Ka Nupepa Kuokoa, Volume XXXI, Number 45, 5 November 1892 — He Hoalohaloha. [ARTICLE]

He Hoalohaloha.

Me ka naau i mokumokuahua i ke aloha i ka ike ana iho ua oiuolu i ka Mea Mana loa ka iawe ana aku i ka hanu oia o ka Makua Kev. James Bicknell, ka mea i noho Kahu no ka Ekalesia Huiia o Hamakua Waena me Hamakua Komohana no 17 makahiki. A no ka pilipaa o ko makou mau manao aloha nona; uolaila e Hooiioloia: O makou ona hoahanau o ka Eka!esia Huiia o Hama« kua Waena me Komohana, ke komo pu aku nei me ka ohana a me ka iehulehu o kona mau hoa'loha e auamo pu i na ehaeha, a e kumakena pu aku nona ma keia ao o ka ehaeha. Hooiioloia: Ke pule ae nei makou i ke Akua iloko o Kona Mana Kahikolu, e hoopomaikai ia kana huakai huli hoi i ka poli o ka Makua, ma kona komo ana ae a noho raa ka lima akau o ka Mea Mana Loa e hosana pu ana me na Anela i ka Inoa o ka Makua, ke Keiki, a o ka Uhane Hemolele. Hooholoia: E hoonani ia ka Inoa o ka Makua ma na Lani Kiekie, no ka mea, Nana no i haawi mai, a Xana no i lawe aku; o Kona makemake no ke hooko ia. O makou iho no ma o ke KomUe, J. Mokuola, Mr. Kalehuawehe, P. Kaaekuahiwl, W. A. Mio, Mr. Nakanelua, D. W. Kamaliiai, J. W. Kaumelelau, S. P. Kamakea, Sam'l Kamae. Eleio, Oct. 17, 1892.