Ka Nupepa Kuokoa, Volume XXXII, Number 3, 21 January 1893 — No ka Lai Pohu o Kona [ARTICLE]

No ka Lai Pohu o Kona

ALOHA OE; —Ua hoike ae na kula Sabati o na Ekalesia hui o Kailua a me Healani ma Kahaluu, malalo o ka noho kahu kula Sabati nui ana o David Alawa, ua koho ia na komite e nana i na kula oi, eia na inoa o na komite, S. Beniamin, Kaalawamaka Esq., J. W. Keliikoa a me Solo. Hanohano o Kona Hema; no ke kula Sabati o Kailua, he ekolu no mahele; ka papa o na makana, papa o na opio, a me ko na pokii, he maikai no na haawina a me na himeni. Ua kahea ia mai ko Keauhou a me ko Keauhou uka; no keia papa, ua lawe ae oia i ka hanohano o ka la; no Kahaluu, oia ka heiu ekolu, haule loa oe e Kawaipukaiki, aole oe pela i na kau mamua ae nei, nau e lawe i ka haaheo i na hoike a pau, aka, aole au e i ae ana ua haule loa oe, ke ole au e kuhihewa aia no iluna. Mahope mai he mau olelo paipai na S. W. Pa, a na Rev. W. M. Kalaiwaa i kokua mai, pau ia, ua puka mai la na komite me ko lakou manao, ua lilo ia Keauhou ka helu ekahi, he mau olelo paipai na ke kahu kula Sabati nui, a ua hookuu ia na hana me ka maluhia. Malaila ae ke alii Poomaikalani, a me na poe hanohano. Dec. 30, 1892, ua pauahao mai la i keia ola ana o Mr. Keopuhau ma kona wahi noho ma Kaumalumalu Kona, a hoi aku la ma ke la aoao o ka honua, aloha ino ia kamaaina a me ia hale heahea oia mau maka lae. He 42 paha a oi ka nui o kona mau makahiki. W. H. K. KAHULANUI Kahaluu, N. Kona, Ian. 5, 1893. Ke pii mahuahua mai nei ka makemake ia o ka Chamberlain Colie Chorela a me Diarrhoea Laau Lapaau Ola, mamuli o ka ike o ka poe a pau i hoaho i na hopena maikai i loaa mai, a na lakou aku hoi i hoikeike aku i ko lakou mau hoalauna. Ke hilinai nei makou aohe mau hookaulana kiekie e ae a nui. E kual ia aku no e na mea kuai laau lapaau a pai, BENSON, SMITH & Co. na Agena ma Honolulu. He nui ka hoonaluea ana a ka maʻi ma ka opu i keia kau, wahi a G. W. Shivell, ka mea kuai laau lapaau, o Wickliffe, Kenetuke, "a ua nui launa ole mai na noi o ka Chamberlain Colie, Cholera a me Diarrhoea Laau Lapaau Ola. Ua hoolilo aku au ma ke kuai ia eha mau omole o keia laau i keia kakahiaka. Ua ike ia kekahi ola ano kupanaha a keia laau, a ma na maʻu no a pau ua keu a ka holopono." E kuai ia aku no e na poe kuai laau lapaau a pau, BENSON, SMITH & Co. na Agena ma Honolulu. 2406-4t