Ka Nupepa Kuokoa, Volume XXXI, Number 31, 30 July 1892 — Page 2
| This text was transcribed by: | Carolyn Righi |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
M @
Ko Hawaii Paeaina i Huiia
No ka Makahiki. $2 00
No Lono Mahina. 1 00
Kuike ka Rula.
Na Puka Ana 1 Pule 2 Pule 3 Pule 4 Pule 5 Pule 6 Pule
Iniha $1.50 $2.00 $2.50 $3.00 $3.50 $4.00
2 Iniha 2.00 2.75 3.50 4.00 4.50 5.00
3 Iniha 2.50 3.50 4.50 5.00 5.50 6.00
4 Iniha 3.00 4.00 5.00 6.00 6.75 7.50
5 Iniha 3.50 4.75 6.00 7.00 8.00 9.00
6 Iniha 4.00 5.50 7.00 8.00 9.00 10.00
O na Olelo Hoolaha a pau hoouna ia mai ana no ka Hoolaha maloko o keia Nupepa, e hoouna pu mai me ka au@au, a ina aole, aohe hookomo ia.
HOOPUKAIA E KA
HAWAIIAN GAZETTE CO.
H. M. WHITNEY, Luna Nui,
J. U. KAWAINUI, Luna Hooponopono.
Poaono, Iulai 30, 1892.
E PAU KA AHA KUHINA HOLOOKOA E PONO AI.
Ua wawa ia i ka la 27 aku nei o keia malama, ua hoihoi aku ka Mea Mahalola ka Lolo Kuhina W. A. Whiting i kona hookohu iloko o na lima o ke Alii ka Moiwahine, a ua hoouna pu aku oia he kope o kana palapala haalele oihana i ke poo o ka Aha Kuhina.
O ke kumu ano nui a makou i lohe mai ai, aia he mokuahana a like ole mawaena o ka Aha Kuhina. Ua hoolala, kuka a apono like ka Aha Kuhina holookoa i na haawina o kela a me keia oihaha iloko o ka Bila Haawina, a pela lakou i waiho mai ai no ko ka Ahaolelo noonoo ana.
Ua huki like mai nei no ka Aha Kuhina ma na haawina o na oihana i pau aku, aka i ka hiki ana mai i kahi o na haawina o ka Oihana Loio Kuhina, ua mahae mai nei na hoi kuhina. Ua hele no ke Kuhina o ko na aina e ma kona manao iho a hui mai la ma ka aoao kue i na hoolala ana a ka Aha Kuhina; o kekahi mau kuhina hoi, ua mumule wale iho uo e kunana ai: a o ka Loio Kuhina ua paio hookahi aku ia a hiki i ka haule ana o kekahi mau haawina o kona oihana. Noonoo iho nei ola no ka hanohano o kana mea i aelike ai me kona au hoa kuhina e huki like, a hooholo iho la e hoihoi i kona hookohu malalo o keia kumu ae la.
Ua lohe pu ia mai, ua hoole ke Alii ka Moiwahine i ka lawe hookahi aku i kona hookohu i ka wa mua, ala a haalele pau aku ka Aha Kuhina, nolaila ua hoihoi hou ia mai no kona hookohu. Aka i kona wa i paakiki ai, aole loa e noho hou me kona mau hoa kuhina kumakaia a malama ole i ka hanohano o ka huaolelo ae e huki like, ua lawe aku la ka Moiwahine i kona hookohu. Nolaila, ua hakahaka ka noho Loio Kuhina i keia manawa.
Ina he oiaio o ke kumakaia o ka hapanui o ka aha kuhina a me ka makee ole i ka lakou mau kumuhana i hoolala ai ke kumu o ko ka Loio Kuhina waiho ana i ka oihana, alaila ua pono ka Lolo Kuhina a ua lalau haalele loa ka poe e hoopupu wale nei no maluna o na noho kuhina me ke akaka ole o ko lakou kahua hana e hookele aku ai i ka aina a me ka lahui.
Ke manao nei makou, ua hiki mai ka wa o keia aha Kuhina holookoa e peku ia ai me ka hookoe ole i hookahi.
He Ahele Pahaohao.
I ke ahiahi Sabati i hala, ua hele aku kekahi haole makai kiu o ka Hale Dute e pahele i ka pake holoi lole ma Alanui Moi e kokoke aku la i alanui Rikeke, ma ka mali ana aku e kuapo mai ua pake la iaia i 30 mau tini opiuma Kaleponi, a i 15 au tini opiuma aku o Kina mai a ka haole e kukai aku ai, oiai ua hoohuoi ia he kuai opiuma ka hana a kela pake a ma keia ahele i manao ia ai e loaa pono. Eia nae, i ka po Kabati, ua hele aku keia pake ia Kapena Larsen o ka puali makai o Honolulu nei e hoike ai, no keia hoolala opiuma ae la maluna mawaena o ku pake a me ka haole. Ma ka hora 9 kakahiaka Poakahi mai, ua hiki e aku la ke kapaena makai i kahi o ka pake holoi lole e kali ai i ka haole opiuma. Aohe i liuliu iho, hoea ana elua haole, hookahi nae e paa ana he puolo. Ua lele koke aku la o Kapena Larsen e hopu i ka haole me ka puolo no ka malama opiuma. Ua noi mai la ka haole i hopu ia aku la e hoookuu mai, no ka mea aia pu no o Larsen “ma ia hana.” Ua hoole loa o Larsen aole e hookuu, nolaila ua pane mai la ka lua o ka haole, aole opiuma oloko o na tini. Ia hou a ana iho o kekahi tini me ka pahi, heoiaio aohe opiuma, aka he poi a me ke ia i hui ia. Ua lawe ia ka haole a me na tini i Kuapapanui, kahi o na tini a pau i wehe ia ai e nana a loaa aku la aohe opiuma, o kela mau hana eepa wale ae la no maluna. Ua hookuu la ka haole, a ikea ae la he kiu kuikawa no ka Hale Dute e pea ana no i kona hookohu. Eia ka manao o keia ahele ana, ina e kukai io mai ana ka pake i na tini opiuma Kaleponi no na tini opiuma aku o Kina i hoopina ia i ka poi a nue ke ta, alaila o ka wa ia e hopu ia ai ka pake no ka malama opiuma, e i hoi pahua e.
Ua Lawe ia a Hoohui no Enelani.
Ua haalele iho ka mokukaua Beritania Champion ia Honolulu nei i ka la 13 o Iulai, a holo aku la a ku i ka la 18, mawaho o na kuaaua o ka mokupuni o Johnson. Ma ka la 19 ae, ua pakaha ia mai la ua mokupuni kanaka ole ia a hoohui ia aku la no Bertania Nui, me ke Kuahaua a Kapena Eustace Rooke o ke Champion e kaili ana ma ka inoa o Ke Alii ka Moiwahine Victoria o na Aupuni hui o Beritania nui a me Irelani, a me Emeperese o Inia. Ua waiho ia aku ke kuahaua maluna o ua mokupuni la.
O kela mokupuni o Johnson, aia no ia ke ku nei ma ka latitu akau 16 degere 15 minute, a ma ka lonitu komohana 169 degere 30 minute, he 700 mile paha ka mamao ma ke komohana hema mai Honolulu aku nei. He mau mokupuni keia elua i hoohui ia e ke kuaau a me ka lalani one. Ua piha i na punana manu, a he mau miliona manu e hoolilo la ia moku i home no lakou. He eha mau papai hale i loaa aku e ku ana, me he mea la na ka poe hui hana lepo manu i kukulu. Aohe laau ulu, aka ua piha i ka lepo manu. Ua hoopuni ia ka mokupuni e na kuaau, a me ka puikaika e hiki ai ke pae aku.
Ua ili ma keia mokupuni ka moku “Jacob A. Howland” i ka la 26 o Dekemaba, 1888, na palokana no nae na mea a pau, aohe ola i poino.
NA AINA MAMAO.
O na mea hou o ke koho balota lunamakaainana ma Beritania nui no ka Ahaolelo, ke hoike mai nei ia, ua loaa i ka aoao Kuokoa he kanalima puka, ela nae aole i hoopaewa ia ke kulana o ka aoao alii a me na oha pili wale o ka Uniona. Ke keha e mai nei na nupepa, e loaa ana ia Pohakuhauoli he wahi puka uuku, aole nae paha me ka hapanui kupono no ka hoohana ana, ke hui pu ia na lunamakaainana Irelani a me ko ka aoao paahana, i kanalua ia ko lakou aoao e hui aku ai.
Ua make mai nei o Mr. Dillon i ka la 9 o Iolai, ka lunamakaainana mai ka apana mai o Swansea, Irelani, nana i noho mau ia noho mai ka 1855 mai, oiai oia e haio lelo ana i mua o kona poe koho balota a loohia iho la i ka mai kuhewa. He 78 ka nui o kona mau makahiki, a he kuokoa mahope o Pohakuhauoli.
Mamuli o ko ke aupuni o Potugala unuhi ana aku i kona Hope Kuhina noho a me Kanikela Generala mai ke alo alii aku o Iapana, a pani ma la wahi i Kanikela—Kalepa, ua hooholo iho ke aupuni o Iapana e hoopau i na pauku pili i na mana kauikela o ke kuikahi i aelike ia ai e ia a me ke aupuni o Potugala, a ua kauoha ia e hoopau.
Ua piha na lono e pahola nei ma Kina no ka hakaka mau i kela a me keia la mawaena o na puali koa Farani a me na poe hoohaunaele o Tongking. Hoke o na kaua hope ana mai ne elua, ua auhee na koa Farani a ma kekahi o ia mau kaua, ua haule make aku o Kapena Perrin, me ka poe o ae.
Ua hiki ae na lohe ma Iokahama, Iapana i ka la 8 o Iulai, mai America Huipuia aku, e hoike ana, ua hoole ka Ahaolelo Lunamakaainana nui ma Wasinetona i ka bila e kuu akea ana i ka hoohehee dala keokeo. Ua hooholo mua ia keia bila e ka Ahaolelo Senate e eha wale no ka oi maua ae o ka poe kue.
Ua pahu ia he 500 mau tona diana pauda o ka Hui Hana Pauda maluna o kahi mokupuni uuku ma Berkeley, Kaleponi, a ua lohe ia kona nakolo e na wahi he kanalima mau mile ka mamao. Ua eli iho kela pahu ana i lua pele he 80 kapuai ka hohonu. He 7 wale no i make loa, a he lehulehu i hoeha ia. Ua oi aku ka ikaika o ka nakolo ma Kapalakiko mamua o ko kahi i pahu ai. Ua nui na puka aniani i nahaha a helelei mai.
Mai Pau i ke Ahi.
Oiai e hoomakaukau ia ana ka nupepa puka la namu Bulletin e kau iluna o ka pepa pai i ka hora 4:25 o ke ahiahi Poakahi nei, aia hoi lapalapa ia ana oluna o kaupoku o ka hale e ke ahi, a hooho ia ana he pau ahi. Me he mea la, ua lele ka huna ahi mailoko ae o ka puka uwahi o ke kapuahi o ka enegini mahu nana e hookaa ka huila o ka papapai a haule iluna o kaupoku, ae ia ai oluna o kaupoku o ka hale ma kahi kokoke no i ka puka uwahi. Ua hiki koke ae na puali kinai ahi a kinai i ke ahi a pio me na lima kokua pu. Ua hapai ia na papa hua kepau o ka Bulletina a i ka halepai o T. G. Thrum kahi i pai ia ai a hoopuka ia mai i ke ahiahi ana iho. Aohe nui o ka poino.
Ua hekau mai ma ka nuku o Mamala i ka hora 4 o ke ahiahi Poalua nei, mai Kina a me Iapana mai, iloko o na ia holo he 10 a me 6 la a me hapa mau hora mai ke awa hope mai. Ua Iawe pu mai keia moku, ia 7 mau ohua kapena a me 368 mau pake no Honolulu nei, oia he 242 mau kane pake, 35, wahine a me 91 kamalii.
HE AHA MELE NUI
E Weheia Ana e ka Ahahui Mele Hawaii Noeau.
Ua Laweia mai na Hookon@ Ana mai ka Buke Mele Kaulana e ma Kana o ke K@ Homolele ma Ierusalema, ka Aina o Palesetina.
Ma keia po Poaono la 30, hora 7:30 o ke ahiahi, e wehe la ana ka Ahahui Nui nona ka inoa i kapa ia, o ka Hui Mele Hawaii Noeau, maloko o ka Hale Mele Hou. O na loaa a pau o ia Aha Mele ma ia po, no na hemahema no ia o ka Ekalesia makua o Kawaiahao. A ke manao lana nei na hoa a pau nana i hoala a i hooikaik@ luhi ole i keia mele paakiki a na haole i manao ole ai e hiki ana i na Hawaii.
E naue nui ae e na makamaka ma ka Hale Mele i ua ahiahi la, e ike a lohe pono no auanei oukou i ke kani aweawe lea o ka leo o na Hawaii ponoi. O keia hana maikai i hoala ia i mea nana e pale hookaawale aku i keia ao omamalu e kau nei maluna o ka Ekalesia oia hoi ka inoa aie.
E aia e na hoahanau a hapai like i keia hana hoomaemae me ka manao lokahi, mai minamina i na hapaha, no ka mea ia oe e lulu ai no na hana pono me ka haawi hemolele na ke Akua no e hoopiha mai i kahi hakahaka o kou waihona.
O keia mele i kapa ia o “Keru sade,” oia no na pualikaua i hele e luni i ka aina Hoano a me ka lua o ka Haku i waiho ai a haku ia e Nile Cade ma ke ano hookalakupua he nuhou nui keia, he mele hou akahi no a mele la ma Honolulu nei imua o ke akea e na Hawaii puukani ponoi o ka aina, a puni himeni hoi—he buke mele okoa no keia mai mua mai a hiki i ka pau ana o na aoao pila he 109.
O ka mahele elua, oia ka uhi ana mai o ka po a hoolilo ia ke one waoakua i kulanakauhale nani i mau malapua me na muliwai e kahe ana mao a maanei, no lokowai pilii e pipio ana i hoopuni ia e na pua rose, a iloko oia mau luawai i ike aku ai o Linaliko ke koa ui haaheo i na uhane o ka po, na kaikamahine uha ne nani lua ole e hoohenoheno ana iloko o ka wai, a ua kapa ia lakou o na ui ekolu o ka mapuna wai aniani, a maanei o Amida ke alii wahine o ka po ihea mai ai ia Linaliko me ka leo aloha nahenahe e hoinainau mea ipo ana ka nahele, ke ike i na puu hoomahie luna oia mau liilii nahenahe, e mele ia au ana imua o oukou i ua po la, iloko o ka hale Mele Hou.
O ka mahele ekolu, oia ka hiki lanakila aua o ka pualikaua i Ierusalema, a hala ka inea me na pilikia a pau mahope lanakila a lilo mai la o Ierusalema, hooho leo nui ae la lakou Hosana Hosana.
Ua unuhi piha la ka buke holookoa mai ka olelo Beritania a i ka olelo Hawaii, e ka Palekikena o ka Ahahui Mele Hawaii Noeau Ululani a hooponopono ia iloko o na hua mele e ka polopeka Hawaii D. Kaululehua Naone, ua pau pono me ka maikai na hua a pili pono i ka leo, a ke mele, a ke himeni ia nei e ka ahahui noua ka inoa Noeau maluna ae, me ka holopono a maalahi loa. O keia mea huna akamai a ka haole i noii malie ia aku nei a lilo i na puukani Hawaii i mea liilii loa o “Hawaii na ka oi,” a e hiki loa ia kakou i na Hawaii ke I ae i ke au Moiwahine ia Liliuokalani wale aenei no i nowelo a olali ia aenei na mea hihiu a ka haole, i ke au i hala aku nei i manao ia he hihiu a mamao loa na hua namu ke unuhi ia a ka olelo Hawaii.
Iloko o na mahina eha ponoi wale no i ao ia ai keia mele malalo o ke alakai ana a ke kumu puhi oho nui o ke aupuni Prof Henry Barger a me David Kaululehua Naone me ke kokua nui ana mai o Lima Naone i ke ao ana.
AHAOLELO O 1892
Koena mai ka aoao ekahi mai.
Na ke Alii Young o ke Komite Wae i haawi ia ai ka bila 84, e hoololi ai i kekahi mau pauku o ke kanawai koho balota o 1890, e waiho ma ka papa. Apono ia.
NA OLELO HOOHOLO ME NA BILA.
Na L. M. Smith i heluhelu mua mai i keia mau bila, [1] e kaupaleua ai i na laikini kuai rama a e hooponopono ai i ka heluna, [2] e hoomana ai i ka pepehi ana o na manu ai laiki.
Na ke Alii Williams i heluhelu mua mai i ka bila e papa ai i ka hookomo ana mai o ka mongoose a me ka hoolaha ana aku ma ka mokupuni o Oahu nei.
Na ke Alii Kakina i heluhelu mua mai i ka bila e hookaawale ai i ka mahele ana o ka Auhau Hale ma’i.
Hoolaha mai ke Alii J. M. Horner, e halawai ke Komite Dala Pepa mahope iho o ka hoopanee ana o keia ia.
Pane ka Loio Kuhina i na ninau a L. M. Kapahu i ka Ilamuku e pili ana i ka nui o na luina mahuka i hopu ia a me na makana I uku ia: He 557 ka nui o na luina i hoike ia mai ua haalele he 282 nae o lakou i hopu la; [2] he kanawalu ka nui o na makai i hoounauna ia e huli a hopu; [3] e loaa ana i ka makai kona mahele o na makana ina ua uku ia mai, a o na huina dala koe mai no ka hoopaa ana i keia poe, ua hoihoi ia i ka Waihona Aupuni. Haawi ia i ke Komite Wae, nieniele i ka Ilamuku.
Ma ke noi, ua hapai ia ka
HANA O KA LA,
Oia ke koena aku o ka Bila Haawina iloko o ke Komite o ka hale. Noho o Kamauoha i lunahoomalu.
Uku o na makai o Hawaii $60,000.
Noi o L. M. Nawahi, e mahelehele ia ka uku o na makai a e hoomaka mai ko Honolulu aku mau mai. I ka ninau ia ana o ke noi, ua haule.
Hoopaapaa hou a hoomaha wale i ko hora 11:58 awakea.
HALAWAI AUINA LA.
Akoakoa hou ka hale i hora 1:30.
Lilo hou na hoa i ka hoopaapaa ahiki i ka hora 3:46, noi o L. M. Nawahi e hoopau ke Komite.
Noi o L. M. Smith, e hoopau i ke Komite, a e waiho i na haawina o na makai o Hawaii, Maui, Oahu a me Kauai a hiki i ka wa e hoike mai ai ke Komite Waiwai, a i ka wa e noonoo ia ai na haawina malalo o ka Oihana i Kalaiainia, i mua no o ka hale.
Noke hou i ka hoopaapaa ahiki i ka hora 4:06 ninau ia ke noi a Nawahi a haule.
Hoopaapaa hou ka hale a ka hora 4:44, noi o Nawahi e hoopau i ke Komite a e hoike aku nohe mea I hana ia. Nihau ia a haule no.
Hora 4:54, ninau ia ke noi e hoopau i ke Komite a e hoike aku, ua waiho ia na haawina i koe o ka Oihana Lolo Kuhina a me ko ka Buro Hoonaauao a hoike mai ke Komite Waiwai. Hooholo ia.
Hoopau ia ke Komite a apono ia ka hoike.
Hoopanee ka hale.
LA HANA 49, IULAI. 26, 1892.
Hoomaka na hana e like me ka mau.
Ma ke kapae ia ana o na rula, ua heluhelu mai ke Alii Baldwin i keia mau hoopii. (1) Mai Makawao mai, e kukulu ia ona halekula a me hale noho no ke kumu ma Halehaku. Aia i ke Komite Hoonaauao. (2) mai Makaweli mai i awa kumoku akea. Waiho ia a noonoo pu me ka bila.
NA HOIKE KOMITE
Na L. M. Ashford o ke Komite Hookolokolo, no ka hoopii 243, (1) aole e koho ia na Lunahooponopono Waiwai o ka poe make e ka Lunakanawai Kiekie, aohe a ke Komite olelo ao, [2] aole e lawe na loio i na uku hoopaa, aohe a ke Komite hoike, [3] e ae ia na wahine mare e koho balota, e waiho ia na hoopii ma ka papa. Apono ia.
Na ke Alii Neumann o ke Komite Hookolokolo, no ka hoopii 249 a ka poe kaa hoolimalima, [1] aole pono e uku lakou a oi aku mamua e hookahi laikini i ka makahiki. E hoopau ke Kuhina Kalaiaina ia rula, (2) no ka hoolilo i ka poe holoholo kaa uku ole i hewa mikamina, aohe a ke Komite olelo ao, eia paha ka hoouku papalua aku i ka poe uku pololei a pela e uku ia ai ke poho a ka poe hookaa ole i hana ai. Apono ia.
Na ke Alii Kakina o ke Komite o na Hana hou, no ka olelo hooholo 95, e hookaawale i $3,000 no ke kuai i ka uapo o Kahului, e hoomoe ma ka papa, no ka mea aohe a-e o ka Hui Alahao o Kahului e kuai, oiai he $10,000 ko lakou mau lilo. Apono ia.
Na ia Komite hookahi no, no ka hoopii 234 a ka ekalesia o Kalihi e koi ana i $200 o ka aina ekalesia i lawe ia i alanui, e haawi aku i ke Kuhina Kalaiaina. Apono ia.
Na ke Komite Pai, ua pau i ke pai ia kekahi bila.
NA OLELO HOOHOLO ME NA BILA.
Na L. M. R. W. Wilikoki i heluhelu mua mai i ka na mau bila, (1) e hoolilo ai I ka Pauku 54 o ke Kumukanawai, [2] e hoololi ai i ka Pauku 59 o ke Kumukanawai, [3] e hoololi ai i ka Pauku 20 o ke Kumukanawai.
Na L. M. Pua, he ninau i ke Kuhina Kalaiaina, [1] ehia mau laikini kuai rama liilii a kuai nui i hoopuka ia e ke Kuhina a puni ka aina? [2] a ia wai i hoopuka ia ai ua mau laikini la?
Na L. M. R. W. Wilikoki, he olelo hooholo, e hookaawale ia i $200,000 no ke kokua ana i ke alawai oki o Panama. Aia i ke Komite Wae R. W. Wilikoki, Smith, Ashford, Kaluna, Waipuilani, J. M. Horner a me ke Kuhina Waiwai.
Na L. M. Nawahi, he olelo hooholo, e koho ia ona Komite no ka huli ana ina he mea pomaikai no ke aupuni ke komo ana e kuka me na aina a hui pahae hoolala nei no ka hoomoe ana i ka waeaolelo moana e kipa ai i keia mau mokupuni. Haawi ai no i ke Komite maluna ae.
Na ke Alii Drier, he mau ninau i ke Kuhina o ko na aina e. [1] Ua lohe e anei ka Aha Kuhina e kaili ia ana ka mokupuni o Johnston? [2] Aole anei ka mokupuni o Johnston he lihi no keia aupani? [3] He keakea anei kekahi a keia aupuni e kue ana i ke kaili ia ana?
Na L. M. Waipuilani, he olelo hooholo, e noi ia ka Loie Kuhina e kauoha aku i ka Ilamuku e ninini akea ia ka 20 galani okolehao e hoahu ia nei ma ka hale hoopaa lawehaia.
Aia i ke Komite Hoole Waiona.
Noi mai ke Kuhina Waiwai a me L. M. Smith e hookuu ia laua mai ka noho ana i mau lala no ke Komite Bila Banako Hawaii. Ae ia.
Noi o L. M. Ashford ina e hoopanee keia hale, alaila e hoopanee a hiki i ka Poalua e hiki mai ana. Mahope o ka hoopaapaa ana, ua hoole ia ke noi.
Noi na Alii Kakina a me Young e hookuu ia aku laua no kekahi mau la. Ae ia.
Ma ke noi a ke Alii Neumann, ua hapai ia ka
HANA O KA LA.
Noi ke Alii Neumann, e hapai ia ka bila 45, pili i na kai lawaia, ma ka heluhelu akolu. Ae ia. Heluhelu ekolu ia a hooholo loa ia.
Hapai ia ka noonoo ana i na hoike a ka hapanui a me ka hapa uuku o ke Komite Hookolokolo no ka bila 73, e pili ana i ka hoololi o ka Pauku 76 o ke Kumukanawai. O ka hoike a ka hapanui o ke Komite e hookomo i ka huaolelo “Aliiaimoku” ma kahi o ka huaolelo “Moi” e ku nei. O ka hoike hoi a ka hapa uuku, e hoole ana, no ka mea he nui na Pauku e ae i kom@ ia e ka huaolelo “Moi.”
Ha@naha ka hale a halawai hou i ka hora 1:30.
HALAWAI AUINA LA.
Akoakoa ka hale i ka hora 1:41.
Hoopaapaa hou ka hale a hooholo ia ka hoike a ka hapanui.
Noi ke Alii Neumann, e lilo na hoololi i ke Kumukanawai i hana no ka la 2 o Augate. Ae ia.
Heluhelu ekolu ia ka bila e kau ai i auhau maluna o na pepa hahau. Mahope o ka hoopaapaa ana, ma hooholo loa ia ka bila.
Heluhelu ekolu ia ka bila 46, e hoolilo ai i ka Aha Hookolokolo o Kau Komohana i Aha Hoomalu. Hoeholo loa ia.
Heluhelu alua ia ka bila 57, e mahele ai i hookahi aha hoomalu a i elua aha apana no Hilo.
Noi ke Alii Neumann, e haawi hou ia ka bila i ka mea nana i lawe mai no ka hooponopono hou ana. Ae ia. Waiho ia i hana no ka Poaha.
Hoopanee ka hale.
LA HANA 50, IULAI 27, 1892.
Hoomaka na hana i like me ka mau.
Koho ka noho ia L. M. Ashford a me ke Alii Macfarlane i mau pani no na lala hakahaka o ke Komite Banako Hawaii.
NA OLELO HOOHOLO ME NA BILA.
Na L. M. Waipuilani, he olelo hooholo e koho ia ona komite wae e huli aku i ka mea oiaio e wawa la nei no ka Hope Makai nui o Ewa, ua hoolilo ia ka opiuma i lepo.
Hoololi mai o L. M. Smith i ka olelo hooholo penei: “E haawi ia ka olelo hooholo i kekahi Komite Wae e imi aku i na mea oiaio a hoike mai, a e huli pu aku a hoike mai no ke kumuhana akea o ka hookomo ana mai a me ka hoohana ana aku i ka opiuma iloko o keia aupuni a me ko ke komite manao e pili ana ia mea. Koho ka noho i ke komite, Waipuilani, Bush, White, Kapahu a me ka Alii Pua.
Hoolaha mai o L. M. Waipuilani, e halawai ke komite i ka wa hoomaha o keia ia, no ka hoolauna ana o keia hoa kela hoa.
Olelo mai ke Kuhina o ko na aina e, ua makemake oia e hoomaha ka hale i heia wa (hora 11:15), no ka mea e halawai ana ka Aha Kuhina i keia wa aku.
Heluhelu mai ke Kakauolelo i ka pane a ka Loio Kuhina i na ninau a L. M. Kapahu e like penei: (1) ma na hihia opiuma a pau ua loaa wale no na mahele o na hoopai koe ekolu makai, ua pua ia e ka Ilamuku ka hapalua o ka hoopai no ka uku aku i ka wa e noi ia mai ai e na poe pake nana i hai mai. (2) Aole i hoohiki ia na makai no kekahi mau hoolilo. (3) Ua hoike ia aku no ka lohe i na makai i hoemi ia mai ka uku no ka mai, a pela no hoi ina e noho kekahi makai i ehiku la o ka malama no ka mai a ae ole ia paha, he hapalua o ka uku la o ka malama ke hoolawe ia ae no kela a me keia ia i noho ia. Oiai, o ka huina i hoemi ia o ka poe i noho aole i unuhi piha ia mai ka waihona dala mai, nolaila aole he mea e hoihoi aku ai.
Pane ke Kuhina Kalaiaina i na ninau a L. M. Pua, i pili i ka nui o na laikini rama kuai kukaa a kuai liilii, a la wai ia. Eia ka poe ia lakou na laikini kuai kukaa; E. Hoffschlaeger & Co., H. W. Schmidt & Sons, G. W. Macfarlane @ Co., Gonsalves & Co., Hoy Hing, Quong On Kee & Co., H. Hackfeld & Co., Wing Wo Tai & Co., Wing Wo Chang & Co., F. A Schaefer & Co. Laikini kuai liilii:--Pacific Saloon, Bee Hive, Royal Hotel, Cosmopolitan Hotel, Bay Horse Saloon, Hawaiian Hotel, Empire Saloon, Union Saloon, Pantheon Saloon, Commercial Saloon, Criterion Saloon, Merchant’s Exchange, Anchor Saloon; no Honolulu lakou a pau. Kohala Saloon (Kohala), Iao Saloon (Wailuku), Wailuku Saloon (Kahului), Lahaina Saloon (Lahaina), a me Hilo Saloon (Hilo). Huina nui o na laikini liilii i hoopukaia he 18.
Hoomaha ka hale i ka hora 11:40 a noho hou i ka hora 1:30.
HALAWAI AUINA LA.
Akoakoa hou ka hale i ka hora 1:40.
Na L. M. Koahou, he olelo hooholo, e koho ia ona komite wae nana e kau ona hoopai maluna o na Alii Kauhane a me Baldwin, no ko laua haalele wale me ke noi ole i ka hale. Hoomoe ia ma ka papa.
Heluhelu mua mai o L. M. Ashford ma ke poo o kana bila.
Ma ke kapae ia ana o na rula, ua heluhelu mai o L. M. Kamauoha he elua mau hoopii mai Kohala mai, e pili ana no ka hana hou ana i Kumukanawai. Aia i ke komite kumukanawai.
Noi mai o L. M. Ashford e hookuu aku iaia e hoomaha i hookahi pule. Ae ia.
Na L. M. Ashford he mau ninau i ke Kuhina Kalaiaina, (1) Nau anei i kakau inoa ke Komisina o ka Ilamuku Kinai Ahi John Neal? Ina pela, ma ka la hea? (2) He kupa Hawaii anei o John Neal? Ina pela ma ka la hea i loaa ai? (3) Ke paa nei anei o Jojhn Neal he palapala hookupa oihana? Ina pela, i ka wa hea i loaa ai?
Heluhelu mua mai o Kaunamano i keia mau bila, (1) E kukulu ai i Kulanui e hoonaanao ia ai na opio Hawaii. (2) E hooponopono hou ai i ke kanawai o na Haku me na Kauwa. (3) E mahele ai ia Hamakua i elua apana hookolokolo, a e hookaawale ai i Aha Hoomalu a i Aha Apana. (4) E hoomana ai i ke Kuhina Kalaiaina e hoolaha i ka papa inoa o na awapae he kuleana ko ke aupuni.
Na kela Luna hookahi no, he olelo hooholo e hookaawale ia i $2,500 no ke kukulu ana i kuia Enelani ma Hamakua. Waiho ia a noonoo me ka Bila Haawina.
[Aole i pau.]
Hoolaha Hou.
MA KE KEENA O KA LUNAKANAWAI Kaapuai Apana Ekolu o Ko Hawaii Pae Aina. Ma ka hana o ka waiwai o S. KAMALI no Waiohinu, Kau, Hawaii, i make.
Ua heluhelu a ma waihoia mai ka palapala noi a K. Macomber me M. K. Kekuewa, kekahi mau hooilina no ka waiwawi o S. Kamali no Kau, Hawaii, i make, e noi ama e hoopau aku ka hana a ka Lunahooponopo Waiwai, a e hooholoia ka waiwai i na hooilina. Nolaila, ua kauoha ia na mea a pau i pili, o ka POAONO, oia ka ia 10 o SEPATEMABA, M. H. 1892, i ka hora 9 kakahiaka, ma ka Hale Hookolokole ma Waiohinu, Kau, Hawaii, oia kahi a me ka manawa i koho ia no ka hoolohe ana i na noi la me na mea kue ke hoikeia: @ wakauohaia ka lunahooponopono waiwai J. H. S. Martin, e waiho mai i kana hoike hope imua o ka Aha me ka makaukau e hoopau koke aku i kana hana no ia waiwai, ma ia la i oleoia maluna.
F. S. LYMAN,
Lunakanawai Kaapuni Apana Ekolu, K.H.P.A.
Hilo, Hawaii, Iulai 25, 1892. 2400-3t
MA KE KEENA O KA LUNAKANAWAI Kaapuni Apana Ekolu o Ko Hawaii Pae Aina. Ma ka hana o ka waiwai o KAILI KAKIO no Waiohinu, Kau, Hahaii, i make.
Ua heluhelu a na waihoia mai ka palapala noi o J Kauhane, ka lunahooponopono no ka waiwai o Kaili Kakio no Waiohinu, Kau, Hawaii, e noi ana e hoapone ia kana hoike hope a e hooholoia ka waiwai i na hooilina, a e hookuu aku laia a me kona hope ma ka oihana. Nolaila, na kanoheia na mea a pau i pili, o ka POAONO, oia ka la 10 o SEPATEMABA, M. H. 1892, i ka hora Waiohinu, Kau, Hawaii, oia kahi e me ka manawa i kohoia no ka hoolohe ana i ua noi la me na mea kue ke hoikeia.
F. S. LYMAN,
Lunakanawai Kaapuni Apana Ekolu, K.H.P.A.
Hilo, Hawaii, Iluai 25, 2892. 2400 3t
MA KE KEENA O KA LUNAKANAWAI Kaapuni Apana Ekolu o Ko Hawaii Pae Aina. Ma ka hana o ka waiwai o MANULII KAPUAA (w) no Kau, Hawaii, i make.
Ua heluhelu a ua waihoia mai ka palapala noi a D. Keliiaa me Kaaina, na Lunahooponopono no ka waiwai o Manulii Kapuaa (w) o Hionamoa, Kau, Hawaii, i make, e noi ana e hoapono ia ka laua hoike hope, a e hooholoia ka waiwai i na hooilina, a e hookuu aku la laua a me ko laua mau hope ma ka oihana. Nolaila ua kauoha ia no mea a pau i pili, o ka POAONO oia ka la 10 o SEPATEMABA, M. H. 1892, I ka hora 9 kakahiaka, ma ka Hale Hookolokolo ma Waiohinu, Kau, Hawaii, oia kahi a me ka manawa i kohoia no ka hoolohe ana i ua noi ia a me na mea kue ke hoikeia.
F. S. LYMAN,
Lunakanawai Kaapuni Apana Ekolu, K.H.P.A.
Hilo, Hawaii, Iulai 25, 2892. 2400-3t
MA KE KEENA O KA LUNAKANAWAI Kaapuni, Apana Ekolu o ko Hawaii Pae Aina. Ma ka waiwai o Hoohoku w., no Kau, Hawaii, i make.
Ua waiho ia a ua heluhelu ia ka palapala noi o D. Kelilaa, e noi ana e hoapono ia ka hoike hope a Kapuaa i make aku nei, oia hoi ka Luna Hooko no ka Palapala Kauoha hope loa a Hoohoku (w), no Kau, Hawaii, i make, a e hooholo la ka waiwai i na mea i pili, a e hoopau aku ka hana a ka Luna Hooko, me ko ka Luna Hooponopono Waiwai: nolaila, ua kauoha ia na mea a pau i pili, o ka POAONO, oia hoi k@a la 10 o Sepatemaba, M. H. 1892, ma ke hale hookolokolo o Waiohinu, Kau, Hawaii, i ka hora 9 kakahiaka, oia kahi a me ka manawa i koho ia no ka hoolohe aku i ua noi la me na mea kue ke hoika ia.
F. S. LYMAN,
Lunakanawai Kaapuni Apana Ekolu, H.P.A.
Hilo, Hawaii, Iulai 25, 2892. 2400 -3t
MA KE KEENA O KA LUNAKANAWAI Kaapuni, Apana Ekolu o ko Hawaii Pae Aina. Ma ka waiwai o Kauwa w., no Naalehu, Kau, Hawaii, i make.
Ua heluhelu ia a ua waiho ia ka palapala noi o J. K. Meheuia k., e noi ana e hoolaio aku i ka Palapala Kauoha hope loa a M. Kauwa w. no Naalehu, Kau, Hawaii, i make, i waiho pu la mai imua o ka Aha: nolaila, ua kauoha ia na mea i pili o ka POAKAHI, oia ka la 12 o Sepatemaba, i ka hora 9 kakahiaka ma ka hale hookolokolo o Waiohinu, Kau, Hawaii, oia kahi a me ka manawa i koho ia no ka hoolohe aku i ua noi la me na mea kue ke hoike ia.
F. S. LYMAN,
Lunakanawai Kaapuni Apana Ekolu, H.P.A.
Hilo, Hawaii, Iulai 25, 2892. 2400-3t
MA KE KEENA O KA LUNAKANAWAI Kaapuni, Apana Ekolu o ko Hawaii Pae Aina. Ma ka waiwai o Kalani k., he mea oo ole no Pahala, Kau, Hawaii.
Ua heluhelu ia a ua waiho ia ka palapala noi o Haaloku w. me Kane k. na Kahu Malama o Kalani k. he mea oo ole, no Pahala, Kau, Hawaii, e noi ana e hoapono ia ko laua hoike e pili ana i ka laua oihana a e koho ia aku i Kahu Malama okoa, a e hookuu aku ia laua me ko laua hope; nolaila, ua kauoha ia na mea a pau i pili o ka POAKAHI, oia ka la 12 o Sepatemaba, M. H. 1892, i ka hora 9 kakahiaka, ma ka hale hookolokolo o Waiohinu, Kau, Hawaii, oia kahi a me ke manawa i koho la no ka hoolohe aku i ua noi la me na mea kue ke hoike ia.
F. S. LYMAN,
Lunakanawai Kaapuni, Apana Ekolu, H.P.A.
Hilo, Hawaii, Iulai 25, 2892. 2400 -3t
MA KE KEENA O KA LUNAKANAWAI Kaapuni, Apana Ekolu o ko Hawaii Pae Aina. Ma ka waiwai o Kaili Ehu k., no Kau, Hawaii, i make.
Ua heluhelu ia a ua waiho ia ka palapala noi o Jno. K. Kekaula me J. H. S. Martin, na Luna Hooponopono no ka waiwai o Kaili Ehu k. no Kau, Hawaii, i make, e noi ana e hoapono ia ko laua hoike hope loa no la waiwai, a e hooholoia ka waiwai i na hoolina, a e hookuu aku i na Luna Hooponopono Waiwai me ko laua mau hope: nolaila, ua kauoha ia na mea a pau i pili o ka POAKAHI, oia ka la 12 o Sepatemaba, M. H. 1892, i ka hora 9 kakahiaka ma ka hale hookolokolo o Waiohinu, Kau, Hawaii, oia kahi a me ka manawa i koho ia no ka hoolohe aku i ua noi la me na mea kue ke hoike ia.
F. S. LYMAN,
Lunakanawai Kaapuni, Apana Ekolu, H.P.A.
Hilo, Hawaii, Iulai 25, 2892. 2400-3t
AHA HOOKOLOKOLO KAAPUNI APANA Elua o ka Hawaii Pae Aina. Ma ka hooponopono waiwai. Ma ka hana o ka waiwai o JOSE ESPINDA o Lahaina, Maui, i make.
Ma ka heluhelu a me ka waiho ana mai o ka palapala noi a me ka papa hoike o Maria Espinda ka Hooko Kauoha o ka waiwai o Jose Espinda no Lahaina, Maui, i make, e noi ana e apono ia na hoolilo he $............, a e hoike ana o na mea i loaa mai iaia he $............, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia o ka POAONO, ka la 20 o Augate, M. H. 1892, ma ka hora umi o kakahiaka, imua o ua Lunakanawai ia, ma ke Keena ma ka Hale Hookolokolo ma Wailuku, Maui, oia kahi a me ka manawa i koho ia no ka hoolohe ana i ua noi la a me na papa hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e pai ia maloko o ka nupepa Kuokoa, he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Wailuku, Maui, Ko Hawaii Pae Aina, July 26, 1892.
A. N. KEPOIKAI,
2400-3t Lunakanawai, Kaapuni Apana Elua
AHA HOOKOLOKOLO KAAPUNI APANA Elua o ka Hawaii Pae Aina. Ma ka hooponopono waiwai. Ma ka hana o ka Waiwai o PILIALOHA (k) o Maua, Kaupo, Maui, i make kauoha ole.
Ma ka heluhelu a me ka waiho ia ana mai o ka palapala noi a Helio Punihele (k) e hoike ana na make kauoha ole o Pilialoha (k) no Maua, Kaupo, Maui, ma Kaupo, Maui i ka la 28 o Novemaba, 1891, a e noi ana e hoopuka ia ka Palapala Hookohu Lunahooponopono Waiwai ia Helio Punihele.
Ua kauoha ia o ka POAONO ka la 27 o Augate, M. H. 1892, ma ka hora 10 kakahiaka, oia ka manawa i kohoia no ka hoolohe ana i ua noi la iua o ua Lunakanawai la ma ka Hale Hookolokolo, ma Wailuku, Maui, a ma ia manawa a ma la wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia kauoha e hoolahaia ma ka olelo Hawaii, i ekolu pule maloko o ka nupepa Kuokoa, he nupepa ma Honolulu.
Kakauia ma Wailuku, Maui, Ko Hawaii Pae Aina, July 26, M. H. 1892.
A. N. KEPOIKAI,
2400-3t Lunakanawai, Kaapuni Apana Elua.
AHA HOOKOLOKOLO KAAPUNI APANA Elua o Ko Hawaii Pae Aina. Ma ka hooponopono waiwai. Mokupuni o Maui. Ma ka waiwai o WILLIAMMORRIS no Waihee, Maui, i make.
No ka mea, ua waihoia mai imua o ka Aha ma ka la 17 o Dekemaba, 1891, kekahi palapala i oleloia oia no ke kauoho hope loa a William Morris i make aku la, a me ka palapala hoopii e noi ana e hoo@ ia kela Palapala Kauoha a e hoopukaia hoi ka palapala lunahooko kauoha no J. W. Kalua i waihola mai e J. W. Kalua.
Nolaila, ua kanoahaia o ka POAHA, oia ka la 25 o AUGATE 1892, ma ka hora 10 a.m., ma ke rumi hookolokolo o la Aha ma Wailuku, Maui, oia ka la a me ka hora e hooiaio ia ai ua palapala kauoha la, a e hoolohaia ai hoi ia noi ana mai, a me na poe a pau i pili e kue ana i ua palapala kauoha la a me ka hoopuka ana i ka palapala lunahooko.
A ua kauoha hou ia, e hoolahaia ia mea no na manawa ekolu iloko o ka nupepa KUOKOA he nepapa i pai a i hoolahaia ma Honolulu.
Kakauia ma Wailuku, Maui, Ko Hawaii Pae Aina, Iulai 21, 1892.
A. N. KEPOIKAI,
Lunakanawai Kaapuni Apana Elua.
2400-3t
HOOLAHA HOOHUI.
UA HUI NA MEA NONA NA INOA MALALO iho nei, ma ka malama a lawelawe ana i Hale Hotele a me Inu Kope ma ke taona o Hilo, Hawaii, ma keia la, malalo o ka inoa NAKAMULA @ TAKE.
MOTOSUKE NAKANURA.
KOSUKE TAKE.
Hilo, Iulai 6, 1893 @
Hoolaha Hou.
MA KE KEENA O KA LUNAKANAWAI Kaapuni o ka Apana Ekolu o ko Hawaii Pue Aina. Ma ka waiwai o P. NAHEA o Ko hale Akau, i make.
Ua heluhelu a ua waihoia mai ka palapala noi a D. W. Pa@ ka Lunahooponopono Waiwai @ P. Nahea, e noi ana e hoapono la kana hoike hope, a e hooholo ia ke koena waiwai i na hoo ilina a e hookuu aku iaia a me kona mau hope mai ka oihana aku.
Nolaila, ua kauoha ia ua mea a pau i pili, ka POAKOLU, oia ka la 10 o AUgaTE, M. H. 1892, i ka hora 9 kakahiaka ma ka Hale Hookolokolo ma Kohala Akau, Hawaii, oia kahi a me ka manawa i kohoia no ka hoolohe ana i ua me la a me na mea kue ke hoike ia.
S. L. AUSTIN,
Lunakanawai, haapuni.
Hilo, Hawaii, Iulai 11, 1892. 2399-St
MA KE KEENA O KA LUNAKANAWAI Kaapuni o ka Apana Ekolu o ko Hawaii Pue Aina. Ma ka waiwai o KALI NAHALE (w) no Honoipu, Kohala Akau, Hawaii, i make kauoha ole.
Ua heluhelu a ua waihoia mai ka palapala noi a Piulu no Kohala Akua, Hawaii, e noi ana @ hooponoponoia ka waiwai o Kali Nahale (w) @ Honoipu, Kohala Akau, a e hoonoho laia @ Lunahooponopono no ia waiwai.
Nolaila, ua kauoha ia na mea a pau i pili, o ka POAKOLU, oia ka la 10 o AUGATE, M. H. 1892, ma ka Hale Hookolokolo ma Kokala Akau, Hawaii, oia kahi a me ka manawa i kohola no ka hoolohe ana i ua noi la a me na mea kue ke hoika ia mai.
S. L. AUSTIN
Lunakanawai, Kaapuni.
Hilo, Hawaii, Iulai 11, 1892. 2399-St
AHA HOOKOLOKOO APANA EHA O KO Hawaii Pae Aina. Ma ka hooponopono waiwai. Ma ke Keena imua o ka Lupakanawai Kaapuni. Ma ka hana o ka waiwai o A. W. MAIOHO no Koloa, Kauai, i make.
Ma ke heluhelu a me ka waihoia ana mai o ka palapala noi a me ka papa hoike a Kalohelani Maioho (w) a me J. J. Farley, na lunahooponopono o ka wawai o A. W. Maioho, no Koloa i make, e noi ana e aponoia ua hoolilo he $1,092.06, a e hoike ana o na mea i loaa ia laua he $1,716.17, a e noi ana e nana a e aponoia kela mau mea, a e kauoha ia e mahe@e i na waiwai e waiho ana ma ko laua lima i na mea i kuleana malaila, a e hookuu ana ia laua a me ko laua mau hope mai ko lakou noho ana ma ia auo.
Ua kauohaia, o ka POAKAHI, ka la 22 o AUGATE, M. H. 1892, ma ka hora umi o kakahi aka, imua o ua Lunakanawai ia, ma ke Keena ma ka Hale Hookolokolo ma Koloa, oia kahi a me ka manawa i kohola no ka hooloho ana i ua noi la a me na papa hoike i oleloia, a o ka poe a pau i pili malaila e hele mai a e hoike mai i ke kumu, ina he kumu io ka lakou e ae ole ia ai ua noi la, a malaila e hoike mai ai na hoike, @ na mea i kuleana maloko o ka waiwawi i oleloia. A o keia kauoha ma ka olelo Hawaii, e pai la maloko o ke Kuokoa he nupepa i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, Kauai, ko Hawaii Pae Aina, i keia la 13 o Iulai, M. H. 1892.
JACOB HARDY,
2399-3t Lunakanawai Kaapuni Apana Eha
AHA KAAPUNI APANA EHA O KO HAWAII Pae Aina. Ma ka hooponopono Waiwai Ma ka Waiwai o KIMOTEO HELELA (k) i make. Imua o ka Lunakanawai Kaapuni, ma ke Keena.
No ka mea, ma ka la 7 o Iulai M. H. 1892, ua waihoia mai imua o ka Aha, kekahi Palapala i olelo ia, oia ne ke Kauoha Hope loa o KIMOTEO HEHELA (k) i make aku la; a me ka Palapala Hoopii e noi ana e hoolaiola kela Palapala Kauoha a e hoopuka hoi ka Palapala Luna Hooko no Mrs. Maluihi Kamauleule, ua waihoia mai e ia.
Nolaila, ua Kauoha ia o ka POAHA oia ka la 11 o AUKAKE, M. H. 1892, ma ka hora 10 a.m. ma ka Rumi Hookolokolo o ia Aha ma Koloa, ma Kauai, oia ka la me ka hora, e hoolaio ia ai la Palapala Kauoha, a e hoolohe hoi no la noi ana mai, a me ka poe a pau i pili, e kue ana ia Palapala Luna Hooko.
A ua Kauoha hou ia, e hoolaha no ia mea, no ua pule Ekolu iloko o ka KUOKOA, he nupepa i pai ia a i hoolaha ia ma Honolulu.
Kakau ia ma Koloa, Kauai, ko Hawaii Pae Aina, Iulai 7, 1892.
JACOB HARDY,
Lunakanawai Kaapuni Apana Eha
(2398-3t)
E IKE IA KAKOU HAWAII.
E O’u mau hoaloha a me ua makamaka—Aloha nui oukou.
Ua hoi mai nei o KUKIMA mai Kina mai, a nolaila e kuai aku ana oia me ka makepono loa i ua lole o ka Halekuai Hui o Kukima Ma e ku nei ma alanui Nuuanu, ma ka liale pohaku o Pieo. E hoomaka aua ke kuai ehui i keia
Poaono, Iulai 30.
A a hoomauia aku ana no
ELUA PULE WALE NO.
Ua hoemila ua Lole i like me keia: He 18 iwilei kalakoa maikai no $1.00; he 14 iwilei keokeo paina no $1.00: kukaenalo, $1,00 no @ iwilei.
Na Lole kane Kasimea huluhulu paa maikai loa o na ano like ole, e kuai pio ia aku ana me ke emi loa. Na Lipine o na waihooluu like ole e kuai hoemi loa ia aku ana
No ke Dala Kuike
Na Paa Lole kane o kela a me keia ano pa lule, palemai, kakini, papale opiopi ano hou loa o na ano a pau. Emi loa ma ke dala kuike. Na huluhulu moe o na ano a pau.
Na Lole Alapia wahine, he oluolu loa ke kumukuai. Na lole wahine nahenahe, he makepono loa ke kuai pio. Na palekoki, muu muu kakini, pua papale, a ho nui loa aku na mea i koe aole e hiki ke helu papa aku. Na kihei wahine liilii a nunui, he makepeno loa.
Na Lole o Kela a me Keia Ano, a me Kela mea Keia mea he Nui wale aku.
E hele nui mai e kuai, a e ike no oukou iho.
GOO KIM.
Honolulu, Iulai 30, 1892. 2400 @t
Hoolaha a ka Lunahoonopono Waiwai.
ONA KOI A PAU I KA WAIWAI O J. F. MACKENZIE i make o Hana, Maui, Ko Hawaii Pae Aina, me ka hoohiki pu ia imua o kekahi Notari Lehulehu, e hoouna mai i ka mea nona ka inoa malalo iho, ka mea i hookohu pono ia i Lunahooponopono no ua waiwai la, ma ka la 26 o Ianuari, 1893, a mamua ae, a i ole ia, e hoole mau loa ia aku no. O ka poe i aie i ka mea i make, e hookaa koke mai.
D. CENTER,
Lunahooponopono Waiwai o J. F. Mackenzie i make.
Hana, Maui, Iulai 22, 1892. 2400 4t
I KA POE MAKEE I KA
IKE A KO LAKOU MAKA
O Mr. A Daneo, ka mea hana maka aniani.
Mamuli o ka hooia a ka Mea Mahalo ia, ka Maquisa o Dufferin, ke Aliikui o inia pau, a pela aku, a pela aku.
UA HIKI MAI OIA MAANEI
A (mamua o kona kukulu ana i Age@a Kuloko) ua hiki no oia ko ninaninau ia no na mea pili i na Maka Aniani ma ka
HALE AETO
No ua la helu waio no.
O ke ano o ka IKE HOAO (Palapala Sila 4354, i imi ia e la) ke lawe puni @ nei. a o
Mr. Dance
Ke kono nei oia i na poe Kan@ me ka poe a pau i ake i ke
AKEAKAMAI MAKAANIANI
E hele mai e iki i keia Hoao Nani, a me na Hana Hou hope loa ma na
Aniani a me na Laau Apo,
E like me ke kuhikuhi a na Kauka Maka Aniani.
2400-2t