Ka Nupepa Kuokoa, Volume XXXII, Number 28, 15 July 1893 — He mare Hanohano ma Kaukeano. [ARTICLE]

He mare Hanohano ma Kaukeano.

Ua hoopiha ia ka luakini hou hiehie o Kaukeano i ka hora 8 % ka po Poalua iho nei. e keKahi anaina i akoakoa nui ai ka poe o na kulana ma ka hiehie a ma ka waiwai, oiai hoi oloko o ka luakini, ua hoowehiwehi ia me na pua a rae na lei, o ka awai hoi, ua ku poai ia e na lala loulu o na ano like ole, a o ka ogana hoi, ua kahiko ia me na manai lei, a pela aku. 0 ke kumu i kauo ia ai keia lehulehu, oia ka makaikai kino i ka mare ia ana o kekahi mau puuwai opiopio o Honolulu nei, oia o Miss vSusan Aliee Young, kaikamahine a Mr. Alexander Young, a me Dr. R. W. Anderson.

Mahope koke iho o ke kani ana o ka wati 8, ua komo mai la ma ka puka mauka mai o alanui Beritania, na kaikamahine ku-aoao ekolu o ka wahine, oia na hoahanau Bertha a me j\ellie Young a me Miss Lita Vida, i ukali ia mai e ka wahine mare e hilinai ana maluna oka poohiwi o kona makuakane ka Hon. Alexander Young, a pela lakou i hele ai a ku mamua oka awai, kahi a ke kahunapule e kali mai ana. Ma ke ala hoi ma ka aoao mai, ua komo mai na ku-aoao o ke kane, oia o Prof. J. Q. Wood a me Benner, e ukaliia ana e ke kane mare i hele kuikui lima pu mai me Mr. W. Porter 130} r d, Hope Kauikela Amerika a hui ae la lakou iwaena. He mauawa pokole, ua lawelawe mai la o Rev. E. G.Beckwith D. D. i ka oihana o ka hoohui ana i na puuwai opio elua i hookahi a hiki ika hookuu ana. Naui a hiehie ka lole mare silika keokeo maoli a ka wahine mare i kahiko ai ma keia la hanohano o kona ola ana, oiai hoi, he nani okoa no na aahu o na ku-aoao o ka wahine. Mahope iho, ua malama ia he anaina ike i ka paa mare ma ka hale ona makua oka wahine ma o iho o Kamaki Kuea, Alanui Alii, kahi ana makua. na hoahauau, na makamaka a me na hoaloha i pahola aku ai iko lakou mau hoomaikai maluna o na mea i mare ia.