Ka Nupepa Kuokoa, Volume XXXII, Number 1, 7 January 1893 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

Me

Ko Hawaii Paeaina i Huiia

 

No ka Makahiki. …    $2 00

No Eono Mahina. …   1 00

Kuike ka Rula

 

HOOPUKAIA E KA

HAWAIIAN GAZETTE CO.

H. M. Whitney, Luna Nui,

J. U. Kawainui, Luna Hooponopono.

 

Poaono, Ianuary 7, 1893

 

KULA SABATI.

 

Ianuari 22. O Iosua ke Kahuna Nui. Zekaria 3:1-10.

 

1. Hoike mai la oia ia’u ia Iosua ke kahuna nui e ku ana imua o ka anela o Iehova, a ku mai

la o Satana ma kona lima akau e. kue iaia.

2. I aku la o Iehova ia Satana, Na Iehova oe e papa aku, e Satana; na Iehova nana i koko o Ierusalema, e papa aku ia oe: aole anei keia he momokuahi i unuhiia ae amiloko mai o ke ahi?

3. A ua aahuia o Iosua i na kapa inoino, iaia i ku ai imua o ka anela.

4. Olelo mai la kela, i mai la i ka poe e ku ana imua ona, penei, E lawe aku i na kapa inoino mai ona aku la. I mai la hoi oia iaia, Aia hoi, ke lawe aku nei au i kou hewa mai ou aku la, a e hoaahu aku au ia oe i na aahu nani.

5. Alaila, i aku la au, E kau aku lakou i papale kahuna maikai maluna o kona poo. Nolaila, kau aku la lakou i ka papale kahuna maikai maluna o kona poo, a hoaahu aku la iaia i na aahu; a ku mai la ka anela o Iehova.

6. Alaila, ao mai la ka anela o Iehova ia Iosua, i ka i ana,

7. Penei ka Iehova o na kaua i olelo mai ai, Ina e hele oe ma kuu mau aoao, a e malama hoi I ka’u mau kauoha ia oe, alaila oe alii ai maluna o ko’u hale, a e malama hoi i na pahale o’u, a e haawi hoi au nou i na wahi e hele ai iwaena o ka poe e ku nei.

8. ano hoi, e hoolohe mai oe, e Iosua ko kahuna nui e, o oe a me na hoaloha e noho ana imua ou; no ka mea, he oe kanaka mea hoailona lakou: no ka mea, aia hoi, e kai mai auanei au i kuu kauwa o ka LALA.

9. Aia hoi ka pohaku a’u i waiho ia imua o Iosua; a he ehiku na maka ma ua Pohaku hookahi la; a na’u no e kalai iho i kana kalai ia ana, wahi a Iehova o na kaua, a e lawe aku au i ka hala o ia aina i ka la hookahi.

10. Ia la la, e kahea aku kela kanaka keia kanaka i kona hoalauna, malalo o ke kumuwaina, a malalo o ka laau @ku, wahi a Iehova o na kaua.

      MANAO NUI. E pono i ka poe manaoio ke hoomaemae loa ia.

      PAUKU GULA. Hebera 4:14. Ua loaa ia kakou ke Kahuna Nui, i hala aku i ka lani.

OLELO HOAKAKA.

            O Zekaria ke kaula oia no hoi he kahuna mohai. Ma ka uana aku ua hanauai oia ma Babulona. Ua hele pu oia me Kolopapela a me Iosua i Ierusalema. Ua hoomaka oia i kona oihana kaula i ka wa o Dario Kusatasepe ka moi ma Babulona. No na makahiki elua M. H. 519, 520, ua lawelawe pu oia i kana oihana kaula me Hagai. Ua loaa iaia keia mau hihio me na wanana i ka po o Kaloa o ka mahina o Nana (Marakin 24), M. H. 520. Ua pili keia haawina i ka hopena o ka haawina mamua iho. He mau makahiki he 15 mamua iho o keia wanana a Zekaria, ua hoomaka e ka poe Iudaio e kukulu hou i ka pa o ka luakini. Aka nae, ua nui na mea kue, ko lakou ano nawaliwali, ka hooikaika o ko lakou poe enemi, ke ano uuke ae o ko lakou luakini, na palapala hoopii mai ko lakou poe enemi i na luna aupuni ma Babulona. O keia haawina kekahi o ka papa lalani o na hihio ewalu i loaa ai ia Zekaria i ka po hookahi i mea e hooikaika ai i ka poe Iudaio. [1] O Iehova ke Akua hooponopono mau; [2] o kona mau mana oia no ka mea e pau loa ai ka lanakila o ko lakou poe enemi; [3] o ka hooulu ana i ka lahui Iudaio, a hiki i ka nele o na pa ole no ke kalanakauhale e paa ai a hoomalu ai; [4] o ko lakou mau hewa, ua kalaia aku lakou, oia no ka olalo i hoikeia ma keia haawina. Ua pili kekahi apana nui o ka Zekaria mau wanana la Iesu, Zek. 2:10, 11; 4:6, 7; 9:9; 11:12, 13; 12:10-14; 13:1, 6, 7. O kekahi ke ano kiekie o ka Iseraela o Iesu ke kiaaina kahuna, nona o Iosua me Kolopapeha he mau hoailona, Zek. 6:10, 15; 14:8, 9.

1. Oia—oia no o Iehova. Iosua—Iosua ma Ezera 3:2. Ku—e like me ka mea hoike imua o ka lunakanawai. Aneia—ola no o Iesu, nona ka mana hookolokolo, Ioaue 5:22. Satana—ka mea hoopii ma kona ano maoli, ka mea hoohalahala wale i ka poe pono. 2. Iehova—oia no ka Haku ma ka unuhi pololei ana, i kapaia ka anela, pp. 1, 5, 6, Momokuahi—he mea i kalaia aku kona hala, e like me ka poe m moio a pau loa, he mau mea make i hoolaaia ma o Iesu Kristo la. 4. Poe—na kaukaualii imua o Iehova, Hoik. 22:9. Inoino—he hoailona o ke ano hewa. Ua huikalaia ka poe manaolo a loaa ia lakou ke ano maeinae a me ka hemolele. Nani—he hoailona o ka poe i hoolaia 5. Au—oia no ke kaula o Zekaria, e makemake ana i ke ano piha kui o ka hemolele ana. Papale kahuna—he papale koki i maheleia ma na aoao; i kau ma ke ano paliku ma ke alo o ke poo, aole i kau loihi ia e like me ko na kapena manuwa, me na mahele ma ke alo. 7. Wahi e ai—me ka mana e komo mau ai i ka pomaikai lani. Ke—na alii aialo o Iehova. 8. Hoailona—e hoike ana ma ke ano huna i ka oihana papalua o Iesu, ko ke alii a me ko ke kahuna. Kauwa—he inoa maa mau no Iesu, Isaia 42:1; 49:3. Lala-oia ka inoa wanana o Iesu, Isaia 4:2, 11:1. Zek. 6:12. 9. Pohaku—kihi, oia hoi o Iesu, Halelu 118:22. Mataio 21:41. 1 Petero 2:4-7. Epeso 2:20, 21. Ehiku na maka—he hoailona keia o ka ike palena ole o Iesu. 10. Kumuwaina, fiku—he mau hoailona o ka wa maluhia, aole i okiia na kumu huaai e like me ke ano hana o ka wa kaua, e hoopau loa ana i na mea pono, hooopomaikai ai I ka lahui, Kanawailua 20:19.

            HE MAU NIELE.

            Na aahu paumaele, 1-3. Heaha ka hihio eha a Zekaria i nana aku ai ma keia haawina? Owai la ka anela o Iehova? Heaha ka hana a Satana imua imua o Iehova? Heaha ka oihana a Iesu? Pehea e lanakila ai o Iesu maluna o ka Satana olelo hoopii imua o ka mea manaoio? Pehea i like ai ke ano noho’na o ka peo Iudaio me ka momokuahi? Amosa 4:9-112. Ua lawa anei ko Iesu oihana kumuao i mea e ola ai ka poe hewa? Heaha ka mohai huikala a Iesu ma kona ano oihana kahuna kalahala? Heaha na ano o Iosua I ka wa mamua? Heaha ke ano kanaka i hoailonaia ma na aahu paumaele? Isaia 64:6.

            Na aahu maemae, 4-7. Heaha ke kauoha a ka anela o Iehova i na kaukaualii? Heaha kana olelo hoopomaikai ia Iosua? Heaha ke ano hou I hoailonaia ma ka hookomo ana i na aahu nani? Isaia 1:10. Hoik. 7:14, 19:8. Ieremia 23:6. Heaha oleloao a ke kaula? Heaha ke ano hou i hoailona ia ma ke kau ana i ka papale, ke ano lanakila paha, ke ano meholele paha? Puk. 28:36-39. Heaha kekahi olelo hoopomaikai hou aku mai ia Iesu mai? Heaha ka Iesu oleloao i ka anela o ka ekalesia o Laodikeia? Hoikeana 13:17, 18. Owai ka mea I hoailona ia ma o Iosua la ke kahuna nui Iudaio? Heb. 4:14-16; 5:1-6. Heaha na palena no na kanaka e makemake ana e komo wale i ka pomaikai lani? Ua loaa emoole anei i ka peo manaoio ke ano hemolele piha pono? Roma 6:22; 8:10, 11. Ua lawa anei ko kakou malama ana i ka pono i mea e ola ai kakou? Tito 3:8. Owai ka poe kupono e hooholo loa ai i ka hana a ka Haku? 1 Korineto 3:9. 2 Korineto 6:1. O ke ano maemae he kumu anei keia o ka hoolaia ana, a i ole he pomaikai pili i ka manaoio?

            Ka wanana o ke Akua Hoola, 8-10. Heaha ka olelo hoopomaikai hou I Iehova? Owai ke kauwa i oleloia? Ua hooko anei o Iesu i kona manao ponoi, a i ole i ko ka Makua? Ioane 4:34; 5:36. Owai ka Lala? Isaia 11:1; Ieremia 23:5. Pehea o maokaka ai ko Iesu ano akua? Owai ka mea hookahi e hiki iaia ke kala aku i ka hewa? Heaha ka pomaikai i loaa ai i ka poe manaoio? O ka noho oluolu ana, oia anei ka pahu hopu o ka mea imi pono, a i ole paha, ke ano like me Iesu? Heaha ka oihana a kela a me keia mea manaoil? Heb. 8;8-12. Owai ka mea i kapaia ka pohaku i kalaiia? Isaia 28:16. Daniela 2:34-44. Heaha ka olelo hoopomaikai no ka wa e hiki mai ana? Isaia 2:4.

HE MAU MANAO PILI.

1. Ua pono ke pihoihoi e pili ana i ka lanakila o ka hana a ka Haku?

2. Heaha ka Iehova mau hana e hoolana ai i ka manao o ka poe manaolo?

3. Ua hiki anei i ka poe hoomauhala ke komo i ka pmaikai lani?

4. Ua hoapono wale ia ke kanaka hewa, i loaa oie iaia ke ano maemau hou?

5. Ua loaa anei i ka mea manaoio ka pomaikai kumupaa?

 

Ke Kamaiki Karisimaka.

 

            E kala wale i koliu aku la, a ma ka po mamua koke iho no o ke Karikimaka, aia he wahi kamaiki opio i auwana hele ae ma na alanui o ke kahi kalanakauhale, a ke maalo ae la he mau makuakane a me na makuahine me na puoio makana no ka lakou mau kamalei opio, a he mau kukaa okoa no hoi kekahi maluna o na kaa i aoloia ae e moe ana kaoo i na home, no ke kaana pu ana me ka lakou mau kamalei i na ohohia o ia po.

            I ka nana aku i keia wahi kamaiki, me he la aohe ona wahi home, a o ke kuewa hele wale iho la no, a pa i uka, pa i kai, e kiei ai ma na puka aniani a e  ha-lo ana I na kukui e a-a ana.

            Aole no hoi he wahi pa-e leo iki ia mai o ua wahi kamaiki, a o Iaka Noe wale iho no keia e lalau hele nei o ka po me na wahi wawae olohelohe ona, a e pa ana ka makani kukulu akau, a ke mea iho la ua wahi keiki nei e uwe—oh! he keu maoli no ke anu o kela po aole i kanamai ka huihui.

            Pa i uka a pa i kai ua wahi kieki nei, a ke hele loa mai la na alani a paa i ka hau, a ke naue hele nei no nae he wahi makaiki no nae he wahi kamaiki ole, a he oki loa aku no hoi kahi kakini ole; eia nae ua olioli loa no ua wahi keiki nei, no ka mea, he po Karisimaka ia, a i ka nana aku no hoi, ua hauoli pu no ko ke ao a pau ma ia po Karisimaka. Ma na wahi a pau ke nana aku, ke oaoaka mai la na kukui ma na puka aniani, a ina e kiei iki wale no kekahi ia loko, aole no auanei e nele kona ike aku i na ihoiho kukui e a-a ana me na kumulaau Karisimaka pu.

            Maloko o kekahi mau hale, ua hoohihipea ia me na makana no na kamalei, a ma kekahi hi mau wahi hoi, nana aku la kahi kamaiki, ua piha i na kamaliikane a me na kamaliiwahine e paani nui ana, a punia pu ae la ka hale i ko lakou mau leo hauoli, a he hiki no ke lohe ia aku mawaho aku o na paia a hala loa aku no ma na alanui. Olioli loa ua wahi keiki nei, a noke iho la ua wahi keiki nei i ka pa’i pa’i i na wahi lima ona, a i ae la: “Kahihi! Hauoli maoli ka hoi la kou la!! E ae mai ana no lakou la ia’u e hui pu aku me lakou ma ko lakou rumi pumehana a hookahi ka paani pu ana.”

            Me ka makau ole, pii aku la no ua wahi keiki nei ma ke alanuipii, a pihi malie aku la a ku ana ma ka puka me ia hamama no o ka puka. Ma ka puka e ku ana he kanaka i kahiko nani ia me na kamaa i hele a palahinu, a nana mai la oia i ua wahi keiki nei me na maka makona a luliluli iho la kona poo me ka i ana mai:

            “E iho koke aku oe ilalo mai kola anuu aku, no ka mea, aohe ou rumi o onei.” He nanaina hoihoi ole maoli no ko ua kanaka nei maluna o kahi kamaiki, aia no kona ake nui i kana mau kamalei a hauoli mai la, i ole ai kahi o lakou e oili ae mawaho i ka huihui.

            Olino mai la na kukui ma ka puka, a he pumahana maoli no, aka, ua kaha aku la no ua wahi keiki nei hele me ia pouli no, a e iniki hui iho ana ke auu; a aole no hoi i maopopo, heaha ia ke kumu o kela kanaka I pane mai ai peia, a no ka mea, ua maopopo lea no, he hoihoi loa no kela poe kamalii e loaa hou mai ona hoa paani no lakou a hookahi ka hauoli pu ana i ke Karikimaka, a aole no hoi i maopopo i ua poe kamalii nei ka ianei kikeke aua aku.

            I keia wa, ua oi loa mai la ke anu a me ka pouli o ia po, a aneane e nalohia ae ka malamalama o na puka aniani, no ka mea, ua hele mai la ua wahi keiki nei a kupilikii; aka ma kela a me keia aoao o ke alanui, aia no ke oaoaka mai la na kukui a he kohu ao maoli no; a o keia mau hiohiona nani pau, ua pii hou ae la ka hoihoi o ua wahi keiki.

            Ua paa pu ke kulanakauhale me na home oluolu ia po, a o na iniki hui o waho, he mea ole ia. O ka hana nui wale no o ia po, he hauoli; a aole he mea e kanalua ai, aia pu no kela a me keia pakahi o ke ao holookoa ma ia haawina hookahi.

            Ma kekahi mau wahi home pauanaiki a ano maikai no hoi, aia he makuakane wale no, a o kahi keiki hoi, ke auwana hele la.

            I ka nana aku, ua aneane maoli no e piha na hale i na kamalii, e lelele ana a e haualaoa ana ma o a maanei, a ma ka hapa nui o na puka aniani, e kuku ana na kumulaau Karikimaka i hele a luluu me na kii malimili, na o’le, na kii pepe, na buke a me na puulu e ae o na mea nani; a ma kekahi wahi hoi, he wahi kii hipa keiki i hanaia me ka hulu hipa keokeo e lewalewa ana ma ke kumulaau na kekahi no hoi o na kamalii.

            Ku iho la ua wahi keiki nei ma ka puka aniani, e alo-alo ana i na mea nani o loko, a eleu koke aku la oia ma ka nee loa ana aku a pili i ka puka aniani. Hele mai la he wahi kaikamahine uuku a kiei mai la i waho a ike mai la ia Iaka Noe, aka aole nohe hoihoi ia mai o ianei, luliluli ae la kona poo a pane mai la: “No kahi wa aku hele mai oe, no ka mea, aole e hiki ia makou ke maliu aku ia oe i keia wa,” a kaha aku la no ua wahi kamaiki nei hele.

            No keia pane, ua huli hoi mai la no ua wahi keiki nei hele iloko o ka pouli a me kona hukiki hou ana i ke anu, a kuoe hou aku la me ka luuluu me ka i ana iho: “Aole no anei kekahi e hui pu aku ana ia’u ma ke Karikimaka ana? Nani maoli hoi ka olino o na kukui, a o ka’u ia e aloha ae nei!”

            Hoomau aku la no ua wahi keiki nei i ka auwana hele ana i o al ianei, a ke ano nalohia ae la kona ike ana aku i ka a mai o na kukui i ka ua mea o ka noke i ka uwe.

            Hele mai la a pouli pu ke alanui a he oolowi launa ole mai, aohe paha he hoomanao ae he wahi makuakane kona, a o ka auwana wale iho la no ka ianei o ka po. Aole no hoi he wahi mea halawai iki mai me ia nei i keia po, a mawaho ae o na mea a pau a ke ao holookoa e hamau la, o ke anu a me ka pouli wale no ka ua wahi keiki nei e ike nei. Iaia e hoomau nei i ka nee ana imua, ua hoopuiwa koke ia mai la ua wahi keiki nei ma o kona ike ana aku i ke kauwahi kukui e uiuiki mai ana imua pono ona, mai waena mai o ka pouli, a ku iki iho la ua wahi keiki nei, a i iho la:

            “E hele ana ka hoi au e ike pono i kela kukui, malia paha o ae mai lakou ia’u e hui pu aku ma ko lakou Karisimaka ana.”

            E au e au ua wahi keiki nei a ke hala ae la kauhale i hope, kaiamoe pololei aku la no ua wahi keiki nei i kahi o ke kukui e a mai ana; a eia ka he wahi pupupu hale, a he ike wale aku no kahi keiki i kahi kukui ma kahi puka aniani, oiai, aole he paku puka aniani—he kukui aha kela i kau hoomaopopo ana? Aole he kukui e ae, aka he wahi ihoiho kukui aila bipi, a i ka nana aku a ua wahi kamaiki auwana nei, he like ka malamalama o loko o ua wahi hale nei me he ao la, a hauoli hou ae la ua wahi keiki nei. Ua hookomoia ua wahi kukui nei iloko o ke kiaha i kahi ke au, a iloko no hoi o ua wahi iaha la, kekahi mau wahi lipo o ka waokele, a o ka lakou wahi kumulaau Karisimaka no ia ia po.

            Owai la kau i hoomaopopo ai iloko o ka hale, malia paha he ohana I piha me na lealea? Aole, aka he makuahine maemae, me ka bebe e noho ana ma kona mau kuli, a o kekahi o kana hapuu e noho ana ma kona aoao, a e kau pono ana na maka o laua maluna o ko lana makuahine me kahoolohe pu i na huaolelo oiuolu mai ka makua mai, a ma kapuahi, he mau wahi nanahu e a ana, a nolaila ua malamalama a mahana o loko o ua wahi hale nei.

            Hookokoke aku la no na wahi kamaiki la ma ka puka aniani, a me ka eleu nui, kikeke aku ia oia ma ka puka aniani, a hoelai malie iho la ka ohana o loko o kahi hale.

            “E wehe ae hoi ha wau i ka puka e mama? Wahi a kahi kaikamahine, i kona makuahine.

            “Pela no hoi paha e ke keiki, aohe pono e hookuu wale kekahi ma waho i ke nuu o keia po Karisimaka—wehe ka puka a e hookomo mai i ka malihini iloko nei.”

            Hamama ae ia ka puka i kahi kaikamahine, a kiei aku la ua wahi kai makahine la iwaho o ka hale me ka pouli no e aaki ana, a ike aku la i kahi auwana o ka po, lalau aku la kona lima a ka’i mai la ia i kahi kamaiki iloko, a apo aloha mai la ka makuahine i ua wahi keiki nei me ka waiohia o ka naau, i ka ike ana mai ia ianei, ua hele aohe nao, a e haukeke ana, ua hele a kuulu-lu.

            Pane mai la na wahi kamaiki mea hale: “E ke kamaiki aloha, ua hele a haukeke i ke anu, hele mai i hooopumahana aku ia oe me ke aloha, a e hui pu mai kakou ma ke Karikimaka.

            Oili aku la kahi bebe mai ka poli aku o ka makuahine a kuku pu nui a hookahi ka hui pu ana me ka malihini auwaua o ka po, a ku poai aku la na kamaiki a pau 3 ma ke alo o ka makuahine, a milikaa aku la ua poe keiki la i ka makuahine, a puili aloha mai la ka makuahine ia lakou a pau, a holo punia ae la ka malamalama o kahi ihoiho kukui me ka nanahu o kapuahi mai o a o o kahi hale o lakou a ua lai iho la na mea a pau.

            Pane aku la ka makuahine me ka malie loa: “E hai aku au i ka moolelo Karikimaka oiaio maoili ia oukou e na keike ea?” “Oi hoi ha,” I hooho like mai ai na kamaiki; a ua hoomaka aku la ka makuahine e hoike:

            “He nui a he lehulehu wale o na makahiki I kaahope aku la, aia kekahi mau kahuhipa ma ke kula e malama ana i ka lakou mau hipa, ua pau na hipa i ka hiamoe, a ke olino mai la na hoku a he kalae maoli no ka lewa ia po, a oia no keia po a kakou e ike nei; e noho ana na kahuhipa me ka hamau, a e kalele ana maluna o ko lakou mau kookoo kahuhipa me ka oni ole. Me ke makaliao, punia ae la lakou me kekahi malamalama kupanaha iwaena o ia pouli, aole nae i maopopo ia lakou, heaha la keia mea, aole i kanamai ko lakou makau. Alaila he anela me ka nani e alohilohi ana, hele mai la i lakou la, a I mai la: Mai makau oukou, no ka mea, ua hiki mai ka olioli nui i ko ke ao nei, oiai he bebe hou loa, o ka hanau ana mai la no ia, ka mea hoi e lilo aku ana i Moi no ke ao nei, a e hoola auanei oia ia lakou mai ko lakou hewa mai, a hana hoi i mea maikia he nui no na kanaka a pau. Kuhikuhi pololei aku la ka anela ia lakou i kahi e loaa ai ua keiki la ia lakou, a ua wa-hi ia i ke kapa keiki, a e waiho ana ma kahi hanai holoholona.

            “A emoole hoi, aia hoi, hui pu ae la me ua anela nei ka lehulehu o na puali lani, a piha pu ae la ka lewa i ko lakou mela ana, e hooho like ana me ka i ana:

            E hoonani ia ke Akua ma na lani kiekie loa, a ma ka honua, he malu a he aloha no i kanaka.

            Alohi ae la ka malamalama a puni lakou, a nalo aku la ua anela la ma na ao kaalelewa o ka lani ma ia po kamhao nui wale.

            A hala aku ia ka anela, wa iho la na kahuhipa ia lakou iho no me ka i nui ana ae: “E hele kakou e ike i ke keiki a ka anela i hai mai nei ia kakou.

            Nolanila, me ia manao o lakou, ua haalele iho lakou i na hipa ma ke kula a lawe ae la lakou i na kookoo kahuhipa o lakou ma na lima a hoi pololei aku la lakou ia po.

            He loihi keia hele ana a lakou e hele nei a he pouli no hoi, aka aia he kukui lani ko lakou mamua pono e alohi mai la oia hoi kela Hoku Kupanaha e kau kehakeha iho ana maluna pono iho o kahi o ua keiki la, a hookolo aku lakou ma ua hoku la a hiki i kahi a ka anela i kuhikuhi mai ai.

            Loaa io aku la no ua keiki la ia lakou e moe ana ma kahi hanai holoholona, a oia ka lakou i koike ae ai, ua hele mai lakou e ike i ua keiki la, a me ko lakou loke ana mai i ka anela ma ke kula, a me ka malamalama kupanaha, na puali lani e mele ana, a ke lohe la ka lehulehu I na mea kapanaha ma ia po mai na kahuhipa aku.

            Hoi hou aku la lakou ma ke kula e malama i na hipa, a e hoike aku ana i kela a me keia e halawai aku ana me lakou ma ko ala.

            Kapa iho la lakou i ua keiki la o Iesu, a nui ae la ua keiki la, a pii pu ae la me kona ikaika a me kona kilakila, a e oi loa ae ana iwaena o na keiki a kanaka, a ao ae la o Iesu i ko ke ao a pau, e ahloha kekahi i kekahi, e like me ko kakou Makua i ka lani, he maikai a he aloha Kona ia kakou a pau.”

            Hoomaha ka makuahine i kana kamailio ana. O ae ia ka malamalama a puni ka rumi o lakou, a he kohu ao maoli no. A aia ka, ia nana ana aku a na keiki i ka poli o ka makuahine, aohe mea; o kahi kamaiki, na oili ae, a noho alii ne la ka malamalama a puni ka hale.

            “E na keiki, ke manaoio nei au, eia he Keiki Kristo me kakou i keia po. I pane ae ai ka makuahine.

            Puili mai la ka makuahine i kana mau kamaiki i ona la, a hone aku la ia lakou, a piha ae la ka hale i ka hauoli.

            “O ka mea launa mai me he keiki @ku la ma ko’u inoa, me a’u ia.”

            “Aia hoi! Ouau pu no me oukou i na @ a pau.”

 

KOOLAHA HUMUA.

OLELO HOOLAHA.

            E ike auanei na mea a pau owauo ka mea nona ka inoa malalo iho, ke papa @ ke ka@ loa aku nei au i kuu apana aina e waiho ia ma ke ahapuaa o @hoehoe, Kona Akua, Hawaii, aole hookuu wale na mea holoholona@ ina e loaa i ku’u @ hookohu ia e a’u oia o A. P. Nahulu e aku ia e like me ke kanawai.

            H. W. HALULU.

            Honolulu, Nov. 10, 1892.  2415-2m

 

Hoolaha a ka Lunahooponopono Waiwai.

            O na poe a pau he mau koina ka lakou i ka waiwai o KEKAHA i make o Waiehu. Wailuku, Maui. Ko Hawaii Pae Aina, e hoouua koke mai me na hooia kuono i hoohiki ia imua o ka No@ari o ka Lehulehu, i ka mea nona ka inoa malalo iho ka mea i hookuhu ia i Lunahooponopono Waiwai no ka waiwai o ka mea i make, maloko mai o ua malama eono, a i ole ia e hooie mau loa ia aku no. O ka poe a pau i aie i ka waiwawi o ka mea i make, e hookaa koke mai ma ka manawa a mamua ae o ka pau ana o ka eono malama.

            W. H. Daniels,

            Lunahooponopono Waiwai Kekaha i make Wailuku, Maui, Oct. 23, 1892. 2114- 6m

 

Hoolaha Hookapu Aina.

            Ke papa a hookapu loa ia aku nei ka holo ana o ua holoholona o ka poe e ae maluna o na aina hauai holoholona o’u ma Piihonua a me ka hapa mauka o Humuula. Hilo, Hawaii, a ke kauoha ia aku nei e hoonee aku i na holoholona me ka hookaulua ole, a i ole, e hoopii ia no e like me ke kanawai.

            J. T. Baker,

            Hilo, Hawaii, Mar. 31, 1892    @

 

KAUKA LEONG KENG TONG.

(L. Akina.)

            E ike auanei na ano lahui a pau, e noho ana ma ke Aupuni Hawaii, mai na kane, wahine a me na keiki: i loaa i na ma’i o kela a me keia ano, e naue mai i ko’u keena hana, a na’u e hoopau aku i na ehaeha a ka ma’I maluna o koukou e na makamaka, ke hiki ia’u ke lapaau i na ano ma’I a pau: ma’i ilioko o ka opu, hu’I ke kino aki iloko o ka iwi, eha o ke poo, ma’I wahine, a plea aku. Mai hoololohe aku e na hoa, a he hiki ia’u ke lapaau i ka ma’i hookaawale ohana. Hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana: ua makuakau au e pulama mai i na kono ana mai mai na Mokupuni mai, me ka eleu me ka hikiwawe loa, he makamaka a he hoaloha maikai no ou e na Hawaii oiaio.

            Dr. L. Akina,

            Helu 40. Huina o na Alanui Kamika a me Hotele Honolulu.    2105-1w

 

Hale Hana Kopa o Honolulu.

            Ua paa aeuei ka Hale Hana Sopa Mahu Hon o ka poe no lakou na inoa malalo iho a na makaukau lakou e hoolawa aku i ka poe piepiele i na

Kopa Maikai Loa Maoli

I hookomo ia iloko o na Pahu 100 paena mai ke 42 a 56 auka Kopa pakahi.

Ke hooia nei makon i ka oi o la MAIKAI o ka makou KOPA mamua o na Kopa o waho mai.

 

            Ua kuai ia mawaho o ka makon mau Pahu me ka hoailona “HONOLULU SOAP CO.,” a e

 

Kuai ia e na Halekaui

. Liilii a Pau.

 

HUI HANA KOPA O HONOLULU

 

M. W. McChesney & sons,

Na Egona.

2396

 

PAPA! PAPA!

AIA MA KAHI O

Lewers & Cooke

(LUI MA),

Ma ke kahua hema o Alanui Papu me Moi.

 

E LOAA NO NA

PAPA NOUAIKI

O kela a me kaia ano,

 

Na Pani Puka, na Puka Aniani,

na Olepelepe, na Pou, na O’a,

na Papa Hele, na Papu Ku,

me na Papa Moe he nui loa.

 

NA PILI HALE O NA ANO A PAU

A me na

            WAI HOOHINUHINU NANI

O na ano a pau loa.

 

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka lana oihana no ka

 

Uku Haahaa Loa,

E like me ka mea e holo ana mawaena

o Laua a me ka Mea Kuai.

 

Hele Mai e Wae no Ouko iho.

2896-q

 

Hoolaha Kumau.

 

KAKELA

ME

KUKE

 

KA-HALEKUAI-NUI

O NA

WAIWAI LIKE OLE

 

NA LAKO:

HANA KAMANA A PAU

Na Pahi,

Na Upa,

Na Palapala,

Na Pena, a ma ua

 

KAA – PALALA

NA IPUKUKUI ME KA AILA

PALAU!

A me na mea Mahina.

 

NA PAKEKE POI

Na Ipuhao,

Na Iliwai,

Na Makau, a me na

Aho Lawaia.

 

Mikini Humuhumu

MIKINI A WILCOX ME GIBBS

Na Mikini a Remington.

 

Kakela me Kuke

@

KA AYER SASEPARILA

 

Oia ka LAAU oi loa o ka maika no na mai i hookumu ia mai ke koko ino mai. Ua oi loa ae hoi, no ka mea, o kona kahua i hookumuia ai o ka

 

Honodorusa Saseparila Oiaio.

 

            No ka mea, o ka LAU NAHELEHELE a me na mea a pau i maa i ka hoohuihui ia, oia na laau oi loa o ka maikai, a no ka mea hoi ua ike ia ka waiwai io ma ka lapaau ana i na MA’I o ke KOKO – ua oi ka

 

Ayer Saseparila

ma na mea a pau e hooikaika a e kukulu hou ai i ke kino i hoonawaliwali ia e ka ma’i a me ka cha.

            Ua hoonoono ia ka ai, ua hoopau ia ka ma’i o ka waihona hoowali ai, ua hooikaika ia ke Ake a me ka Puu Hoowali ai, a hoohana maikai ia na lala a pau o ke kino. Ua hookuke ia mai ke kino ae, ka laau make o ka ALAALA, ua hoola ia na EHA, na PUHA, na RUMATIKA, na MAIHEHE, na HUEHUE a me na ma’i ma ke poo kahe wale o ka hupe, a ma na wahi a pau ke hooia mai nei na Kauka alakai i ka maikai o kela laau.

            Ke hoola nei la hai, a e hoola no hoi ia oe.

            No ke HUNU a me ke ANU o ka

Ayer Cherry Pectoral

ka laau lapaau alakai o na ohana.

            No ka NALULU, ka LEPOPAA, ka LENA a me kekahi mau meainoino e ae o ka opu, e lawe i ka

AYER HUAALE CATHARTIC

E makemakenniia nei e ko ke ao puni.

            Hoomakaukauia e Kauka J. C. AYER & Co., Lowell, Masekuseta.

 

HOLLISTER & CO.

Na Agena ma ka Paeaina Hawaii.

2336-q