Ka Nupepa Kuokoa, Volume XXX, Number 41, 10 October 1891 — NA LETA. [ARTICLE]

NA LETA.

| Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe mea kakau. Nawai i Huna i ke Aloha Aina? (Hoopau Loa.) Ua hala io aku la ke au o ko kakou noho pio ana malalo o ka auamo hooluhi a ke aloha ole a ka enemi huna i ko kakou aioha aina. He au hou keia, he Moiwahine ke ku hoe, he au nae i kaulana i ka palakai o na hookohu oihana. He puhala ka ihu nana i ke kaao wale iho no ka na Kuhina o ke alii aohe eleeleu wahi hana mai. Ke ka mai nei ke aho o ka Moiwahine i na makaainana, a ke kono mai nei i hookahi umauma i mua e panee pu ai i ka waa aupuni e loaa na pomaikai, ke koena aku hoi o ua pomaikai i ioaa i na mua kaikunane. Heaha ka kakou e hana ai i loaa hou mai ona mau pomaikai i umi a puaa ia ai e ka enemi o na la i hala? Eia, e koho kakou i mau kanaka naauao a kuio ke aloha i ka noho alii, ka aina a me ka lahui e hele ai i ka ahaolelo. Aole paha au e hoopiiia no ka laibila, ke waiho aku au i keia mau inoa malalo iho, a'u i ike ai he aloha kuio ko lakou i ka noho alii, ka lahui a me ka aina, a e wae ae mailoko o ia puulu i mau moho lunamakaainana no na apana koho o Kona, Oahu nei, oia keia: S. Mahelona, D. L. Naone, M. Keliiaa, S. M. Kaaukai, S. K. Kane, Hanale Walakahauki, Kimo Mogana, Maka Robikana. Aole owau wale kai paulele i keia papa inoa maikai nui wale, aka o kakou no a pau loa ka poe i hookuu ia mai na manao lili oihaua ae, koe aku no ka Hul Kalaiaina paa pua pua moa na lakou na kumuhana hele i kuahewa i ka mala a ke alii a Kamehameha. E na hoa makaainana o'u, he mau keiki papa nae wale no kakou a he mau kamaaina hoi i keia papa inoa ae la maluna no ke kaana ana i ka poe kupono e hoouna aku ai. J. N.