Ka Nupepa Kuokoa, Volume XXXII, Number 3, 21 January 1893 — KE AUPUNI KUIKAWA. [ARTICLE]

KE AUPUNI KUIKAWA.

Ua hoopau ia iloko o ka manawa pokole loa ke aupuni Moi o Hawaii ua kipaku ia ka Moiwahine mai ka noho alii aku a ua hoopau ia na Kuhina a me ka Ilamuku mai na oihana aku. Ua ulu mai keia mau mea a pau mawaena o ka la 14 o lanuari, ka wa a ka Moiwahine i hooholo ai e onou mai i kumukanawai hou ma ke ano hookahuli aupuni a haule pu, a ma ka Ia 17 koke mai no. I keia wa, ke hoomalu ia nei kakou e ke Aupuni Kuikawa a hiki i ka wa e ike ia ai ka hopena o ka huakai a ke Komisina i hoouna ia aku nei i Wasinetona no ke kukakuka ana me Amerika Huipuia. A ole Aupuni e ae o Hawaii e ku nei, o ke aupuni wale no i kukulu ia e na makaainana naauao ma ka Poalua aku nei. Ua ike koke ia mai keia aupuni kuikawa e na Kanikela o na aupuni noho makamaka mai me Hawaii nei, a koe elua a e ekolu paha. Aka, e pau loa mai ana no i ka ike, oia ka mea maopopo. O ka makou e ao aku nei, e hoomau aku na kanaka Hawaii i ka malama i ka maluhia, aole ka lioeueu i na mea e ulu mai ai ka haunaele. O ka makou kumuhana e noi nei no ka pono a me ka pomaikai o na Hawaii, ina e noho ana kakou malalo o kekahi Aupuni eae ma keia mua iho, alaila, e haawi ia i kuleana hookuonoono i na poo o na ohana, mailoko mai o na Aina Aiii mahuahua e waiho nei mai Ilawaii a Kauai. Ke makemake nei makou, e lilo o makou ka hikimua ma keia kumuhana.