Ka Nupepa Kuokoa, Volume XXXI, Number 9, 27 February 1892 — Page 1
| This text was transcribed by: | Rob Escuadro |
| This work is dedicated to: | ko'u makuakane hanai John Louis Kea o Kaliahi, Oahu |
Ka Nupepa Kuokoa
KE KILOHANA POOKELA NO KA LAHUI HAWAII.
ME KO HAWAII PAEAINA I HUIIA.
BUKE XXXI HELU 9. HONOLULU, POAONO, FEBERUARI 27, 1892. NA HELU A PAU, 2378
Hoolaha Loio.
ANTONE ROSA, akoni
Lo@ @ Kokua ma ke Kanawai.
LUNA HOOIAIO PALAPALA.
Keena Hana ma Alanui Kaahumanu
@ @
NELLIE M LOWREY,
NOTARI no ka LEHULEHU
- A ME -
LUNA HOOIAIO PALAPALA A ME NA
PALAPALA HOOHIKI
Keena Hana me W. R. Kakela,
Loio, ma ka aoao makai o ka Hale Leta, Honolulu.
2331
CECIL BROWN,
Loio a he Kokua ma ke Kanawai
HE AGENA HOOIAIO PALAPALA NO KA
MOKUPUNI O OAHU.
Keena Hana
Ma Alanui Kalepa.
2331
E. G. HITCHCOCK,
(AIKUE HIKIKOKI.)
Loio a Kokua ma na mea a pau e pili anama ke Kanawai.
OHIIA NO NA BILA AIE ME KA AWIWI
Hilo, Hawaii.
2331
GEORGE P. KAMAUOHA,
Loio a he Kokua ma ke Kanawai.
Notari no ka Lehulehu,
Liuna Haawi Palapala Ae Mare.
No Kohala Akau, Hawaii.
- A HE -
MEA ANA AINA.
E loaa no ma Kohala Akau, Hawaii.
2331
W. R. KAKELA,
Loio a he Kokua ma ke Kanawai.
HE LUNA HOOIAIO PALAPALA.
2331
WILLIAM C. ACHI,
Loio a he Kokua ma ke Kanawai Imua o na Aha a pau o keia Aupuni.
He Notari no ka Lehulehu a Boroka no na Waiwai Paa.
Keena Oihana, Helu 36, Alanui Kalepa, Honolulu, Oahu.
2331
JAMES M. MOSARRAT,
(MAUNAKEA.)
Loio a he Kokua ma ke Kanawai.
HE LUNA HOOIAIO PALAPALA.
E hana ia no na Palapala Kuai, Palapala hoolimalima, a me na Palapala Pili Kanawai
e ae ma ka olelo Hawaii. Dala no ka hoaie ma ka moraki ma na Waiwai Paa.
Keena Hana: Halo Pohaku hou ma ka @au ma Waikiki o ka Halewai, alanui Ka@pa.
2331
WILDER & CO., (WAILA MA.)
Mea Kuaa Papa a me na Lako kukulu hale o na ano a pau,
a me na mea e ae a pau e pono ai o ka hale.
Kiho o Alanui Moiwahine me Papu.
2@ q
KO BIHOPA MA,
BANAKO MALAMA DALA
ELAWA NO MAKOU I NA DALA HOOMOE ma ka hoaie ana ma ko makou Banako malama Dala malalo o keia mau kumu:
Ina e hoomoe mai ke kauaka hookahi i na @ala Elima Haneri, o uku no makou i ka ukupanee ma ka Elima Hapahaneri o ka makahiki, @hai ka ua aku o ka lawe ia ana mai o ko dala, @e waiho ia ke dala hoomoe i ekolu mahina, a @ua waihoia paha ke dala a hala na malama @kelu i ka wa o hooponopono ia ai ua heluo. @ole uku pauee e helu ia maluna o na Dala ha@na no na le elua paha o ka mahina.
Aole uku panee e uku ia i na dala e lawe ia na maloko o ekolu mahina mai ka wa aku o ka hoomoe ia ana mai.
He @ la mamua ae o ka uauhi ana aku o kekahi kanaka i kana mau dala, e hoike e mai i ka NANAKO, a e luwe pu ia mai ka buke dala i ka wa e kikoo ai.
Aole dala e uku ia, ala wale no ma ke kikoo @ ka mea nana i hoomoe mai i ke dala me ka lawe pu mai i ka buke hoahu dala.
I ka la mua o Sepatemaba o kel a me keia makahiki e hooponopono ia ai na helu o na mea a pau, a o na uku panee i uku ole ia maluna o na pau dala a pau e waiho ana me ke @ikoo ole ia, e helu ia ma ka aoao o ka mea hoomoe dala mai i hala na malama ekolu, a ma na wa aku e hui ia me ke kumupaa mua.
O na puu dala hoomoe mai maluna o elima haneri dala, e lawe ia no mamuli o ka aelike pu ana.
E hamama ana ka Hauako ma na la a pau o ka hebedoma, koe na la Sabati a me ua la hulaia.
BIHOPA MA.
Honolulu, Ian
2337 q
J. T. WATERHOUSE,
(WALAKAHAUKI.)
Halekuai o na Lole Nani Panio!
LAKOHAO.
Na Lako Hana Mahiko.
A PELA AKU ME NUI WALE.
Alanui Moiwahine, …..Honolulu
2357-q
ALLEN & ROBINSON,
NA MEA KUAI PAPA O NA ANO A PAU E loaa no ma ka UWAPO O PAKAKA, Honolulu,
make kumukuai makepono loa, no ka pomaikai o ka lehulehu e makemake ana e kukulu haia.
A Kipa mai a e ike kumaka.
2357-q
HE MOOLELO
- NO -
NIWELA!
-KE -
Kanaka Hana Pu o Mosekao
- KA -
Weli o ka Makakila.
Waladimira ka Moneka.
KE AUPUNI O RUSIA MALALO O PETERO KA NUI.
Ka Weli o ke Keneturia Umikumamahiku
MOKUNA VIII.
HAUOLE KA UHIMAKA O KE KOLOHE
HE ELUA mau pule mahope iho o ko kakou ike ana i na mea i ike a i hanaia maloko o ka helealii o ka Emepera, aia hoi e noho ana ka ui Roselina Valadi maloko o kona keena hooluana me kona wahi kahu wahine opio Zenobe, ma kekahi ahiahi lai malie. Ia wa huli ae la ua ui nohea la me ka minoaka ana a pane aku la ia Zenobe:
"E kuu Zenobe maikai, oiai hoi o kaua wale no ko ka hale nei, nolaila ua hiki ia kaua ke kamakamaililio iki no kekahi mau mea. E hoike mai oe no kekahi mau mea. E hoike mai oe no kekahi mau mea e pili ana i kela moneka mau mea e pili ana i kela moneka eleele au i ike ai i kela kakahiaka. Owai la kona inoa?"
"O Valadimira!" i pane mai ai o Zenobe.
"Aha! Alaila, o hoike mai oe i kekahi mea e pili ana iaia, oiai he kanaka pahaohao loa kela?" i ninau aku ai o Roselina.
"E kuu haku aloha, he mea hiki ole ia'u ke ike i na mea e pili ana i kela kanaka, aka ua piha hauoli loa au nona me ke pahaohao pu. Oiai he malihini loa oia ia'u, aka nae, me he la ua ike mua au iaia mamua aku nei," wahi a Zenobe.
"A heaha ka olua mea i kamailio ai?" wahi a Roselina.
"Aole mau mea ano nui - o kona makemake wale no o ka ike i kekahi mau mea e pili ana nou a me Ruleka."
"Heaha kona makemake ia'u a mr Ruleka?"
"Ua makemake oia e ike ina paha he aloha oe la Ruleka. Ma ka'u hoomaopopo aku he keu kela a ka makua moneka maikai; he aloha oia ia Ruleka a me oe. Nolaila, ua hiki ole ia'u ke hoole aku i na mea a pau ana e ninau mai ai."
Heaha kau mea i hoike aku ai iaia?"
"Ua hoike aku au iaia he aloha oe ia Ruleka, a ua kamaaina olua mai na la kamalii mai; ua hoike pu aku au ua oi aku kou aloha ia Ruleka mamua o na mea e ae ma keia ili honua. A ko noi nei au ia oe e kala mai, ina ua hana au i kela me ke ku ole i kou makemake."
"Aole loa au e huhu ia oe e kuu Zenobe, oiai ua hana oe i ka mea pololei."
"Pehea la, ua kupono ole paha ko'u hoike ana aku iaia no kou aloha ia Ruleka?"
"Ua pono no e Zenobe, no ka mea he aloha io no au ia Ruleka Niwela."
"Eia kekahi mea a'u e hoike aku ai ia oe e kuu haku: O kela makua moneka kekahi o na kanaka oluolu a maikai, a maluna o na mea a pau, he aloha oia la oe a me Ruleka Niwela."
"Nani wale ka hoi ina au e ike aku ana iaia."
"Aole loa oe e hoohewahewa iki ana iaia e kuu haku ina oe e ike ana. He aahu kona e komo mau ai o ke ano eleele. I keia la iho nei he velveta eleele kona e aahu ana. He kanaka nui momona oia e loaa ole ai kona lua ma Mosekao nei a puni," wahi a Zenobe.
He manawa loihi ko laua i kukai olelo ai, a ua hoike pu aku o Zenobe i na mea a ka moneka i hoike mai ai iaia e pili ana i ka hakaka pahikaua mawaena o Ruleka a me ke Kauna Damonofa; aka, mamua o ka hiki ana ia Roselina ke pane mai no na mea a Zenobe i hoike mai ai iaia, ua hemo mai la ka puka o ka rumi a laua e noho ana a komo mai la ke Duke o Tla. Iaia i komo mai ai ua minoaka iho la oia me na maka hoihoi, he mea hoi i maa ole iaia mai mua mai, me kona haawi ana mai i kekahi hoailona ia Zenobe e puka iwaho. Ua puka io aku la o Zenobe iwaho a noho iho la ke Duke me kana hanai.
He mea mau ia Roselina i na wa a pau a kona makua hanai i na wa a pau a kona makua hanai e hele mai ai i ona la, e lele wale ana no kona hauli, oiai aia ma na maka o kela kanaka hookano na ouli o ka uahoa a me ka nonohua, a he kanaka hoi i weli ia e ko Rusia holokoa. No ka mea, oia no ka mana elua maluna o ka aina; a ua maopopo i na mea a pau o kana mau mea e makemake ai ua hooko wale ia no e ka Emepera, a no ia kumu i komo mai ai ka hopohopo iloko o ka opio wahine no keia kanaka.
Ua maopopo koke aku la no i ka ui he mea hou ano nui ka kona makua hanai e hoike mai ana iaia, oiai ua hoike mai kona mau ano ia mea, a o ua mea la - heaha la ia? Aka, e hoopau koke ia ana nae kona pohihihi, no ka mea aole e hiki ia Satana ke uui iho i kona mau manao awahua. Ua noho hamau laua no kekahi mau sekona, alaila pane mai la ke Duke:
"E Roselina, ua lohe mai au e oluolu koke ana ka eha o ke Kauna Damonofa, pela ka hoike a na kauka."
"Ina pela, he oi ko'u hauoli," wahi a Roselina me na maka hoihoi.
"Ae. Aka, malia paha aole ou manao nui loa nona?" i ninau mai ai ua Duke la me ka hakilo akahele ana i na helehelena o Roselina.
"No ke Kauna anei kau e ninau mai nei?" i pane aku ai o Roselina.
"Ae, nona hoi au e ninau aku nei ina he manao nui oe iaia?"
"Aole no o'u manao nui loa nona, aka, he manao no au iaia e like me ka hoaloha, a i ole makamaka e ae paha," wahi a Roselina.
"A-he! E kuhi ana au he aloha ae iaia," wahi a ke Duke me kona mau papalina i hele a haikea.
"Aole loa au i aloha iki iaia," wahi a Roselina me ke kaulono ana aku o kona mau maka imua o kona makua hanai.
"Pela ia ka! Alaila, ua maopopo aku la ia'u aia kou aloha i ka mea okoa. Me he mea la, aole i i hookau pono ia kou aloha maluna o kekahi mea i kulike me kou ano, ka mea hoi nana e pulama aku i kou kulana me ke kapukapu."
Ua ano haalulu ae la ko Roselina kino mai luna a lalo, a ua ano hiki ole iaia ke nana pono aku i na maka o kona makua hanai, oiai ua loaa pono mai la oia i na olelo a kona makua. Aka, ua hoomau mai la no ua Duke la i ke kamailio ana, -
"E kuu Roselina, i hele mai nei au e hoike aku imua ou i kekahi mea ano nui e pili ana i ko'u ola ana, aole nae au e hoike aku ana ma ke ano he mea mama wale no, aka he mea koikoi, he mea nou a me a'u e houoli ai. Iloko o ko'u mau la opio he 19 makahiki ia manawa, ua mare au i kekahi o na wahine ui a hanohano o ka aina, aka ua hoopokole ia mai la nae na la o maua e noho ai iloko o ka hauoli ma o ke kii koke ana mai a na lima manemene ole o ka make a kaili aku la iaia, a noho iho la au iloko o ke kaumaha a me ka mehameha a hiki wale i kou waiho ia ana mai malalo o ka'u malama ana - akahi no a ho-a hou ia ke kukui malamalama olinolino iloko o kuu hale. Ua pulama au ia oe me ka makee nui ana a hiki i kou lilo ana he wahine ui hookahi iwaena o na wahine a pau o kela aupuni. Ua nana au ia oe i na la i hala me he keiki la, aka i keia manawa ua pii ae ke kilakila o kou kulana, nolaila ua hiki hou ole ia'u ke aloha aku ia oe me he keiki la, aka o ke aloha iloko o'u ua like pu ia me ke ahi. Ke hoomaopopo mai la anei oe e Roselina i ke ano o kela aloha iloko o'ui nou?"
"O ke aloha o ka luaui makua i kana keiki kamakahi," wahi a Roselina i pane aku ai.
"Aole loa e kuu aloha. Ua kuekaa au i kuu waihona noonoo me ke akahele a ua maopopo ia'ui ke nalohia aku la na hoomanao anailoko o'u no kuu wahine mare i make, a ke hoea mai nei he mea hou ma kona makalua i like ka nani a me ka maemae me kona. Nolaila, e Roselina, e hiki ana no anai ia ke hoomaopopo mai i keia mea?"
"Aole, aole loa e hiki la'iu ke hoomaopopo i kau mea e kamailio mai nei," wahi a Roselina i pane aku ai.
"Ina pela, e hoolohe hou mai oe, e Roselina," wahi a ke Duke. Alaila, kamailio hou mai la oia me ke akahele: "Mamuli o ka pii hikiwawe ana o kou kino, ua pii pu ae la me kou ui a me ke kilakila o kou kulana. Na kela mea i kauo i ko'u puuwai e aloha ia oe, ma ke ano he aloha hiki ole ke makala ia ae e na waikahe he nui. E kuu Roselina aloha, ke hoike aku nei au ua aloha au ia oe i ke aloha hiki ole ke hoomanawanui hou aku me ka hoike ole aku ia oe. Nolaila, aole paha oe e pahaohao ana no ka'u mea e kamailio nei."
[Aole i pau.]
KE KEIKIALII KEOKI
A Hooilina o ke Kalaunu o Enelani.
Mamuli o ka make ana o ke Duke o Clarence a me Avondale, ka hiapo o na keiki a ke Keikialii o Wale a Hooilina o ke Kalaunu mahope o kona makuakane, ua hoohuli nui ia ke kau ana aku o ko ka lahui noonoo i hooilina alii maluna o ke Keikialii Keoki, ka lua o na keikikane a ke Keikialii o Wale, a oia hookahi wale no hoi e ola nei mawaho ae o na kaikuahine. Ua hanau ia o Keoki i ka la 3 o Iune, 1865. A mahope o ka pau ana o kona hoonaauao ia ana ma na ike palapala, ua komo oia i ka Oihana Mokukaua. I ka 1885, ua hookohu ia oia i aliimoku lutanela, a mai ia wa mai ua pii ae kona kulana a i ke kapena. He makahiki a oi aenei paha i hala, ua noho kapena oia no kekahi mokukaua Beritania o ka Mahele ma ka Atelanika Akau. Iaia e noho kapena moku ana, ua kahea ia aku oia e holo e wehe kino i ka Hoikeike o Jamaica, kahi ona i kukui mai ai na ohohia a me na mahalo ana nona. Me he la he alii oia i oi aku ke ohohia ia mamua o kona hanau mua i make. He keikialii akeukeu o Keoki - he akahai, a he mahalo nui ia e ka poe i launa me ia a he punahele hoi i ka lahui. Ma kana huakai ai i Canada maua aku nei, ua komo aku oia i kekahi po iloko o kekahi huikau, iaia e holoholo ana ma ke kaona a ua ikeia kona mau puupuu lima i ka eleu ma ka unu ana a me ke kui aku me ka makau ole i ka hoohana aku i kona mau puupuu lima. O keia mau ano hana a ke Keikialii, aole ia i lilo i mea nona e nini ia ai e ka lahui Beritania, a ua huikala ia aku kela mau hana ma ke ano he mau mea liilii. O ka Hooilina hou o ke kalaunu, he keiki kino ikaika kona i oi aku i kona hanau mua i make, aka i keia wa akahi no oia a paapaana ae mai kona mai fiva mai nana i kukupau iho iaia me ka ikaika. Ma na mea a pau, he ano hoihoi a ohohia ia e ka lahui ko keia hooilina alii hou mamua o kona mua popilikia.
Ke lohelohe ia mai nei, e papahi aku ana ka Moiwahie iaia me ka inoa ke Duke o Ladana.
HOIKEIKE NUI O KE AO NEI MA KIKAKO!
KA HALE E HOOHOLO IA AI NA I'A.
O KE KII maluna ae, oia no ke kii o ka Hale o na i'a e hooholo ia ai, me elua mau hale huinaha liilii i hoohui ia mai i ka hale nui ma o na pio la. O ka loihi o keia hale, he 1100 mau kapuai, a o ka laula he 200 mau kapuai. Ua kukulu ia ma ke ano mokupuni-maia a okioki ia iho i ekolu mau mahele i like ai me ke ano o ke kahua.
O ka hale iwaenakonu, oia maoli kahi hoikeike o na i'a. Maloko o kekahi hale huinaha na pono lawaia a ma kekahi hale hoi na lokowai pahu aniani hana akamai e holo ai na i'a oia.
O ka hana hoikeike e pili ana i na i'a, oia kekahi o na mea kamahao e ulumahiehie ia ai ma o ka hookelakela ia ana la o na i'a ola e unu ia ae ana a akoakoa malaila. Eia keia iloko o ka hale poepoe he 135 kapuai ke anawaena, e kukulu kokoke ia ana ma ka welau o ka hale nui a iloko o ka ponaha nui e hui ai na welau elua.
Iwaenakonu o ka hale poepoe he ponaha poepoe nui he 60 kapuai ke anawaena, a iwaena konu o ia ponaha poepoe e ku ana he kiowai he 25 kapuai ke akea, a mailoko ae o keia kiowai e kukulu ia ana he puoa pohaku e hooulu ia ai na limu. A mailoko mai o na apoopoo pohaku a me na alualua e puapuuai mai ai na makawai nana e hoopulu i na mea ulu oloko o ka wai. E hooholo ia ana iloko o keia kiowai na i'a gula a me na i'a e ae o na muliwai, a o ka wai e hoolako ia ai keia mau loko i'a, mai ka moanawai mai o Mikikana.
E unu pu ia ae ana no iloko o kekahi mau loko kai o keia hale hoikeike na i'a ola mailoko mai o ke kai. A i ka wa e hoohikihiki ia ae ai na i'a i Kikako mai na kapa kahakai mai, e hali pu ia mai ana na wai kai maoli i kela i kela a me keia wa ma ka ekolu haneri galani kai o ka huakai hookahi.
E pau pu ana iloko o keia wahi na mea a pau oloko mai o ke kai a me na muliwai a na mea hana akeakamai i ohiu mai ai mai lalo o ka hohonu a ike ia ae la iluna o ka ili honua.
E Piholo Anei Iloko o ka Hohonu.
I ka iwa mua loa i hoolala ia ai ke oki i ka puali o Panama, ua hoea ae na leo kuwo, e hoopoino ia aku ana e ia "auwaha eli" he mau miliona o na ola kino kanaka. O ke kumu kue ikaika loa i lawe ia mai e ka poe nona keia mau leo hoohikilele, o ke kiekie loa o ke kai ma ka aoao o ka moana Pakipika ma na haneri kapuai i mua o ke kai ma ka aoao o ka moana Atelanika, a nolaila i ka wa e hookuu ia ai na kai o na moana elua e hoohui a iliwai like, e pau ana i ke piholo o iaia o ka Hema o Amerika Akau, o Inia Komohana a pau a me ka hapanui o Mekiko a me Iucatana. Ua hoolaha ae na lunahooponopono nupepa a me na poe hookohukohu nupepa a me na poe hookohukohu akamai auaaina i ko lakou mau manao hoopuiwaiwa. Aka i keia wa, ua hoomaopopo ia, o ke kai ma ka moana Atelanika ka oi ae o ke kiekie i ko ke kai o ka moana Pakipika, oia hoi he eono a me hapa mau kapuai ke kiekie o ke kai ma ka aoao Atelanika i ko ka aoao ma ka Pakipika.
Ahewa ia no ke Kiu me ke Pale Ole Nona iho
Ua a-e aku makou ma kela aoao o ka muliwai e hanu ana mahope o Genertala Lee, a e kaua aku iaia ma Wilderness (Waonahele). Ke uhi nei na eheu o ka po maluna o makou, a ia wa hoea mai ana kekahi puulu kaua lio me kekahi kanaka ui mai mua mai o ko makou alo e huli aku nei. E aahu ana oia me ka aahu koa huikau e like no me ke ano aahu o na koa o ka Aoao hema o ia mau la, a i ole ia e like no me ka makemake pili paa o kela koa malalo o kana alihikaua i anoi ai.
He lolowawae bolu, a he lakeke olenalena, a o kona papale e kau ana, aole i like me ko na koa o ka Akau a o ko ka Hema paha. Ua olelo mai nae ka poe nana i hopu, he kiu oia. Ua olelo mai lakou me ke ano palaueka, aka he ano koikoi nae no ia hora. Maloko o na wahi hoomoana, he huli ia, ninaninau ia a hoopaahao ia. Malia paha e hala ana he mau hebedoma mamua o ka hookolokolo ia ana, ina o ka hana pono ia, a e haawi ia la na manawa a pau nona e pale ai no kona oia.
Aia makou ke hele nei. He kaua aku mamua. A e kaua hou aku ana no paha i ka la apopo. Nolaila, he hookolokolo awiwi wale no ka mea hiki no ke kiu.
He keu ka awiwi o ka hoolala ia ana o keia hookolokolo. Owau kekahi ma ke kahua i ike a i lohe i na mea a pau. Iloko o ka hapalua hora pokole, ua noho ka aha hookolokolo koa - o na aliikoa papalina halua i kilohi mua aku i na helehelena o ke kanaka ui, ua anoninoni lakou - alaila mahope iho ano me he la e makee ana. Ua olelo aenei au he kanaka ui. Ua kuhihewa au. He keikikane wale no oia nona na makahiki he umikumamahiku a umikumamawalu paha. He mau maka mohaluhalu nunui onohi uliuli kona, a he mau papalina i like ka pahee me ko na kaikamahine. He keiki ui launa ole, a ke manaoio nei au, ua pau na mea a pau oloko o ka hale lole i ka minamina nona.
"O wai kou inoa?"
"O James Blank."
"O wai kou mahele koa?"
Aole pane.
"He kamaaina anei oe, a he koa paha?"
Aole pane.
"He hiki anei ia oe ke pale mai no keia hihia ou?"
Aole pane.
Nana ae la kela a me keia aliikoa ia lakou iho a kunou mai la, alaila peahi ae la ka lima o ka Peresidena. Aole paha i hala he minute hiki mai ana na koa. Haikea ae la na papalina o ke keikikane, aka o kona nee ana ua like me ka mea iloko o ka moeuhane. Alawa ae la kona mau maka mohaha onohi poniponi maluna o kela a me keia mea pakahi, me he la e imi ana i kona hoaloha; a ua kokoke ia ko'u uhane e kuwo ae, oiai he kamalii wale no keia a he mea pono e haawi hou ia ona manawa nona e pale mai ai.
Halulu! Halulu! Halulu!
O ka halulu ia o na wawae e hookekena ana iaia e lawe aku iaia ioko o ka poeleele.
"E ku! E hikiikii ae i keia hainaka i nalo kona mau maka."
Ua lawe pu aku no lakou me ka ipukukui helepo. Ma o kona malamalama la, ke ike aku la no au i kona mau maka mohaha no ka wa hope loa. Ke kokoke loa aenei au e hoopuka aku i ke keiki a e ao aku la iaia, aole i hala loa ka manawa e hooia mai ai oia aole ia i hewa, aka ua lapuu ko'u elelo no na nanaina o ia po.
"Kukulu aku iaia ma o! Emi mai i hope! Hoolohe! Makaukau - e kue - Kani!"
He umi minute mahope iho, hoi aku la ke aliikoa nana e hooko i ke kauoha i mua o kona aiikoa nui, pai ae la kona lima i ka lala o ka papale kapu a hoike aku la:
"Ua hooko ia aku ke kauoha, e ka haku."
"He mau ike hou ae anei kekahi?"
"Aole; eia wale no he wahine ui opio oia."
Na Luna Aupuni Kuwaho Uku Makahiki Kiekie.
E ike ia no malalo iho na luna aupuni kuwaho uku makahiki kiekie loa: O ka Amabasadoa o Farani ma ke alo alii o Ladana, oia o M. Waddington i keia wa, ke uku ia nei oia e ke aupuni, he $60,000 o ka makahiki. O ko ke aupuni o Enelani Amabasadoa uku makahiki e noho nei ma ke alo alii o Parisa, he $50,000, aka he mau ilo e ae kekahi mawaho o kona uku mau. O ko Amerika Huipuia Kuhina noho ma Enelani, ke uku ia nei oia he $17,500 o ka makahiki.
Ka wi Nui ma Rusia.
Ua hoouna ae ke Kuhina Amerika ma Sana Peteroboro, Rusia, i ke Keena o ko na aina e ma Wasinetona, i kana hoike e pili ana i ka wi nui ma Rusia. O ka nui o na kanaka i makemake ia e loaa na hoopakele ana mai ka make mai a ka wi, he 14,000,000, a ua manaoio ia oia iho la ka huina oiaio. O ka hoike pili aupuni mua loa iho la keia i loaa i ke aupuni o Amerika Huipuia, aka aole nae i manao ia o ia iho la ka pololei loa. He nui wale na kanaka a Rusia e kokua ai i kela a me keia makahiki, a he nui no hoi na makilo mawaena o ka poe lopa.
Ke Aliikui hou o Aigupita.
Ua ku ae ma ke awa o Alekanedero, Aigupita i ka la 16 o Ianuari, ke Keikialii Abbasa Aliikui hou o Aigupita mai Trieste, Auseturia mai, kai ona i hoonaauao ia ai. Ua hoolele ia oia mai ka mokualii mai, a ua apo ia aku me ko ohohia a me ke kipu aloha ana a na mokukaua a pau o ku ana ma ke awa. Ua halawai aku me ia ma ka uapo, na luna aupuni kiekie a me na aliikoa me na koa hoohanohano o na puali koa Beritania a me Aigupita. Ua kau koke aku oia maluna o ke kaa ahi kuikawa a holo aku la no ke kulanakauhale alii o Cairo. Ia la i hiki aku ai i ke kulanakauhale, ua hali koke ia aku oia no ka Halealii Abadina, kahi i heluhelu ia mai ai imua ona ka palapala hookohu a ke Suletana o Tureke e koho ana iaia i Aliikui no Aigupita. Mahope o kona paikau ana i na puali koa, ua malama ia he ike alii, iaia maloko o ka Halealii, kahi o na kuhina o ke aupuni a me na luna aupuni kiekie kuwaho i hele aku ai e ike iaia.
"I makemake e kuai i laau kunu no na keiki," wahi a H. A. Walker, kekahi o na kanaka hoohuihui laau lapaau kaulana loa ma Ogden, Utah; "mai hopohopo i ke kuai aua'i ka Laau Lapaau Kunu a Chamberlain. Oiai, aole e hoea mai ana kekahi pilikia, aka o ke ola ka mea e hoea mai ana me ke kanaua ole. O ke kumu o ko'u hooia nui ana aku i ka laau a Chamberlain no ko'u ike he ola a hiki loa ke hilinai ia." E kuai ia no ka .50 a $1 - o ka omole e BENSON, SMITH & CO Na Agena.
HE LEHULEHU wale o na poe i ola ae mai ka ma'i la grippe ae a eia nae ke hoopilikia nui ia nei lakou e kekahi ma'i kunu paaiki. O ka laau lapaau kunu a Chamberlain ka mea nana e hoopau koke ae i ke kunu, a hooluolu ae i ke ake mama, a e loaa no ke ola maikai loa iloko o ka manawa pokole. He 50 a $1 - o ka omole, a e kuai ia no e BENSON, SMITH & CO., Na Agena.