Ka Nupepa Kuokoa, Volume XXXI, Number 53, 31 December 1892 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

Mai a Mahope aku o Okatoba 1, 1892.

 

NA KAA AHI

A.M. A.M. P.M. P.M.

 

@@@

 

NU HOU HAWAII.

Ua pepehi ia a make loa ka Bila Ahaelele Hana Kumukanawai i ka anina la Poakolu nei.

 

E hoala hou ia aku ana he hui hooikaika kino ma Honolulu nei, no ka hookomo hou ana mai i ka hukihuki kaula.

 

Eia ke ike ia nei kekahi wahi mokukuna malihini e pokakaa ana ma Molokai, a ua manao ia, o ua moku hoopae opiuma paha.

 

Ua hala aku i ka make i ka la 22 nei ma Punaluu, Kau, Hawaii, o Miss Kamio, ka mea nona ka home heahea a hale kipa ia e na malihini.

 

Elua mau pouli o ka La i keia makahiki ae 1893, hookahi wale no e ike ia ma Honolulu nei, oia ka pouli o Okatoba 9 i hope loa o ka makahiki.

 

Ke laulaha la ma Makaweli, ina e holo aku ana ka Luua nui Morrison e ike i ka aina makua I keia makahi aku, alaila e pani ia ana kela manawa kaawale e Hon.H.P.Baldwin.

 

Ua lohe mai makou, e malama ina o Mr. Timoteo o Puuhale, i papa ahaaina no ka piha ana o ka makahiki hookahi o ka laua lei aloha i ka Poalua ae nei, Ianuari 4, 1893.

 

Ke lohe ia la ma Kona Hema, Hawaii, o Hon. D.H. Nahinu aku ana ka Lunakanawai Apana o ia Kona ma kahi o S.M. Kekoa e pau ana ka manawa. He oiaio paha, aole paha.

 

I keia Poaono, Dec. 31, e piha ai na makahiki 1892 o ka Haku, a ka ia Sabati, hoomaka ka 1893, a koe e 7 makahiki wale no i koe, piha na eneturia he 19, a o ka 5904 ia o ke ku ana o ke no nei.

 

Ua nahu ia ka pepeiao o kekahi haole o Tom Mullen ka inoa e ka haole nona ka inoa Peter Quinn a na lele e ka pepeiao hema. O kahi i hana ia ai kela hana maloko o ka hale inu rama i ka Poakolu nei.

 

Ela nua Kunawai ae nei kekahi luahine ano kahiko i aneane e piha ka haneri makahiki, oia hoi o Pookee, a ke ola maikai nei noa oia; ua aneane nae e nalohia ae na noonoo maikai ana. O ka ke Akua ola ia.

 

 

Mamuli o ka hoonioni a ke olai ma Kau i kekahi ha aku nei i hala, ke kohokoho la kekahi poe, e kahe mai ana paha ua pele hou mailuna mai o Mokuaweowaeo, eia nae aohe ahi ike ia aku e wena mai ana iluna o ka piko. Malia paha eia malolo ka honua ia e poonao ae la.

 

I ka auina la Karisimaka, ma ka hale noho o ka Hon. S. N. Kakela ma Alanni Moi, Honolulu nei, ua awaiaulu ia ae la o Mr. Henry N. Castle me Miss Mabel R. Wing e Rev. E.G. Beckwith D.D. He mare malu loa keia, oiai o na poe pili ponoi wale no i na mea mare kai kono na ma kela anaina.

 

I ka la 18 o Dekemaba nei, ma Kukuiopae, Kona Hema, Hawaii, “ua nanahu iho la o Pookela i ka Hau o Uhai a moku. Ua lele loa kekahi apana o ka ihu, a ma kahi o ka apana ihu i moku, he hakahaka. I ka nana aku aole hoi e like me ka pili mua. He ona ke kumu o keia @, a he nui no ka poe malaila aole nae hookahi o laku i ku e kokua.”

 

Ke haawi aku nei ke Kakaolelo o ke KUOKOA i kona mau hoa’loha wahine a me na hoa’loha kane i kona hoomaikai nui palena ole no ko oukou hana ana mai i kekahi hana hoopahaohao ma ka po o ka la 27 o Dekemaba nei, ka la hoi a’u i hoomanao ai iloko iho o’u oia ka piha ana o ke kanalima o ko’u mau la hanau. Aka me ka mahui ole a halia ole, aia hoi, ua hoolilo ae la oukou i ko’u home i wahi ahaaina na oukou e hoopahaohao mai ai la’u a e kono mai ai ia’u e olioli au me oukou i ka piha ana o ko’u Iubile makahiki, ka makana hoi a’u e lei nei i ka hoomanao no na hana maikai a ko’u mau hoa’loha. Pela e ike ia ai aia he waiwai iloko o ka nui o na hoa’loha. E lawe aku oakou i ko’u mau hoomaikai nui no oukou pakahi.

ULUMAIALII.

 

 

Eia ma ko makoa pakaukau ka Mr. T. G .Thrum buke Annual ma ka olelo Enelani. Ua komo iloko o keia buke puka makahiki na mea a pau i pili ia Hawaii nei, o keia a me keia ano i kupono loa e loaa i kela a me keia ohana, a e hoopokele ia hoi kekahi mau mea i makemake ia e ike. Ke pii mau aenei ko kela makahiki ma ka nui o na lani ana o ka mea nona ia buke. E loaa no keia buke ma kona helakuai Buke.

 

I ka la Karisimasa aku nei, maloko o ka luakini o Anahola, oiai e malama ia ana ka hoike o na Kula Sabati mai Hanalei a Kapaa, ua komo mai la o Col. Z. S. Spalding a me kona Hope Luna o Wm Blaisdell. A mahope o ka pau ana o na hana hoike kula Sabati o ko Hanalei, ua haawi makana mai la o Mr. Spalding he $ 20.00 ma ke gula Amerika i mea kuai buke no na keiki Kula Sabati. He mea hou keia akahi no a ike ia.

 

Ke laulaha la he lono hauoli ma Koolau o Kauai, e haawi makana ana ka Ona o ka Hui Mahiko Maki i na hoahanau o ka ekalesia o Kapaa, oia hoi e kukulu ana i luakini hou no Kapaa ma kona mau lilo ponoi. He mea hou ano nui keia. He umikumamaha o’u makahiki maanei (ka mea kakau), aole au i ike i kona manao pili i na mea kokua nui no ke Akua. Pela auanei i ko ai ka olelo a ka Buke nui, “Aole he mea hiki ole i ke Akua.”

 

Ua noi ia mai makou e Mr. J. W. Kalua e hoike aku i kona mau makamaka a me na hoa’loha lehulehu mai kekahi pea a kekahi pea o Hawaii nei, i kona aloha, hoomaikai a mahalo nui ia oukou pakahi a ia oukou hui, no ka mea na hoike koke oukou i ko oukou makee nona ma na wahi noho a ma na wahi akea e hapai i na hana hoalohaloha i ka wa i lawe hewa ia ai kona make a hoolaha ia aku me he mea oiala la. A i na hoa’loha a pau i palapala pakahi aku iaia, ke haawi nei oia i kona aloha ia lakou ma keia pepa, no ka mea aole i ikaika pono kona kino e hiki ke panai pakahi aku.

 

Ma ka la 28 Dec. 1892, ola ka la i hoopanee ia ai no ka noonoo ana i ka Bila kanawai koho Elele hana Kumukanawai hou no ke Aupuni, i mua o ke Komite o ka Hale, a i ka manawa i makaukau ai, ua koho mai ka Peresidena J. S. Walker i ka mea hanohano Hon. G. P. Kamauoha i lunahoomalu no ke Komite. Ua ike koke ia aku ka mea hanohano G.P. Kamauoha e ku ae ana ma ka nohohanohano o Kohala a noi aku i ka oluolu a ka Peresidena me ka mahalo nui aku i ka hanohano ana i hookau mai ai maluna ona, a noi aku oia e hookuu mai iaia mai ka noho lunahoomalu ana a e koho aku i mea e aku. Oiai, owau ka iunahoomalu o ke Komite wae e apono ana i keia Bila Kanawai a e ku ana no hoi au mahope o ke kauoha o ka Lahui Hawaii, a e loaa i a’u he manawa e kamailio ai no ka pono i mua o na hoa hanohano o keia hale no ka pono o ka aina i kumukanawai. A he mea e mahalo nui ia ai ka mea Hanohano o ka aina haaheo i kona kupaa me ka makaala no ka pono o kona Lahui, a ke uana nei ka poe makaikai e ike i ka poe kupaa a aloha Moi, aloha Lahui ma na kumuhana ano nui. Ua ae ia mai keia noi a koho ia ka Hon. J. Nawahi.

ENOKA

 

Ua pae palekana mai o Hon. Jos. Nawahi mahope o elua po ino ma ka moana, ma ka pae ana i ke awa o Kapueokehi maluna o na waapa huelo boti elua, ke kau ana mai ma ka Waila a law loa ia mai i Honolulu nei ma ka Poaono i hala. Ua haalele aku na waapa elua ia Hilo me ka lunamakaainana i koho ia o Hilo, malalo o ka hookele ana a ke pailata Hawaiio Hilo Keaweamahi, ma ka hora 4:30 ahiahi Poalua Dekemaba 20, me 8 Hawaii ma kekahi waapa, a he 9 ma kekahi, a i hoolako ia he ai e lawa ai no elima la. I hoe wale ia no mai Hilo mai a mawaho ae o Honokaa no ka pakuikui aku o ka makani mamua aku nei. Ma ke ahiahi hora 4 o ka Poakolu, oiai na waapa mawaena o Hawaii a me Maui, ua komo mai la ka liu mamult o ka hole mau a ke kia, aka ua hoomau no lakou i ka hoe me ke ka i ka liu a hiki i ke ku ana i Hana i ke kakahiaka nui Poaha. Ua apo aloha mai la ko Hana mau keiki kamaaina ka lunakanawai, Hope Makai nui, ka Hope Luna auhau a me kekahi poe e ae a hookipaaku la. Ia kakahiaka Poalima ae, ua kau mai o Mr. Nawahi maluna o ka Waila e holo loa no Honolulunei, me ka waapa liu a me na poe hoe, a o kekahi waapa a me na poe hoe, ua noho aku no a malaila ae e holo ai a loaa aku i Makena i ke Kinau. Ua pae mai lakou i Honolulu nei i ke kakahiaka o ka la 24 o Dekemaba nei.

 

 

Ka Heiau Hou o ka Hui Malu ma Honolulu nei

 

Ka Heiau Hou o ka Hui Malu.

 

He la hookahakaha nui no na Hui Malu Masona o Honolulu nei ka la 27 o Dekemaba, no ka mea, ma ka hora 2:30 o na auina la, ua kai huakai mai na hoa o na hui malu Hawaiian Lodge Helu 21 F. & A.M. a me Lodge le Progres de l’Oceanic Helu 124 F. & A.M. mai kihi mai o na huina alanui Mouwahine a me Papu, I alakaiia e ka puali Puhi Ohe Hawaii, a pii aku la ma alanui Papu a hiki i ke kihi akou o na huina alanui Alanui Alakea me Papu, no ka hoonoho ana i ka pohaku kumu o ke kihi o ka heiau hou loa e kukulaia nei no ka Hui Hawaii Lodge Helu 21 F. & A.M. maluna o ko lakou aina ponoi. O ka luna nui nana i lawelawe na hana o keia hoonoho ana i ka pohaku kumu o ke kihi, oia o W.F. Allen malolo o ka mana i haawiia mai e ko Kaleponi luna nui o ka Hui, ma ka mahelehele ana i na hana i kela a me keia i haawiia ai, a pela i hooko ia aku ai a pau pono

Malaila ae ke Alii ka Moiwahine a me ka poe koikoi o ka aina kahi i makaikai ai i na hana o ka hoomoe ana i ka pohaku kumu o ke kihi.

 

NA KUMUHANA NO KA HEBEDOMA HAIPULE.

Ianuari 1-8, 1893

SABATI, Ian.1.- Na haawina no na kanaka mai Iesu mai. Halelu 68:18, 19. Ioane 16:23,24. Oihana 5:31. Epeso 4:7, 8.

POAKAHI, Ian.2.- Ka mihi a me ka hoolea. Hoike i ka hala, no ka puni lealea a me ka hoouhauha; noke kaea ma ka hooholo ana i ka hana a ka Haku. Halelu 32, Daniela 9, Hoonani i ke Akua no ka hoolanakila ana i ka pono ma na hana aupuni, a me ka hoomoakaka ana i kona lokomaikai ma ka hookuonoono ana i na lahui. Ezekiela 11. Ieremia 31

POALUA, Ian. 3 – Ka Ekalesia no ko ke ao holookoa, Ka launa pu ana o ka Uhane Hemolele, ke kokua nui ana i na hoakanaka, ka hoakea ana i na hana o ka hoahanau, ke kue ana i na manao lalau. Oihana 1. Ioane 5. Tito2.

POAKOLU, Ian 4.- Na lahuikanaka me ko lakou mau alii. E pau ai na manao lili, ke kuai rama, ka puhi opiuma, ka piliwaiwai a me na ino o ae. E noho pono na mea koikoi, a launa pu na makamaka a pau loa. E lilo ka hoakoakoa ana ma Kikako i mea e pomaikai ai na lahui a pau. 1 Timoteo 2. Roma13. Galatia 6.

POAHA, Ian 5.- Na Misiona kuwaho. Pule no na Hui Misionari, no ke aloha manawalea nui ae, no na ekalesia me na kahu maloko o na lahui pegana, no ka poe Iudaio, Mahometa, a me ka poe hoomanakii. Halelu 22. Espeso3.

POALIMA, Ian.6.- Na hana karistiano kuloko. No ua Kahu, naHaiolelo, a me ka poe lawelawe pu; na kuaaina i waiho wale ia, a me ka poe ilihune ma na kulanakauhale i mea e hookomoia ai lakou i na halepule. Oihana 4. 1 Korineto 10. Epeso 1.

POAONO, Ian.7.- Na ohana a me na kula. E mau ai ka maemae o ka noho mare ana. E pau ai ke ano pinepine o ka hooheno ana i na paa mare; e nui ae na pule ohana; e hooikaika ai na kula hoonaanauso; e hoomalu ai ka Uhane Hemolele i na kumuao a me na haumana; e holopono ai na Kula Sabati a me na Ahahui Imipono Opio. Kanawailua 6. Na Solomona 4. Mareko 10.

SABATI, Ian 8.- Ka haawina ano nui loa, Ioela 2:28-32. Ke kauoha akea loa, Zekaria 10:1.

 

He kulaia la Karisimaka ka kekahi mau keiki lalawai o keia kulanakauhaie me kekahi alii a lunamakaaiaana o ka ahaolelo oia ka hele anai ka lawana i Waikiki ma ka Poakahi la 26 o Dekemaba. Ua lilo ka pakalaki a me ka nele o keia lawaia kulaia mamuli o kekahi halawai ana me ka eepa hoopaoa i loaa i ka lunamakaainana. Oiai o kona waa kai poiia e ka nalu a piho, he wana hookahi wale no kahi ia i loaa mai. O kekahi kumu hoopakaiaki o ka uhai hele o kekahi mau mea e ninau ana i ka loaa o ka ia, nolaiia o ke pau o ka upena ka haawina i loaa ma keia lawaia kulaia ma Waikiki.

 

 

 

Na Mea Hou  Kuwaho

 

Ua ku mai i ka hora 12 awakea o ka Poaha nei ka mokuahi Australia mai Kapalakiko mai, iloko o na la 7 a oi, me 35 ohua kapena, 16 ohua oneki a me 47 mau eke leta.

Ua hoi mai na Mea Hanohano L. A. Thurston, G. W. Maefarlane, a me H. A. Widemann a me ka ohana pu.

O ke kumukuai o ke kopaa ma ka lono hope, he 3 3-8 mau keneta o ka paoua hookahi.

Mahope aku o ka la 4 o Maraki ae nei, e hoi aku ana o Peresidena Harisona i ke kulanui o Standford ma Palo Alto, Kaleponi, ma ke ano kumuao kanawai.

Aia ke ailiili la ko James G. Blaine hanu ola, a ua pau ka manaolana no kona palekana mai.

Ke pau mai nei i ka hoopii ia ka poe hana kolohe i ka puu dala nui o ke alawai oki o Panama ma Parisa, mai na nupepa, na poe lunamakaainana, na kuhina, na luna lawelawe hana a i ka mea nana ka hookumu ana i keia hana.

He nane nui ma na poai kalaiaina o Geremania no ke akaka ole o ka hooholoia o ka bila pualikaua hou o Geremania. Ke kamailio akea ia la ko ke Kuhina Nui Von Caprivi pau.

Ua hoomaha ka halawai o ka Ahahui Lahui Hooponopono Moni i noho iho nei ma Berusela a halawai hou i ka la 1 o June aenei.

Lalau loa na hana hooponopono aupuni ma Samoa, a ke nema nui ia la e na mea a pau. Ua hoouna hou ae la a Amerika i mokukaua hou Haila a kiai o ko na kupa Amerika mau pono.

He pioloke nui ma Ladana, no ka houpuupuu ia eia iho he hoopahu daimanaita ka ka poe lopa kipi a puka iho. Ua makaukau na mea a i ka hoolala ia. Ua lohe no ka oihana makai i keia ohumu ino, a na hoonoho ia na kiai ma na hale aupuni, na alanui a me na wahi o ka poe koikoi no keia hooweliweli, Ua manao i mau  Parisa mai keia poe hookalakupua.

 

Ka La Karisimaka i Hoomanaoia ma Ema Hale.

 

Ua malamaia ka la hanau o ke Alii o na alii ma ka hora 7:30 o ke ahiahi o ka la 24 o Dekemaba 1892, maloko o ka rumi hookipa o ke alii ka Moiwahine Kaleleonalani i hala e aku, e na keonimana o ka Ahahui Paio o Ema Hale i noho hoomaluia ma ia po e ka Rev. S Kaili.

Ua alakaiia ka hana hoonani i ke Alii o na alii ma ka buke himeni Euanelio a me ka heluhelu ana i kekahu mau pauku o ka Baibala i kakauia e Luka, pule ka lunahoomalu a hooniui hou ma ka himeni. Hoikeia ke kumuhana e kamailio ai na hoa o ka Ahahui Paio no ka hoonani i ka Haku Iesu Kristo, a oia keia, “Hoonani ia ke Akua ma na lani kiekie loa, he malu, he aloha no i kanaka.”

Ua hoau mua mai la ka lunahoomalu o ia po i ke kanaenae kulaia ana i ka la o ke Keiki a makana a ke Akua i haawi mai ai no na kanaka a pau iloko o ke ao nei, i hoonani ia e na anela ma ke kuluaumoe o ia po ma ka Aina Hoano o Palesetine, i loheia e na kahuhipa o ia aina a ke eehia i noho ai, a na ku i ka mikololohua na manao kulaia o ia haiolelo ana a ka lunahoomalu, pau kana, kahea ia ka Hon. H. Walakahauki e ka lunahoomalu e hele aku a e hai mai i mau olelo kulaia no ke kama a ke Akua i hoalii ai maiuna o na alii a pau o ka honua.

Ua ku mai la ka mea i kahea ia a puana mai la i keia mau mamala olelo Karisimaka oukou a pau loa ua panai aku la no hoi ua anaina kulaia nei i ka la o ke kamahao a me ka lokomaikai a ke Akua i haawi mai no na mea a pau ma ia mamala olelo.

Ia wa oia i hoike mai ai i na mea pili i ka Haku a he kui i ka walohia na manao o keia keonimana a me kona kono ana i ka lunahoomalu oia po e heluhelu i ka leta a ko makou hoa’loha J. W. Kalua o Wailuku l palapaia mai ai iaia a he aloha no

 

 

hoi ia leta na ko makou makamaka. I keia wa oia i ninau mai ai i ke kakau olelo e kono ana i na mea a pau maluna o ma noha i hoomakaukau ia no kela a me keia.

Ua kahea ia oia e hoi mai e helu i ka nui o ke anaina hoomanao kulaia o keia po a me ke kakau ana i ka moolelo o kana mau olelo hoopomaikai i na keonimana o keia ahahui, a penei: I kuu lohe ana e lilo ana ka oukou hui paio i hui nui ma keia mua aku. Ke hoike aku nei au ia oukou e na opio o keia ahahui Paio o Emma Hale e lilo oukou i poe hookuonoono i mea e mau ai ke kuokoa o ko kakou aina hanau a mau loa aku. Ua ninau mai la oia ka poe i loaa mua na buke Baneko Hale Leta, e kau ae i na lima iluna, ua o ae la he 7 o kolakou nui. Olelo mai la oia, aole no keia poe ka makana hoohoihoi a’u e haawi aku ana, aka no ka pae hou e hoomaka ana ma ka la maa aku o Ianuari 1893 e malama ana i ka lakou mau okeni e kiola wale nei iloko o ka puahiohio, ahoe mea loaa mai. Penei hoi, ina e hookomo ana kela a me keia hoa o ka ahahui a hoea hou mai ka la hanau o ka Haku, o ka makahiki 1893 e hiki mai aha, a e piha ana ka huina o kana hoahu maioko o ka Banako o ka Hale Leta i ka hookahi haneri dala mamua o ka la 25 o Dekemaba e hiki mai ana, alila, o ka makana mua he $ 25.00; o ka makana elua $ 15.00; makana ekolu, $ 10.00; makana eha, $ 10.00; makana elima, $ 5.00; oia na makana e loaa aku ai me ka hoopomaikai pu ana aku i ka poe pau a hookuonoono ana. Aole e loaa keia makana i ka poe ua loaa mua ko lakou kuoonoono ana. A eia keia, o keia poe i koe aole a lakou buke Banako Hale Leta, e haawi au i buke Banako Hale Leta, me ka hookomo ana i hookahi dala no ka hoomaka ana aku, oia ka poe i akoakoa mai i keia po, aole o ka poe hou e komo mai ana, o keia poe no imua o ko kakou alo, na lakou e hookumu a hea aku i na hoa kanaka a pau e komo mai e hookuonoono no lakou iho a me ka ohana, a e hele aku imua e na hoaaloha a hoea i ka pahu hopu o ka lanakila, ma na pono o ke ola kino, a oi loa aku ma ke ola uhane mai o Iesu mai. Me ka malu a mau loa aku, aloha oukou a pau. Pau kana, ua hoonani ma ka himeni Euanelio.

Ua kaheaia ka haiolelo o ka la hanau, oia o R. Makahalupa Esq. a ua poloai mai la oia i na mamala olelokanaenae hoohauoli kulaia o ka Hoola o ke ao nei, a olelo mai la oia, aia kana pooolelo ma Mataio, mokuna 2: A hauauia o Iesu.  

Ma ka pau ana o kana, ua haiolelo pokopoko mai keia poe keonimana: J W Naukana, S Kaloa, J K Kahookano, W h Kahumoku, Lapana Kaawa, J K Laioha, a he nui aku me ke kani o na himeni haanani a hoea wale i ka hora 11:30 o ke kuluaumoe, ua hoomaha ke anaina no ka hoomakaukau ana i ke kuhinia o ka hau, ka wai momona, a hoomaikai aku la i ka Mea nona ka la hanau, a komo mai la na mea ai a pau. Ua hone mai la ka leo o na ohe a ka Puali Puhi Ohe, ke kulou nei kela a me keia no ka hoopiha ana ia loko.

Ua malamaia keia anaina a pau me ka maluhia, he mau kane, na wahine a me na opio kane a wahine pu ma keia anaina.

O keia ka panina hope, a hoi kela me kela me ka maluhia Karisimaka.

Owau iho no,

W H KAHUMOKU

Honolulu, Dec. 27, 1892.

 

Ua Hoohui ia ma ka berita o ka mare o Mr. John U. Iosepa me Miss Esthr K. Iona, na ka Rev. H. H. Parker laua i hoohui ma ka mare, ma ka luakini o Kawaiahao Dekemaba 29. He maikai ka mare no na mea a pau.

 

Ua ae kahi paele nana i pepehi i ka pake iluna o ka moku W.H. Dimond ma Honolulu nei; a i nui ai na lilo o ke aupuni Hawaii i ka hoao ana e kii e hoihoi mai i Hawaii nei e hookolokolo ai, i ka hewa ola imua o ka Aha Hookolokolo ma Kalepoui, a ua hoopai ia he umi makahiki hoopaahao a me $ 1,000.

 

 

 

 

MUTUAL 76 --- NA TELEPHONE --- BELL 179

C. E. WILLIAMS,

KA POE HOOKOMO MAI, KUAI AU A ME

HANA PAKA O NA HOONANI HALE

MAIKAI O NA ANO A PAU ME KA MAKEPONO

 

ME NA

Piano i Hanaia

Me ke kupeno i

keia ea

Aole Mu e komo

 

E LOAA NO

Na He Kupapau

Na Pohaku Mabela e

wae alala

Makemake Lawe.

 

MAANEI E LOAA AI

NA LAKO KANU KUPAPAU, KAA

A me na Pono Ia-loa i ke kino o ka mea aloha.

HELU 103, ALANUI PAPU HONOLULU

 

 

 

Ka Halekuai Laau Lapaau Hou

HUINA O NA ALANUI PAPU ME MOI.

Ke hoolako mau ia nei me na laau lapaau oi loa o ka maikai ma Honolulu nei a ke kuai ia nei me ka emi loa.

 

Ka Laau Kunu maikai,

Ka Laau Hoomaemae Koko Saseparila,

Na Hua-ale maikai,

Na Hua-ale ma’i fiva maikai,

Na Paakai pipii maikai,

Na Paakai hoonaha maikai,

Na Sopa a me na Waiala maikai,

Na Aila Niu hamo lauoho maikai.

 

E hoomanano i ka inoa a me kahi o

 

HOBRON a me NEWMAN,

Huina o na Alanui Papu me Moi.

 

 

 

Hoolaha Hooko Moraki.

MAMULI O KEKAHI MANA

kuai i hoike ia maloko o kekahi palapala moraki i hanaia mawaena o ANAUU a me PIOMANU o Kailua, Koolaupoke, Oahu, o ka aoao mua, a me W. R. Kakela, Kahu, o Honolulu, Oahu, o ka aoao elua, ma ka la 23 o Sept.,1889, i kakau kepe ia ma ka buke 116, aoao 4@7, a mamuli o ka uhai ia ana o na kumu aelike o keia morakai, oia hoi, no ka hookaa ole i ka ukupanee ame ke kumupaa, nolaila, ke hoolaha ia aku nei e ka mea nona ka aoao elua o na moraki nei, e hooko ana oia ia mana kuai.

A ke hoolaha hou ia aku nei, aia mahope aku o na pule ekolu mai keia ia aku, alaila, e hoolahaina aku na aina i hoike ia ma ia moraki no ke kudala ana ma ke keena kudala o Jas. F. Morgan ma Honolulu, ma ka la 28 o Dec., 1892, hora 12 o ia la.

Aia ma kahi o W.R. KAKELA no olelo hoakaka no keia mea.

Hanaia i keia la 1 o Dekemaba, 1892.

W. R. CASTLE, Kahu

Mea Moraki Mai.

Penei na aina i moraki ia :

1. O kela mau apana aina e waiho la ma Kailua, Oahu, i kuhikuhi ia ma ka Palapala Sila Nui Helu 1372, Kuleana Hoona AIna 10464 ia Nawai, nona ka ili he 78-100 o ka eka.

2. O kela mau apana aina ma Kailua, Oahu, i kuhikuhi ia ma ka Palapala Sila Nui 1370,  Kuleana Hoona 5947 ia Piiapoo, nona ka ili he 3 5S 100mau eka.

3. O kela mau apana aina e waiho la ma Kailua, i kuhikuhi ia ina ka Palapala Sila Nui Helu 722 ia Piiapoo, nona ka ili he 249 ½ mau eka.

2418-@t

 

 

Hoolaha Hooko Moraki.

MAMULI O KEAKAHI MANA KUAI I HOIKE ia maloko o kekahi palapala moraki i hana ia mawaena o WAHIA me KAHALEPOULI, kana wahine o Honomakau, Kohala Akau, Hawaii, o ka aoao mua, a me D. Puhi o Honomakau o ka aoao elua, ma ka la 12 o Dekemaba, 1888, i kakau kope ia ma ka buke 114, aao 482, a mamuli o ka uhai ia o na kumu aelike o kela moraki, oia hoi, ka uku ole ia o ka ukupaneo a me ke kumupaa, nolaila, ke hoolaha ia aku neie ka mea noa ka aoao elua o ua moraki nei, e hooko aua oia ia mana kuai.

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aiua, i hoike ia ma ia moraki noke kudala ana, ma ke keena kudala o Jas. F. Morgan, ma Honolulu, ma ka la 28 o Dekemaba, 1892, hora 12 o ia la.

A ia ma kahi o W. R. Kakela na olelo hoakaka no keia mea.

Hanaia i keia la 30 o Nevemaba, 1892.

D. PUHI. Mea Moraki Mai.

Penei na aina i moraki ia:

Ekolu eka i mahele ole ia Hoko o kela apana aina maikai loa ma Honomakau, Kohala, Hawaii, i hoike ia ma ke Sila Nui 749 ma ka inoa o Awihi. 2@18-4

 

 

Hoolaha Hooko o ka Moraki a me ke Kuai.

I KULIKE AI ME NA HOOKO ANA O KEkahi moraki i hanaia i ka 25 o Mei, A.D. 1891, e S M KAAUKAI a me kana wahine o JANE C KAAUKAI o Honolulu, Oahu, ia Annie S Parke o ua Honolulu la, i kope ia ma ka Buke132 ma na aoao 210, 211 a me 212. Nolaila, kehoolaha ia aku nei ka lohe, ke makemake neiua Anne S Parke nei e hooko aku i ua moraki ia no ke kumu, ka uhaki ia o ka aelike, oia ka hookaa ole ia o ka ukupanee i ka wa e uku ai. Ke hoolaha ho ia aku nei, o na aina a me na waiwai a pau i paa maloko o ua moraki la, e kuai ia aku no ia ma ke kudaia akea ma ka Hale Kudala o Jas F Morgan, ma ka POAONO, la 17 o Dekemaba, A.D.1892, ma ka hora 12 awakea.

Penei na waiwai i paa maloko o ua moraki ia: O kela mau apana aina me na hale maluna iho e waiho la ma Kamakela, Honolulu, oia na aina i kuhikuhi ia ma ka Palapala Nui Helu 3574, Kuleana Hoona Aina 8907 a me ka Palapala Sila Nui Helu 4455, Kuleana Hoona Aina 2833, no laou ka ili he 5445 kapuai kuea, oi aku a emi mai paha, a i hoike maopopo loa ia ma ka palpala hoolilo a D J Barenaba i na me na uai moraki aku m aka la 25 o Mei, 1891, a i kopeia iloko o ka Buke 130 a ma na aoao 331 a me 332.

ANNIE S. PARKE.

Ma o W. C. Parke la kona hope.

Honolulu, Nov. 29, 1892    2418-4

 

 

Hoolaha a ka Lunahooponopono Waiwai.

UA HOOKOHU PONO IA MAI KA MEA NOna ka inoa malalo iho i Lunahooponopono no ka waiwai o LUKA (k) i make, o Niolopa, Honolulu, a ke hoike nei keia hoolaha, o ka poe a pau he mau koi ka lakou i ua waiwai ia. e wa’ho mai me na hooiaio kupono i ka mea pona ka inoa malai iloko o na malama eono mai ka la aku o keia hoolaha ana, a i ole pela, e hoole mau loa ia lakou. A o ka poe he mau aie ko lakou i ua waiwai la i olelo ia, ke kauoha ia aku nei lakou e hookaa koke mai ia’u ma Honolulu, Oahu.

KUPIHEA. LIILII (w).

Lunahooponopono o ka Waiwai o Luka.

Nov 30, 1892    2415-5

 

 

HOOLAHA HOOHUI.

UA HOOHUI AE NA MEA NO LAUA NA inoa malolo iho malolo o ka inoa MERCHANT EXCHANGE.

SAM’L NOWLEIN,

S I SHAW

Honolulu, Dec. 2, 1892.     2419-31

 

 

 

 

Hoolaha Hooko Moraki

MAMULI O KEKAHI MANA KUAI I HOIKE ia maloko o kekahi palapala moraki i hanaia mawaena o J S BARENABA a me KEALOHA o Heieia, Koolaupoko, Oahu, o ka aoao mua, a me A F Neal o Honolulu, Oahu, o ka aoao elua, ma ka la 19 o June 1886, i kakau kopeia ma ka buke 101 aoao 325, a mamuli o ka uhai ia o na kumu aelike o kela moraki, oia hoi ka hookaa ole ia o ka ukupanee a me ke kumupaa nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

Ke hoolaha hou ia aku nei, aia mahope aku o na pule ekolu mai keia la aku, alaila e hoolaha  ia aku na aina i hoike ia ma ia moraki no ke kudala ana, ma ke keena kudala o Jas F Morgan ma Honolulu, ma ka la 28 o Dekemaba, 1892,hora 12 awakea o ia la.

A ia ma kahi o W R Kakela na olelo hoakaka no keia.

Hanaia i keia la 2 Dekemaba, 1892.

A F NEAL, Mea Moraki mai.

Penei na aina i moraki ia :

O kela mau apana aina e waiho la ma Heeia, Koolaupoko, Oahu, a i kuhikuhi pono ia ma ka Palapala Sila Nui Helu 1024. Kuleana Hoona Aina 7316 la Kaailoli nona ka ili he 25-16 mau

eka, a oia na aina i hoolilo ia e ka mea moraki aku ia J S Barenaba ma ka palapala kuai o Feberuari 1, 1861   2419-4@

 

 

 

Hoolaho Hooko Moraki

MAMULIO KEKAHI MANA KUAII HOIKE ia maloka o kekahi palapala moraki i hanaia mawaena o JOHN H HARE o Honolulu, mokupuni o Oahu, o ka aoao mua, a me W R Kakela, Kahu o Honolulu i oleloia, o ka aoao elua, ma ka la 29 o Sepatemaba, 1890, i kakau kope ia ina ka buke 132, aoao 63, a mamuli o ka uhaiia ana o na kumu aelike o kela mornki, oiahoi ka uku ole ia ma ka ukupanee me ke kumu paa nolaila, ke hoolahaia aku nei a ka inea nona ka aoao elua o ua moraki nei, e hooko ana ola ia mana kuai.

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoikeia ma ia moraki no ke kudala ana, ma ke keena kudala J F Morgan, ma Honolulu, ma ka la 28 o Dekemaba, 1892, hora 12 o ia la.

Aia ma kahi o W R KAKELA na olelo hoakaka no keia mea.

Hanaia i keia la 1 o Dekemaba, 1892.

W R CASTLE, Kahu,

Mea Moraki Mai.

Penei na aina i moraki ia :

O kela apana aina e waiho la ma Kalihi, Oahu, nona ka ili he 1 21@-1000 mau eka me ua hale a me na hana hou maluna iho i hooliloia mai ika ea nana i moraki aku J H Hare ma ka la 29 o Sepatemaba, 1890 i kopeia ua ka buke 127 aoao 10@  241S-it 

 

Hoolaha Hooko o ka Moraki a me ke Kuai.

I KULIKE AI ME NA HOOKO ANA O KEkahi moraki i hauaia e Lukela a me J. M. Kauahikaua, o Koolauloa, Oahu, ia Henry Dimond, o Honolulu, ma ka la 18 o Iulai, A>D>1889, kopeia ma ka Buke 117, a ma na aoao 220 a 222; nolaila, ke hoolaha ia aku nei ka lohe, ke makemake nei ka mea e paa nei i ka moraki e hooko aku i ua moraki ia, no ka uhaila o ka aelike, oia ka hookaa ole ia o ke, kumupaa i ka wa e hookaa ai.

Ke Hoolaha hou ia aku nei, e kuai ia aku no ma ke kudala akea ka waiwai i paa maloko o ua moraki la ma ka hale kudala o Jas. F. Morgan, ma Honolulu, ma ka POAHA, la 5 o Ianuari, 1893, hora 12 awakea o ia la.

O ka waiwai i paa maloko o ua moraki la, oia kela:

O na pono a pau na pomaikai a me ke kuleana o ua Lukela ma J M Kauahikaua la iloko o kela mau aina e waiho la ma Waiono, Puheemiki a me Punaluu, Koolauloa i olelo la mamua, i kuhikuhi pono ia na palena iloko o na Palapala Sila Nui 7865, 7866, 7359, 6578, 4860, 3922 a me 3063 a me na Kuleana Hoona 4437, 4372, 4352 a me 3724.

A me na kuleana a pau o Lukela me J M Kauahikaua iloko o na mahele ekolu iloko o ke ahupuaa o Puheemiki.

HENRY DIMOND,

Mea e paa nei i ka moraki,

Thurston me Frear, na loio no ka mea e paa nei i ka moraki.

Honolulu, Dek. 9, 1892    2419-4t

 

 

  

Hoolaha Hooko o ka Moraki

 

KE HOIKE IA AKU NEI KA LOHE I NA mea a pau, i kulike ai me ka mana kuai i hookomo ia iloko o kekahi moraki i hana ia e KAUPENA (w) a me JOHN BOLABOLA ia Alexander J Cartwright, Kahu o ka Waiwai o R W Holt i make, ma ka la 20 o Aperila, A.D. 1889, i kope ia ma ke Keena Kakau Kope Buke 116 aoao 28-30, i hoolilo ia aku ia James Renton ma ka la 17 o Sepatemaba, A.D. 1891, a i hoopaa ia kela hoolilo ana ma ka Buke 13 a ma na aoao 358 a me 359; a me kela moraki pu a ua Kaupena (w) ia a me John Bolabola ia J M Monsarrat i hana ia ma ka ia 24 o Iulai, A.D. 1891, a kope ia ma ka Buke 132 ma na aoao 243-245, a i hoolilo ia aku i na James Renton ia ma ka la 17 o Sepatemaba, A.D. 1891, kope ia i ka Buke 132 aoao 244; a no ka uhaki ia o ka aelike maloko o ua moraki ia, oia ka hookaa ole ia o ke kumupaa a me ka ukupanee o kekahi mau nota aie i hoopaa ia i ka wa e hookaa ai, nolaila ke makemake nei ka mea mona ka inoa malolo iho e hooko aku i ua moraki la, a o na aina a pau, uapono hoaaina a pilikana maluna o ua mau moraki ia i hoike ia, e kuai ia aku no ma ke kudala akea mahope iho o ka pau ana o ka manawa i kaupalena ia e ke kanawai.

Ko hoolaha hou ia aku nei, o na aina i kuhikuhi ia malalo iho, e kuai ia aku no ma ke kudala akea e James F Morgan, Luna Kudala, ma kona Hale Kudala ma Alanui Moiwahine, Honolulu, ma ka POAHA, la 29 o Dekemaba, A.D. 1892, hora 12 awekea o ia la.

O ka waiwai i kuhikuhi ia maloko o ua moraki ia, penei no ia:

E hoomaka ana ma ke kihi akau o keia pa make alaololi ma alanui Moiwahine, a e holo anahema 61° 36 min. kom 109.6 kapuai ma ke alaololi, oia ka aina i kuaiia e Kaahumanu a me kana wahi mai a Kahakai mai, e holo ana ma ka hema 64 00 kom 74.5 kapuai ma ka pa Kaahumanu kuleana Hooua Aina Helu 735. Alaila hema 31 42 min, hik 106 3 kapuai ma ka pa aina aupuni. Akau 61 36 min hik 196.5 kapuai pili i ka pa 2 ma alanui Moiwahine. Alaila akau 38 20 min kom 104 kapuai e pili la ma ka pa ma alanui Moiwahine a hiki i ka hoomaka ana, anona ka ili he 45-100 o ka eka, a oia ka hapa o ke Kuleana Hoona Aina Helu 685 ia Kaaleua a me ke Kuleana Hoona Aina Helu 1082 la Kekuanuino Kahakai a oia no ka aina hoolilo ia i ia Kaupena ia e F A Schaefer, Luna Hooko Kauoha a ka waiwai o M J Rose i make, ma ka paiapala i hanaia i Mei 25, 1883, a i kopeia ma ka buke 81 a ma na aoao 78-9, a ua kukulu ia he elima mau hale maikai maluna o ka aina e ku nei.

JAMES RENTON.

Mea e paa nei i ka moraki, ma o Charles L. Carter ia kona loio.

Honolulu, Dekemaba 3, 1892.   2418-tt

 

Hoolaha Hooko o ka Moraki a me ke Kuai.

I KULIKE AI ME NA HOOKO ANA O KEkahi moraki i hanaia e John Costa o Kainaliu, Kona Akau, mokupuni o Hawaii ia Henry Weeks o Kainaliu no, ma ka la 27 o Novemaba A D 1885, kope ia i ke Keena Kakau Kope, Buke 99 a ma na aoao 4 me 5, ke hoolaha ia  aku nei ka lohe ke manao nei ua Henry Weeks la e hooku aku i ua moraki la no ke kumu, ka uhai ia o ka aelike, oia ka hookaa oie ia o ke kumupaa a me ka ukupanee i ka wa e hookaaa ai.

Ke hoolaha hou ia aku nei, o ua aina ia i paamaloko o ua moraki la, e kuai ia aku no ma ke kudala akea ma ka hale kudala o Jas F Morgan ma Honolulu, mokapuni o Oahu, ma ka POAKAHI la 2 o Ianuari, A D 1893, hora 12 awakea.

O ka waiwai i paa iloko o ua moraki ia, oia keia :

o kela apana aina a pau e waihou la ma Honuaino, Kona Akau, a me kela hapa a pai o ka aina i haawila ai ia John Cavanah ma ka Palapala Sila Nui Helu 761, e waiho ia ma ka aoao mauka o ke alanui e holo ana mai Kealakekua a hiki i Kiholo, a oia na aina i lilo ai ia John Costa mai ia Henry Weeks aku ma ke kuai i hanaia ma ka ia 2 o Maraki, 1885, kope ia iloko o ka buke 94 a ma na aoao 460 me 461, a o ua mau palapala hoolilo ia no ua mea e kuhikuhi poloiei i ua mau aina la.

HENRY WEEKS,

Mea e paa nei i ka moraki.

No ua mea i koe, e @i@au ia J M MONSARRAT.

Kakauia ma Honolulu, Dec. 6, 1892   2419 - @