Ka Nupepa Kuokoa, Volume XXXI, Number 48, 26 November 1892 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha Loio.

Antone Rosa

(AKONI.)

Loio a he Kokua ma ke Kanawai.

LUNA HOOIAIO PALAPALA.

Keena Ilana ma Alanu Kaahumanu.

2370-

NELLIE M. LOWREY,

NOTARI no ka LEHULEHU

A HE

LUNA HOOIAIO PALAPALA A ME NA

PALAPALA HOOHIKI

Keena Hana me W.R. Kakela, LOIO, ma ka @@o makai o ka Hale Leta, Honolulu. 2370

 

P PUHALAHUA.

LOIO LOIO LOIO

Ua ae ia mai au e lawelawe imua o na Aha Hoomalu a me Apana a pau o keia Aupuni.  He Agena Hoolalo Palapala no ka Apana o Hana Mokupuni e Maui.

            E loaa no au i ka Ua Peepapohaku o Kaupo, a ma Hana i kekahi mauawa. 2387-1yr

 

E. G. HITCHCOCK,

(AIKUE KIKIKOKI.);

Loio a Kokua ma na mea a pau e pili ana ma ke Kanawai.

E OHIIA NO NA BILA A@E ME KA AWIWI

Hilo, Hawaii. 2370

 

J.S. SMITHIES (KAMILA,)

NOTALI no ka LEHULEHU

A HE

Agean Haawi Palapala Mare

Mahukona, Kohala, Hawaii.  2378-1v

 

W.R. KAKELA,

Loio a he Kokua ma ke Kanawai,

HE LUNA HOOIAIO PALAPALA.

2370

 

WILLIAM C. ACHI,

            LOIO a he Kokua ma ke Kanawai imua o na Aha a pau o keia Aupuni. 

            He NOTARI no ka Lehuleh a BOROKA no ua Waiwai Paa.

            Keena Oihana, Helu 36, Alanui Kalepa, Honolulu, Oahu. 2870

 

JAMES M. MONSARRAT,

(MAUNAKEA,

Loio a he Kokua ma ke Kanawai

HE LUNA HOOIAIO PALAPALA.

            E hana ia no na Palapala Kuai, Palapala Koolimalima, a me na Palapala Pili Kauawai e ae ma ka olelo Hawaii.  Dal@ no ka ho@ie ma ka moraki ma na Waiwai Paa.

            Keena Hana: Hale Pohaku hou ma ka aoao ma Waikiki o ka Halewai, alanui Kalepa. 2370

 

WILDER & CO., (WAILA MA.)

Mea Kuai Papa a me na Lako kukulu hale o na ano a pau a me na mea e ae a pau e pono ai o ka hale.

Kihi o Alanui Moiwahine me Papu.

2396-q

 

KO BIHOPA MA,

BANAKO MALAMA DALA

 

ELAWE NO MAKOU I NA DALA HOOMOE maka hoaie ana ma ko makou BANAKO Malama Dala malalo o keia mau kumu:

            Ina e hoomoe mai ke kanaka hookahi i na dala Elima Haneri, e uku no makou i ka ukupa@ee ma ka Elima Hapahaneri o ka makahiki maik ka wa aku o ka lawe ia ana mai o ke dala, ke waiho ia ke dala hoomoe i ekolu mahina, a ua waihoia paha ke dala a hala na malama ekolu i ka wa e hooponopono ia ai na helu.  Aole uku anee e helu ia maluna o na dala hakina no ua la elua paha o ka mahina.

            Aole uku panee e uku ia i na dala e lawe ia ana maloko o ekolu mahina mai ka wa aku o ka hoomoe ia ana mai.

            He 30 la mamua ae o ka unuhi ana aku o kekahi kanaka i kana mau dala, e hoike e maik i ka BANAKO, a e luwe pu ia mai ka buke dala i ke wa e kikooa ai.

            Aole dala e uku ia, aia wale no ma ke kikoo ka mea nana i hoomoo mai i ke dala me ka lawe pu mai i ka buke hoahu dala.

            I ka la mua o Sepatemaba o kela a me keia makahiki e hooponopono ia ai na helu o na mea a pau, a o na uku panee i uku ole ia maluna o na puu dala a pau e waiho ana me ke kikoo ole ia, e helu ia ma ka aoao o ka mea hoomoe dala mai i hala na malama ekolu, a ma ia wa aku e hui ia me ke kumupaa mua,

            O na puu dala haomoe mai maiuua o elima haneri daila, e lawe ia no mamuli o ka aeliko pu ana.

            E hamama ana ka Banako ma na la a pau o ka hebedoma, koe na la Sabati a me na la Kulaia.

BIHOPA MA.

Honolulu, Ian. 2396-q

 

J.T. WATERHOUSE,

(WALAKAHAUKI.)

Halekuai o na Lole Nani Panio!

L K O H O.

Na Lako Hana Mahiko,

A PELA AKU HE NUI WALE.

 

Alanui Moiwahine, - - Honolulu.

2396-q

 

ALLEN & ROBINSON,

 

NA MEA KUAI PAPA O NA ANO A PAU

            E loaa no ma ka UWAPO O PAKAKA, hoolaiu, make kumukuai makepono loa, no ka @omaikai o ka lehulehu e make make ana e ku ui hale.  E kipa mai a e ike kumaka.

2396-q

 

J. HOPP & CO.,

Hana Moe, Na Ulana Pulu, Etc

Noho no ka Hoolimalimn ana, ua

Lako Hale me ke kumuhuai emi.

Honolulu. 2396-q

 

KOHO - PERESIDENA

 

Kai Hoee nui ma Amerika

Lanakila Kamahao na Demokarata

 

GROVER CLEVELAND PERESIDENA

 

Kumakaia na Alakai Ripubalika

 

LILO I NA DEMOKARATA NA AHA OLELO LAHUI ELUA

 

            Aole i ike ia ma ka moolelo o Amerika Huipuia kekahi auhulihia nui ma na kau koho moho Presidena, e like me ka mea i ikeia ma ke koho balota o ka la 8  o Novemaba i hala ma kela aupuni nui, ka la a kela mau aoao kalaiaina kahiko elua Ripubalika a me Demokarata i ku ai a koho e hoike maopopo i ko lakou mau manao no kela mau kumuhana e pili ana no ka auhau dute kiekie a me ka hooponopono auhau dute.  Aole ma na la mamua aku, aole hoi ma ka la koho balota i upu iki ia ai e ulia mai ana kekahi auhulihia huliamahi launa ole mai o a o o na mokuaina o ka Uniona, no ka mea, aohe mau hookahakaha ulumakhiehie, a o ka la koho, oia kekahi o na l maluhia launa ole i kahakahaia ma ka moolelo o ka Ripubalika nui.

 

NA MOHO PERESIDENA ME HOPE.

 

GROVER CLEVELAND.

           

            O Grover Cleveland o Nu Ioka, oia aku ana ka Peresidena o Amerika Hui puai mai Maraki 4, 1893

 

ADLAI E. STEVENSON.

aku, a o Adlai E. Stevenson o Ilinoe oia kona Hope Peresidena.

 

NA MOKUAINA DEMOKARATA.

 

            O na mokuaina o ka Hema, ua kupaa lakou me ka luli ole e like me ko lakou moto, "ka Hema lokahi" no na moho o ka aoao Demokarata.

            O na mokuaina kanalua ia o Nu Ioka, Konetikuta, Nu Ierese, Marilana, Vireginia Komohana a me Indiana, ko Peresidena Harisona mokuaina ponoi, ua paul lakou i ka pulumi ia e ke Kai Hoee nui, a ua komoo mai malalo o ka huakai hele lanakila o ka aoao Demokarata.

            O na mokuaina hou i komo iloko o keia hookahakaha nui o ka aoao Demokarata, oia ka mokuaina Ripubalika o Ilinoe, ka home o Kenerala Kalani, a i noho kupaa malalo o ka mana o ka aoao Ripubalika no ka hapalua keneturia, a me ka mokuaina o Wisekonasina.  He mau mokuaina keia i helu e ia e ka aoao Ripubalika i o la honua a mamua o ka la koho, no ka Ripubalika, eia nae ma ka la koho ponoi, ua haalele i ka pili mua, a ua nanakee mai la i ka "maunu ekaeka," a me kekahi hapa o na elele koho Peresidena o ka mokuaina o Mikigana, kekahi o na mokuaina kakaiapola mau ia e ka aoao Ripubalika i na makahiki loihi i hala.

            O ka mokuaina kau nui loa ia e lilo e na aoao elua, mailoko mai o na mokuaina kanalua ia, o Nu Ioka, no ka mea, he 36 ka nui o kona mau elele koho Peresidena.  Ua manao na Ripubalika, e eo ana o Nu Ioka ia lakou, no ka mea, ua lilo no ia Harisona ia mokuaina i ke kau o 1883, a no ka mahae kekehi o na Demokarata i ka wa wae moho Peresidena, no ka mea, aole ko Nu Ioka mau elele i ka Aha i waeia ai o Kalivilana i moho, oiai he kue loa lakou iaia ia wa, eia nae aole i puka ka lakou moho ia wae ana.  Na na mokuaina e ae mawaho aku o Nu Ioka, mamuli o ke ohohia maoli o ka aina i ke koi iaia a me ke akamai o kona lutanela, oia o W.C. Whitney, i ka lawelawe ana e huli ai na elele e ae a kuikahi no Kalivilana, a pela oia i puka ai i moho.  Manao na Ripubalika e hele okoa ana lakou ma Nu Ioka ma keia mohae o ka aoao Demokarata.  Aka, aole i moe na maka o ka poe e ake ana ia Kalivilana i Peresidena.  Nolaila, o ka lakou hana mua, o ka hoolakalaka e hookuikahi i na Demokarata mahae o Nu Ioka.  Me ke akamai no ka hana ia ana a kuikahi, no ka mea, o ka poe kue ia Kalivilana ma ka Ahae lele wae moho i Kikako, ua huli hou mai lakou a ua hele aku ma na wahi lehulehu e haiolelo ai no ka pono o Kalivilana.  A pela iho la i kai like ai na Demokarata o Nu Ioka ma ke kuamoo o ka lanakila o ko lakou aoao i kei a ka koho.

 

NA MOKUAINA ANEHENEHE E LILO I NA DEMOKARATA.

 

            Pakele lihilihi aku o Kaleponia a me Ohio mi huli pu ia Kalivilana me Ohio mai huli pu ia Kalivilana a hookahi la ka hele ana me na mokuaina Demokarata kumau, kanalua a me na mokuaina hou i hoee ia e ke kai nui.

           

NA KUMU AUHEE O NA RIPUBALIKA

 

            Ua loheia o Peresidena Harisona e kamailio ana i na kumu o kona auhulihia nui ma keia kau koho Peresidena, oia ke kanawai auhau dute kiekie, oiai ua onou ikaika loa aku nei ka aoao Ripubalika imua o ka lahui e koi ai e apono mai i keia kumuhana; o kekahi kumu, no kela bila kanawai e hookikina ai i ke koho balota ana; o kahi, o ka eneenemi a hoi hope o na alakai o ka aoao Ripabalika; o ka hemahema o ka hookele ia ana e ke poo o ke Komite Lahui o ka aoao Ripubalika.

            Olelo na kanaka koikoi o ka aoao Ripubalika ma ka hikina i na kumu like aole o keia pali hiolo penei; O ka Luna Senate Quay, no ka nui ole o na poe koho loaa i ka aoao Ripubalika.  O ko Whitelaw Reid manao hoi, aole i makemake ka aoao Ripubalika i keia kanawai a Mikinale.  Eia hoi ka Depew, ua hookumu oia i kona maonao ma na la i hala, e like ana keia kau koho me ka pali hanee, ma ko kakou aoao paha ma kekahi aoao paha, mamuli o ka nui launa ole o na poe hele e hoopaa i ko lakou mau inoa no ke koho balota, aole hoi he puai mau hookahakaha ano nui, aka aole no nae hoi e ike ia penei ka holomoku loa ina aole o Kalivilana ke alakai o ka aoao Demokarata.  Manao ke Kuhina Foster, o ke kanawai a Makinale ke kumu o keia auhee.  Olelo hoi ka Loio Kuhina Miller, no ka paulele loa kekahi o na Ripubalika no ko lakou hele okoa, hoohemahema i ka hana.  Pane hoi ka Luna Leta Nui Wanamaker, o kekahi kumu, no na kumu lehulehu ano ole ma na kulanakauhale nui o ka aina.

 

LILO NA AHAOLELO LAHUI ELUA I NA DEMOKARATA.

 

            Oiai, aole i pau loa i ka houluulu ia na balota koho o na Lunamakaainana e hoouna ia ai i ka Ahaolelo Lunamakaainana ma Wasinetona ma ka wa i haalele aku ai ka mokuahi ia Kapalakiko, aia nae ma na lonon mua i loaa mai iloko o ka puahia no ka hauoli, ua haukawewe ia mai la aia no ka hapanui o ka Ahaolelo Lunamakaainana Lahui i ka aoao Demokarata.  A mamuli o ka na mokuaina i lilo i na Demokarata a me na hooho mai no hoi o ka lanakila o na Demokarata ma na koho balota no na luna aupuni a me na luna ahaolelo ponoi iho o na mokuaina, nolaila, ua hului pau ia mai nei na Ahaolelo Lunamakinana a me Senate o ka Lahui e ka aoao Demokarata.

 

NA HOEUEU KAHEA HALAWAI KUIKAWA O NA AHAOLELO.

 

            Ke hoeueu mai nei na nupepa o ka aoao Demokarata i ka hookekena e kahea i ahaolelo kuikawa ma ka malama o Maraki aenei, i ka wa e pau ai ko Peresidena Harisona kau, e hoopau ia ke kanawai a Makinale.

 

NA LONO KUHINA O KALIVILANA.

 

            Aole i kuu iho ka mahanahana o na hauoli o ka aoao Demokarata, ke lohelohe e ia mai nei no i o la honua na inoa o na poe e hoaiai ia mai nei i mau kuhina.

            No ke Kuhina Nui - William C. Whitney o Nu Ioka ka inoa mua loa i ka noonoo o na kanaka koikoi o ka aoao Demokarata; alaila mahope aku ona, o Thos. F. Bayard o Deleware, a me E.J. Phelps o Nu Hamesire.  Ina hoole o Whitney i ka noho Kuhina, alaila e haawi ia ana ke kulana Kuhina Noho ma Ladana iaia.

            No ka Oihana Waiwai  O Chas, S. Fairchild a o E.C. Benedict ana o Nu Ioka, a i ole, o Luna Senate Carlisle paha o Konetikuta.

            No ka Oihana Kaua - O Kenerala Patrick A. Collins paha o Makesuketa, a mea e ae paha.

            No ka Oihana Aumoku Kaua - O Beniamina T. Cable o Ilinoe, Luna Senate McPherson o Nu Ierese, Kiaina Campbell i pau o Ohio, a o Lunamakainana Herbert paha.

            No ka Oihana Loio Kuhina - O Don M. Dickinsn o Mikigana a o E.J. Phelps paha o Nu Hamesire.

            No ka Oihaua Luna Leta Nui - O Mr. Harrity o Peniselavenia ana paha, ke poo o ke Komite Lahui nana i kookele iho nei keia kau koho balota a lanakila.

            No ka Oihana Mahiai - O Luna makaainana Hatch ana pah o Misouri, a i ole o N.J. Coleman ana paha o ia mokuaina hookahi no.

 

NO ELELE KOHO PERESIDENA.

 

            O ka nui o na elele koho Peresidena, ua like no ia me ka nui o na Lunamakainana a me na Luna Senate a kela a me keia mokuaina e hoouna nei i na Ahaolelo Lahui e noho nei ma Wasinetona.

            Eia malalo iho ka nui o na Elele Koho Peresidena o na moho i hoomaopopo ia mai ua puka:

 

NA MOKUAINA.     HARRISON.  CLEVELAND.  WEAVER.

 

Alabama  0 11 0

Arkansas  0 8  0

California 9 0 0

Colorado 0 0 1

Connecticut 0 6 0

Delaware 0 3 0

Florida 0 4 0

Georgia 0 13 0

Idaho 0 0 3

Illinois 0 24 0

Indiana 0 15 0

Iowa 13 0 0

Kansas 0 0 10

Kentucky 0 13 0

Louisiana 0 8 0

Maine 6 0 0

Maryland 0 8 0

Massachusetts 15 0 0

Michigan 9 5 0

Minnesota 9 0 0

Mississippi 0 9 0

Missouri 0 17 0

Montana 3 0 0

Nebraska 8 0 0

Nevada 0 0 3

New Hampshire 4 0 0

New Jersey 0 10 0

New York 0 36 0

North Carolina 0 11 0

North Dakota 3 0 0

Ohio 23 0 0

Oregon 4 0 0

Pennsylvania 32 0 0

Rhode Island 4 0 0

South Carolina 0 9 0

South Dakota 4 0 0

Tennessee 0 12 0

Texas 0 15 0

Vermont 0 12 0

Washington 4 0 0

West Virginia 0 6 0

Wisconsin 0 12 0

Wyoming 3 0 0

 

Huina 154 270 20

 

            Ke pii mahuahua mai nei ka makemake ia o ka Chamberlain Colic Chorela a me Diarrhoea Laau Lapaau Ola, mamuli o ka ike o ka oe a pau i hoao i na hopena maikai i loaa mai, a na lakou aku hoi i hoikeike aku i ko lakou man hoalauna. Ke hilinai nei makou aohe mau hookaulana kiekie e ae a nui. E kuai ia aku no e na mea kuai laau lapaau a pau, BENSON, SMITH & CO. na Agena ma Honolulu.

            He nui ka hoonaluea ana a k a ma'ma ka opu i keia kau, wahi a G.W. Shivell, ka mea kuai laau lapaau, o Wickliffe, Kenetuke, "a ua nui launa ole mai na noi no ka Chamberlain Colic, Cholera a me Diarrhoea Laau Lapaau Ola. Ua hoolilo aku au ma ke kuai ia eha mau omole o kela laau i keia kakahiaka.  Ua ike ia kekehi ola ano kupanaha a keia laau, a ma na ma'i no a pau ua keia laau, a ma na ma'i no a pau ua keu a ke holopono." E kuai ia aku no e na poe kuai laau lapaau a pau, BENSON, SMITH & CO. na Agena ma Honolulu. 2406-4t

 

He Moolelo

No Ka

Ui Nohea Berela

 

Ke Kamehai hoopono - Ke kupaa me ka luli ole - He wahine na ke kane hookahi - Ke au popilikia a me ka huli ana o ka pamaikai ma hope o ka wahine.

 

MOKUNA XXX.

 

KA OCTAVIA PAPA KUHIKUHI

HOAPONO KA HAKUHAKU HESA

 

            He hanu nui kana i haawi iho ai mahope iho o ka pau ana o keia mau kamailio namunamu ana, kalele iho la i koaa p@o male@na o na lima a noho mumule iho la no kekahi manawa loihi.

            Iaia e noho ana e like me keia ke ano, lohe aku la oia i ke kikeke an mai o kekahi mea ma ka ipuka, a me kekali ale o ka mea nana e kikeke ana o ke kon@ ia aku e komo, ua wehe koke mai la oia i ka puka, a he owe nehe ana komo mai la o Octavia. Ua ea koke ae la ka Ela a nana aku la iaia. E aahu ana no e Octavia i kona lole i hele ai i ka holokaa.  Ua komo aku oia me na nani a pau.  E kaualako ana ka hu'a o kona lole i ka papahele i kinohinohi ia me na hulu bea kumukuai kiekie.  Ua ahuwale o mua o kona umuma.  Ma kona mau pepeiao, ka a-i a me na lima,  hulalilali ana na lako gula ana i kuai ai ia kakahiaka mai ke dala mai o na loaa o ka waiwai o Kalakahope, a o kona manao o ke komo ana aku ileko o ke keena kakau oia no kona ake ana e mahalo ia aku oia e ka Ela.

            "Ua hiki no anei ia oe ke haawi mai i kekahi o kou mau minute hana e hoohala ma ke kamilio pu ana me a'u? He mau minute pokole wale no a pau koke ae" wahi ana i pane aku ai. "mai eu ae iluna. E ae mai no oe e komo mai au iloko o kou wahi kapu ma ke ano me he mea la owau no kau kaikamahine ponoi. Ina no hoi paha owau kau kaikamahine hanau ponoi ina ua maikai loa.  O ke aloha keiki, e like me ia a'u i pahola aku ai i kuu makuakane i make, oia no la hoi ka'u e haawi aku ai ia oe.

            I keia wa, aia ka Haku Hakuhesa iluna kahi i ku ai.  Aole oia i hoolohe aku i ka Octavia i olelo ku ai e noho no ilalo. Ua ano minoaka oia iaia i lohe ai i ka hapa hope o ka Octavia mau olelo, a me ia ano minoaka mahalo pu aku la oia no ka nani o na lako gula a me ka naauao pu o ke kuai ana.

            "I kauhale kuai aku nei au i keia la," wahi hou a Octiva i pane aku ai, "a kuai mai nei au i keia mau lako gula.  Makemake au e loho i kou manao.  Aole anei he ui? He elima haneri dala ko'u lilo.  Pehea la ua lilo makepono anei kela mau dala?"

            Ua ku ae la o Octavia a maloeloe pono i keia wa.  Ua hana oia pela i kumu e ike pono aku ai ka Eia i na lako gula a pau.  Ua hohola pu aku la no hoi kona mau lima imua.

            "Ae, nani io no kena mau lako gula au o ke kuai ana. Ua naauao io no oe.  Ua lilo makepono aku la kela mau dala. Na'u no e pani aku.  Ui oe e kuu kaikamahine mailuna a lalo."

            "O ko'u manao no hoi ia, " wahi a Octavia i pane aku ai me ka huli pu ana ma o a maanei ma ke ano hooikeike a hoanapanapa i na gula pepeiao. Manao no hoi au o ke ano lako gula keia e kohukohu ai au.  Ua hai mai hoi paha o Konia ia'u he mau lako gula ohana nani kou - o ka rube a me daimana, a he kumukuai kiekie ko lakou.  Aole anei oe e ae e hoikeike mai ia'u e kee haku maikai? He nui ko'u makemake i na mea gula."

            "He oiaio ka Konia i kamailio aku ai ia oe. He nani io no lakou a he kumukuai kiekie no hoi.  Aka, aia ke waiho nei i keia wa maloko o kekahi hale banako.  Aole i komo hou ia mai ka wa i komo hope ia ai e kuu whine mare i make oia ka Lede Portia Male.  Malia i kekahi la e kii aku au a lawe e hana hou, aka, aole paha i keia wa."

            "He ake hoi paha ko'u e komo ia lakou," wahi a Octavia i pane aku ai ma ke ano hoomaoe.  "Auwe! heaha la ia a'u i kamailio ae la.  Heaha auanei la kau mea e manao mai ai no'u.  Aka nae hoi, he keu aku a ka mea maikai ol o kou ae ana e waiho wale kela mau lako gula iloko o ka pahuhao me ka hoohana ole ia.  E aho e hoohana ia. E hoikeike aku i ko lakou nani imua o ke ao holookoa.  E kau kehakeha lakou maluna o kekahi mea kino o ka aoao palupalu.  Ke kamailio nei paha au ma ke ano kamalii, aka, ua ike no oe aole no i pau kekahi mau manao kamlii o'u.  E hana mai oe ia'u ma ke ano he kaikamahine ponoi nau.  E nuku a huhu mai ina ua ike oe ua pono ole kekeahi mau olelo i hoopuka ia e a'u a e haawi mai hoi i ka mea au i manao ai he kupono."

[Aole i pau.]

 

NA LETA

            'Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe mea kakau.

 

Na Hunahuna Gula o ka Manawa

 

KA IKE ANA I KA HOME KAULANA O KA MADAME PELE.

            Ua ike au i kela home eehia anoano o ka wahine o ka lua.  Eia au i ko kanakolu kumamalima o na makahiki mai ko'u hanau ia ana mai, akahi no a ike me ko'u mau maka ponoi.  He wahi na'u i ake nui e ike a mamuli o keia ulia, ua lawela au a hoomakaikai pu ia ma ua home pahao'hao ala o ka Madame o Kilauea.

            Iluna pono o Uwe Kahuna a e makaikai aku la i ka lua, me he ala he lokowai i hoopuniaa me na lalani kuahiwi e ku poai ana.  Ma ka aoao Akau Komohana kahi o ke ahi punohu malie ana me na mahu e piii an ma na mawae me he mau paipu hoomaalili ala no na halewiliko.  Haalele ia Uwe kahuna a holo aku la no kahi o ka Hale Hotele e ku ha'o mai la me ke kilakila nui. Ma o a maanei o ke alanui e pii ana ka punohu o na lua mahu, a oia ka'u e noonoo ana, aia malalo o kela honua holookoa, he nui na puka kahi e holo ai ka mahu a hoomaalili i ka eanena o ka wela o ke ahi, pela i haalulu ole ai ka honua no kekahi mau makahiki loihi a kakou e noho nei.

 

KA HOTELE O KA LUA PELE.

 

            He nui ka nani o ka hana ia ana o keia hale, a e hoike mai ana ia i ke kaulana a me ke ake nui o ka poe nana i kukulu e lilo ia i wahi makaikai nui ia e na kamahele mai na wahi a pau o ka honua, a ua lilo ka lua pale o Kilauea i wahi kaulana loa no ka Paeaina Hawaii.

 

KA IKE ANA IA OLAA.

 

            Ua hiki a ua ike ia Olaa, kahi nonna hela kapa kaulana o ke au i hala he "O'uhalowai Olaa." Aole he nui loa o na kauhale, e waiho ana ma ke ano poai loihi, a me he al he kihapai pua i hoopuni ia me na laau hua ai.  O ka mua loa hoi o ko'u ike ana ia wahi kaulana o ka aina.  Ua moe ma Olaa la po ma kahi o Kaiako.  Ma kahi la ae, ua hiki loa no Hilo, a maloko o ka halepaahao i noho ai no eha la.

 

KA HOI ANA E HANA MA KE ALANUI KALUAOPELE

 

            Ua hei a noho ma kahi o na paahao e hana mau nei, ma kahi he 21 mile mai Hilo mai. Ua hiki ke olelo ae o keia kekahi o na alanui olelo maikai, me he la he alanui iwaena o kekahi kihapaipua i luhiehu i na pua aala like ole o ka honua, e ku lalani ana na ululaau lipolipo o ka waokele ma kona mau aoao a e moe kololio ana hoi ua alahele la e like me ka muliwai e kahe ana a hui me ka moana.  He aneane eiwa mile i koe a hoea i ka home o ka wahine o ka lua.  He oluolu no ka noho ana, lawa pono i na mea ai, koe wale no keia aohe maikai o ke kulana ola o na paahao ma kahi o na halepaahao; oiai aole maikai o ke ea, a e pono i ke Aupuni ke hoomaemae i na wahi e hoomalu ia ai na paahao i mea e oluolu ai ko lakou ola kino.  E haule mau ana ka ua i kela la keia la, a e hana ana na paahao me ka hoomaha ole.

 

HELE NO WAIMEA MA KE ANO HOIKE NO KE AUPUNI.

 

            Kau ma ke Kinau me ko'u hoa W.K. Kauanui a me ka makai oluolu J. Kahaulelio o Honolulu, a lele ma Kawaihae.  Hui pu iho la me ka ohana a me na hoaloha; he mau minute ia o ke poluluhi nui o ke aloha no na keiki, ka ohana no hoi a me kuu mama poina ole. Ua moe ma kahi o ka Hope Makai Nui W. Hookuanui ia o, a nona au e poina ole nei no ka nui o kona loko maikai.  Ina pela na Hope Makai a pau, alaila e moe pu auanei ka Liona me ka Hipa keiki, ka Alopeka me ka Iliohahai a paani pu hoi na Iole me na Popoki.  Ma kekahi la ae ua hoi no Waimea. I ka Poalua, Novemaba 1, hui pu iho la me kuu mama Ane Kalama Kaleimomi, kuu lei aloha.  Luuluu ka naau i ka hui hou ana, a e hoomaikai ia ke Akua i ka hoohui hou ana ia maua.

 

KE KAU KIURE.

 

            Ma ka la 3 i noho ai ke kau kiure a o W.K. Kauanui ka hihia mua. Hoopii ia no ka lapaau hoomanamana, hoopaiia imua o ka Aha Apana o Kona Akau; hoohalahala i ka olelo hooholo imua o ke kiure, a hookuuia.  S.K. Ka-ne ka loio.

            He mau Iapaua, hoopii la no ka wawahi hale; hoopaiia imua o ka Aha Apana o Waimea, a hoohala i ka olelo hooholo imua o ke kiure. Hoopau wale ia.  S.K. Ka-ne ka loio pale.

            Kalilowai, hoopii ia no ka nana imihala; hoohalahala i ka olelo hooholo a ka ana malalo imua o ke kiure a hookuuia.  S.K. Ka-ne ka loio pale.

            Hapakue [k], hoopii ia no ka imi loaa ma ka hoopunipuni; hoohalahala i ka olelo hooholo a Luna kanawai Mahuka imua o ke kiure a hookuu ia.  S.K. Ka-ne ka loio pale.

            Ah Kui [pake], hoopii ia no ke kuai rama mo ka laikini ole; hookuuia.  C.W. Ashford ka loio.

            O na hihia e ae ua pau no i ka hookuuia.

            J. KAHALEOOLUHI

            Waimea, Hawaii, Nov. 10, 1892.

 

Kumukula Pepehi Haumana.

 

MR. LUNAHOOPONOPONO:

 

            Ma ka la 11 o Novemaba iho nei, ua hiki kino aku o Mrs. Elene Kawelo a me kana keiki i mua o ka hope makai o Hilo Akau e hoopii ai no ka eha o kana keiki i pepehi hoomainoino ia a ku i ka make e Geo. Kamakee ke kumukula haole o Pahakupuka, ua hana ia ka palapala hopu a paa, a ua lawe ia aku i mua o ka Lunakanawai e hoohiki mai ai. Eia ka pane a keia haole, aole hoopii, pau no. - O ka nele ia o ka hoohiki ia o ka palapala hopu a hiki i kiea la a'u e kakau nei.

            He mea kupaianaha ka bana a keia luna aupuni, ua ike ka lehulehu a me ka hope makai i ka mainoino e kau ana maluna o keia keiki, aole no hoi o keia keiki wale no kai mainoino, aka, elua kaikamahine na Manuola oia mainoino like no e like me ka oloholona, me ka manao o ka makua e nini ia iho ka ehaeha o ka makua maluna o keia kumu, eia nae ka mea apiki, aole ka e hoohiki ia mai ka palapala hopu. O ka mea e keaku nei i keia mooelo - ua ike maka au i ka nui o ka mainoino e kau ana maluna o kela mau keiki ekolu.

            Ke manano nei na maku o keia poe keiki e hoopii loa i Hilo Hema i keia hihia e hana ia ai, oiai, aole loa he hooko ia e na luna aupuni ma Hilo Akau nei.  Eia ka pane a kahi loio James Mattoon e hoopii wale no na makua a kaukani, aole ka e hoopai ia o Geo. Kamakee.  E aughea oukou e ka lehulehu, o ka hana pono ka keia a ka loio e hoonaaikola ai.  Ina ka paha e pepehi keia kumu a make loa, pela iho la ka paha ko ianei makemake.

            Ua komo aku nei ka palapala hoopii hoopau a na makua i keia a waiho aku i ka Peresidena Hon. C.R. Bihopa.  Aole au i aheawa i keia kumukula ina i hoopai ana ua aneane e make, oia ka'u i ehaeha ai, a ua hooahewa loa au i ka hana a na luna aupuni ma keia apana.

JOHN KAHIWA

Hilo Akau, Nov. 17, 1892

 

Na mea hou o ke kai Malino.

 

MR. LUNAHOOPONOPONO;

            Ma ka la 6 o keia mahina, ua hele aku ko makou makai nui a me kona mau hope e hopu i na hihia piliwaiwai.  A ua hookolokolo ia a hoopai ia kekahi poe, a ua hoopai ia kekahi ma ke hoina wale no.

            A ma ia hoi ana mai a lakou ua loaa mai la kekahi kanaka me elua wahine e lewaia aama ana i ka po Sabati me ke kukui, ua ike aku la ua poe makai e hopu i ke kukue a puhi iho la a poeleele ka poe e la waia ana.

            Eia ka ninau? Ua oi anei ka hew o keia poe lawaia mamua o keia poe makai hana karistano ole, o ka hopu ana i na hihia ika la pule.  Ke pii mau nei na hana Karistano ma ka apana o Hookena me Kalahiki i keia manawa, ke hele mau nei na puali wahine e komo i loko o na kauhale malalo o ke alakai ana a ka maku C.W.P. Kaeo.

ED NEULA

Hookena, S. Kona. Nov. 14, 1892.