Ka Nupepa Kuokoa, Volume XXXI, Number 45, 5 November 1892 — Page 2
| This text was transcribed by: | Dorinna Manuel-cortez |
| This work is dedicated to: | For my children Caleb and Gianina |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Kuai Kudala o na Laikini Awa
K KUAI KUDALA ia aku ana ma ka POAHA, la 8 o DEKEMABA, 1892, na laikini awa malalo iho no ka manawa he hookahi awa malalo iho no ka manawa he hookahi makahiki mai Ianuari 1, 1893 aku.
OAHU
Waialoa 1 Koolaupoko 1
MAUI
Lahaina 2 Hana 1
Wailuku 2 Makawao 1
HAWAII
Hamakua 1 Kohala Hema 1
Kohala Akau 1 Kau 1
KAUAI
Waimea 1
O na laikini o Oahu, e kuai ia aku ana ma ka la maluna ae, hora 12 awakea, mamua iho o ke alo a Aliiolani Hale.
Ko na mokupuni e ae mau laikini o Maui, Hawaii a me Kauai, e kuai ia aku ana ma na apana like ole ma ka la maluna ae, ma ka hora a me kahi i hookaawale ia e na Makai Nui a e ko lakou mau Hope paha. Ina ma kekahi kumu kupono e manao ia ai e hoololi i ka la e kuai ai, e hoolaha ia ma ua pepa pa'i alanui a pa'i ma ka apana.
Koho kiekie. No Wailuku a me Lahaina, $300 no ka laikini hookaji, a no na apana e ae he $100 no ka laikini hookahi.
Uku Dala. E waiho e ia mai ka 25 hapa naheri i ka wa e haole ai ka hamare, a e lilo wale ia maa dala in a aole e hookaa piha ia ka huina o ka laikini maloko o ka manawa he umi la mai ka la aku i kuai ia ai.
CHAS. T. GULICK,
Kuhina Kalaiaina.
Keena Kalaiaina, Honolulu, Novemaba 4, 1892. 2414-5t
Ka Nupepa Kuokoa
ME
Ko Hawaii Paeaina i Huiia
No ka Makahiki. $2.00
No Eono Mahina. 1.00
Kuike ka Kula
NA PUKA ANA 1 2 3 4 5 6
Iniha $1.50 $2.00 $2.50 $3.00 $3.50 $4.00
2 Iniha 2.00 2.75 3.50 4.00 4.50 5.00
3 Iniha 2.50 3.50 4.50 5.00 5.50 6.00
4 Iniha 3.00 4.00 5.00 6.00 6.75 7.50
5 Iniha 3.50 4.75 6.00 7.00 8.00 9.00
6 Iniha 4.00 5.50 7.00 8.00 9.00 10.00
O na Olelo Hoolaha a pau e hoouna ia mai ana no ka Hoolaha maloko o keia Nupepe, e hoouna pu mai me ka auhau, a in a aole, aohe hookomo ia.
HOOPUKAIA E KA
HAWAIIAN GAZETTE CO.
R. M. WHITNEY, Luna Nui,
J. U. KAWAINUI, Luna Hooponopono
Poaono, Novemaba 5, 1892.
KA HOOKELAKELA MANA.
Aole i loli ae ke kulana opaipai o ka aina mai ka la 17 mai o Okatoba, ka la hoi i kipakuia ai ka Aha Kuhina hapa uuku pohopoho o Makapolena, a ua nele hoi ka ama i ka Aha Kuhina ole e hooholo ai i na hana o ka lahui imua.
Eia nae, ma ke kakahiaka Poalua iho nei, ua onou ia mai la kekahi Aha Kuhina i okipoepoe ole ia e noho poo ia ana e Kolonela Konuwela ma ke ano hookelakela mana, a o ka hopena o keia hoonana, iloko o ekolu hora wale no a me hapa mai ko lakou hoohiki ia ana ia mau kuhina, ua hookuke ia aku la lakou e ka Ahaolelo me ka hookaulua ole malalo o ka hiliuai ole.
Ma ka hoomaopopo aku i keia mau hana a ka Mana Hooko, ke oiliili mai nei keia ke ao a ka hapanui o na hoa o ka Ahaolelo; ua hoole ia ka maa mua i ka wa i wae ia ai o kekahi Aha Kuhina i pau iho la; a he hookelakela ikaika e hookele ia o Hawaii e ka mana o ke kanaka hookahi aole e ka lahui.
He mea pono i ka Moiwahine ke noonoo iho i keia kipaku pupuahulu ia ana aku nei o ka Aha Kuhina i wae hookahi ia e ia, a e hoomanao iho ua paa loa ko ka hapanui o ka Hale manao e ku ana lakou ma ke kakoo i ka lakou kahua ia waiho aku ai imua o ke Alii, na ka hapanui e wae ka Aha Kuhina.
Nolaila, no ka pomaikai o ka aina a me ka noho maluhia o ka lahui, ke uwalo aku nei makou i ke Alii, e maliu ae i ke kahua a ka hapanui o ka lahui ma o ko lakou mau elele la iloko o ka Ahaolelo e koi nei, a e hookaawale ae i na haawe o ka noonoo hookahi ana i na mea pili aupuni a hoihoi aku na ka lahui ma o ko lakou mau elele la.
KA MANA O NA KUHINA KIPAKU IA
O kekahi o na ninau ano nui e hoonioni nei i ka noonoo ana o keia anaina, oia keia: He mana anei i na Kuhina i kipaku ia e ka Ahaolelo ke hana i na hookoku a mau hana ano nui e ae paha mahope iho o ko lakou olepe ia ana aku e ka mana kau kanawai no ka hilinai ole?
Ke olezzo nei kekahi poe, he mana no ko na kuhina a ka Ahaolelo i ike ole ai a hiki i ka loaa ana o ko lakou mau pani ma na oihana, i na ia he hookahi a eono malama paha ka loihi o ka noho kuhina mana ole ana o ka aina.
Ke olezzo nei hoi kekahi poe, ua pau ka mana lawelawe oihana ku i ka mana ma ke kumukanawai o ka Aha Kuhina i kipaku ia mahope o ka hooholo ia ana o ka olelo hooholo hilinai ana i ka Aha Kuhina.
A i na e olelo ia, he mana no ko na Kuhina i kipaku ia e paa ai in na kaulawaha o ke aupuni a loaa ko lakou mau pani, alaila he ano aupuni ko kakou ma ka hoomalu ana a ka mana o ka mea hookahi e like me ka Emepera o Rusia, aole he aupuni no ka lehulehu e like me ka manao o ke kanawai kumu.
HE HUAOLELO MAIKAI NO HAWAII
I Hawaii iho ei o C. Heartt, kekahi haole o Santa Fe, Kaleponi, kahi i hakilo ai i ke kanu kope ana ma keia aina. Ua makaikai kino aku oia i na Kona, kahi i hooulu ia ai ke kope. Ua noi aku oia i kona wahi i hele mai ai, a penei kana hoike no ke kulana kanu kope ma Hawaii nei.
"Ua holo aku au i Hawaii e nana i ka oihana mikiala mahi kope. Ua makaikai aku au i Hawaii e nana i ka oihana mikiala mahi kope. Ua makaikai aku au i na apana o Kona Akau a me Hema ma ka mokupuni o Hawaii. Ua loaa aku ia'u ke kope e ulu ana ma ke ano maka nahelehe a me ka ohi mai i na oo kope maikai, aka, aole nae i like ka nui o ka ohi ana e like me ka mea la i malama pono ia. Aole i malama maikai ia ke kanu kope i ka wa i hala, no ka mea ua oi aku ka nui o ka loaa ma ke kopaa mamua o ke kope, a nolaila i palaleha ai a paulele i ke kanu ko. I keia wa, ke hoomaka mai nei ka lahui e hoolilo nui aku i ka noonoo no ke kanu kope. Iloko o na makahiki kakaikahi i koe, e lilo ana ke kope, oia kekahi o na hana mikiala ano nui ma ko Hawaii Pae Aina. O ke kope e hooulu ia la ma Kona, aia ma ke kulana maikai, a e kaulike pu ana ma ka helu ekahi ma ko Ladana makeke. O na kanaka o ka Pae Aina, he lahui oluolu a heahea. He Hele mua a me ka eleu i ka onou ana me ka makaukau o haawi mai i na mea a pau i makemake ia e ninau aku. Aole e hiki ia'u i ka hoopina i na pulama lehulehu i panee ia mai ia'u oiai au ma Hawaii. O ka heahea, oia ka huaolelo kiai ipuka hale a ia lahui. Ke upu aku nei aum e hoi i Hawaii iloko o Ianuari, 1893, a komo kino iloko o ka oihana kanu kope. O ka hui nana e hoouna ana ia'u, mailoko mai wale no o Los Angeles nei ka hapanui,"
O ko kakou ake nui i keia wa no ka holomua o ka aina, oia ke ohaoha aku i na poe mea dala owaho e hele mai iloko nei o ka aina e hoeueu ae i na hana e hoo mahuahua aku ai i ka waiwai o ko kakou mau lepo momona, in a ma ke kanu kope a mau hana e ae paha e hoeueu mai ai i kekahi mau hana mikiala hou iloko nei o ka aina.
KE KOHO PERESIDENA O AMERIKA HUIPUIA
O ka Poalua elua aenei o keia malama, oia ka la a ka lahui Amerika e koho ai i poo hoomalu no lakou no ka manawa he eha makahiki mai ka la 4 o Maraki, 1893 aenei aku.
Eia imua o ka lahui he ekolu mau moho holo Peresidena a he ekolu no hoi mau moho Hope Peresidena pakahi o lakou.
O na moho a ka aoao Ripubalika, oia o Benjamina Harisona, ka Peresidena i keia wa rula nei, a o Whitelaw Reid kona Hope.
O na moho hoi a ka aoao Demokarata, oia o Grover Cleveland a me A. E. Stevenson.
Eia ka inoa o ka ka aoao kalaiaina hou loa i oili aenei ma ka inoa Aoao Lahui, o Kenerala J. W. Weaver.
O na moho Peresidena mua elua o na aoao kahiko elua Ripubalika a me Demokarata, he mau kanaka nae no i hoao ia maluna o ha noho Peresidena, a i ike ia ko laua maemae ma na ano a pau, a ma na kahua hookele aupuni wale no ko laua like ole. Aia nae wale no maluna o keia mau inoa ae la ka lahui e kau aku nei no ke koho ana e puka kekahi o laua i ka la 18 aenei.
Aka, ma na hoike a na nupepa e hoea mai nei a me na leta a na makamaka haole, me he mea la, e puka hou ana o Grover Cleveland i Peresidena no Amerika Huipuna, aka, o ka hooiaio loa ana aia ma ka hopena o na balota i hookomoia e ka lahui maloko o na pahu no ke koho ana i na elele koho Peresidena.
NUHOU KUWAHO
Ma ke ku ana mai o ka mokuahi kia-ha Oceanic i ka Poalua nei a me ka Auseteralia i ka Poakolu mai, ua loaa mai la ia makou keia mau mea hou makamaka loa malalo iho:
Amerika Koho Peresidena
Nu Ioka, Oct. 18. No na mea e pili ana i ke koho balota Peresidena, ua hoike ae o Blaine i kona manao i hookahua paa ia malalo o kana mau mea i ike a i lohe ai hoi mai na alakai koikoi o ka aoao Ripubalika, no ka lanakila o ka aoao Ripublika ma ka la koho balota, penei: "Ma na hooikaika ana a pau a me na anaina halawai, na aha kukakuka, na haiolelo a iwaena hoi o na kukai kamailio ana, ua hoike maopopo mai na kahoaka eia ma ko kakou aoao ka lanakila nui ma ka la koho balota, no ka mea, eia no ma ko kakou aoao ka pono nui e loaa ana i na mahaainana maluna o ka ninau nui o ka manawa e noonoo ia nei mawaena o na aoao hookele aupuni a elua. Aole no keia kumu wale no e loaa ai ka lanakila i ka aoao Ripublika, aka, e loaa pu ana ka lanakila mamuli o na hooponopono aupuni pono a kaulike i hookahua iae Peresidena Harisona ma na wahi a pau o ka aina. O ka mea wale no i koe ma ko'u manao ana oia ka mea nana e hooholo pono aku i ka lanakila ma ka la koho, a pela hoi e mau ai ka holomua a waiwai o ka aina ma keia mua aku, oia no ka hookomo ana o kela a me keia kanaka o ka aoao Ripubalika i ko lakou mau balota ma ka la koho. Me keia ikaika lokahi o kakou ua manao au ua kaa ka lanakila ma ko kakou aoao." O ka Blaine kaena keia e pili ana no ka aoao Ripubalika a me ka lanakila e loaa ana ma ka la koho Peresidena.
Ma keia la hookahi no, Oct. 18, ua malama iho la ka aoao Ripubalika o ka mokuaina o Mikikana he halawai akoakoa nui o na makaainana. Ma ka po i malamaia ai ka halawai. Ua kai huakai aku na kakoo o ka aoao Ripubalika he mau tausani ko lakou heluna no kahi e malamaia ai ka halawai ma ke alakai ana a kekahi puali puhi ohe. Ua hoomaluia ka halawai e Konela Haeker ka moho o ka mokuaina o Mikikana o ka apana elima no ka Hale Senate. Ma kana haiolelo ua hoike oia i kona mahalo nui palena ole no Peresidena Harisona a me kana man alakai a hookele aupuni naauao a kaulike, a ma ka panina hope ua anaina ma kona olelo ana, he mea pono e noonoo akahele ke anaina i ke koho ana i kela a me keia hoa o ka Hale Senate, no ka mea, he kau koho puikaika ke kau koho o na hoa Senate ma keia koho ana iho.
Na Demokarata.
Nu Ioka, Oct. 25. E hoike ana he lono mai Nu Ioka mai, penei: I keia po i hui lokahi ai ka IILui tamane e kakoo i ka paa balota o Kalivilana a me Stevenson. Ua malama ia he anaina halawai nui maloko o ka Holo o Tamane ma Nu Ioka a ua hele a piha hookeke mailoko mai o ke kino o ka hale a hala iwaho o ke alanui. O Kiaaina Flower a me Kiaaina Hill i pau na haiolelo. Mawaena o ka Kiaaina Flower mau kamailio ana ua olelo ae ola, "Ke hooikaika nei ka aoao Demokarata e loaa ka lanakila i na moho Demokarata, no ka mea, ua manaoio lakou na keia aoao e hookahua he aupuni maikai a me ka noho'na maikai no ka lehulehu. Ma na lawelawe a hookele aupuni ana a ka mana aunpuni e ku nei i keia wa ua ike ia ko lakou lu wale ana i ke dala maluna o na haawina waiwai ole, na haawina hoi e loaa ole ai he pomaikai i ka lehulehu." I ka pau ana o kana ua kuhea ae la oia ia Kiaaina Hill. A iloko o na leo huro a me na paipai ana ua hoomaka aka la o HIll e kamailio: "Aia maluna o keia halawai makaainana nui e nana ia mai nei a e kaukai pu ia mai nei ka lanakila e loaa ana i ka aoao Demokarata. Ke nana mai nei maluna o keia halawai na maka o ka poe loea kilo aupuni o keia mokuaina, a ke kaukai mai nei no ka hopena o ka kakou mau hana." He mau mea haiolelo e ae no kekahi a i ka panina hope ua hookuu ia ka halawai iloko o na leo nui akena o ka lehulehu no ka puka laelae o na moho a ka aoao Demokarata.
Mai ka mokuaina mai o Minesota ua hoouna ia ae keia lono telegarapa i Nu Ioka penei: "O ka Lunakanawai John P Rea, ke poo alakai mua o ke Grand Army Ripubalika a ua lele ae nei ma ka aoao Demokarata a kakoo i na kumuhana a ia aeao." Iaia i hoopuka ae ai i kona manao ponoi, ua olelo ae oia penei: "Mamuli o ka nui na kamailio mawaena o na poai o ke Grand Army maluna o ke kumuhana o na haawina kumau o na koa kahiko i pau i ka hoole ia e Kalivilana, na ia mea i kono ia'u e nana a e hoomaopopo no'u iho, a ua ike au ua hoole ia kela mau bila kanawai maluna o ke kahua pololei, kanaka makua a me ka hanohano. Ke ike maopopo nei au ua hewa a lalau na alakai aupuni ana a ka aoao Ripubalika, a mamuli o ia kumu e haawi ana ai i ko'u koho ana ma ka aoao Demokarata a me na kumuhana, a me ke kakoo pu ana i na moho.
Hope Peresidena Morton ne Kikako
Ma ka la 15 o Okatoba ua hiki hiki aku he lono telegarapa i na poo o ka Hoikeike Nui ma Kikao e olelo ana, aole e hiki ana o Peresidena Harisona malaila i ka wa e wehe ia ai o na hana hoolaa o ka Hoikeike, aka, o ka Hope Peresidena Morton ke hiki aku ana ma kona wahi.
Peresidena Harisona
Wasinetona, Oct. 15. Ma keia la na nui loa ka pilihua o ka manao o Peresidena Harisona mamuli o ka emi mau o ke kulana ikaika o kana wahine, a ua pau hoi kona hoao ana e hoomaopopo i ke kulana a hookele ana o na hana pili aupuni. Ua hoole aku oia i ka ike ana i na poe a pau e hele aku ana e ike iaia, a ua hoopanee pu oia i ka malama ana i na anaina ike i maa mau ma na auina la. Ua hoao aku ka Akibihopa Satolli e loaa on a anaina ike me ka Peresidena a e waiho aku imua on a he palapala na ke Kadinela Rampolls, aka ua hoole paa aku o Peresidena Harisona ma o kona kakauolelo pnoi la.
Wasinetona, Oct. 17. Ua oleloia ae mawaena o na poai o ka Hale Keokeo, ua hoohala ia ka la 16 e Harisona wahine me ka maikai loa a ma ke kakahiaka ae ua ike ia kona ano ikaika ana ae, maikai ka ka nanama o kona helehelena, a ano ohaha pu, a he hiona keia aole i ike ia iloko o na la ekolu i hala. Ua hele aku kona kauka e ike iaia ma ka auina la o ka la 18. Ua olelo ae oia ua ano ikaika ke kino a ua akakuu ka umii ana a ka ma'i, aka ke emi mai la ka ikaika o na mea paahana oloko. Ua manao pu ke kauka ua hiki iaia ke kamau a hala ka mahina ke ole e loaa i kahi ana ma'i okoa ae.
Make ka Wahine a Peresidena Harisona.
Ua make o Mrs. Harisona, wahine a Peresidena Harisona, i ka wanaao o ka la 24 o Okatoba ma ka Hale Keokeo, mahope o hona kaa ma'i ana no na mahina loihi eono. Iloko o na mahina hope elua ua waiho oia ma kahi moe me ke komo ai ole, a o ka wai laau hooikaika kino kahi mea komo e hoomau-u ana i ka leheleh a me ka puu. O ka elua iho la keia o na wahine a na Peresidena i make maloko o ka Hale Keokeo. M ka Poaha, la 29, ua manele ia aku kona kino kupapau a kanuia ma ka pa ilina o Crown Hill, ma Inidanapolis, Mokuaina o Indiana. Mawaena o na poe koikoi i awiawi ae e pahola aku i na hoalohaloha i ka Peresidena, o Grover Cleveland, James G. Blaine, ka Moiwahine Vitoria, ka Pope o Roma a me ka puali o na luna aupuni o ko na aina e ma Wasinetona a me ko ka aina mau kanaka koikoi iho.
Ko Petero Iakekona Aa.
Bosetona, Oct. 18. Ma keia la ua loaa ae he lono telekarapa ia Kapena Kuke o Bosetona mai ka Hui National o Ladana, e haawi mai ana ka hui he $20,000 no ka hui kuikui puupuu o Kobeta a me Iakesona. Ua hooia pu ia mai maloko o ka lono telegarapa, e loaa no ia Kobeta a me kona mau kakoo na dala pili a lakou i makemake ai, a iloko o ka mahina o Aperila o keia makahiki ae e hakaka ai. Ua hoike koke aku o Kapena Kuke i keia lono ia Kobeta a ua ae mai oia.
EUROPA.
Auseturia me Rusia
He lono ka i hoike ia ma Viena ma ka la 15 o Okatoba, e olelo ana penei: Ua hooili ia he wahi kaua hakaka mawaena o na koa Auseturia me Rusia ma ka palena aina o Galaciana, kahi a na pualikoa Auseturia me Rusia e noho kiai paa nei. Ua ulu ae keia hakaka ana mamuli o ka hoole ana o na koa kiai Auseturia i ke komo ana o kekahi poe limahana Rukiki iloko o na palena o Auseturia malalo o na kumu aole i pololei na palapala ae komo i hoike ia. Ua ake loa na koa kiai Rukini e kaawale koke aku keia poe limahana mai ko lakou lima aku, nolaila, ua hookikina au la lakou i na koa Auseturia e ae ia lakou e komo aku. Ua hoole paakiki na koa Auseturia. Kani ae la ka pu a kekahi koa Rukini a ku a make aku la kekahi koa Austeria. O ka hoailona keia no ka hakaka. Ua ki aku a ki mai na aoao a elua. Ua hou aku a hoa mai me na eiau. O ka hopena ua auhee aku la na koa Rukini.
Kela me Keia
Aia ka ma'i korela ke laha nui ia ma Buda Petth, Geremania.
O ka Moiwahine kanemake o Wurtemburg aia oia ke waiho la me ka ma'i nawaliwali loa.
O ela põe koa kiai ponom o ka Moiwahine Vitoria i hoohaunaele ai a makou i hoolaha aku ai, ua hoouna ia aku lakou no kahi i kapa ia o Thorncliffe. He wahi keai aia ma kahi kua loa.
Ua lilo ae nei he poe hoa'loha maikai no ka Emepera Uilama o Geremania ka lahui Iudaio. Ua hookohu mai nei oia i kekahi Konela Iudaio o Rosseur kona inoa, a oia kekahi o na Iudaio iwaena o ka pualikoa Geremania holookoa, i hoa no kona mau ukali ponoi. Ua olelo ia ma keia hana ana a ka Emerpera he hoike ana ia i ke ao holookoa, aole oia i hoapono i na hana hoomaewaewa a hana ino e hana ia nei maluna o ia lahuikanaka.
He Hou Pahi
Mawaena o ka hora 9 me 10 o ka po Poakolu nei ua hou ia iho la kekahi kanaka nona ka inoa Kolomona me ka pahi e kekahi haole nona ka inoa o William Walker, ma Kikihale, mahope iho o ka Hale Kaawai Pake. Ua hopuia keia haole maloko o kekahi hale inu rama a lawe ia i ka Halewai. He haole hana keia no luna o ka mokuahi Auseteralia.
Ma ka hoike a ka poe i ikemaka in na mea i hanaia a me ke kumu i ulu mai ai o keia hou pahi, ua loaa aku keia haole ia Kolomona iloko o ko laua hale me kana wahine. Ua piena o Kolomona a kipaku aku la i ka haole e hele iwaho. Aole i hele ka haole aka, ua hoao ae la oia e hoohaunaele a hoomaka iho ia laua e aumeume hakaka. Iloko o keia aumeume ana ua olelo ia ua huki ae ka haole i ka pahi a hou aku la ia Kolomona no ekolu manawa, hookahi ma ka opu a he elua ma ka lima hema, a mai keia mau eha o ka lima i puai nui mai ai ke koko.
Ua manao ia ua kukonukonu loa ka eha i loaa ia Kolomona, aka ma ka nana ana a ke kauka ua hoike ae oia aole ia he mau eha kukonukonu koe wale no kekahi moali moku nui ma ka lima. Ua manao ke kauka ua moku kekahi aa a aole e hiki hou ana ke hoohana ia ka lima. Mahope iho o na lapaau mama ana, ua lawe loa la aku o Kolomona i ka Halema'i. He kokoolua ko keia Walker he haole luina no ka mokuahi Auseteralia, ua hopu pu ia oia a hoopaa ia. Ua hoike ae oia o James Curry kona inoa.
Hoolaha Hou.
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEkahi moraki i hana ia e E. P. HOOKANO am LUIKA HOOKANO, kana wahine, o Kahaluu, Koolaupoko, Oahu, ia Frank A. Hosmer o Honolulu, Oahu, ma ka la 3 o Novemaba, 1891, kopeia iloko o ke Keena Kakau Kope o ke Aupuni, Buke 131, aoao 371; nolaila ke hoolaha ia aku nei ka lohe i na mea a pau, ke makemake nei ka mea e paa nei i ka moraki e hooko aku no ke kumu ka uhakiia o ka aelike, oia ka hookaa ole ia o ka ukupanee i ka wa e hookaa ai.
Ke hoolaha hou ia aku nei ka lohe i na mea a a pau, e kuai ia aku ana ka aina i paa ma ua moraki la, ma ke kudala akea ma ka hale kudala o James F. Morgan ma Honolulu, ma ka POAKOLU, Novemaba 30, 1892, hora 12 awakea.
O ua aina la menei ke kuhikuhi ana:
O kela apana aina e waiho ia ma Alanui Nuuanu, Honolulu, a i kuhikuhiia penei: E hoomaka ana ma ke kihi akau o keia e pili ana ia Kauhola, a holo aku hema 48 deg. 00min. hik. 30 pauku, a hema 46 deg. 50 min. kom. 115 pauku me hema 39 deg. 10 min. hik. 125 pauku ma ka mahele "A" no Kealoha, a i ke Alanui Nuuanu, a hema 48 deg. 30 min. kom. 26 pauku i ko Ah Swan, a akau 40 deg. 10 min. kom. 148 pauku a akau 40 deg. 00 min. hik. 117 pauku i ka hoomaka ana, nona ka ili he .0725 o ka eka, a oia kekahi hapa o ka aina i kuhikuhi ia iloko o ka Palapala Sila Nui 650, Kuleana Hoona Aina 150 ia Hikiau, a me na pono a pau, ke kuleana ame na pomaikai o ua E. P. Hookano la iloko o ka aina i kuhikuhiia ma ua Palapala Sila nui la.
O keia aina, ua paa i ka hoolimalimaia ma ka $300 o ka makahiki.
FRANK A. HOSMER,
Mea e paa nei i ka moraki.
THURSTON & FREAK, na Loio no ka mea e paa nei i ka moraki.
Honolulu, Okatoba 31. 1892. 2412-4t
NA AUHAU O 1892
HOOLAHA A KA LUNA AUHAU
KE HOIKEIA AKU NEI NA POE HOOKAA auhau a pau o na mokupuni o Kauai a me Niihau, e hiki ana na Hope Luna Auhau ma na wahi e hoike ia aku nei malalo iho a me na la i hai ia noka ohi ana i na auhau.
APANA O WAIMEA.
Hanapepe, Nov. 3, mai ka hora 10 a.m. a 4 p.m.
Kekaha, " 5, " " 10 " 4 "
Makaweli, Dec. 10, keena hana o ka Hui.
Mokupuni o Niihau, Honupapa, Nov. 24, mai ka 10 a.m. a 4 p.m.
APANA O KOLOA.
Elele, Nov. 2, mai ka hora 10 a.m. a 4 p.m.
Wahiawa, " 3, " " 10 " 4 "
Lawai, " 4, " " 10 " 4 "
APANA O LIHUA.
Haiku me Kipu, Nov. 3, hora 10 a.m. a 4 p.m.
Hanamaulu, " 4, " 10 " 4 "
Wailua kai, " 7, " 10 " 4 "
APANA O KAWAIHAU.
Moloaa me Papaa, Nov. 3, mai 10 a.m. a 4 p.m.
Aliomanu me Anahola, " 4, " 10 " 4 "
Kealia me Kapaa, " 5, " 10 " 4 "
APANA O HANALEI.
Kilauea, Nov. 11, 12 mai ka hora 10 a.m. a 4 p.m
Wainiha, " 8, " " 10 " 4 "
Kikiula, " 9, " " 10 " 4 "
Ma na la e ae (koe na ia Sabati) ahiki i Dekemaba 15, e noho ana na Hope Luna Auhau ma ko lakou mau keena oihana like ole mai ka 9 a.m. a 4 p.m.
O ka makemake o ke kanawai, o na auhau i oi aku mamua o ka $10 e hookaa ia ma ke dala gula, a e kauleleia ka 10 keneia maluna o na auhau kaa ole mahope aku o Dekemaba 15.
TH. BRANDT.
Hope Luna Auhau o Waimea me Niihau.
A. K. MIKA
Hope Luna Auhau o Koloa.
J. B. Hanaike.
Hope Luna Auhau o Lihua.
S. KAIU,
Hope Luna Auhau o Kawaihau.
W. E. H. DEVERILL.
Hope Luna Auhau o Hanalei.
J. K. FARLEY.
Lunaheiu ame Luna Auhau nui o na mokupuni
o Kauai me Niihau 2414-2t
Hoolaha Hou.
A HA HOOKOLOKOLO KAAPUNI APANA Elua o ko Hawaii ame Aina. Ma ka hooponopono waiwai. Ma ka hana o ka waiwai o MANUEL SYLVA, no Waikapu, Maui, i make kauoha ole.
Ma ka heluhelu a me ka waiho ia ana mai o ka pelapela noi a Kaui Sylva (w) e hoike ana ua make kauoha ole a Manuel Sylva, no Waikapu, Maui ma Waikapu, Maui, i ka ia 22 o Sepatemaba, 1891, a e noi ana e hoopuka ia ka Palapala Hookohu Luna Hooponopono Waiwai iaia.
Ua kauoha ia o ka POAHA ka la 24 o Novemaba. M. H. 1892 ma ka hora 10 kakahiaka, oia ka manawa i kohoia no ka hoolohe ana i ua noi la imua o na Lunakanawai la, ma ka Hale Hookolokolo, ma Wailuku, a ma ia manawa a ma ia wahi no, e hele mai ai na mea a pau i pili e hoike mai i ke kumu, in a he kumu oiaio ko lakou e ae ole ia ai ua noi ia.
Kakauia ma Wailuku, Ko Hawaii Pae Aina, Okatoba 27, M. H. 1892.
A. N. KEPOIKAI.
2414-3 Lunakanawai Kaapuni Apana Elua.
A HA HOOKOLOKOLO KAAPUNI APANA Elua o ko Hawaii Pae Aina. Ma ka hooponopono waiwai. Ma ka hana o ka waiwai o KANEHAILUA (k), Waiehu, Maui, i make kauoha ole.
Ma ka heluhelu a me ka waiho ia ana mai o ka palapala noi a Kalamilimili (w) e hoike ana ua make kauoha ole o Kanehailua (k) no Waiehu, Maui, ma i ka la o 189 a e noi ana e hooponopono ia ka waiwai a e hoolilo ia i na hooilina.
Ua kauoha ia o ka POAHA ka la 24 o Novemaba, M. H. 1892, ma ka hora 10 kakahiaka, oia ka manawa i koho ia no ka hoolohe ana ia ua noi la imua o ua Lunakanawai la, ma ka Hale Hookolokolo, ma Wailuku, Maui, a ma ia manawa a ma ia wahi no, e hele mai ai na mea a pau i pili e hoike mai i ke kumu, in a he kumu oiaio ko lakou, e ae ole ia ai ua noi la.
Kakau ia ma Wailuku, Ko Kawaii Pae Aina. Okatoba 27, M. H. 1892.
A. N. KEPOIKAI,
2414-3 Lunakanawai Kaapuni Apana Elua.
MA KE KEENA O KA LUNAKANAWAI Kaapuni Apana Ekolu o ko Hawaii Pae Aina. Ma ka waiwai o KALUAI (k) no Kahinano, Hilo, Hawaii, i make.
Ua heluhelu ia a ua waiho ia ka palapala noi o Maleka (w) me Kamakaokalani (k), e noi ana e hooponopono ia ka waiwai o Kaluai (k) no Kahinano, Hilo, Hawaii, i make kauoha ole aku nei ma Molokai, a e hookohu ia o S. Kaluna i Lunahooponopono no ia waiwai: nolaila, ua kauoha ia na mea a pau i pili, o ka POALIMA, kauoha ia na mea a pau i pili, o ka POALIMA, oia ka la 16 o Dekemaba, M. H. 1892 nei, i ka hora 9 kakahiaka ma ka Hale Hookolokolo ma Hilo, Hawaii, oia kahi a me ka manawa i koho ia no ka hoolohe aku i ua noi la me na mea kue ke hoike ia.
F. S. LYMAN
Lunakanawai Kaapuni Apana Ekolu. H. P. A.
Hilo, Hawaii, Okatoba 24, 1892. 2414 3
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEkahi moraki i hana ia e E. L. DOYLE o Honolulu, Oahu, i ka Portuguese Mutual Benefit Society of Hawaii, he hui malalo o ke kanawai, ma Okatoba 22, 1890, kope ia ma ke Keena Kakau Kope o ke Aupuni Buke 126 aoao 431. a i hoolilo ia aku e ua Hui la ia John Q. Wood o Honolulu, ke hoolaha ia aku nei ka lohe ke makemake nei ka mea e paa nei i ka moraki e hooko aku i ua moraki la no ke kumu ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei, o ka waiwai i paa maloko o ua moraki la, e kuai ia aku ma ke kudala akea ma ka hale kudala o Jas. F. Morgan ma Honolulu, ke hiki aku i ka POAKOLU, Movemaba 30, 1892, hora 12 awakea.
O ua waiwai la, penei i kuhikuhi ia ai:
O kela aina a pau me na hale maluna iho e waiho la ma Kaluapuaa, Kapalama, Honolulu, i hoike moakaka lea ia ma ka palapala hoolilo a W. C. Achi i ka mea nana i moraki mai, i kakauia ma Okatoba 22, 1890, a kope ia ma ka Buke 127 aoao 176, nona ka ili he 5,500 kapuai kuea. O ua aina la, he 50 kapuai o mua ma ke alo a he 110 kapuai ka hohonu.
JOHN Q. WOOD.
Mea i lilo mai ai o ka Moraki.
Thurston & Frear, lolo no ka mea i lilo mai ai o ka moraki
Honolulu, Oct. 31, 1892. 2414-4
Hoolaha a ka Lunahooponopono Waiwai.
O NA POE A PAU HE MAU KOINA KA LAkou i ka waiwai o KEKAHA i make o Waiehu, Wailuku, Maui, Ko Hawaii Pae Aina, e hoouna koke mai me na hoola kupono i hoohiki ia imua o ka Notari o ka Lehulehu, i ka mea nona ka inoa malalo iho ka mea i hookohu ia ia Lunahooponopono Waiwai no ka waiwai o ka mea i make, maloko mai o na malama eono, a i ole ia e hoo@ mau loa ia aku no. O ka poe a pau ia ale i ka waiwai o ka mea i make, e hookaa koke mai ma ka manawa a mamua ae o ka pau ana o ka eono malama.
W. H. DANIELS,
Lunahooponopono Waiwai o Kekaha i make,
Wailuku, Maui, Oct. 25, 1892. 2414-6m
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEkahi moraki i hana ia e ka ELELE PUBLISHING COMPANY, ia FREDRICK H HAYSELDEN ma ka la 22 o Aperila, 1889, a i kope ia ma ke Keena Kakau Kope ma Honolulu, Buke 116 a ma na aoao 43, 44, a me 45 a i hooliloia aku e ua Fredrick H. Hayselden la e kona Hope o J. S. Walker ia John F Bowler ma ka la 27 o Okatoba, 1891; ke hoolaha ia aku nei ka lohe i na mea a pau, ke makemake nei ka mea i lilo mai ai o ua moraki la e hooko aku no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee, oiai ua hala ka manawa.
Ke hoolaha hou ia aku nei, mahope aku o ka pau ana o na hecedoma ekolu mai keia la aku,
oia ka POALUA la 22 o Novemaba, 1892, e kuai ia aku no ma ke kudala ka waiwai i paa maloko o ua moraki ia ma ka hale kudala o Jas. P Morgan ma Honolulu, ma ka hora 12 awakea.
J F BOWLER,
Mea i lilo mai ai o ka Moraki.
No na mea i koe e ninau ia A P Peterson, loio no ka moraki.
Honolulu, Nov. 1, 1892.
O ka waiwai i paa malalo o ka moraki, oia na mea a pau i pili i ka Halepai Elele e ku la ma Alanui Moi, Honolulu.
2414-3t
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEkahi mau moraki i hanaia e ABIGAIL @PKINI a me CHARLES L. HOPKINS kana kane, i na Kahu Waiwai o W. C. Lunalilo i make, i kakauia ma Sepatemaba 18, 1886, a me Iulai 27, 1887, kope ia ma ke Keena Kakau Kope ma Honolulu, Buke 98 a ma na aoao 400 a me 401, a ma ka Buke 108 ma na aoao 199, 200 a me 201.
Ke hoolaha ia aku nei ka lohe i na mea a pau ke makemake nei na mea e paa nei i na moraki e hooko no ka u@aki ia o ka aelike, oia ka hookaa ole ia o ke kumupaa a me ka ukupanee.
Ke hoolaha hou ia aku nei ka lohe, mahope aku o ka pau ana o na hebedoma ekolu mai ka la aku o keia hoolaha ana, alaila e kuai ia aku no ma ke kudala akea ma ka hale kudala o Jas. F. Morgan ma Honolulu, na waiwai i paa maloko o ua mau moraki la, ke hiki aku i ka POAKAHI, Dekemaba 5, 1892, ma ka hora 12 awakea.
Kuike ke dala. I ka mea e lilo ai na uku hana palapala.
No na mea i koe e ninau ia William O. Smith.
WILLIAM O. SMITH,
MARY S. PARKER,
HENRY WATERHOUSE,
Na Kahu Waiwai ma ka Palapala Kauoha o W. C. Lunalilo i make.
Honolulu, Novemaba 1, 1892.
O na aina e kuai ia ana;
Oia kela apana aina e waiho la ma ke alanui Waikiki, ma o aku o Marsfield nona ka ili he 40,000 kapuai kuea, oia no ka aina i lilo ma i ua Abigail Hopkins ia mai a B. F. Dillingham mai ma ke kuai i hana ia i ka la 25 o Maraki, 1886, kope ia i ke Keena Kakau Kope Buke 99 a ma na aoao 421, 422.
A me kala mau apana aina e waiho ia ma Kohala Akau, mokupuni o Hawaii, i kuhikuhi ia maloko o kekahi palapala hoolilo i hanaia e E. K. Aiwohi ia Abigail Hopkins, ma ka la 4 o Feberuari, 1884, a kope ia ma ke Keena Kakau Kope o ke Aupuni Buke 86 a m na aoao 273 a me 274. 2414-3
Hoolaha Hooko o ka Moraki a me ke Kuai
I KULIKE AI ME NA HOOKO ANA O KEkahi moraki i hanala e KOOLANI e a me KAUWAPO ia S Roth, ma ka la 19 o Maraki, 1890, kope ia iloko o ka Buke 125 ma na aoao 189 a hiki i ka 201, ke hoolaha ia aku nei ka lohe i na mea a pau ke makemake nei ka mea e paa nei i ka moraki e hooko aku ia ua moraki la no ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei, mahope aku o ka pau ana o na hebedoma ekolu mai ka ia aku o keia hoolaha ana, oia hoi ma ka POAKOLU, Nov. 30, 1892, ma ka hora 12 awakea o ia ia e kuai ia aku no ma ke kudala akea ka waiwai i paa maloko o ua moraki la, ma ka hale kudala o Jas. F Morgan, Honolulu.
No na mea i koe, e ninau ia
J. A. MAGOON,
Loio no S. Roth.
Honolulu, Novemaba 5, 1892.
O ka waiwai i paa maloko o ua moraki ia,
O ia keia aina e waiho la ma Koloa, Kauai, i kuhikuhi pono ia maloko o ka Palapala @ Bui Helu 4250, Kuleana Hoona Aina 5401 ia Hanaole, nona ka ili he @ruda, 31 peka.
O kela mau aina a pau i kuhikuhi ia maloko o ke Kuleana Hoona Aina Helu 5219@ Punipuu nona ka ili he ekolu mau eka 1 ruda. 2414-4
UA NALOWALE
KA BUKE BANAKO HALE LETA HELU 1488, a o ka mea e loaa ana e hoihoi mai i ka Banako Hale Leia.
BILA KAPAKAULA,
Kahehuna, Honolulu, Okatoba 24, 1892.
2413-2*
Hoolaha Hou.
A HA HOOKOLOKOLO KIEKIE O KO HAwaii Pae Aina. Ma ka hooponopono waiwai. Ma ka hana o ka waiwai o @KA o Honolulu, Oahu, i make kauoha ole.
Ma ka heluhelu a me ka waiho ia ana mai ka palapala noi a Kupihea liilii (@ e hoike a @ ua make na Luka la o Honolulu me ke k@ ole ma Honolulu, ma ka la @ ka@ha. @ 1892, a he waiwai paa kona e waiho ana iloko o keia Aupuni, a e noi ana e hoopuka ia ka palapala hookohu lunahooponopono waiwai iaia.
Ke kanoha ia aku nei, o ka POAKAHI @ Novemaba, A. D 1892, oia ka manawa e hoolohe ai i ua noi la imua o na Lunakanawai la @ ke keena Hookolokolo o keia Aha ma Honolulu, oia ka ia a me kahi o na poe a pau i kuleana e hele mai ai e hoike in a he kumu io ko lakou e hoole ia ai ua noi la a e hoolaha ia keia kauoha ma ka olelo Hawaii iloko o ke Kuokoa, he nupepa ma Honolulu.
Kakauia ma Honolulu, K. H. P. A. Okatomaba 17, a. D 1892
No ke Aha:
F. WUNDENBERG,
Hope Kakauolelo o ka Aha Hookelekele K@
2412@
MA KE KEENA O KA LUNAKANAWAI KAApuni Apana Ekolu o ko Hawai Pae Aina. Ma ka waiwai o WAHINEMAIKAI @ he mea oo ole.
Ua heluhelu ia a ua waiho ia ka palapala noi a Wahinemaikai (w) no Puna, Hawaii, e hoike ana ua oo no oia i keia manawa, a e noi ana e hoopau aku ka hana o kona Kahu Malama, o J. H. Paku, a e hoopili aku kona waiwai iaia Nolaila, ua kauoha ia ua mea a pau i pili o ka POALIMA, oia ka la 2 o Dekemaba, M. H. @ i ka hora 9 kakahiaka, ma ka Hale Hookolokolo ma Waiohinu, Kau, Hawaii oia kahi a mea ka manawa i koho ia no ka hoolohe aku @ noi la me na mea kue ka hoike la, a ua kanoha ia o J. H. Paku, e hele mai imua o ka Aha kela manawa me ka makaukau e hoike ma@ kana mau hana i pili no kela waiwai.
F. S. Lyman.
Lunakanawai Kaap@
Hilo, Hawaii, Oct. 17, 1892 2412@
A HA HOOKOLOKOLO KAAPUNA OHANA Elua o ko Hawaii Pae Aina. Ma ka Lunahooponopono Waiwai. Ma ka hana o ka waiwai NAKIAWEAWE (k), o Kipahulu, Maui, Hawaii kauoha ole.
Ma ka heluhelu a me ka waiho ia a@ ka palapal noi a @. W. Kalua, e hoike ana ua make kauoha ole o Nakiawaeawe, no Kipahulu, Maui, ma Kipahulu, Mauim i ka o 189 , a e noi ana e hooponoponoia ka waiwai a e hooholoia i na hooilina.
Ua kauoha ia o ka POAHA ka la 17 o Novemaba, M. H. 1892, ma ka hora 10 kakahiaka, oia ka manawa i kohoia no ka hoolohe ana i na noi la imua o ua Lunakanawai ia, ma ka Hale Hookolokolo, ma Hana, a ma ia manawa a ma ia wahi no, e hele mai ai na mea a pau i pili e hoike mai i ke kumu, in a he mau kumu oiaio @ lakou e ae ole ia ai ua noi la.
Kakauia ma Wailuku, Ko Hawaii Pae Aina, Okatoba 22, M. H. 1892.
A. N. KEPOIKAI,
2413-3 Lunakanawai Kaapuni Apana Elua
A HA HOOKOLOKOLO KAAPUNI APANA Elua o ko Hawaii Pae Aina. Ma ha Hooponopono Waiwai. Mokupuni o Maui, Hawaii Pae Aina, @ Ma ka waiwai o K. KANU@ Wailuku, Maui, i make.
No ka mea, ma ka la 21 o Okatoba, M. H. 1892, ua waihoia mai imua o ka Aha, kekahi palapala i olelo ia, oia no ke kauoha hope oa o R. Kanu@ (k) i make aku la: a me ka palapala hoop@ e noi ana e hooiaio ia kela Palapala Kauoha a e hoopuka hoi ka Palapal Luna Hooko no @ Keanu Kanui (w).
Nolaila, ua kauoha ia o ka POAKAHI oia ka la 21 o Novemaba, M. H. 1892, ma ka hora @ kakahiaka, ma ka Rumi Hookolokolo o ia Aha ma Wailuku, Maui, oia ka la a me ka hora, @ hooiaio ia ai ia Palapala Kauoha, a e hoolohe hoi no ia noi ana mai, a me ka poe a pau i @ e kue ana ia palapala Kauoha, a me ka hoop@ ka ana i ka Palapala Luna Hooko
Kakauia ma Wailuku, Maui, Ko Hawaii Pae Aina, Okatoba 22, M. H. 1892.
A. N. KEPOIKAI,
2413-3 Lunakanawai Kaapuni Apana Elua
A HA HOOKOLOKOLO KAAPUNI APANA Elua o ko Hawaii Pae Aina. Ma ka Hooponopono Waiwai. Ma ka hana o ka waiwai o JOSEPH COCKETT, o Waikapu, Maui, i make
Ma ka heluhelu a me ka waiho ana mai o ka palapala noi a me ka papa hoike o Mahiki Cockett (w) Lunahooponopono o ka waiwai o Joseph Cockett no Waikapu, Maui, i make, @ noi ana e apono ia na hoolilo he $1, 294. 56, a e hoike ana o na mea i loaa mai iaia he $1,294.56 a e noi ana e apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauoha ia o ka POAHA, ka la 24 o Novemaba, M. H. 1892, ma ka hora umi kakahiaka imua o ua Lunakanawai la, ma ke Keena ma ka Hale Hookolokolo, ma Wailuku, oia kahi a me ka manawa i koho ia no ka hoolohe ana i ua noi la, a me na papa hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia a ua noi la, a malaila e hoike mai ai na hoike @ na mea i kuleana maloko o ka waiwai i oleloia
Kakauia ma Wailuku, Ko Hawaii Pae Aina Okatoba 22, M. H. 1892.
A. N. KEPOIKAI.
2413-3 Lunakanawai Kaapuni Apana Elua
MA KE KEENA O KA LUNAKANAWAI Kaapuni, Apana Ekolu o ko Hawaii Pae Aina. Ma ka waiwai o HILINAI ike no @ Hawaii, i make.
Ua heluheluia a na waihoia ka palapala noi @ Kekai (k), e noi ana e hooponopono ia ka waiwai o Hilinai (k), no Naalehu, Kau, Hawaii, make kauoha ole, a e hoonoho aku ia @. W Smithies @ Lunahooponopono no ia waiwai Nolaila, na kauoha ia na mea a pau i pili o ke POALIMA, oia ka la elua o Dekemaba, M. H 1892 nei, i ka hora 9 kakahiaka, ma ka hale hookolokolo o Waiohinu, Kau, Hawaii, oia kahi @ me ka manawa i kohoia no ka hoolohe aku i ka noi la me na mea kue hoike ia.
F.S LYMAN,
Lunakanawai Kaapuni Apana Ekolu, H. P. A
Hilo, Hawaii, Okatoba 17, 1892 2412
Hoolaha a ka Lunahooponopono
O KA MEA NONA KA INOA MALALO IHO nei, na hoonoho ia mai au e Hon. @ @ Kepoikai, Lunakakawai Kaapuni o ka Apana Elua, ma ka la 14 o Okatoba, 1892, i Lunahooponopono no ka waiwai o WAINEE (w) i make Wailuku, Maui. Nolaila, ke hoolaha ia aku nei ka lohe i na mea a pau, in a he mau a@ k@ ka mea i make ia lakou, e waiho mai i ka lakou koi me na bila i hooiaioia iloko o na mahina he umi mai keia la aku o hooleia auanei. A o ka poe i a@e i ka waiwai o ka mea make, e hookaa mai ia'u. A o ka poe e pae ana i kahi waiwai @ ka mea i make, e hoihoi mai ia'u. E loaa no a@ ma Wailuku, Maui.
J@. W KALUA.
Lunahooponopono Waiwai o Wainee @ make
Wailuku, Maui, Oct. 15, 1892 @
KUAI KUDALA!
MA KEKAUOHA A VALDEMAR KNUDSEN Esq.. Lunahooponopono Waiwai o ka waiwai o J. H. HOOPIOPIO, i make, e kuai aka a@ ma ke kudala akea ma Awa, Waimea, Kauai, me ka
POAONO, NOVEMABA LA 15 Hora 10 A.M.,
i ka waiwai i hoakaka a kuhikuhi ia mala@ nei:
1 O kela apana aina i kapala o "Awa" ma ke awawa o Waimea, mokupuni o Kauai, nona ka ili he 2 mau eka, 2 ruda, 23 peka, a i kuhikuhi ia ma ka palapala Sila Nui Helu 4819 ia Kalaiki
2 O kela aina a pau iloko o ka Palapala Sila Nui Heiu @ ia Nawaaiaau, nona ka ili he @ mau eka, 10 peka.
3 O kela aina a pau i kapaia o "Kaluawaka," Palapala Sila Nui lielu @ la Poipu, nona ka ili he 3 ruda, 20 peka.
4 O ka aina a pau iloko o ka palapala ho@ lilo a Kamehameha IV, a me Ema kana wahine i kakau ia ma Novemaba 1, 1857 a i koe ia @ ko o ke Keena Kakau Kope o ke Aupuni, Buke 19 a me na aoao 431-432 ia Kuheleloa a nona ka ili he 2 ruda.
5 O kela aina a pau i kapaia "Waiuli" e @ me ka palapala hoolilo a Kamehameha IV a @ Ema kana wahine ia Hoopiopio ma Augate @ 1862, i kope ia ma ke Keena Kakau Kope o ke Aupuni Buke 15 a me na aoao 413, 414 a me @ nona ka ili he 1 eka, 20 peka.
6 O kela aina a pau i loko o ka Paiapaia Sila Nui Helu 7605 i kapaia o "Noni," a nona ka ili he 4 eka, 1 ruda, 8 peka. Eia keia apana @ malalo o ka hoolimalima i ka Hui Wilika Waimea ma ke $35 o ka makahiki.
7 O kela iana a pau iloko o ke Kuleana @ na Aina Helu 5396 ia Hiiaka, a i hoolilo ia @ H. Hoopiopio ma ke kuai i Maraki 26, 18@ kope ia iloko o ke Keena Kakau Kope o Ke Aupuni Buke 49 a ma na aoao 322 a me 322, @ ka ili he 2 ruda, 22 peka.
8 O kela aina a pau iloko o kela pa@ hoolilo a Kamehameha IV, a me Ema kana wahine ma Novemaba 30, 1857, a nona ka @ 54 peka ia Opanui, ka makuakana o J. H. @ hoopiopio.
9 O kela aina a pau iloko o kela palapala hoolilo a Kamehameha IV, a me Ema kana wahine ia Aimanumanu ma Novemaba 30, 1857, a nona ka ili he 1 ruda, 27 peka, a i hoolilo iaia J. H. Hoopiopio ma Maraki 12, 1887, kope ia ke Keena Kakau Kope Buke 127 aoao 426.
O kela mau aina a pau maluna ae, eia lakou ke waiho nei ma Waimea. O na aina mai ka helu i a hiki i ka 7, ua paa lakou malalo o ka moraki mua ia Gay a me Robinson, oia hoi o ka ale e koe ana ma ka la 14 o Iune, 1892, he 1874 @ a ua hoolilo ia aku ia V. Knudsen ma ia ia, me ka paa pu malalo o ka moraki e@ ma ka la 1@ o Okatoba, 1890, ia V. Knudsen no ka $1700 a @ ka ukupaneeo.
Dala Kuike. Na ka mea kuai mai na lilo me na palapala kuai.
No na mea i koe e ninau ia V. Knudsen Esq., Kekaha, Kauai.
2411-3 A. MYHRE,
LUNA KUDALA.