Ka Nupepa Kuokoa, Volume XXXI, Number 52, 24 December 1892 — Page 1
| This text was transcribed by: | Paka Westin |
| This work is dedicated to: | Awaiaulu |
KE KILOHANA POOKELANO KA LAHUI HAWAII
ME KO HAWAII PAEAINA I HUIIA.
BUKE XXXI. HELU 52. HONOLULU, POAONO DEKEMABA 24, 1892. NA HELU A PAU, 2421
Hooloha Loio.
ANTONE ROSA,
(AKONI.)
Loio a he Kokua ma ke Kanawai.
LUNA HOOIAIO PALAPALA.
Keena Hana ma Alanui Kaaahumanu
2370-
NELLIE M. LOWREY,
NOTARI no ka LEHULEHU
--------A HE--------
LUNA HOOIAIO PALAPALA A ME NA PALAPALA HOOOHIKI.
Keena Hana me W.R. Kakela, LOIO, ma ka aoao makai o ka Hale Leta, Honolulu. 2370
P. PUHALAHUA.
LOIO LOIO LOIO
Ua ae ia mai au e lawelawe imua o na Aha Hoomalu a me Apana a pau o keia Aupuni. He Agena Hooiaio Palapala no ka apana o Hana, Mokupuni e Maui.
E loaa no au i ka Ua Peepaaphaku o Kaupo, a ma liana i kakahi manawa. 2387-1yr
E. G. HITCHCOCK,
(AIKUE IKIKOKI.)
Loio a Kokua ma na mea a pau e pili ana ma ke Kanawai.
E OHIIA NO NA BILA AIE ME KA AWIWI
Hilo, Hawaii. 2370
J.S. SMITHIES (KAMILA,)
NOTALI no ka LEHULEHU
----A HE----
Agena Haawi Palapala Mare
Mahukona, Kohala, Hawaii. 2378-1y
W.R. KAKELA,
Loio a he Kokua ma ke Kanwai.
HE LUNA HOOIAIO PALAPALA.
2370
WILLIAM C. ACHI.
LOIO a he Kokua ma ke Kanwai imua o na Aha a pau o keia Aupuni.
He NOTARI no ka Lekulehu a BOROKA no na Waiwai Paa.
Keena Oihana, Helu 36, Alanui Kaelpa, Honolulu, Oahu. 2370
JAMES M. MONSARRAT,
(MAUNAKEA,)
Loio a he Kokua ma ke Kanawai.
HE LUNA HOOIAIO PALAPALA.
E hana ia no na Palapala Kuai, Palapala Koolimalima, a me na Palapala Pili Kanawai e ae ma ka olelo Hawaii. Dala no ka hoaie ma ka moraki ma na Waiwai Paa.
Keena Hana: Hale Phaku hou ma ka aoano ma Waikiki o ka Halewai, alanui Kalepa. 2370
WILDER & CO., (WAILA MA.)
Mea Kuai Papa a me na lako kukulu hale o na ane a paau, a me na mea e ae a pau e pono ai o ka hale.
Kihi o Alanui Moiwahine me Papu.
2396-q
KO BIHOPA MA,
BANAKO MALAMA DALA
ELAWE NO MAKOU I NA DALA HOOMOE ma ka hoaie ana ma ko makou BANAKO Malama Dala malalo o keia mau kumu:
Ina e hoomoe mai ke kanaka hookahi i na dala Elima Haneri, e uku no makou i ka ukupaanee ma k Elima hapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hhmoe i ekolu mahina, aua waihoia paha ke dala a hala na malama ekolu i ka wa e hooponopono ia ai na helu. Aole uku panee e helu ia maluna o na dala hakina no ua la elua paha o ka mahina.
Aole uku panee e uku ia i na dala e lawe ia ana maloko o ekolu mahina mai ka wa aku o ka hoomoe la ana mai.
He 30 la mamua ae o ka unuhi ana aku o kekahi kanaka i kana mau dala, e hoike e mai i ka BANAKO, a e luwe pu ia maia ka buke dala i ka wa ekikoo ai.
Aole dala e uku iaa, aia wale no ma ke kikoo ka mea maua i hoomoe mai i ke dala me ka lawe pu mai i ka buke hoahu dala.
I ka la mu o Sepatemaba o kela a me keia makahiki e hooponopono ia ai na helu o na mea a ppau, a o na uku panee i uku ole ia maluna o na puu dala a pau e waiho ana me ke kikoo ole iaa, e helu ia ma ka aoao o ka mea hoomoe dala mai i hala na malama ekolu, a ma ia wa aku e hui ia me ke kumupaa mua.
O na pu dala haomoe mai maluna o elima haneri dala, e lawe ia no mamuli o ka aelike p@@@na.
Kahamma ana ka Banako ma na la a pau o ka hebedoma, koe ma la Sabati a me na la Kulaia.
BIHOPA MA.
Honolulu, Ian. 2396-q
J.T. WAERHOUSE,
(WALAKAHAUKI.)
Halekuai o na Lole Nani Panio!
L K O H O.
Na Lako Hana Mahiko.
A PELA AKU HE NUI WALE.
Alanui Moiwahine, - - Honolulu
2396-q
ALLEN & ROBINSON,
NA MEA KUAI PAPA O NA ANO A PAU. E loaa no ma ka UWAPO O PAKAKA, Honolulu, make kumukuai makepono loa, no ka pomaikai o ka lehulehu e makemake ana e ka ui hale. E kipa mai a e ike kumaka.
2396-q
J. HOPP & CO.,
Na Poe hana ma na Lako hale o na ano a pau!
Hana Moe. Na Uluna Pulu, Etc.
Noho no ka Hoolimalima ana, ua lako hale me ke kumukuai emi.
Honolulu. 2396-q
KA MAKE ANA O JAY GOULD
______
ka Ona Miliona a Moi o na Alahao.
_________
JAY GOULD
Ua make mai nei ma kona home noho ponoi ma k kulanakauhale o Nu Ioka, o Kay Gould, ka ona miliona, moi o na alahao a o kakahi o na kanaka oi kelakela o Amerika Huipuia ma ka huli dala ana, mai ka ma'u akepau mai, ma ka la 2 o Dekemaba nei. He mau makahiki aenei elua a ekolu paha ka hoomailo ana a ka ma'i iaia, aka, ua hikikoke mai kona make mai ka mea i manao ia aole la e awiwi loa mai ana.
Ua hanau ia o Hay Gould ma Roxbury, okana o Deleware, Nu IOka, i Mei 27, , 1836. He kanaka mahiai kona luaui makuahane, a mahope iho he malama halekuai. Ua hoomaka ko ke Kay G"ould oia kaawale ana ma ka noho kakauolelo ana iloko o ka halekuai o kona makuakane. Ua ao oia i ke anaaina a mahope mai ua lala aku la i eneginia. O kekahi hana hou aku ana i alwelawe ai, he hooluu ili. Iaia e lawelawe ana i keia hana hooluu ili, ua hele pinepine oia i No Ioka. Ua hoolilo aku oia mahope iho i kana hana hooluu ili a hoi loa i ke kula nakauhale nui o No Ioka e hoho aia i ka 1857, mamua iki iho o kela ahulau dala nui. Mahope koke iho o kona hiki ana i NuIoka ua mare koke oia ia Miss Helen Day Miller, he kaikamahine na ka haole kalepa ili. Ua lawe ae ia o Gould i kdkahi mau mahele alahaoa o kona makuahonwai kane, a me ia mau kumuwaiwai i hoomaka ai ke kaua o kona poaaikai launa ole mai. Maai kela wa mai, ua lilo walae no i gula kelaa a me keia mea a kona mau lima e hoopa aku ai, a i kona wa i make aku la, ua koho ia aku kona waiwai aia ma kahi o ka $100,000,000. He ekolu mau keikikane a me elua mau kaikamahine i ola mai a hikki i keia wa, a o ka wahine, ua hala e aku ia i ka make i ka 1888. O kana keiki hiapo o Keoki, oia no kona lima akau i hilinai nui a no na makahiki lehulehu i hala aku.
Ua hoolaha ia mai nei kana palapala kauoha, e hoihoi ana i kona waiwai nui malalo o ka malama ana no ka pomaikai o ka ohana, e haawi ana i ke keikikane hiap, he $5,000,000 mawaho ae o kona mahele ponoi, a hoolilo aku la no iaia-i Kiaaina nana e malama ponoi no ka pomaikai o na hooilina e ae elima. Aole hookahi wahi dala no na hana manawalea, eia nae o kona waiwai a pau aia ma kahi o ka haneri miliona. Ua lilo kona luhalauoo i mea kakani nui na na nupepa.
_______
He Laina Mokuahi Hou.
________
Vane kouwa [b.C.] Dec. 5,--E kau aku ana o Kapena John rosss o ka mokuahi "Hayine Republic" maluna o ka mokuahi "emeperese o Kina" o ka la 12 aenei, a holo aku no Honokaono, kahi ona e hele aku nei a lawe mai i ka mokuahi Zembesi i hoolimalima ia e ka Hui Mokuahi Halihali Ohua a me Ukana mawaena o Puget Sound a me Hawaii, ma ke ano oia kekahi o na mokuahi o keia laina e holo ai mawaena o na waw o Puget Sound a me ko Hawaii Paeaina. Ke upuia aku nei, e haalele ana ka huakai mua a ke "'Zambesi" i na la mua o Ianuari a kipa aku ma Voctoria, Vanekouwa, Seattle a me Tacoma. [Ua haawi iho nei ka Ahaolelo Hawaii i uku kokua i keia laina mokuahi, ma ka $500 o ka huakai holo puni hookai. L.H.]
AHAOLELO O 1892
________
LA HANA 145, DEC. 13, 1892.
Hoomaka na hana i ka hora 9:17 A.M.
NA HOIKE KOMITE
na ke alii Baldwin o ke komite waiwai, no ka palapal hoopii a A.B. Lindsay a me kekahi poe e ae, e uku ia na lilo koho balota, he mea pono e hookomo ia i $80 ma ka bila haawina. Waihoia a moonoo pu me ka Bila Haawina.
n aWaipuilani o ke komite o na hana Hou, no ka palapala hoopii a kko Hilo e kukulu ia i Oihana Kinaiahi ma hilo, e ae aku. Waihoia a nonoo pu me ka bila.
NA OLELO HOOHOLO.
Na Waipuilani, e oomana ia ke komie ona Hana Hou e hoolimlima i loio nana e holala i ka bila e hoonoho ai i Oihana Kinahai no Hilo; holo.
ma ke noi, ua hapai ia
NA HANA O KA LA.
Heluhelu alua ana i kabila 113, e aie ai ke aupuni i $200,000 no ka hoomaka ana e hoomoe i alanui hao mai HIlo a Hamakua.
Noi o Wilder e hooholoia ka hoike a ke komit waiwai, oia hoi, e waiho na kekahi Komite e huli pono a hoike mai i keia kau aku.
Hoopaapaa loihi ka hale a hoomaha wale i ke awakea me ke noi e noho hou i ka hora 1:30 auina la.
HALAWAI AUINA LA.
Akoakoa hou ka hale i ka hora 1:38 p.m.
Hoopaapaa hou ka hale no kekahi manawa.
Ninau ia ke noi e waiho maka papa a haule. He 18 ae a me 23 kue.
Ninau ia ka hoopanee loa a h aule, He 19 ae 33 hoole.
Ninau ia kaapono i ka hoike a ke Komite, oia hoi ka waiho na kekahi Komisina e noonoo a hoike ma i ka ahaolelo hou ae nei. Holo, he 22 ae a he 21 hoole.
Hoike mai ke Kuhina Ralaiaina, ua kakauinoa ka Moiwahine i ke kanawai pili i naalaloa.
Hoopanee.
_____
LA HANA 146, DEC. 14, 1892.
Hoomaka na hana i ka hora 9:13 A.M.
NA OLELO HOOHOLO.
Na ke Kkuhina Waiwai Jones i hoolaha mai, he bila e hoololi ai i na pauku 1 a me 2 o ke kanwai e hoomahuahua aku ai i ko ka poe hoau dala banako hale leta pono.
Na ka Loio Kuhina Brown i hoolaha mai he bila e hoololi ai i na pauku 7,8 a me 11 o ka mokuna 35 o na kanwai o 1884, e hooponopono ai i na lawelawe hana ana ma ka banekarupa ma Hawaii nei. Ma ke kakkpae ia ana o na rilal, ua heluhelu ia ae la ka bila maluna ma ke poo a waiho ia malalo o na rula.
Na White i hoolaha mai he bila e hookomo mai ai i na lako kakpili alahao me ke due ole. Ma ke kapae ia ana o na rula, ua heluhelu hou ia ma kepoo. kapae hou ia na rula a eluhelu alua ia a haawi ia i ke Komite Kalepa.
Heluhelu alua ia ka bila 210, e hoololi ai i ke kanawai Luna Hooia. Hooholo ia a kauoha ia e kakau poepoe.
Noi ke alii Peterson, e kapae ia'e ka noonoo ana o ka Bila Haawina, a e hapai na hana o ka la. Holo.
Heluelu ekolu ia ka bila 79, e pili ana i na kauka hana niho, a hooholoia.
Heluhelu ekolu ia ka bila 206, e hoohuihui a hoololi ai i na kanawaai piepiele, a hooholo loa ia.
Heluhelu ekolu ia ka bila 183, e hookuu ai i na auhau o kekahi mau aina ululaau, a hooholo loa ia.
Heluhelu ekolu ia ka oila 216, e hoemi ai i ke due o na kaa hehihehi wawae i 10 hapa-haneri a hooholo lo aia.
Heluhelu elua ia ka bila 14, e kukulu ai i Buro Mahiai a me Ululaau a hooholo ia me kakahi mau hoololi. Kauoha ia e kakau poepoe, a e heluhelu ekolu ia ma ka Pualua.
Hoomaha ka hale i ke awakea a noho hou i ka hora 1:30 auina la.
HALAWAI AUINA LA.
Akoakoa hou ka Haale i ka hora 1:35.
Heluhelu elua ia ka bila 218, e hoololi ai i ke kanawai karaima. Aia i ke Koie Hookolokolo.
Huluhelu elua ia ka Bila 211, e keakea ai i ke kuai ana o na waiu apuka. Aia k ke Komite Kalepa.
Heluhleu elua ia ka bila 212, e hookaawale ai i ka hookomo ana mai a me ke kuai ana i ka alakkohola. Haawi ia i ke Komnie Wae marsden, S.K. Pua, Ena, anderson, Maile.
Heluhelu alua ia ka bila 214, e papa ai i k e alualu a me ke kipu ana ma na aina ponoi, a hooholoia e kakau poepoe a heluhelu ekolu ma ka Poalua.
Heluhelu elua ia ka bila 178, e pili ana i ka oihana Luna Hooia, a waiho ia ma ka papa e like me ka hoike a ke Komite Waiwai.
Heluhelu elua ia ka bila 201, e hoomahuhua ana i ke due maluna o na waiona a hooholoia. Kauoha ia e kakau poepoe a heluhelu ekolu ma ka Poaono.
Heluhelu elua ia ka bila 213, e pili ana i na hui Panihakahakaa Ahi kuwaho. Aia i ke Komite Hookolokolo.
Heluhelu elua ia ka bila 221, e hoololi ai i ka pauku 8 o ke kanawai e hooponopono hou ai i ka Oihana Hookolokkolo. Aia i ke Komite Hookolokolo.
Heluhelu elua ia ka bila 75, e pili ana i na Kiaaaina, a waihoia ma ka papa e like me ka hoike a ke komite.
No ka hana ole ma ke pakaukau, ua noi ke alii J.M. Horner e noonoo ia ka bila dala pepa iloko o ke komite o ka Hale i ka la apopo. Ae ia.
Ma ke kapae ia ana o na rula, ua heluhelu mai o Waipuilani ma ke poo o ka bila e hoomana ai i naloio e lawelawe ana imua o na aha apana, e ia welaawe lakou a hiki imua o na Aha kaapuni. Kapae ia na rula, heluhelu elua ia ma ke poo a haawi ia i ke Komite Hookolokolo.
Pane mai ke Kuhina kalaiaina no na ninaau e pili ana i ka hoolimalima o kakahi mau aina aupuni.
Na ke Kuhina Kaiaina i hoike mai ua waihoia aku i ka Moiwahine na bila 203 a me 217.
Hoomanao mai ka Peresidena i ka halae, he lehulehu no na bila e waiho nei i na Komite.
Hoopanee.
_____
LA HANA 147, Dec. 15, 1892.
Hoomaka na hana i ka hora 9:11 kakahiaka.
NA OLELO HOOHOLO
Na White he olelo hooholo: Oiai o John W. Kaua, kekahi o na Hawaii kaulana ma ke ano he kau kanawai, a he hoa kahiko no hoi no keia Hale, a ua make; a oiai, he mea pono i keia hale ke hoike aku i kona mahalo i ka hoomanao ana nona, nolaila, e hooholo ia, e hoopanee kiea hale i ka hora 12 awakea o keia la.
Ma ke noi a ke alii J. M. Horner, ua hooholoia ka olelo hooholo.
na ke Kakauolelo o ka Hale i heluhelu mai ka oleo hooholo a ka papa Kalepa, e kue loa ana i ka bila dala pepa a ke alii J. M. Horner. Waihoia a noonoo pu me ka bila.
Ma ke noi ua hapaiia.
NA HANA O KA LA.
Heluhelu elua ia ka bila dala pepa iloko o ke komite o ka hale. Noho o Waipuilani i lunohhalu.
Noi o Smith, e hoopauia ke komite o ka hale, a e hoike aku, ua apono ia ka hoike a ka happanui o ke komite e waiho ma ka papa.
Haiolelo loihi mai ke alii J.M. Horner, no ka pono e hooholoia kana biloa.
Kue mai ke alii Wiliams i ka bila me ka haiolelo loihi. Iwaena o ka haiolelo, ua komo mai ka Puuku o ka haealii me ka elele mai ka Moiwahine mai, e hoole ana aole e kakauinoa malao o ka bila e hooponopono ai i na hora hana o na Lua Aupuni.
Hoopaa ia ke komite o ka hale me ke nei e hoho hou aku mahope.
Ma ke nei a Smith, ua hooholoia e waiho a ka Poalua hapai i ka noonoonoo o ka abila a ka Moiwahine i hoole ai aole e kakauinioa.
Komite hou ka hale no ka bila dala pepa me ka lunahoomalu mua a hoomau ke alii Williams i ke kue ana a pau kana haiolelo.
Hoopaapaa hou ka hale a hiki i ka hora 12 awakea, hoopua ia ke Komite a noho hou kekahi la ae.
Hoopanee.
______
LA HANA 148, DEC. 16, 1892.
Hoomaka na hana i ka hora 9 a oi kakahiaka.
NA HOIKE KOMITE.
Na ke alii Williams, na pau i ke pa''i ia he mau bila.
N ke alii Hoapili o ka hapa uuku o ke Komite Wae no ka bila 222, e pili ana i ka hookohu ana o na Kumukula, e hooholo aku. Waihoia a noonoo pu me ka hoike a ka hapanui.
Ma ke noi, ua hapaiia.
NA HANA O KA LA.
Noonoo ana i ka bila dala pepa iloko o ke Komite o ka Hale. Waipuilani ma ka noho.
Hoopaapaa loihi ka Hale mai ka hora 9:23 mai a hoomaha i ke awakea, me ka noho hou i ka hora 1:30 auina la.
HALAWAI AUINA LA.
Akoakoa hou ka hale i ka hora 1:30 A.M.
Noke hou i ka hoopaapaa ahooholo ia ke noi e hoopau i ke Komite a e hoike aku ua waiho ia ma ka papa ka bila.
Noi ia e apono i ka hoike a ke Komite o ka Hale, a hooholo ia ma ke kahea ia ana o na ae me na hoole penei:
Poe ae e waiho ma ka papa: Wilcox, Robinson, Hones, Brown, Berer, ,Ena, Hopkins, Pua, peerson, Williams, Kauhane, Hind, Hoapili, Marsden, Young, Walbridge, Anderson, Dreier, Wilder, kauhi, Koahou, Kamanoha, Waipuilani, Kaapahu, Nahinu, Kanealii, Kaluna, Iospea, Akina, Smith a me A.S. Wilcox--31.
Poe kue" Cummins, Maile, J. M. Horner, W.Y. Horner, Pipikane, Akepoka, Aki, Pua, R.w. Wilcos, Bush, a. Horner, Kaunamano, Whie, Edmonds--14.
Noi ia e hapai hou i ka noonoo a haule.
Ma ke kapae ia ana o na rula, ua waiho mai o Smith o ke Komite Hookkolokkolo he hoike no ka bila e hoololi ai i ke kanawai koho balota, he bila hou ka lakou. Waiho ia a noonoo pu.
Na ia Komite hookahi no ka bila 153, e ae ana i heluna kaupalena aole ia ko na agena o na moho holo boloa. Waihoia a mahope noonoo.
Na ia Komite hookahi noo ka bila 213, pili i na Hui Panihakahaka Ahi kuwaho, e waiho ma ka papa. Apono ia ka hoike.
Na ia Komite hookahi no ka bila 218, e hoololi ai i ka mokuna 28 o ke karaima, e hooholo aku. Waihoia a mahope.
Na ia Komite hookahi no ka bila 226, e waiho ma ka papa. Aponoia.
Hoopanee.
________
LA HANA 149, Dek. 17, 1892.
Hoomaka na hana i ka hora 9:37 kakahiaka.
NA HOIKE KOMITE.
na Smith o ke Komite Malama Ola i hoike mai no ka hoopii a na kauka e hoonoho ia i elua mau kauka iloko o ka Papa Ola, manao ke komite ina hookahi kauka ua lawa, aka he bila hoololi ka lakou. Waihoia mahope e noonoo ai.
Na Kamauoha o ke komie wae e laikini ai i ka piliwaiwai paka pio, e kue loa ana a e waiho ia ma ka papa. Apono ia.
Na ke Kuhina Wilcox i hoike mai, ua kakau inoa ia e ka Moiwahine ka bila e hookuu ai i kekahi maau auhau o ka Ahahui Heluhelu a me Waihona buke o Honolulu a me ka bila e haawi ai i mau palapala Sila i kakahi mau kanaka.
Na ke Kuhina no, ua waiho ia aku kekahi mau bila no ko ka Moiwahine kakau inoa ana.
NA OLELO HOOHOLO.
Na White, he olelo hooholo e hoike aku keia Hale i kona hauoli i ke ola hou ana mai o J.W. Kalua, ma o ka hoomaha ana ia i ka hora 11.
Ma ke noi a Ashford, ua waiho ia ka olelo hoohholo ma ka papa.
Ma ke noi, ua hapai ia
NA HANA O KA LA.
Heluhelu ekolu ia ka bila 201, e hoomahuahua ai i na dute maluna o na waina a me na waiona a haawi ia i ke komite Waiona, me ka pakui pu ia mai o Ashford a me ka Loio Kuhina ia Komite.
Oiai o ka bila opiuma ka hana aku i koe ma ka lalani pololei, aka, ma ke noi ua waiho ia i hana no ka Poalua e hiki mai ana.
Heluhelu elua ia ka bila a219, e hooponpono ai i ka oihana kukui uwila ma Honolulu ma ka noonoo pakahi ana i na pauku.
Hooholo ia ka pauku 1 a me 2 me ka hoopaapaa nui, aoiai e noonoo ia ana ka pauku 3, ua hoopanee iho la ka hale.
_______
LA HANA 150, Dec. 19, 1892.
Hoomaka na i ka hora 9:18 kakahiaka.
NA OLELO HOOHOLO.
Na Waipuilani o ke Komite o na Hana Hou i heluhelu mua mia i ka bila ekukulu ai i ka Oiahana Kinaiahi no Hilo. Waiho ia malao o na rula.
Hoohalahala mai o Smith i ka nalowale mau o ka Makai o ka Hale mai kana hana aku.
Na ke Alii WY. Horner he au ninau i ke Kuhina Kalaiaina Wilcox: 1. U ao aku anei ka Aha Kuhina i ka Moiwahine e hoole i ke kakau inoa ana i ka bila 175? 2. Ke mano nei anei ka Aha Kuhina e hooko aku i ka makemake o ka hapanui o ka Hale e like me ka mea i ike ia ma ka bila 175?
Ma ke noi, ua hapai ia
NA HANA O KA LA.
Hapai ia ka noonoo i ka pauku 3 o ka bila 219, pili i ka uila.
Kahea mai o Smith i ka Peresidena no ka hiki ana mai o ke Alii hou o Kauai, Alexander McBryde.
Noi mai ka Peresidena i ka palapala hookohu o ke Alii hou e haawi aku i ke Komite Hookolokolo.
Noi ma ke Alii Marsden, e hoopanee loa ka pauku e noonoo ia nei o ka bila uila a me ka bila holookoa no pau.
Hoike mai o Smith o ke Komite Hookkolokolo, ua kkupono ka palapala hookohu o ke Alii Alex. McBryde.
Ua koho ae la ka Peresidena i ke Alii J.A. Cummins a me na Luna makaainana Kauhi a m eKamauoha i komite e kii i ka Lunakanawai Kiekie e hele mai e hoohiki i ke Alii hou.
Ua eleu aku la ke Komie a hiki mai la ka Luna kanawai Kiekie e hoohiki i ke Alii hou a pau.
mahope o ke kike olelo ana i ka pauku 3 me ka hoopaapaa, ua hoopanee ia ka noonoo ana hoea mai ka hoike a ke Komite.
Hapai ia ka noonoo no ka bila 127 a me ka hoopii 484, pili i ka Papa Ola, me ka heluhelu pu ia o ka hoike a ke Komite Malama Ola, e hoomahuahua ana i na lala ehiku, he elua o lakou he mau Kauka, a na ka Papa e koho i ko lakou Peresidena. He bila hoololi nae ka ke Komite me ke noi pu mai e hooholo.
Mahope o ka hoopaapaa ana, ua hoopanee loa ia ka bila.
Heluhelu ekolu ia ka bila 210, pili i ka Luna Hooia a hooholo loa ia.
Heluhelu ekolu ia ke koena aku o ka Bila Haawina.
Uku o ka LUna Hooia he $9,600. Holo.
Uku o ka Persidena Papa Ola, he $5,000. Holo.
Noi ke Kuhina Waiwai, e pakui ia i puu dla penei: Uku o na Kakauolelo o ka Buro Hale Leta he $4.200. Holo.
Na ke Kakauolelo i heluhelu mai i ka hoikee a ke Komite Waiwai e apono ana e hookomo ia i $80 no na lilo o ka Papa Nana Koho Balota o Ewa. Wiaho ia ka hoike ma ka papa.
Noi o Kamauoha e hookomo ia i $4,000 kokua i ke Kula Sana Anna ma Koha Akau. Haule.
Noi o A. Horner, i 4,500 no ke alahaka ma Hilo Akau. Holo.
Noi o Edmondss e hoololi i ka haawina $37,000 no na Kauka Aupuni, i Kauka hou no Waikuku me $1,000. Holo.
Noi ka LOiio Kuhina, e hooholo loa i ka pauku i. Holo. Noi ia e hapai hou ia ka noonoo a haaule.
Hoomaha ka hale i ke awakea a noho hou i kahora 1:30 auina la.
HALAWAI AUNIA LA.
Akoakoa hoa ka Hale i ka hora 1:30.
Pauku 2 o ka Bila Haawina.
Hoohoihoi Hoopae Limahana, $10,000. Holo.
Makeke Hou o honolulu, $25,000. Holo.
Hale Oihana Kinaiahi Kuwaena, Honolulu, me na pahaku e like me ko ka luakini ou o Kaukeano, $50,000. Holo.
Pakui i ka Hlae Leta me Waihona Dala, $4,000. Holo.
Waihona Dala hou no ke Keena Waiwai, $3,500. Holo.
Na Hale holoi hou no Honolulu, $7,500. Holo.
Hale Hoahu Pauda hou, $6,000. Holo.
Noi o R.W. Wilcox, i Palekai no Koolauloa, Oahu, $3,000. Holo.
Uapo hou no Kaunakakai, $1,500. Holo.
No ke alanui mai Kukulu mawaena aku o Puna, $30,000. Holo.
Alanui ka Lua o Pele 9ke hui pu ia me $18,000 i hooholo ia), $60,000. Holo.
Alanui mauka mai Kilauea a Keauhou, $15,000. Holo.
Alanui mauka e hui ai o Hookena me kaawaloa, $15,000. Holo.
Alanui mawaena aku o Kula, $10,000. Holo.
No ka hana hou ana i na alanui o na apana lehulehu o Hilo, $10,000. Holo.
No ka hana hou ana i na alanui o Hilo Akau, $10,000. Holo.
Hana hou i nauwapo o Kau, $1,000. Holo.
Na alanui, Mamakua, $3,000. Holo.
Na alanui Kohala Akau, $5,000. Holo.
Na alanui, Kau, $3,000. Holo.
Alanui hou no Kau, $10,000. Holo.
Noi ke Alii Marssden, no ka hoikiwai i na alanui o Hamakua, $2,000.
Noi ke Kuhina Jones, no ke alanui hou mai Kohala Akau a Kohala Hema, $,022.29. Holo.
Noi o A. Horner, no ke alanui ma na aina hoolukeana liilii o Laupahoehoe, $2oo. Holo.
Noi ke Kuhina Jones, no na lanaui ma Kona Akau, $3,000 a me na alanui ma Kona Hema, $3,000. Holo.
Noi o Kamauoha no ke alahaka ma Makpala, $3,000. Holo.
No ke kuai i ke alanui a Peter Lee, $6,000. Holo.
NA ALANUI ME NA ALAHAKA MA MAUI.
Na alanui ma Makwao, $5,000. Holo.
Alanui i naaina hookuleana ma Hana, $500. Holo.
Na alanui o Wailuku, $5,000. Holo.
Na alanui o hana, $5,000. Holo.
NA ALANUI ME ALAHAKA OAHU.
Na alanui ma Honolulu, $20,000. Holo.
Noi ke Kuhina Jones, no ka hoonoho iliili ana i na alanui o Honolulu, $12,064. Holo.
Alanui Pali o Nuuanu, $37,000 (ke hui pu ia me $1,082.73 i hoolilo ia). Holo.
Noi ke Alii Marsden, no ke alahaka o ke kahawai o Kaula, Makkua, $1,000. Holo.
Noi o Kamauoha, no na poho alanui ia J. Kealoha o Kona, ke apono ka Aha Kuhina, $200. Holo.
Noi o Pipikane, no ka hana ana i ke alanui Kuakini, $1,500. Holo.
Noi o S.K. Pua, n ka hoopaa ana i ke alanui Kamehameha ma Kalihi, $5,000. Holo.
Hoopanee.