Ka Nupepa Kuokoa, Volume XXXI, Number 40, 1 October 1892 — Page 3
This text was transcribed by: | Sandra Kekahuna |
This work is dedicated to: | Sandra Kekahuna / Rory Kekahuna |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Mai a Mahope aku o Okatoba, 1, 1892
NA KAA AHI
A.M. P.M. A.M. P.M.
@@@@@EIA HONOLULU 6:15* 9:45 1:45 4:25*
@@@@ HONOULIULI 7:20 9:57 2:57 5:35*
@@@ELEIA HONOULIULI 7:36* 10:43 3:43 5:42*
@@@@ HONOLULU 8:35* 11:53 4:53 6:50*
NO MANANA WALE NO.
@@@@@@ IA HOOLULU 5:10
@@@@ MANANA 5:@8
@@@@@ IA MANANA 6:55*
@@@@ HONOLULU 7:30*
@ NO @a Poaono wale no.
@ Ko@ na la Sabati.
@ K@@ na Poaono.
2109 @
NU HOU HAWAII.
E nana ae i na hoolaha hou ma @@pepa.
Ua hoi aku ka Mea Kiekie ke @@@ P@@maikelani no Kailua, Kona kau, Hawaii, ma ka Malulani o @ Poalua nei.
K@ p@i nei ka puka uahi o ka hale @@@ko o Makaweli ma Kauai. O @@ palena kiekie loa ke paa pono, @@ 175 kapuai, aka, aia maluna o ka @@ @@ @ pii nei.
Ua komo aihue ia ka Halekuai o @@@i@@ & Co. ma Alanui Moiwahine @ka po Poakolu nei; a ua palamimo @@u oia me ka ike ole ia.
He halawai ka moho koho alii Maile Hapakini i ka po Poaha nei @@ ka Halepaikau kahiko. Aohe @@@alua he p@a halola lot@ri maopopo @@@.
Ua hoom@k@ kela hapaha kula o @@ k@lanui o Lahainaluna me 60 @@@@ @a, a ua pau aku kekahi poe @k@ hoihoi ia no ka holopono ole o @ hoike ia ana.
Mai keia la a mahope aku nei. e @oko ia ai ka papa kuhikuhi manawa holo hou loa o na kaa ahi o ke Alahao o Oahu. E nana ae i ka hoolaha ma ka pepa e puka aku nei.
HALAWAI AHAHUI. - E ha@ awai ana ka Ahahui Ekalesia o ka mokupuni o Kauai, maloko o ka luakini hoolepope o Waioli, ma ka Poakolu, Okatoba 12, hora 10:30 kakahiaka. E akoakoa mai na lala a pau. - JNO M. KEALOHA.
Ua hookuuia o E. W. Palau mai ka Ahahui Heluhelu Baibala a me Kinai Hoomanamana. O kana mau @aiolelo ma na alanui, na halehalawai a me na luakini ma keia hope aku, nona no ia pono aole pili me ka ahahui. - S. H. ONI.
Ua pau aku i ka holo maluna o ka mokuahi Waila i ka Poalua nei, no ka hookolokolo i ka hihia wai o Wailuki e nono ana imua o ke komisina wai Kaiue i ka la 28 o Sepatemaba i hala, keia mau hoku o ke kanawai F. M. Hatch, Hon. P. Neumann a me Hon. C. W. Ashford
Ua pooia mai e ke kai ke poo ma Honolulu aku o ke alanui palekai o Waikiki i kola mau pule aku nei, a @ia ke hoonoho eke puna Kaleponi a la o lalo o ka papaku o kahi i pooia mai la e ke kai i hiki ai ke pa ia mai o kai a hoopiha aku o hope i ka pohaku me ka lepo.
I ka Poalua iho nei, Sepatemba 27, i piha ai ka ehiku makahiki o ke kama Maunakapu, a nolaila, ua malama ae o Mr. a me Mrs. Mana i ahaaina hoomanao no ia la, ma ko lakou home ma Pauoa. Malaila ae ka lede mua loa o Hawaii nei a me kekahi mau lede koikoi e ae o ke kulanakauhale alii nei.
E wehe ana ke kau kiure o Honolulu nei i ka Poakahi mua aenei o keia Okatoba, me ka noho kahu ana mai o ka Lunakanawai Kiekie Judd. O ka nui o na hihia ma ka papa kuhikui hana, he 19 hihia kiure Hawaii, 9 kiure hui, 36 kiure haole, 3 mai na Aha kaapuni e mai 11 mau hihia banaco a me 20 mau oki mare. Huina a pau, he 98.
Ua loaa aku neii ia Pof. W. D. Alexander i Port Townsend, kana keikikane i nalowale honua ai ma Honolulu nei me ka ike ole ia, ka mea nana i hoonaluea mai i na noonoo o na makua a imi okoa aku nei ka makuakane. Ua kau keia keiki maluna o ka moku kiapa Matilda ma Honolulu nei me ka ike ole ia e na makua, a holo no kela awa.
A keia Poakahi iho e halulu mai ai ka mokuahi nui Kina e holoholo nei mawaena o Kaleponi me Asia. O ka moku keia nona ke kapena i akena iho ai, ua hiki i kona moku ke holo mai Kapalakiko a Honolulu maloko mai o elima mau la. E kaa ana paha i keia moku ka hoau ana i ka hohonu ia iho nei, aole ana paha? Ina ua laha ke kore@a ma Amerika Huipuia, aole e hiki ke noho malalo o ka hoomalu keia mokuahi.
Ua a-e ia e ke kaa ahi kekahi Iapana o ka Pahana @ o ke Kulaokamaomao a ua make loa i ka la 19 o Sepatemaba. Ua maluhiluhi paha keia Iapana a nolaila ua hiamoe oia iluna o kekahi kaa ukana ole, aka, i ka wa i hoopili ia ai ke kaa enegini mahu me ke kaa lawe ko, ua hamo ia aku la ke kaa a nakeke ana i ka holo, a eia ka auanei o ka hiamoe hope loa ia a kela Iapana, a nalo aku la mai keia ao l@hi.
Ua hoomaopopo loa ia aenei ka heihei o na waapa o na Hui Matala a me Healani maka la 8 aenei o Okatoba ma Ewa no ka makana na ka mea haule o laua e kuai i ka makeana. Nolaila, ke hoomaopopo ia nei na hoa hoehoe e komo ana i keia heihei, penei: No ka hui Matala - C. Crane, W. Wright, C. Crozier, A. Brown, A. Lyle a me E Wodehouse. No ka hui Healani - J. Spencer, C. Holt, J. Holt, J. H. Gallagher, W. H. C. Creig a me C. Macfarlane. Nolaila, e maka kanaka ana o Ewa no keia heihei hookuku wikani o na aa huki oia mau hui.
Ma ka auina la Poaono i hala, ua hoolimalima ia ka mokuahi Mokolii e kapena Alex. Lyle o ka hui waapa Matala e kii i Molokai ia Arthr Brown, kekahi o na keiki hoehoe waapa wikani o ia hui waapa a hoihoi mai e komo iloko o ka heihei waapa makana kiaha kala i ka mea e eo ai o na waapa mawaena o na Hui atala a me Healani, e malama ia ana ma Ewa i ka Poaono aenei, Okatoba 8. Ma ka Poakahi nei, ua ike ia ma ke taona nei ke keiki i hoouna ia ai ka elele aloalo ehu kai o ka moku a Hina.
Ua lohe mai makou, ua hoole kekahi hapa o ka Hui Kalaiaina, aole e kokua i ka paa balota o Maile a me Hapakini, no ka mea aole i wae ia ka lakou moho i waiho aku ai imua o ke komite wae moho, oia o J. A. Kahoonei. Nolaila he hana keia na kekahi mau haole Mikanika helelei o ka aoao Lahui e pokakaa wale nei, i ui ia ma na hua aelo o ka aoao Libarala e alualu nei i ka puahiohio, aole i na kahua maoli o ke aupuni maikai. Nolaila, e nana pono ae oukou e ka lehulehu, a e koho ia Walakahauki me Robikana.
HE LEO ALOHA - Mamuli o ke kono ana mai a kekahi mau haumana o ka apana o Kona, Hawaii, e hoopanee ke pani ana o ka lulu dala no ke kia hoomanao o ka makua hoonaauao H. R. Hikikoki, mai ka la 31 o Mei, 1892, a hiki i kekahi wa, a mai ia wa mai a hiki i keia wa, aole i loe hou ia. Nolaila, ke hai la'ku nei ka lohe i na haumana a pau e pani ia ana ka puka ma ka la hope o Novemaba, 1892, a ilaila e ike ia ai ka haumana aloha a ne ka ole. E hoouna pololei ae ma ka inoa o J. K. Apiki, Puuku ma Hilo.
- B. H. BROWN.
O kela Pukiki o Lihue, Kauai, nona ka inoa Akoni Fanena i kipu ai i kana wahine a ku ma ka poohiwi, i ka Poakolu, Sepasemaba 7, ua haawi pio mai oia iaia iho i ka mana hoomalu ma ka la Sabati mai, Sepatemaba 11. O kana wahine, eia no oia ke ola nei malalo o ka malama ana a ke kauka. Aole i hemo mai ka poka, no ka mea aole i paapaana iki mai kona kulana ole kino no ke kaha ana a unuhi mai. Ke manaolana ia aku nei no nae e ola mai ana oia. Ua hoao no kela Pukiki e lawe i kona ola ma ke kipu ana, aka aole nae i holopono, oiai ua palahia wale aku no ka poka mai ka auwae mai a ka papalina. Ke ahi nei ke Pukiki no kona hookolokolo ia.
Moolelo o Daniela Opunui.
Noho iho la o Mr. Daniela Opunui ma ka aoao makai o kona lanai, i ka wa e noho ana ka la mahope o na mauna uliuli o Waianae.
Huli ae la ka poe e hele ana ma ke alanui e nana hou ia Mr. Opunui no ke ano e o kona helehelena - nui na manao e paio ana no ka mana kiekie. Haanou oia me ka haaheo, hoihoi kona helehelena me ka olioli, a maluna iho o keia a pau he enaena o ka lanakila, me he mea la ua hui pu me kela me keia mau manao i hookahi mea okoa i hiki ole ke hai ia, me he ano la aole i hoomaopopo ia e kekahi hua olelo kuhikuhi hookahi.
"Heaha la ka mea e hoopilikia nei ia ia?" Wahi a Jim Hanaole ia Sam Kanalua i ko laua maalo ana ae ma ke alanui i ka hale oihana e ku kokoke ana.
"Ka! aole anei oe i ike?" Wahi a Sam. "Ua loaa ia ia ka uku makana ma ka piliwaiwai Loteri."
Auwe! pela io ka. Ua loaa ia Opunui he uku makaua nui, a e kaena ana oia no kona waiwai, a e manao hooko ana no na mea nui imua aku. Ma ka noonoo ulu wale, e kukulu ana oia he hale nani, e kuai lilo ana he kaa holoholo lealea, a me na lio holo kaa elua, na lole nani, a me na mea he nui wale e hookiekie ai ka noho ana, a me na pepa uku no ka Loteri. He mau pule wale no ua laha ka nuhou o kona pomaikai mai Hawaii a Niihau.
Hookahi pule mahope o ka loaa ana ia Opunui o kona uku makana, e noho hou ana oia ma kona lanai, ia wa hele mai imua ona kekahi kanaka opiopio ano ikaika, ua aahu ia i na lole hana, a olelo mai la me ke ano keonimana. "O oe anei o Mr. Opunui?" "Owau no ia," wahi a ke kanaka laki. "Owau no ko keiki." wahi a ke kanaka waiwai nui. "Aole a'u keiki." "Ae," wahi a ka makaikai, "o kau wahine mua he kaikuahine ia no kou makuakane, nolaila owau no kau keiki."
Ua ano ilihune ka lole o keia kanaka opiopio,- aka hookahi puke wale no mamua aku nei, oia hookahi no ke ano o Mr. Opunui. He helehelena maikai oluolu ko keia kanaka opio, a ua launa oluolu aku o Opunui me ia. A hala ka wa pokole lilo laua i mau hoa aloha maikai, a o ka hope loa, ua hookama o Mr. Opunui i ka pilikoko o kana wahine mua, a noho pu laua me ka oluolu. He hana e poino ai keia ma ka aoao o Opunui. Iloko o na mahina eono mahope mai, ua hooopilikia ia oia me na makamaka a me na pilikoko. Hoomahuahua mai la na pilikoko o kana wahine mua a nui launa ole, a manao paa ua poe pilikoko la o kana wahine elua aole e kapae ia lakou mawaho, a hele nui mai la lakou. Iloko o na mahina eono nui launa ole ka heluna o na makamaka me na pilikoko i hoea mai. Loaa ia ia he mau kupunakane, a kupunawahine, i lohe ole ia mamua. Aole hiki ia ia ke helu i ka nui o na hoahanau, ma makuakane; a me na makuahine ma ka hanauna, no ka nui loa. Hele mai la lakou a pau, he poe hoopilimeaai no ko lakou makamaka laki. Olelo kekahi, no ko lakou kauai i na pepa uku Loteri, i loaa ai ia lakou ke dala, ua kokua lakou i ka Hui i ka huina dala i loaa la Opunui, nolaila he kulana ko lakou i like me kana. Ae aku la o Opunui, he wahi ano oiaio iloko o keia, a hoomanawanui iho la me kona haawe kaumaha, me ke akahai. I kona ike a ana e hele ana i Ema Kuea e hoolohe i ka bana, e hahai ia ana e kona puali hoopilimeaai, he mea ano e ke nana aku. Oiai ua nalowale au e ano hou o na lole o ko kakou makamaka, aole loa i hoopaa pono ia kona hale hou no ke dala ole, a ua kuai aku ia i kona mau lio a me kona kaa lio nani, no ka aie; a ua kaumaha ka moraki maluna o kona waiwai a pau, no ka mea, nui ka lilo no ke ola o na pilikoko he nui wale, aole no hoi oia i lawelawe i kekahi hana, kuai wale no oia i na pepa uku Loteri. Hai mai la ka poe i ike pono, ia makou, o ka manawa e loaa ai ka uku makana, hookahi no ia iwaena o 76,000. O ka nui o na kanaka ma ka Pae Aina o Hawaii aole i oi aku maua o 85,000 a me 90,000, nolaila o na tausani kakaikahi i koe mahope o ka loaa o Opunui, aole he wahi lihi ike e loaa ai ka uku makana. A no la no ka lilo nui aku o ka waiwai o ko kakou makamaka, i ka pau ana o ka makahiki, ua pau aku kona waiwai. I ka emi ana o kana mau dala, haalele aku la kona mau makamaka ia ia. A kuai aku la oia i kona mau waiwai a pau, koe wale no ka palule a me ka malo, i loaa ke dala i mea e kuai i na palapala Loteri, aole loa e haawi keia hui manao ole i ka pono he uku makana hou ia ia. I ka hope loa, ua lawe kekahi ona o na mahele waiwai o keia hui, i kona kuleana iloko o ka home, no ka aie. O ka hope loa a'u i ike ai ia Opunui, ninau aku la au ia ia, pehea kou kulana i keia wa, a hai mai la oia i keia moolelo, e like me ka'u i hoike aku nei ia oukou. Ua mau kona pili i ka Loteri, a o na hapaha a pau i loaa ia ia, lilo aku la iloko o ka Hale Oihana piliwaiwai Loteri.
O na alakai o keia kumuhana, aia lakou e kaahele ana ma na aina e, me ko lakou mau ohana, a e malama ana o Opunui i ko lakou ola, a noho iho oia me ka pololi, a aneane olohelohe. Inehinei iho la, lohe au ua make o Daniela Opunui i ka pololi iloko o kekahi hale pupupu mehameha. Malalo o na moena weluwelu o kona wahi moe, ua loaa he mau pepa uku Loteri, he mau pepa i pai hakahaka ia wale no lakou a pau.
Aole loa malaila kaua keiki aloha, ke keiki o ke kaikunane o kana wahine mua, e uwe i kona kino make. Ua kanu ia kona kino kupapau e ka Ahahui Waihona Kokua.
I ka wa i laha ai iwaena o kanaka, ua make o Opunui, ma ke ano he pio, a ua kanu ia kona kino kupapau e ka poe manawalea, pioloke nui ae la kona lahui, nui ka huhu me ka hoowahawaha, - ua ulu mai ke kanalua iloko o ko lakou mau naau no ka oiaio ole o ka pomaikai i olelo ia e kau mai ana maluna o ka aina, i haawi ia e ka poe Loteri i nonooo ia, a nana i ohewahewa i ko lakou mau manao, a i ka noonoo ana, ua hoomaopopo lakou aohe o kana mai ka nui loa o ka popilikia. Ua pau aku na aina, na kuleana o ka home, na waiwai a pau, a ma na wahi i noho alii ai ka maluhia a me ka oluolu, ua lilo lakou i mau kahua o ka hewa, no na kanaka manao ole i ke kanawai, a o ka hope o ko lakou noho ana, e like me ka Opunui, he make i ka pololi. Alaila, ala mai he leo kahea kue, he uwe ehaeha mai na piko o na mauna o Hawaii, a hiki i na piko mauna o Kauai, a hala aku ma kahakai, - na kane, na wahine a me na kamalii, hui ae la ko lakou mau leo, he hookahi leo uwe kaniuhu o ka popilikia, e kapae ia aku ka poino i lawe ia mai maluna o lakou.
Kupinai mai na ao a me na wai poeleele, me ka leo haahaa, hohonu, hookahi olelo pane. - Ua hala ka manawa!!
Ua hala ka manawa? Aole pela!
Eia maluna o kakou ke daimonio o ka Loteri - aole no i hoopaa mai kona mau niho - aole i hana ia kana hana poino. Nolaila, e ala oukou, e ka lahui, e pale aku i ka popilikia e kau weliweli mai ana, ka mea e kahili aku i ko oukou mau home, ko oukou mau keiki, a me oukou iho iloko o ka poino, e like me ka ale nunui loa o ke kai.
E kaua aku, a e hoopakele ia oukou iho mai keia hewa weliweli a na kanaka akamai e hoao ana e kau malu mai maluna o oukou, me na olelo maalea akamai. A ma ke kokua ana mai o ka lima mana o ke Akua, e haawi na mea a pau i aloha i keia aina, a i keia Lahui, i ke kokua ikaika.
NA LETA
[Aole o makou makemake i lawe i ke koiko o na hala no na manao i hoopuka ia malalo o keia p@@@e ko mak@@ p@@ mea kak@o ]
He Mau Anoai Pahaohao
HE KUKUI PAHAOHAO.
Ma na la i hala aku la, ua ike ia kekahi mea e like me ke kukui mauka o Waimanu Waileia he mea e like me ke kukui. Na mea nana i ike keia mea kupanaha, he mau wahi hapanea ia, aia laua ma kahi kokoke i ko laua wahi e noho ana, me ko laua manao ia he poe puhi Okolehao, aole laua i hoomaopoopo no kela mea. A ma ia hope mai, ua pii aku kekahi mau mea he kane a he wahine, a moe pu lakou ma ia po, a kamailio mai la ua mau wahi olomana la. Ua hoolohe aku la laua nei i na mea a laua ala. Ma ia po, ua ike io aku la laua nei i ka mea a. Ma ia mau po ua hoomau ne ka a ana, ua lohe ia aku nei keia mea hou. Ua pii hou mai kekahi kanaka a moe me lakou nei, a ua pau ke kuhihewa. I ka hiki ana mai o kahi hapauea kane, ua ninau aku kou kiu hana mea hou. Ua hoole mai kela. Eia nae, ua makau loa ia iho la kahi pupu wahine no na olelo i puka aku i ka poe i moe ai ma ia wahi. Oia iho kahi mea hou o ka uka i Waimanu.
NO KA HUI HOOLEWA.
Ma keia la a'u e kakau nei, ua noho ka halawai a ka u Hoolewa o Kalawao, i noho Peresidena ia e P. Kiha. Ma ia la, ua hiki ae malaila o E. J. Crowppard, ke komite i hookohu ia nana e hoouna ina dala kuai ohe keleawe maanei. Ma ia wahi pu oia a pau na mea i ka hooponopono ia. Ua lilo aku ka Hui iaia nana ka hoouna anai ka waiwai i - o o keia Hui, no ka nui o na ohe keleawe i makemake ia he @ no lakou ke kumukuai like ole. Ka inoa e o ia nei o keia Hui Hoolewa, "Ka Hui Hoohanohanoonalahope." Ua pili ka la i Papaenaena no kou mau la hope loa o ka hanu ana i na ea o kou ola ana. Maanei e hoike piha au no keia Hui Hoolewa. Ua kukulu mua ia keia Hui i ka A. D. 1885, ma ka la 20 o Aperila, maloko o ka Halema'i ma Kalawao nei a hiki i ka hala ana o ka poe nana i hoala i ka make, a ke koe kakaikahi nei na lala i keia wa, a me ka Peresidena Kiha. Ke mau nei no ke komo ana a hiki i keia wa. Ka nui o na lala i keia wa he 65. A na ke au no paha e hookomo hou mai. Ina oe e make ana na keia Hui e hoolewa ia oe, a me ka hoonani ia o ka pahu me ke kanikau a me na mea hoonani e ae. No ka aahu o na lala kane, he palule palu ahinahina, me ka lole wawae eleele, papale eleele, hainaka keokeo maka a - i. Ko na wahine hoi, he kanikau mai luna @ lalo, me ke kahei ulaula, maluna o na lio e kau ai a me ke kaa kupapau me na kahili, a me na mea kani oia ka ohe a me ka pahu. O keia ka Hui e hoohenehene ia nei e ka poe waha aama, he Hui powa hui mu, o ka mea i kapa ia ai he hui mu, no ka mumulu o na lala aole na mea kani, nui na hoiloilo o ka poe mawaho, aka aole lakou i ike i ka lakou mea i kamailio ai.
A no ia poe ka lawe ana me ka hanohano ole, a no lakou nei la, aia lakou nei i ka "Hanohaweo." Nui ko'u mahalo i ka makamaka a keonimana oiaio, no kana mau wehewehe naauao. Ua haawi piha ka Hui i ka palena ola o kana mau olelo waimeli. A o ka Hui aloha hoi, ina e haule ana kekahi o kana mau lede a na ka Hui ka hoolewa ana me ka uku ole me ka hanohano.
I kou kilohi ana io ma na kolamu o na nupepa, ua ike iho la au i ka inoa o ka makua nana e malama nei ka Panalaau nei. Nui na hoolaha e pili ana nona a me kekahi mau keonimana a he mau inoa ko laua i hui pu ia me ko ka Luna Nui. Nui ka hohono lauea o ka Panalaau, nolaila, e o'u hoa kakele makapeni, ho aku imua a inu i ka wai aniani o Piremona ina hoi he oiaio keia mau mea a oukou e o'u hoa i ka puupuu hookahi, nolaila keia wahi hooheno:
Kaua pu no i ke kaunu,
I ka huikau lua o ke Taona,
I ke aiai o ke kanana.
Ua oki au maanei ke huli hoi nei ko Kalawao keiki, ke uhi a e la ka ohu i ka luna o Moaula, ua ahiahi. J. B. M. KAPULE. Kalawao, Molokai, Sept. 1, 1892.
Ua hoopanee ka Ahaolelo i ka Poaha nei a halawai hou i ka Poakolu o keia pule ae, Okatoba 5.
Ke pii mahuahua mai nei ka makemake ia o ka Chamberlain Colic Chorela a me Diarrhoea Laau Lapaau Ola, mamuli o ka ike o ka poe a pau i hoao i na hopena maikai i loaa mai, a na lakou aku hoi i hoikeike aku i ko lakou man hoalauna. Ke hilinai nei makou aohe mau hookaulana kiekie e ae a nui. E kuai ia aku no e na mea kuai laau lapaau a pau, BENSON, SMITH & CO. na Ageua ma Honolulu.
He nui ka hoonaluea ana a ka ma'i ma ka opu i keia kau, wahi a G. . Shivell, ka mea kuai laau lapaau, o Wickliffe, Kenetuuke, "a ua nui launa ole mai na noi no ka Chamberlain Colic, Cholera a me Diarrhoea Laau Lapaau Ola. Ua hoolilo aku au ma ke kuai ia eha mau omole o kela laau i keia kakahiaka. Ua ike ia kekahi ola ano kupanaha a keia laau, a ma na ma'i no a pau ua keu a ka holopono." E kuai ia aku no e na poe kuai laau lapaau a pau, BENSON, SMITH & CO. na Agena ma Honolulu. 2406-4@
Hoolaha Hou.
HOOLAHA.
O NA KANAKA A PAU E LOAA E HELE wale ana maluna o ka AINA HANAI PIPI O PUUHUE. Kohala. me ka loaa ole aku o ka Palapala Ae mai ka Luna Nui aku, e hopu a hoopii ia e like me ke kanawai EBEN P. LOW. Luna Nui o Puuhue.
Kohala, Hawaii, Sept. 2@@. 1@@@ @@@ @
Hoolaha Hooko a me ke Kuai o ka Moraki.
I KULIKE A@ ME NA HOOKO ANA O KEkahi moraki i hana ia e ELIZA W. HOLT (i make i keia wa) a me ROBERT W. HOLT, kana kane , o Honolulu, Oahu, @a Chas. R. Bishope, John H Paty a me Samuel M Damon, na hoahui e lawelawe hana nei malalo o ka hui o Bishop & Co. i kakau ia i Iune 1@, 1888. kope ia ma ke Keena Kakau Kope o ke Aupuni. Buke @ 10 a ma na aoao @@@-3@@,@ ke hoolaha ia aku nei ka lohe i na mea a pau ke makemake nei ka poe e paa nei i ka moraki e hooko aku i ua moraki la no ka uhaki ia o ka aelike, oia ka hookaa ole ia o ke kumupaa a me ka ukupanee i ka we e hookaa ai.
Ke hoolaha hou ia aku nei, o na waiwai a pau i paa maloko o ua moraki la, e kuai ia aku ana ma ke kudala akea , ma ka hale kaudala o Jas. F. Morgan, ma Honolulu, ke hiki aku i ka POAKAHI, la 24 o Okatoba, 1892, ma ka hora 12 awakea o ia la.
O ua waiwai la penei ke kuhikui ana:
1. O kela apana aina a pau e waiho la ma ka aoao hikima o ke alanui Papu, Honolulu, nona ka ili he 24-100 o ka eka, a oia ka hapa o ka aina i kuhikuhi ia ma ka palapala hoolilo a Haalelea ia Geo. Wood, i kope ia ma ke Keena Kakau Kope, Buke 6 a ma ka aoao 1@, e noho ia nei @ A. W. Clark ma ka hoolimalima noka $480 o ka makahiki.
2. O kela apana aina e waiho la ma ka aoao komoana o ke alanui Papu, ma Honolulu, makai o ke ala e komo ai i ka Hale Hui mua loa o na Geremania, nona ke alo a me ka hope he 96 kapuai a me ka hohomnu ma ka huina kupono i ua alanui la, he 100 kapuai, e noho ia nei e J. J. Cardin no ka uku hoolimalima he $480 o ka makahiki.
3. O kela apana aina a pau e waiho la ma Kapuukolo, Honolulu, nona ka ili he 3-100 o ka eka, a oia ka aina i kuhikuhi ia iloko o ke Kuleana Hoona Aina 1039 ia Kamanu, i hoolimalima ia ia J. F. Colburn no ka $120 o ka makahiki.
4. O kela apana aina a pau ma alanui Kula, Honolulu i kuhikuhi ia iloko o ka Palapala Sila Nui Helu 1107, Kuleana Hoona Aina 1037 ia Hanunu, oia no ka aina hookahi i hoolilo ia i ua Eliza W. Holt la ma ke kuai a A. A. Doiron ma Okatoba 3, 1884, a i kope ia ma ka Buke 89, aoao 143. BISHOP & CO.
Na mea e paa nei i ka moraki. Thurstou & Frear, na loio no ka moraki.
Honolulu Sept. 26, 1892. 2409-4
Hoolaha Hooko a me ke Kuai o ka Moraki.
I KULIKE AI ME NA HOOKO ANA O KEkahi moraki i hana ia e ELIZA WOOD HOLT (i make i keia wa) a me R. W. Holt, kana kane, o Honolulu, Oahu, a me Alexader J. Cartwright (i make i keia wa,) ma ke ano Lunahooponopono Waiwai me ka palapala kauoha a me kahu o George Wood, i make, ia Chas. R. Bishop, John H. Paty a me Samuel M. Damon, na hoahui e lawelawe hana nei malalo o ka hui o Bishop & Co., i hana ia ma Ianuari 29, 1891: kope ia iloko o ke Keena Kakau Kope, Buke 131 a ma na aoao 61-64; ke hoolaha ia aku nei ka lohe i na mea a pau, e makemake nei na poe ia lakou ka moraki e paa nei e hooko aku, no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee ka wa e hookaa ai.
Ke hoolaha ia aku nei ka loe i na mea a pau, o na waiwai a pau i paa maloko o ua moraki la, e kuai ia aku ana ma ke kudala akea ma ka hale kudala o Jas. F. Morgan ma Honolulu, ke hiki aku i ka POAKHI, la 24 o Okatoba, 1892, ma ka hora 12 awakea o ia la.
O ua waiwai la penei i kuhikuhi ia ai:
O kela apana aina e waiho la me Kalawahine, Honolulu, nona ka ili he 2.82 mau eka, a i kuhikuhi pono ia a ka Palapala Sila Nui Helu 1234. Kuleana Hoona Aiua 9119 Apana 1 ia George Wood, makuakane o ua Eliza W. Holt la. BISHOP & CO.,
Na mea e paa nei i ka moraki. Thurston & Frear no Loio no ka moraki.
Honolulu, Sept. 26, 1892. 2409-4t
OLELO HOOLAHA.
KE KAHEA AKU NEI AU I KA'U KANE mare ia Ahana (Pake) no Kaluaokeanini, Wailau, Kau Hawaii, mamua, ina oia ma Hawaii nei i keia wa, e hoomanao mai oia ia'u, no ka mea, ua loihi kona manawa i nalowale aku ai mai ia'u aku, a ua maopopo ole e ia paha oia ke ola nei, a ua make paha. No ka mea ina ua make oia, alaile e mare ana au i kane hou i mea nana e malama i ko'u ola. A o ka poe a pau i ike iaia, e hoike mai lakou ia'u. KEKUALOA AHANA. Honolulu, Sept. 26, 1892. 2409-3
Hoolaha Lunahooponopono Waiwai.
E IKE AUANEI NA KANAKA A PAU. O KA poe a pau, he mau koi ana ka lakou i ka waiwai o Wong Foon (ch) o Makawao, Maui, i make kauoha ole, e haawi mai lakou i ka lakou mau bila kupono a oiaio iloko o eono mahina nai keia la aku, i ka mea nona ka inoa malalo nei, a i ole pela. e hoole mau loa ia aku. A o ka poe i aie i ka waiwai i olelo ia, e hookaa koke mai lakou i ka mea nona ka inoa malalo nei. AWANA.
Lunahooponopono o ka waiwai o Wong Foon. 2409-8
Hoolaha Hooko a me ke Kuai o ka Moraki.
I KULIKE AI ME KA MANA KUAI ILOKO o kekahi moraki i hanaia i Maraki 15, A. D. 1890, o WILLIAM C. ACHI o Honolulu, mokupuni o Oahu ia Alexander J. Cartwright o Honolulu i make, i kope ia ma ke Keena Kakau Kope Buke 123 a ma na aoao 201-203, nolaila ke makemake nei o Bruce Cartwright a me Alexander J. Cartwright, na Luna Hooko Kauoha a Kahu waiwai malalo o ka palapala kauoha a Alexander J. Cartwright i make, no ke kumu, ka uhai ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei ka loe, o kela mau aina a pau, na pono hoaaina a me na pono pilikana iloko o ua moraki la, e kuai ia aku no ma ke kudala akea ma ka hale kudala o James F. Morgan ma Alanui Moiwahine, Honolulu, ke hiki aku i ka POAKOLU, la 26 o Okatoba, A. D. 1892, ma ka hora 12 awakea o ia la.
O na waiwai i paa maloko o ua moraki la, penei ke kuhikui ana:
1. He 30-100 o ka eka ma Kalawahine, Honolulu, Oahu, a i lilo mai i ua William C. Achi la ma ka palapala kuai a Bishop & Co., ma ka la 20 o Aperila, 1889, a i kopeia iloko o ka Buke 112, aoao 454.
2. He 18-100 o ka eka ma Kalawahine, Honolulu, Oahu, a i lilo mai i ua Williiam C, Achi la ma ke kuai a Bila Kawaa, Buke 107, aoao 125.
3. He 2 1/2 mau eka ma Kapaakea, Honolulu, Oahu, a i lilo mai i ua William C. Achi la ma ke kuai a Iam Chung Wa ma ka la 31 o Ianuari, 1889, a i kope ia ma ka Buke 111, aoao 242
4. He 5 mau eka ma Kapaakea, Honolulu, Oahu, a i lilo mai i ua. William C. Achi la ma ke kuai a Mary Hyde, Buke 119, aoao 324.
5. He 378 mau eka ma Kealakomo, Puna. Hawaii, a i lilo mai i ua William C. Achi la ma ke kuai a Joe Mahu, ma Okatoba 18, 1883, a i kope ia ma ka Buke 115, aoao 88.
6. He 126 mau eka ma Kealakomo, Puna, Hawaii, a i lilo mai i ua William C. Achi la ma ke kuai a Waiehua, ma Okatoba 9, 1888, a i kope ia ma ka Buke 113, aoao 281.
BRUCE CARTWRIGHT, a me ALEXANDER J. CARTWRIGHT, na Luna Hooko Kauoha a me Kahu Waiwai malalo o ka Palapala Hooilina a Alexander J. Cartwright i make, na mea e paa nei i ka moraki.
Kuike ke dala. a uku hana palapala, aia i ka mea e liio ai.
No na mea i koe, e ninau ia J. M. Monsarrat, Loio no Bruce Cartwright me Alexander J Cartwright, na Luna Hooko Kauoha a me Kahu Waiwai malalo o ka palapala hooilina a Alexander J. Cartwright i make.
Kakau ia ma Honolulu, Okatoba 1, 18@2. 2409-4
Hoolaha Hooko a me ke Kuai o ka Moraki.
I KULIKE AI ME KA MANA KUAI ILOKO O kekahi moraki i hanaia i ka la 24 o Novemaba, A. D. 1886, e IOANE KUHIHEWA o Iwilei, Honolulu, mokupuni o Oahu ia M. M. Scott o ua Honolulu la, a kope ia ma ke Keena Kakau Kope Buke 101 a ma na aoao 327-8 a mai ua M M Scott aku i hoolilo ia ai ia Mary Pemberton Kealoha ma ka la 25 o Ianuari, 1890, a kopeia ma ke Keena Kakau Kope Buke 101, aoao 328, nolaila ke makemake ei ua Pemberton Kealoha la i lilo mai ai e hooko i ua moraki la no ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei ka lohe, o kela mau aina a pau, na pono hoaaina a me na pono pilikana iloko o ua moraki la, e kuai ia aku no ma ke kudala akea ma ka hale kudala o James F. Morgan, ma alanui Moiwahine, Honolulu, ke hiki aku i ka POAKOLU la 25 o Okatoba, A. . 1892, ma ka hora 12 awakea o ia la.
O ka waiwai i @aa maloko o ua moraki la, penei i kuhikuhi ia ai:
O kela apana aina a pau e waiho la ma Kapalama, Honolulu, nona ka ili he 412 mau anana 13 kapuai, a oia ka aina i kuhikuhi ia iloko o ka Palapala Sila nui Helu 3577 Kuleana Hoona Aina Helu 779 ia Uaia a ili mai i na Ioane Kuhihewa la ma ke ano oia ka hooilina pololei ma ke kanawai o ua Uaia la.
MARY KEALOHA PEMBERTON, Mea i lilo mai o ka Moraki.
Kuike ke dala. O na uku hana palapala, i ka mea e lilo ai.
No na mea i koe, @ ninau ia J. M. Monsarrat. Loio o ka mea i lilo mai ai ka moraki.
Kakauia, ma Honolulu, Okatoba 1, 1892. [2409-4t]
Hoolaha Hou.
MUTUAL 76 - NA TELEPONE - BELL 179
C. E. WILLIAMS,
KA POE HOOKOMO MAI, KUAI AKU A ME
HANA PAKA O NA HOONANI HALE
MAIKAI O NA ANO A PAU ME KA MAKEPONO.
ME NA E LOAA NO
Piano i Hanaia Na He Kupapau
Me ke kupeno i @a P@haku Mabela @e
keia ea wae a@ a ka
Aole Mu e komo. Makemake Lawe.
- MAANEI E LOAA AI -
NA LAKO KANU KUPAPAU, KAA
A me na Pono Ia - loa i ke kino o ka mea aloha
HELU 105 ALANUI PAPU - - - HONOLULU
Ka Halekuai Laau Lapaau Hou
HUINA O NA ALANUI PAPU ME MOI
Ke hoolako mau ia nei me na laau lapaau oi loa o ka maikai ma Honolulu nei a ke kuai ia nei me ka emi loa.
Ka Laau Kunu maikai,
Ka Laau Hoomaemae Koko Saseparila,
Na Hua - ale maikai,
Na Hua - ale ma'i fiva maikai,
Na Paakai pipii maikai,
Na Paakai hoonaha maikai,
Na Sopa a me na Waiala Maikai,
Na Aila Niu hamo lauoho maikai.
E hoomanao i ka inoa a me kahi o
HOBRON a me NEWMAN
Huina o na Alanui Papu me Moi. 2396
HOOLAHA KOMOHEWA.
KE HOOLAHA AKU NEI KA MEA NONA inoa malalo iho, ua papa ioa ia na kanaka a pau aole e komohewa ma kekahi hapa o ke Ahupuaa o Lumahai ma Haualei, Kauai, malalo o ka hoolimalima i kana keikikane Tong Nam, aole hoi e lawe i kekahi mea mailuna aku o ua aina la. Ke kauoha ia aku nei na oua o ua holoholona a pau e holo aua maluna o ua aina la, e hoonee koke aku me ke kali ole, a i ole ia e hoopii ia no e like me ka wikani o ke kanawai. T. ALO.
Waioli, Hanalei, Kauai, Sept. 12, 1892 2407-4t
Hoolaha a ka Papa Nana!
Apana 1 o Honolulu Mahelo 2
@E malama ana ka Papa Naua Koho Balota o ka Apana 1, Mahele 2, i halawai no ka hooponopono ana i ka Papa Inoa o ka poe koho ma ka pakui ana mai i na inoa o ka poe hou a kiola paha i na inoa o ka poe i make, a ano e ae paha i kupono ole, ma ka Halekula ma Alanui Beritania e like me keia :
Ma ka Poaha, Sepatemaba 22, a me ka Poakolu, Sepatemaba 28, mai ka hora 7 a 9 ahiahi ; a ma ka Poaono, Sepatemba 24, 1892, mai ka hora 4:30 a 8:30 ahiahi.
J. ALFRED MAGOON, 2407-3t Lunahoomalu.
HOOLAHA.
E NOHO ANA KA LUNAKANAWAI KAApuni o Kohala a me Koa, ma ke Keena, penei:
Ma Hookena, Kona Hema. La 15 me 17 o Okatoba, 1892, hora 9 kakahiaka.
Ma Kailua, Kona Akau. La 20, 21 me 22 o Okatoba, 1892, hora 9 kakahiaka.
Ma Kapaau, Kohala Akau. La 27, 28 me 29 o Okatoba, 1892, hora 10 kakahiaka.
Ma Waimea, Kohala Hema. La 4 me 5 Novemaba, 1892, hora 10 kakahiaka.
S. L. AUSTIN. Lunakanawai Kaapuni Apana Ekolu, K.H.P.A. Hilo, Sept. 14, 1892.
2408-4t
Hoolaha Hookapu Aina.
KE PAPA A HOOKAPU LOA IA AKU NEI ka holo ana o na holoholona o ka poe e ae maluna o na aina hanai holoolona o'u ma Piihonua a me ka apa mauka o Humuula, Hilo, Hawaii, a ke kauoha ia aku nei e hoonee aku i na holoolona me ka hookaulua ole, a i ole, e hoopii ia no e like me ke kanawai. J. T. BAKER. Hilo, Hawaii, Mar. 31, 1892 2384-tf
KAUKA LEONG KENG TONG,
(L. AKINA.)
E IKE AUANEI NA ANO LAHUI A PAU, E noho ana ma ke Aupuni Hawaii, mai na kane, wahine a me ua keiki : i loaa i na ma'i o kela a me keia ano, e naue mai i ko'u keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau : ma'i iloko o ka opu, hu'i ke kimo, aki iloko o ka iwi, eha o ke poo, ma'i wahine, a pela aku. Mai hoololohe aku e na hoa, a he hi ia'u ke lapaau i ka ma'i hookaawale ohana. Hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makuakau au e pulama ma@ i ma kono ana mai mai na Mokupuni mai, me ka eleu me ka hikiwawe loa, he makamaka a he hoaloha maikai no oukou e na Hawaii oiaio. DR. L. AKINA,
Helu 40, Huina o na Alanui Kamika a me Hotele, Honolulu. 2405-1y@
J. HOPP & CO.,
Na Poe Hana ma na Lako Hale o na ano a pau!
Hana moe, Na Uluna Pulu, Etc.
Noho no ka Hoolimalim@ ana, ua Lako Hale me ke kumuhuai emi. Honolulu. 2396 @
Hale Hana Kopa o Honolulu.
Ua paa aenei ka Halo Hana Sopa Maho Hon o ka poe no lakou na inoa malalo iho a ua makaukau lakou e hoolawa aku i ka poe piepiele i na
Kopa Maikai Loa Maoli
I hookomo ia iloko o a Pahu 100 paona mai ke 42 a 56 auka Kopa pakahi.
Ke hooia nei mako i ka oi o la MAIKAI o ka makou KOPA mamua o na Kopa o waho mai.
Ua kuni ia mawaho o ko makou mau Pahu me ka hoailona "HONOLULU SOAP CO.," a e
Kuai ia e na Halekaui Liilii a Pau.
HUI HANA KOPA O HONOLULU
M. W. McChesney & Sons,
Na Egena, 2396
E HOOMAKAUKAU
I NA OHE.
I NA OHE NO NA PAPALE, MOENA A ME na Peahi. E hoouna mai i na kauoha ia
L. TURNER. 2406-@ Hilo.
OLELO HOOLAHA!
MA KA NOHO ANA O KA HALAWAI O KA papa Kalepa o PAUWELA STORE CO., ma ka la 4 o Augate, ua hooholola e waiho na Luna nui o ka Hui i ko lakou mau uku, no elua mahina koe nae ke kupakako. O ka poe i aie i ka Hui, e hookaa ana hoi i ke kupakako, aole ohi ia ko lakou uku komiaina. O ka poe i aie, e oluolu e uku ae o hooko ia ka mana o ke kanawai. PAUWELA STORE CO. Ma o ka Papa la.
Pauwela, Sept. 17, 1892. 2408-4t
OLELO HOOLAHA.
MAI KEIA LA A MAHOPE AKU NEI, UA lilo loa ka mana o ka Hale Hana Papale @a
MRS. GOOD.
E hoi aku ana o Miss McGowan ma ka Poakahi, Sepatemaba 12.
O na ale a pau e koe nei,
E HOOKAA KOKE IA MAI,
ia Mrs. Good, a i ole ia e haawi koke ia no iloko o na lima o ka mea ohi aie.
O NA LOLE I HOOWEHIWEHI IA
e kuai la aku no
MA KE KUMULILO
- a hiki i -
NOVEMBA EKAHI.
2407-4t
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEkahi moraki i hanaia e ANTONE ROSA, ke kahu malama o James Hoare, he keiki oo ele, ia Mary J. Brown, ma ka la 25 o Iulai, 1881, a i kopeia ma ke Keena Kakau Kope, Buke 71, a ma na aoao 116 a me 117, a mai ua Mary J. Brown aka i hoolilo ia ai @a W. A. Whiting, kahu ma o ka palapala hoolilo la i kopeia, a mai ua W. A. Whiting la i hoolilo hou ia aku ai ia Samuel C. Allen. ma o ka palapala hoolilo la i kakauia i Iune 1, 1889, a kopeia ma ke Keea Kakau Kope, Buke 117, a ma na aoao 74 a me 75. Ke hoolaha ia aku nei ka lohe i na mea a pau, ke makemake nei ka mea i lilo mai ai o ua moraki la e hooko aku no ka uhaki ia o ka aelike, ola ka hookaa ole ia o ka ukupanee i ka wa e hookaa ai.
Ke hoolaha hou ia aku nei, mahope aku o ka pau ana o na hebedoma ekolu mai ka la aku o keia hoolaha ana, e hoolahaia aku no ka waiwai i paa maloko o ua moraki la no ke kuai kudala akea ma ka hale kudala o James F. Morgan, ma Alanui Moiwahine, Honolulu, ke hiki aku i ka POAKAHI, la 10 o Okatoba, A. D. 1892, ma ka hora 12 awakea o ia la. SAMUEL C. ALLEN, Ka mea i lilo mai ai o ka moraki.
No na mea i koe, e ninau ia James F. Morgan, Luna Kudala.
Eia na waiwai i paa maloko o ua moraki la @
O kela apana a@ua e waiho la ma Alanui Moi, Honolulu, e kokoke mai la i ke kihi o na huina Alanui Alakea a me Moi, i ikela ma ka inoa "Ka aina o Hoare" a me na helu elua, ekolu a me eha o ka Lalani o Roberts, oia he 16 kapuai ma o 68 kapuai a kokoke paha ilaila pakahi o kela mau pa aina, a oia no na aina i lilo mai ia Joseph Hoare mai a W C. Parke, ka Lunahooponopono Waiwai o James Currie ma-o ka palapala kuai la i kopeia iloko o ke Keena Kakau Kope, Buke 28, a ma na aoao 246, 247 a me 248 a me kela apana aina e waiho la me Alanui Moi mamua ae a i ikeia ma ka helu elima o ka Lalani o Roberts, a i ikeia mamua ka "Aina o O' Neill," oia hoi ka aina i hoolilo ia mai i ka ka waiwai o ua James Hoare la, he keiki oo ole, ma o ka palapala kuai la i kopela i ke Keena Kakau Kope, Buke 71 a ma na aoao 115 a me 116, a oia no ka aina i kuhikuhi piha la iloko o ka Palapala Sila Nui Helu 308, a Kuleana Hoona Aina Helu 812 ia A. Kaeo.
2406 4t
HOOLAHA.
E ike auanei na kanaka a pau ma keia, owau o ka mea nona ka inoa malalo iho nei, ke hoike aku nei i na poe a pau i aie mai ma ko'u
HALEKUAI MA HILO, HAWAII,
e pono e hookaa koke mai i ko lakou mau aie mua maloko o na
Mahina - Ekolu
mai keia la aku ; a e oluolu ia ana no na poe e hookaa pau mai ana ia mau aie, e a@e hou mai.
O na waiwai o ko'u halekuai ma keia mua aku, e kuai ia aku no ma ke
KUMUKUAI OLUOLU
a makepono no hoi, a e hoopiha ia no hoi me na
WAIWAI ANO HOU LOA
i oi ae mamua o ko na au i hala aku, a he emi iho na kumukuai ma
KE DALA KUIKE
Owau no me ke aloha,
C. Y. AIONA.
Hilo, Hawaii, Aug 26, 1892. 2405-9t
Hoolaha Hookapu Komohewa.
KE HOIKE IA AKU NEI KA LOHE I NA Ona a pau o na holoholona e helehewa la maluna o ko makou mau Aina ma HUMUULA a me ka hapa mauka o Piihonua, Hilo, Hawaii, e lawe koke aku ia lakou me ka hookauina ole, a i ole ia e hoopii la no e like me ka piha o ke kanawai.
HUMUULA SHEEP STATION COMPANY
Na A@MIN HANEBERO. Kalaieha, Apr. 8, 1892 2385-tf