Ka Nupepa Kuokoa, Volume XXXI, Number 44, 29 October 1892 — Page 3
| This text was transcribed by: | Tani |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Mai a Mahope aku o Okatoba 1, 1892.
NA KAA AHI
@ HONOLULU 6:15 A.M. 9:45 A.M. 1:45 P.M. 4:@ P.M.
@ HONOLULU 7:20 A.M. 9:57 A.M. 2:57 P.M. 5:@ P.M.
@ HONOLULU 7:35 A.M. 10:43 A.M. 3:43 P.M. 5:@ P.M.
@ HONOLULU @:35 A.M. 11:55 A.M. 4:55 P.M. 6:50 P.M.
NO MANANA WALE NO.
@ HONOLULU @:1@
@MANANA 5:45
@MANANA 6:@@
@HONOLULU 7:30
No na Poaono wale no.
@ la Sabeti.
@ P@aono
2409q
@ HOU HAWAII
Ua kolo ia aku ke kao eli awa i ka nuku o Mamala i ka Poakahi aku nei no ka hoolauinania ana ae i @puupuu.
Ua hoopaneeia aku nei ka ninaniaau ia o ko Daniel Logan hihia hewa laibila, a i keia Poalua aku e noho ai.
O kela kanaka o Hau o Palolo i lawelawe hewa ai i ka pu a kani hewa, make ai kona hoaknaka, ua waihola aku nei no ke kiure no ka hewa laweola.
Luuluu ka mauao o ia hoa paa@ o makou mamuli o ka hala @ aku o kona hoa haihalolelo ma @ @ o ka Poalua nei. Ae, @ luuluu io no. Alo-ha.
Ke upu ia aku nei e haalele aku aku ana ka mokuahi Iamasiro Maru ia Iapana i ka la 15 ae nei o Novemaba, a holo mai no HOnolulu nei me ehiku mau haneri @hana Iapana.
He paikau ka na koa a me na lu@ o ka mokukaua America Alli@ mauka nei o ka aina mamua o ke awakea Poalua nei, mai ka uwa@ mai ke kai ana a hala loa i waho i Kulaokahua kahi i paikau ai.
O ke kahuna Hawaii o Kona, Hawaii, nona ka inoa o Poe, i hookolokolo ia mai nei imua o Lunakanawai Ausetina no ka lapaau lakini ole, ua hoopaiia mai nei he $200, a ua laweia mai nei i Honolulu nei ma ka Malulani o ka Poalua nei.
Ua awaiaulu ia ma ka mare e Rev. A. Mackintosh i ka la 21 o Okatoba nei ma keia kulanakauhale, o Leonard Parish me Miss Mary Dowsett. A ma ko Kinau o ia au@ la, ua hoi aku laua no Ulupalakua, Maui
Ua hoopanee ka Ahaolelo mai ka Poalua mai a noho hou i ka Poakahi ae nei, oia ka la ohi o kahi koalaala o ka malama, aka e kohahe ana paha na luna aupuni i keia malama, @ ka mea, aole Aha Kuhina a aohe @anawai i hooholoia e uku ai i na @ aupuni.
Ua lilo aku ma ke kuai ku@ala ia @, na mahele mahiko he 581 o ka waiwai o P. N. Makee i make, iloko o ka Mahiko o Waihee, Maui, no ka $15,250. O ka waiwai io o ka mahele hookahi mamua i ka wa i loaa @ ai, he $1,000. Aka mamuli o ka holapu a ka makapaa a Makinele, ua emi loa mai.
Ua noi mai o Tamaki Clark, Kakauolelo o ka Ahahui Opiopio Imipono Karistiano o na Mokupuni o Maui, e hool@ aku e halawai ana keia Allahui ma ka luakini o Kaahumanu ma Wailuku, Maui, kehiki aku i ka hora 1 auina la o Novemaba 7. Nolaila, ke konoia nei na poe a pau i kuleana @a ahahui, e hiki ae ma ka manawa a me kahi i hoikeia maluna.
I ke ahiahi o ka la 23 o Okatoba nei, ma keia kulanakauhale, ua kuu mai la i kea ola ana Kapena J.H. Brown, i ke 72 o kona mau makahiki o ke ola ana a mahope o ke kaa ma'i loihi ana. He mau hiohiona kona i maa mau i ko ke kulanakauhale nei, he kapena no ka Honolulu Raifela mualoa no kekahi mau makahiki, a ua paa he mau oihana aupuni i kekahi mau makahiki. Ma ke ahiahi Poakahi mai ua laweia aku kona kino lepo a kanuia ma ka ilina o Makiki, i ukalia e kona ohana, na hoa'loha a me na makamaka o kona holoholo ana ma keia aina hookama.
I ka la 17 o Okatoba i hala, piha iho la ka iwakalua o na makahiki o ka noho aua iloko o ka mare o Ka Mea Mabaloia William H. Rice, Kiaaina o Kauai, a me kana wahine maikai. Oiai ke Kiaaina a me kana wahine e makaikai ana ma ka hema o ko laua mokupuni mamua iho o kela la, aia hoi ua lokahi ae la ko laua mau makamaka e hapai i kekahi hana hoopahaohao i ko laua wa e hoi mai ai, ma ka hoomakaukau ana i kekahi mau mea ai maloko o Halenani, ko laua hale noho ponoi. Ua hoounaia he lono waea kamailio ia laua e hoi mai ma ka la a keia poe ae ia i kuene ai. A i ko laua hoi aua mai, ua hoohikilele a hoohauoli ia laua a nui.
Ua hoonohoia iho nei ka Mikahala e hoomaemae hou, a o ka Iwelani aku la kai pani i ka poalua nei ma kona wahi no ka mokupuni o Kauai.
Ua make ma ka home oho o Hon. S. K. Aki ma kapuukolo, Honolulu nei, i ka la 26 i hala o Okatoba, ka makuakane i aloha nui ia o Hon. J. A. Akina o Waimea
Ua hoike mai o Hon. Jos. Nawahi ia makou, aole he olaio iki o na olelo e hookaulana wale ia nei ua kahea ia oia a wae i Aha Kuhina, a o ka poe e hakuepa wale ana pela me ka ninau ole iala he poe kukai a hoohenehene wale no ia me ka makee ole i ka hai ihiihi
Ua loaa mai kekahi palapala i keia keena mai Lihue, Kauai mai, e nema ana no kekahi mau Hawaii i hoopalau, mawehe ia, hoopii aha hookolokolo la, ae e mare a hookuu ia, aka ua apa hou aku @ ka wahine hoopalau mahope. Ke manao nei makou, na laua iho ia mea e hooponopono.
Ua hoea mai ka mokuahi Aiameda mai Kapalakiko mai, a ua loaa aku i ke pailata mawaho o ka nuku o Mamala i ka hora 10 kakahiaka o ka Poaono i hala, Hoko o na la holo 6 me 7 hora a me 17 minute mai ke awa hope mai. Ua lawe mai oia i na ohua kapena he 45 a me ua ohua oneki he 22, me na leta he 10,299 a me na nupepa he 11,907. Ma ka hora 6 kakahiaka Sabati, ua holo loa aku ola no Samoa, Nukilani a me Kikane.
O ka hana keaka a @ Hawaii i malamaia maloko o ka Hale Mele Hou i ka Poaono i hala, mai ka moolelo mai o ka "Naauauwa ana o Kaala," oia kekahi o na hana lealea loa i makahehi nui ia ai e ke anaina nui "hewa i ka wai na kanaka," ke hele la a kuku iluna aohe wahi e noho ai. Ua paa pono ua haawina a kela a me keia we ka haule ole, a ua na paipai mahalo ia e na mea a pau. E malama hou ia ana keia hane maluana ae i keia po Iʻoaono no ka pomaikai o ka poe i ike ole.
He Pau Ahi Manaonao
Ua hookani ia mai ka bele pau ahi i ke kakahiaka Sabati nei, e kuhikuhi ana no Punahou. O ka hale kahi o ke ahi i puka mai ai, no De Cambra Pukiki no ia, ka wahine a me na keiki elima e noho ana. O Mr. George Robertson ka mea nana i hookani mai i ke telepone pau ahi, oia no ka mea i komo mua aku iloko o ka hale poino. O ka mea mua i loaa aku, o ke kane ua pau i ke ahi ka maka, a ma papahele o ke keena hookipa e kukuli ana ka wahine me ka hoao ana e kinai i ke ahi me kona mau lima, e ia nae ua hanu mai ke ahi, a e helelei wale ana na maiuu, oiai ua papaa ka io. Ua hali ia ka wahine ma kahi kaawale, a kinai ia iho la ke ahi me ka pakeke wai a pio mamua o ka hiki ana aku o na kaa wai.
Ua lawe ia ka makuakane a me ka makuahine i ka Halemai Moiwahine iloko o ka ehaeha nui, a ma ka hora 6 a me hapa o ia ahiahi Sabati no, make aku la ka wahine. Oiai ua nui no na ehaeha a ka pau ahi maluna o ke kane, aka,o palekana ana nae paha oia.
Oa loaa aku na lako puhi rama malu me kekahi mau pahu i piha i ka rama. Ua manao ia, he mau malama loihi eono paha ke puhi ia aua, a na keia ulia poino i hoike aenei.
Imi Dala Luakini o Waianae a ke Kahu.
Ua hoouna mai o Rev. J. Kekahuna i keia Keena, he moolelo loihi o kana huakai imi dala no ka luakini o Waianae i loaa i ke komite, oia ke kahu Rev. J. Kekahuna, mai ka mokupuni mai o Kauai, penei: Mai Hanalei,
he $35; Kilauea, $2; Anahola, $13; Kapaa, $15.50; Lihue, $71.65; Koloa $2; Waimea, $11.50; Waianae (Hoopii me Kanealii), he $1.50. Huina he $152.15.
Na loaa hoi a ka Papa Himeni no na po mele ma na wahi malalo iho: Ma Hanalei, he $48.60; Kilauea, $30.50; Anahola, $23.25; Kealia, $38.50; Kapaa, $39; S. Kaiu no Kealia a me Kapaa, $3; Lihue, $47; Koloa, $63.70; $101. Huina a pau he $394.55.
Ua makana ia aku e ka Papa Himeni i ko Hanalei lulu Sabeti, he $5; kokua ia Rev. J. Kanoho, $5; a i ko Anahola lulu Sabati, $3. Huina $13.
Ua hoihoi ia mei e ka Papa HImeni i ka lima o ke komite, oia ke kahu, mai na loaa kukulu aha mele mai, he $174.70. Ina e hui ia me ka ke komite ponoi he $152.15, alaila he $326.85 e paa nei i ke kahu no ka luakini o Waianae.
AHAOLELO O 1892
La Hana 113, Oct. 24, 1892.
Hoomaka na hana e like me ka mau.
Noi o Smith e hoopanee ka Hale a ke kahkahiaka o ka la apopo; a in a aole e loea ka Aha Kuhina ma ia wa, alaila, e hoopanee aku a hookahi hebedoma halawai.
Kue loa o Nawahi i ka hoopanee, manao oia he mea pono i ka Hale ke hele aku imua ma na hana ponoi.
Hoopanee ka Hale.
La Hana 114, Oct 25, 1892.
Hoomaka na hana e like me ka mau.
Noi ke Alii Cornwell, oiai aohe hiohiona no ka loaa o ka Aha Kuhina, nolaila e noi ana oia e hoopanee ka Hale a noho hou i ka Poakahi.
Olelo mai ke Alii Kakina, oiai o ka Poakahi e biki mai ana he la ia e pau ai ka malama a e hookaa ai i ma uka luna aupuni, aole ia hewa no ka Ahaolelo. Ke kuhao nei na hana o ka lehulehu mamuli o ke akeukeu ole mai o ka poe nana e lawelawe. Ua panee aku ka Ahaolelo ma ke ano haahaa i ka Moiwahine i na hoolala e alakai aku ai i ke alanui. Aka ma na hiohiona e ike ia aku nei, me he mea ia aohe Aha Kuhina e wae ia ana mamua ae o ka Poakahi, nolaila he mea makehewa wale no i na hoa ka lulena wale iho no e hoopau manawa ai, oiai aole o lakou uku. Nolaila, e kokua ana oia i ke noi e hoopanee a Poakahi.
Hoopanee a Poakahi e like me ke noi.
Ka Mokukaua Amerika Mohikana.
I kela pule aku nei ua hoike aku keia pepa i ka hopuia ana o kekahi mau mokukuna Beritania pepehi sila e ka mokukaua Amerika Mohikana. I keia pule iho nei ua loaa hou mai na lono e pili ana nona a me kona alualu hahana ana i kekahi mokukuna pepehi sila Amerika, penei:
Ma ka la 5 o Okatoba i ku aku ai ka mokukuna alualu sila Willar Ainsworth, Kapena Cantillion, ma Seattle, Wasinetona Teritori, me 880 ili sila ka hua hoi o kana huakai mua loa. Ua hoike ae kona kapena i ka moolelo o ka huakai mua loa a kona moku. Ma ka la 25, o Mei, he nui lakou moku e pepehi sila ana ma ke kai Berina. Ua haalele aku lakou no na awa like ole mamua o ka hooholo ia ana o ke kanawai hookapu pepehi sila, a nolaila, i keia wa a lakou e pepehi sila nei aia no kekahi maka kiaai no na moku manawa. Ma keia la ua ike aku la lakou i ka pua mai o ka uwahi ma ka moana he mau mile ka mamao mai kahi a lakou e pepehi sila nei a ia wa i huki like ae ai na moku i na pea me ke kuhea pu ana i na waapa a holo aku la. I keia wa eia keia mokukuna ma ke kukulu komohana o kekahi mokupuni i kapaia o Middleton, a oia no hoi ka mokukuna kokoke aku i ka MOhikana. Ua hoomaka koke mai ia ka Mohikana e alualu me ka mahu a me ka pea a pili kokoke aku la mahope. Ua aneane ka Mohikana e pili aku ma ka aoao ia wa i hoohuli koke ae ai o kapena Cantillion i kona moku a holo aku la he ihu okoa. Ua paukiki loa ka hoio ana o ka Mohikana imua a he mau minute i hala mamua o ka hiki ana iaia ke huli, a i kona huli ana ua mamao loa aku la kahi mokukuna. Ua alualu hou aku la oia a aole i emo pili aku la mahope. Aka, ua hoohuli hou ae ia kahi mokukuna a puhalahiu aku la mahope. No keia mea ua nui loa ka huhu o ke kapena o ka Mohikana. Ua haawi koke aku la oia i ke kauoha i na sela e hoi me ko lakou mau wahi ma na pukuniahi, a o ka pukuniahi mamua ka i hoopiha ia me ka poka a hooholo ia aku la a oioi mawaho o ka palekai.
Ma keia alualu hou ana aku a i ka wa i ano kokoke aku ai, ua ki ia aku la ka pukuniahi i kahi mokukuna. He elima piha pu i ki ia aku a i keia wa i hooholo iho ai o Kapena Cantillion e hoolulu i kona moku. Aole he poka i ku aku i kahi mokukuna. Ua pau lakou i ka hihio ma na likini. Aneane nae e ku kekahi mau sela. Aole i hopu ia keia mokukuna, aka, ua kauoha ia e hookaawale loa mai ke Kai Berina aku.
O ka hoopii koi poho a George Dillingham i ka Papa Alanui o Honolulu no na poino i loaa iala ma ka haule ana iloko o kekahi loa ma Alanui Moi i kekahi manawa i hala aku nei a i lolii iho nei a ola ua haawi ke kiure haole iaia i $1,000. Aka no ka lawa ole o kona makemake he $10,000 ke koi poho, ua hoopii hou aku oia i ka aha piha.
KIPAKUIA
O W. B. Kapu mai Tapiteuea mai.
Pekapeka a na Kahuna Katolika.
Hoao ke Kapena e Kuai ma ke Ano Kauwa kuapaa.
Ma ke kakahiaka Sabati i hala, ua hui pu aku la ko makou mea kakau me W.B. Kapu, a ninaninau pono aku la i na kumu o kona lawe ia ana mai Tapiteuea aku, a ua hoike mai oia penei:
"Iloko aku nei o ka malama o Feberuari i hala, 1892, ua malama ia he hoike hui nui o na Kula Sabati o Tapiteuea ponoi iho, mai ka aoao akau a ka aoao hema, a he hookahi wahi e hoike ai. Mahope iho o ka pau ana o na hana hoike kula, ua waiho mai la o Paaluhi he manao paipai malalo o kela olelo a Iesu, "Owau no ke ala a me ke ola," a pau kana mau wehewehe ana ua ku aku au a kakoo i kona mau manao, me ko'u olelo pu ana i ke anaina, aohe ala e ae o Iesu wale no. I ka hookuu ia ana o na hana, ua hoi aku ia kela a me keia a hoike aku la imua o na kahuna Katolika ua hoino au i ka Pope, a me kekahi mau olelo e ae he nui wale aku. Ua lilo kela mau olelo i mea no na kahuna Pope e huhu loa ai a hooholo iho la e hoopii iau imua o ke kapena o ka manawa Beritania ke ku hou ae malaila.
"Nolaila, ma ke ku hou ana ae o ua mokukaua Beritania la [Royalist] ma Tapiteuea, ua hele aku kela poe a hoopii iau imua o ke kapena, me ka olelo aku "aole maikai o Kapu, hoino nui loa oia i ka Pope." Ua nui ka huhu o ke kapena no keia mau olelo, a ua ninau mai oia iau in a paha he oiaio ua hoino au i ka Pope, ua hoole aku au imua on a. Ua ninau ia kekahi kanaka Kilipati o Taubo ka inoa, in a ua hoino au i ka Pope, ua hoole aku keia kanaka, ua olelo pu aku i ka wa mamua loa i olelo ai au pela. Aka, ua hoopaakiki mai no ke kapena i ka ninau ana iaia, a ua hoole mau aku no keia Kilipati. Ua ninau mai kela kapena manawa i ka mea nana i kau na kanawai o ka aina, a ua pane aku au na na kanaka no o ka aina, aole hoi ou kuleana e kau ai i kanawai no lakou. I kona ninau ana aku i na kanaka i ka mea nana i kau ko lakou mau kanawai, a ua pane aku lakou: "Nau (na ke kapena)i kau ko makou kanawai." Ua nui ka huhu o kela kapena iau a kauoha iho ia iau e opeope i kou mau wahi puolo a kau iho maluna o ka mokuahi i ka wa e ku mai ai iloko o hookahi a elua paha ia, [oia ka Montserrat,] a hoi aku no Hawaii. Ninau aku iaia, "nawai la e aku kou uku moku?" Pane mai kela, "O, kau aku maluna o kela moku a hoi no Hawaii." Ua hoole aku au iaia aole hiki iau ke uku i ka uku moku.
"Elua ia mahope iho o ka haalele ana o ka manuwa Beritania ia Tapiteuea, ua ku mai la ka mokuahi lawe kanaka Montserrat, a kau iho la au me kou ohana maluna o kona oneki. Kuka pu iho la au me ke kapena o keia moku i ka uku e lawe ai iau a hiki i Honolulu. Ua pane oia: "Ina e nui na kanaka e loaa ana ma Tapiteuea, aole oe e uku ma keia moku, e lawe pololei au ia oe a hiki i Honolulu." No Tapiteuea ka nui o na kanaka. Nolaila, ma ka la 30 o Iulai, haalele aku la makou ia Tapiteuea no Peru, Nukunau, Arorai me Tamana [he mau mokupuni keia ma ka akau o Tapiteuea]. Ma ka la 9 o Augate, haalele aku ia makou i ka mokupuni o Tamana no Honolulu nei, me elima haneri poe paahana e lawe ia ana no Mekiko, mai na kane, na wahine a me na kamalii.
"I ka ehiku o na ia holo o ka moku ma ka moana, he mau la wale no koe ku mai i Honolulu nei, ua lohe iho la ke Kapena mai kona mau maheleolelo mai ua makemake na kanaka Kilipati e hooponopono i ko lakou uku hana ke ku ka moku i Honolulu nei me Binamu, in a e pono ae lakou e hele i Mekiko i ka hana, aka, ina aole e pono ka aelike hana, aole lakou e hele no Mekiko; ma Honolulu nei lakou e noho ai a hiki i ka wa e loaa ai he moku nana e hoihoi ia lakou no ko lakou mau wahi iho. O ke kumu ua hoopunipuni ia lakou he $7 o ke kane a he $6 o ka wahine, elua ia hoomaha aole hana. Ma kahi mokupuni mai hoi, ua oleloia aku kanaka he $6 o kane a $5 o ka wahine, ekolu la hoomaha @ hana. Nolaila, ua hele mai ke @ a olelo iaʻu aole e holo ana ka moku no Honolulu, aka, e lawe ana ka moku iaʻu no kekahi mokupuni okou aku, a ma ia wahi e hoolele ai iaʻu in a nae e loaa ana he moku e holo pololei ana no Honolulu nei. Augate 18, ku ka moku i Mokupuni Fanning's aole he mokuahi e ku ana malaila, he mokupea kialau wale no a e hoopiha ukana ana a holo aku no Na Kilani. Haalele i kela mokupuni a holo no Mekiko, a ku ma Guatemala i ka la 11 o Sepatemba. Ua hoolele ia kekahi hapa o na kanaka ma keia wahi, a o kekahi poe ma @, o ke koena iho ma Sana Pedro. Ma Guatemala, ua hoao iho la o Kapena Fegusona e kuai malu iaʻu me kekahi haole o Senor Samayoa ka inoa, aka, ua hoole mai kela haole aole on a wakemake e kuai i kekahi misionari Hawaii.
"A pau na paahana Kilipali ka hoolele ia ma kela mau awa ekolu, ua haalele aku la ka moku ia Mekiko no Kapalakiko. I ka wa e piha ana i na paahaua, ua loaa pono mai ka ai ia makou; i ko lakou pau ana i ka lele iuka ua loaa hapa mai la ka ai ia makou, a i kekahi la ua nele loa aohe ai. Nui ka pololi ma ka moku. He elua pule me na la keu a ku aku la makou i Kalepni, me ka hoomanawanui i ka pololi, a o ka mea ai a na luina moku e haawi mai ai, oia ka maua e malama ai na na keiki liilii. I ka Poalima ko makou ku ana i Kapalakiko, a lohe mai la au mai ia James Greig aia he moku e holo ana no Honolulu ma ka Poaono ae, nolaila ua kau iho la maluna o ka mokuahi Alameda a hoi mai la no Honolulu nei. Ku maanei ma ke awakea Poaono, Okatoba 22. Ua maikai a maile ka moana ma keia mau huakai elua. Maluna wale no o ka moku i noho ai a hiki i ka aina hanau.
"He nui ka uwe o na Kilipati no ke anu ma Mekiko, oiai ma ko lakou aina he mehana wale no. He 60 mile ka mamao o kahi a lakou i hele ai mai ka uwapo aku, he pii wawae, au i ka muliwai, a pela aku. Ua make kekahi kanaka Maiana ma Guatemala i peku ia e ka hoki. Ma ka nana aku e pau ana paha kela poe i ka make, no ka mea aole i kupono kela aina anu ia lakou.
"Iloko o ka najaguju 1885, ua lawe ia aku ka oihana mai ia'u aku nolaila, ua hele au ma ka hana kuai niu i loaa ai ko'u ola o ka noho ana, a ma ia kulana hana au a hiki i ko'u hoi ana mai la. Aole au i haalele i ke kokua ana i na hana pono, hooikaika no ma ka hooholomua ana. Ua aneane e piha k 30 makahiki o ka noho ana ma kela mau paeaina. Ua hoi mai no i Hawaii nei i kekahi mau makahiki a hoi hou no ma kela mau paeaina e noho ai."
Na Mokuahi Kuwaho.
E ku mai ana ma Honolulu nei mai Kina a me Iapana mai, i ka la 31 o Okatoba nei ka mokuahi Gaelic, a e holo koke aku ana no Kapalakiko ia la no.
E halulu mai ani ma ka nuku o Mamala, i ka la 1 o Novemba ae nei, ka mokuahi Oceanic, mai Kapalakiko mai, a e holo ana no ia la no Iapana a me Kina.
A ka Poakolu aenei, Novemaba 2, e kapalulu mai ai ka mokuahi Australia ianei mai Kapalakiko mai, a ma ka la 9 aku no, e pelu hou aku ai oia i hope no Kapalakiko.
A ka la 17 o Novemaba e haulani mai ai ka mokuahi Mariposa ma keia awa mai Kapalakiko, a ma ia la no e nawele loa aku ai oia no na Panalaau o ka Hema.
E hekau mai ana ka mokuahi Monowai i Honolulu nei ma ka la 17 o Novemaba, mai Kikane a me Nukilani mai, a ma ia la no e koene loa aku ai oia no Kapalakiko.
Ke pii mahuahua mai nei ka makemake ia o ka Chamberlain Colic Chorela a me Diarrhoea Laau Lapaau Ola, niamuli o ka ike o ka poe a pau i hoao i na hopena maikai i loaa mai, a na lakou aku hoi i hoikeike aku i ko lakou mau hookaulana kiekie e ae a nui. E kuai ia aku no e na mea kuai laau lapaau a pau, BENSON, SMITH & Co. na Agena ma Honolulu.
He nui ka hoonaluea ana a ka ma ma ka opu i keia kau, wahi a G. W. Shivell, ka mea kuai laau lapaau, o Wickliffe, Kenetuke, "a ua nui launa ole mai na noi no ka Chamberlain Colie, Cholera a me Diarrhoea Laau Lapaau Ola. Ua hoolilo aku au ma ke kuai ia eha mau omole o kela laau i keia kakahiaka. Ua ike ia kekahi ola ano kupanaha a keia laau a ma na ma'i no a pau ua keu a ka holopono." E kuai ia aku no e na poe kuai laau lapaau a pau BENSON, SMITH & Co. na Agena ma Honolulu. 2406-4t
MUTUAL 76 NA TELEPONE BELL 179
C. E. WILLIAMS,
KA POE HOOKOMO MAI, KUAI AKU A ME
HANA PAKA O NA HOONANI HALE
MAIKAI O NA ANO A PAU ME KA MAKEPONO
ME NA Piano i HanaiaMe ke kupeno i kela ea. Aole Mu e komo.
E LOAA NO Na He Kupapau Na Pohaku Mabela e @ Makemake Lawe.
MAANEI E LOAA AI
NA LAKO KANU KUPAPAU, KAA
A me na Pono Ia-loa i ke kino o ka mea aloha.
HELU 103 ALANUI PAP@ . . . . HONOLULU
Ka Halekuai Laau Lapaau Hou
HUINA O NA ALANUI PAPU ME MOI
Ke hoolako mau ia nei me na laau lapaau oi loa o ka maikai ma HOnolulu nei a ke kuai ia nei me ka emi loa.
Ka Laau Kunu maikai,
Ka Laau Hoomaemae Koko Saseparila,
Na Hua-ale maikai,
Na Hua-ale maʻi fiva maikai,
Na Paakai pipii maikai,
Na Paakai hoonaha maikai,
Na Sopa a me na Waiala maikai,
Na Aila Niu hamo lauoho maikai.
E hoowauao i ka inoa a me kahi o
HOBRON a me NEWMAN
HUINA O NA ALANUI PAPU RUE MOI. 2396
Olelo Hoolaha Ahahui Kula Sabati Nui o na Mokupuni o Maui.
E NOHO ANA KA AHAHUI NUI O NA KULA Sabati o Maui. ma ka Luakini Hoole Pope o Wailuku Mokupuni o Maui ke hiki aku ma ka hupa 10 A. M. o ka Poakahi, Novemaba 7, 1892.
Nolaila ke kauolia nei na poe a pau i kuleana i ua Aha ia. e hiki ae lakou wa kahi a wa ka manawa i hoike i maluna. Make hauoha a ka Ahahui:
SAMʻI. E KAIIʻE.
Kakauolelo Ahahui Kula Sabati Nui o na Mokupuni o Maui.
Wailuku Maui Oct 5, 1892.
Hoolaha a ka Lunahooponopono Waiwai
Oiai, na hookohu pono la mai ka nie nona ka inoa walolo iho Lunahooponopono no ka waiwai o CHONG FOOKa inoa e ae CHONG YUN FOOK o Honolulu, Oahui make nolaila ke hooloha ia aku nei ka poe a pau he mau koina ka lakou i ka waiwai o ua Chong Fook la e waiho koke mai me na hoololo kupono i ka mea noua ka inoa malalo iho, i loko o enono malama mai kela la aku a i ole ia e hoole mau loa ia aku no. A o ka poe a pau i aie i ka mea i makea hookaa koke mai ma kuu keena haua ka Halekuai o Goo Kim & co. Alanui Nuuanu, Honolulu
GOO KIM
Lunahooponopono Waiwai o Chong Fook a inoa e ae Chong Yun Fook
Hoolaha Hooponopono Palena aina.
Ua waiho ia mai he noi e hooponopono i na palena o ke Ahupuaa o Kaupalaoa Apana o Kohala Akau Mokupuni o Hawaii e W.G. IRWIN. ka on a aina i kela wa Ke hoolaha i aaku nei ka lohe i na mea a pau i kuleana, oi loa aku uae i na on a o na ainae pili aua oia o Makeanehu Kiholena Kipi a mo Kehenai. E hoolohe ia ana ua noi a ma ka Hale Hookolokolo o Kohala Akau i ka POaono NOvemaba 29,1892 hors 9 a. m.
F.S. LYMAN
KOINISINA PALENA AINA MOKUPUNI O HAWAII.
HOOLAHA HOOKO O KA MORAKI A ME KE KUAI
Ke hoolaila ia aku nei ka lohe i na mea a pau i kulike ai me ka mana kuai i hookomo ia iloko o kekahi moraki i hanaia e James L Holt o Honolulu mokupuni o Oahu, ia James B Pakele ma ka la 24 o Iune A.D. 1892, kopeia ma ke Keena Kakau Kope. Buke 139 a ma na aoao113 a me 114 ke hoike ia aku nei ke makemake nei ka mea e paa uei i ka moraki e hooko aku no ke kumu ka uhaki ia o ka selike ola ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei o ka waiwai i paa maloko o ua moraki la e kuai ia aku no ma ke kudnia akea me ka hale kudala o JF Morgan ma HOnolulu ke hiki aku I ka POAONO, la 19 po Novemaba, A.D. 1892 ma ka hora 12 awakea o ia ia.
O ka papa o na waiwai lewa i paa maloko o ua moraki ia oia keia:
2 moe BW: 1 pahume BW mabela oluua 1 pahuume BW 1 pakaukau mabele BW 1 ppahuume Bw:1 kau pa holooi maka mabele BW 1kau pa holoi maka BW: 2 mau bela moe uwea lauoho : 2 mau bela moe uwea 2mau noho BW 12 nee 2 noho paipai na lako kala a me anaiaui i kapuahi a me na loko 1 pahu waiho pipi I pahu waiho pua 1 pahu waiho buke 6 kilinunui 1 kaa lio ohana 1 kaa huila lua 1 lio keokeo: I lio kea ulaula 1 kaa heheihehi wawae i hale noho a me i hale 11o
O keia niau waiwai a pau. aia ke waiho nei ma kahi noho oʻu ma Kalihi Honolulu.
No na mea i koe e ninau ia J.B. Pakele a i ole ia
JK KAHOOKANO
Hoolaha Lunahooponopono Waiwai
E ike auanei na kanaka a pau o ka poe a pau he mau koi ana ka lakou i ka waiwai o Wong Foonch o Makawao Maui i make kauh ole e heaawi mai lakou i ka lakou mau bila kupono oa oiaia i loko o eono mahina mai kela la aku i ka mea nona ka inoa malalo nei a i ole pela e hoole mau loa ia aku Ao ka poei aie i ka waiwai i olelo ia e hookaa koke mai lakou i ka mea noua ka inoa malalo nei awana
Luanahooponopono o ka waiwai o Wong Foon.
Hale Hana Kopa o Honolulu
Ua paa aenei ka Hale Hana Sopa Auahu Hou o ka poe no llakou na inoa malalo iho a ua makaukau lakou e hoolawa aku i ka poe piepiele i na
Kopa Maikai Loa Maoli
I hookomo ia iloko o na Pahu 100 paonoa mai ke 42 n 56 auka Kopa pakahi.
Ke hooia nei makou i ka oi o la MAIKAI o ka makou KOPA mamua o ua Kopa o waho mai.
Ua kuni ia mawaho o ko makou mau Pahu me ka hoailona "HONOLULU SOAP CO.," ae
Kuai ia e na Halekaui Liilii a Pau
HUI HANA KOPA O HONOLULU
M. W. McChesney & Sons,
Na Egena
HOOPANEE O KE KUAI O KA MORAKI
I kulike ai me na hooko ana o ke kahi moraki i hana ia e C.K. Kapule o Paia Maui, mamua. a we TUUA kana wahine ia C. Afong ma ka la 25 o Okatoba. 1890 kope i ma ke Keena Kakau Kope ma Honolulu, Buke 129 a ma ua aoao 36 37 38 a i kulike ai me ka hoolaha e hooko ana a nue ke kuai aku ma ka la 9 o Maraki 1892 ma ka hale kulaia o Jan F. Morgan. ma Honolulu i ka hora 12 awakeo o la la a o ua kuai la ua hoopanee ia.
Ke hoolaha hou ia aku nei o ua waiwai la i paa maloko o ua moraki la e kuai ia aku ana ma ka hale kulala o Jas. F. Morgan, Honolulu ke hiki aku i ka POAKAIII, In 14 o Novemaba 192 hora 12 awakea o ia la.
No na mea i koe e ninau la J. A. Magoon Lolo ma ke kanawai
Kakau ia Okatoba 13, 1892. S.M. DAMON. Hope no C. Afone mea e paa nei i ka moraki
O na aina i paa ma im moraki ia penei e kuai ia ai:
Akahi N EKA 3
@
@
@
@
@
@
@
@
@