Ka Nupepa Kuokoa, Volume XXXII, Number 3, 21 January 1893 — Untitled [ARTICLE]

Ua paa he alanui no ka lio e hele ai a kokoke i kahi o ka lua pele o Ilalemaumau ma Kilauea, a e maalahi ana ka poe maloeloe i ka hele wawae i ka lua o ka pele e a ai. Ua ike ia kekahi mokukuna malihlni e lelepaudi ana mawaho loa aku o Laeahi i ka Poalua nei, a ua koho ia o ua moku opiuma paha e kali mai ana o ka ike i na hoailona o uka aku nei o ka aina e koi aku ana e hoolele mai. Ua hoohui ia ma ka berita o ka mare o Mr. William Kahlbaum me Miss Kaai Kiliona, na G. W. Nakaa laua i awaiaulu ae ma ka home noho o ke kane ma alanui Liliha, Ian. 11. E mahalo ia ka mare no na mea a pau. Ao|e paha i poina na makamaka ia Laieikawai, ke kaikamahine puukani o Paliuli, eia kona akaku a hoike ia aku, ma ka hoikeike e malama ia ana ma keia mua koke iho, e kekahi hui Hawaii. E hele nui ae 1 ka wa e hoike ia aku ai ka lohe.

Ua huki ia ka hao kalaunu mai ka pahu hae iho o ka Halealii i ka Poakolu iho nei no ka manawa maopopo ole e kau hou ae ai, a ua hoi aku ka Moiwahine i pau Liliuokalani i kona home i Waikiki e noho ai. Ua hahau iho o Ah Chonh i kona hoakanaka o ka lahui hookahi i ke ahiahi Poalua nei, me kekahi kookoo hao koikoi i pena ia a nalowale kona ano, ua pa ma ke poo a eha loa ia. O ka hookolokolo ana i keia pake ua waiho ia aku la a ka Poano. Ua kukonukonu no kahi o ke poo i pa ai i ke kookoo. Ua hookiekie ia aenei o Kapena W. Davies o ka mokuahi Waila, i Luna nui no ka Hui Mokuahi o Waila mauka nei o ka aina, ma kahi o Kapena J. A. King i hookiekie ia ia Kuhina Kalaiaina. A o kapena Cameron o ka mokuahi Likelike, oia kai lilo i kapena no ka Waila i holo aku la I Kapalakiko e hoohikihiki ai i na Komisina e holo ana i Wasenetona, no ka haawi ana ia Hawaii nei o kuikahi me Amerika Huipuia malalo o ka hoohaunaele mau o na alii hope mai nei i ko lakou mau au.