Ka Nupepa Kuokoa, Volume XXXI, Number 34, 20 August 1892 — Page 3
| This text was transcribed by: | Naomi Ng |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NU HOU HAWAII.
Ke lohelohe ia nei, e hoopuka ia aku ana he nupepa hapahaole puka ahiahi i keia mua iho, oia hoi he ekolu aoao olelo Hawaii, a he hookahi aoao olelo Beritania.
Ua holo aku o Mr. W. F. Frar mai ke kulanakahale Momi aku o Ewa a i Kahuku ma Koolauloa, he mamao nona na mile he 22 maluna o ke kaa hehihehi wawae, iloko o na hore eha
I ka la 11 o Aukake nei, ua pii ia ka a'i o kekahi limehana Iapana o ka mahiko o ke Kulaokamaomao e na huila o kekahi kaa ahi halihali @. Ma ka la 12 ae, lawe loa ia aku @ kona hanu ola
Hoohui ia--I ka la 31 o Iulai, maloko o ka luakini o Waimea, Kauai, @a hoohui ia ma ka mare e Rev. G. @ Kopa, o S. M. Kalaweola me Miss Lucy Kahaleole. Maikai na @ a pau o ke anaina.
Ua lawe mai ke Kinau o Ka poa@ nei, mai Hawaii a me Maui @, ia 51 ohua kapena, 146 ohua @, a me kekahi mau ukana. A @ ka hora 2 auina la onehinei, ua @elu hou aku oia no kona mau awa @ mau.
Ua hoopai ia mai nei kekahi kamaaina o Kona Akau, Hawaii, o ka hewa aihue pipi i hana ia ma@ua aku o ka wa koho balota, oia o @aaka, he elua makahiki hoopaa@o a me $7.30 koina. Ua hoohala@a oia i ke kiure.
Ua wehe ae o Mr. E. Lazarus i @ Poaono aku nei i hala i Hale@ Puna ma ke kihi o na huina @anui Moi a me Maunakea. Mala@, e loaa ai oia i kona mau maka@aka Hawaii a pau e ake ana e loaa @ puaa momona kaukemoi a ka @u e ono ai.
Ua loaa mai ka oukou olelo hoahaloha e na kahu, na kuku a me haumana o ke kula Sabati o anaana hou ma Kalaupapa, no ka akua rev. S. Waiwaiale i make. Mahalo no ia oukou i ko oukou hooanao walohia ana ko oukou alakai @ane.
Mahope iho o ka hora 12 awakea I ka Poakolu nei, ua niau aku ka @okuahi Australia no Kapalakiko, @e na ohua kapena he 72, he 89 @aua oneki, na leta he 8497, na nupepa he 2793 a me na ukana Hawaii @ o lakou ka waiwai io i koho ia aku @e $64,100
Mawaena o na ohua kaulana i kau ku maluna o ka Australia o ka la 17 ku nei o Augate, ke Col. Spreckles a me ka wahine, Mr. a me Mrs. J. @ Hackfeld, Mr. a me Mrs F.A. Schaefer a me kekahi poe e ae a @hulehu wale. Nui ka poe ohuohu ma lei ka paikini o Hawaii nei.
Ua pau ke kau kiure kaapuni o @auai i kela pule aku nei, a nolaila @ hoi mai ke Kahu o ka Aha ka Lunakanawai Bickerton, ka Ma@leolelo L. W. Wilikoki ke Kakauolelo Pokole J. W. Jones a me na @o A. Rosa a me J.L. Kaukukou a ka Mikahala o ke kakahiaka @bati aku nei i hala.
Aohe i lilo ka halwai makaaina@i kahea ia e ke Komite Hui Kalai@a i ka po Poaono aku nei i hala i @ea anoi ia a ua makaukau ole na @ea i manao ia ke hailolelo ana ia po @ ke kumukanawai, a e like no me @ hoopauha ia o na hana o keia ano @amua pela no keia i hapai ia iho a holo ia.
O ke kumupaio e malama hou ia ku ana ma Kuleleonalani Hale i keia po Poalua ae, Augate 23, penei @ia: "O ka La anei kai ku ma@e aole i nee hou aku, a i ole, oka honua paha?" Ua konia na ma@a, na opio a me ka lehulehu a @u, mai na kane a na wahine, e aue nui ae malaila.
POKEOKEO--Ma ka po o ka la 6 o Augate nei, ua paui i ka hopu ia a @opaa ia ka poe hana bia a kuai @alu me ka laikini ole o Waihee @ei. Me ma ka la 9 mai, ua noho ka @ha e hookolokolo a ua pau i kapi ia @eia poe: Palima, he $500; Kauhi@ahine, he $250; Wiliki, he $200; Kolona, he $200.
C.M. Makai Kiu
I ka hore 11 kakahiaka, Poakahi ku nei i hala, maloko o Halealii @lani, ua haawi ae ke Alii ka Moi@ahine i paina kakahiaka ia Col. a @e Mrs. Claus Spreckles, His. Ex. @. S. Cleghorn, His. Ex. a me Mrs. Samuel Parker, Hon. C. R. Bishop, Hon. a me Mrs. W. F. Allen, Hon. a me Mrs. W. G. Irwin, Hon. a me Mrs. S. M. Damon, Hon. W. H. Cornwell, a me Hon. James W. Robertson.
Ua hewa i ka wai ka nui o ua makaikai i Paulehia ae e ike i ke puhi ohe hui a na pualo puhi ohe ekolu ma ka Hotele Hawaii i ka @ Poalua aku nei i hala, oia na puali pakahi o na mokukaua Adimarala Farani a me Maerica Hupaia a me ko ka aina nei no hoi. Mamua i olelo pakahi ai na puali e hoomaka ana mai ko ka Adimarala Farani a hiki i ko ka aina nei. A @ ke puhi hui ana o na pua@i ekolu, auwe no hoi ka wawalo a me ka @nahiehie o!
MAKE WALOHIA--I ka hora 5 ahiahi o ka la 7 o Aukake nei, ua @a aku la i ka mako ma Waimea, Kauai, o Davida Kanakajelela, i ke 92 o kona mau makahiki o ke ola ana, a i ke 70 a keu o na makahiki o ka noho kupaa ana. O Makaunuloa, Makaweli, Kauai kona onehanau, a nolaila he kamaaina oia no keia wahi. Ma ka hora 3 auina la, ua manele ia aku kona kino wailua no ka luakini Kuokoa, imua o ke anaina pule nui o na makamaka a me na hoaloha, e malama ia ana e A. Kaukau. He kanaka puuwai hamama a he heahea i ka poe kipa ma kona home.
Ua make ma ka hora 1 wanao Poalua nei ma ka hale noho o ka makua ma keia kulanakauhale, o Miss Hattie Aapae Brown, kaikamahine a Kapena J. H. Brown, no ka ma'i numonia, a mahope o ke kaa ma'i pokole loa ana elua wale no la a oi.
I ka la 17 o Augate o ka 1858 i kukulu mua ia ai ka banako e C.R. Bishop a me W. A. Aldrich malalo o ka inoa o Bishop & Co., ma ka hale pohaku ula kahiko e ku nei ma ke kihi o na huina alanui Miowahine a me Kaahumanu. Nolaila, ua piha ke Kanakolu kumamaha o na makahiki o ke ku ana o keia banako i ka Poakolu aku nei i hala o keia pule, a o ka hoa kahiko o ia banako e ola nei, oia no ka mea nono ka inoa e o ia nei ma ua banako ia ahiki i keia wa.
Ais ko Hilo poe ke hoolala ala e lulu dala no ka hana ana i alanui kaa lio e holo ai mai ke kaona aku a i ka wailele o Waianuenue. Pela no ka lulu dala ia ana iho nei a hana ia ai ke alanui i ka malama i hala e hiki aku ai i Mokuola. Aole no i makahiemoe o Hilo i ka hoouiui ana iaia iho e lilo i mea e anoi hou ia ai, aole hoi i kaukai wale maluna o kona mau wahi pana, aka ke lapulapu hou mai nei no e nui na wahi e makahehi ia ai e na malihini.
He hebedoma hoahaaina olioli ia keia e pau nei no ka Adimarala Farani Parrayon a me kona mau aliimoku. He ahaaina kai haawi ia e ka Hope Komisina Farani Vizzawona maloko o ka Hale Hotel Hawaii i ke ahiahi Poalua nei. Ma ka po Poakolu mai, he ahaaina luau ka Kauka Trousseau i haawi ai ma kona home noho ma alanui Puowaina. O keia mau ahaaina a elua, no ko ka Adimarala hanohano, a mai kona mau hoakanaka ponoi ae o ka lahui hookahi.
Ma ka hora 2 auina la Poakahi nei, ua lele mai ka adimarala Farani Farrayon iuka nei o ka aina a hoaumoe iho la ma ka Hotele Hawaii. ua hoouna aku ka Moiwahine i kona kaa ahi i ka wa a ka Adimarala i pae mai ai i ka uapo, a malaila no hoi i halawai aku ai ka Hope Kanikela Farani o keia wa. Ma ke awakea Poalua mai, ua pahola aku ke Alii ka Moiwahine i ka adimarala i anaina ike alii ma Halealii Iolani. A ma ia wa i kipa mai ai ka Adimarala a me kona mau aliimoku, i alakai ia e ka Hope Kanikela Farani.
Ua hoau hou ia no ka manawa elua kela mele paakiki ke "Carusada" e na puukani Hawaii, maloko o ka luakini o Kawaiahao i ka po Poaono aku nei i hala i mua o kekahi anaina kupono maikai me ka Moiwahine. O Miss Nolte, ua hookelakela hou ae oia, a pela no hoi o Mrs. Keohokalole, koe wale no kela ulia i loaa ai iaia a nolaila ua mele oia me ka noho no ilalo. Ua maikai no na poe a pau i lawelawe hana, e haawi ia ai na mahalo ana i na hooikaika holopono a Mrs. Haaleiea, ke kumu Puhi Ohe Berger a me kana puali pila kuolo.
Ua loaa ia Geo. Dillingham he ulia ino loa ma ka po Poalua iho nei, ma ke alanui Moi makai o ka pa o Kauka G.P. Andrews, ma o ka holo pu ana o ke kaa lio a haule iloko o ka lua me na pohaku nunui e kuku ana ma hai e pohopoho ia ana, aka aole i paa. No ka poeleele a me ke kau ole ia on a kukui malaila ke kumu o keia pilikia. Ke olelo nei ka Luna Alanui, ua kau ia no he kukui aka ua aihue ia. Ua hoolaha ia he $20 i ka mea e ahewa ia ai kekolohe nana i aihue ke kukui i kau ia ma kela wahi i poiae ai ka haole maluna ae.
I ka hora 8 o ke kakahiaka Poakahi, Augate 8, ua loaa aku ke kino o Alfred C. Kingcomb iloko o kekahi hale hoolimalima o honokaa Hamaku, ua make: Ua noho ke kiure koronelo e huli i ke kumu o kona make ana, a ua hoopuka lakou ua make no ka hiki ole i kapuuwai ke pana no ka inui nui loa i ka waiona. Ua ike ia no oia ma na la mamua iho e inu ana, a loaa aku i ka po mamua iho o ka make ana e moe ana iluna o ka puu papa. Malaila i hoihoi ia aku ai a ka hale i waiho iho la a make. ua haalele oia he wahine mahope nei, a mai Ausetaralia mai oia.
Ina aole he maui ku@a a me na hoopakalaki ana a ke au o ka manawa, alaila, ma keia mua koke iho e awaiauluia aku ana ma ka berita o ka materemonia he elua o ko makou mau keiki oniu hua kepau, mana wahi ike ole nae-ke pololei no nae hoi ka hoike a na hoku alakai. Nolaila, e Kalia iliili nehe i ka pue one, pulama malie iho i kau pulapula o luu hewa auanei i ke kai kapu o ko haku. A e ka Ua popokapa o Nuuanu, mai ae i kou mau kulu pakaua e hooma-u iho ma na papalina o ko makou makamaka, a hoea maalahi aku oia i na Pali Hauliuli o Koolau kahi a ka hoa kaunu e hoopu mai la i ka poli o Makana. U-u. Ae, ua hiki no.
VON TEMPKY-DOWSETT.- I ka auna la Poalua, Augate 16, malolo o ka luakini o San Anaru, Honolulu nei, ua awaiaulu ia ae ma ka mare, e Rev. John Usborne, o Mr. Randal Von Tempsky o Kula, Maui, me Miss Dora M. Dowsett, kaikamahine a Mrs. S. H. Dowsett o keia kulanakauhale. Ma ke ahiahi mamua iho, ua haawi ae ka makuahine o ka wahine mare maloko o ka hale noho Beritania i anaina ike, a malila i akoakoa ai na poe koikoi o ka aina, mai ke kalanu a i na maka hanohano, i hoohauoli ia e na leo mele o ka puali puhi ohe, me ka lealea Europ@ a me ka paina. Ma ka hora 5 ahiahi Poalua nei, ua kau aku ka paa mare maluna o ka mokuahi Waila a hoi aku ia no Maui ko laua home o keia mua aku.
O na lilo o ka Kapena E. Hopkins huakai kii aku nei i ka paele pepehi pake Ilinois Wise i Kapalakiko, a hoi mai nei me ka lawehala ole, oiai aia no la hihia i mua o ka Aha Hookolokolo Kaapuni e apa la, ua hiki no ia ka $1,333. Ua hali ia aku keia maui lilo no ko ka Luna Hooia apono mai, eia nae ua hoole ia mai.
O na hoike no na pepehi kanaka manaonao i haba ia ai ma Lanai, a i hoopaa pu ia ma ka hale paahao no eha a oi aenei malama i hala e kali no ka ke kanawai hana mai ka lakou mau ike aku, ua hookuu ia mai i ka Poakahi aku nei. O keia poe hoike ma na hihia karaima, aole o lakou mau uku. Ua hanai ia lakou i ka ai, ua moe ma ka hale paahao, a ua uku ia na uku moku no ka lawe ana mai ia lakou mai ko lakou wahi mai. Aka i keia wa, ke olelo nei lakou ua pilikia ia lakou i ke dala ole e kaa ai na auhau.
NA LETA
Aoie o makou makemake e lawe i ke koikoi o na hala no na manao i hoopua ia malalo o keia poo e ko makou @oe mea kakau.
HE HALAWAI KUPANAHA.
MR. LUNAHOOPONOPONO: Eia hou no wau imua ou me na hunahuna mea hou ano nui o ke panalaau nei, a ke hoouna awiwi aku nei au ia oe no ka pomaikai o ka poe heluhelu o ke Kuokoa.
I keia mau la a makou, e aloalo nei i na inea o keia noho ana, ua hoopomaikai nui ia mai kou kiu e ka ike maka maoli ana i na hana kupanaha a ko makou Luna Nui W. H. Tell, e kahaha ai oe e ka mea heluhelu.
Ua malama ia he mau halawai e ia a me kona mau aumakua paalalo ma kona hale, a o ka nui o ka poe iloko oia akoakoa ana ma kela halawai, he 10 ke hui pu ia me kou kiu, oia hoi he 1 makai aupuni opunui naaupo ike ole i ke kakau me ka heluhelu, elua mau elemakule kahuna anaana no Waikolu mai kekahi a no Kalaupapa nei no kekahi a he mau makua hanauna no hoi no ka Luna Nui, ka Luna Nui no hoi me kana wahine, 2 kaikamahine, a me 2 ilio meeau na na elemakule.
O ka hana nui ma keia halawai ana o ka wehewehe i ke ano o ka moeuhane a ka Luna Nui ina he mea hiki i na hapauea ke hoike mai i ke ano o ua moe la, a eia ke ano o ua moe la wahi a ka Luna Nui.
Ua loaa ia'u ma ka po o ka la 6 o keia malama he mea kupanaha ma ka hihio, oia hoi he hipi nui e o-e ana me ka olepe ana ae i ka hale oihana a nahaha liilii, alaila hoomaka mai la ua bipi nei e hele mai imua o'u me ke kope pu ana o na kapuai wawae a ku ka ea o ka lepo, a kokoke ma ko makou nei puka pa oia no ka wa i hoomaka mai ai e alualu ia'u me ka mama nui, a o ko'u holo koke no hoi ia, me ka hoomau no o keia bipi i ke alualu e o-e ia'u a hiki i kuu pii ana ma ka pali o Kalaupapa nei, a holo aku la wau no ko'u pakele i kai o Kaunakakai a o ko'u puoho ino ae la no ia eia ka he moeuhane.
A maanei i hoomaha iho ai ka Luna Nui i ke kamailio aka no 2 minute a pane hou mai la, ea, pehea la ko olua manao no keia moe?
Ua ku mai o Moluhi a olelo mai la, aole no keia he moe ano nui, a ke ike nei nae au, e hoopauia ana paha oe; pela pu no hoi me ka olelo a kekahi kahuna iho o laua. I kela manawa i kuwo ae ai ka wahine me ka leo nui, e hiolo ana ka waimaka ma na papapalina, a o ke kuwo ae la no ia o na mea a pau, a ua hoopauia kela uwe ana a lakou mamuli o ke kuwo ana ae a kekahi ilio me ka leo nui a o kekahi ilio ua hae mai la ia'u no kuu kiai aku ma ke olepelepe o ka pukaaniani, a o ka meha iho la no ia o na leo kuwo a pau. Ia wa i komo mai ai kekahi wahi kanaka poupou pulua, aohe manamana ona lima a e paa ia ana kona lole wawae iluna e na kaawe penopeno kohu mea kapi puaa, a olelo ma la, "Auhea oe e ka makua, ina e hoolohe mai oe i ka'u, alaila, o ka pau no ia o ka pilikia, oia hoi e poono laua nei e anaana koke ae a pau keia poe hoolaha ia oe ma na nupepa i ka make."
Alaila, olelo mai la o Moluhi, he hookahi wale no a kakou hana pono o ka wehe i na lole o kakou a kaapuni i ka hale no elima puni, alaila ahona iki. Mai noho oe a inu palena ole i ka rama o hoolaha hou ia.
Maanei au i haalele aku ai i ka lanai o ka hale, a hoi mai la me ke pahaohao. He halawai hou no i ka po nei aole nae he mea i hanaia.
ANALU KAUILA JR.
-----
He Pane Hoopololei
--
MR. LUNAHOOPONOPONO:
E oluolu oe e hoopuka ae i ka'u pane i mua o kuu hoa kaunu olelo oia o Mr. J. Kamanu, ka mea hoi nana i hoolaha a hoike ae ia'u i mua o ka lehulehu, i ka hiki ole ia'u ke ki i na pani puka o ka halepaahao, no kuu manamanalima ole ka.
Ke kauoha aku nei au ia oe e J. Kamanu e hoi mai oe iloko nei o ka halepaahao, a e hoopaa ia oe e a'u iloko o kekahi lumi pouli o Kulinaeleele a i na e paa ole oe ia'u i ke ki ia alaila ua pololei kau i hoolaha ai, a i na hoi oe e paa ia'u i ke ki ia maloko oia lumi'la a Hukoai, alaila e hoomanao iho oe he manamanalima no ko ka Lunapaahao, nolaila i ko wa e ike ai i ka'u kauoha e hooko koke mai oe, oiai no hoi na'u no e hoopaa kei i na paahao, me ko'u mau manamanalima no, aole nau.
Eia kakahi, e olelo ana oe he kanaka akamai au i ka hoopunipuni a me ka pekapeka. E Kamanu kani lalu no hoi oe kohu elepaio o Honolii, ke hoike nei au imua ou a imua o ka lehulehu, aole o J. N. Kamauoha i ike ia, mai ka aina mai, he kanaka hoopunipuni a pekapeka hoi,a pela no maanei o nei aina malihini, he mau hoa aloha maikai ko'u e kaana ai i na hana pono a ka Haku. Eha o'u makahiki me elua mahina ma ka Panalaau nei, aoleau i hana i kahi mea pono ole imua o ko'u mau hoaloha e like me kau e olelo nei i ku'u niania i mua o ka makua W. H. Tell, o oe ke kanaka ino a he lapuale nui oe, a no ia hewa ua hili ia ko kua i ke kaula, a o na alina oia kaula, aia no ia i ko kua kahi i kau ai.
Pela oe i hana aloha ole ai i kou hoaloha, ua lawe lima nui oe i ke dala a kou hoa, nona ka huina $100, a ua pau ia oe i ka pepa ia, mamuli o kau mau hana pelo hoopunipuni, a ua noho oia me ka pilikia, lapuwale ke kanaka hana me keia ke ano, aole oia wale kau i hana ai, ua hana hou aku no oe ia Huelo a me Bennie elike no me neia hana ino au i hana ai. Nolaila o wau auanei ka mea hoopunipuni, aole o oe no, e ka wahia diapolo alelo nahesa. Eia kekahi e olelo ana oe ia'u i ka punahele, pela io no aole no ka olelo ino a hoopunipuni, aka no na olelo ino a hoopunipuni, aka no na olelo keonimana. Ka mea imua o ka poe maikai aole ia oe e na lalau e lalapa hewa nei ko waha i ka makua W. H. Tell i ke ino, ka mea anei i lilo he maikai a e lilo anei ia i mea hoopouli ia kou noonoo.
J. N. KAMAUOHA.
Kalaupapa Molokai.
-----
Haiolelo a Hon. J. H. Waipuilani no ka Auhau Ilio
--
MR. PERESIDENA: Ma ka pauku 12 o keia Bila, e auhauia ka ilio kane i hookahi dala, a he ekolu dala no ka ilio wahine. O ka makemake nui o ka auhau ana i ekolu dala no ka ilio wahine, i malama ole na kanaka i na ilio wahine, oia ma o na ilio wahine la e hanau nui mai ai na keiki.
E Mr. Peresidena. Mai ka wa kahiko loa mai a hiki i keia manawa, ua maa na kanaka Hawaii i ka malama i na ilio, a i keia manawa, aia no mawaena o na kanaka Hawaii ka nui o na ilio, a ke uku nei lakou i hookahi dala a me ke kenikeni no ka ilio hookahi.
Ua olelo mai nei ke Alii Marsden o Hamakua, "e hooholo e like me ka Bila; oiai he holoholona waiwai ole, aole he ai ia aole hoi he hoopomaikai i kona haku," a ua olelo hoi ka mea Hanohano o Waialua, e hoopii ae i elima dala auhau o ka ilio hookahi, oiai he nui na ilio mailoko mai; ke kue nei au ia laua ma keia hoakaka ana.
E Mr. Peresidena. Ke hoakaka nei au ma ka aoao o na kanaka Hawaii a me na kumu nui o ko lakou malama ana i na ilio.
1. O ka ilio oia kekahi o na holoholona ono loa o ka io, ua maa keia lahui kanaka mai a Papa mai i ka ai i ka ilio, mai ka Moi, na Alii a me na Makaainana. Ua oi ae ka ono o ka ilio mamua o ka bipi a me puaa.
2. O ka ilio, ua hoopomaikai mai i kona kahu, na kamaaina @ me na apana kuaaina, ua hiki i ka ilio ke hele me kona kahu, e hoohuli like i na hipa, na bipi a me na kao. A i kekahi manawa, ua hele ka ilio me kona kahu e alualu puaa, kao, a bipi paha i mea ai na kona kahu. Ma Hamakua, ua ike au i na ilio liilii, o ka lakou hana o ka ai i na iole e hoopoino ana i ke ko. Nolaila, ke ninau nei au i ke lii o Hamakua, Pehea la, ua waiwai ole anei ka ilio? ua hoopomaikai ole anei i kona kahu, a ua ai ole ia anei kona io?
3. O na ilio he mau kiai hale lakou, no ka pono o kona kahu; na ka ilio e hea aku i kona kahu, ei ae ka aihue, ke kalohe, ka malihini a me ka hoaaloha, ke hele mai nei i ko kaua hale.
4. Ina e hele ana oe ma na mauna a ma na kula paha, a uhi ia e ka ohu a i ole ia ua pouli paha, ua hiki no i ka ilio ke alakai pololei ia oe a hiki i kou home. He nui ko'u manawa i nalowale ai ke alanui ma na waonahele, a o na ilio ko'u hoopakele. ma ka moolelo o na aina e, he nui na hana aloha a na ilio i hana ai, aka, ke olelo nei au no ilio o Hawaii nei. E na Hoa Hanohano, o keia kekahi o na pauku hiki ole ia kakou ke hoohemahema, a e ae wale aku i ekolu dala o ka ilio wahine, no ka mea, ua pili i ka pono o na Hawaii ilihune.
E Mr. Peresidena. O ka auhau o ke poo bipi a na ona bipi e uku mau nei i ke aupuni mai ka 7 keneta aku a hiki i ka 20 keneta o ke poo bipi, o na bipi waiu no lakou ka waiu bata he 40 keneta o ka paona ma Honolulu nei, ke uku nei na ona mai ka 15 keneta a hiki i ka 20 keneta o ke poo, aka, ina e kuai oe i ka bipi pomaikai e loaa ka bipi 500 paona no $15. O na lio maikai no lakou ke kumukuai maluna aku o ka $100. Ke uku nei na ona no 50 keneta wale no i ke aupuni, a no na puaa nui mai ka 3 a hiki i ka 10 keneta o ke poo. Ina e hoohalike kakou, ua auhau kaulike anei ke aupuni, maluna o kahi ilio kiai hale, hokahi dala o ke poo o ka ilio kane; a he ekolu dala o ka ilio ahine, a o ka bipi kane hoi a me ka bipi wahine, he 20 keneta o ke poo. Ina ua manao na hoa no ka ai ia o ka bipi ke kumu i hoemi ia ai o kona auhau, alaila, pehea hoi ka ilio, oiai he ono ka ilio. E Mr. Peresidena, he wahi holoholona kupanaha keia; aia kona ike i ka huelo, aka, aole o ka lilo ana o kona ike i ka huelo, he kumu ia e hoopii ai i kona auhau. Nolaila, ke kokua nei au i ke noi a ka mea Hanohano o ka Apana 5, me kakahi pakui hou. Oia hoi e kapae loa i ka ekolu dala auhau o na ilio wahine, a e hookomo malaila i hookahi dala e like me ka auahau o ka ilio kane, a e like no me ka auhau mau o ka ilio e uku mau ia nei.
-----
Honehone lua i kuu poli ka pua nani o ke Koolau. Pela ea!
-----
Pakele mai palahe ke kaula wati gula a kekahi makamaka ma ka po Poalua nei, oiai ke kuaua e iho makawalu ana.
-----
Hoolaha Hou.
-----
Hoolaha Hooko o ka Moraki a me ke Kuai.
I KULIKE AI ME NA HOOKO ANA O kekahi moraki i hanaia e PUULOA SHEEP AND STOCK RANCH COMPANY, he hui Hawaii i hoohuiia malalo o ke kanawai o ka aina ia G W Macfarlane & Co. o Honolulu, Oahu, ma ka la 15 o Novemaba 1886, a i kope ia ma ke Keena Kakau Kope, Buke 10@, a ma na aoao TI-75; ke hoolahaia aku nei ka lohe ke makemake nei ka poe e paa nei i ka moraki e hooko aku i ua moraki la no ke kumu, ka uhaki ia o ka @elike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei ka lohe, e kuai ia aku ana ma ke kudala akea na waiwai i paa maloko o ua moraki la, ma ka Hale Kudala o Jas F. Morgan ma Honolulu, ke hiki aku i ka POAKAHI, la 22 o AUGATE, 1892, ma ka hora 12 awakea o ia la.
O ka waiwai i oleloia, oia no na aina, na hoolimalima, na waiwai lewa, na holoholona a me na hana hou o kela hui i ike ia Puuloa Sheep and Stock Ranch ma Waimea, Hawaii, a i kuhikuhi pono ia malalo iho:
1. Ke ahupuaa o Ouli, nona na eka he 4000, oia ka Palapala Sila Nui Helu 2@37, Kuleana Hoona Aina 8@18 ia Young Kanehoa.
2. Ka aina ma Ahuli nona na eka he 31.9 oia ka Palapala Nui Helu 67, Kuleana Hona Aina @ ia William French.
3. Ka aina ma Lihue, Kohala, Hawaii, nona na eka he 45@ i hooliloia i ka mea moraki mai ma ke kuai i hanaia i Dekemaba 22, 188@ a i kopeia ma ka buke 8@ aoao S20.
4. Ka hoolimalima (i ikeia ka hoolimalima o Pitman) mai na Komisina Aina Lei Alii mai, he 258 mau eka aina ma Waimea, Hawaii, no ka manawa he 20 mau makahiki mai Iune 1, 1888, ma ka $35@ ka uku hoolimalima o ka makahiki, buke 140, aoao 22.
5. Ka hoolimalima o ka puu o Hokuula, a i ole, Beedles HIll, Kohala, Hawaii, he 1000 mau eka oi aku a emi mai paha, no 50 makahiki mai Ianuari 1, 1852 mai, ma ka $169.75 ka uku hoolimalima no ka makahiki.
6. Ka hoolimalima o na aina o Kapahu he 100 mau eka, no 15 mau makahiki mai Ianuari 18, 1892 mai, ma ke $80 ka uku hoolimalima o ka makahiki (a i hoolimalima hou ia aku ma ka $500 o ka makahiki, buke 72 aoao 412.
7. Ka hoolimalima o Holuokawai, he 110 eka oi aku a emi mai paha, no 50 makahiki mai Ianuari 10 1859 mai, ma ke $62 25 o ka makahiki.
8. He 300 mau poo pipi oi aku a emi mai paha. 7,500 mau poo hipa oi aku a emi mai paha.
9. Na kahua hipa, na hale ako hulu, na pa holoholona, na mekini kaomi hulu, na hale laau, na mea paahana, na lako mea hana a me na mea e ae kupono no ka hanai hipa, a me na waiwai lewa me na mea a pau i pili i ka Puuloa Sheep and Stock Company.
G.W. MACFARLANE,
Na mea e paa nei i ka moraki.
Thurston me Frear, na Loio o na mea e paa nei i ka moraki.
Honolulu, Iulai 225, 1892.
-----
Hoolaha Hooko o ka Moraki a me ke Kuai.
I KULIKE AI ME NA HOKO ANA O kekahi moraki i hana ia e TIN WO ia S. C. Allen, ma ka la 30 o Aperila, 1892, i kope ia iloko o ke Keena Kakau Kope ma Honolulu, Buke 138 a ma na aoaoa 52 a me 53, ke hoolaha ia aku nei ka lohe i na mea a pau, ke makemake nei ka mea e paa nei i ka moraki e hooko, no ka uhaki ia o ka aelike, oia ka hookaa ole ia o elua mau manawa o ke kumupaa i ka wa e hookaa ai.
Ke hoolaha hou ia aku nei, mahope aku o ka pau ana o ekolu hebedoma mai keia la aku, a i ka POAKOLU, la 7 o SEPATEMABA, 1892, e kuaiia aku no ka waiwai i paa ma ua moraki la ma ke kudala akea ma ka Hale Kudala o J. F. Morgan, Honolulu, hora 12 awakea.
No na mea i koe, e ninau ia J. Magoon, Loio no S. C. ALLEN
Kakau ia ma HOnolulu, Augate 6, 1892.
O ka wiwai i paa maloko o ua moraki la, oia ka hoolimalima o kela aina e waiho la ma Alanui Moi kokoke i kahi hookio o ke Alahao o Oahu, mai a Sam Wo mai a i ua Tin Wo nei, i hana ia i ka la 2 o Iulai, 1891, no ka manawa he umikumamaha makahiki a me ewalu a me hapa malama mai ka la 1 mai o Augae, 1891, ma kauku hoolimalima he ekolu haneri dala o ka makahiki, i kope ia iloko o ke Keena Kakau Kope, Buke 134 aoao 81-83.
-----
OLELO HOOLAHA.
E hoomaka ana ke kula o ke kula Kumumua Kamehameha ma ka POAKAHI, Sepatemaba 5 aenei, a ua makemakeia na haumana e hoi mai i ka wa e hoomaka ai. O na haumana hou e makemake ana e komo mai, e hoike mua mai i ke Kumuluna.
N. J. MALONE, Kumuluna.
Honolulu, Aug. 2 1892
-----
Olelo Hoolaha.
O ka mea e loaa aku ana e hele hewa ana maluna o na aina o ka hui hanai holoholona o Kahua me ka palapala @ aku e hoopii ia no e like me ka piha o ke kanawai o ka aina.
J. MAGUIRE.
Kahua, Hawaii, Augate 4, 1892.
-----
Hoolaha Hooko o ka Moraki a me ke Kuai.
Ke hoolaha ia aku nei ka lohe i na mea a pau, i kulike ai me ka mana kuai i hookomo ia iloko o kekahi moraki i hana ia i ka la 21 o Mei, A. D. 1887 e N. B. KALEHUA o Waimea, Kauai, ia J. M. Monsarrat o Honolulu, Oahu, i kope ia ma ke keena kakau kope, buke 107 a ma na aoao 118, 119 a me 120, nolaila ke makemake nei o J. M. Monsarrat, ka mea e paa nei i ka moraki, e hooko aku i ua moraki la no ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei, o kela aina a pau, na pono hoa aina a me pilikana iloko o ua moraki la, e kuai kudala ia aku ana ma ka Hale Kudala o James F. Morgan ma alanui Moiwahine, Honolulu, ma ka POAKAHI, la 12 o SEPATEMAPA, A. D. 1892, hora 12 awakea oia la.
O ka waiwai i moraki ia, penei i kuhikuhi ia ai:
1. O keia apana aina a pau e waiho la ma Hanalei, Halelea ma ka mokupuni o Kauai, nona ka ili he 1 ruda, 13 peka - a o ia ka aina i kuhikuhi ia iloko o ka Palapala Sila Nui Helu 3770, Kuleana Hoona Aina Helu 10954 i hoopuka ia ia Waiehu ka makuakane o N. B. Kalehua.
2. O kela mau apana aina elua e waiho la ma Wainiha, Halelea ma ka mokupuni o Kauai, he mau loi kalo ekolu a me ke kahua hale nona ka ili he 2 eka, 1 ruda, a oia ka aina i kuhikuhiia iloko o ka Palapala Sila Nui Helu 7840, Kuleana Hoona Aina Helu 9271 i hoopukaia no kapuumaka, ai hooliloia mai e Namakakolohe ke kaikamahine a ua Kapuumaka a me Kaahanui kana kane ia N B Kalehua ma ka palapala i hanaia i ka la 1 o Iune 1877, a i kopeia iloko o ke Keena Kakau Kope Buke 51, aoao 35.
Kuike ke Dala, Na uku o na palapala i ka mea e lilo ai.
No na mea i koe, e ninau ia J M Monsarrat.
J M MONSARRAT,
Mea e paa nei i ka moraki.
Kakauia ma Honolulu, Augate 13, 1892.
-----
Olelo Hoolaha.
Ua waihoia mai imua o'u he noi kupoho e MRS. EMMA NAKUINA, e hoomaopopo i kona mau pono, iloko o na auwai ma ke awawa o Manoa, me kea apana i ikeia o "Keapuapu" a Auwai ui o Manoa waena a me "Kaualaa" e like me ka mea i kuhikuhi ia e ka Mokuna 26 o na Kanawai o 1888 a me na kanawai e ae o ko Hawaii Pae Aina e pili ana ilaila, nolaila ke hoolaha ia aku nei na poe a pau i kuleana iloko o keia mau pono auwai, e noho ana he aha e hoolohe maka HALE O MEKA ma Kaualaa, Manoa, ma ka POKAHI la 29 o Augate, A. D. 1892, ma ka hora 2 auina la, a malaila e hele mai ai na poe i kuleana e hooia i ko lakou mau pono, a i ole ia e hooponopono ia aku ana me ka hiki ole mai oia poe.
CHAS. T. GULICK,
Komisina o na Ala Liilii a me na Pono Wai o ka apana o Kona, mokupuni o Oahu.
Honolulu, Aug. 12 1892
-----
E IKE IA KAKOU HAWAII.
E o'u mau hoaloha a me na makamaka - Aloha nui oukou.
Ua hoi mai nei o KUKIMA mai Kina mai, a nolaila e kuai aku ana oia me ka makepono loa i na lole o ka Halekuai Hui o Kukima Ma, e ku nei ma alanui Nuuanu, ma ka Hale pohaku o Pico. E hoomaka ana ke kuai emi i keia
Poaono, Iulai 30.
A a hoomania aku ana no
ELUA PULE WALE NO.
Ua hoemiia na Lole e like me keia: He 18 iwilei kalakoa maikai no $1.00; kukaenalo, $1.00 no 14 iwilei.
Na Lole kane Kasimea huluhulu paa maikai loa o na ano like ole, e kuai pio ia aku ana me ke emi loa. Na Lipine o na waihooluu like ole e kuai hoemi loa ia aku ana
No ke Dala Kuike
Na Paa Lole kane o kela a me keia ano, palule, palemai, kakini, papale opiopi ano hou loa o na ano a pau. Emi loa ma ke dala kuike. Na huluhulu moe o na ano a pau.
Na lole alapia wahine, he oluolu loa ke kumukuai. Na lole wahine nahenahe, he makepono loa ke kuai pio. Na palekoki, muumuu, kakini, pua papale, a he nui loa aku na mea i koe aole e hiki ke helu papa aku. Na kihei wahine liilii a nunui, he makepono loa.
Na Lole o Kela a me Keia ano, a me kela mea keia mea he nui wale aku.
E hele nui mai e kuai a e ike no oukou iho.
GOO KIM.
Honolulu, Iulai 30, 1892
Hoolaha Hou.
Mutual 76 NA TELEPONE BELL 179
C. E. WILLIAMS,
KA POE HOOKOMO MAI, KUAI AKU A ME
HANA PAKA O NA HOONANI HALE
MAIKAI O NA ANO A PAU ME KA MAKEPONO.
ME NA Piano i hanaia meke kupono i keia ea, Aole Mu e komo.
E loaa no na he kupapau na pohaku mabela e wae ai a ka makemake lawe.
MAANEI E LOAA AI
NA LAKO KANU KUPAPAU, KAA
a me na pono ia-loa i ke kino o ka mea aloha.
HELU 105 ALANUI PAPU HONOLULU.
-----
Ka Halekuai Laau Lapaau Hou
HUINA O NA ALANUI PAPU ME MOI.
Ke hoolako mau ia nei me na laau lapaau oi loa o ka maikai ma Honolulu nei a ke kuai ia nei me ka emi loa.
Ka Laau Kunu maikai
ka laau hoomaemae koko saseparila
na hua-ale maikai
na hua-ale ma'i fiva maikai,
na paaki pipii maikai
na paakai hoonaha maikai
na sopa a me na waiala maikai
na aila niu hamo lauoho maikai
e hoomanao i ka inoa a me kahi o
HOBRON A ME NEWMAN
Huina o na alanui papu me moi.
-----
Hoolaha a ka Luna Hooko Kauoha.
Ma ka waiwai o Richard Meek o Honolulu, Oahu, i make, ke kauoha ia aku nei ka poe i ale i ka mea i make e hookaa koke mai lakou ma ko'u keena ma Aliiolani Hale, Honolulu, a o ka poe he mau koi ka lakou a i aie aku ka mea make ia lakou, ke kauoha ia aku nei e waiho koke mai i ka lakou koi mamua ae o ka hala ana o na malama eono mai keia la aku.
HENRY SMITH
Lunahooko Palapala Kauoha o Richard Meek.
Honolulu, Iulai 23, 1892
-----
Olelo Hoolaha.
Ke papa loa ia aku nei na mea a pau, aole e lawaia, kipu, ho-a pipi a lio, a ano komohewa e ae paha, maluna o na aina o ka Mahiko o Waimanalo, me ka loaa ole o ka ae mai ka Luna Nui aku. O ka mea e loaa aku ana e hele hewa ana, e hoopii ia no e like me ke kanawai.
K. S. GJERDRUM.
Luna Nui o ka Mahiko o Waimanalo.
Iulai 26, 1892
-----
HOOLAHA A KE KOMISINA KUAI ANA
Ma ka hoopii a kukuli a me S Kauai, kana kane, kue ia ALEXANDER GEORGE a me kekahi poe e ae, imua o ka Aha Kiekie ma ke Kaulike.
No ka mea, ua hookohu ia ka mea nona ka inoa malalo iho e ka Mea Hanohano Rich. F. Bickerton, kekahi o na Lunakanawai o ka Aha Kiekie, i Komisina no ke kuai ana aku i kekahi mau apana aina o NICHOLAS GEORGE i make.
A mamuli oia mana ke hoolaha ia aku nei e kuai ia aku ana ma ke kudala akea na apana aina i hoakaka ia malalo nei ma ke keena kudala o Jas. F. Morgan, ma Alanui Moiwahine, Honolulu, i ka Poakahi, Augate 29, '92 hora 12 awakea. Eia na palena o ua mau apana aina la e like me ia i hoakakaia ma ka Palapala Sila Nui Helu 2606 (Grant) i hoopukaia ma ka inoa o Nicholas George.
APANA I KALUAOLOHE,
aina papu ma Waikiki-Waena.
E hoomaka i ke ana ma ke kihi akau mauka o keia e pili ana me Kuilei aina o Keolaloa ma ka lihi akau o ka auwai ma ka pohaku pea X a holo hem 67 hik 58 pauk ma Kuilei o Keolaloa a i ka pohaku x (pea), hem 45 30 hik 122 pauk ma ka pohaku x (pea) ma ka lihi hik o ka auwai e pili ana me Pahoa, alaila holo mawaena o ka auwai e kaawale ai o Kaluaolohe o Kahanaumaikai penei: Hem 13 15 Kom 205 pauk hem 8 30 kom 232 pauk ma Kaluaolohe a hiki i ke kihi hik o ka apana 2 no aupuni, alaila akau 62 30 kom 260 pauk, akau 23 30 kom 240 pauk ma kuauna e pili ana me ka apana 2 aupuni a hiki i Kuilei o Keolaloa, alaila akau 60 hik 166 pauk akau 45 hik 196 pauk ma Kuilei o Keolaloa a hiki i kahi i hoomaka ai. O ka ili he 1 215-1000 eka.
APANA 2 PAWAA O MAALO,
Aina papu ma Waikiki.
E hoomaka ana ma ke kihi Hema makai pili me Kiki no Paukuwahie me Pahoa no Keoni Ana ma ka pa pohaku X (pea) a holo akau 33 45 hik 234 pauk ma Pahoa pa pohaku x (pea), akau 52 45 kom 84 pauk akau 39 kom 84 pauku hem 69 kom 30 pauku, akau 45 15 kom 128 pauku ma Kiki no Paukuwahie a hiki i ka auwai hem 28 30 kom 257 pauku ma ka auwai pili me Piliamoo a me Kuamoo hem 58 30 hik 276 pauku ma ke kihi a hiki i kahi i hoomaka ai. O ka ili he 71-100 eka.
He maikai ke kuleana o keia mau aina. E kuai kaawale ia aku ana keia mau aina, a o ka Apana 1, e hoomaka ke koho ana mai ka $500 aku.
O na lilo palapala a pau me ka mea koho aina no ia. A e hookaa ia ke dala i ka wa e haawi ia aku ai ka palapala hoolilo, mahope o ke apono ana mai o ka Aha Kiekie.
No na mea i koe e ninau ia Jas. F. Morgan, Luna Kudala, a i ole ia HENRY SMITH, Komisina Kuai Aina o Nicholas George, i make.
-----
Hoolaha Hooko o ka moraki a me ke kuai.
I kulike ai me na hoko ana o kekahi moraki i hana ia e KUAWELA ia Jonathan Austin, kahu malama, ma ka la 27 o Okatoba, 1886, kope ia ma ke Keena Kakau Kope, Buke 101 ma na aoao 294 a me 295 a i hoololi ia aku ia J. A. Magoon e Jonathan Austin ma ka la 14 o Dekemaba, 1887. ke hoolaha ia aku nei ka lohe, ke makemake nei ka mea e paa nei i ka moraki e hooko aku, no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei, mahope aku o ka hala ana o na hebedema ekolu mai keia la aku, ma ka POAKOLU la 7 o SEPATEMABA e kuai kudala ia aku no ka waiwai i paa ma na moraki la ma ka hale kudala o Jas. F. Morgan, Honolulu, hora 12 awakea o ia la.
No na mea i koe e ninau ia J. A. Magoon.
Kakauia, Augae 6, 1892.
O ka aina i paa maloko o na moraki la, oia kela apana aina e waiho ia ma Waimea, Kona, Kauai i kuhikuhi ia ma ka Palapala Sila Nui Helu 7746 a Kuleana Helu 360@ ia Kaniahe.
-----
Olelo Hoolaha.
Ke papa loa ia aku nei na mea a pau, aole e lawaia, kipu, ho-a pipi a lio, a komohewa e ae paha maluna o na aina o ka Mahiko o Kaneohe, e waiho ia ma Kaneohe a me Kailua, Koolaupoko, me ka loaa ole o ka ae ia e ka Luna Nui. O ka poe e loaa aku ana ua kue i na mea maluna ae i papaia, e hoopii ia no e like me ke kanawai.
W H LOWELL,
Luna Nui o Kaneohe
Aug. 2 1892
-----
P PUHALAHUA
LOIO LOIO LOIO
Ua ae ia mai au e lawelawe imua o na Aha Hoomalu a me Apana a pau o keia Aupuni. he Agena Hooiaio Palapala no ka Apana o Hana, Mokupuni e Maui.
E loaa no au i ka ua Peepapohaku o Kaupo, a ma Hana i kekahi manawa.
-----
J. HOOPP & CO.,
Na poe hana ma na lako hale o na ano a pau!
Hana moe, na uluna pulu, etc.
Noho no ka hoolimalima ana, ua lako hale me ke kumukuai emi.
Honolulu
-----
Hoolaha Hookapu Komohewa.
Ke hoike ia aku nei ka lohe i na ona a pau o na holoholona e helehewa la maluna o ko makou mau aina ma HUMUULA a me ka hapa mauka o Piihonua, Hilo, Hawaii, e lawe koke au ia lakou me ka hookaulua ole, a i ole ia e hoopii ia no e like me ka piha o ke kanawai.
HUMUULA SHEEP STATION COMPANY
Na ARMIN HANEBERG.
Kalaieha, Apr. 8 1892
-----
Hoolaha Hookapu aina.
ke papa a hookapu loa ia aku nei ka holo ana o na holoholona o ka poe e ae maluna o na aina hanai holoholona o'u ma Piihonua a me ka hapa mauka o Humuula, Hilo, Hawaii, a ke kauoha ia aku nei e hoonee aku i na holoholona me ka hookaulua ole, a i ole, e hoopii ia no e like me ke kanawai.
J. T. BAKER.
Hilo Hawaii Mar. 31 1892
-----
Hoolaha Hooko o ka Moraki a me ke Kuai.
Ke hoolaha ia aku nei ka lohe i na mea a pau, i kulike ai me ka mana kuai i hookomoia iloko o kekahi moraki i hanaia i ka la 24 o mei, a. d. 1887, e BILL opio o Kaneohe Koolaupoko mokupuni o Oahu, ia J M Monsarrat o Honolulu, Oahu, i kopeia ma ke keena kakau kope, Buke 108 a ma na aoao 90 a me 91 nolaila ke makemake nei o J M Monsarra, ka mea e paa nei i ka moraki e hooko aku i ua moraki la , no ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei, o kela aina a pau, na pono hoaaina a me pilikana ilok o ua moraki la, e kuai kudala ia aku ana ma ka Hale Kudala o Jas F Morgan, ma alanui Moiwahine, Honolulu, ma ka Poakahi la 12 o Sepatemab a. d. 1892 hora 12 awakea o ia la.
o ka waiwai i moraki ia, penei i kuhikuhi ia ai:
O ka hapalua i mahele ole ia o kela apana aina e waiho ia ma Kaneohe a oia ka hapa o ka ili aina o Punaluu, a o ua aina hookahi la kai hooliloia i ua Bila opio la, a me ka hapalua mai ia Bill Kaneakauhi ma ka palapala i kakauia i ka la 10 o Iulai 1884 a i kopeia i ke keena kakau kope buke 94 a ma na aoaoa 110 a me 111 a i kuhikuhi ia na palena malalo iho, penei:
E hoomaka ana ma ka aoao makai o ke alanui aupuni 860 kapuai mai ka palena mai o ka pa aina ekalesia; a e holo ana hema 68 30 hik 211 kapuai alanui aupuni. Akau 44 45 hik 370 kapuai alanui liilii o Nalua. Akau 53 30 kom 192 kapuai Nalua. Hema 44 45 min kom 425 kapuai Kalanikilo a i ka hoomaka ana. Ka ili iloko he 1.72 eka.
Kuike ke dala. Na uku o na palapala i ka mea e lilo ai.
No na mea i koe e ninau ia J M Monsarrat.
J M MONSARRAT ,
Mea e paa nei i ka moraki.
Kakauia ma Honolulu, Augate 13 1892.
-----
Hoolaha a ka Lunahoopono Waiwai.
O na koi a pau i ka waiwai o J. F. MACKENZIE i make o Hana, Maui, Ko Hawaii Pae Aina, me ka hoohiki pu ia imua o kekahi Notari Lehulehu, e hoouna mai i ka mea nona ka inoa malalo iho, ka mea i hookohu pono ia i Lunahooponopono no ua waiwai la, ma ka la 26 o Ianuari, 1898 a mamua ae a i ole ia e hoole mau loa ia aku no. O ka poe i ale i ka mea i make, e hookaa koke mai.
D. CENTER.
Lunahooponopono waiwai o J. F. Mackenzie i make.
Hana Maui Iulai 22 1892
-----
Hale Hana Kopa o Honolulu.
Ua paa aenei ka Hale Hana Sopa Mahu Hou o ka poe no lakou na inoa malalo iho a ua makaukau lakou e hoolawa aku i ka poe piepiele i na Kopa Maikai Loa Maoli I hookomo ia iloko o na Pahu 100 paona mai ke 42 a 56 auka Kopa pakahi.
Ke hooia nei makou i ka oi o la maikai o ka makou kopa mamua o na kopa o waho mai.
-----
Ua kuni ia mawaho o ko makou mau pahu me ka hoailona "Honolulu Soap CO." a e
Kuai ia e na Halekaui Liilii a Pau.
HUI HANA KOPA O HONOLULU
M.W. McChesney & Sons,
Na Egena.
2383-q