Ka Nupepa Kuokoa, Volume XXX, Number 39, 26 September 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Kuokoa

Me

Ko Hawaii Paeaina i Huiia

 

No Ka Makahiki ... 8200

No Lono Mahina ... 100

Kaiko ka Hale

 

Hoopukaia e ka

Hawaiian Gazette Co.

H.M. Whitney. Luna Nui,

J.U. Kawainui, Luna Hooponopono.

 

Po aono, .. Sepatemaba 26, 1891.

 

Kula Sabati.

Okakoba 11. IV.-2. Ka Iesu wanana e pili ana i kona make ana. Ioane 12:20-36.

         20 He poe helene kekahi o lakou i hele mai e hoomana ma ka ahaaina.

         21 Nolaila hele mai lakou io Pilipo la, ka mea no Betesaida i Gallala olelo mai ia lakou ia ia, i mai la, F. ka haku, ke makemake nei makou e ike ia Iesu.

         22 Hele mai o Pilipo, a hai ae ia Andrew a o Anderea a me Pilipo hai hou aku ia Iesu.

         23 Olelo maila o Iesu ia lakou, i mai la, Ua hiki mai ka hola e hoomaikai ke Keiki a ke kanaka.

         24 Olelo he oiaio kaʻu e olelo aku nei ia oukou. Ina e make ole kekahi ua palaoa i haule ma ka lepo, ina na waiho hookahi wale no ia; aka, ina e make ia, e hua nui mai oia.

         25 O ka mea makemake nui i kona ola, e lilo aku no ia: aka, o ka mea hoowahawaha i kona ola ma keia ao, e ola nau aku no ia.

         26 Ina e hookauwa mai kekahi naʻu, e hahai mai la iaʻu; a ma kahi wahi e noho ai, malaila pu no kaʻu kauwa: Ina e hookauwa mai kekahi naʻu, e hoomaikai ka Makua ia ia.

         27 Ano ua kaumaha kuu naau, a heaha kaʻu e olelo aku? ai Eka Makua, a hoopakele iaʻu i keia hopa aka, no keia mea i hiki mai nei au i keia hora.

         28 F. ka Makua, e hoonani oe i kou inoa. Alaila pae mai ia ka leo mai ka lani mai, Ua hoonani iho no au, a e hoonani hou iho no hoi au.

         29 I ae la ka poe kanaka e ku ana, a e lohe ana, He hekili ia, Olelo ae la kekahi poe, Ua olelo mai kekahi anela iaia.

         30 Olelo maila o Iesu, i mai la, Aole noʻu i pae mai ai keia leo, aka, no oukou no.

         31 Ano e hoahewala ai ko keia ao, ano e kipakula aku ai ke alii o ko ke ao nei.

         32 Ina e kaulia au iluna, mai ka honua aku, e kauo auanei au i na kanaka a pau i oʻu nei.

         33 Olelo mai la oia i keia, e hoomaopopo ana i ke ano o ka make e make ai oia.

         34 Olelo aku la na kanaka ia ia, Ua lohe makou ma ke kanawai, e mae loa ana ka Mesia; a pehea la kau e olelo nei, E kaulia iluna ke Keiki a ke kanaka e pono ai? Owai ia ia Keiki a ke kanaka?

         35 I mai la o Iesu ia lakou. Me oukou ka malamalama i ka manawa pokole loa. E hele oukou oiai ka malao ai ma ia oukou, o hiki mai ka pua i e oukou nei: a o ka mea e hele ana i ka pouli, nele ia o ike i kona wahi e hele ai.

         36 F. manaolo oukou i ka malamalama, oiai ka malamalama me oukou, i lilo oukou i poe keiki no ka malamalama. Olelo mai la o Iesu ia mau mea, a hele aku la, a hoomalo ia ia iho mai o lakou aku.

 

Pauku Oula.

         Ina e kaulia au iluna, mai ka honua aku, e kauo auanei au i na kanaka a pau i oʻu nei. Ioane 12:32

 

Olelo Moakaka.

         Mahope o ko Iesu hoala ana ia Lazaro, ua kaawale oia no ka manawa ma ke kauhale o Epenaima. Ua makoua oia o pepehi ia e na luna Iudaio maui o ka wa kupono. Ma ka ia Pualima, mama o ka ahaaina molimola, ua hoi hou oia i Betania. ma ka la mahope o ke Bebeti Ludale, ua hemo oia i ka luakini ma Ierusalema me na hooho o na poe lehulehu. Oia no ka la ehiku mamua o kona ala hou ana, ko kakou Sabati Karistiano. Ua helehele oia ma ka luakini mahope o kona komo olioli ana. Ua noho oia ma ka pahale o na wahine. Mareko 12:41. Malaila na waihona kula manawaiea. Ua halawai kino oia me kekahi poe malihini Helene malaila. Ua makemake lakou e ikemaka i ka Mesia o ka lahui ilalo.

         Helene, kekahi poe malihini i huli ai i ka hoomana Iudaio. Hora, ka wa kupono no kona make ana. Hookahi, aole hua hou, aka ua make o Iesu, e komo nui ae na kanaka i ola hou ai, iloko o ko ke Akua waihone uhane. Heb. 12:2. F.p. 1:20-23. Kauwa, e noho pu ana me kona Haku, ma ka poino mamua, maka pani mahope. Rom. 8:17. Makua, e like me ka Iesu pule ma Getessmane. Mat. 26:29. Hoonani, ma kana ano hana, a me kona ano make, me ke ala hou ana. Hoohewala ai, mamuli o ke ano hana o na kanaka e pili ana i ke Akua Hoola. Ina paha hoole kekahi ia Iesu i kauliaia ai ma ke koa, i pii ai i ka lani, oia no ka hoahewa ana iaia iho, he mea kupono ole e noho me Iesu. Alii, o Satana ka mea alakai hewa. Kipakula, ka lanakila o ka pono maluna o ka hewa. Kaulia, ma ka laau kea. Kauo, alakai pololei. A pau, o keia a me keia lahui, o keia a me kela kulana. Kanawai, ka Palapala Hemolele, ke Kauoha Kahiko. Hal. 72:8, 9. Isaia 9:7. Dan. 7:14. Mau loa, pehea e make ai ka Mesaia? Aole e hiki i na Iudaio haipule ke hoomaopopo i ka noehaeha ia ana o ka Mesia e ko lakou mau kaula. Owai, aole o Iesu, ke kanaka e make ai. Ua hoole lakou i kana oihana Mesia.

 

He Mau Niele.

         I. E pono ke make ka hua i mea e ulu ai, pp. 20-24. Owai ka poe malihini i hele mai ai i ka ahaaina moliaoia ma Ierusalema? Pehea ko lakou noi la Pilipo? Ua makemake anei lakou e kamailio kaawale me wai? Me wai ko Pilipo kukakuka pu ana e pili ana i keia noi? Pehea ka hana a Pilipo a me Anederea? Heaha ka Iesu pane? Heaha kana olelo hoohalike e pili ana i kona make ana? Pehea ka hua o ka puka ana o ke ola hou mailoko mai o ka make?? Pehea i pili ai keia olelo hoohalike i ka Iesu ano hana ma ka hoola ana i ka poe hewa? Pehea ka manao o ka poe Iudaio e pili ana i ka nani o ko lakou Mesia? Ua lilo anei ke kea o Iesu i mea hoonani? Hiki anei ia oe ke hai mai i kekahi hana ano like, ka lilo ana o kekahi mea ino i mea maikai?                

         II. E pono ke hoolilo aku i mea e hoopukapuka ai, pp. 25-29. Pehea ko kakou loaa ana ke ola mau loa? Pehea ko kakou lawlawe ana no Iesu? Pehea ko Iesu hoomaikai ana i kona poe lawelawe? Pehea ka Iesu olelo hoike e pili ana iaia iho? Heaha kana pule? Heaha ka olelo pane mai ke AKua mai? Heaha ka Iesu hoike e pili ana i keia pane? Heaha ana olelo ao hou? Hiki anei ia kakou ke hoolilo aku i ko kakou ola a loaa hou ke ola hou? Hiki anei ia kakou ke aua i ko kakou ola a nalo loa ke oia maikai? Ua paa anei ka uku hana mai a Iesu mai no ka mea e lawelawe ana i ka pono? Ua hiki anei ia Iesu ke hauoli ina paha aole kaumaha kona uhane? Pehea ka manao o ka ahakanaka e pili ana i ka leo mai ka lani mai? Ua pono anei ke hoowahawaha i ko kakou wa ola.

         III. E pono ke pii iluna i mea e hapai ai, pp. 30-36. Pehea ka Iesu wanana e pili ana iaia iho? Pehea kona kauo ana i na kanaka a pau loa i ona la? Pehea ka manao o ka poe Iudaio e pili ana i ka mea i Kaulia ma ka laau kea? Heaha ka lakou ano wehwehwe i na wanana o ke Kauoha Kahiko? Pehea ka Iesu olelo e pili ana i ka wa pokole o ka malamalama? A pau keia kamailio ana, pehea ka Iesu hana? No keaha la kona huna ana? Ioane 11:53, 54. Ua makemake anei na kanaka e ike ia Iesu ma kona ano maoli paha, mamuli o ko lakou manao paha? Heaha ka kakou e Imi mua ai? Heaha na pono ma o Iesu la e hoea ai i ke aloha nona?

 

Manao Pili.

         1. Ua lilo anei ko Iesu make ana i ola nou?

         2.Ua haalele anei oe i na mea a pau loa no ka pono o Iesu?

         3.E pono anei i ke Akua ke lawe aku i ka malamalama mai ka poe e makemake ana i ka pouli?

         4. Pehea e loaa ai ia oe na pomaikai ano nui mai kou wa ola mai?

         5. Hiki anei ia oe ke noho pomaikai ke ola he mau ino mamu?

 

Papa ia na Inoa Moalele.

 

         Ma ke kauoha a ka Emepera o Geremania, ua hoopuka aku nei ke Kuhina Kalaiaina he kauoha e papa ana i na makua aole e pabetiso i ka lakou mau keiki me na inoa kalai aupuni o kekahi mau ano a waihooluu. O na pokii Geremania, ua hiki no ke Pabetiso ia mai na Inoa mai ka Baibala mai, e like ia me ko na keikialii, ko na kalalaina na kono aloha alii, na alihikaua a me na kanaka aloha aina. O ka manao nui ma keia hana ana, oia no ke kuokoa ana aku i na Socialisa mai ka hoomomoa ana aku i ko lakou mau ohana kaulana hookahuli aupuni. O ka inoa “Robespierre,” oia ka inoa punahele no na bebe ai walu.

 

PALAPALA HOALOHALOHA.

 

E ka Nupepa Kuokoa,

Aloha oe:

         Oiai ua oluolu i ke Akua ma Kona mana i ike ole ia, ma ka lawe anaʻku i ka uhane o ko makou hoa paahana i aloha nui ia S. H. Haluapo ma Honolulu oiai oia e makaukau ana e holo mai i Hilo nei no ka hana o keia Aha. I ka manawa i ike ole ia aia hoi ua haha mai la na lima aloha o ka Haku a lawe aku la iaia. He kamaaina oia i keia Aha, he haipule oiaio hoi, a he hoa hana hoomanawanui pu me kakou i loko o na hana o keia Aha.

         He lima akau ikaika hoi no na Ekalesia hui ia o Kailua a me Helani he kakauolelo noeau imua o keia Aha no na mea e pili ana no ka pono o ke Aupuni o Karisto. Ano hoi, ua meha kona leo, ua pau kana hana, ua nalo hoi ka ike ia ana o kona mau ohohina i mua o keia Aha.. Aloha wale. Nolaila hoi, e hooholoia:

         O makou o na lala o ka Ahahui Euanelio o ka Mokupuni o Hawaii ke komo pu aku nei makou me ko makou ohana a me ka ohana o ko makou hoa paahana me ka minamina paumako nona.

         Hooholoia ke komo pu aku nei makou e auamo pu me na makaainana a me na hoahanau o na Ekalesia huila o Kailua a me Helani, i na haawina luuluu o ke aloha no ka mea i hala.

         Hooholoia ke noi nei makou i ka Makua mana loa nana e hoomama mai i na manao kaumaha iloko o kona ohana luuluu a me kona mau Ekalesia i hoonele ia i kekahi o kona paahana ikaika.

         O makou iho no ma o ko makou Komite la.

S.L. Desha

S.C. Luhiau

J.N. Kamoku

Haili, Hilo, Sept. 12, 1891.

 

NA LETA.

 

         Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe mea kakau.

 

Hoomainoino ia na Puaa Maluna o na Aina Hanai Holoholona o Hon. Samuel Parker ma Waimea Kohala Hawaii.

 

E ka Nupepa Kuokoa i Hulia,

Aloha oe:

         Ma ka malama o Augate i hala iho nei, ua loaa aku ia Mr. Kukaniloko me kekahi keiki he puaa ua okioki hoomainoino ia, a he ku i ka manaonao ke nana aku i na hana aloha ole a ke kolohe hoomainoino holoholona aloha ole.

         A ma ka la 7 o Sepatemaba nei, hele aku la au ma ke kula e nana ai i kaʻu mau wahi ekueku puaa, loaa aku la ua nahunahu ia e ka ilio, a he ku maoli i ka manaonao ke nana iho i na hana aloha ole a ka opu lokoino ke ike aku.

         Ua ao a papa ia na kanaka o Waimea nei, e ka ona aina a me kona mau luna, aole e hele maluna o na aina hanai holoholona me na ilio, a hoopino i na holoholona e hele ana maluna o na aina ma Waimea nei, aka me ka naau haakei a nana ole i ka pono a me ka maluhia o ka lehulehu, ke hana ia nei keia mau hana.

         Me ka naau ehaeha au e pohala aku nei i na hana e hana ia nei maluna o na holoholona a na kanaka e noho ana ma ka aina mauna, i ka ua kipu upuu.

J.W. Napoliona Pa.

Waimea. S. Kohala, Sept. 14, 1891.

 

Heaha Keia Hamau o na Nupepa?

 

E ke Kuokoa me Paeaina,

Aloha oe:

         Ke kokoke aku nei kakou i ka manawa koho balota no na moho holo alii a me lunamakaainana mai Hawaii a Kauai, me he mea la i kaʻu hookuku ae, he elima wale no malama pokole a hoea mai ua ia nei.

         O kaʻu nae e haohao loa nei, oia no ka pupu a me ka ulolohi loa o ka nupepa o na aoao kalai aupuni a pau, aohe hoeueu iki mai. Heaha mai nei la keia o na nupepa? E kali ana anei lakou no ka ohe luli i ka makani, a i ole ua palaka paha? He ku i ka palaleha maoli.. Me he mea la, e hoonalonalo ia ana mai ka lahui aku ke kulana oiaio o ka aina, ka paleualelo o ka aha kuhina ka hana ole ia o na alanui o ka lehulehu i mauna ia ai na dala o ka lehulehu a e hookuu ia nei e hoomahakea, ka hune o ka aina a me kona laau Iapan e ola hou mai ai, ka iho ia ana mai e kuhikuhi me nei a me keia ae oukou e na kuhina e hookohu aku ai, na hana hoopomaikai a keia aha kuhina i ka lahui, ke kulana hilinai a hoowahawaha ia o ke aupuni, ka hilinai mai o ka lahui i ko ke aupuni malama ana i ko lakou mau dala hoahu banako, ke kaha a me ka mimino o ka waihona lahui, a ia mea aku ia mea aku no apau no ka pomaikai laulaha.

         I na wa i hala aku nei, o na nupepa ka mea hoomalamalama e mai i na kanaka a me ka nema ana ma na hana huhewa o ke aupuni, aka i keia wa, ua mumule loa lakou. Ma keia molowa o na wahaolelo o ka lehulehu, me he mea la, ua ohi ole ka poe hookau nupepea i na pomaikai kau like.

E eueu mai oukou e na nupepa.

Akenaauao.

 

He Hoike Oiaio Loa.

 

E kuu KILOHANA POOKELA,

Aloha oe:

         Ua ike iho au i ka pano a Mrs. Kamakahoohie Kawelo ma ka nupepa Hawaii Holomua, e hoole ana aole he oiaio o ka mea i hoolaha ia e aʻu no na mea e pili ana i ka pepehi ana o S.W. Kawelo ia Kamakahoohie.

         E na makamaka, mai puni mai oukou i keia hoole hoopunipuni a ka Kamakahoohie Kawelo e hoole nei aole oiaio o na mea i hoolaha ia.

         No ka ike o Kamakahoohie ua pepehi o S.W. Kawelo iaia, nolaila ua hele kino aku oia ia W.H. Tell a me D. Dayton e hoopii ai no keia pilikia i loaa iaia mai a Kawelo mai, a ua ike pono o D. Dayton a me W.H. Tell i keia poino nui i loaa iaia me ka manaonao ke nana aku, ua hai aku no hoi oia i na mea i hoike ia ae la maluna, ua Kaweo no oia i pepehi. Ma keia hai ana oiaio me ka hooia pu ana aku, nolaila ua lawe koke ia ka oihana makai mai a Kawelo ae.

         Oiai, aole i hiki aku o Kamakahoohie imua o W.H. Tell a me D. Daytom me ke kino maikai, aka me ke kino i loaa i na palapu oia i hiki aku ai. Mamuli o ka malama pono a me ke aloha o Lon iaia, ua loaa iaia he oluolu mai kona waiho ena i ka eha i loaa iaia mai a S. W. Kawelo Mai

         E na makamaka, aole au i hoike aku imua o ke akea me ka manao ino a hoopunipuni hoi, aka ua hoike aku au me ka oiaio loa. Ina he mau pane kekahi e kue mai ana i kaʻu hoike oiaio, ua makaukau no au e pane aku. Me ke aloha,

J.K. Kainuwai.

 

He Wahi Hana Kapakahi.

 

E kuu KILOHANA POOKELA,

Aloha oe:

         E oluolu oe e hoike ae i ke akea i kela poo manao e kau ae la maluna ma kahi kaawale o kou kino lahilahi.

         Ma ka malama o Augate i hala, ua hoolaha ae ko makou luna nui i kekahi mau rula o ka Papa Ola i apono ia e ka Papa Ola ma Honolulu, penei:

         O na mai a pau i ike ia he Hawaii-wali loa, a hiki ole ia lakou iho ke malama no lakou iho, e hele aku la kou imua o ke kauka a me ko makou luna nui, a e hoike aku hoi ka mea nawaliwali i na kumu ina he mau kumu io ia e hiki ole ai iaia ke lawelawe nona iho, a na laua e nana mai ina he pilikia io maoli ko ka mai e hiki ole ai iaia ke lawelawe nona iho. Alaila na ka Luna nui o ka Panalaau e waiho aku i ka papa inoa o na kauka i makemake ia imua o ka Papa Ola ma Honolulu, a na lakou e kikoo aku a hoouna mai.

         Aka ma ka malama o Augate i hala ka wa hoi o ka hoolaha i puka ai, ua hele aku kekahi mau mai imua o Kauka Swift a me Wm. H. Tell ko makou Luna nui, e noi i mau kokua mai ia laua mai, me ka hoike aku i na kumu o ka pilikia. Ua ae ke kauka i ke noi a keia poe mai he umi a oi, ua hoouna aku o Wm. H. Tell i ka papa inoa o na kauka i makemake ia, komo i ka Papa ola ma Honolulu. Mai ka manawa i hoouna ia ai a hiki i keia la, aole i loaa iki mai ka pane mai ka Papa Ola mai.

         A ma ka hiki kino ana mai o D. Dayton i ka Panalaaway o Kalawao nei, a ma kekahi o ia mau la, ua hele kino aku o J. Pahio imua o D. Dayton ka Peresidena o ka Papa Ola, e noi ai ina e ae ia kana wahine e komo mai i kokua nona, oiai ua nawaliwali loa oia aohe hoi he mea nana e hoomapopo aku. Ua hoole ia mai kana noi. Ua pane mai oia, ina au e ae aku ana i kau noi o koʻu ae ana aku no ia i na mea a pau, nolaila ke hoole aku nei au i kau noi.

         Ma ka malama no o Augate, ua lawe ia mai kekahi haole mai lepera, a ma ia moku i lawe ia mai ai ka haole, ma ia moku hookahi no o D. Dayton i kau mai ai.

         Eia nae ka mea apiki, i ka wa o D. Dayton i hoi aku nei i Honolulu, ua koino pu aku nei ua palapala noi a keia haole i ke Keena o ka Pap Ola ma Honolulu, e noi ana e ae ia mai kana puke Pukiki e komo mai e malama iaia. A ma ka Poakolu, Sepatemaba 16, ua hiki kino mai ke Pukiki kuke a keia haole eia ke noho nei.

         A o ke noi hoi a J. Pahio ae ia kana wahine e komo mai e kokua iaia, aole nae i ae ia mai a me ke noi a kekahi poe e ae. Ina paha i noi i kuke ina paha ua ae ia. He hana maikai a pololei anei keia a ka Papa Ola.

         Nolaila e kuu iʻo o na iʻo a me kuu iwi o na iwi, e nana mai i na hana kapakahi a ka Papa Ola maluna ou e Hawaii, a nou ke kanawai e Hawaii aole no ka haole.

Me na keiki oulu hua kou aloha pau ole. J.K.K.

 

Na Poe Holo Lunamakaainana o ka Apana o Molokai.

 

E Mr. LUnahooponopono,

Aloha oe:

         Ke hoike aku nei kou kiu huli mea hou i na mea moakaka a me na mea huna pohihihi o ka moku o Hina. Penei na mea e pahola nei ma ka moku o HIna:

         O J. Nazreta, A.P. Paehaole a me M. Kane, o lakou na moho holo balota o ka moku o Hina nei.

         E Mr. Lunahooponopono o na nupepa i huiia, e oluolu e hookomo iho i kaʻu mau hoakaka no keia poe e holo luhamakaainana nei, no keia kau koho balota ae.

         Akahi, o J. Nazreta, he kanaka oia i maa i ka hana kau kanawai no keia aupuni no na kau he eono; a aole nae he mau haawina o ka pono o ka lahui oiai oia e kau kanawai ana. O kena pono, oia kana i hana i ka hana kau kanawai, a o ua mau pono la, oia ka lawe ana mai i na oihana aupuni mamuli o ka hoopili mea ai i na kuhina oia mau la a ke paewaewa nui wale, a na ke au o ka makahiki 1887, i hoopau aku ia mau mea ano ole.

         Alua, o A.P. Paehaole, he kanaka no oia i maa i ke kau kanawai no keia aupuni no eha manawa, aia nae i kona mau manawa eha i kau kanawai ai, ua ike ia, ua loaa no kekahi mau pono i ka lahui, oia hoi, ua hookuu ia na makua mea keiki no ka auhau kula, a ua hana ia na uwapo o Molokai, a oia hookahi ka lunamakaainana i hooikaika i pono no ka lehulehu maka apana o Molokai, a ua pono ka lahui iaia. Aka nae, ma kona kau hope iho nei, ua pono ole oia, oiai, ua haawi oia i ka pono o ke aupuni a me ka lahui no ke kanaka hookahi. O keia pono i haawi ia eia i ke kanaka hookahi, oia no na aina e paa hewa ia ana e na kahu malama ma ka waiwai o Mrs. Pauahi Bishop.

         Ua hanaia keia mau waiwai e ka moopun a Kakina a ua pono a maikai, aka, o keia Paehaole a me ka lehulehu e ae i kokua i ka haawi ana i keia pono nui o ke aupuni a me ka lahui, he kumakala maopopo keia.

         Akolu, o M. Kane, aole oia i maa i ka hele kau kanawai, aka, he kanaka naauao no, a he hoa no oia no ka hapa Papa Loio o keia aupuni, aka nae, o ka lehulehu kai ike iaia, ina no ke kupono a kupono ole paha, eia nae, he kanaka hoopono oia. Me ke aloha nui.

Kou kiu hanu mea pohihihi,

J.K. Hopu.

Laiakamanu, Molokai.

 

Hale Hana Kopa o Honolulu.

 

         Ua paa aenei ka Hale Hana Sopa Mahu Hou o ka poe no lakou na inoa malalo iho a ua makaukau lakou e hoolawa aku i ka poe piepiele i na

 

Kopa Maikai Loa Maoli,

 

I hookomo ia iloko o na Pahu 100 pauna, mai ke 42 a 56 auka Kopa pakahi.

Ke hooia nei makou i ka oi o ia MAIKAI o ka makou KOPA mamua o na Kopa o waho mai.

Ua kuni ia mawaho o ko makou mau Pahu me ka hoailona “HONOLULU SOAP CO.,” a e

 

Kuai ia e na Halekaui Liilii a Pau.

 

HUI HANA KOPA O HONOLULU

 

M.W. McChesney & Sons,

Na Elgena.

2340 1-yr.

 

Allen & Robinson,

 

Na mea kuai papa o na ano a pau. E loaa no ma ka Uwapo o Pakaka, Honolulu, ma ke kumukuai makepono loa, no ka pomaikai o ka lehulehu e makemake ana e kukulu hale. E kipa mai a e ike kumaka.

 

Hoolaha Humau.

 

PAPA! PAPA!

AIA MA KAHI O

 

Lewers & Cooke

(Lui Ma).

Ma ke kahua hema o Alanui Papu me Moi.

 

E loaa no na

 

PAPA NOUAKI

 

O keia a me keia ano, Na pani Puka, na Puka Aniani, na Olepelepe, na Pou, na Oʻa, na Papa Hele, na Papu Ku, me na Papa Moe he nui loa.

 

NA PILI HALE O NA ANO A PAU

A me na

WAI HOOHINUHINU NANI

O na ano a pau loa

 

Na Balaki o na Ano he Nui Wale

 

         Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku  ma na mea a pau e pili ana  ma ka laua oihana no ka

 

Uku Haahaa Loa,

E like me ka mea e holo ana mawaena o Laua a me ka Mea Kuai.

 

Hele Mai e Wae no Oukou iho.

 

Ka Waiwai o ka Hilinai

 

Saseparila Ayer

 

AYER, Laau Saseparila kai kaulana i hilinai nuiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali a nei kou? Ua awili pu anei me na ano mai ikaika? A ua hui pu anei me na wai awaawa hoopehu.

Na keia

LAAU e hoomaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i awili puia, aka o keia wale no. No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae. O ke

KOKO ino hakuhaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer. He maalahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na maʻi, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hoola ana mai na wahi a pau o ke ao nei i hoohana mai i keia laau mamua o kahi mau laau e ae

A HILINAIIA no ka ikaika kupono o ke oia kino, ma ka maemae ana o ke koko, hoomake pu ia na maʻi, a pela aku. He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hoola wale no a ke ao holookoa, maluna o ka

 

Ayer Laau Sasaparila,

Hoomakaukauia e

Kauka J.C. Ayer & Co., Lowell Mass.

HOLLISTER & CO.

Na agena ma ka Paeaina Hawaii.

 

Hoolaha Humau

 

KAKELA ME KUKE

 

KA-HALEKUAI-NUI

 

o na

 

WAIWAI LIKE OLE.

 

NA LAKO KAMANA!

 

E laa na Paniolo, Koi Hole, Hamale.

Koi nui a me liilii, Kila, Wilipuaa.

Rula, Apupu, Kui o na ano a pau

Kala-kua, Hao Hoopaa puke

 

Pohaku Heaha, Kepa, Lei ilio, Kaulohe

Ilio, Puhi, Upa, Pahi-umiumi, Kalapo

Kope-hala, Palapala, Pepa Kaʻa

kala, Lina Hao, Anui, Keekiamo

 

Kaula Opu

 

PALAU!

O na ano he nui wale.

 

Oo, Ho, Kopala, Pe, Kipikua, Hao Kope,

Ho, a pela aku, Kua Bipi, Lei Ripi

Kaulahao Bipi, Uwea Pa,

Uwea Keleawe, HAO PILI PIULA

Kaa Palala, Ipu Hao, pu Iʻi, PA PALAI

 

Makau me Aho Lawaia

Hiwai, Papa Holoi, Kopa Ala,

Kaula Kuaina, Huʻakai, Ehi Wawae,

Hulu Pena, Kopaholoi, a pela aku;

Pena Wali, Kini nui a me liilii o na

ano a pau, me ka Pepa Kuhikuhi.

Pena Keokeo, Aila Pena, Aila

Hoomaloo, Vaniki Kaa a me

Vaniki Moe.

 

Pena Hoomaloo

A me aniani hale

 

AilaMaliu, Aila Mikini, Aila Hamo lii.

Aila Kaa, huika Kamaa; Pauola,

Kukaepele, Kiano Pauola, Uihi

Ipuhukai o na ano he nui a lehulehu

 

NA PAKEKE POI

o ke

ANO HOU LOA!

 

Na Mea Piula!

MIKINI HUMUHUMU.

MIKINI A WILCOX ME GIEBS,

Na Mikina a Remington.

 

         He nui loa na mea hao me na eha; e ae o na ano a pau, aole hiki ke....aku, hewa i ka wai no maka ke ike.

 

LAAU LAPAAU KAULANA LOA A

DR. JAYNE

Laau Hoomaemae Koko

Laay Hoopau Naio,

Laau Kunu, Penikila.

Huaole, Paakai,

Laau Hoopaa Hamo

 

Na-Laau-Hamo,

a pela aku, a pela ano

 

KAKELA & KUKE,