Ka Nupepa Kuokoa, Volume XXXII, Number 25, 24 June 1893 — Ahu ka Hoka i Kapakai. [ARTICLE]

Ahu ka Hoka i Kapakai.

Mamuli o ka ike pili aupuni pilia ia ana mai nei o Mr. L A. Kakina 1 Kuhina Noho no ke Aupuni Kuikawa o ko Hawaii Pae Aina ma Wasinetona e Peresidena Cleveland, e pau loa ai na noonoo nonohua o ka poe anee alii no ka hoihoi hou ia ae o ka lakou kumuhinu, no ka mea ua keekeehi iho la kulana o ke Aupuni Kuikawa. Ua olepe ino loa ia aku la na luna aupuni o ke au alii a he mau luna aupuni hou wale uo o keia au ke panipani ia aku nei. Nolaila i hea aku la auanei e kau hou aku ai na maka oka poe anee alii. mahope oka hoomaopopo ana iho i ka holopono o keia mau hookohu aupuui ake au hou maluna oka Hipuhalika nui nona ka lahui i lielu ia ma ke kanaono kumamalima īnihona.