hemolele, Sifa (May)––

A.  D. 31

Ina makua Senate ma Roma,

                                    Aloha oukou;––

            He palapala hoakaka ia oukou e na makua.––I keia mau la a makou e noho nei, ua ike makou i kekahi kanaka kupanaha loa@ kapa ia ma ka inoa o Iesu Karisto e noho pu ana me kona mau makua.  He kanaka hemolele loa, a ua kapa ia oia e na kanaka, ke Kaula a he kuhikuhi puuone o ka Oiaio.

            Aka, he mau haumana no kaua, a ua kapa aku lakou ke Keiki a ke Akua.

            I keia mau la i hala iho nei, ua hoala mai oia i ka poe make a me na ano mai a pau.

            He kino loihi kona, a he ua maoli no, o kona mau lala a puni kona kino he mea a ka nioniolo, o kona mau lima a me na manamanalima he kiliwehi maoli no.  He ku makou i ke aloha a me ka eehia ke nana aku iaia.  He lauoho paia kona a hiki i na pepeiao, a malalo iho o kona pepeiao a hiki i kona kipoohiwi, he haehuehu.  Iwaena konu o ka piko o kona poo, ua maheleia kekahi mau lauoho e like me ke ano mau o ka poe Nazareta.  He molale hiehie kona lae, aole kiko, aole he alu o kona mau papalina, he nohea a me ka ula ohelohelo ka mea i ike ia.  He ulu paapu kona umiumi, he pokopoko pahee no hoi ke nana aku, he mio pono kona ihu a me kona waha, he kuoo a he luli ole, aole e loaa kona wahi e hiki ai e nema ia aku kona kino.  He poni kona mau maka me ka moakaka lea.

            Ma ka hoohulihuli ana , he keu a o ka oluolu a hoihoi hoi, a he pakela naauao loa ma kana mau olelo ana, a ma o ka hoahewa ana he keu a o ka weliweli, i kahi e no oe kau ka weli.  Ma kana kamailio ana, he akahele me ka leo haahaa.  Aole i ike ia kona helehelena i kahi wa e akaaka lealea ana, aka me he mea la e uwe mau ana.  Oia hookahi ka nani o na maka e ike ia e oi loa ae ana imua o na kanaka ui a me na wahine ui loa o ke ao nei.

Aole he Hana Waiwai.

            Aole i lilo i mea waiwai a holomua ka ke Alii ka Moi o Belegiuma mau nana hoopukapuka ma kela aina panalaau o Congo ma Aferica mamuli o na lawelawe hemahema a lalau loa ia ana e ka poe i hilinaiia aku ai na lakou e hana, mai alapoho pu ia ko ka Moi mau waiwai a pau, a ina aole ia, o kela waiwai nui paha e malama ia nei no ka pomaikai o kona kaikuahine, ka Emeperese kuewa Kalote o Mekiko i holo ae ai kana kane e hookohukohu me ka manao e noho aill ia “mai ka po mai,” ka poepoe komohana o ka honua, aka hoka nae ma ka make e ana iloko o ke kaua.

 

NA LETA.

 

(Aole o makou makemake e lawe i ke koiko o na hala no na manao i hoopukaia malalo o keia poo @ ko makou mau mea kakau.)

 

E Hoopau i ke Kolohe.

 

 

E ke Kilohana Pookela,

                                    Aloha oe:––

            E oluolu e hoike ae i na kini makamaka mai Hawaii a Niihau i keia manao, oia iho keia:

            Ma ka la 24 o keia mahina, ma Kalaupapapa nei, ua ike ia kekahi kaikamahine opiopio nona na makahiki i kupono ole i ka mare kane e maau hele ana ma na ipuka hale o hai, ua ike maka ia oia e kekahi mau kamaaina e palamimo ana i ka meaono a me kekahi mau mea e ae a kekahi pake ma Kalawao nei.  O keia kaikamaeine [ as printed ], he kaikamahine pake oia, no ia mea, o makou o na pake ma Kalawao nei, ua hilahila loa makou i ka loha ana i keia mea.  Ke manao nei makou, o ka hoike ana i keia mea i ke akea he kumu maikai ia e ao aku ai iaia aole e hana hou pela.

Me ka oiaio,

Ah Pau.

Kalaupapa, Aug. 28, 1891.

 

            Ua kii mai ka make ia Ben. Aming Aheong i ka la 31 o Augate nei ma Palama Honolulu nei, a lawe aku la i kona hanu oia i ka 24 of kona mau makahiki o ke ola opiopoio ana.

 

 

NU HOU KUWAHO

            Ma ke ku ana mai o ka mokuahi Alameda ke kakahiaka nui Poalima mai Kapalakiko mai, ua loaa mai ia makou na mea hou ano nui malalo iho a makou e awiwi aku nei no ka pomaikai o ko makou mau tausani poe heluhelu ekolu a keu.

na moku kaua hou o kile.

            Ladana, Augate 19.––Ua haalele aku ka moku kaua holo hou loa o Kile “Errazuria” ia Sana Vincent no Montevideo.  O ka moku kaua holo hou loa “Presidente Pinto,” aia no @ Plymouth, Enelani, e kali ana no na kauoha aku a ke aupuni.

ke poho nui ma hetai.

            Port au Prince, Augate 19.––Ua koho ia he komisina e ka Ahaolelo Lahui e huli aku i ko ka makahiki i hala Bila Haawina.  Ua laulaha wale ia ae, ua nalowale he $2,000,000.  Ke hoolaha ia nei e hopu i kekahi mau hoa o ka Aha Kuhina hope i pau, oia o Firman a me Leehaud.  Ua noi mai lana e hana ia pela.

ka emepera wiliama o geremania.

            Ladana, Augate 20.––Ke olelo mai nei ka mea kakau o ka nupepa Manawa o Ladana e noho ana ma Berelina, @a loaa iaia he kamakamailio ana me Prof. Esmarch, ke Kauka lapaau ponoi, ka mea i kamailio pololei mai ka Emepera mai, ina aole kahi ulia ma ko ka Empera kuli, alaila ke ola oluolu loa nei oia no elua malama i hala, i oi ole aku ka maikai e like me ko keia wa.

he moke hali ohua holo loa.

            Ke hooia ia mai nei, e kapili aku ana ka Ahahui Hooholo Mokuahi Canada i mokuahi halihali ohua holo loa e make ai ka manawa holo loa o ka mokuahi “Majestic” o ka Laina Hooholo Mokuahi Hoku Keokeo, ka mokuahi i eo ai na wa holo loa o na mokuahi holoholo ma ka moana Atelanika.  O ua mokuahi la e kapili ia aku ana, e hiki ana kona nui i ka 12,000 mau tona, me ka holo e hiki ai ke pahee maluna o ka ili kai i 21 mau mile o ka hora.

ke aumoku kaua farani ma enelani.

Portsmouth Augate 19.––Ua ku mai ke aumoku kaua Farani maanei i keia auina la, a ua apo aloha ia mai lakou e ka heluna o na moku kaua Beritania a me na mokuahi holo lealea, ua paa wale no nae lakou a pau me na hae hoohiwahiwa.  Ua kuu iho ko lakou mau pohaku malalo o kahi e kokoke aku ana i Osborne Paka, mamuli o ka wae ponoi ana a ka Moiwahine, a na makaikai i ae ka Moiwahino [ as printed ] a me ke Kama Aliiwahine Beatrice mai ka puoa mai o Hale Osborne.  Mawaena o ka nakolokolo o na pukuniahi a na aumoku, ua hooluluu pu ia na ia-moku me na luina.

ua akakuu mai o kina.

            Parisa, Augate 19.––Ua loaa mai na lono pili aupuni mamuli o na hana lokahi a na Luna Aupuni e o na mana nui e noho ana ma Kina, ua akakuu mai o Kina, a me he mea la e noonoo ana o Kina no ka mea pono e hana aku ai.  Ke ano naauao loa mai la na luna aupuni kuloko iho o Kina ma ka noonoo ana iho he pono ole ka hoonahoa ana aku i na moku kaua o na aupuni hui e kaalo mau nei ma na Kai o Kina, e hoolele aku i na poka e lele i uka o ka aina, a e hana aku i na maewaewa maluna o ka aina.

 

Hale Hana Kopa o Honolulu.

            Ua paa aenei ka Hale H@ Sopa Mahu Hou o ka poe no lakou na inoa malalo iho @ na makani@ lakou o hoolawa aku i ka poe piep@le i na

Kopa Maikai Loa Maoli,

I hookomo ia iloko o na Pahu 100 paona, mai ke 42 a 36 auka Kopa pakahi.

Ke hooia nei makou i ka oi o la MAIKAI o ka makou KOPA mamua o na Kopa o waho mai.

            Ua k@ni ia mawaho o ko makou mau P@ho me ka hoailona “HONOLULU SOAP CO.” a e

Kuai ia e na Halakaui Liilii a Pau.

 

HUI HANA KOPA O HONOLULU

M. W. McChesney & Sons,

Na Egena.

2840 1-yr.

 

ALLEN & ROBINSON,

na mea kuai papa o na ano a pau.  E loaa no ma ka Uwapo o Pakaka, Honolulu, ma ke kumukuai mak@pono loa, no ka pomaikai o ka lehulehu e makemake ana e kukulu hale.  E kipa mau a e ike k@@ka.

2@31-tf.

 

Hoolaha Humau.

 

PAPA !  PAPA !

aia ma kahi o

 

Lewers & Cooke

(lui ma),

Ma ke kahua hema o Alanui Papu me Moi.

e loaa no na

PAPA NOUAKI

O kela a me keia ano,

Na Pani Puka, na Puka Aulani,

            na Olepelepe, na Pou, na O’a,

                        na Papa Hele, na Papu Ku,

                                    me na Papa Moe he nui loa.

NA PILI HALE O NA ANO O PAU

A me na

WAI HOOHINUHINU NANI

O na ano a pau loa.

 

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka o oukou @ hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea o holo ana mawaena o Imua a me ka Mea Kuai.

Hele Mai e Wae no OUkou iho.

2831 3m.

 

Ka Waiwai o ka Hilinai

Saseparila Ayer

AYER, Laau Saseparila kai kaulana i hilinai nuiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau.  O keia

LAAU SASAPARILA, no loko @e ia o ke aa Sasaparila Honedura maoli; ua loaa ka mana hoomaemae ma o ka hui puia ana me kekahi mau aa laau a e, a me kekahi mau mea no loko o ka honua a me ka hao.

HE koko inoino a nawaliwali a nei kou ?  Ua awili pu anei me na ano mai ikaika ? A ua pu anei me na wai awaawa hoopehu.  Na keia

LAAU e hoomaemae ia mau mea ino a pau a maikai.  O na kauka lapaau a pau o Amerika i ike i ke ano o ka AYER SASAPARILA @a olelo lakou, aole he mea maikai e ae no ka hoomaemae koko ana mai na mai i awili puia, aka o keia wale no. No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai ikeia, o ka Ayer Sasaparila wale no ka laau nana e hoomaemae me ka hakalia ole mamua ae i kekahi ano laau e ae:  O ke

KOKO ino hakuhaku a nawaliwali hoi kona holopopo ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer.  He maalaha a he

MAIKAI loa hoi keia Laau, aole na ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hoo@a ana mai na wahi a pau o ke ao nei i hoohana mai i keia laau mamua o kahi mau laau e ae.

A HILINAIIA no ka ikaika kupopo o ke oa kino, ma ka maemae ana o ke koko, hoomake pu ia na ma’i, a pela aku.  He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasaparila.

i hoomakaukauia e

Kauka J. C. Ayer & Co., Lowell Mass.

 

HOLLISTER & CO.

Na Agena ma ka Paeaina Hawaii.

2@@1 3@.

[ from this point on, the left side of the page was missing in places… ]

 

Hoolaha Humau.

KAKELA ME K@

KA – HALEKUAI –

––––o na––––

WAIWAI LIKE O@

NA LAKO KAMAN@

E laa na Pahiolo, Koi Hole, Hamal@,

            K@ nui a me liilii, Kila, W@pua@

                        Kula, Ap@p@, Nui o na ano a @

                                    Kala-kaa, Hao Hoopaa

Pohaku Honua, Kopa, L@i Ilio, Kau@

            Ilio, Pahi, Upa, Pahi-umiumi, Ka@

                        Kope-hulu, Pulupulu, Pepe@

                                    Ka@a, Lina Hao, Ami, K@

Kaula Opu.

 

 

PALAU @

O na ano he @ @,

Oo, Ho, Kopala, Pe, Kipikua, Hao Ko@

            Ho, a pela aku, Kua Bipi, Lei Hi@

                        Kaulahao Bipi, Uwea I’a,

            Uwea Kekeawe, HAO PILIPI@

Kaa Palala, Ipu Hao, Ipu Ti, @

Makau me Aho Law@

Hiwai, Papa Holoi, Kopa Ala,

            Kaula Kuaina, Hu’akai, Ehi Wawae,

                        Hulu Pena, Kopaholoi, a peia aku @

                                    Pena Wali, Kini nui a me @

                                                ano a pau, me ka Pepa K@

                                                            Pena Keokeo, Aila Pena, Ail@

                                                                        Hoomaloo, Vaniki Ka@ a @

                                                                                    Vaniki Moe,

Pena Hoomalo@

a me aniani hale

Aila Mahu, Aila Mikini, Aila Hamo @

            Aila Kaa, Inika Kamaa i Pauda,

                        Kukaepal@, Ki@no Pauda, U@k@

                                    Ipukukai o na ano he nui a @

 

NA PAKEKE P@

––––o ee–––

ANO HOU LOA @

Na Mea Piula !

MIKINI HUMUHUMU, @

MIKINI A WILCOX ME GIB@

Na Mikini a Remington

 

            He nui loa na mea hao me na @ e ae o na ano a pau, aole hiki ke @ aku, hewa i ka wai na maka ke ike.

 

LAAU LAPAAU KAULANA LOA A @

DR. JAYNE @

Laau Hoomaemae Koko

            Laau Hoopau Naio,

                        Laau Kunu, Penikila,

                                    Huaele, Paakai,

                                                Laau Hoopaa@

Na – Laau – Ham@

a pela aku, a pela aku

KAKELA & KUK@

@