Ka Nupepa Kuokoa, Volume XXXII, Number 17, 29 April 1893 — Na Luna Aupuni Kupono Ole. [ARTICLE]

Na Luna Aupuni Kupono Ole.

I kela pule keia pule, e hoea mau mai ana na lono no ko kekahi mau iuna aupuni hoao a pekapeka maoli e kue i ke Aupuni Kuikawa e ku nei, a ao maoli aku aole e pouo ke kumuhana hoohui aina me America Huipuia. Ua lohe maopopo mai makou, aia kekahi mau luna aupuni ma Maui, Hawaii, Kauai a ma Oahu nei no hoi e ku nei me ka hookamani i makaukau e kumakaia ike aupuni. O na luna aupuni o keia aluka, ho mea pono e kipaku ia lakou mai ka oihana ae me ka hoohakalia ole, ina ia he kanaka maoli a ano lahui e ae, no ka mea aole e pono ke hookipa i na kipi maloko o kahi hoomoana. A o ka poe e kipaku ia ana ma ia ano, aole he mea nana e ahewa.