Ka Nupepa Kuokoa, Volume XXXI, Number 25, 18 June 1892 — He Moolelo No KA Ui Nohea Berela. [ARTICLE]

He Moolelo No KA Ui Nohea Berela.

Ke Kamehai hoopono—Ke kupaa me ka luli ole—He wahine na ke kane hookahi—Ke au popilikia ;i me ka huli ana o ka pomaikai mahope o ka wahine. MOKI'NA XXI. MA KF. AI.ANI'I PAKA. <<He ma'i kona i maopopo lea aole he wahi manaolana o ka palekana, aka, mamuli o kekahi ulia pomaikai, a mamuli o na lawelawe loea a pauaho ole a kekahi lede a i kokua ia e kekahi o na Kaikuahine o ke aloha, peia iho la i palekana ai kou niakuakane mai na ka'e mai o ka luakupapau, a pela pu iho la I hoopauha ia ai na manaolana ana no kou lilo i ona a i haku no kela apana aina nui a me kela inoa hanohano. A iaia i kakau mai ai I keia palapala a'u i olelo aku nei ua loaa mai ia'u, aole no i hiki iaia ke ala a noho iluna, aka, maluna no o kahi moe oia i kakau ai iua palnpala nei, ma kona manao maoli iho, aole e hiki ana iaia ke hoi koke mai a hiki i ka mahina o Aperila." "Ua pono ae la. He oiaio h e elua mahina ka manawa kowa no'u e lawelawe ai i ka hana o ka hoomalimali a hoomaaleai ku'umakuahonowai kane," wahi a Octavia. "0 ku'u manawa kowa la i haawi manawalea ia e ka ulia pomaikai o ka manawa no ka lawelawe ana i kau mau hana a pau a e lilo ai i ona a i haku no keia wahi, a ma

ko'u manao e noonoo nei i keia wa, ua hiki no ia oukou wahine ke hana, no ka mea, he maalea a he akamai ko oukou i oi aku mamua o ka Alopeka, a elike me ia a'u e manao nei e hoike aku au, o ku'u manawa keia e lawelawe ai i ka hana a e hoike pu ae hoi i kou makaukau. Eia mai ka palapala ako makuakane. Heluhelu iho me ke akahele; a ia oe e ike a e maopopo pu ai i ka manao i hoike a i kakau ia ma ka hapa iiope, o kou wa ia e manao iho ai ua aneane oe i kau wahi e lilo ai i lede kiekie, waiwai a hanohano. Aka nae, ua huli ke au o ka pakalaki ma kou aoao a ua nele oe mai kou lilo ana i lede hano hano; a nolaila, i kumu e poho a e haule ole ai ko kaua manaolana, o ka wa keia nou e lawelawe ai i ka hana elike me ia i hooholo mua ia mawaena o kaua oiai ka Ia e kau ana—e hana ika hana oiai na la o ka noho'na opiopio. A maluna ae o na mea a pau, e hana, e hamohamo, e pahele, e pelo, a e hana aku oe i na ano hana a pau e pahele ai ka manao oko Haku makuahonowai a hana oia i kona palapala hooilina waiwai ma ka inoa o kau kane a kamau pu aku hoi kou wahi inoa, mamua o kona ike a lohe pu ana i keia ano hana poholalo a kakou. Pehea, ua hewa iho la anei keia mau olelo a'o a'u?"

Ia Mika Kaleneda i hooki iho ai i Keia mau hopuna olelo maluna ae, o kona manawa koke no ia i unuhi ae ai ika palapala mailoko ae o kona pakeke kuka a haawi aku la ia Octavia. Lalau aku la o Octavia me me ka ohaoha nui; wehe ae la a hoomaka iho la e heluhelu, ma kona nanaina ma ka hoomaopopo ana a ka mea unuhi, a pela pu paha me kou hoomaopopo iho e ka mea heluhelu, he nanaina hoka a ukiuki pu mamuli o na hana hoohoka a ke au o ka manawa, iaia e heluhelu ana i na huapfdapala i kahakaha ia e kona makuakane. Ua pa kolu a pa-ha kona heluhelu ana i ka manao o ka palapala, a iaia e heluhelu ana, o ka wa ia i hemo puahla mai ai ka puka a komo mai la o Konia iloko o ke keena. Eia hon ua hoopakalaki ia. A no ka mea hoi, aole i lohe a i Ike mahui mua o Konia i keia mau hana mawaena o kana wahine a me ka makuakane rKaleneda) no keia me«, ua onou koke iho ia o Otavia i ka palapala iloko o ka ekeeke o kona holoku ma ke ano huna, elike no hol me ka mea l maa iwaeiia o ka poe e lawelawe ana i na hana kolohe. [Aole i pau.]