Ka Nupepa Kuokoa, Volume XXXI, Number 44, 29 October 1892 — He Powa ma ke Alaloa. [ARTICLE]

He Powa ma ke Alaloa.

I ka hora 6 a me hapa o ke ahiahi Poakahi nei, i kekahi wahine haole o Mrs. Colburn ka inoa i puka mai ai mailoko mai o ka Hale Kikowaena ma Alanui Alakea a mamua pono o ke alo, aia hoi ua hele awiwi mai l-i kekahi mea kino kanaka mahope ae ona a pai mai la me ka ikaika. Ua poniuniu ia iho la ia, a o kana wahi eke paa lima e hele pu ai me ke kanaha dala iloko, ua haule iho la, a i ole ua kaili ia ae la paha. Mamua oka pau ana ae o ke ponluniu, ua nanowale e aku la ka powa ma kahi alanui olowi malaila koke iho no.

I ka auina Poalua mai, ua hopuiu o C'has. Loonard mamuli o ka hoohuoi ia nana i hana i keia powa, a o ua Leonard la, he keena no kona e noho hoolimalima nei maloko o ka Hale Kikowaena. Ua hoao ia e powa o Mr. W. Mutch kamana i ka hora 7 paha o ke ahiahi Poalua nei, ma kahi kokoke i ke Kula Kamehameha, ma kona ala e iho ana no ke kaona nei mui kona wahi itt)ho mai mahope aku o ke Kula Kamehameha. E ole e hopu i ke pine pa a hoana e hahau puhili ai ka powa a holo.