Ka Nupepa Kuokoa, Volume XXXI, Number 22, 28 May 1892 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

ME

Ko Hawaii Paeaina i Huiia

 

No ka Makahiki                      $2 00

No Eono Mahina                     1.00

Kuike ke Rula

 

HOOPUKAIA E KA

HAWAIIAN GAZETTE CO.

H.M WHITNEY, Luna Nui,

J.U KAWAINUI, Luna Hooponpono.

POAONO, MEI 28, 1892.

 

Moolelo o ka Ahahui Euanelio o ka Mokupuni o Kauai.

 

            Halawai ka ahahui o na Ekalesia o ka Mokupuni o Kauai ma ka Luakini o Koloa Aperila 13, 1892, hora 1 1/2. Noho ka lunahoomalu mua ma ka noho, (Rev S.K Oili.) Hoomakaia na hana me ka himeni a me na pule ekolu, a Rev. J. B Hanaike, Rev. G L Kopa, a me L. M Mitchell.

            Hoomaopopo ia na lala i hiki mai Penei:

            Na Kahu, Waioli, Rev J Kanoho; Koolau, Rev. SK Oili; Kapaa, Rev. J M Kealoha; Lihue, aole; Koloa L.M Mitchell; Hanapepe, J B Haleole, (haiolelo); Waimea, Rev. G L Kopa.

            Elele, Waioli, J H Kawelo, S D Kaeha; Koolau, J K Apolo; Kapaa, E. Kaaloa; Hanapepe, aole; Waimea, G W Kaona.

            Na lala mau Rev J B Hanaike, R Puuki, S R Hapuku.

            Koho ia o Rev J M Kealoha i lunahoomalu, a o Rev S K Oili i kakauolelo.

            Noi mai o G B Meheula e hoopanee ka halawai a noho hou i ka hora 2:30. Hooholo ia a hoopanee ia me ka pule a Rev G L Kopa.

            Noho hou ka aha e like me ka hoopanee ana. Noho ka lunahoomalu ma ka noho, pule o Mr Mano. Koho ka lunahoomalu i mau komite imi Kumuhana, Rev. J B Hanaike, Rev S K Oili, S R Hapuku, na komite imi haawaina, Rev G L Kopa, RevJ Kanoho, J K Apoio.

            Mahope iho he himeni a me ka pule mai a Rev LM Mitchell a me E Kahele. Noi mai o R Puuki o hooponopono la na elele o ka Ekalesia o Waioli, a ma ke kuka ana, ua apono ka aha ia S D Kaeha i Elele. Noi mai o S R Hapuku e lilo na lala o na Ahahui a me na hoa kupono a pau i mau hoakuka no keia aha. Hooholoia.

            Hoike hapa a na komite imi kumuhana; 1-Hapalua hora haipule, 2-hoike kihapai; 3-hoike komite; 4-heluhelu haawina; 5-Na palapala hoopii; 6-Na Ekalesia kahu ole; 7-ko oia o na Kahu a me na hale kahu; 8-no na Luakini ; 9-oihana kuloko; 10-oihana kuwaho; 11-hoomaemae Ekalesia; 12-na buke Ekalesia; 13-keiki a ka aha; 14-koho i mau elele i ka Ahahui ma Honolulu.

            Kumuhana 15-kahi e noho ai keia ana. Hapalia ke kumuhana 2, hoike kihapai na Rev. J. Kanoho i ko Waioli i kokua ia o ka elele, na Rev S K Oili i ko Koolau, i kokua ia mai e ka elele. Na Rev J M Kealoha i ko Kapaa, i kokua ia mai e ka elele. Na Rev. JB HANAIKE i ko Lihue, i kokua ia mai e ka elele. "Na Rev. L M Mitchell i ko Koloa, i kokua ia mai e ka elele, na J B Kahaleole i ko Hanapepe, na Rev G L Kopa i ko Waimea i kokua ia e ka elele.

            Kumuhana 3, hoike komite, na Rev J B Hanaike ka lunahoomalu o ka komite poni ia L M Mitchell i hoike mai i ka lakou hoike ma ka hooko ana ia hana ma ka la 20 o Maraki A D 1892. Na lala oia mau komite, Rev J B Hanaike, Rev G L Kopa mea kokua hana, J B Kahaleole. Apono ka aha.

            Na Rev; J M Kealoha no ke ola kahu o Hanalei e pili ana i ka uku ana mai o na hoahanau i ko lakou aie i ke kahu. Apono ka aha.

            Kumuhana 5, na palapala hoopii mai Hanalei mai, he hoopii kue ia Rev. J Kanoho, he 34 inoa, a mai Hanalei mai no he palapala hoopii e ana ana la Rev. J Kanoho, he 104 inoa. Noi mai o Rev. J B Hanaike e waiho ma ka lima o ke komite, hooholoia. Na Komite Rev J B Hanaike Rev L MMitchell.

            Kumuhana 4. Kealoha i kana, na Rev L M Mitchell i kana, na J B Kahaleole i kana, na Rev. G L Kopa i kana, ua S R Hapuku i kana. Noi mai o GB Meheula e Hoopanee ka aha a noho hou mai i ka hora 9 o ka la apopo, hooholoia hoopanee me ka pule a Rev J M Kealoha.

La Hana 2.

            Koloa, Aperila 14, 1892. Halawai ka aha Ekalesia o na Mokupuni o Kauai ma ka luakini o Koloa hora 9 a.m.

            Noho ka lunahoomalu Rev J M Kealoha, malama ia ka hapalua hora haipule. Heluhelu ia ka moolelo o ka halawai i haia a apono ia.

            Kumuhana 6. Na Ekalesia kahu ole, waiho mai o S R Hapuku i ka inoa o J B Hanaike i komite no ka Ekalesia o Lihue. Hooholoia. Noi mai o S R Hapuku e kapae ia na rula no ka manawa. Hooholoia, mai a Ia mai no e hoomau ia ko Rev. J B Hanaike noho komite ana a loaa ke kahu, hooholoia.

            Kumuhana 7, ke ola o na kahu a me na hale o na kahu, ua kuka nui ia keia kumuhana e pili ana i ka hale kahu o Koolau, oiai, aia no ma ka lima o na keiki hanai kahu o ka Mokupuni o Kauai.

            Noi mai o Rev JB Hanaike e koho i komite e hui aku me J K Smith. Hooholoia, koho ka lunahoomalu ia G B Meheula i komite no ko Hanapepe hale kahu Rev L M Mitchell ke komte.

            Noi mai ka lunahoomalu e hapai hou ia ke kumuhana 5. Hooholoia, heluhelu mai ke kakauolelo he palapala hoopii mai ke kahu mai o kapaa e noi ana e hookuu aku ka aha i kona noho kahu ana no ka Ekalesia o Kapaa no kekahi mau kumu i hoakakaia ma ua palapala hoopii la. Waihoia i ke komite o na palapala hoopii.

            Kumuhana 8, no na luakini. Ua kuka ka aha no ka luakini o Kilauea, hoihoi ia na ka Ekalesia o Koolau e hana.

            Kumuhana 9, oihana kuloko. Ua kamailio na lala e noi mai o S K Oili e hoopanee ka noonoo ana no keia kumuhana. Hooholoia.

            Kumuhana 10, oihana kuwaho. Ua kamailio nui ia e na lata. Noi mai o Rev J Kanoho e hoopanee ka aha a noho hou mai i ka hora 1:30 p.m. Hooholoia, hoopaneeia me ka pule a Rev J Kanoho.

            Hoomaka hou ka hana e like me ka hoopanee ana, hora 1:30 p.m noho ka lunahoomalu Rev. J M Kealoha, pule o R Puuki.

            Kumuhana 11, hoomaemae Ekalesia. Ua kuka ia keia kumuhana, waiho mai o Rev. L M Mitchell he olelo hooholo, hooholoia;

            E aponoia o J B Kahaleole a e hoonohoia ma ke ano kahunapule Misanere ma ka apana o Hanapepe. Noi mai o R Puuki e lawe a noonoo, hooholoia, a ma ka noonoo ana, noi mai o Rev J B Hanaike, e apono i ka olelo hooholo. Hooholo ia, koho ka lunahoomalu i mau komite puni, Rev JB Hanaike e apono i ka olelo hooholo. Hooholo ia, koho ka lunahoomalu i mau komite puni, Rev JB Hanaike Rev S K Oili, Rev L M Mitchell, Rev G L Kopa. Na Rev J B Hanaike i ka lunahoomalu o ke komite o a palapala hoopii i hoike mai i ko Hanalei, e hoole ana i ka hoopii kue a na inoa he 34, mamuli o ko lakou hoike e ana i ka lakou olelo hooholo ma ka palapala hoopii a e apono ana i ka aua ana a na inoa he 104 la Rev J Kanoho i kahu no lakou. Noi mai o R Puuki e lawe a noonoo i ka hoike a ke komite, hooholo la, a ma ka noonoo ana, ua noi mai o Rev G L Kopa e apono i ka hoike a ke komite. Hooholoia.

            Na ia komite no i ka palapala hoopii a ke kahu o Kapaa, e apone ana i ke noi e hookuu aku ka aha i kona noho kahu ana no ka Ekalesia o Kapaa. Noi mai o G B Meheula e apono i ka hoike a ke komite, hooholoia. Noi mai o Rev JB Hanaike e koho kiea aha i komite, e hoike aku i ka Ekalesia o Kapaa ua hookuu ia o Rev JM Kealoha mai kona noho kahu ana no ia Ekalesia, hoonoloia. Waiho mai o Rev GL Kopa i ka inoa o Rev S K Oili i komite hoike aku i ka Ekalesia o Kapaa, hooholoia.

            Waiho mai o GB Meheula he olelo hooholo, hooholoia. E koho ia o Rev JM Kealoha i komite no ka malama ana i ka ekalesia o Kapaa a loaa ke kahu, hooholoia.

            Kumuhana 12, na buke ekalesia, a ma ke kuka ana, noi mai o GB Meheula e waiho ma ka lima o ke komite, hooholoia. Na komite Rev. JB Hanaike, Rev GL Kopa, SR Hapuku.

            Kumuhana 13, na keiki a ka aha, aole.

            Kumuhana 14, koho ana i mau elele i ka Ahahui ma Honolulu J K Apolo hope, E Kahele, S D Kaeha hope, S Kaaloa, Mr Mano hope, GW Kaona.

            Kumuhana 15, kahi e noho ai keia aha. Noi mai o Rev J Kauoho ma Hanalei i ka Poakolu elua o Okatoba 1892, hooholoia.

            Waiho mai o GB Meheula he olelo hooholo, hooholoia. E uku mai ka Papa Hawaii i $100 o keia a me kela makahiki no Rev JM Kealoha,iaia e noho komite ai no ka Ekalesia o Kapaa, hooholoia.

            Noi mai o Rev S K Oili e hookomo pu ia me ka hoike a ka Puuku a ka Papa Kokua, kahi iloko o ka moolelo, hooholoia. Na GB Meheula ke komite no ka hale kahu o Koolau i hoike mai i kana hoike a ua holopono.

            Noi hou mai o SK Oili e koho ka aha i mau komite, na keia aha e hui pu aku me na makamaka o Hanalei ma ke ano hoolauloa, hooholoia. Na komite, Rev JB Hanaike, Rev SK Oili, Rev JM Kealoha. Waiho mai o JK Apoio he olelo hooholo, hooholoia. E hoomau ia ka uku o na elele $5 ma kela a me keia ekalesia, a he $6 nona kahu pakahi e like me ka hooholo ana mamua, hooholoia.

            Hoike a ke komite imi haawina.

            1-Nawai ka olelo hooholo ia Iesu e make? Mat. 27:26 S R Hapuku

            2-Mahea ka like ana o ka poe pono me ka poe haewa? JB Kahaleole.

            3-Pehea ka hemolele ana o na kanaka? Mat. 5:48. Rev. G L Kopa.

            4-Luka 7:48 R. Puuki.

            5-Wehewehe ia Kalatia, 5:1 Rev JM Kealoha.

            Noi mai o Rev. J Kanoho e hoopanee i keia aha a noho hou ma Hanalei, hooholoia. Heluhelu ia ka moolelo o ka halawai, a aponoia.

            Waiho mai o GB Meheula he olelo hooholo, hooholoia. E haawi aku keia aha i ka hoomaikai i na makamaka o Koloa, no ko lakou kokua ana mai i na lala o keia aha ma na mea e oluolu ai ke ola kino, hooholoia. Noi mai o Rev SK Oili e hookomoia ka moolelo o keia aha ma ka nupepa KUOKOA i huiia, hooholoia.

            He manao paipai mai ka lunahoomalu mai a mai a Rev JB Hanaike mai. Hoopanee ia me ka himeni a me ka pule mai ka lunahoomalu mai.

SOL. K OILI

Kakauolelo o ka Ahahui o ka Mokupuni o Kauai.

 

He Moolelo

NO KA

Ui Nohea Berela.

Ke Kamehai hoopono-Ke kupaa me ka luli ole-He wahine na ke kane hookahi-Ke au popilikia a me ka huli ana o ka pomaikai mahope o ka wahine.

 

MOKUNA XIX.

HE WAHI HOOMALAMALAMA I MOEUHANE MUA OLE IA.

 

            Heaha hoi keia ou e Makaleka? Ua ike mua anei oe i keia lei gula mamua?" I ninau mai ai o Barela.

            "Ae, ua ike au i kena lei a-i no hookahi haneri manawa, o kena lei a-i no Gray Wahine. Pehea i kaa ai kena lei a-i iloko o kou malama ana? Ke hoomaopopo nei au ua haawi aku o Koneta Gray mamua o kona hoihoi ana mai iaia i Kelematia Vila, a ua lohe pu au ia Gray wahine e olelo ana, ua haawi ia aku kena lei a-i ma ke ano he makana no ko laua mare ana. Ua nui kona hiipoi ana i kona lei a-i mamua ae kekahi mau mea e ae."

            "Aole anei oe i kuhihewa? Ua maopopo pono no anei ia oe o ka lei a-i gula no keia au i ike ai Gray wahine?"

            "Aole au i kuhihewa a ua maopopo pono ia ʻ u o kena no ka lei ai gula a ʻ u i ike ai iaia, a ua hiki ia ʻ u ke hele imua o kekahi aha hookolokolo e hoohiki ai no ka oiaio o ka ʻ u mea e kamailio nei. Ua lawelawe ia e ko ʻ u mau lima ponoi kena lei a-i no na manawa lehulehu. He pololei a he oiaio ka ʻ u mea e kamailio nei, a me he mea ia he pilikoko ohana oe nona oiaio, ke hoike mai nei kou mau helehelena pela. Heaha ko Gray wahine pili ia oe?"

            "O ko ʻ u makuahine ia!"

            "Pehea, o kou makuahine anei ia?"

            "Ae, o ko ʻ u makuahine ponoi ia, ma ko ʻ u hoomaopopo me he mea la ua hanau au he mau pule mahope iho o kona holo haalele ana ia Kelematia Vilia."

            "A o kou makuahine, ala oia ihea i keia wa?

            "Ua make oia i kona wa i hanau ai ia ʻ u"

            Na keia mau hopunaolelo hope a Berela i hookah a hoopulu hoi i na papalina o makaleka me a omaka waimaka oloelo o ke aloha, a i ka wa i akakuu ino ai na ooloku manao, ua pane hou aku la oia:

            "A pehea oe e lawe ole nei i ka inoa o kou makuakane?"

            "O kona inoa anei la? O Konela Gray anei kona inoa oiaio?"

            "Aole i maopopo loa ia ʻ u aka, he manao ko ʻ u aole ia o kona inoa oiaio."

            "Ina pela, e lawe mau aku no au i ka inoa o ko ʻ u makuahine i kuhea la ai olai oia iloko o kona mau la o ka opiopio, ke hauoli nei au i ka lohe ana mai ia oe mai, ua lawe a ua manaoio ko ʻ u makuahine o Konela Gray no kana kane mare, aole loa ko ʻ u makuahine i hoike iki i kekahi o kona ohana i kana mau hana a pau i hana ai, a nolaila, ua komohia ka manao iloko o ka ohana he hana maea a paumaele kana i hana ai e hoolapuwale ana i ka inoa o ka ohana, no keia mea, ua ino haalele loa oia i kona kaikunane, aka, ua hala ia mau la o ka inoa, a anoeia au ke noho nei iloko o na manaolana eia au ke koho nei iloko o na manaolana eia no o Konela Gray ke ola nei, aole au e kuhea a kapa aku lala he makukane oia no ʻ u, a aia he la e hiki mai ana, e hui no auanei au me ia he alo a he alo. Ua ike au aia he makua piha aloha maloko o na aouli o ka lawe; e aloha mai no oia la ʻ u; e hooko mai no oia i ka iini o ko ʻ u manao; alaila, e like me ka ʻ u mea i olelo mua ae nei, e hui no au me Konela Gray, he alo a he alo, e ike a e hoomaopopo ola ia ʻ u, me he mea la aole i mamao loa na la i koe a hooko ia no keia manao o ʻ u."

 

 

MOKUNA XX.

HOLOPONO.

            Ia (Octavia) i lele iho ai mailuna iho o ko kaa ala ke hekau la maluna o kona helehelna na nanaina haikea o ka pihoihoi, oiai, o kona hoea ana iho no ia i ka ipuka o ka hale o ka Haku (Hakahusa?) ma Hakahusa Cliff, mai kekahi huakai holoholo kaa ana i hele ai me Konia, a i keia wa a kakou e kamailio nei eia o Octavia ua hehi aku kekahi wawae iluna o ke anuu alapii mua e kamoe la a hiki i ke keena hookipa a i kokua ia hoi e Konia, no Kalenada hoi, ua hahai aku la oia mahope o Konia ma me ka hoolohilohi launa ole ana, no ka mea, ua ike maopopo oia, o ka hana i hana ia e kona mau haku opio, he hana ia nana e hoopii ae i ka inaina wela o ka Ela, nolaila, ua manao oia e pii hoolohilohi me ka hoolalau ana a hiki i ka wa e mao ae ai ke kuakoko inaina mua o ka Ela, mamua nae o ko Konia ma hiki ana aku i ka puka komo, ua wehe e la mai la ka puka e kekahi haiakane, a komo loa aku la laua iloko o ke keena hookipa o ke kakela.

            "Aia mahea ka Haku Hakahusa?" i ninau aku ai o Konia i kekahi haia kane nona ka inoa o Petero.

            "Aia aku iloko o ke keena helu."

            "Oia wale no anei?" ua ae mai la o Petero a anehe aku la e hele e wehe i ka ipuka, aka, ua pane koke aku la o Konia:

            "Alia oe e pupuahulu ma ka hoike ana aku ua makemake maua e ike iaia, aka, na maua no e hele aku i on a la a e hoomaikeike la maua. Ea, he keu ka hoi ka haikea o kou mau helehelena e kuu Octavia, aole anei he hiki ia oe ke hoouwila i kou puuwai a me kou manao a e ku aka imua o ka inaina o ka Eia? He mai kekahi lima oe; e hele kuikui aku kaua imua on a."

            Hele kuikui aku ia laua no ke keena heluhelu kahi o ka Eia e noho ana, ke ike nei nae o Konia ia laua e hele nei i ka naka haalulu o ke kino holookoa o Octavia.

            He nanaina poahiahi-a me he mea la he mau kino akaku wailua ko loko o ua keena heluhelu nei i ka wa a Konia ma i komo aku ai, oiai no eia no ka manawa o ka la mawaena o ka hora me 2 me 3. I ka hemo ana aku o ka ipuka, ia wa i ea ae ai ke poo o ka Ela, a ia wa pu i pupuku ae ai kona nanaina holookoa. Ua mao koke ae nae kela mau nanaina hakumakuma pupuku I ka wa on a i ike pono mai ai la Konia ma, a o kona wa no hoi ia i eu ae ai iluna a hele aku la i o laua la me na minoaka o ka hauoli a me ka mahamaha.

            "Aole au i manao mua e pahola mai ana oe i ka hoohauoli ana i ko ʻ u puuwai, e Octavia Winekoa," i pane aku ai ka Eia me ka oluolu nui. "Ma ka hoike hou ana aku ia oe, a o keia mau aahu ou, he mau aahu hoomeamea wale no anei ia?"

            "O, e kuu haku!" i pane aku ai o Octavia me ka haalulu nui;" o mana, owau"

            "Aole maua i hele mai nei imua ou me na aahu o ka hoomeamea a me na manao hoomakeaka, e kuu haku," i pane aku ai o Konia me ka minoaka pu ana. "Eia wale no; he mau opio maua i hele na manao a ua pilipaa no kekahi a me kekahi, a o ka oi loa ae, ua omau ia mana elua iho. Ua haawi oe i kou ae no ka u-a ia o ke kania gula o ka mare mawaona o maua, a pela no hoi i haawi ai o Kaleneda i kona ae, a nolaila, ua uhaele aku maua a ua mare ia mai nei me ka nui ole o na hana hoohiwahiwa.

            "Heaha keia a ʻ u e lohe nei?" I hooho ae ai ka Eia me ka leo nui o ka puoho.

            "E ae mai ia ʻ u e kuu Haku, e hoolauna aku la oe i kuu wahine ia Mrs Bolona Konia."

            "Kau wahine? Ua mare ia anei olua?"

            "Ae, ua mare la maua, e kuu Haku maikai, ma ka luakini ma Penegana i keia kakahiaka, mailaila mai nei maua i hoi mai nei."

            No ka Haku Hakusana i kela wa, aia na nanaina o ke kahaha ke hekau nei maluna on a. O ka nanaina o kona helehlena ua oi ae ka ulaula imua o ka ulaula ohelohelo o kona lauoho, a ua hulili ae la kona mau maka i ka ua mea o ka inaina nui palena ole.

            "He mau hana hoomakeaka anei kela a ʻ u e lohe nei, a i ole, o kekahi anei keia o na hana hupo i lawelawe ia e kekahi lala o ko ʻ u ohana? Ua aa anei oe e Konia e mare ia Octavia ma ke ano maalea o ka hoowalewale ana, me kou haawi ole i manawa nona e noonoo akahele ai i keia mea nui o ka mare ana? Ke olelo nei au, in a ua mare ia olua, kekahi keia o na hana haahaa i ku i ka hoowahawaha ia!"

            Ua pii ae ka ola ohelohelo o ka inaina ma na papalina o Konia, aka, aole nae oia i ae e pukaamaka ae e ike ia mai hoi e ka Haku Hakahusa, nolaila, me ka leo malie o ka hoomalielie, pane aku la oia no na olelo uahoa a ka Ela;

            "Ua aloha au ia Octavia a pela hoi oia no ʻ u. Heaha ka waiwai o ko maua kali ana no ka manawa e mare ai aia a hala he mau mahina loihi, a e komohia aku hoi iloko o na hoomakaukaua kelakela nui a me ka hoopuka ana hoi i na palapala kono? He mau hana opala wale no ia, e lohe oe, a aole o maua makemake no ia mau mea, a aole no o maua makemake e lohe ia na hoomaikai ana a kekahi poe a maua i ike ole ai mamua. Ua hoohui ia maua iloko o ke apo o ka mare aole ma ke ano malu, aka, ma ke ano maluhia a hookelakela ole, a me he mea la, i keia wa, ua pui ke taona o Penezena i ka lohe ana no ka lilo ana o maua i hookahi i ʻ o a hookahi pana ana. O ka mea wale no i koe, e kuu Haku, o kou hoapono mai no i keia hana ana a maua a o ka hoopiha ana hoi ia i ko maua puuwai pakahi me ka hauoli nui. Hewa anei keia?"

            "Hoapono aku ia olua e kela mau keiki lapuwale a me ka olua mau hana poholalo?" I hooho hou ae ai ka Ela me ka huhu nui.

            "Ua ike no hoi oe, e kau Haku," i pane koke aku ai o Konia," ua hoapono mai oe i ko maua hoopalau ana, a pehea ka hoi oe e hoapono ole nei i ko maua mare ana mai nei?"       "Ma keia ano, e lohe oe a e lohe pu o Octavia. He elua la wale ae nei no ko olua launa a hookamaaina ana, a o ko olua hele kokua aku nei no ia a mare. He oiaio ua hoapono au i ko olua hoopalau ana, aka, o ka rula mau, he mea pono e ike lea a maopopo pu i kekahi ke ano a me ke kulana o kekahi, a e kamaaina lea hoi, a ia olua hoi e kela mau eepa nanapo nui wale, kapae ia ae nei ka rula maa mau a holo malu aku nei a mare pupuahulu. E hoike aku au o keia hana a olua, he hana ia a ʻ u e manaopaa nei ua hoowahawaha a ua kiola ia malalo o ko olua mau hehina wawae ko ʻ u kulana a inoa hanohano, a aole olua i haawi i na noonoo ana o ke aloha no ʻ u. Pai kole! Ua hana olua i kekahi hana e kono mai ana ia ʻ u e ike ole aku ia olua a elua. Ua manao hoi au he wahine opio naauao ke kaikamahine a Tanaki Winesoa, eia ka ua kuhihewa ia manao o ʻ u. A nou hoi e konia, ma kou hoao ana e alakai makapo i keia kaikamahine opio e ae i kou manao kolohe, ke olelo nei au ua pau au me oe, a aole a ʻ u mau hana hou ana aku ia oe. Ano, e uhaele aku olua mai ko ʻ u alo aku i keia wa koke ano!"

            I ka mea e nana aku ana i ka nanaina o ka eia i keia wa e ku ana oia I ka makau a me ka eehia. No ka mea, he ula wale no a puni ka nanaina o kona helehelna, a o kona mau maka ua hulili ae ia me he pahikaua ia e anapa ana i ka la. O kona kino holookoa eia ke holu nape nei i ka ua mea o ka huhu nui.

            Aole nae keia he mea no Konia e hoopepe ai aka, ua ku aku oia imua o ka eia me na helehelena o ka wiwo ole me ka mino aka pu.

            "Ua pono ae la e kuu haku," i pane aku ai o Konia me ka leo o ka waipahe. "E hoi aku no au a e noho malalo o ka malumalu o ka home o ka ʻ u wahine ma Kalahope. E eu ae e Octavia; in a kaua oiai he ala loa ko kaua e hele aku ai."

            "E hele aku!" I pane aku ai ka eia me ke leo nui haalulu o ka inaina. Mai noho a hoomaalo hou mai i ko olua mau helehelena imua o ko ʻ u alo. Mai noho a manaolana iho e lilo ana oe i hooilina no ko ʻ u mau waiwai he nui."

            Huli ae la o Konia me ka manao e haalele koke iho i ke alo o ka ela, aka, ma ka Octovia aoao hoi, ua hoomaopopo koke iho la oia, o ka hoomalielie wale no ka hana kupono i koe e hana aku ai i kumu e maalili koke ai ka inaina o ka eia, nolaila, ua mawehe ae la oia i kona lima e paa ia ana e Konia, a holo hou aku aku la i hope a haule kukuli iho ia ma na kapuai wawae o ka eia a e hiolo makawalu ana hoi na waimaka maluna o kona mau papalina.

            "E kuu haku maikai," wahi ana i pane aku ai me ka leo ha ʻ uha ʻ u," mai ae i kou inaina e haule iho maluna o ko maua mau poo. Aole nana i manao o keia mare malu ana o maua he mea ia hou e inaina nui ai. E huikala mai ia maua, e kuu haku maikai;" e haawi mai i na huikala ana he nui, aole no ko maua pono ponoi iho, aka, no ka pono o ko ʻ u makuakane, no ka pono o kona aloha nou, e nana iho me ka naau aloha nokona kaikuahine."

[Aole i pau.]

 

Hoolaha Humau.

 

PAPA! PAPA!

AIA MA KAHI O

Lewers & Cooke

 

(LUI MA),

Ma ke kahua hema o Alanui Papu me Moi

 

 

E LOAA NO NA

PAPA NOUAIKI

O kela a me keia ano.

 

Na Pani Puka, na Puka Aniani,

na Olepelepe, na Pou, na O ʻ a,

na Papa Hele, na Papu Ku,

me ua Papa Moe he nui loa.

 

NA PILI HALE O NA ANO A PAU

 

A me na

WAI HOOHINUHINU NANI

O na ano a pau loa.

 

Na Balaki o na Ano he Nui Wale

 

Ke hai ia aku nei oukou e ua makamaka a pau, ua makaukau keia mau makamaka e oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo ana mawaena e Laua a me ka Mea Kuai.

 

Hele Mai e Wae no Oukou iho.

2357-q

 

Ka Waiwai o ka Hilinai

 

Saseparila Ayer

 

AYER, Laau Saseparila kai kaulana i hilinai nui ia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau O keia.

 

LAAU SASEPARILA, no loko no ia o ke ae Saseparila Honedura maoli; ua loaa ka mana hoomaemae ma o ka hui pu ia ana me kekahi mau ua laau e ae, a me kekahi mau mea no loko o ka honua a me ka hao.

 

HE KOKO inoino a nawaliwali anei kou? Ua awili pu anei me na ano ma ʻ i ikaika? A ua huipu anei me na wai awaawa hoopahu? Na keia

 

LAAU e hoomaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Saseparila ua olelo lakou, aole he mea maikai e ae no ka hoomaemae koko ana mai na ma ʻ i i awili pu ia, aka o keia wale no. No ka

 

HOOMAEMAE ana i ke koko, a me ka hookahua pono ana i na mea a pau ma kekahi mau ano ma ʻ i i ike ia, o ka Ayer Saseparila wale no ka laau nana e hoomaemae ae me ka hakalia ole mamua ae o kekahi ano laau e ae. O ke ano

 

KOKO INO hakukaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Saseparila a Ayer. he maalahi a he

 

MAIKAI loa hoi keia laau, aole no ka hoomaemae wale ana no i ke koko, aka, no ka hookaawale pu ana kekahi i na ma ʻ i, hoomomona hou ana i ke koho ino, a me ka hooikaika pu ana i ka holopono ana ma na ae. He lehulehu wale na hooia ana mai na wahi a pau o ke ao nei i hoohana mai i keia laau mamua o kekahi mau laau e ae

 

A HILINAIIA no ka ikaika kupono o ke ola kino, ma ka maemae ana o ke noko, hoomake pu ia na ma ʻ i, a pela aku. he nui na laau hoomaemae koko i hoolaha wahahee wale ia malalo o na inoa he lehulehu, aka o na hilinai a me ua hooia wale no a ke ao holookoa, maluna o ka

Ayer Laau Saseparila.

 

E HOOMAKAUKAUIA E

Kauka J C Ayer & Co., Lewell Mass.

 

HOLLISTER & CO.

Na Agena ma ka Paainu Hawaii.

2357-q

 

hoolaha kumau

 

KAKELA

ME

KUKE

 

KA HALEKUAI NUI

 

O NA

 

WAIWAI LIKE OLE

 

NA MEA HANA

 

KAMANA A PAU

 

PAHI, UPA, PULUPULU

 

NA PENA

 

KAA PALALA

 

IPUKUKUI

 

A ME

KA AILA

 

PALAU

A me na mea Mahiai.

 

NA PAKEKE PONO

Ipuhao, Iliwai.

 

Makau me Aho Lawaia

 

Mikini Humuhumu

MIKINI A WILCOX ME GIBBS

 

Na Mikini a Remington

 

Kakela me Kuke.

[end]