Ka Nupepa Kuokoa, Volume XXXII, Number 23, 10 June 1893 — Page 3

Page PDF (2.15 MB)

This text was transcribed by:  Uilani Paalua Campana
This work is dedicated to:  William H. and Ruth L. Paalua

Ka Nupepa Kuokoa

KE KILOHANA POOKELA NO KA LAHUI HAWAII.

 

HUI ALAHAO ME AINA O OAHU

MANAWA HOLO.

@i a Mahope aku o Iune 1, 1893.

NA KAA AHI

NO HONOLULU

 

                               B       B      A       D 

                              a.m.    p.m.    p.m      p.m.

@@ ele ia Honolulu         8:45    1:45    4:35     5:10

@@ ele ia Manana           9:30    2:30    5:10     5:36

@@ i Honouliuli             9:57    2:57    5:36     6:22

 

NO HONOLULU

 

                                C       B      B       A

                               a.m.     a.m.    p.m.    p.m.

@  ele ia Honouliuli          6:21    10:43   3:43    5:42

@  ele ia Manana             6:55    11:15   4:15    6:10

@@ i Honolulu               7:30    11:55   4:55    6:45

 

A No na Poeono wale no

B Ko kela ame keia la

C Koe na ia Sabati.

D Koe na Poaono.

 

@NU HOU HAWAII.

Ma ka auina la Poakahi, Iune 12, e paani ai na paali konipopo Kamehameha me Crescent.

 

E hoike ana ke Kulanui o Oahu ma ko lakou kahua imi naauao, i keia Poalima aku, Iune 16.

 

O Hawaii me Kamehameha na moho mokomoko o ke kahua kinipopo i keia Poaono, Iune 10.

 

Ua waiho o kauka J. S. McGrew i kona noho ana i Lunahooponopono nui no ka nupepa namu Hoku.

 

Ke kaheawai la ka Hoohui Aina ma Kau, Hawaii, he 145 inoa i kakau.  O na ‘hawae’ io wale no a pau kai kakau.

 

O na make o Honolulu nei no ka hebedoma hookahi e pau ana i Iune 4, he 9 mau Hawaii, 2 mau Pake a me 1 Beritania.  Huina 12.

 

E unuhi ia aku ana ka mokuahi Monowai mai kona makalua ae e holoholo nei, a e pani ia ana kona wahi e ona mokuahi 4,000 tona ka nui.

 

Ke loheloheia mai nei e makemake ana ke Kolonela Spreckles e hoopalahalaha aku i ke kanu ko ana ma ka mahiko o Kilauea, Kauai, i keia mua iho.

 

Ua hookohuia ae nei ka mea mahaloia Williama O. Smith i Komisina no na Aina Leialii o ko Hawaii Pae Aina, ma kahi o Mr. Theo. C. Porter i waiho mail.

 

E noho ana ke kau kiure kaapuni apana ekolu ma Honokaa, Hamakua, Hawaii, i ka la 5 aenei o Iulai, a na lunakanawai S. L. Austin e noho kahu mai ana.

 

A keia Poaha aku, Iune 15, e malama ia ai ka hoike makahiki o ke Kula Kamehameha.  Ke kono ia nei na makua a me na hoaloha o ka naauao, e hele ae e ike kumaka.

 

Ke upu aku nei ke kumuluna o ke kula Kamehameha Rev.  W. B. Oleson, e kau maluna o ka mokuahi nui holo China i ka la 19 ae nei o lune, a hoi aku no Amerika Huipuia.

 

Ma ka Poalima o ka pule i hala, Iune 2, ua huki ia ae ka Hae hawaii maluna o ka halealii, me ka manao o na makaainana e hoihoi ia ae ana ka Moiwahine, aole nae pela ka oiaio.

 

Ua haawi manawalea mai o J. T. Waterhouse i ke Kahu Ekalesia o Ewa, e lawelawe ia na hana pili hoo mana kristiano ma ka luakini hou loa i kukulu ia iho nei ma Palea, Manana kai, Ewa.

 

I ka hora 9 o keia kakahiaka, Iune 10, e malama ia ai ka hoike hui o na Kula Sabati o Oahu nei maloko o ka luakini o Kawaiahao.  Ua kono ia ka lehulehu e hele ae e ike i keia hoike nui.

 

O ka haole nona ka inoa J. Richards i hopuia ai ma ka hale hookipa o Kahapaakai, Nuuanu, no ka hewa kuai rama me ka laikini ole, ua hookolokolo ia i ka Poakolu nei a ua hoopaiia i $200 me na koina.

 

O ka nui o na mai lepera ma ke paualaau o ka ehaeha a kauka Goto i wae ai a hookaawale nokona lapaau ana, penei no ia:  he 42 ma ka home Bihopa, he 30 ma ka halemai a me 19 mau mai mawaho ae, ua like me 91.

 

Ua wawa ia ma keia kulanakauhale i keia mau la, ua koi aku nei na agena o ka Hui Mahiko Kuikahi Panailike ma Honolulu nei, oia o W. G. Irwin & Co., e hookaa ia mai ka aie o ka mahiko ma ka la hope o keia malama.

 

E kaa ana ka La Hoomanao o Kamehameha ma ke Sabati, Iune 11, aka o ke kulaia ua waiho ia a ma ka Poakahi iho.  Aole mau hookelakela o ka la e ike ia aku nei.  Malia o ka la hope loa paha keia e hoomanao ia ai.

 

I ka hora 6:30 kakahiaka Sabati nei, Iune 4, ma Alanui Emma, Honolulu nei, ua kii ia mai ia e ka make mahope o ke kaa mai ana no elua hebedoma, ke kamalei kane aloha a ko makou mau hoaloha oiaio Mr. a me Mrs. H. Kaia, i ka umi o na makahiki o kona ola ana.  Me ka paumako makou e komo pu aku nei me na makua iloko o ko laua wa luuluu.

 

Ma ka halawai o na Aha Hooko a me Kuka i malama ia no ka manawa mua loa maloko o ke Keena Kalaunu o Halealii Iolani, a e kapa ia nei mai keia wa aku ke Keena Ahaolelo, ua noho mai o J. P. Mendorea ka hoa hou o ka Aha Kuka.

 

Ua hoopauia i ka Poaono, he ehiku keiki puhi ohe Hawaii a me elima mau Pukiki mai ka puali aku o ke aupuni.  He 10 i hoopauia no ka maamaalea ole, a he elua no ka hoolohe ole.  No keia kumu i hoouna ia ai e kii i Kaleponi i 12 haole puhi ohe.

 

Ua hoopahia o Mr. C. Gertz ka haole malama halekuai kamau, e ka lunakanawai apana o Honolulu i ka Poaono i hala, no ka hewa hoopae opiuma, he eono malama hoopaahao a me $500 uku hoopai.  Ua hoohalahala hou ka mea i hoopiila i ka aha kaapuni.

 

Ua holo hou aku no ka mokuahi Waila i ke ahiahi Poalua nei no kona mau awa ma Maui, a ke hoi mai oia i keia Sabati ae, alaila e hoomaha ana.  No ka mea, e pili aku ana oia i keia hebedoma aku e hana hou ia ai iluna o ke alahuki moku.  A ma ka Poalua Iune 20, e pani ana oia i ko ke Kinau mau awa holo mau.

 

Ua hopoia i ka Poaono i hala, he kane a he wahine Hawaii ma na wahi like ole o Honolulu nei, no ka malama opiuma.  O S. W. Mahelona, no ka loaa ana aku o elima mau tini opiuma ma kona kaa; a o Waioahukui, no ka loaa ana aku o eono mau tini opiuma ma kona malu.  Ke komo kino nei anei na Hawaii i keia hana?

 

Ua hoi mai ka mokukaua Amerika Bosetona i ka auina la Poakolu nei, mai kana huakai aloalo kai a hooheno i kona mau lako kaua mai ka aoao makani aku nei o Oahu, a eia oia ke ku nei ma kona wahi mau i hekau iho nei no ka wa loihi.  Ua hoihoi hou ia ae nei ka hae o Adimarala Skerrett a ke welo mai nei i ka wekiu o kona kia hope.

 

Ua manawale i ae nei ka haole puuwai hamama a lokomaikai nui wale Hon.C. R. Bishop, he $10,000 ma na mahele hui hoopukapuka, i ka Papa Hawaii.  Ua mahui malu loa ia, he huina keia i upu ia e haawi i ka Papa Hawaii ma ka wa e pau ai ka hanu ola, aka ua awiwi ee mai nei nae oia i ka panee i o la honua.  Nui no ka lokomaikai o keia kamaaina.

 

Ke kono mai nei ka Papa Ola i ka poe mea paiai, no ka hoolawa ana aku i na mai lepera ma Molokai no elua mau makahiki mai Augate 20 aku, e waiho ae i ka lakou mau koho i ka Papa Ola no na palai mai ka 500 a 1000 o ka hebedoma ma ka 21 paona io o ke paiai hookahi, me ka halihali pu a hiki i Kalaupapa.  O ka 12 o Iulai, ka manawa e wehe la ai a nana na koho a kela me keia e waihoia aku ana.

 

Ua komo kolohe ia i ka po Poakolu, ka halekuai kukaa o ka hui o F. A. Scheaefer & Co., e ku nei ma ke kihi o na huina alanui Kalepa a me Kaahumanu, hookahi wale no hale mawaena o Kuapapanui a me keia halekuai, a ua aihue ia he eha mau dala liilii nahaha mai loko mai o na ume i kuekaa ia i ka huli.  Ua manao ia maluna iho o kaupoku ke komo ana.  Ke uwai ia aku nei ka aihue a imua o na maka o ka Ilamuku.

 

Ma ka Poaono aku nei i hala, Iune 3, ua pani paa ia ae ma ke kakia ana me na kui hao, na puka o ka luakini o Wainee, Lahaina a ule na puka pa, e na puuwai eleele M. Makalua a me R. H. Makekau, kekahi mau hoahanau i oki ia mai ka ekale4sia aku.  Ma ke kakahiaka Sabati ae, ua wehewehe ia e A. L. Kamanu kela mau mea paa a ka enemi i hana ai mamuli o ko kauoha a Daniela Kahaulelio.  Nana no ke kolohe o ka lalama ana ae la i ka lapa manu ole.

 

Ke lohelohe ia mai nei, e hooholo aku ana ka Hui Mokuahi o Waila i kekahi o kona mau mokuahi, no ka pomaikai o ka poe lealea e holo ana i ka nana heihei o Kahului i ka la 4 aenei o Iulai, penei:  Haalele ka mokuahi ia Honolulu i ka hora 5 ahiahi o ka la 3 o Iulai a holo no Kahului, a i ka hoi ana mai, e haa lele ana ia Kahului i ka po o ka la 4 o Iulai a ku hou i Honolulu i ke kakahiaka nui o Iulai 5.  Uku ohua kapena no ka holoana a hoi mai, he $7.50 wale no.

 

Ma ka hookuku kinipopo ma ke kahua o Makiki i ka auina la Poaono i hala, mawaena o na Puali Hawaii a me Crescent, ua lilo ia Hawaii ka hulu keokeo o ka lanakila, ma ka loaa ana iaia he 12 mau puni me ka paani ole ia o ke komo ana hope loa, a i kona hoapaonioni hoi he 8 wale no puni.  He mea na ke anaina i haohao loa ai ka make ana o ke Crescent i ka Hawaii, oiai ua oi loa ia mamua o ka Hawaii.  Eia nae hookahi no komo ana a ka Hawaii i ka manawa ehiku, hele okoa loa ana.

 

E malama ia ana ka hoike hapalua makahiki o na Kula Sabati o ka Apana o Makawao ma ko lakou hale ma Paihiihi, ma ke Sabati, Iulai 2, 1893, hora 10 a.m.  Haliimaile, haawina o Ianuari; Paihiihi, haawina o Feberuari; Haiku, haawina o Maraki; Puunene, haawina o Aperila; Paia, haawina o Mei; Huelo, haawina o Iune.  O na Kula o Waiakoa a me Keokeo, e lawe ae i hookahi haawina a ka mea hookahi o na haawina i olelo ia maluna.  Na Himeni hui, Hoku Ao Nani, Aoao 222, 87, 33, 11 a me 38.  E makaala ae na hoa..  P. N. Kahokuoluna.  

 

Ua make mai nei ma le Panalaau mai lepera i ka la 28 o Mei o A. Conlot, he kupa Farani. Ua waiho iho  oia mahope nei, he paa dala ma ka $26,000 a oi aku.  Ua hookaawale oi i $5,000 no ka Halemai Moiwahine ma ka maluna ana i na lilo no hookahi moe, no ke kahunapule Wendelin $1,000 a o ke koena – ke dala, e hoopukapuka ia, a o ka puka, e haawi ia i kona mea nona i kokua a malama, oiai oia e ola ana.  i ka wa e make oi keia kokua, e mahela ia ke dala penei:  I na kaikuahine Katolika, $1,000 a o ke koena aku, e haawi ia i ka Halemai ma Havre, Farani, kala ona i hoonaauao ia ai.  Ua noho kamaaina oia ma Hawaii nei, he iwakalua makahiki paha.

 

NUHOU KUWAHO.

Ma ke ku ana mai o na mokualii Alameda i ka auina la Poakolu aku nei a me Miowers i ke kakahiaka Poalia mai, o laua a i elua mai na Panalaau mai o ka Hema, a me ka mokuahi Monowai i ke kakahiaaka nui Poaha nei mai Kapalakiko mai, ua loaa mai ia makou na mea hou malalo iho:

 

Aia he mau helehelena o ka haunaele hou e hoea ae ana ma Somoa mawaena o na aoao alii paonioni iho o ka aina.

 

O ke kumukuai o ke kopaa ma ka lono hope loa, he 4 ½ mau keneta o ka paona hookahi. 

 

Ua hopu ia ke kapena o ka mokualii “Monowai” na Kapalakiko no ka lawe ana aku i na ohua a oi mamua o ka ke kanawai hali ohua i ae ai.  Eia nae, ua waiho aku oia he bona no $3,280 ka nui, a pela oia i hookuu ia mai ai e holo.

 

KA HOIKEIKE MA KIKAO.

Ke olelo ia mai nei, ke puka nei no ka Hoikeike nui ma Kikako, no ka mea, iloko o ka ino ke loaa nei no ka $5,000 puka o ka la mawaho ne o na rula mau o ka la.  Ma ka la 23 o Mei, o ka nui o ka poe komo uku a hiki ia ia, he 700, 129.  Ma ia la nae, he 32,555 ka nui o ka poe komo uku mai, a he 787 o lakou he poe kamalii ma ka uku hapa ke komo ana.  Ke manao ia nei, e wehe ia ana ka hoikeike ma na la Sabati.

 

AUMOKUKAUA O AMERIKA HUI.

Ua kukala ae ke Kuhina Aumokukaua hou o Amerika Haipuia Aerbert, o ke kumu alakai a ka oihana aumokukaua i keia mua iho, o ka hookuu i na aliimoku i noho kapena no ekolu mau makahiki iloko o ke aumokunaua, i loaa ai he manawa no na aliimoku malalo iho e hoomaumaa a mai ail.

 

O ka mokukaua hao ahou loa o Amerika Huipula nona ka inoa “Nu Ioaka,” na hiki aku kona holo i ka 21.09 mau mile i ka hora hookahi.  He manawal holo loa keia no na mokukaua hao.  O ka poahi o kona epaepa huila, ua like me 135 uiniu ana i ka minute me ka 170 paona maliu.

 

O ka mokukana Amerika nui pale kapakai, nona ka inoa “Monterey,”  i kapili la ma Kapalakiko a paa hoolana ia iloko ao ke kai, ke kali nei ka poe nana i kapili o ka hoao hope loa ia o ka holo o ua moku nei mahope o ke kau io ana o kona mau lako kaua, no ka mea, aia ma keia hoao ana e akaka ui ka uku ia mai o ka 25 hapa haneri i koe o ka uku kapili moku.

 

KE KUHINA AMERIKA NO MAUI.

Ma ka huakai a ka mokuahi Waila i niau aku ai no Kahului i ke ahiahi Poalua nei, ua kau pu aku ka Mea Mahaloia J. H. Blount a me kaua wahine a holo aku la no Maui.  I hele pokole aku nei no laua a hoi mai no ma keia moku.  Ua kau pu aku ma ia mokuahi o W. G.l Irwin, Rudolph Spreckels, II.  P. Baldwin a me kekahi poe e ae.

 

Ma ka uwapo ae o Peresidena Dole o ke Aupuni Kuikawa a me kekahi mau iaia o ka Aha Kuka kahi i ke ae i ke Kuhina Amerika mamua o ka holo ana aku o ku mokuahi. 

 

HE ALAPAHI NUI.

O ka hoolaha a ka Holomua i kela mau pule aku nei i hala e pili ana ia Hon. J. Kauhane i kona huli hoi ana i kona home, no kona lipioe hoohui aina, he hoopunipuni ino loa ia a ka Holomua lalau.

 

Eia ka mea hanohano o Kau, hawaii, i Honolulu nei, a ua hoole mai oia aole he oialo oia hoolaha ana a ka Holomua, o ke ano iho la no ia o keia nupepa, ho hoopunipuni, eia nae, aole he ike iki o na kanaka i ko lakou puni a noonoo iho.

 

I NA PAO PUNI HIMENI.

E KA NUPEPA KUOKOA;

ALOHA OE:

E oluolu oe e hoopuka ae i keia “Himeni anoano a ilihia,”  i unuhi ia e Miss E. W. Lyons o Waimea, Hawaii, kaikamahine ponio a Re. L. Lyons.  Oia iho keia e na makamaka puni himeni:

 

Aia ma ka Buke Himeni “Gospel Humns.”  NO. 5. Helu 124.  Leo:  Carried by the Angels.  (Lawe na Anela.)

 

@Aia o Lazaro ma ka puka’lii

Moe eha ane make no,

Kokua ole ia e ka poe waiwai,

Nana i ka wa i he ia mai.

Hui.  Lawe na Anela i ke ao maikai

Kani olioli no na leo,

Hea ‘loha Iesu komo launa pu,

Hui me na hoa’loha e.

2.  Maanei he hune heie maoli no,

Nui no na pilikia e,

Aia nae ma o la pau na eha nei,

Nui kamahao na pomaikai.

3.  Imua’e ka hoa nana iluna’e,

Hana mau no Iesu ke’lii;

Me ia no ke ola uku makamae,

Ke hea’e ka make ia kakou.

Hoopukaia e T. S. K. Nakanelua no ke Kuokoa wiwo ole.

 

NA KUMU NO KA HOOHUI AINA.

KE KULANA AUPUNI O AMERIKA.

Haku ia e D. Z. Naahielua no ka Pomaikai o na Ahahai Hoohui Aina ma Hookena, S. Eona, Hawaii, Mei 27, 1893.

Ua loaa ia’u ka hanohano e hai aku imua o oukou e oia mau hoa makaainaua aloha.  Ka poe hui i hanau ia mai he koko, he iwi a he kupa hoi no ka lepo aloha o Hawaii i ke kumuhana e pili ana i ke “Kulana Aupuni o Amerika Huila” maluna o ka ninau nui imua o ka lahui i keia mau la.  Nolaila, mamua ae o ko’u hai ana aku ia oukou i kekahi mau mea e pili ana i keia kumuhana, ke haawi e aku nei au i kko’u aloha ia oukou a pau loa; aloha oukou.

 

O ke kumu nui naua i aloko mai ia kakou e hui a kuka pu no keia kumuhana ka mea a ka lahui e wa nui i keia mau la, a i like pu hoi me na ilona e hae a e uwo mau ana, aia no ia ma o ka “hoohui aina” a me ke “aloha aina” na kahua nui elua o na poe kalai a kukulu manao i keia mau la iwaena o na aoao kue,  He mea hauoli no’u ke olelo ae, o ke Aloha Aina a me Aloha Lahui ko kakou kahua.  O ka hoohui aku me ka mana o Amerika Huiia ka nui o na pono a me na pomaikai, nolaila, he mea pono ia kakou e o’u mau hoa makaainana e kaana no kakou iho.

 

O ke Aupuni o Amerika Huipuiia i ka wa mamua aku o ka noho ana mai o na haole ili keokeo, he aupuni Moi no ia, e hookeleia ana e na Moi lehulehu.  I ke keneturia 17 ka hoopauia ana o ke Aupuni Moi, a ma ka hapa hope oia keneturia ka hoomaka ana o ke Aupuni Makaainana e kapaia nei i keia mau la he Repubalika.  E hoomaluia ana e ka Peresidena i kohoia i kela a me keia eha makahiki.  Ke ku nei ke Aupuni o Amerika Huipuia nona iho ma ke ano he aupuni holumua ma ka naauao, ka waiwai, ka ikaika a me ka nui o na kanaka.  Mamuli o ka nui o na hana hookaumaha a ke Aupuni o Enelani ke kumu i ala mai ai o ke kaua hulamahi no 7 makahiki, malalo o ka noho alakui ana o Gen.  George Washington, a i ka wa i kukala ia ai ka maluhia ua koho lakou iaia i Peresidena no lakou i kulike ai me ko lakou kumukanawai ole hoi kekahi hapa o ko kakou kalai manao o keia la.

 

E na makamaka a me na hoaloha, e ahonui iki mai oukou ia’u e kamailio pokole aku au ia kakou i na mea e pili ana i ke Kumukanawai o Amerika, nona ka olelo ia a hiki i keia la, “Ka Aina o ka Lanakila a me ka Home o ka Wiwo ole.”

 

NO KE KUMUKANAWAI.

Ua hoakoakoa la he Ahahui o na poe naauao ma Piladelepia no ka haku ana i na pauku o ua Kumukana wai la nona na pauku i hakuia 7a. a me na mahele 21@ a me na maao pilo 76c a ea kukalaia i ka la 17 o Sepatemaba, A. D. 1787.

 

I ka wa i hana ia ai keia Kumu kanawai, aia hoi, ua ike ia ka mahaelua ana o na kanaka.

 

O ka poe apono kumukanawai a me ka poe kue kumukanawai, o ka poe no lakou ka inoa mua oia ka poe i makemake nui i ke kumukanawai a e imi ana hei i na mea e hiki ai ke hoomahuahuaia ka mana o ke aupuni makaainana.  A pela pu e hooikaika ia ai a e hoolaupai ia ai ka lahui o Amerika ma ka noho ana home a mawaho aku.  O ka poe hoi o ka inoa hope, he kue loa lakou i kekumukanawai.  A ua ula mai na manao lili iloko o ka Ahaolelo Lahui, a no ka makau pu kekahi i na mana aupuni o waho mai ke ole e loaa a i ole ia, e kukulu ia i Aupuni Moi.  A ua hoopuwaia na kanaka mamuli o ka lohe ana i na haiolelo ikaika a na aoao a elua.  I ka makahiki 1788, ke apono ana o 9 mokuaina i ke kumukanawai, a i ka A. D. 1789, ke apono ana mai o ka mokuaina o Karolina Akau a me Rode Ailana, i ka A. D. 1790.

 

He 15 na manawa o ka hoololi ia ana o ua Kumukanawai la a hiki i keia la nona na pauku hoololi he 15a a me 9s.

 

E loaa no keia mau pauku o ke kumukanawai ma ka olelo Hawaii ma ke keena o ka nupepa Kuokoa, elike me ka hoolahaia ana.

 

Ia oukou e o’u mau hoa makaainana, ka poe hoi e makau nei i ka hoohui ana aku me Amerika mamuli o Kona mau kanawai, wahi a kekahi poe kalai manao mamua aku nei penei:  “Ina kakou e hua ana me Amerika, alaila, elike ana kakou me na Ilikini, a e lilo ana na hooponopono ana o ke aupuni i na haole a e hoonele ia ana na kanaka Hawaii i na pono a lakou i loaa ai mamua a me na oihana mikiala ma ka hanalima, etc.”  Ke hai aku nei au ia oukou a pau loa me ka hookamani ole.  He mau manao palaualelo ia a ka poai haawi aina o na la i hala.  Ua loaa no i kela a me keia o na kupa o Amerika ka mana kaokoa e koho maka balota o na lunamakaainana me ka nana ole ia o ke koko a me ka ili, AXV. sec. 1.  Aole no hoi i ne ia kekahi e noho kauwa kuapaa ma keia mau mokuaina a me kona mau panalaau, koe wale no ma ke ano hoopai no kekahi karaima, AXIII.  sec. 1.  Aole no hoi i ae ia ma ke kumukanawai ka hana ana a me ke kau ana o kekahi mokuaina i kanawai e hookahi ai i ka pono o na kupa o na mokuaina hui, a aole hoi e lawe i ke kuleana ole kuokoa a waiwai paha me ka hookopololei ia.  AXIV. sec. 1. He nui wale na mea hiki ke hoomaopopoia no ke kupono loa o keia mau olelo i na mea i hoike ia a me ko lakou kulana a hiki i keia wa.  A mamuli o keia kumukanawai ka loaa ana ia Amerika Huipuia ka waiwai a me ka hanohano, elike me ko kakou kumukanawai o 1887, ka mea nana i hoopomaikai i ko kakou aina mau ia hana hou ala a me kekahi mau hana mikiala e ae o ka aina.

 

KA HOLOMUA MA KA AINA.

Ua hanaia ke kuikahi me Beritania i ka la 3 o Sepatemaba, 1783, e hoakaka ana  i na palena o Amerika mai ka Moana Atelanika, ke Kaikuono o Mexico Mississipi.  O Penesilavania ka mokuaina mua loa ma ka waiho ana, a o Pittsburgh ko lakou awa ku moku mua loa a papu kaua hoi.  He me @ @hi wale iho no keia ma kekuda.  Aka A. D. 1737, ui he @@@ kela hapa nui o ka ulu@@@ Ohio, ma ke ano he @@@panalaau Akau, Kot@lana.  I ka A. D. 1819, ua komo o Mikigada ma ke ano panalauu.  Ua lila nui la aa mokuaina o Lusiana la Amerika Huipuia ma ke kuai mo la Farani mai i ka A. D. 1808.  Ua hoohuna ma ka mokuaina o Misouri i kapaia na mokuaina e pili @@ i ka moana Komohana i ka A. D. 1704-5.  Ua loaa mai o Florida mai ia Sepania mai ma ke kuai lilo ana i ka la 22 o Feb. A. D. 1819.

 

I ka wa i kukalaia ai ke Kuokoa o Amerika Huipuia o ka ili aina a pau i laoaa i kela aupuni la wa, aia he 800,000 wale no mile kuea, aka i keia wa, ua loaa mai ka waiwai a me ka palahalaha ma ka aina, e hoomaka ana mai ke kai a i ke kai, nona ka ili o 4,000,000 mile kuea.

 

KA NUI O NA KANAKA A ME NA KULANAKAUHALE.

He keneturia i hala aku la, ua ikeia o Portland me Providence, R. I., Richmond, Va., he mau wahi kauhale wale iho no ia i ua wa la.  O Springfield a me Lawrence he mau wahi wale no lalo o i ke ole ia.  O ke kulanakauhale o Lanecaseta, Pa., oia wale no ke kulanakauhale mahuahua o na kanaka i hoomaopopoia (1777) 6,000.  O ka nui o na kanaka i hoomaopopoia i ka wa o ka helu kanaka nui, he 4,000,000 a i ka wa o ka helu kanaka i a A. D. 1880, ua ike ia he 50,000,000, a i keia wa aia ko lakou huina i ke 65,000,000, noloko mai o @ o keia ke auhau ia nei kela a me keia he $2 no ka auhau kino a koe ka waiwai.  Aole i pau.

 

PALAPALA HOIKE A KE KOMITE WAE.

E PILI ANA I KA PALAPALA HOOPII HOOPAU KAHUNAPULE MAI KEKAHI MAU LUNA A ME KEKAHI MAU HOAHANAU O KAUMAKAPILI I KA AHAHUI MOKUPUNI O OAHU.

Aole ka oihana o keia komite ka noonoo ana i ka olaio a me ka olaio ole paha o na mea i oleloia ma keia palapala hoopii.  O ke kupono a me ke kupono ole paha, oia wale no ka makou kuleana e noonoo ai.

 

Mamuli o ko makou noonoo pono ana me ke akahele a me ka lokahi, eia na mea e hoike aku ai:

  1.  Aole o keia palapala hoopii ka hana o kekahi halawai ekalesia, a o kekahi halawai kuikawa paha.  Aole i hoikeia ka inoa o kekahi mea a mau mea puha, nona ke oihana e waiho mai i keia palapala imua o kelia Ahahui.  Aole kupono no keia Aha e hoakoakoa ai i keia poe i kakauinoa he nui loa a kukakuka pu me keia lehulehu.  E kupono ana no keia poe e halawai pu ai a koho i komite nona ka oihana e malama pono i kekahi palapala hoopii imua o keia Aha.
  2. He mau manao nui elua ia hoikeia ma keia palapala hoopii.  O ka mua, oia no kekahi “olelo hooholo” e hoopau ai i ka oihana kahu o Rev. J. Waiamau.  Aka nae, aole no keia poe ka mana e hooko ai i keia olelo hooholo.  Aohe kupono o keia olelo hooholo.  Eia ke ano kupono.  E halawai ana lakou a hooholo i kekahi palapala hoopii e noi ana i keia Aha e noonoo ia ko lakou mau kumu kupono i oleloia no ka hoopau ana i ko lakou kahu.  Ina paha e hoapono keia Aha i keia noi, o keia Aha ka mana e hooholo pela, a hooko i ka lakou olelo hooholo; aole he mana o ke kakauinoa ana o keia poe.
  3. Ua hoikeia no keia manao mua ho mau manao pilo Aha.  O ka manao pili mua, oia no ke kapae ana i keia kahu no ke kulike ole o na manao o keia poe me ko lakou kahu ma ka hooponopono ekalesia ana ma kekahi mau mea.  Aka nae, mamuli o ka noonoo ana o keia komite, o keia ano like ole o na manao o ke kahu a me na hoahanau, oia no ke kuleana like o kela a me keia.  Aole ia he kumu no ke kapae ana, aka nae no ka imi ana i ke ano lokahi i mea e holo pono ai ka hana a ka Haku ma keia ekalesis.  Aole hoikeia kekahi ano aluuu, hookaumaha, hoonaukiuki, pono ole o ke kahu,  O keia wale no ka ‘olelo hoohalahala, aole like kona manao me ko keia poe hoopii.  Ma ka Lani wale no e ikeia ai ka hookahi o na manao, oia hoi ka hooko loa ana i ka manao o ke Akua Mana Loa.  Aka nae, ma keia ao, ua hooholoia na hana ma ke kukakuka pu ana o na kanaka like ole o ko lakou mau manao, a hiki i ka wa e ike pono ai kela a me keia, eia kekahi haha e pono loa ai ke hooholo pu:  Aole he mea maikai ke kapae ana i kekahi hoahana no kona manao okoa; aka nae, he mea maikai ka lanakila ana oke aloha a me ka oiaio a me ka pono ma ko kakou mau hana a pau.  Ina aole makaukau kakou e noonoo i ka pono, ua nui ko kakou hewa a me ka naaupo no hoi.  Ina koho wale kakou, aole mamuli o ka noonoo ana, aole keia o ka imi ana i ka oiaio.  Aole hoi he hana aloha, ina paha ua hoowahawahaia kekahi hou me ka hoolohe ole ana i kona mau manao okoa ma ke ano kupono, oiai ua kapae wale ia no kona manao like ole.
  4. Ma ka manao pilo elua, ua oleloia, ua lawe ke kahu i kekahi mau dala me ka ae ole o ka Ekalesia a me ka Papa Kahu.  Aole i hoikeia kekahi ano lawehala ma keia lawe ana.  Ua loaa paha ka mana iaia e hana pela.  Aole i hoikeia he mau rula e papa ana i kela ano hana.  Aole he moakaka o kekahi hana hewa mamuli o keia olelo hoike.
  5. Ma ka manao pili ekolu, ua oleloia, na ke kahu mai kekahi mau olelo epa a hoopunipuni.  Aka ma, aole i hoikeia keia mau olelo epa.  He olelo waha wale no keia, me ka ole o na kumu hoolalo.  Ma na palapala hoopii e pono ke hoike mai i na olelo epa a hoopunipuni – ma na huaolelo maoli, a me ua inoa o ka poe i lohe ai, a makaukau e hooiaio ai i ko lakou manao hoahewa.  Aole hiki i keia Aha ke ae aku i na olelo hoohalahala, ina paha aole me keia mau olelo he mau kumu hooiaio kupono.  Ka olelo lehulehu ana i kekahi mea, aole ia he kumu hooiaio.
  6. Ma ka manao pili eha, ua oleloia ua aie nui ka ekalesia i ko lakou kahu, a noiaila ua makemake lakou e kapae iaia.  Oia no, ua hoike lakou i ko lakou hana hewa, a no ko lakou hewa ua makemake lakou e hoahewaia ko lakou kahu.  He hana kupulanaha keia.  Ua like me ka hoao ana e powa i kekahi mea waiwai; a no ka lanakila ole ana o keia hewa, aole e hoopai ia ka mea aihue, aka nae o ka mea waiwai, oia no ka mea e hoopaiia ai.  Pela no ina paha ua kuai mai kekahi kanaka ilihune i lole wawae nona, a hookaala aku kekahi hapa wale no o ke kumukuai a lilo no lole wawae i mau mea haumia, ua kupono anei e paipai i ka mea kalepa e hookomo i na lole haumia, a hoi hou no hoi no ka mea kuai i na dala aie i koe.  Ke manao nei ke komite aole makau na kahunapule Hawaii e kukulu i mau olelo aelike me na ekalesia, no na ekalesia e uhai wale ai mamuli o ko lakou makemake wale ana i kela manawa keia manawa.
  7. O ka manao nui elua, (oia no ka manao hope loa) he olelo hooweliweli ia, he olelo hoohenehene i keia Aha mokupuni a me ka Aha Hookolokolo o keia Aupuni.  Ke olelo nei keia palapala hoopii, ina paha aole e hookoia keia palapala hoopii, e hoole loa ana ka poe kakau inoa e hanai i ko lakou kahu.  He oiaio no aole keia palapala hoopii ka hana o ka elalesia o Kaumakapili; aka nae ua hooholo pu pela kekahi mau luna a me kekahi mau hoahanau aole e ae aku ana lakou e haawi i na dala no kona ola kahu.  Aka nae ma keia ano hana ke hookahuli nei lakou ike kumukanawai o keia Ahahui, a ke kue nei no hoi lakou i na kanawai o keia aupuni.

Aole hike i kekahi poe hoahanau, aole hiki i kekahi ekalesia ko kapae i kekahi kahu me ka ae ole ana o keia Aha.  Oia no ka rula paa O keia Ahahui.  Ma ka Buke Laweluna, oia no ke kumukanawai o ko kakou mau Ekalesi Euanelio, Mokuna IX., Pauku 5.  Ua oleloia penei:  Na ka Aha mokupuni, (aole no ka ekalesia) “he mea hiki no ke hookohu, e hoonoho, e hoohemo, a e hookolokolo i na kahunapule a me na haiolelo ko loaa na kumu kupono.”  O keia olelo hooweliweli a keia poe kakauinoa oia no ke kuahaud e kapae loa ana lakou i ke kumukanawai o keia Ahaui Euanelio.  Aole pela ka hana kupono.  He hana kipi keia.  Eia ka hana kupono, oia no ko lakou imi ana i ko lakou mea e makemake ai mamuli o na rula hooponopono hana o ka Buke Lawelima, ko kakou kumukanawai e kaupalena ana i ka mana o na kahu a me ka mana o na hoahanau.

 

Eia kekahi, ua hana karaima keia poe kakauinoa ma ka hoohui pu ana ia lakou iho mamuli o keia olelo hooholo e uhai wale i lakou olelo aelike, o ka hookaa ole ana i ka aie, he hana ia ma ke ano kue i na kanawai kivila, o ka hoohui ana i mea e hookaa ole ai i ka aie, hae karaima ia ma ke ano kue i na kanawai karaima.  Mamuli o na kanawai o keia aupuni ua hooponopono ia he alelo aolike mawaena o keia kahu a me ka Ekalesia o Kaumakapili, nona kekahi oihana e hooko ai, no lakou kekahi uku makahiki e hookaa aku ai.  Ina paha aole i hookaaia keia uku makahiki alaila, ina pela ka olelo hooholo a ka lunakanawai e pili ana i keia hihia, ua hiki i ka Ilamuku ke hopu a kuai aku i na waiwai paa o keia ekalesia i hiki iaia ke loaa na dala e lawa a e hooko ai i keia olelo aelike.  He hewa nui ia, ina paha e hoohuipuia kekahi poe e uhai wale i keia olelo aelike, na ka makai e hopu pakahi ia lakou no keia hoohui ana me keia palapala kakauinoa.

 

Nolaila, mamuli o ka noonoo ana o keia komite, eia kekahi olelo hooholo kupono a keia Aha e hooholo ai, penei:

 

Hooholoia.  (1)  Ua kupono ole keia palapala hoopii no keia Aha e lawe a noonoo.  Nolaila, (2) ua aoia keia poe hoahanau e waiho wale aku i keia palapala hoopii, kukulu i kekahi halawai kuikawa, kono i kekahi komite wae nona ka oihana e hoomakaukau ai i ka palapala hoopii kupono e waiho ai imua o kekahi halawai kuikawa o keia Ahahui mokupuni o Oahu nei no ka hookolokolo ana i keia kahu no kekahi kumu kupono i loaa ia lakou, me ka haawi mua ana i ke kope o ka palapala hoopii i ke kahu a me ka ekalesia. 

C.M. HYDE,   Komite.

J. KEKAHUNA,   Komite

M. KUIKAHI,   Komite

Honolulu, Aperila 5, 1893.

 

HOOLAHA HOOKAPU AINA.

Ke papa a hookapu loa ia aku nei ka holo ana o na holoholona o ka poe e ae maluna o na aina hanai holoholona o’u ma Piihonua a me ka hapa mauka o Humuula, Hilo, Hawaii, a ke kanoha ia aku nei e hoonee aku i na holoholona me ka hookauiua ole, a i aole, e hoopii ia no e like me ke kanawai.  J. T. Baker 2365-tf  Hilo, Hawaii, Mar. 31, 1892.

 

HOOLAHA HOU.

HOOLAHA A KA LUNAHOOPONOPONO WAIWAI.

O na poe a pau he mau koina ka lakou i ka waiwai o Iosia Keawe i make, o Niamalo, Lihue, Kauai, ko Hawaii Pae Aina, e hoouna koke mai ma ka @@@ kupono ia i ka mea nona ka inoa @@@ iho, ka mea (hoo@@) a ka i luna hooponopono waiwai no ka waiwai o ka mea i make maloko o na malama eono, a i ole ia, a @@@@@@@@.  A o ka poe a pau i oia ka waiwai a ke ana i make e hookaa koke mail.  Maile keawe. Lunahooponopono Waiwai o @@@Keawe.  Lihue, Kauai, Iune 3, 18@8.  @@@-t.

 

HOOLAHA HOOKO MORAKI.

Mamuli o kekahi mana kuai i hoike ia maloko o kekahi palapala moraki i hana ia mawaena o @ KAIO o ka aoao mua, a me Henry Smith Mea Malama Waiwai o ka aoao elua, ma ka ia 31 o Iulai, 1@@, i kakau kope ia ma ka buke @@aoao  @@@, a mamuli o ka uha la ana o na kumu aelike o keia moraki, oia hoi ka hookaa ole ia ana o ka ukupanee, no laila ke hoolaha ia aku nei e ka mea nona ka aoao elua o na moraki nei e hooka ana oia ia maua kuai.

 

A ke hoolaha hou ia aku nei, aia mahope aku o na pule ekolu mai keia ia aku, alaila, e hoolaha ia aku na aina i hoike ia ma la moraki no ke kudala ana, ma ke keena kudala o James F. Morgan, ma Honolulu, ma ka la @@ of Iune, 1893. hora 12 o ia la.

 

Aia ma kahi o W. R. Kakela na olelo hoakaka no keia mea.

 

Hanaia i keia ia @ o Iune, @@@@.  Henry Smith, Mea Malama Waiwai, Mea Moraki Mai.

 

Penei na aina i moraki ia:

  1. 1@ 100 eka aina ma Kahehuna, Pauoa, Oahu i hoakaka ia na kekahi palapala mahele i kope ia ma ka buke @ aoao @.
  2. 4@ eka ma Kaniwai, Pauoa, i hoakaka la iloko o ka Palapala Sila Nui Helu @@@  2@@@

HOOLAHA HOOKO MORAKI.

Mamuli o kekahi mana kuai i hoike ia maloko o kekahi palapala moraki i hana ia mawaena o Z. KAIO a me G W NAKAA o ka auao mua, a me W R CASTLE mea Malama Waiwai o ka aoao elua, ma ka ia iho Maraki.  1891, i kakau kope ia ma ka buke @@ aoao @@ a mamuli o ka uhai ia ana o na kumu aelike o kela moraki, ola hoi ka hookaa ole ia ana o ka ukupanee, nolaila, ke hoolaha ia aku nei e ka mea nona ka aoao elua o ua moraki nei o hooku ana oia ia mana kuai.

 

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o James F. Morgan, ma Honolulu, ma ka la 29 o Iune, 1893, hora 12 o ia la.

 

Aia ma kahi o W R Kakela na olelo hoakaka no keia mea.  Hanaia i keia la 8 o Iune, 1893.  W. R. Castle, Mea Malama Waiwe Mea Moraki Mai.

Penei na aina i moraki ia:

  1. 1@-100 eka ma Kahehuna, Pauoa, Oahu, i hoakakala ma kekahi palapala mahele i kopeia ma ka buke @9 aoa @@.
  2. 4@ eka ma Kapiwai, Pauoa, i hoakakaia iloko o ka Palapala Sila Nui 2589.  248@

HOOLAHA HOOKO MORAKI.

Mamuli o kekahi mana kuai i hoike ia maloko o kekahi palapala moraki hauaia mawaene o M@@ M@@ ma o ke @@ mua a me W. R. Castle Mea Malama Waiwai, ka aoao elua, ma ke la @ o Dekemaba, 1890. i kakau kopia ma ka buke 183 aoao @ a mamuli o ka uhaiia ana o na kumu aelike o kela moraki, oia hoi, ka hookaa ole ia o ka ukupanee @@ ke kumupaa, nolaila, ke hoolahaia aku nei e ka mea nona ka aoao elua o na moraki nei, o hou ko ana oia ia mana kuai.

 

A ke hoolaha hou ia aku nei, a i mahope aka o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana, ma ke keena kudala o James F. Morgan, ma Honolulu, ma ku la 29 o Iune, 1893, hora 12 o ia la.

 

Aia ma kahi o W. R. Kakela na olelo hoakaka no keia mea.

 

Hauaia i keia la 8 o Iune, 1893.  W. R. Castle, Mea Malama Waiwai Mea Moraki Mai.

Penei na aina i moraki la:

  1. He pahale me ka hale ma Kawaiahao ma Printers Lane, ola ka pua @ eha, he hapa hoi o ke Sila Nui 4362 kulmua @ ia Maeha.
  2. He apana alua loi kalo ma Puunui, nona ka ili he 540 1/3 anana, i hoikeia ma ke Sila Nui 2670 kui 11076.
  3. Ke kuleana o Mahelona ma ke Ahupuna o Kamiloloa ma Molokai, i hoikeia ma ka palapala kuai o ke aupuni Hawaii, la Louis Richard, i kopeia ma ka Buke 43 aoao 209.  2445-8

HOOLAHA HOOKO MORAKI.

Mamuli o kekahi mana kuai i hoike ia maloko o kekahi palapala moraki i hana ia mawaena o George N Shaw o ka aoao mua, a me Henry Smith Malama Waiwai o ka aoao elua, ma ka la 12 o Dekemaba, 1899.  I kakau kopeia ma ka Buke 132 aoao loa mamuli o ka uhaiia ana o ua ku’au aelike o kela moraki, oia hoi ka hookaa ole ana o ka ukupanee a me ke kumupaa nolaila, ke hooiaha ia aku nei e ka mea nona ka aoao elua @@ @ nei, e hooko ana ola la mana kuai.

 

A ke hoolaha hou ia aku nei, aia mahope aku o na pule ekolu mai keia la aku alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas F. Morgan, ma Honolulu, ma ka la 29 o Iune, 1893, hora 12 o ia la.

 

Aia ma kahi o W. R. Kakela na olelo hoakaka no keia mea.

 

Hana ia i keia la 9 o Iune, 1893.  Henry Smith, Malama Waiwai.  Mea Moraki Mai.

Penei na aina i moraki la:

Ke kuleana a pao loa o Geo. N. Shaw iloko o kela mau aina ma Kau, Hawaii, i hooliloia i ua Geo. N. Shaw nei ma ka palapala kuai o Hao (w) i kakau kopeia ma ka Buke 130 aoao 13.

1         Kul. 8853 B, ia Nawahi. @ eka ma Ninole.

2         Kui.  8794 ia Kahaku, 29-10 eka ma Ninole.

3         Sila Nui 1369 ia Hoai (w) 19 ½ eka ma Wailau.

4         Sila Nui 2153 ia Kahaku @@@ eka ma Ninole.

5         Sila Nui @@ ia Kanakalauai i @ eka @@  2445-4t.

 

KUAI O KA WAIWAI PAA A KA LUNAHOOPONOPONO ME KA PALAPALA HOOILINA I HOOPILI PU IA.

Mamuli o ka mana o kekahi kauoha i hoopuka ia e ka Aha Hookolokolo Kaa puni Apana Ekahi o ko Hawaii Pae Aina, ma ka la mua o Iune, 1893, mamuli o ka palapala noi a Bruce Cartwright lunahooponopono me ke kauoha i hoopili pu la o Eliza W Hole i make, e ae ia mai oia e kuai aku i ka waiwai paa e kuhikuhi ia nei mahope aenei a i hoomana mua ia e kuai ma ke noi a Alex. J. Cartwright i make, ka lunahooko kauoha o ka palapala hooilina hope loa a ua Eliza W Hole, a i kakau ia ma ka ia 13 o Mei, 1892, ua kauoha ia au e ua Bruce Cartwright la lunahooponopono waiwai i olelo ia, o kuai aku ma ke kudala akea ma kuu hale kudala ma Honolulu i ka Poaono, la 1 o Iulai, 1893, hora 12 awaker o ia la, i kela mau apana aina a pau e kuhikuhi ia nei malalo iho:

  1.  O kela apana aina a pau e waiho ia ma Kapuukolo, Honolulu, nona ku ili he .03 o ka oke a i kuhikuhi ia na palena ma ka Paiapala Sila Nui Helu 1936 Kuleana Hoona Aina Helu 1039 i hoolimalima ia aku ia J F Colburn no ka $120 o ka makahiki.
  2. O keia apana aina a pau e waiho ia ma Kalawahine, Honolulu, a i ike ia ka aina.  Apele, nona na palena i kuhikuhi ia ma ka Palapala Sila Nui Helu 1107 Kuleana Hoona Aina 1037.
  3. O kela apana aina a pau e waiho la ma alanui Papu, Honolulu, e noho ia nei e J J Carden ma ke ano hale ohana, a e pau aua ka hoolimalima i Mei 1894 aenei, ma ka $130 o ka makahiki.
  4. O kela apana aina a pau e waiho la ma alanui Papu. i noho mua ia e A W Clark ma ke ano hale ohana.
  5. O kela mau apana aina a pau e waiho ia ma Palama i olelo mua ia, oia ka apana i a me 2 o ka Palapala Sila Nui 2504 Kuleana Hooua Aina 2095 a me ka apana 2o ka Palapala Sila Nui 2847 Kuleana Hoona Aina 8370, eia malalo o ka hoolimalima ia Ahiu ma ke $50 uku hoolimalima o ka makahiki.

Aia ka lilo o keia mau aina maluna ae a hoolalo ia mai e ka Aha Hookolokolo Kiekie ia kuai ana.

Kuike ke dala ma ke Dala Gula o Amerika Huipuia.

Na uku hana palapala, ala i ka mea e lilo ai.

No na mea i koe e ninau ia Bruce Cartwright.  James F. Morgan, Luna Kudala. 2445-4

Honolulu, Iune 1, 1893.

 

Kauoha o Hoolaha.

Claus Spreckels kue la Kuehu (k) a me Kili (k).

 

Ke hoolahala aku nei ka lohe, ua lawe ia mai imua o’u he hoopii e Claus Spreckels e kue ana ia Kuehu (k) a me Kili (k) o ka makemake o ia hoopii, oia ka hoouiaopopo i ko ka aoao pale pono e hoomau ai i kela mana kue kanawai e oleloia nei ma ke kahawai o Wailuku ma kahi kokoke i ke poo o Kalani auwai.

 

E hooloheia ana keia hoopii imua o’u maloko o ka Hale Hookolokolo o Wailuku i ka Poakolu, Iune 28, 1893, hora 10 kakahiaka, a ma ina ia manawa a ma la wahi ke kauohaia nei ka poe ia kuleana, e hele ae a e hooia i ko lakou mau pono, a i ole ia e hooholoia aku no me ko lakou hiki oia mai.  Ke kanohaia nei o hoolahaia kekahi kope o keia hoolaha no elua mau hebedoma maloko o ka nupepa Kuokoa.  S. E. Kaiue, Komiaina o na Ala Liilii a me na Pono Wai no Wailuku, Maui.  Wailuku, Mei 27, 1898.  2444-2