Ka Nupepa Kuokoa, Volume XXXI, Number 1, 2 January 1892 — Page 1

Ka Nupepa Kuokoa

KE KILOHANA POOKELANO KA LAHUI HAWAII.

 

BUKE XXXI. HELU 1. HONOLULU, POAONO, IANUARI 2, 1892. NA HELU A PAU, 2370

 

Hoolaha Lois.

@A.

@

@ ke Kanawai.

@ PALAPALA.

@ Kaahumanu

@M LOWREY.

@LEHULEHU.

A ME ---

@PALAPALA A ME NA

Palapala @

K@ hana me W. R. Kakela,

@ ma ka aoao makai o ka Hale

@ Honolulu.                233@

CECIL BROWN,

Loio a he Kokua ma ke Kanawai

HE AGENA HOOIAIO PALAPALA NO

KA MOKUPUNI O OAHU

Keena Hana   Ma Alanui Kalepa.

            2331

 

E. G. HITCHCOCK,

(AI@UE HIKIKOKI)

Loio a Kokua ma na mea a pau

e pili ana ma ke Kanawai.

OHIIA NO NA BILA AIE ME KA AWIWI

      Hilo, Hawaii.         2331

 

GEORGE P. KAMAUOHA,

Loio a he Kokua ma ke Kanawai.

Notari no ka Lehulehu,

      Luna Haawi Palapala Ae Mare.

                        No Kohala Akau, Hawaii.

            -- A ME ---

            MEA ANA AINA.

@ loaa no ma Kohala Akau, Hawaii.

                        2331

 

W. R. KAKELA,

@ a he Kokua ma ke Kanawai.

HE LUNA HOOIAIO PALAPALA.

                        2331

 

WILLIAM C. ACHI,

Loio a he Kokua ma ke Kanawai

imua o na Aha a pau o kelaa Aupuni.

@Notari no ka Lehulehu a Boroka no na Waiwai Paa.

Keena Oihana, Helu 3@, Alanui

Kalepa, Honolulu, Oahu.  2331

 

JAMES M. MONSARRAT,

(MAUNAKEA.

Loio he Kokua ma ke Kanawai.

HE LUNA HOOIAIO PALAPALA.

E hana ia no na Palapala Kuai, Palapala hoolimalima, a me na Palapala Pili Kanawai @ me ka olelo Hawaii. Dala no ka @ ma ka moraki ma na Waiwai Paa.

Keena Hana : Hale Pohaku hou ma ka @ ma Waikiki o ka Halewai, alanui Ka@   2331

 

LILILEHUA,

LOLO MA KA KANAWAI.

@Hooiaio Palapala no ka lehulehu, kakau Palapala Kuai. Hoolimalima, Moraki, me na @ palapala pili Kanawai a pau @ana Kaweh@manu Kaluaaha, M@ka                       2@1

WILDER & CO., (WAILA MA.)

@ea K@ Papa a me na Lako kukulu hale o na ano a pau, a me na mea e ae a pau e pono ai o ka hale.

Kihi o Alanui M@iwahine me Papa.

3344

 

KO BIHOPA MA,

BANAKO MALAMA DALA

E LAWE NO MAKOU I NA DALA HOOMOE me ka h@ ana ma ko makou BANAKO malama Dala

malalo o keia mau kumu:

      Ina @ hoomoe mai ke kanaka hookahi i na Dala Elima Haneri, e uku no makou i ka uku @ me ka Elima Mapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe (ekolu mahina, a @waih@ paha ke dala a @ala na malama @ ka @ hooponopono ia ai na helu. I helu ia maluna o na dala ha@ paha o ka mahina @ o uku ia i na dala @ lawe ia @ mahine mai ka wa aku o ke @o ka @hi ana aku o ke@ m@ dala, e hoike e mai i@ pu ia mai ka buke dala @

a, aia wale no ma ke kikoo @moe mai i ke dala me ka @ke h@hu dala.

@ o kela a me keia @ponopono ia ai na helu o na @ uku panee i uku @ ia ma

@ a pau o waiho ano me ke

@ la ma ka @ o ka mea

@ i hala ma malama ekolu, a me

@i@ me ke kumu pa@ .

hoop@ o mai maluna o elima

@we ia no mamuli o ka @

ka Banako m@ no ia a pau o

@ n@ ia Sabati a me na la

BIHOPA MA.

      2@44-q

 

@ERHOUSE,

@UKI,)

ani Panio !

@hiko,

@niu.

 

Col 2

He Moolelo

--NO--

NIWELA !

--KE--

Kanaka Hana Pu o Mosekao

--KA--

Weli o ka Makakila.

Valadimira ka Moneka

KE AUPUNI O RUSIA MALALO O PETERO KA NUI.

Ka Weli o ke Keneturia Umikumamahiku

MOKUNA I.

NA LA OPIO--KE KAMAHELE O KE AUMOE.

      "Ke hoomaikai hou aku nei au ia oe e kuu keiki mamuli o kou mau manao maikai no'u," wahi a ka moneka.

      A oiai laua o noho ana maloko o ka rumi, aia na maka o ka moneka malihini ke hakilo malu la i na helehelena o ka opio hana pu. Ia laua e nanea ana ua hoea mai la o Kalaudia a hoike mai la ua makaukau na mea ai pumehana na ka malihini. Mahope iho o ko Niwela hookamaaina ana i kana malihini me kona makuahine ua haele aku la laua no ke keena paina no ka hanai ana i ka malihini me na mea ai pumehana.

      Ua komo ka hoohuoi iloko o Ruleka no keia makua moneka, oiai aia ma na onohi maka a me kekahi mau mea e pili ana i kona mau helehelena, me he mea la ua ike mua no ola, aka nae o kona wahi i ike mua ai aole e hiki iaia ke hoomaopopo. I ka manawa o ua moneka ia e paina ana ua hoike mai la ola i kona inoa ia Ruleka, o Valadimara ka Moneka, a pela no o Ruleka i kona luoa. Mahope o ka paina ana ua lawe aku ia o Ruleka iaia no kona keena moe pumehana i hoomakaukau ia e ka makuahine maikai. Haawi mai ia ola i na hoomaikai ana ia Ruleka a haule aku ia oia e hooluolu in kona maluhiluhi. Hoi aku ia no hoi o Ruleka me ka Makuahine maikai. Haawi mai ia ola i na hoomaikai ana ia Ruleka a haule aku la oia e hooluolu i kona maluhiluhi. Hoi aku ia no hoi o Ruleka me ka makuahine no ko lausa mau keena moe, aka nae sole he loaa iki he manawa e pili ai ko ka opio mau lihilihi maka, olai ua lilo na helehelena o ka moneka i mea na kona noonoo e hakukoi mau ai a hiki wale no i na hora o ka wanaao, akahi no a loaa iaia he hiamoe ana, a i kona hihio ana iho ua halawai aku la kona uhane me ke akaku o ke kahuna moneka pahaohao.

      I ke a@a ana ae o Ruleka i ke kakahiaka ua halawai aku la oia me kana malihini maloko o ka rumi hookipa, oiai ua ala mua ae la ka moneka i ka wa kakahiaka nui loa a ua makaukau hoi ka papaaina no ka paina in na lima maiau o kona mama. Ua akoakoa ae ia lakou a pau no ka papaaina a hoonuu iho la i  na mea ai pumehana i hoomakaukau ia. I ka pau ana o ka ai ana na hele koke aku la o Ruleka me kona wahi kokoolua no ko laua hale hana, me ka ukali pu ana aku o ke kahuna moneka.

      Ua hoonaia iho ka moneka i kekahi manawa loihi ma ka nana ana i na lako kaua i hana noeau ia e na lima o ka opio a ua nui kona mahalo. A i ka wa o Ruleka e hoomaikai ana i kekahi mau pu panapana, ua hakilo malie aku la ka moneka i ke ano o kana hana ana, no la mea ua waiho ka opio i kana hana a pane mal@a me ka leo oluolu i ka moneka, --

"E kala mai ia'u e ka makua

 

Col 3

maikai no ka ninau ana aku ia oe no kekahi mea a''u i manao nui ai, oia hoi, aole anei au i ike ia oe mamua ?"

      Minoaka iho ia ka moneka a pane aku la: "Pehea ia e hiki ai la'u ke hoike aku i kena mea ia oe e kuu keiki, aka ua mapopo ia'u akahi no oe a ike ia'u i ke ahiahi nei, a pela no noi au ia oe; nolaila aole o'u makemake e hoonui wale aku i kou pahaohao no'u, no ia mea o Valadimira ka Moneka wale iho no au he kahuna no ka oihana laa o Mikaela." Hopu aku la oia i ka lima akau o Ruleka a pane hou aku la: "Ke hoopa ia oe e kuu keiki hiwahiwa i ke kaula ume a i ke ki hoi o ka uhane oiaio o ke aloha mawehe ole, a aole he hana e ae a ko'u uhane e hauoli ai no ka hooko aku e like me ka hana ana aku i kekahi mea no ka kokua ana aku ia oe, a malia aia no he wa a ka oluolu o na Lani e hoohalawai hou ai ia kaua ma keia mua aku he alo a he alo, a na ia mea e hoike mai i ka mea iloko o ko'u puuwai no kou lokomaikai, a na ke ahonui o ka Makua Lani e kokua mai ia oe ma kau mau lawelawe  hana ana."

      I ka pau ana o keia mau olelo, ua puka aku la ka moneka a kaha aku la ma kona alahele.

 

MOKUNA II.

KE KAUNA DAMONOFO--NA KUKAI

OLELO HAHANA--HUE'A KA

NOA HUNA.

      I KA HALA ana aku o ka moneka, ua lawelawe hou iho la o Ruleka i kana hana me ka nalu ana iloko ona no ke ano kupa@a@aha o na olelo me na hana a kela moneka, a liuliu ua ninau aku la oia ia Paulo kona wahi kokoolua: "Ua ike mua anei oe e Paulo i kela wahi moneka?"

      Aole he ekemu mai o kahi keiki, aka ua luliluli wale ae la no kona poo me he la e hoole mai ana.

      "Aole anei oe i ike mua laia e kuu Paulo?" wahi a Ruleka i ninau hou aku ai.

      "He mea pahaohao loa kela ia'u e kuu haku," i pane mai ai kahi keiki.

      Mahope iho ua hoomau aku la laua ma ka laua hana me ka ekemu leo o@.A i ka hoea ana aku i ka hora 10 o ia kakahiaka, oiai o Ruleka Niwela e hoohinuhinu ana i na papalina o kekahi pu raifela, aia hoi ua wehe ia mai la ka puka mahope o ko laua hale hana a komo mai la he elua mau kanaka opio, i aahuia me na aahu o na poe kiekie o ka aina, oiai na aahu hulu bea e hiolo ana ma ko laua mau kipoohiwi. Ua hoomaopopo aku la ka opio hana pu i keia mau malihini i komo mai la, oia no ke Kauna Damonofo a me Urazena kone hoaloha.

      "Ke ole au e kuhihewa, eia au ke ku aku nei imua o Ruleka Niwela?" wahi a Kauna Damonofo i pane mai ai.

      "Ae, oia no me ka haahaa," i pane aku ai o Niwela me ke ano pihoihoi ole, oiai ua kuluma mau ia kona hale i ke kipa ia aku e na poe o kela a me keia kulana.

      I kela manawa ua ano naka ae la me ka haalulu na lehelehe o ke Kauna, me ka haikea iki ana ae o kona mau papalina. Ua hoomaopopo aku la no o Ruleka Niwela i kela ano o ke kauna opio, aka ua manao iho ia nae oia ua hoea mai kela ano @ mamuli o ke anu o ka hele ana mai; eia nae, ua hoopau koke la kela kuhihewa ona mamuli o ka pane koke ana mai o ua kauna la penei: "Ua launa anei oe me ka lede Roselina Valadi?"

      "Ae," i pane aku ai o Ruleka me kona hoomaopopo ana iho i ke kuamoo a kona hoa e manao la @ kakele mai.

      "E hoolohe oe a e hoomaopopo hoi," i pane mai ai ua kauna la me ka leo kaka-na, a me ka pii ana ae o ka ena i kona mau maka, "he mea hiki loa no ke hooki koke ia keia hana a kaua iloko o ka wa pokole ma ko'u hoike ana aku ia oe--ua makaukau au e lawe ia Roselina i wahine mare ua'u."

      "Heaha iho ia kau o ka hele ana mai ia'u no ia mea, oiai aole la'u kou mare iaia a me ka ole?" wahi a Ruleka i pane aku ai me ka leo kuoo.

      Mamuli o keia mau olelo, ua pii ae la ka ena o ua kauna la, a pane mai la, "Aole ka oe i ike ua aloha

oe i keia wahine opio."

      "E ke kauna opio, ke kamailio mai nei oe i ka mea au a me a'u i kuleana ole ai. Oiai, aloe loa he kanaka malalo iho o ka lani e hiki ke punuku wale mai i ko'u mau noonoo, koe wale iho no ka Emepera@ilihia o Rusia nei."

      Ua kamailio aku o Ruleka imua o ke kauna me ka wiwo ole, me ka haili ana iho o ka inaina maluna o kona mau helehelena.

                                                                        Aole i pau.

Col 4

 

 

ALUMANAKA NO 1892.

   IANUARI.                MEI.                  SEPATEMABA.

S  M  T  W  T  F  S     S  M  T  W  T  F  S      S  M  T  W  T  F  S

                1  2     1  2  3  4  5  6  7                  1  2  3

 3  4  5  6  7  8  9     8  9 10 11 12 13 14      4  5  6  7  8  9 10

10 11 12 13 14 15 16    15 16 17 18 19 20 21     11 12 13 14 15 16 17

17 18 19 20 21 22 23    22 23 24 25 26 27 28     18 19 20 21 22 23 24

24 25 26 27 28 29 30    29 30 31 . . . . . .     25 26 27 28 29 30. .

31 . . . . . . . . .     . . . . . . . . . .     . . . . . . . . . .

 

      FEBERUARI.                IUNE.                   OKATOBA.

S  M  T  W  T  F  S     S  M  T  W  T  F  S      S  M  T  W  T  F  S

    1  2  3  4  5  6              1  2  3  4                        1

 7  8  9 10 11 12 13     5  6  7  8  9 10 11      2  3  4  5  6  7  8

14 15 16 17 18 19 20    12 13 14 15 16 17 18      9 10 11 12 13 14 15

21 22 23 24 25 26 27    19 20 21 22 23 24 25     16 17 18 19 20 21 22

28 29 . . . . . . .     26 27 28 29 30 . . .     23 24 25 26 27 28 29

. . . . . . . . . . . . . . . . . . . . . .      30 31 . . . . . . .

 

 

      MARAKI.                  IULAI.                  NOVEMABA.

S  M  T  W  T  F  S     S  M  T  W  T  F  S      S  M  T  W  T  F  S

       1  2  3  4  5                    1  2            1  2  3  4  5 

 6  7  8  9 10 11 12     3  4  5  6  7  8  9      6  7  8  9 10 11 12

13 14 15 16 17 18 19    10 11 12 13 14 15 16     13 14 15 16 17 18 19

20 21 22 23 24 25 26    17 18 19 20 21 22 23     20 21 22 23 24 25 26

27 28 29 30 31 . . .    24 25 26 27 28 29 30     27 28 29 30 . . . . .

. . . . . . . . . .     31 . . . . . . . . .     . . . . . . . . . . .

 

      APERILA.                 AUCATE.                 DEKEMABA.

S  M  T  W  T  F  S     S  M  T  W  T  F  S      S  M  T  W  T  F  S

                1  2        1  2  3  4  5  6                  1  2  3

 3  4  5  6  7  8  9     7  8  9 10 11 12 13      4  5  6  7  8  9 10

10 11 12 13 14 15 16    14 15 16 17 18 19 20     11 12 13 14 15 16 17

17 18 19 20 21 22 23    21 22 23 24 25 26 27     18 19 20 21 22 23 24

24 25 26 27 28 29 30    28 29 30 31 . . . .      25 26 27 28 29 30 31

 

 

 

 

 

NANEA KAMAHAO

 O KE

KEIKIALII

ROMEALA;

KA--

Ui Kila Mageneti

O PARAMERI.

Ka Nani e haule ai ka Honua;

      Ka Mahina Meli o Salaredina;

            Ka La Alohi o Mulisedera:

                        Na Kulu Koko Kama@ao Ekolu.

Na Ui Hookelakela

O KE AO HOLOOKOA.

NA NANI

Puuwai Uahoa o ka Honua nei,

--A O KE--

Kila Mageneti o ke Aloha--"O Parameri no ia."

Nolaila e like me ka mea i poni ia no'u aole au na ka mea hookahi, aole hoi na na mea elua a ekolu, aka na ke ao holookoa, a o ka mea e kupaa ana imua o'u mailoko mai o keia honua holookoa, oia auanei ka'u ipo a pau na la o ka honua.

      Aka e noa ui, ua like ia oukou ka hanohano o ka haaheo ana me ke kalaunu alii o Parameri, a ke kipa ae oukou ma ua aupuni la o ka meli a me ka wa@u, aia he nui loa na wahi ma ka hale o ko'u makua i hoomakaukau ia no na malihini. Ano e na ui, ua lawa ka'u mau hoomaikeike ana, a eia au ma ka huakai paio o ka hookelakela me ko ke ao holookoa a hiki i ka loaa ana o ko'u hoa--ka io i ka io ka iwi i ka iwi.

      Alaila e ka mea heluhelu, me kela mau olelo ae la a ka loea, haawi aku la oia i ke aloha hope loa i na ui ekolu o Pitera, a me ka leo kauoha hope loa a ua loea la maluna o kana mau kauwa hoolohe, aia ua kila makene@i nei e puahiohio hele ana i ka lewa maluna o na palena o Mauna Aniani no ka puka pohihihi o Muliwai Akea ka pahu hopu. Ma keia wahi e ka ma heluhelu e lawe mai ai kaua i ke kahua o ka kaua kamailio ana a nana aku maluna o na palena puni ole o ka honua poepoe e ike a hoomaopopo iho no kaua aole no i lihi launa aku o Romeala i ka hopena o kana huakai. Oiai aia ma ke aio o kana huakai hele he nui a lehuehu na aupuni ana e kipa aku ai malalo o kona moto haaheo o ka hookelakela mamua o kona hoohiki loa ana aku no ke aupuni o Homelana.

Col 5

      Iwaena o na aupuni a Romeala i kipa aku ai, o ke aupuni kekahi o Raianapo, kahi hoi nona na panihao paakiki a ua loea nei o ke ao i hoike aku ai i na ui ekolu o Pitera, e hoea aku ana oia no ua aupuni la a wawahi aku i ka paakiki o ua mau panihao nei me ka haaheo o kona inoa--ke kila makeneti kaulana o ke aupuni o Parameri.

      Nolaila e ka makamaka heluhelu o ka moolelo kamahao o ke keikialii Romeala, ia kaua e makaikai aku ai no na hana a ua kila makeneti nei maluna o ke aupuni o Raianapo e olelo pokole ae kaua ma keia wahi, ua kaahele ia e ua @ ao holookoa iloko o na makahiki loihi ekolu, a o ia mau aupuni a pau a ua loea la i kipa aku ai, ua auhulihia wale no.

[Aole i pau.]

 

AILUENE KOMOHEWA.

      Manamana, Dek. 26.--He mea akaaka ia'u a pe@a no paha ka lehulehu a pau, ko'u ike maopopo ana aku ia Ailuene Buki, i ka wa e malama ia ana ka hukihuki kaula maloko o ka Hale Paikau ma Manamana i ka po Poaono i hala, i ka aloalo o kona mau maka mawaho aku o ka paia hakahaka o ka hale a i kona koho ana paha aohe mea kokoke aku, ua pinana ino aku la ia me he popoki la a poholo ana iloko o ka huikau kanaka oloko. Eia ihea ua manao hoopono nei o ua luna kahiko nei o ka hoomana Poahiku? He hana pono anei kela ana?      KIU HOOHAEHAE.

 

Aohe Laau e Oi ae.

      Ua lawe ae o Kauka R. L. St. John o Missouri a hoomaikeike mai i ka Chamberlain Laau Kunu, no ka mea ua ike oia i ke oia maoli.

      Ua haawi oia i ua laau nei i kona wa e lawelawe lapaau ana no kekahi mau makahiki lehulehu, a ke olelo mai nei oia aohe laau oi e ae e like me keia. He laau waiwai loa no ke anu e oia a e paie aku ai a he hoola no ka mai kunu. Ela ke kuai ia nei kela laau lapaau waiwai loa ma ka Halekuai o Benson, Smith & Co., na Agena ma Hawaii nei.

 

      Ua lohe mai makou, ua hookohu ia aku o W. H. Daniels o Wailuku i lala no ka Papa Koho Balota o Wailuku Hema pahu ekahi, a ua hoole loa oia i kona inoa ma ke komo ana iloko o ka heluna o na moho lunamakaainana a ka Aoao Libaraia Hawaii no kona hilahila i ke kapa ia e na kanaka he hookahuli aupuni ia Aoao Libaraia.

 

Col 6.

HE MOOLELO HOONIUA PUUWAI

--NO KA--

Ui Nohea Berela.

Ke Kamehai hoopono--Ke kupaa

me ka luli ole--He wahine na ke

kane hookahi--Ke au popilikia

a me ka huli ana o ka pomaikai

mahope o ka wahine.

MOKUNA IV.

      Ina e loaa ana ia'u ka laki no ka mare hou ana i wahine hou, alaila e akahele loa ana au aole e hikii makapo ia e like me kuu mare ana i kela wahi kaikamahine papalina nohea Berela, aka ua paa kuu manao e mare me kekahi lede waiwai a inoa kiekie hoi. Eia nae, aole paha e loaa hou ana ke aloha i ko'u naau no ia wahine hou aku e like me ko'u aloha ia Berela. O! ina no hoi paha he waiwai oia, aole loa la au e haalele iki iaia, oiai oia io no ka wahine mua loa a ko'u puuwai i aloha oiaio loa ai. Aka he mea makehewa nae ia'u e uwe wale aku no i ke kiaha walu i hanini. Nolaila ua pau au me Berela, a na na lani e haawi aku iaia i kane hou nana i kupono i kona kulana haahaa, a no'u nei, aole au no ke kulana haahaa, aka no ka poai au o ka poe koikoi o Ladana, e like me ka ui o ko'u helehelena pela no e kohu ai ia'u ke kulana hanohano o ka oihana alii hanau o ka aina nona na kukuna la pio ole.

      Ua lilo kela mea na ko Berela naau e nalu nui ai, a ma kekahi manawa pii mai ia ka manao makona iloko o kona puuwai opiopio no ua kane'la ana, aka ua kaomi malie iho ia kona lunaikahela, oiai wahi a kona manao, malia paha ua make io no ka'u kane, nolaila he mea hewa loa no'u ka hoopunahele ana i na manao ino nona. Aka ua ikaika nae ka paio ana o keia mau manao ino iloko ona, a ma kekahi manawa, ua olelo maoli ae la no oia, aole loa e hiki ia'u ke kanikau no kekahi kanaka i olelo iho, ua hupo kona mare ana ia'u, a ua mihi hoi oia no ko'u ilihune, oiai ua kamailio mua aku no au iaia he wahi kama makua ole au, aka paakiki mai no nae ia i ka mare ia'u, nolaila aole loa au e kala iki aku ana iaia, a o ke aloha a'u i hoopunahele ai nona ke kiola loa nei au mai ko'u naau aku, a ma kona wahi e noho ia ana e ka hoowahawaha haalele loa nona.

      Ke hoomaopopo lea nei au, aole oia he keonimana, aka he palaualelo ake wawiwai a me ka hanohano o ko hai hou i huli ai, nolaila, aole loa e hiki i ko'u uhane ke aloha i kekahi kino kanaka o ia ano, oiai, he haahaa ia i haule iho malalo o ko kekahi holoholona uhane ole, a ua ahona au e aloha i kekahi kanaka ahiu o na waoakua o Aferika mamua o keia kanaka, ke kanaka hoi nana i aihue i ka muo o ko'u puuwai, aka, na ka lokokaikai o na lani e kokua mai ia'u.

      I ka hala ana o na pule elua ma ia hope mai, ua hoi hou mai ia ka ikaika kupono o ko Berela kino, aka aia nae maluna o kona helehelena ui nohea a me na maka hoi i piha me na minoaka hauoli o ka wa opio, ua nalohia aku ia mau ano mai kona mau helehelena opiopio aku, a ma kona makalua hoi, e haiamu ana ke ano kuoo a me na kahoaka o ka hana mau ana o na noonoo kuliu, a ua nalohia aku hoi na minoaka olu waipahe mai kona mau papalina aku, a ua noho alii ae hoi ke kuoo ma ia wahi, e hoike ana, ua ili iho he ukana nui koikoi maluna o ka puuwai o keia lede opio a na lima o ka makua lani i kahakaha ai me ka malau o kona mana kiekie loa.

Col7

He mea oiaio, me he la ma ka nana aku, ua oi ae ka ui o Ber@a i keia wa a ke koikoi e hekau ana maluna o kona oiwi lahilahi mamua o kona mau ia e luakaha ana iloko o ka hauoli ma na kapa wai lana malie o Genewa, oiai iloko oia mau @a, he wahi kaikamahine ui piha hauoli o Berela, aka i kela wa he lede oia me na uahoa a ko keia ao e hekau ana maluna ona, aka ua auamo nae oia i keia koikoi me ke kulana kapu ihi, au hoi e ka malihini e koho koke aku ai, he lede oia o ke kulana kiekie loa, a kaua hoi e ka mea heluhelu o lihi launa ole aku ai.

      Iaia e ku ana ma kekahi puka aniani hooluolu o kona keena me ke kilohi ana i ka waiho lahalaha mai a ka aina, ua nalu iho ia kona naau, a puana malie ae'la. "E hoomaka ana au e hele i ka loa a me ka laula o ke@a honua no ka imi ana i ka oiaio a kuu naau e paulele nei, a e hoomaemae ae hoi i ka inoa o kuu makuahine, a ke ole au e kuhihewa e loaa ana i'au ka mole o keia mau hana awahua a ke kanaka i hana ai i kumu paha e loaa ai iaia ka waiwai a me ka hanohano pau wale o ke@a ao.

      Oiai o Berela e nalu ana i ke@a mau mea, ua lohe ole oia i ka wehe palanehe ia ana mai o ka puka o kona keena, a hikilele oia i ka hoopa malie ana iho o kekahi lima maluna o kona poohiwi a pane iho la he leo. "E kuu kaikamahine aloha, heaha ka luuluu o kou naau mai kaumaha oe no kekahi mea i kupono ole e haawi ia he wahi lihi o kou noonoo no kekahi sekona."

      E kala mai e kuu hoaloha oiaio, aole o'u maopopo i kau e kamailio mai nei? wahi a Berela. Pane mai la ka lede mea hale, mahope o kekahi mau sekona pokole. Ke manao io nei au aole i make ko kane, aka, e kala mai oe ia'u.

      E kuu makamaka, e pono ia kaua e waiho aku i kela mea i na lani oiai i na he oiaio. Mahope iho o ko laua kamakamailio ana no kekahi wa, ua hoopuka aku ia o Berela i kona manao. Ua hooholo iho nei au e hele ana au e huli hana na'u, nolaila ke makana aku nei au ia oe i na lole a pau a Dane i haawi mai ai ia'u, a me na lako gula, oiai aole loa e hiki ia'u ke komo a ke malama i kekahi o kona mau mea i haawi mai ai ia'u. E oluolu ana anei oe e lawe aku i keia mau wahi makana haahaa au?

      E pono oe e malama ia mau mea nou iho, wahi a ka lede mea hale. Aole loa e hiki ia'u, ua ahona au e kiola ia mau mea a pau mamua o ko'u malama ana ia mau mea. Ina ua hiki ole ia oe ke malama i keia mau mea nou iho, alaila, ke lawe nei au i keia mau makana kiekie au e kuu kaikamahine me ka hiki ole ia'u ke panai aku i na hoomaikai ana ia oe me na huaolelo, aka e hiipoi mau au ma ko'u naau, a e lilo no hoi oe i kia hoomanao mau na ko'u uhane e lei mau ai, a ia oe e hele ana i ka loa a me ka laula o keia honua e ukali mau ka'u mau mamala haipule ma kou meheu, a na ka lokomaikai o na lani e kiai a e malama mau ia oe ma na wahi a pau.

      Ma kekahi ia ae, ua liuliu ae la o Berela no kona huakai hele, a aahu iho ia oia i kekahi o kona mau aahu kahiko o na la kuka. Aole loa kekahi hoailona kanikau iluna o kona aahu. Mahope iho o kona apo aloha ana me ka lede mea hale, a o kona hoaloha hookahi hoi iloko o na la o kona ehaeha, ua kamoe pololei aku la kona mau kapuai wawae no ka uapo kumoku, a o kona wahi paiki lole hoi ua houna ia aku la e ka lede mea hale iluna o ka moku mahu, ma ka lima o kona kanaka lawelawe.

      Kau aku la o Berela maluna o ka moku mahu me ka makamaka ole, a oiai, ko lakou moku e holo ana ma ke ala hookahi no ana i ike mua loa ai ai ia Dane, a ma ke a@a hookahi no hoi a laua i holo ai no ka hoopaa ana iaia iloko o ka berita paa loa, aka ma kela huakai hoi, o ia hookahi wale no keia e holo nei me kekahi wahi makamaka hookahi ole. Ma kona hoomanao ana iho, me he ia, ola hookahi wale iho no keia ma keia ao holookoa. I ka hala ana o na hora ekolu a oi iki, ua pili aku la ko ia nei moku ma ka uapo ku moku o ke kulanakaukale o Genewa Kau aku la ka kakou kamahele opio maluna o kekahi kaa lio a holo pololei aku la oia no ka hale Hotele. Hoohala iho ia o Berela ia la a po ma kona hotele, ma ke kuekaa akahele ana i na nupepa oia wahi no na mea e pili ana i kana kane, a i ka hoolawa ia ana o kona makemake, ua hookuu iho ia oia iaia iho no ka hooluolu ana i kona kino maluhiluhi, a ma kekahi kakahiaka ae mahope iho o ka pau ana o kona paina kakahiaka, ua kau hou aku ia oia maluna o kekahi kaa lawe ohua no ke kulanakauhale a ke kane i hiki ai mamua iho o ko laua pii ana i ke kuahiwi.

                                    Aole i pau