Ka Nupepa Kuokoa, Volume XXXI, Number 52, 24 December 1892 — KA LAIKINI ANA I KA OPIUMA. [ARTICLE]

KA LAIKINI ANA I KA OPIUMA.

Ua hooholo iho nei ka hapanui o ka Ahaolelo ma ka heluhelu alua, I ka hila kanawai e laikini ai i ke kuai akea ana i ka opiuma ma llawaii nei, oka heluhelu ekolu koe, alaila, hele aku uo ko ka Moiwahine kakauinoa mai.

He nui na kumu kakoo a kue i ka bila ina kela a me keia aoao, aka, ua lanakila oku la nae ka aoao e laikini ana ika opluma. Oia hoi, ua kuai ia ka ino e laha maluna o ka aina me ke elala, me ka noonoo ole ia o na hopena awahia e kakaiapola mai ana mahope o keia nia'i ahulau ke laha aku. Ua nui ke kikiki ia no ka hiki ole i ke aupuni ke ke'ake'aaku i ke komo ana mai o ka opiuma a mo ka piepiele malu ia maloko nei o ka aina. Aole no ia mea ka hewa, aka, no ke koho ia o na poe hoopono ole a me na punahele ma na oihana hoo~ malu. Nolaila, ua hookomo ia mai nei he ma'i ahulau hou no Ilawaii, a e lilo aku ana i ma'i kumu ma keia hope aku ina aole e pakaha e ia ae ana.