Ka Nupepa Kuokoa, Volume XXXII, Number 6, 11 February 1893 — Page 1
| This text was transcribed by: | Tatiana Maumausolo |
| This work is dedicated to: | To our ancestors |
Ka Nupepa Kuokoa
KE KILOHANA POOKELA NO KA LAHUI HAWAII.
ME KO HAWAII PAEAI’NA HUIIA.
BUKE XXXII. HELU 6. HONOLULU, POAONO, FEBERUARI 11, 1893. NA HELU A PAU, 2428
Hoolaha Loio.
WILDER & CO., WAILA MA.
@a Kuai Papa a me na Lako ku@ulu hale o na ano a pau, a me @a mea e ae a pau e pono ai o @a hale.
@ihi o Alanoi Moiwahine me Papa.
JAMES M. MONSARRAT, MAUNAKEA
@0 a he Kokua ma ke Kanawai.
@HE LUNA HOOIAIO PALAPALA.
@ hana ia no ua Palapala Kuai, Palapala @limalima, a me na Palapala Pili Kana@ e ae @@@ ka olelo Hawaii. @ala no ka @ie ma ka momaki ma na Waiwai Paa. @eeonaliana: Hale Pohaku hou ma ka @o ma Waikiki o ka Halewai, alanui Ka@.
G. HITCHCOCK,
(AIKUE HIKIKOKI)
Oio a Kokua ma na mea a pau e pili ana ma ke Kanawai. @@@A NO NA BILA AIE ME KA AWIWI Hilo, Hawaii.
@ELLIE M. LOWREY,
@TARI no ka LEHULEHU
A HE
LUNA HOO@AIO PALAPALA A ME NA
PALAPALA HOOHIKI.
@eena Hana me W.R. Kakela, 1,010, ma ka @o makai o ka Hale Leia, Honolulu.
PUHALAHUA.
LOIO LOIO LOIO
@ ke ia tuai au e lawelawe Imua o na Aha @omalu a me Apana a pau o keia Aupuni. He ena Hooialo Palapala no ka Apana o Hana, @upuni e Maui.
@l@an no au I ka Ua Peepapohaku o Kaupo, a Hana I kekahi manawa.
@NTONE ROSA,
(AKONI)
@io a he Kokua me ke Kanawai.
LUNA HOOLALO PALAPALA.
Keena Hana ma Alanu Kaahumanu.
W. R. KAKELA,
@io a he Kokua me ke Kanawai.
HE LUNA HOOIAIO PALAPALA. 2370
WILLIAM C. ACHI,
OIO a he Kokua ma ke Kanawai imua o na @ a pau o keia Aupuni. @e NOTARI no ka Lehulehu a BOROKA no Waiwai Paa. @@ena Oihanam, Helu 36, Alanui Kalepa, Honolulu, Oahu.
S. SMITHIES (KAMILA,)
@TALI no ka LEHULEHU
A HE
@gena Haawi Palapala Mare
Mahukona, Kohala, Hawaii.
T. WATERHOUSE,
(WALAKAHAUKI.)
@ekuai o na Lole Nani Panio!
LAKOHAO.
Na Lako Hana Mahiko,
A PELA AKU ME NUI WALE.
@nui Maoiwahine, Honolulu.
@. HOPP & CO.,
@ Poe Hana ma ne Lako Hale o na ano a pau!
@ma Moe, Na Uluna Pulu, Etc. @ho no ka Hoolimalima ana, ua Lako Hale me ke kumuhuai emi, Honolulu.
@LLEN & ROBINSON,
@ A ME KUAI PAPA O NA ANO A PAU
E loaa no ma ka Uwa@o o Pakaka, Ho@liu, make kumukuai makepono loa, no ka @aikai o ka lehulehu e makemakeaoa a @n hale. E kipa mai a e ike kumaka.
@AUKA LEONG KENG TONG,
(L. AKINA)
@ IKEAUANEI NA ANO LAHUI A PAU. E @ noho aua ma ke Aupuni Hawaii, main a @ne, wahine a me na keiki; I loaa I na ma’I o ka a me keia ano, e anen mai I ko’u keena @a, a na’u e hoopau aku I na ehaeha a ka la’i @luna o oukou e na makemake he hiki ia’u lapaau i na ano ma’I a pau; ma’i @loko o ka @, hu’i ke kino, a@@ iloko o ka iwi, eha o ke @, ma’i wahine, a pelu aku. Mai hoololohe @ e na hoe, a he hiki ia’u ke lapaau I ka ma I @@kauwale ohana. Hele mai hookah, hele ai elua, hele mai no a pau loa; he oluolu ka @hau, ke hui me ia ma na kukui olelo ana; ua akuakau au e pulama mai I ua kono ana mai @i na Mokupuni mai, no ka elau me ka hikiawe loa, he makamaka a he hoaloha maikai @ oukou e na Hawaii olelo. DR L. AKINA,
@@elu @, Huina o na Alanui Kamika a me @@lele Honolulu
MA KE KAUOHA
KANAWAI 7
HE KANAWAI E HOOMANA AI I KE KUKULU ANA I KA PUALI KOA AUPUNI.
E hooholoia e ka Ahu Hooko a me ka Aha Kuka o ke Aupuni Kuikawa o ko Hawaii Pae Aina.
PAUKU 1. O ka inoa o ka oihana koa o ko Hawaii Pae Aina, ola no ka Puali Koa Aupuni Hawaii.
PAUKU 2. O ka Peresidena o ke Aupuni Kuikawa, ola no ka Alihikaua Nui o na Puali Koa Aupuni.
PAUKU 3. Na ka Alihikaua Nui me a mamuli o ka ae ana o ka Aha Hooko e hoonoho a hookohu I na luna koa na ukali a me na luna koa laina. O na luna koa oia no he Konela a me ka Lukanela Konela; o na luna koa ukali oia no he Mekia, Kua@a master, Luna Pu, a me ke Kauka; o na luna koa laina oia no na Kapena a me na Lukanela o keia a me keia puali. Ua hiki no I ka Alihikaua Nui a hoonoho ae i na Luna koa ana I manao ai i mau ukali nona, e hana ia mau luna koa me ka uku ole.
PAUKU 4. O na Koa Aupuni he eha mau puali ko a no ia, hookah puali ku mau me ka ukula a me Ekolu mau puali pualu i loaa ia lakou na kokua ia ana mai ke Aupuni aku I hoakakaia mahope ae nei. Eia no nae ua hiki no i ka Aha Hooko me ke apono ana mai o ka Aha Kuka e hoala i na puali e ae a lakou i manao ai he kupono.
PAUKU 5. O na puali o na Koa Aupuni e loaa no na kanaka aole i emi malalo o kanaono kumamakahi aole hoi e oi ae mamua o hookahi haneri me iwakalua, a ua hiki e loaa keia mau luna mahope ae nei: hookahi kapena, hookah lukanela ekahi, hookah lukanela elua, hookah kakiana akahi, hookah kuata master kakiana, eha mau kakiana, ewalu mau kopala a me elua hookani pila.
PAUKU 6. E hoolakoia na puali koa aupuni me na mea kaua a me na lako e ae ma kea no like me na puali o la ano iloko o ka Puali Koa o Amerika Huipuia.
PAUKU 7. O na kanaka a pau e komo ana i ka Puali Koa Aupuni e kakau inoa no lakou i ka papa inoa o ka puali, e hoohiki kokua i ke Aupuni e like me la i hoakakaia ma ke Kanawai 2 a ma kea no pu no hoi i hoakakaia ma ka Pauku 8 o keia Kanawai, a o komo no ka Manawa aole e emi malalo o hookah Makahiki.
PAUKU 8. O na luna koa a me na koa a pau o ka Puali Koa Aupuni i ko lakou wa e lilo ai i mau lala a mamua ae o ka hoomaka ana i ka hana, a pela no ma kela a me keia komo hou ana mahope mai, e hoohiki a kakau inoa i kela olelo hoohiki mahope iho nei, a ua loaa ka mana i na luna koa a pau i hookohu Maoli ia e hoohiki alu ia olelo hoohiki: Ke hoohiki oiaio nei au e kokua no wau i ke Aupuni Kuikawa o ko Hawaii Pae Aina, a e malama a kokua in a kanawai a pau a me na luna a pau i hoohanaia ma ka hooko ana o ia mau kanawai.
PAUKU 9. O na luna koa, ka poe hookani pila a me na koa a pau nana i hooko in a hana e pili ana i ka oihana koa e like me ia i hoakakaia ma keia Kanawai ua ku no lakou i ka hookuu ia ana mai ka hookaa ana i ka auhau kino a me ka auhau alanui a e hookuu ia mai ka hana ana ma kea no he juire.
PAUKU 10. Ina wa a pau a kekahi poe i lawa ko lakou nui, i kupono i ka hana koa, e kakau inoa ai i kekahi noi e hoala i puali, na ka Akukana ma ke noi ana o ua poe la, a me ka apono ana o ka Alihikaua Nui e koho i Manawa a me kahi e halawai ai no ka hoala ana.
PAUKU 11. E noho hoomalu ka Akukaua ma ka halawai a hooponopono ia mea, hooponopono i ke koho ana in a luna hookuhuia o ka puali, e hana ia ke koho ana e hana oia i papa o ka poe i hoonohoia, i palapalapala hoike no keia a me keia luna i koho ia a hooili aku i ka Alihikaua Nui.
PAUKU 12. Ua hiki no i ka Alihikaua Nui me ka ae pu ana mai o ka Aha Hooko e hoole i ka haawi ana i hookohu no kekahi luna koa i kohoia a i hoonohoia paha ina ma ko lakou manao ua kupono ole ia mea ma kekahi ano e lilo i luna koa iloko o ka Puali Koa Aupuni.
PAUKU 13. Ua hiki no i kela a me keia puali o na Puali Koa Aupuni e lawe i inoa kaawale nona iho, aka e ike ia ma o kekahi hua e like me ka mea e hoakaka ia ana e ka Akukana ma ka puali a i ole ia bataliona paha.
PAUKU 14. O kela a me keia puali mahope koke iho o kona kukulu ia ana e komo i ka hana o ke Aupuni, a e noho malalo o na kauoha o ka Alihikaua Nui.
PAUKA 15. Na ka Alihikaua Nui me ka apono ana o ka Aha Hooko e hana i na rula a me na hooponopono ana no ka hoomalu a hooponopono ana o na puali koa ana i manao ai ua kupono.
PAUKU 16. O na Puali Koa Aupuni i kukulu ia mamuli o kela nei e hoolako ia no lakou e ke Aupuni a e loaa no ia iakou ka uku no ka lakou hana e like me ka mea e hooholo ia ana e na Aha Hooko me Aha Kuka.
PAUKU 17. Ua hiki no e hoopau ia ka Puali Koa Aupuni, a i ole ia o kekahi hapa paha, ma ke kauoha o ka Aha Hooko. PAUKU 18. O ka mokuna 52 o na kanawai o 1890 a me na kanawai a me na hapa kanawai e ae a pau e kue ana i keia, ke hoopau loa ia nei.
PAUKU 19. E man@ keia kanawai mai kona hoolaha ia ana aku. Aponoia i keia la 27 o Ianuari M. H. 1893. (Kakauinoaia)
SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia) J.A. King, Kuhina Kalaiaina.
KANAWAI 8
HE KANAWAI E PILI ANA I NA HEWA HOALAAKIPI.
E hoohoioia e ka Aha Hooko a me ka Aha Kuka o ke Aupuni Kuikawa o ko Hawaii Pae Aina.
PAUKU 1. O na mea a pau ua hana i ka hewa mikamina ina hoolaha aku ma ka olelo waha ana a ma kekahi ano e ae paha i kekahi mau olelo a palapala paha me ka manao hooalaala kipi. Ina o ka mea i hoolahaia pela he mau olelo i kamailioia, ua kapaia ka hewa he hoopuka ana i na huaolelo hoalaala kipi. Ina o ka mea i hoolahaia peia he mau huaolelo i kakauia a i oleia i paiia, ua kapaia ka hewa he hoolaha ana i ka laipila hoalaala kipi.
PAUKU 2. O na mea a pau ua hana i ka hewa mikamina ina ua ae me kekahi mea a mau mea paha e haua i kekahi hana i mea e kokua e holomua ai paha kekahi manao hoalaala kipi i loaa ia laua a i oleia ia lakou no paha apau. Oia ano hewa ua kapaia he ohumu hoalaala kipi.
PAUKU 3. O ka manao hoalaala kipi he manao no ia e manao inoia a hoowahawahia, a i oleia e hoala i na manao kue i ke Aupuni Kuikawa o ko Hawaii Pae Aina, a i oleia i na kanawai o ia aupuni, a i oleia e paipai a hoala i na kanaka e hoao me ka ikaika e hoanoe ae i kekahi mea i hana ia mamuli o na kanawai o ke Aupuni Kuikawa, a i oleia e hoala i na kue a kipi ana i ke Aupuni Kuikawa, a i oleia e kokua i ka hoala ana i manao ino a kue mawaena o na lahui like ole ma ko Hawaii Pae Aina.
PAUKU 4. Ma ka hoomaopopo ana i ka manao maoli I hoopukaia ai kekahi mau olelo, kakau ia ai a paiia ai paha, a i hoolahaia ai kekahi palapala, a i oleia i hanaia ai kekahi aelike ana, he hoalaala kipi ia a aole paha e manaoia kela a me keia kanaka ua manao maoli no oia e hanaia a e loaa mai ana na hopen e ukali mau ana i kana mea i hana ai, a i oleia i kana mea i olelo ai a hoolaha ai ma ia manawa a malalo o na mea ana i olelo ai pela, hoolaha ai a i hana ai.
PAUKU 5. O kekahi mea i hoahewaia no kekahi mikamina malalo o keia Kanawai e hoopai ia oia ma ka hoopaahaoia ana ma ka hana oolea no ka manawa e oi ole ana i ka elua makahiki, a i oleia ma ka uku hoopai aole e oi aku mamua o hookahi tausani dala.
PAUKU 6. E loaa no ka mana like i na Lunakanawai Apana a me na Lunakanawai Kaapuni e hookolokolo mua a hooholo i na hihia e ulu ae ana malalo o keia Kanawai.
PAUKU 7. E lilo keia Kanawai i mea mana mai kona hoolahaia ana aku. Aponoia i keia la 30 o Ianuali, M.H. 1893. (Kakauinoaia.)
SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia.) J.A. KING, Kuhina Kalaiaina
KANAWAI 9
E PILI ANA I KA LAWE ANA MAI I NA PU A ME NA LAKO KAUA A ME NA MEA PA-HU.
E hooholo ia e ka Aha Hooko a me ka Aha Kuka o ke Aupuni Kuikawa o ko Hawaii Pae Aina.
PAUKU 1. O ka lawe ana mai iloko o ko Hawaii Pae Aina i na pu, na lako kaua, ka dainamite, giant powder a me an mea pahu e ae o ia ano koe wale no e ke Aupuni, ma keia ua papa lao ia; eia no nae, ua hiki no i ka Aha Hooko ke manao lakou he pono e ae aku e laweia mai ia mau waiwai ma ke noi ia ana pela, malalo nae o ka uku ana i na dute i kauia e ke kanawai ma ia mau mea.
PAUKU 2. E mana keia Kanawai mai kona la aku e hoolahaia ai. Aponoia i keia la 30 o Ianuali M.H. 1893. (Kakauinoia)
SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia) J.A. KING, Kuhina Kalaiaina.
KANAWAI 10
HE KANAWAI E PILI ANA I NA HANA HOOWAHAWAHA.
E hooholoia e ka Aha Hooko a me ka Aha Kuka o ke Aupuni Kuikawa o ko Hawaii Pae Aina.
PAUKU 1. O na Aha Hooko a me Kuka e noho pu ana, e loaa no ia laua ka mana e hoopai aku ma ka hoopaahao ana no ka manawa i oi ole ae mamua o kanakolu la, i keia a me kaia mea i hana i na hana hoohaahaa i ua Aha ia mamuli o ka hana ana i kekahi hana hoohaunaele a hoohaahaa paha, a i ole ia nana i hoohala i na hoike oiaio ole e pili ana i na hana o ka Aha i oleloia, a i ole ia na olelo hoinino a hoohaahaa e pili ana i ua Aha la; a i ole ia ua hoopuka i na olelo hooweliweli hana ino i ke kino a waiwai paha o kekahi o kona mau lala no kekahi mea i oleloia a i hanaia paha iloko o ka Aha Kuka; a i ole ia nana i hoeha a hoao e hoeha aku i kekahi o lakou no ia mea; a i ole ia nana i hoeha a hopu paha i kekahi hoike a mea e ae paha i kauohaia e hele aku imua o ia Aha oiai e hele ana oia ilaila a i ole ia e hoi ana mai laila mai, a i ole ia, nana i hoopakele i kekahi mea i hoopakaia maloko o ke kauoha o ia Aha.
PAUKU 2. E mana keia i Kanawai mai kona hoolahaia ana. Aponoia i keia la 31 o Ianuali M.H. 1893. (Kakuinoaia) SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia) J.A. KING, Kuhina Kalaiaina.
KANAWAI 4
HE KANAWAI E PILI ANA I KA HOOHOLOIA ANA O NA KANAWAI.
E hooholo ia e ka Aha Hooko a me Aha Kuka o ke Aupuni Kuikawa o ko Hawaii Pae Aina.
PAUKU 1. E lawelawe pu ka Aha Hooko me ka Aha Kuka ma ka hana ana i na hana kau kanawai; a o ka Lunahoomalu o ka Aha Hooko oia no, mamuli o kona oihana, (ex-officio) ka Lunohoomalu o ia Aha Kau Kanawai.
PAUKU 2. O na Bila Kanawai a pau i hooholoia e ia Aha Kau Kanawai i mea e mana ai lakou ma ke ano he Kanawai, e kakau inoa ia e kaPeresidena a me hookahi lala o ka Aha Hooko. Ina aole i kakau inoa ia kekahi Bila Kanawai e like me ia i olelo mua ia ae la iloko o elima la mai ka manawa i waihoia aku ai imua o ka Peresidena alaila e lilo no ia i Kanawai ma ia manawa. Aka ma ua hoihoi aku ka Peresidena i ua Bila Kanawai la i ua Aha Kau Kanawai la mamua ae o ka pau ana o na la elima me ke kakau inoa oleia, me kona mau kumu o ka hoole ana, i kakau inoa puia e elua mau lala e ae o ka Aha Hooko, aole no e lilo ia i Kanawai, ina aole e hapai houia k anoonoo ia ana iloko o elima la mahope iho o ia hoihoi houia ana ae e like me ia i olelo mua ia ae nei a hooholo ia ma ke koho ana o eiwa lala o ia Aha Kau Kanawai i hui ole ia me na lala o ka Aha Hooko.
PAUKU 3. E mana keia Kanawai mai kona hoolahaia ana aku. Aponoia i keia la 21 o Ianuari, M.H. 1893. (Kakauinoaia,)
SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia,) J.A. KING, Kuhina Kalaiaina.
KANAWAI 5
HE KANAWAI E PILI ANA I KA INOA O KE AUPUNI O KO HAWAII PAE AINA.
E hooholo ia e ka Aha Hooko a me ka Aha Kuka o ke Aupuni Kuikawa o ko Hawaii Pae Aina.
PAUKU 1. Ma keia ke kukala ia aku nei o ka inoa o ke Aupuni o ko Hawaii Pae Aina oia no ke Aupuni Kuikawa o ko Hawaii Pae Aina. Aponoia i keia la 21 o Ianuali, M.H. 1893. (Kakauinoaia,)
SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia,) J.A. KING, Kuhina Kalaiaina.
KANAWAI 6
E HOOPAU LOA AI I KE KANAWAI E HAAWI ANA I KA PONO E KUKULU A MALAMA I AHA LULU” I APONOIA MA KA LA 13 O IANUALI, M. H. 1893.
E hooholoia e ka Aha Hooko a me ka Aha Kuku o ke Aupuni Kuikawa o ko Hawaii Pae Aina.
PAUKU 1. O ke Kanawai i ka paia “He Kanawai e haawi ana i ka Pono Kukulu a Malama i Aha Lulu,” i aponoia ma ka la 13 o Ianuali, M. H. 1893, ma keia ke hoopau loa ia nei.
PAUKU 2. E lilo keia i Kanawai i mea mana mai kona ia aku e hoolahaia ai. Aponoia i keia la 25 o Ianuali, M. H. 1893.
SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia,) J. A. KING, Kuhina Kalaiaina.
Keena Waiwai, Buro Hale Date, Honolulu, Ian. 27, 1893.
Ua hookohuia aku o M. N. Sanders i keia la i luna kiai awa no ke awa o Honolulu a me ka apana ohi date o Oahu, ma kahi o A. N. Tripp i waiho mai.
A. S. CLEGHORN, Luna Date Nui. Apono ia: P. C. JONES, Kuhine Waiwai.
OLELO HOOLAHA.
Ke hoolaha ia aku nei ka lohe, ua hookohu ia o WILLIAM GEORGE ASHLEY i keia la i @amuku no ko Hawaii Pae Aina.
WILLIAM O. SMITH, Loio Kuhina. Honolulu, Ian. 24, 1893.
Ke hoolahaia aku nei, ua hookohu ia na Mea Mahaloia JAMES A. KING a me P. C. JONES i mau Komisina no na Aina Lei Alii o ko Hawaii Pae Aina.
Eia ka Papa i keia wa, o J. A. King, P. C. Jones a me C. P. Iaukea.
Ma ke kauoha a SANFORD B. DOLE, Kuhina o ko na Aina e, Honolulu, Jan. 26, 1893.
HOOLAHA A KA PAPA OLA.
E wehe ia ana ka Keena Oihana o ka Papa OLa ma na la Sabati a me na La Kulaia mai ka hora 7:30 a.m. a hiki i ka 9 a.m., no ka haawi ana i na palapala ae kanu kupapau.
DAVID DAYTON, Peresidena. Ianuari 26, 1893.
KAHUA OIHANA O NA PUAI KOA PUAU O KE AUPUNI KUIKAWA O KO HAWAII PAE AINA.
Honolulu, Ian. 30, 1893.
Ke konoia nei na makaainana a pau, e hoike koke mai i ke kahua oihana maloko mai o na la ekolu mai keia ia aku, i na iako kaua a pau e paa ia ana e lakou a malalo paha o ko lakou malu.
Ma ke kauoha a ka Aha, JNO. H. SOPER, Alihikaua.
OLELO HOOLAHA
O Ariona Hale, mahope iho o ka Hale Mele Hou, ke hoolilo ia nei i wahi lawelawe hana no ka Aha Hookolokolo Kiekie a me ka Aha Hookolokolo Kaapuni Apana Ekahi.
Ma ke kauoha a ka AHA HOOKO.
I kulike ai me ka hoolaha mamua ae, nolaila e lawelaweia ana na hana o ka Aha Hookolokolo Kiekie a me ka Aha Hookolokolo Kaapuni Apana Ekahi ma Ariona Hale, ahiki i ka wa e hoike hou ia aku ai.
A. F. JUDD, Lunakanawai Kiekie o ka Aha Hookolokolo Kiekie. Honolulu, Ianuari 22, 1893.
Ua kohoia o Mr. C L Carter i lala no ka Aha Kuka ma kahi o F.J. Wilhelm, i waiho mai, a o C.M. Cooke, W.F. Allen, H.E. Cooper a me Alexander Young, ua koho ia lakou ma na wahi o W.C. Wilder, W.R. Castle, L.A. Thurston a me C.L. Carter, i waiho mai.
Ke kukulu ia nei ke Aupuni Kuikawa e like me kela malalo iho:
AHA HOOKO
S.B. Dole, Peresidena o ke Aupuni Kuikawa o ko Hawaii Pae Aina a me Kuhina o ko na Aina E.
J.A. King, Kuhina Kalaiaina.
P.C. Jones, Kuhina Waiwai.
W.O. Smith, Loio Kuhina.
AHA KUKA
W.G. Ashley, Andrew Brown, F.W. McChesney, James F. Morgan, Charles M. Cooke, S.M. Damon, J.A. McCandless, John Emmeluth, F.D. Tenney, C. Bolte, W.F. Allen, Henry Waterhouse, Alex Young, H.E. Cooper.
AHA HOOKO
NA LETA
Aole o makou makemake @ @@@@ i ke ko@ko o na hala no na manao i hoopuka @@ malalo o keia poo@@ @@ makou @@@ mea kakau .
Ke Komite Haipule
E ka Lunahooponopono:
Owai keia J. Alapai Kakauolelo a ko Komite Haipule? He Papa anei a i ole he Bihopa paha maluna o Hawaii e manao nei he mana kona e kuahaua i mau la hookeai a haipule? No ke aha kona mea i koho ai i ka Poaha aole hoi ka Poalima, ka la hoi e malamaia nei e na haipule he nui wale. He aoao hoomana hou anei ke komito haipule? Ua lohe loa ia me ka hunahuna ole he elua akua o keia kakauolelo, hookahi aia iluna i ka lani a o kekahi ho unihipili eia ilalo nei o ka honua. Ke oleloia nei he hui hoomanamana maoli.
O ka Holohope, oia hoi ka nupepa a ka poo hoopae opiuma, Loteri a me ke sifa, a e hoikeike mai nei i ka hana a ka awa, ke ano haipule loa mai nei oia i keia mau la. Aka, ua heluhelu au iloko o ka Baibala, “Aole e hiki ia oe ke malama i ke Akua me ka mamona pu,” a ma kekahi wahi e ae hoi e olelo ana, e holoi oukou, e hoomaemae, e waiho aku i ka oukou hana hewa ana mai ko’u alo aku, e kapaeaku i ke kipe, ka ona, ka pili waiwaia me ka hoomanamana a o kokua mai na o Iehova ia oukou. Na Iehova no i kokua ia Hawaii nei i na la i hala, a Nana no iloko o Kona mana ike ole ia i lawe mai i keia hookahuli. Ke alakai nei oia ia kakou ma ke alanui a kakou i ike ole ai, e liko me kana i alakai ai i ka Isaraela. E manao ana aku kakou, ke alakai aku nei oia i ka malamalama a pomaikai oi ae a kakou e hauoli ai, ke mihi oiaio kakou i ko kakou mau hewa, e like me na kanaka o Nineva ma ka Iona haiolelo ana.
Ua Hookipala aku me ka Hanohano.
I ka hora 2 a oi iki o ka auwina la Poalima i hala, Febernari 3, ua holo makikai aku iluna o ka mokukaua Amerika Bosetona o Hon. Sandford B. Dole, Peresidena o ke Aupuni Kuikawa o ko Hawaii Pae Aina, i ukalila e ka Loio Kuhina ka Hon. W.O. Smith a me kekahi mau lala elua o ka Aha Kuka a me ke Kakauolelo o ke Keena o na Aina E.
Ua haalele iho ka huakai i ka uwapo o Burua Ma, kau iho la iluna o ka waapa mokuahi o ka Bosetona a hookele ia aku ia no kahi a ka manuwa e hekau mau nei, me ka hae Hawaii e kau ana ma ka ihu o ka waapa. I ka waapa i pili aku ai ma ka aoaoa o ka moku, ua pii ae la ka hae Hawaii iluna o ke kia waena a emoolle paapaaina mai la na pu aloha he 22 no ka hanohano o ka Peresidena.
Ua noho ka Peresidena a me ka huakai iluna o ka moku no ekolu hapaha hora. A mawaena o na luana ana, ua inu ia ke ola o Peresidena Dole, a i kukai no ka inu ia ana o ke ola o ka Peresidena o Hawaii, ua noi ae ola e inu no ke oia o ka Peresidena o Amerika Huipuia; a ua kikeia me ka hauoli.
I ka wa a ka Persidena a me ka huakai i haalele aku ai i ka moku, ua haawi hou ia mai he 21 pu aloha no ka Peresidena.
I ka hora 7:40 ahiahi o ka la 6 o Feberuari nei, ma Kauluwela, Honolulu nei, ua kiko mai la ka make ia Mrs. Nahua Waiwaiole a kaili aku la i ka hana ola o ke 37 a keu o kona mau makahiki. O waiawa, ma Ewa kona one hanau. He makuahine ohana ka mea i make no kawahine a @@on A. Kauhi.