Ka Nupepa Kuokoa, Volume XXXII, Number 27, 8 July 1893 — E mau ka noho Akahele o na Hawaii. [ARTICLE]

E mau ka noho Akahele o na Hawaii.

He mea kupono e haawi ia na mahalo no ka noho malie o na kanaka Hawaii iloko o keia au o na paio kalai aupuni, aole i ike ia ka hoohaunaele, aole hoi lakou i komo pu ma na hanaohumn ino, Ua lohe makou i na inoa o kekahi poe i hoohuoi ia he poe hoa me kela mau haole i hopu ia no ka ohumu hookahuli aupuni. He nui na inoa o na iiaole a me na hapahaole, aohe inoa hookahi o ke kanaka Hawaii ponoi. me he mea la, aole i makemake na kanaka Hawaii e komo pu ma kela mau hana hoohaunaele. He minamina nae makou i ka lohe ana, ua komo pu na hoahahanau ma Lahaina iloko o na hana kohu ole i ka maluhia, Ma ka lohe ana ua haliai lakou mamuli o na olelo paipai a Bila Aila, ka mea ikaika loa ma na hana pono ole a pan o kela kau ahaolelo i hala aohe paha e liuliu ana ka manawa a e lilo keia mau hana i mea e hilahila ai lakou, no ko hoomaau ana i ko lakou kaliu aloha, aka ma keia akahele, nana i lawelawe aloha iwaena o lakou 110 na makahiki he iwakalua i hala iho nei. Ena makamaka aloha o Lahaina, aole auei e hiki ia oukou ke hoomanawanui aku i kooukou makua haipuleloa? lie pono anei ia oukou ke hoolilo i kona lokaln ole ma na manao kalai aupuni me ko oukou, i mea e inaina ai iaia? E akahele i ka huhu, e minamina i ka inoa maikai loaa ko oukou ekalesia i noho hanohano kilakila ia ma ke alakai ana o na makua misiona o liikeke a me Baluina. Mai hoolohe aku oukou i kela poe hoala i na manao kue. Ua lana ko makou manao, e malama ia ana ka inoa maikai o na kanaka Hawaii, a e ike ia o lakou ka poe akahele a me ka noho'malie. E ike ia ana ko lakou hana kanaka makua. Ke nana pono mai nei na maka oko na aina e ia Hawaii, i keia wa, eia no hoi me kakou ka elele nui o ka Peresidena Kalivalana, nana e hoike lea akn ia ia i ke ano o na mea a pau ī ike ia ma Hawaii nei. Nolaila, e akahele kakou a pau, mai hana naaupo. o lioolaha ia ka kakou mau hana nono ole.