Ka Nupepa Kuokoa, Volume XXXI, Number 45, 5 November 1892 — He Hou Pahi. [ARTICLE]

He Hou Pahi.

Mawaena o ka hora 9 ine 10 o ka po Poakolu nei ua hou ia iho la kekahi kanaka nona ka inoa o Kolomona me ka pahi e kekahi haole nona ka inoa o William Walker, ma Kikihale, mahope iho o ka Hale Kaawai Pake. Ua hopuia keia haoie maloko o kekahi hale inu rama a lawe ia ika Halewai. He haole haua keia no luna o ka mokuahi Auseteralia. Ma ka hoike a ka poe i ikemaka i na mea i hanaia a me ke kumu i ulu mai ai o keia hou pahi, ua ioaa aku keia haole ia Kolomona iloko o ko laua hale me kana wahine. Ua piena o Kolomona a kipaku aku la i ka haole e hele iwaho. Aole i hele ka haole aka, ua lioao ae la oia e hoohaunaele a hoomaka iho la laua e aumeuine hakaka. Iloko o keia aumeume ana ua olelo ia ua huki ae ka haole i ka pahi a hou | aku la ia Kolomona no ekolu manawa, hookahi ma ka opu a he eiua ma ka lima hema, a mai keia mau eha o ka lima i puai nui mai ai ke koko.

Ua manao ia ua kukonukonu loa ka eha i loaii īa Kolomona, aka ma ka nana ana a ke kauka ua hoike ae oia aole ia he mau eha kukonukonu koe wale no kekahi moali moku nui ma ka limn. Ua manao ke kauka ua moku kekahi aa a aole c hiki hou ana ke hoohana ia ka lima. Mahope iho o na lapaau mama ana, ua lawe loa la aku o Kolomona i ka Halema'i. He kokoolua ko keia Walker he haole luina no ka mokuahi Auscteralia, ua hopu pu ia oiaa hoopaa ia. Ua hoike ae oia o J:imes Currv kona inoa.