Ka Nupepa Kuokoa, Volume XXXI, Number 13, 26 March 1892 — E Kuikui a Okaoka ia Rusia. [ARTICLE]

E Kuikui a Okaoka ia Rusia.

Ua hoouna ae ka mea kakau o ka nupepa SUindard o Ladana e noho ana ma Sana Peteroboro, Rusia, i kekahi moolelo hoolelehauli i komo pu iloko o kela haiolelo hooniua ma ma Braudenburg a ka Kmepera Wiliama o Geremania.

Eia ka olelo a ka mea kakau nupepa: ma kela po ahaaina o Feberuari 24 a ka Emepera AViliama i kukala ai i kela haiolelo hoaleale wai ana malie e kipaku ana i ka poe hoalaala kipi o Geremania u e lulu iho i ka lepo o Geremania mai ko lakou mau kapuai wawae mai a e hele koke aku ma na wahi e aku e like ka awiwi me ka hiki ia lakou ke hele," ua pane aku kekahi keonimami maloko o ua ahaaiua lu i ka Emepera, mai poina oia no Ruaia, a ia wa ua keu koke mai la o Wiliama, «<E kuikul aku ana au ia Rusia a okaoka." Ua law r e awiwi ia aku keia mamala olelo maloko o ka waeaolelo a i ke Kuhina nui De Giers o Rusia, a mai a ia aku hoi i ahai loa ia aku ai a i ka Emepera o Rusia. I kela wa, ua kena koke aku la ku Emepera o Uusia e kii ia ko Geremania Amabasadoa e noho ana ma Sana Peteroboro, oia o Vou Schweinitz. I ka hiki ana mai o ka Amabasadoa Geremania, ua hai aku la ka Emeperu i kela mamala 01010 a Wiliama maluna ae, a kauoha aku la iaia: (< E hai aku oe iko Emepera, ina i makemake oia <? hoomaka mai e kuikui ia'u a ok:»oka, e kiola aku 110 au i hapalua miliona kanaka maluna aku o na palena aina me ka oluolu loa." Ke olela ia nei, ua hoouna aku o Generala Von Selnveinitz i keia elelo i ka Emepera Williama. Malia paha ua hoonuinui wale ia aku no keia moolelo, aka ke hooiaio mai nei no Ka mea kakau nupepa he mea oiaio wale no. Ua hiki pu aku i na pahu kani o ka Emepera o Rusia na lohe, eia ko ka Emepera Wiliiama hilinai ke kau aku nei maluna ona Polam i inahelehele ia al ko lakou aupuni e Rusia. No keia kumu, ua huhu loa ka Emepera o Rusia ia Williama mahope mai nei.