Ka Nupepa Kuokoa, Volume XXXI, Number 47, 19 November 1892 — Page 2

This text was transcribed by:	Karen Evangelista
This work is dedicated to:	Awaiaulu

Ka Nupepa Kuokoa

KE KILOHANA POOKELA NO KA LAHUI HAWAII.

MA KE KAUOHA.

Ua oluolu i ke Alii ka Moiwahine ka hookohu ana i keia poe keonimaua malalo iho i Aha Kuhina Nona:

Mea Mahaloia Hon. G. N. WILCOX, i Kuhina Kalaiaina, ma kahi o Charles T. Gulick, i waiho mai.

Mea Mahaloia Hon. M. P. ROBINSON, i Kuhina no ko na Aina, ma kahi o Joseph Nawahi, i waiho mai.

Mea Mahaloia Hon. PETER C. JONES, i Kuhina Waiwai, ma kahi o Hon. W. H. Cornwell, i waiho mai.

Mea Mahaloia Hon. CECIL BROWN, i Loio Kuhina ma kahi o Charles Creighton, i waiho mai.

Halealii Iolani, Novemaba 8, 1892. 2416-3

Ua hookohu ia o A. BARNES i keia la, i iaia no ka Papa Alanui o ka Apana Auhau o Wailuku, Maui, no ka manawa i koe i hoohakahaka ia mamuli o ka waiho ana mai o H. G. Treadway, Esq.

G. N. WILCOX,

Kuhina Kalaiaina.

Keena Kalaiaina, Nov. 10, 1892. 2416-3

HOOLAHA KOHO BALOTA

KEENA KALAIANA,

HONOLULU, NOV. 4, 1892

I kulike ai me ke Kanawai Koho Balota o ke Aupuni, ke hoolahaia aku nei ma keia, he koho balota kuikawa no ke koho alii no na mokupuni o Maui, Molokai, Lanai a me Kahoolawe, ke malamala ana mawaena o na hora 8 a.m. a me 5 p.m. o ka POALUA, ka la 29 o Novemaba, 1892, uo ka hoopiha ana i ka noho hakahaka no na makahiki eha i koi i hoohakahaka ia mamuli o ka haalele ana mai o ka Mea Mahaloia W. H. Cornwell.

O na Apana Koho Baloto, na Mahele Koho, na wahi koho a me na Luna Nana Koho Balota, eia malalo iho nei:

NA MOKUPUNI O MAUI, MOLOKAI, LANAI A ME KAHOOLAWE.

APANA EKAHI-MOLOKAI.

Oia no ka Mokupuni o Molokai.

Mahele Ekahi-Kela mahele o Molokai, oia hoi o Kalawao a me Kalaupapa. Wahi Koho:

Halekuai o Kalaupapa.

Na Luna Nana- Ambrose Hutchinson,

William Notley,

J. Kahaulelio.

Hookohuia no ka la Koho Balota wale no.

William Clark,

C. Kopena.

Mahele Elua-Ke koena aku o ka Mokupuni o Molokai. Wahi Koho: Hale Hookolokolo, Pukoo.

Na Luna Nana-A. Mouritz,

D. Kailua,

W. A. Kukamana.

Hookohula no ka la Koho Balota wale no,

J. H. Van Glesen,

APANA ELUA-LAHAINA.

Oia no ka Apana o Lahaina a me Kaanapali ma ka Mokupuni o Maui a me Lanai.

Mahele Ekahi-Ka Apana o Lahaina. Wahi Koho: Hale Hookolokolo, Lahaina.

Na Luna Nana-Henry Dickenson,

D. Taylor,

Thos. C. Forsyth.

Hookohuia no ka la Koho Balota wale no.

C. B. Cockett,

L. M. Baldwin.

Mahele Elua-Apana o Kaauapali. Wahi Koho: Halekula o Honokohau.

Na Luna Nana-R. C. Searle,

M. Meheula,

D. A. Wahinehookae.

Hookohuia no ka la Koho Balota wale no.

J. A. Kaukau,

B. Mahookaa.

Mahele Ekolu-Mokupuni o Lanai. Wahi Koho: Hale ma Maunalei.

Na Luna Nana-S. Kahoohalahala.

Palauina.

Hookohuia no ka la Koho Balota wale no.

Kahikiwawe,

K. Kaai.

APANA EKOLU-WAILUKU AKAU.

Oia no kela wahi a pau o Wailuku o waiho ana ma ka akau o ke alanui mai ko Awawa o lao(ma ka aoao Hema o ka muliwai) a hiki i na Puu One; mailaila aku ma ka lapa o na Puu One a ka nuku o ka muliwai o Wailuku. Wahi Koho: Hale Holohau (Skating Rink).

Na Luna Nana-A. N. Kepoikai,

W. A. McKay,

W. S. Maule.

Hookohuia no ka la Koho Balota wale no

John S. McLean.

APANA EHA-WAILUKU HEMA.

Oia no kela wahi o ka Apana o Wailuku e waiho ana ma ka Hema o ka Apana Akau o Wailuku, a e huipu ana i ka Mokupuni o Kahoolawe a me Honuauia.

Mahele Ekahi-O kela wahi o ua Apana la o waiho ana mawaena o na Puu One a me ke Kuahiwi a me ka mokupuni pu hoi o Kahoolawe. Wahi Koho: Hale Hookolokolo, Wailuku.

Na Luna Nana-W. H. Daniels,

W. T. Robinson,

Manuel C. Ross.

Hookohuia no ka la Koho Balota wale no.

William Conway,

S. E. Kaiue.

Mahele Elua-Kahi i koe aku o Wailuku Hema, Wahi Koho: Hale Dute, Kahului.

Na Luna Nana-L.M. Vetlesen,

G. P. Wilder,

Kaulanaula.

Hookohuia no ka la Koho Balota wale no.

C. R. McVeigh,

Robert English.

Mahele Ekolu-Ka Apana o Honuania. Wahi Koho: Hale hookolokolo, Honuania.

Na Luna Nana-Leonard C. Parish,

M. Kealoha,

John Brown.

Hookohuia no ka la Koho Balota wale no.

S.W. A Kaleihoa,

W.D. Kaaumoana.

APANA ELIMA-MAKAWAO.

Oia no kela wahi a pau e waiho la ma ke komohana a me hema mai ke awawa o Oopuola a me Huelo a e hui pu ana i ka Apana o Kula.

Mahele Ekahi-Oia kela wahi a pau o ua Apana la i kapaia o Kula, a me kela mahele o ka aina o Hamakuapoko e waiho la ma ka hema a me komohana o ke awawa o Maliko a mauka o kekahi laina e kamoe ana ma ka waena o ke alanui e holo ia mai Kaluanui e ka Halepaahao o Makawao, a mai kekahi laina e hoomau aku ana mai laila aku.

Wahi Koho: Hale Hookolokolo Makawao.

Na Luna Nana-F.W. Hardy,

John Kalama,

Charles Copp.

Hookohuia no ka la Koho Balota wale no.

David Morton,

David P. Eldredge.

Mahele Elua-Oia no kahi i koe o ka Apana o Makawao, a ke awawa o Oopuola. Wahi Koho: Halekula, Hamakuapoko.

Na Luna Nana-C.H. Dickey.

H. Laws,

E. Helekunihi.

Hookohuia no ka la Koho Balota wale no.

C.M.V. Forster,

J.P. Kula.

APANA KONO-HANA.

Oia no ke koena a pau o ka Mokupuni o Maui.

Mahele Mua-Kahikinui, Kaupo a me Kipa hulu. Wahi Koho: Halekula, Kipahulu.

Na Luna Nana-Charles Lake,

Christian Andrews,

P. Puhalhua.

Hookohuia no ka la Koho Balota wale no.

Iona Nakila

........

Mahele Elua-Mai Kipahulu a hiki a komo pu mai o Makapuu, Wahi Koho: Hale Hookolokolo, Hana.

Na Luna Nana-F. Wittrock,

A. von Gravemeyer,

..........

Hookohuia no ka la Koho Balota wale no.

Benjamin K. Kaiwiaea,

.....

Mahele Ekolu-Oia no ka Apana o Koolau a ke awawa o Oopuloa. Wahi Koho: Keanae,

Na Luna Nana-James P. Saunders,

.......

Hookohuia no ka la Koho Balota wale no.

.......

CHAS. T. GULICK,

Kuhina Kalaiaina.

Keena Kalaiaina. 2416-2t

____

HOOLOHA KOHO BALOTA.

OIHANA KALAIAINA,

HONOLULU, NOV. 4, 1892.

I kulike ai me ke Kanawai Koho Balota o ke Aupuni, ke hoolaha ia aku noi ma keia, he Koho Balota Kuikawa no ke koho aua i Lunamakaainana ke malamaia ana ma ka Apana o Hilo Hema, Mokupuni o Hawaii, mawaena o na hora 8 A.M. a me 6 P.M. o ka POALUA, la 29 o Novemaba, 1892, no ka hoopiha ana i ka makalua o ka noho i hoohakahakaia mamuli o ka haalele ana mai o ka Mea Mahaloia Joseph Nawahi.

O na Apana Koho, na Mahele Koho, na Wahi Koho, a me na Luna Nana, eia iho no ia malalo uei:

APANA EKAHI-HILO HEMA.

Oia no o Puna a me Hilo ma ka hema o ka moeana kahawai maloo o Pukihae.

Mahele Ekahi-Oia kela wahi o Puna e moe la mai Kau a hiki aku a e hoohui pu mai ana ia Kehena. Wahi Koho: Halekula o Kalapana.

Na Luna Nana-J.M. Kauwila,

S.H. Haaheo,

J. Kahoomana.

Mahele Elua-Oia kela wahi o Puna e moe la mai Kehena a ka palena o Hilo, koe aku o Keaau a me Olaa. Wahi Koho: Hale Hookolokolo o Pohoiki.

Na Luna Nana-J.E. Eldarts,

D. Kapele.

S. Kaulupale.

Hookohuia no ka la Koho Balota wale no.

W. L. Haau,

Rev. J. K. Kalawe.

Mahele Ekolu-Oia no na aina o Keaau a me Olaa ma Puna, a ma kela wahi o Hilo e moe la mai ka palena o Puna a ka moeana kahawai maloo o Pukihae. Wahi Koho: Hale Hookolokolo ma Hilo.

Na Luna Nana-F.S. Lyman,

G. Hapai,

Joe Sisson.

Hookohuia no ka la Koho Balota wale no.

J. T. Brown,

G. Nakapuahi.

CHAS. T. GULICK,

Kuhina Kalaiaina.

Keena Kalaiaiua. 2416-2t

__________

HOOLAHA KOHO BALOTA.

_____

KEENA KALAIAIANA.

HONOLULU, NOV. 10, 1892.

I kulike ai me ke Kanawai Koho Balota o ke Aupuni, ke hoolaha ia aku nei ma keia, he koho balota kuikawa no ke koho alii no na Mokupuni o Kauai a me Niihau, ke malama ia ana mawaena o na hora 8 A.M. a me 5 P.M. o ka POAKAHI, ka la 5 o Dekemaba, 1892, no ka hoopiha ana i ka noho hakahaka no na makahiki eono i koe i hoohakahaka ia mamuli o ka haalele ana mai o ka Mea Mahaloia George N. Wilcox.

O na Apana Koho Balota, na Mahele Koho, na wahi koho a me na Luna Nana Koho Balota, eia malalo iho nei:

NA MOKUPUNI O KAUAI ME NIIHAU.

APANA EKAHI-WAIMEA.

Mai ka Oloina mai o Puuanaiea, e huipu ana ia Kalaheo a me ka Mokupuni o Niihau.

Mahele Ekahi-O kela wahi a pau o Kalaheo e huipu ana me Hanapepe.

Wahi Koho: Halekula o Hanapepe.

Na Luna Nana-H.C.Perry,

P.R. Holi.

.....

Hookohuia no ka la Koho Balota wale no-

S.M. Nawai,

.....

Mahele Elua-O kela wahi o ka Apana i olelo i a e moe ana mai Hanapepe a hiki i ka laina i kahaia mai ke kai mai a hiki i ka lalani mauna ma kahi he @ iwilei ma ke komohana o Waimea Mill, a e huipu ana hoi i ke awawa o ke Kahawai o Waimea a me kona mau lala.

Wahi Koho: Hale Hookolokolo o Waimea.

Na Luna Nana- T.H.Gibson,

James Kamalemi.

C.B. Hofgaard.

Hookohuia no ka la Koho Balota wale no-

G.L. Kopa,

G.W. Kaona.

Mahele Ekolu-O keia wahi o ka Apana i oleloia e moe ana mai ka Mahele Elua mai a hiki i ka Lae o Puuanaaiea.

Wahi Koho: Halekula o Kekaha.

Na Luna Nana-W.I. Wells,

David Kua,

W.E. Smith.

Hookohuia no ka la Koho Balota wale no-

J. K. Kalua,

J. Kanuikino.

Mahele Eha-Mokupuni o Niihau.

Wahi Koho: Halekula.

Na Luna Nana-J. H. Kaika.

J. B. Kaomea,

W.H. Keale.

Hookohuia no ka la Koho Balota wale no-

J. Pulawa,

J. D. Kaili.

APANA ELUA-LIHUE.

O kela wahi a pau o Kauai, mai a e huipu ana ia Kalaheo a hiki i ka huipu ana mai me Hanamaulu.

Mahele Ekahi-Apana o Lihue.

Wahi Koho: Hale Hookolokolo o Lihue.

Na Luna Nana-R. W. T. Purvis,

W. G. Smith,

J. B. Hanaike.

Hookohuia no ka la Koho Balota wale no-

S. R. Hapuku,

.....

Mahele Elua-O ka Apana o Koloa, mai kona palena me Lihue a hiki aku i ka huipu ana mai me ka aina o Lawai.

Wahi Koho: Hale Hookolokolo o Koloa.

Na Luna Nana-J. K. Burkett,

J. M. Kahalawai,

Louis Kahlbaum.

Hookohuia no ka la Koho Balota wale no-

E. Strehz,

.....

APANA EKOLU-HANALEI.

Oia kela wahi a pau o Kauai, e huipu ana mai Wailua a hiki i ka Lae o Puuanaaiea.

Mahele Ekahi-O kela wahi o ka Apana i oleloia e waiho ana mawaena o Waimea a me ke Kahawai o Kalihiwai.

Wahi Koho: Hale Hookolokolo o Waioli.

Na Luna Nana-H. Peters,

Jno. H. Barenaba,

J. M. Naeole.

Hookohuia no ka la Koho Balota wale no-

S.P. Kaleikini,

H. J. Wells.

Mahele Elua-O kela wahi o ka Apana i olelo ia ae nei, e moe ana mai ke Kahawai o Kalihiwai, a hiki i ka huipu ana me ka aina o Papaa.

Wahi Koho: Halekula o Kilauea.

Na Luna Nana-W.O. Muller,

J. W. Kahee,

John Lovell.

Hookohuia no ka la Koho Balota wale no-

Hiram K. Anahu,

......

Mahele Ekolu-O kela wahi o ka Apana e waiho ana mai ka aina o Papaa a hiki i ka huipu ana me ka aina o Wailua.

Wahi Koho: Hale Hookolokolo o Kapaa.

Na Luna Nana-H. Z. Austin,

J. M. Kealoha,

S. Kaiu.

Hookohuia no ka la Koho Balota wale no-

F.B. Smith,

G. B. Meheula.

G.N. WILCOX,

Kuhina Kalaiaina.

Keena Kalaiaina, Nov. 14, 1892. 2416-3

____

Kuai Kudala o na Laikini Awa

___

K KUAI KUDALA ia aku ana ma ka POAHA, la 8 o DEKEMABA, 1892, na laikini awa malalo iho no ka manawa he hookahi makahiki mai Ianuari 1, 1893 aku.

OAHU.

Waiakua...1 Koolaupoko...1

MAUI.

Lahaina...2 Hana...1

Wailuku...2 Makawao...1

HAWAII.

Hamakua...1 Kohala Hema...1

Kohala Akau...1 Kau...1

KAUI.

Waimea...1

O na laikini o Oahu, e kuai ia aku ana ma ka la maluna ae, hora 12 awakea, mamua iho o ke alo o Aliiolani Hale.

Ko na mokupuni e ae mau laikini o Maui, Hawaii a me Kauai, e kuai ia aku ana ma na apana like ole ma ka la maluna ae, ma ka hora a me kahi i hookaawale ia e na Makai Nui a e ko lakou mau Hope paha. Ina ma kekahi kumu kupono e manao ia ai e hoololi i ka la e kuai ai, e hoolaha ia ma na pepa pa’i alanui a pa’i ma ka apana.

Koho kiekie,-No Wailuku a me Lahaina, $300 no ka laikini hookahi, a no na apana e ae he $100 no ka laikini hookahi.

Uku Dala.-E waiho e ia mai ka 25 hapa haneri i ka wa e haule ai ka hamare, a e lilo wale ia man dala ina aole e hookaa piha ia ka huina o ka laikini maloko o ka manawa he umi la mai ka la aku i kuai ia ai.

CHAS. T. GULICK,

Kuhina Kalaiaina.

Keena Kalaiaina, Honolulu, Novemaba 4, 1892. 2414-5t

Na Hewa like Ole Ekolu.

O ka hoopii ia kauka G. E. Harrison, no ka hakaka a me ka hoeha ana i ka lunahooponopono o ka nupepa hapahaole Libarala , ua hoopaiia ka mea hoopii ia imua o ka Aha Hoomalu, he $100.

A o ka hoopii ia kauka J. C. Harrison oia puali hookahi no ka hewa “na mea ino wale,” oia hoi ka hoikeike i na kii kupono ole ke hoikeike ia, ua hookuu wale ia.

O ka hoopii laibila a na Harrison i ka lunahooponopono nupepa o ka Libarala , ua waiho ia no ke kau kiure o Ianuari aenei.

Ka Nupepa Kuokoa

Ko Hawaii Paeaina i Huiia

No ka Makahiki. ---$2 00

No Eono Mahina. --- 1 00

Kuiki ka Rula.

___

NA PUKA ANA.	1 Pule	2 Pule	3 Pule	4 Pule	5 Pule	6 Pule
Iniha..	$ 1.50	$ 2.00	$2.50	$ 3.00	$ 3.50	$ 4.00
2 Iniha..	2.00	2.75	3.50	4.00	4.50	5.00
3 Iniha..	2.50	3.50	4.50	5.00	5.50	6.00
4 Iniha..	3.00	4.00	5.00	6.00	6.75	7.50
5 Iniha..	3.50	4.75	6.00	7.00	8.00	9.00
6 Iniha..	4.00	5.50	7.00	8.00	9.00	10.00

On na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo la!

___

HOOPUKAIA E KA

HAWAIIAN GAZETTE CO.

H. M. WHITNEY, Luna Nui,

J. U. KAWAINUI, Luna Hooponopono.

POAONO, - NOVEMABA 19, 1892.

NA KUMUHANA A KA AHA KUHINA.

Ua kukala ia mai i ka Poakahi nei iloko o ka Ahaolelo e ka Mea Mahaloia ke Kuhina nui, George Norton Wilcox, ma ka eleele o ka iuika a me ke keokeo o ke kanana me ka wiwo ole iloko o ka hale kau kanawai o ka lahui, na kumuhana a ka Aha Kuhina i hoolala ai no ka hookele ana i ke aupuni oiai lakou ma ka hoeuli o ka moku aupuni. A o ua mau kumuhana la, oia keia:

“O ka hoomau aku i ke aupuni alii a me ka noho kuokoa ana.

“E hookokoke loa aku i na launa kalepa ana me Amerika Huipuia ma ke ano e hoolilo ai i na mea ulu o ke aupuni i mea e pomaikai ai na poe i komo i ka paeli a me ka hooulu ana mai, a ma ia hana ana e loaa ai ka pomaikai mai o a o o ka ka aina.

“E kokua ma ka hooholo ana i na kanawai me ke kaupalena kupono, e like me ka papa o na limahana i lawe ia mai no na hana, i mea e hoopau ae ai i ka hune limahana, kupono e lawelawe me ka holopono i na oihana mikiala mau a hou o ke Aupuni.

“E lawelawe ia na lala a pau o ke Aupuni ma ke ano pakiko.

“E kaana i na lilo o ke Aupuni i ole ai e oi aku mamua o na loaa.

“E kokua a e hooholomua aku i na hana mahiai a mau hana e ae ma na kau kanawai kupono a me na kokua dala a ka Ahaolelo e noi ia mai ai a me ka mea e hiki ai i na loaa Aupuni ke auamo.

“No na hana aole na na kuhinaa e lawe ia mai ana ma keia hope aku, a e noonoo ia nei paha a ano e ae, ke koi nei ko ka Moiwahine Aha Kuhina i ka pono e hana a koho ma ia mau mea e like me ke alakai ana a ko lakou noonoo pakahi iho, aole ma ke ano he Aha Kuhina me he mea la he hana na ke Aupuni.

“Aole e hiki i ka Aha Kuhina ke kokua i kekahi hana e apono ai i ka piliwaiwai lulu a laikini piliwaiwai hoi.

“Aole e hiki i ka Aha Kuhina ke kokua i kekahi hana e keakea a e hoololi ai paha i ke kulana dala o ke Aupuni i keia wa.

“No ka huli a hooponopono i kekahi a me na hewa a pau a me na lawelawe kolohe iloko o na oihana Aupuni a pau, a i mea e hanaia ai me ka maikai a makau ole me na luna aupuni a pau ma ia huli ana, aia no a hewa hoopau.”

Ua hoomaopopo ia maloko o keia mau kumuhana a ka Aha Kuhina, ko lakou lawe ana i na kahua o ke aupuni kumukanawai, i akaka ai i ka lahui ke ike aku i ko lakou ala hookele no ka pono o ka aina.

E loaa ana i ko makou poe heluhelu mai keia mau kumuhana mai maluna ae, he ai no ko lakou noonoo.

Ua hoole ka Aha Kuhina i ke kokua i ka laikini ana i ka piliwaiwai a me ka hoololi ana i ke ano dala o ka aina. Nolaila, ua maopopo e i ola honua ko ka Aha Kuhina kinai make e i ka bila lotari a me ka bila dala pepa a Hona.

O kekahi o ka lakou mau kumuhana e imi nei e hoopomaikai i ka poe paeli aina a hoohua mai i ka waiwai nui, oia no ka hoolauna kalepa kokoke loa aku me Amerika Huipuia ma ka hoao ana e loaa ona kuikahi.

Me ka Aha Kuhina i huai puka nui mai i ka lakou mau kumuhana ne ka hunahuna ole e holo pee ai, ke manao nei makou he oi aku ka pono ke hilinai ia ko kakou palekana maluna o lakou.

Ka Puhi Ohe Hoomanao

Ma ka auwina la Poakula nei, Novemaba 16, ka La Hanau o ka Moi KALAKAUA i make, ua malama ae ka Puali Puhi Ohe Hawaii he aha puhi ohe ma Kamaki Kuea ma ke ano he hoomanao no ka Moi i make a me kana mau mele i haku ai a me na mele no hoi i hakuia nona e ke alakai o ka Bana, Prof. Berger. Mawaena o na mele i puhi ia ma ka mahele mua ua puhi ia na leo mele make-La Hanau o ke Alii a me He Hoomanao no ka Moi Kalakaua. Ua himeni maoli ia mai no hoi e na keiki puhi ohe na mele “Sweet Lei Lehua,” “Akahi Hoi,” a me “Ka La e Alohi nei.”

Ma ka mahele elua ua puhi ia na leo mele maki-Hawaii Nei, Kalakaua a me Kapiolani, i hakuia no e Prof. Berger, a ua himeni ia mai na mele “Ua Noho au a Kupa,” “Lihi Kai o Ohele” a me “Na Malokama.” Ua maikai na mea a pau a piha no hoi i na poe makaikai.

______

Moku kuna Hookalakupua.

___

Ua ikeia i ka la 14 i hala o Novemaba nei mawaho aku o na kapakai o Waianae, Oahu nei, kekahi moku kuna hana hoopahaohao. Ua hoomau keia moku kuna i ka holoholo aua e lelepaudi ai, a ua hookokoke mai a ma kahi mamao kupono mai ka aina aku, alaila hoomamao aku la iwaho. A i ke ahiahi loa ana ua holo loa aku oia a nalowale mai ka aina aku. Oiai aohe waapa kokoke e hiki ai ke hoao aku e holo e ike i ka makemake o keia moku kuna, nolaila aohe mea i hoao e holo aku e ike owai la keia moku a owai la ka poe nana e hookele nei. Aka ma ka ike a kekahi poe hoike i ikemaka, aole keia moku kuna no na moku holoholo pili aina nei, aka he malihini loa. Oiai nae keia moku e hoopilipili mai ana i ka aina, ua hoonohonoho kakaawale aku ka hope lunamakai o Waianae i kona mau makai ma na kapa kahakai me ka manao e hoouna mai ana la ka moku i waapa i ka aina, alaila la ike maopopo ia, eia nae aohe waapa i hoouna ia mai a puhalahio aku la nalowale.

______

Pilikia ka Makai Lii.

O keia makai nona ka inoa e kau ae la maluna, oia kekahi o na makai i kamaaina nui ia o ka Halemai Pupule ma Kalaepohaku, a aole wale no malaila kona kamaaina nui ia aka, ma kekahi poai lehulehu no hoi kekahi o keia kulanakauhale. I ke kakahiaka Poalua nei ua loohia ia oia me kekahi popilikia kukonukonu. Ua hele aku kana wahi keiki uuku ma kekahi hale Pake mahi raiki a hoomaka iho la e paani a e kolohe pu. Ua kauoha ia aku oia e ka poe Pake e hele, aka, aole oia i hana pela. Nolaila, ua kii ia aku oia a kanuia a paa me ke ehu laiki. Ua hemo hoi kahi keiki a hoi aku la a hai ia Lii kona makuakane. Ua hele koke aku o Lii i kahi o na Pake me ke ano okalakala paha a ninau aku la i ke kumu o na hana maluna o kana keiki. Me he mea la paha ua hele aku oia me ke ano uluulu a okalakala, no ka mea, ua lele hakaka mai la he eono Pake maluna ona. Iloko o keia hakaka a aumeume ua hili ia aku la oia e kekahi Pake o Ah Kum kona inoa me kekahi pauku laau a pa pono iho la ma ka pou o ka ihu a haki pu ae la, a ua loaa pu no hoi he mau palapu e ae ma kona kino. Ua hanuna pu no hoi kona leo. Ua hopu ia na Pake a lawe ia mai i ka Halewai a hookuu ia malalo o $50 bela pakahi.

______

Ano Piliwaiwai hou.

No kekahi manawa i hala ae nei, ua hoopu-a mai ka lahui Pake imua o kekahi mahele kanaka o keia kulanakauhale he ano gemu piliwaiwai hoi nona ka inoa a lakou i kapa ai he Sup Pa, a ma ka mahele ana hoi a kanaka ma ka olelo Hawaii he mahina, liona, papai, i-a ipu. a pela aku. Me na una lulu ekolu i kau ia me na kii o keia mau mea e paani ia ai. Aia he apana lole keokeo i uhola ia maluna o ka pakaukau, a maluna o keia lole keokeo ua kahakaha ia na kii mahina, a pela aku. Pili aku nei ka mea pili. Pololei mai nei ka huli ana a ka una a kulike me ke kii a ka mea pili i kau ai i ka hahaumi a kenikeni paha, eo ae la iaia, a uku mai la ka banako.

He mau la i hala ae nei ua hopu ia he elua Pake o Ah Hook a me Ah Sam ko laua mau inoa, no ko laua lawelawe i keia ano piliwaiwai, a kue hoi i ka Mokuna V., Pauku 41 o na Kanawai o 1886. Ua hookolokolo ia laua i ke kakahiaka Poalua nei a hoopai ia he $50 pakahi. Ua hoohalahala o Ah Sam i ka aha maluna.

______

Umi Tausani Iapana no Mekiko.

Ua hoolala ia mai nei kekahi mau kukakuka ana no ke kukulu ana i panalaao o umi tausani mau Iapana ma ka mokuaina o Sinola ma Mekiko. O ka hua keia o na ninaninau ana a kekahi komisina Iapana i hoouna ia ae ai i Mekiko he mau malama mamua aku o Okatoba aku nei i hala. He manao maikai ko Peresidena Diaza o Mekiko i ka lahui o Iapana, a e loaa ana i ke Komisina Iapana, he haawina kaokoa mai ke aupuni aku o Mekiko. Aole poe e ae o ka lahui Iapana e ae ia ana e komo ae i Mekiko, o ka poe maikai wale no. Aia no na Komisina Iapana ma ke kulanakauhale o Mekiko ma na la mua o Okatoba e hoolawa loa ana i na kukakuka ana me ke aupuni. E makaikai aku ana keia komisina ia Amerika Huipuia mamua o ka hoohiki loa ana i Iapana.

Nuhou Hope loa

___

Ua ku mai ka “Monowai” i ka hora 2:30 p.m. o ka Poaha nei mai na Panalaau mai o ka Hema, me 80 ohua no na aina e a me 3 ohjua oneki no Honolulu nei, a me $1,875,000 no na banako o Kapalakiko. Ma ka hora 7 i helo loa aku ai oia no Kapalakiko no 6 ohua kapena, 5 ohua oneki, 3000 ahui maia, 3451 leta a me 976 nupepa.

Ua loheia mai ua hoole ke aupuni makuahine o Eaelani aole e kokua hou i ka Laina Mokuahi mawaena o na Panalaau a me Kapalakiko, a e kaukai ana paha ke kamau maluna o ko na Panalaau mau kau ponoi iho. A ina aole, e hoopau loa ia ana.

AHAOLELO O 1892

______

LA HANA 123, NOV. 14, 1892.

Hoomaka na hana e like me ka mau.

Ku mai ke Kuhina Kalaiaina G. N. Wilcox a kukala mai la i ua kumuhana a ko ka Moiwahine Aupuni. [E loaa no na kumuhana pakahi malalo o ke poo o ka manao pepa o keia la.]

NA PALAPALA HOOPII.

Na ke alii Peterson mai Honolulu mai, e noi ana e hooponopono kaulike ia na mea o ka Hale Leta Nui. Aia i ke Komite Waiwai.

Na Kamauoha, e hoopanee loa i ka bila hoopaa inoa. Waihoia a noonoo pu me ka bila.

Na Waipuilani, mai Kona mai, aole e hooholo i ka bila piliwaiwai lulu. Waihoia a noonoo pu me ka bila.

Na Aki, aole e hookomo hou mai i na paahana. Aia i ke Komite Paahana.

Na ke alii Maile, me 670 inoa, e hoopanee loa i ka bila hoopaa inoa. Waihoia a noonoo pu me ka bila. Nana no he hoopii me 332 inoa, e kukalaia i Kumukanawai hou. Aia i ke Komite Kumukanawai.

NA HOIKE KOMITE.

Oiai, aohe mau hoike malalo o keia poo, ua olelo mai ka Peresidena, he mea pono i ka Hale ke noonoo aia ma kahi o ke 30 mau komite aole i hoike mai.

NA OLELO HOOHOLO.

Pane ke Kuhina Kalaiaina i na ninau a Kamauoha, penei:

No ka ninau mua, ina he makemakemake ka Aha Kuhina e kukulu i ka hoolauna kalepa kokoke loa ana me Amerika Huipuia, ke pane nei ka Aha Kuhina, “Ae.”

No ka ninau elua, iloko o ke kukakuka ana no ia kuikahi ke noi mai ke aupuni o Amerika Huipuia, a ae ana keia Aha Kuhina i ka haawi ana i pono kaokoa e komo iloko o ke Awa o Puuloa ma ka mokupuni o Oahu, a me ka pono e kukulu a e malama malaia i kahua hoahu lanahu a kapili moku no na moku o Amerika Huipuia, a me ka pono e hoohohonu i ka nuku o ua awa la, a hana i na mea e ae kupono no ka mea i oleloia maluna. O ia mau pono e haawi ia ana, e pau no ia ika wa e pau ai ka manawa o ke kuikahi, a i ole ia, e hoomau ia no pela e like me ko ke Aupuni o ka Moiwahine kaana mau ana i na pomaikai panailike i haawi ia ma ia kuikahi.

No ka ninau ekolu, aole he kuikahi a hoolala kuikahi paha e noonooia nei e ka Aha Kuhina.

No ka ninau eha, e pili ana i ka hoouna ana i Elele Kuhina i Wasinetona, ke pane nei ka Aha Kuhina “Aole,” no ka mea, he Kuhina Noho no ko keia Aupuni ma Wasinetona.

Na ke Kuhina Waiwai he olelo hooholo, e kauoha ana i ke Komite Waiwai o ka Hale, e hui me ka Aha Kuhina a noonoo no ka imi ana e loaa ke dala no ka waihona kuikawa o ka Banako Hale Leta a me na huina dala e hookaa aku ai i ka poe ua hiki mai ka manawa uku. Hooholoia.

Ma ke noi, ua hapaiia

NA HANA O KA LA.

Oia ka noonoo ana i na haawina maloko o ka pauku 2 o ka Bila Haawina.

Pakui Oihana Wai o Honolulu, $187, 282.

Ma ke noi a ke alii Kakina, ua hooholoia no ka Pauma Wai a me na pono, he $50,000.

Halemai o Hilo, $8,000; hoemi ia i $6,000.

Oihana Wai o Kohala, $3,500. Hooholoia.

Ma ka hora 11:05 a.m., ua noi mai ka Aha Kuhina e hookuu aku ia lakou, oiai ua makemake ia lakou ma ka Halealii ia wa.

Ma ke noi, ua hoomaha ka Hale a halawai hou i ka hora 1 auina la.

[ Aole i pau.]

Eia ke awiwi ia mai nei i ka hana kekahi rola nui no ka mahiko Kealia, Kauai.

______

Ua meha pu ke kulanakauhale ma ka la 16 aku nei o Novemaba, ka la hanau o ka Moi make, i ahona i ke paniku o na puka oihana aupuni, na hale kalepa nui mai i ke awakea, ke kipu ma ka hora 12 awakea a ko Kakaako batari a me Bosetona mai, ka huakai ike halelua a ke Alii luka o Mauna Ala me ka Hui Lei Mamo ma ke ano hoowehiwehi, ke puhi ohe ma Kamaki Kuea a me ka paani kinipopo ma Makiki a ko Bosetona a me ko uka nei hui hou inoa haole mokumoku.

Hoolaha a ka Lunahooponopono Waiwai.

O KA POE A PAU HE MAU KOINA KA lakou i ka waiwai o JOHN SWIFT i make kauoha ole o Waikapu, Maui, ke kauoha ia aku nei e waiho koke mai i ka mea nona ka inoa malalo iho me na hooialo kupono, maloko mai o na malama eono mai keia la aku, a i ole e hoole mau loa ia aku no. A o na poe a pau he mau aio ko lakou i ka mea i make, ke kauoha a aku nei e hookaa koke mai i ka mea nona ka inoa malalo iho.

JOHN CHOWDER.

Lunahooponopono Waiwai o John Swift o Waikapu, Maui, i make.

Honolulu, Nov. 12, 1892. 2416-4t

Hoolaha Hou.

ILOKO O KA AHA KO KOLOKOLO KIEKIE @ Hawaii ae Aina M@@

LILIEOKALANI: Ma ka i@konaa@@ o ko Hawaii P@ Aina. Moi

E ka kamuku o ke Aupuni, a i oia @@ Hope-Me ka Mahalo:

Ke ka@ooa HENRY FREM@@ mea i @@

Hale Hookolokolo ma H@@ Oahu, i ka @UAKAHI la @@

ana ma ka hora 10 kakahiaka. @@

ke aha la e @ ole ia ai ke @ Maria M @@ mea hoopule like me ka mea i @@ iloko kana palapala hoopii i pak@@

A e huikoi @ ka pal@ piha o kau mai hana @ ia mea.

Hea ka Mau Hanohano A F@

Luuakauawai N@

@ Aha Hookolokolo K@

Honolulu, i @

Hope Kakau@ Elua

____

Ke hoike nei au o ka mea maluna ae he k@ oiaio no ia o ka palapala kii ma ia hihia. @ kauoha ua Aha ia e hooiaha ia @@ panee ia ka hihia a ke kau o @@ ana.

Kakauia ma Honolulu, Okatoba @

HENRY SMITH

211T-6 Kakauolelo @

Hoolaha Hou.

ILOKO O KA AHA HOOKOLOKOLO KIE @ O KO HAWAII O KO HAWAII @ AHA@ ENCE W MACFARLANE kue@ FARLANE. Hoopii oki ma@

LILIEOKALANI: Ma ka @@ o ko Hawaii Pae Aina, Moi.

I ka Hamuku o ke Aupuni . @ Hope-Me ka Mahalo:

Ke kauoha ia aku nei oe e k@@ HENRY FRE@@ mea i hoopii ua @@ mai ana oia i kaoa pane i kakau ia @@ la he lauakalua ma

hope mao ka @@ keia, e hele mai imua o ka Aha H@@ Loha Kiekie oiolo@@ lama ia ana ma ke keena hookolokolo@@. Hale Hookolokolo me Honoiaka. M @@ Oahu, i ka POAKAHI la @@ ana ma ka hora 10 kakahiaka @@ ke aha la e ae hie ia ai ke@ Maria M. @ mea hoopilio like me ka mea i hoaka@ iloko o kana palapala hoopii i paka@ me @@.

A e hoikoi mai i ka palapala ku me @@ piha o kau mai hana @ la mea.

Ikea ka Mea Hanohano A. F@

Luuakauawai N@ o @@

@ Ana Hookolokolo Kiekie@

Honolulu, i k@@

Hope kakau@ Elua

______

Ke hoike nei au o ka mea maluna ae he k@ oiaio no i ao ka palapala kii ma ia hohia. @ kauoha ua Aha la o hooiaha ia @@ panee ia ka hihia a ke kau o lau@ i ana.

Kakauia ma Hononlulu, Oka@

HENRY @@

2415-6 Kakauolelo o ka A@

ILOKO O KA AHA HOOKOLOKOLO KIE O KO Hawaii o ko Hawaii Pae AHA LAWRENCE W. MACFARLANE kuo ia HENRY MACFARLANE. Hoopii oki ma@

LILIEOKALANI: Ma ka @@ o ko Hawaii Pae Aina, Moi.

I ka Hamuku o ke Aupuni @@ Hope-Me ka Mahalo:

Ke kauoha ia aku nei oe e k@@ MACFARLANE mea i hoopii ia. @@ mai anaoia i kaua pane i kakau@ @ la he @akalua mahopo iha o ka @@ keia e hele mai imua o ka Aha @@ Kiekie i olelo la ma ke kau o ua A@@ lama ia ana ma ke keena hookohia @@ Hookolokolo o Honolulu, Mokupuni @ ka POAKAHI la 3 o Okatoba e hiki @@ ka hora 10 kakahiaka, e hoike mai @@ ae oie ia ai ke noi a Clarence W. MacFarlane mea hoopii e like me ka mea i @@ o kana palapala hoopii i pakui ia @@.

A e hoihoi mai i ka palapala kii me ka @ piha o kau mau hana @ ia mea.

Ikea ka Mea Hanohano A H@

Lunakanawai Nui o K@

Sila Aha Hookolokolo Kiekie @

Honolulu, @aala @

HENRY SMITH Kaka@

_____

Ke hoike aku nei au o ka mea ma @@ hope oiaio no ia o ka palapala ku ma @@ a ua kauoha ua Aha la e hoolahaia ia @@ hoopanee ia ka hihia a ke kau@@ mai ana.

Kakauia ma Honolulu, Okatoba 8, 18@

HENRY SMITH.

2415 Kakauolelo o ka Aha Kiekie.

AHA HOOKOLOKOLO KAAPUNI APANA. Elua o ko Hawaii Pae Aina Ma ka hooponopono waiwai. Ma ka hana o ka waiwai KAHELE (ka o Hamakualoa, Maui, @

Ma ka heluhelu a me ka waiho ana ma@ palapala noi a me ka papa hoike o M. Kea@ Luna Hooponopono o ka waiwai o Kal@ no Hamakualoa, i make, e noi ana e ap@@ na hoolilo he $473.93, a e hoike ana o na mea loaa mai iaia he $@, o noi ai@@ apono ia kela mau mea, a e kauoha @@ i na waiwai e waiho ana ma kona l@@ i kuleana malaila, a e hookuu ana @@ i kuleana malaila, a e hookuu ana @@ kona mau hope mai ke lakou @@ ano.

Ua kauoha ia o ka POAHA, ka la @ ke ha, M. H. @, ma ka hora 10 o kakahiaka, @ Hookolokolo, ma Wailuku, oia kahi a @ manawa i koho ia no ka hoolohe ano i ua @ a me na papa hoike i olelo ia a o ka pae a @ pili malaila e hele mai a e hoike i ke @ he kumu io ko lakou, o ae ole la aina n@ mailaila e hoike mai ai na hoike o na mea i kuleana maloko o ka waiwa i olelo ia.

Kakauia ma Wailuku, Ko Hawaii Pae Aina.

Nov. 5, M. H. 1892. A. N. KEPOIKAI.

2113-3 Lunakauawai Kaappuni Apana Elua

AHA HOOKOLOKOLO KAAPUNI APANA Elua o ko Hawaii Pae Aina. Ma ka hooponopono waiwai. Mokupuni o Maui, Hawaii Pae Aina. Ma ka Waiwai o KAUO w@ Wailuku, Maui, i make.

No ka mea, ma ka la 10 Novemaba, M. H. 1892 ua waiho ia mai imua o ka Aha, kekahi palapala i olelo ia, oia no ke kauoha hope @ Kauo (w) i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hookolo@

--ua waiho ia make—

Nolaila, ua kauoha ia o ka POAHA oia k@ 8 o Dekemaba, M. H. 1892, ma ka hora 10 A. M. @ ka Rumi Hookolokolo o la Aha, ma ka@ Maui, oia ka la me ka hora, e hooiaio @ palapala kauohu, a me ka hoopuka ana i ka p@ luna hooko.

Kakauia ma Wailuku, Maui, K@

Alua, Nov. 5, M. H. 1892.

N. KEPOIKAU

2413 3 Lanakanawai Kaapuni Apaua l

MA KE KEENA O KA LUNAKANAWAI Kaapuni, Apana Ekolu o ke Hawaii lae Aina Ma ka waiwai o HOOKUKU @ Houuapo, Kau, Hawaii, i make.

Ua heluhelu ia a ua waiho ia ka palapala @ a Holona (k). e noi ana e mahele ia ka waiwai @ Hookuku (k), no Honuapo, Kau, Hawaii, i make kauoha ole, iwaena o na hooilina. Nola@ ua kauoha ia na mea a pau i pili, o ka POAONO oia ka la 3 o Dekemaba, M. H. 1892 nei, i ka hora 9 kakahiaka ma ka hale hookolokolo @ Waiohinu, Kau, Hawaii, oia kahi a me ka n@ nawa i koho ia no ka hoolohe aku i ua n@ me na mea kue ke hoike ia.

F.S. LYMA@

Lunakanawai Kaapuni Apana Ekolu, H. P. A.

Hilo, Hawaii, Novemaba 2, 1892. 2H@

AHA HOOKOLOKOLO KAAPUNI APANA Elua o ko Hawaii Pae Alua. Ma ka Hooponopono Waiwai. Ma ka hana o ka waiwai o MAKUAHINE(k.) no Honuaula, Maui, i make kauoha ole.

Ma ka heluhelu a me ka waiho ia ana mai o ka Palapala Noi a Hellen Kahookano @w, e hoike ana ua make kauoha ole o Makuahine @k no Honuaula, Maui, ma Honuaula, Maui, i ka la-o-189-, a e noi ana e hooponopono ia k@ waiwai, a e hooholo ia i na hooilina.

Ua kauoha ia o ka POAHA ka la 1 o Dekemaba, M. H. 1892, ma ka hora 10 kakahiaka, oia @ manawa i koho ia no ka hoolohe ana kua@ la imua o ua Lunakanawai la, ma ka Hale Hookolokolo ma Wailuku, Maui, a ma ia manawa a hoike mai i ke kumu, ina he kumu oiaio ko la kou, e ae ole ia ai ua noi la.

Kakauia ma Wailuku, Maui, Ko Hawaii Pae Aina, Nov. 5 ^th , M. H. 1892.

A.N. KEPOIKAI,

2115-3 Lunakanawai Kaapuni Apana Elua

AHA HOOKOLOKOLO KAAPUNI APANA Elua o ko Hawaii Pae Aina. Ma ka hooponopono waiwai. Ma ka hanao ka waiwai MANUEL SYLVA, no Waikapu, Maui, i make kauoha ole.

Ma ka heluhelu a me ka waiho ia ana mai i ka palapala noi a Kaui Sylva (w) e hoike ai a ua make kauoha ole o Manuel Sylva, i ka la 22 o Sepatemaba, 1891, a e noi ana e hoopuka ia ke.

Palapala Hookohu Luna Hooponopono Waiwai iaia.

Ua kauoha ia o ka POAHA ka la 24 o Novemaba, M. H. 1892, ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la, ma ka Hale Hookolokolo, ma Wailuku, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi ia.

Kakauia ma Wailuku, Ko Hawaii Pae Aina, Okatoba 27, M. H, 1892.

A. N. KEPOIKAI,

2414-3 Lunakanawai Kaapuui Apana Elua.

AHA HOOKOLOKOLO KAAPUNI APANA. Elua o ko Hawaii Pae Aina. Ma ka hooponopono waiwai. Ma ka hana o ka waiwai KANEHAILUA (k), Waeihu, Maui, i make kauoha ole.

Ma ka heluhelu a me ka waiho ia ana mai o ka palapala noi a Kaiamilimili (w) e hoike ana ua make kauoha ole o Kanehailua (k) no Waiehu, Maui, ma...i ka la...o....189.., a e noi ana e hooponopono ia ka waiwai a e hoolilo ia i na hooilina.

Ua kauoha ia o ka POAHA ka la 24 o Novemaba, M. H. 1892, ma ka hora 10 kakahiaka o@ ka manawa i koho ia no ka hoolohe ana @ noi la imua o ua Lunakanawai la, ma ka Hale hookolokolo, ma Wailuku, Maui, a ma ia manawa a ma ia wahi no, e hele mai ai na m@ pau i pili e hoike mai i ke kumu, ina he k@ oiaio ko lakou, e ae ole ia ai ua noi la.

Kakau ia ma Wailuku, Ko Hawaii Pae Aina Okatoba 27, M. H. 1892.

A. N. KEPOIKAI,

2414-3 Lunakanawai Kaapuni Apana Elua.

MA KE KEENA O KA LUNAWANAWAI Kaapuni Apana Ekolu o ko Hawaii Pae Aina. Ma ka waiwai o KALUAI (k) no Kahinano, Hilo, Hawaii, i make.

Ua heluhelu ia a ua waiho ia ka palapala noi o Maleka (w) me Kamakaokalani (k), e noi ana e hooponopono ia ka waiwai o Kaluai (k), @ Kahinano, Hilo, Hawaii, i make kauoha oi aku nei ma Molokai, a e hookohu ia o S. Kaluna i Lunahooponopono no ia waiwai; nolaila, @ kauoha ia na mea a pau i pili, o ka POALIMA, oia ka la 16 o Dekemaba, M. H. 1892, nei, i ka hora 9 kakahiaka ma ka Hale Hookolokolo ma Hilo, Hawaii, oia kahi a me ka manawa i koh@ ia no ka hoolohe aku i ua noi la me na mea kue ke hoike ia.

F. S. LYMAN,

Lunakanawai Kaapuni Apana, Ekolu, H. P. A.

Hilo, Hawaii, Okatoba 24, 1892. 2414-3

OLELO HOOLAHA.

AOLE AU E UKU ANA I NA AIE I HOALE ia ma ko’u inoa me ko’u kauoha ole ma ke kakau.

2415-3t HERMAN EBERHARDT