Ka Nupepa Kuokoa, Volume XXXI, Number 21, 21 May 1892 — Loaa ka Pepehi Pake. [ARTICLE]

Loaa ka Pepehi Pake.

Ua loaa a ua paa i ka hopuia ma Kapalakiko, ke kuke paele Illinois Wise oka moku ««W H Dimoncl" i ka la 3 o Mei, ka mea i hoohuoi ia nana i pepehi mainoino ka pake i ka po o ka la 16 a wanaao paha o ka la 17 o Aperila i hala ma ke awa o Honolulu nei, oiai ka wa a keia moku e pili ana ma ka uwapo mokuahi Oeeaniea, a i kiolaia iloko o ke kai a lana hou mai ai i ke kakahiaka ok& la 17 o Apeiila. Ua malama ia e ka llamuku ka p&le uluna helu 2CG i hoailona ia i loaa pu aku ai e lana ana me ke kiiio make o ka pake ma ke awa nei, a au loaa aku nei hoi ma ku poli o ua kuke paele la ma Kapalakiko, ka uhimoe helu 200. Ua hopu ia kela kuke inalalo o ka palapala hopu o Atuerika lluipuia i hoohiki ia e ka makai kiu Lockhart i hoouna ia mai Honolulu aku nei e huli. E hoihoi ia mai ana i Honolulu nei e hookolokolo ai, ko ae ia mai e ke aupuni.