Ka Nupepa Kuokoa, Volume XXXI, Number 52, 24 December 1892 — KA VITO I ALAKAI HEWA IA. [ARTICLE]

KA VITO I ALAKAI HEWA IA.

Ua hoohana mai nei ke Alii ka Moiwahlne i ka mana kaokoa e hoole ana i kona pulima aoie e kakau maluna o ke kanawai e hooponopono ai i ka manawa hana o na luna aupuni. Aole nae ke Alii i hoohana i keia mana kaokoa ona ma kona manao ponoi iho, aka mamuli o ke ao a me ke alakai ana a ka Aha Kuhina. Ke manao nei makou, ua noanoa a haahaa ioa maoli ka hoohana ia ana inai o keia mana oi kelakela oke Aliiaimoku, ma keia wahi bila palaueka, aka, ua ili no nae ke koikoi maluna o ke 14 kuewa ae hewa" o ka Aha Kuhina, ka poe nana i a'o aku i ke Alii aole e kakauinoa.

O ka inanao o keia mana kaokoa i hookoe ia ai i ke Aliiaimoku, oia no na mea nui kupilikii, aole o ka hoohana wale aku i kela a me keia mau mea liilii palaueka, e luaiele wale ai ike Alii. Oial, ua alakai hewa ka Aha Kuhina ma keia mea, nolaila, me he mea ala, ko hele aku nei ka hoonakulu ana e hoonioni i ko lakou kahua. Oial, ua kakoo ia ka pono o ka hoole ana i ke kakau īnoa, aka, aole ia he mea e nelo ai ka nema aku i ka lalau o ka Aha Kuhina.