Ka Nupepa Kuokoa, Volume XXXII, Number 4, 28 January 1893 — MAKE LOA KE KANAWAI LOTARI. [ARTICLE]

MAKE LOA KE KANAWAI LOTARI.

Ua heluhelu ekolu ia i ka Poakolu nei. iloko o ka akoakoa ana a na Aha Hooko a me Kuka o ke aupuni kuikawa, ke kanawai e hoopau loa ana i ke kanawai e laikini akea ana i ka lulu piliwaiwai, oia hoi ka lotari, a nolaila ua kanu ia aku la ia mea ino hoowahawaha loa ia i ka lua kupapau o ka hoomainoino ia, a ua hapala ole ia na buke kanawai o Hawaii nei me ia mooniho awa i makemake ole ia. Ua make, ua make loa no ka wa pau ole.